ﺧﯩﺘﺎﻱ ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﺋﻪﺧﻠﻪﺗﺨﺎﻧﯩﻐﺎ ﺋﺎﻳﻼﻧﻐﺎﻥ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺳﺎﻧﻔﺮﺍﻧﺴﯩﺴﻜﻮﺩﯨﻜﻰ ﺋﺎﻣﯧﺮﯨﻜﺎ ‏- ﺧﯩﺘﺎﻱ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﻣﻪﺳﺌﯘﻟﻰ ﮔﯘ ﺳﯜﺟﻴﻪﻥ ﺋﻪﭘﻪﻧﺪﻯ ﻳﯧﻘﯩﻨﺪﺍ ﺧﯩﺘﺎﻳﻨﯩﯔ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﻛﯩﺮﮔﻪﻧﺪﯨﻦ ﺑﯘﻳﺎﻧﻘﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ "ﻳﯧﻘﯩﻨﻘﻰ ﺑﻪﺵ ﻳﯩﻠﺪﯨﻦ ﺑﯘﻳﺎﻥ ﺧﯩﺘﺎﻱ ﺋﯩﻘﺘﯩﺴﺎﺩﻯ ﻫﻪﻗﯩﻘﻪﺗﻪﻥ ﺗﻪﺭﻩﻗﻘﯩﻲ ﻗﯩﻠﻤﺎﻗﺘﺎ. ﻟﯧﻜﯩﻦ ﺑﯘ ﺧﯩﻞ ﺗﻪﺭﻩﻗﻘﯩﻲ ﻗﯩﻠﯩﺸﻨﯩﯔ ﺋﺎﺭﻗﺎ ﻛﯚﺭﯛﻧﯜﺷﯩﻨﻰ ﻳﻪﻧﻰ ﺗﻪﺭﻩﻗﻘﯩﻲ ﻗﯩﻠﯩﺶ ﺟﻪﺭﻳﺎﻧﯩﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﺋﯧﻐﯩﺮ ﻣﻪﺳﯩﻠﯩﻠﻪﺭﻧﻰ ﺗﻮﻧﯘﭖ ﻳﻪﺗﻤﻪﺳﺘﯩﻦ، ﻗﯘﺭﯗﻕ ﭘﻪﺧﯩﺮﻟﯩﻨﯩﺶ ﺗﻮﻏﺮﺍ ﺋﻪﻣﻪﺱ. ﭼﯜﻧﻜﻰ ﻫﺎﺯﯨﺮﻗﻰ ﺑﯘ ﺧﯩﻞ ﺋﻪﻫﯟﺍﻝ ﺧﯩﺘﺎﻳﻨﯩﯔ ﺑﯘﻧﺪﯨﻦ ﻛﯧﻴﯩﻨﻜﻰ ﺗﻪﺭﻩﻗﯩﻴﺎﺗﯩﻐﺎ ﻧﯩﺴﺒﻪﺗﻪﻥ، ﻳﺎﺧﺸﻰ ﺋﺎﻗﯩﯟﻩﺕ ﺋﯧﻠﯩﭗ ﻛﻪﻟﻤﻪﻳﺪﯗ" ﺩﻩﭖ ﺑﯩﻠﺪﯛﺭﺩﻯ.

ﺧﯩﺘﺎﻱ ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﺋﻪﺧﻠﻪﺗﺨﺎﻧﯩﻐﺎ ﺋﺎﻳﻼﻧﻐﺎﻥ

ﺋﺎﻣﯧﺮﯨﻜﺎ ‏- ﺧﯩﺘﺎﻱ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﻣﻪﺳﺌﯘﻟﻰ ﮔﯘ ﺳﯜﺟﻴﻪﻥ ﺋﻪﭘﻪﻧﺪﻯ ﺳﯚﺯﯨﺪﻩ ﻳﻪﻧﻪ، ﺧﯩﺘﺎﻳﻨﯩﯔ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﻛﯩﺮﮔﻪﻧﺪﯨﻦ ﺑﯘﻳﺎﻧﻘﻰ ﺑﯘ 5 ﻳﯩﻞ ﺋﯩﭽﯩﺪﯨﻜﻰ ﺋﻪﻣﻪﻟﯩﻲ ﺋﻪﻫﯟﺍﻟﯩﻨﻰ ﺋﺎﻧﺎﻟﯩﺰ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ:

"ﺧﯩﺘﺎﻱ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﻛﯩﺮﮔﻪﻧﺪﯨﻦ ﺑﯘﻳﺎﻥ، ﺋﯚﺯﯨﻨﻰ ﺩﯗﻧﻴﺎ ﺯﺍﯞﯗﺗﯩﻐﺎ ﺋﺎﻳﻼﻧﺪﯗﺭﯨﯟﺍﻟﺪﻯ، ﻟﯧﻜﯩﻦ ﺋﯘ ﻫﻪﺭ ﻗﺎﻧﺪﺍﻕ ﻧﻪﺭﺳﯩﻨﻰ ﺋﯩﺸﻠﻪﭘﭽﯩﻘﺎﺭﻏﯩﻨﻰ ﺑﯩﻠﻪﻥ، ﻫﯧﭽﻘﺎﻧﺪﺍﻕ ﺋﯩﻠﻐﺎﺭ ﺗﯧﺨﻨﯩﻜﯩﻐﺎ ﺋﯩﮕﻪ ﺑﻮﻻﻟﻤﯩﺪﻯ. ﺷﯘﯕﺎ ﻫﺎﺯﯨﺮ ﺧﯩﺘﺎﻱ، ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﺋﻪﺧﻠﻪﺗﺨﺎﻧﯩﻐﺎ ﺋﺎﻳﻼﻧﻐﺎﻥ ﺑﻮﻟﯘﭖ، ﺑﯘ ﺧﯩﻞ ﻫﺎﻟﻪﺕ ﺧﯩﺘﺎﻳﻨﯩﯔ ﻣﯘﻫﯩﺘﯩﻐﺎ ﺯﻭﺭ ﺗﻪﺳﯩﺮ ﻳﻪﺗﻜﯜﺯﯛﺵ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، 70% ﺗﯩﻦ ﺋﺎﺭﺗﯘﻕ ﺩﻩﺭﻳﺎ، ﺋﯧﻘﯩﻨﻼﺭﻧﻰ ﭘﯜﺗﯜﻧﻠﻪﻱ ﺑﯘﻟﻐﯩﯟﻩﺗﺘﻰ، ﻫﺎﺯﯨﺮ ﺧﯩﺘﺎﻱ ﻧﻮﭘﯘﺳﯩﻨﯩﯔ ﺋﺎﺯ ﺩﯦﮕﻪﻧﺪﻩ 20% ﺋﻰ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻐﺎﻥ ﻫﺎﯞﺍ ﺋﯩﭽﯩﺪﻩ ﻳﺎﺷﯩﻤﺎﻗﺘﺎ".

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﻣﯘﻫﯩﺖ ﭘﯩﻼﻧﻰ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺩﯗﻧﻴﺎﺩﺍ ﺋﯩﺸﻠﻪﭘﭽﯩﻘﯩﺮﯨﻠﯩﯟﺍﺗﻘﺎﻥ ﻛﯧﺮﻩﻛﺴﯩﺰ ﺋﯧﻠﯧﻜﺘﺮﻭﻧﻠﯘﻕ ﺋﻪﺳﯟﺍﺏ ﻣﺎﺗﯧﺮﯨﻴﺎﻟﻰ 50 ﻣﯩﻠﻴﻮﻥ ﺗﻮﻧﻨﯩﻐﺎ ﻳﻪﺗﻜﻪﻥ. ﻫﻪﻣﺪﻩ ﺑﯘﻧﯩﯔ 80% ﺋﻰ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﮕﻪ ﻳﯚﺗﻜﻪﭖ ﺋﺎﭘﯩﺮﯨﻠﻐﺎﻥ. ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ، ﺧﯩﺘﺎﻳﻐﺎ ﺋﺎﭘﯩﺮﯨﻠﯩﯟﺍﺗﻘﺎﻥ ﺋﯧﻠﯧﻜﺘﺮﻭﻧﻠﯘﻕ ﺋﻪﺧﻠﻪﺕ ﻣﺎﺗﯧﺮﯨﻴﺎﻟﻨﯩﯔ ﺋﯚﺯﻯ 70% ﻧﻰ ﺋﯩﮕﯩﻠﯩﮕﻪﻥ.

ﺑﯧﻴﺠﯩﯔ ﺑﺎﺯﺍﺭ ﮔﯧﺰﯨﺘﯩﺪﻩ ﺑﯧﺮﯨﻠﮕﻪﻥ ﻣﯘﻧﺎﺳﯩﯟﻩﺗﻠﯩﻚ ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﺪﯨﻜﻰ ﺋﯧﻠﯧﻜﺘﺮﻭﻧﻠﯘﻕ ﺋﻪﺧﻠﻪﺗﻨﯩﯔ ﻛﯚﭘﯩﻴﯩﺶ ﻧﯩﺴﺒﯩﺘﻰ ﻳﯩﻠﯩﻐﺎ 10%ﺗﯩﻦ ﺋﯚﺭﻟﯩﻤﻪﻛﺘﻪ ﺋﯩﻜﻪﻥ ﻫﻪﻣﺪﻩ ﺑﯘ ﺧﯩﻞ ﺋﯧﻠﯧﻜﺘﺮﻭﻧﻠﯘﻕ ﺋﻪﺧﻠﻪﺕ ﻣﺎﺗﯧﺮﯨﻴﺎﻟﻼﺭ ﺗﻪﺭﻛﯩﺒﯩﺪﻩ ﺋﯩﻨﺘﺎﻳﯩﻦ ﺯﻩﻫﻪﺭﻟﯩﻚ ﻣﺎﺩﺩﯨﻼﺭ ﺑﻮﻟﯘﭖ، ﺋﻪﮔﻪﺭ ﺋﯘﻻﺭ ﻣﯘﯞﺍﭘﯩﻖ ﺑﯩﺮ ﺗﻪﺭﻩﭖ ﻗﯩﻠﯩﻨﻤﺎﻳﺪﯨﻜﻪﻥ، ﺋﻪﺗﺮﺍﭘﺘﯩﻜﻰ ﻣﯘﻫﯩﺘﻘﺎ ﺯﻭﺭ ﺩﻩﺭﯨﺠﯩﺪﻩ ﺑﯘﻟﻐﯩﻨﯩﺶ ﺋﯧﻠﯩﭗ ﻛﯧﻠﯩﺪﯨﻜﻪﻥ. ﺑﻮﻟﯘﭘﻤﯘ ﺗﯘﭘﺮﺍﻗﻘﺎ ﺑﯩﯟﺍﺳﺘﻪ ﺗﻪﺳﯩﺮ ﻛﯚﺭﺳﯩﺘﯩﭗ، ﻳﯧﻤﻪﻛﻠﯩﻜﻠﻪﺭﻧﯩﯔ ﺳﯜﭘﯩﺘﯩﻨﻰ ﺯﻭﺭ ﺩﻩﺭﯨﺠﯩﺪﻩ ﺗﯚﯞﻩﻧﻠﯩﺘﯩﯟﯨﺘﯩﺪﯨﻜﻪﻥ. ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭﻧﯩﯔ ﭘﻪﺭﻩﺯ ﻗﯩﻠﯩﺸﯩﭽﻪ، ﺧﯩﺘﺎﻳﺪﺍ ﻫﻪﺭ ﻳﯩﻠﻰ ﺋﯧﻐﯩﺮ ﻣﯧﺘﺎﻝ ﺗﯜﭘﻪﻳﻠﯩﺪﯨﻦ ﺑﯘﻟﻐﺎﻧﻐﺎﻥ ﺋﺎﺷﻠﯩﻘﻨﯩﯔ ﺋﯚﺯﻯ 10 ﻣﯩﻠﻴﺎﺭﺩ ﺗﻮﻧﻨﯩﺪﯨﻦ ﺋﯧﺸﯩﭗ، ﺑﯘﻧﯩﯖﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺑﯩﯟﺍﺳﺘﻪ ﺋﯩﻘﺘﯩﺴﺎﺩﯨﻲ ﺯﯨﻴﺎﻥ 20 ﻣﯩﻠﻴﺎﺭﺩ ﻳﯜﻩﻧﺪﯨﻦ ﺋﯧﺸﯩﭗ ﻛﻪﺗﻜﻪﻥ.

ﺧﯩﺘﺎﻱ ﻣﯘﻫﯩﺘﻨﻰ ﻗﻮﻏﺪﺍﺵ ﺑﺎﺵ ﺋﯩﺪﺍﺭﯨﺴﯩﻨﯩﯔ 21 ‏- ﺩﯨﻜﺎﺑﯩﺮ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺑﯘ ﻳﯩﻠﻘﻰ ﻣﯘﻫﯩﺖ ﻫﻪﻗﻘﯩﺪﯨﻜﻰ ﺩﻭﻛﻼﺗﯩﺪﺍ " ﺧﯩﺘﺎﻳﺪﯨﻜﻰ ﺷﻪﻫﻪﺭﻟﻪﺭﻧﯩﯔ 48 % ﺋﻰ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﯩﻨﯩﭗ ﻛﻪﺗﺘﻰ " ﺩﻩﭖ ﺗﻪﻛﯩﺘﻠﯩﻨﯩﭗ، ﺋﯜﺭﯛﻣﭽﻰ، ﻟﻪﻧﺠﯘ، ﺩﺍﺗﯘﯓ، ﺑﯧﻴﺠﯩﯔ ﻗﺎﺗﺎﺭﻟﯩﻖ 11 ﺷﻪﻫﻪﺭﺩﯨﻜﻰ ﻫﺎﯞﺍﻧﯩﯔ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﻰ ﺷﻪﻫﻪﺭ ﺧﻪﻟﻘﻨﯩﯔ ﺳﺎﻻﻣﻪﺗﻠﯩﻜﯩﮕﻪ ﺑﯩﯟﺍﺳﺘﻪ ﺗﻪﺳﯩﺮ ﻛﯚﺭﺳﯩﺘﯩﯟﺍﺗﻘﺎﻧﻠﯩﻘﻰ ﺋﺎﺷﻜﺎﺭﯨﻼﻧﻐﺎﻥ. ﺋﺎﻣﯧﺮﯨﻜﺎ ‏- ﺧﯩﺘﺎﻱ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﻣﻪﺳﺌﯘﻟﻰ ﮔﯘ ﺳﯜﺟﻴﻪﻥ ﺋﻪﭘﻪﻧﺪﻯ ﺳﯚﺯﯨﺪﻩ ﻳﻪﻧﻪ "ﺧﯩﺘﺎﻳﻨﯩﯔ، ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﻛﯩﺮﮔﻪﻧﺪﯨﻦ ﺑﯘﻳﺎﻧﻘﻰ ﺑﯘ 5 ﻳﯩﻞ ﺋﯩﭽﯩﺪﻩ، ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﯩﻨﻰ ﻗﻮﻏﺪﺍﺷﺘﯩﻜﻰ ﺋﯩﭙﺎﺩﯨﺴﯩﻤﯘ ﺋﯩﻨﺘﺎﻳﯩﻦ ﻧﺎﭼﺎﺭ ﺑﻮﻟﻐﺎﻥ. ﻳﻪﻧﻰ ﺧﯩﺘﺎﻱ ﺋﻪﺭﺯﺍﻥ ﻣﺎﻟﻼﺭﻧﻰ ﻛﯚﭘﻠﻪﭖ ﺋﯩﺸﻠﻪﺵ ﺋﺎﺭﻗﯩﻠﯩﻖ ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﯩﻨﻰ ﺩﻩﭘﺴﻪﻧﺪﻩ ﻗﯩﻠﯩﺪﯨﻐﺎﻥ ﺩﯙﻟﻪﺕ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ" ﺩﻩﭖ ﺑﯩﻠﺪﯛﺭﺩﻯ. (ﻣﯧﻬﺮﯨﺒﺎﻥ)