ﮔﻮﺭﺩﻭﻥ ﭼﺎﯓ ﺋﻪﭘﻪﻧﺪﻯ ﺧﯩﺘﺎﻳﻨﻰ ﺑﯘﻧﯩﯖﺪﯨﻦ ﻛﯧﻴﯩﻨﻜﻰ 10 ﻳﯩﻞ ﺋﯩﭽﯩﺪﻩ ﮔﯘﻣﺮﺍﻥ ﺑﻮﻟﯩﺪﯗ، ﺩﯦﮕﻪﻥ ﭘﻪﺭﻩﺯﻧﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ.

 ﺋﻪﻳﻨﻰ ﯞﺍﻗﯩﺘﺘﺎ، ﺟﻮﻫﻦ ﺧﻮﭘﻜﯩﻨﯩﺲ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺧﻪﻟﻘﺌﺎﺭﺍ ﻣﻪﺳﯩﻠﯩﻠﻪﺭ ﺗﻪﺗﻘﯩﻘﺎﺗﭽﯩﺴﻰ ﺟﻪﻣﺲ ﻣﺎﻥ ﺋﻪﭘﻪﻧﺪﻯ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﮕﻪ ﺧﯩﺘﺎﻱ ﻫﻪﻗﻘﯩﺪﻩ ﺧﺎﻡ ﺧﯩﻴﺎﻟﺪﺍ ﺑﻮﻟﻤﺎﺳﻠﯩﻖ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﻪﭖ "ﺧﯩﺘﺎﻱ ﻫﻪﻗﻘﯩﺪﯨﻜﻰ ﻓﺎﻧﺘﺎﺯﯨﻴﻪ" ﺩﯦﮕﻪﻥ ﻛﯩﺘﺎﺑﻨﻰ ﻳﯧﺰﯨﭗ، ﺑﯘﻧﯩﯖﺪﯨﻦ ﻛﯧﻴﯩﻨﻜﻰ 25 ﻳﯩﻞ ﺋﯩﭽﯩﺪﻩ، ﺧﯩﺘﺎﻳﺪﺍ ﻫﻪﻣﻤﻪ ﻧﻪﺭﺳﻪ ﺋﯚﺯﮔﻪﺭﺳﯩﻤﯘ، ﻟﯧﻜﯩﻦ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ ﻳﻪﻧﯩﻼ ﻫﯚﻛﯜﻡ ﺳﯜﺭﯛﺷﻰ، ﺋﯘﻧﯩﯔ ﻫﺎﺯﯨﺮﻗﻰ ﺳﯩﻴﺎﺳﻰ ﺳﯧﺴﺘﯩﻤﯩﺴﯩﺪﺍ ﻫﯧﭽﺒﯩﺮ ﺋﯚﺯﮔﯩﺮﯨﺶ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ، ﺩﯦﮕﻪﻥ ﭘﻪﺭﻩﺯﻧﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ.

ﻳﯧﻘﯩﻨﺪﺍ ﺋﺎﻣﯧﺮﯨﻜﯩﺪﯨﻜﻰ ﺋﻪﻧﺌﻪﻧﻪ ﻓﻮﻧﺪ ﺟﻪﻣﺌﯩﻴﯩﺘﻰ ﺋﻮﻳﯘﺷﺘﯘﺭﻏﺎﻥ ﺋﯩﻠﻤﯩﻲ ﻣﯘﻧﺎﺯﯨﺮﯨﺪﻩ، ﺑﯘ ﺋﯩﻜﻜﻰ ﻣﯘﺗﻪﺧﻪﺳﺴﯩﺲ ﻳﻪﻧﻪ ﻣﯘﻧﺎﺯﯨﺮﯨﻠﻪﺷﺘﻰ. ﺋﯘﻻﺭﻧﯩﯔ ﻣﯘﻧﺎﺯﯨﺮﻩ ﻧﻮﻗﺘﯩﺴﻰ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﻯ ﺑﯘﻧﯩﯖﺪﯨﻦ ﻛﯧﻴﯩﻨﻤﯘ ﺗﯧﺰ ﺳﯜﺭﺋﻪﺕ ﺑﯩﻠﻪﻥ ﺗﻪﺭﻩﻗﻘﻰ ﻗﯩﻠﯩﯟﯦﺮﻩﻣﺪﯗ ﻳﺎﻛﻰ ﮔﯘﻣﺮﺍﻥ ﺑﻮﻻﻣﺪﯗ، ﺩﯦﮕﻪﻥ ﺗﯧﻤﯩﻐﺎ ﻣﻪﺭﻛﻪﺯﻟﻪﺷﺘﻰ.

ﺧﯩﺘﺎﻳﺪﺍ ﺳﯩﻴﺎﺳﻰ ﺑﯩﻠﻪﻥ ﺋﯩﻘﺘﯩﺴﺎﺩ ﺋﻮﺗﺘﯘﺭﯨﺴﯩﺪﯨﻜﻰ ﺗﻮﻗﯘﻧﯘﺷﺘﺎ ﻣﯘﺭﻩﺳﺴﻪﮔﻪ ﻛﯧﻠﯩﺶ ﻗﯧﻴﯩﻦ

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺗﻮﺭﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، 2002 ‏- ﻳﯩﻠﻰ 'ﺧﯩﺘﺎﻱ ﮔﯘﻣﺮﺍﻥ ﺑﻮﻟﯘﺵ ﺋﺎﻟﺪﯨﺪﺍ' ﺩﯦﮕﻪﻥ ﻛﯩﺘﺎﺑﻨﻰ ﻧﻪﺷﺮ ﻗﯩﻠﯩﭗ ﺩﯗﻧﻴﺎﺩﺍ ﺩﺍﯓ ﭼﯩﻘﺎﺭﻏﺎﻥ ﮔﻮﺭﺩﻭﻥ ﭼﺎﯓ ﺋﻪﭘﻪﻧﺪﻯ ﺑﯘ ﺋﯩﻠﻤﯩﻲ ﻣﯘﻧﺎﺯﯨﺮﯨﺪﻩ، ﺋﯚﺯﻯ ﺧﯩﺘﺎﻳﺪﺍ ﺩﺍﯞﺍﻣﻠﯩﻖ ﻛﯚﺯﯨﺘﯩﯟﺍﺗﻘﺎﻥ ﺋﯩﻘﺘﯩﺴﺎﺩﯨﻲ ﺋﺎﻻﻣﻪﺗﻠﻪﺭﮔﻪ، ﻳﻪﻧﻰ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﯨﻲ، ﺋﯩﺠﺘﯩﻤﺎﺋﯩﻲ ﯞﻩ ﺳﯩﻴﺎﺳﯩﻲ ﺳﺎﻫﻪﻟﯩﺮﯨﺪﻩ ﭘﻪﻳﺪﺍ ﺑﻮﻟﻐﺎﻥ ﻳﯧﯖﻰ ﺋﯚﺯﮔﯩﺮﯨﺸﻠﻪﺭﮔﻪ ﺋﺎﺳﺎﺳﻪﻥ، ﺑﯘﻧﯩﯖﺪﯨﻦ ﺑﯘﺭﯗﻥ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻛﯚﺯ ﻗﺎﺭﺍﺷﻠﯩﺮﯨﻨﻰ ﻳﻪﻧﻪ ﺗﻮﻟﯘﻗﻼﭖ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ. ﺋﯘﻧﯩﯔ ﻗﺎﺭﯨﺸﯩﭽﻪ، ﺋﻪﻣﺪﻯ ﺧﯩﺘﺎﻳﺪﺍ ﺋﯩﻘﺘﯩﺴﺎﺩﻧﯩﯔ ﺯﻭﺭ ﺩﻩﺭﯨﺠﯩﺪﻩ ﺗﺎﺭﯨﻴﯩﺸﯩﺪﯨﻦ ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯗ، ﺳﯩﻴﺎﺳﯩﻲ ﺑﯩﻠﻪﻥ ﺋﯩﻘﺘﯩﺴﺎﺩ ﺋﻮﺗﺘﯘﺭﯨﺴﯩﺪﯨﻜﻰ ﺗﻮﻗﯘﻧﯘﺷﻨﻰ ﻣﯘﺭﻩﺳﺴﻪﮔﻪ ﻛﻪﻟﺘﯜﺭﯛﺵ ﻣﯘﻣﻜﯩﻦ ﺋﻪﻣﻪﺱ.

-‏ 2007 ‏- ﻳﯩﻠﻰ ﺧﯩﺘﺎﻳﺪﺍ ﺋﯩﻘﺘﯩﺴﺎﺩ ﺋﯘﺩﺍ ﺋﻮﻥ ﭘﯩﺮﺳﻪﻧﻠﻪﭖ ﺋﯚﺳﯜﯞﺍﺗﻘﺎﻥ ﺑﻪﺷﯩﻨﭽﻰ ﻳﯩﻞ. ‏-‏ ﺩﻩﻳﺪﯗ ﮔﻮﺭﺩﻭﻥ ﭼﺎﯓ ﺋﻪﭘﻪﻧﺪﻯ ﻣﯘﻻﻫﯩﺰﯨﺴﯩﺪﻩ، ‏- ﺋﻪﻣﻤﺎ ﺑﯘ ﺑﻪﺵ ﻳﯩﻠﺪﯨﻦ ﺑﯘﺭﯗﻧﻘﻰ 20 ﻳﯩﻞ ﺋﯩﭽﯩﺪﻩ ﺋﯩﻘﺘﯩﺴﺎﺩﯨﻲ ﺋﯚﺭﻟﻪﺷﻜﻪ ﻫﺎﻣﺎﻥ ﺗﺎﺭﯨﻴﯩﺶ ﻫﻪﻣﺮﺍ ﺑﻮﻟﯘﭖ ﻛﻪﻟﮕﻪﻧﻠﯩﻜﻰ ﺑﯩﺮ ﭘﺎﻛﯩﺖ. ﻣﻪﺳﯩﻠﻪﻥ، 90 ‏- ﻳﯩﻠﻼﺭﺩﺍ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﯨﺪﺍ ﺗﺎﺭﯨﻴﯩﺶ ﻛﯧﻠﯩﭗ ﭼﯩﻘﻘﺎﻥ ﺋﯩﺪﻯ، ﺋﻪﻳﻨﻰ ﯞﺍﻗﯩﺘﺘﺎ، ﺧﻪﻟﻖ ﻫﯚﻛﯜﻣﻪﺗﻨﯩﯔ ﺋﯩﮕﯩﻠﯩﻚ ﺑﺎﺷﻘﯘﺭﯗﺷﺘﺎ ﺳﺎﺩﯨﺮ ﻗﯩﻠﻐﺎﻥ ﺧﺎﺗﺎﻟﯩﻘﻠﯩﺮﯨﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﭖ 1989 ‏- ﻳﯩﻠﯩﺪﯨﻜﻰ ﺗﻴﻪﻧﺌﻪﻧﻤﯧﻦ ﯞﻩﻗﻪﺳﻰ ﻳﯜﺯ ﺑﻪﺭﺩﻯ.

ﮔﻮﺭﺩﻭﻥ ﭼﺎﯕﻨﯩﯔ ﻗﺎﺭﯨﺸﯩﭽﻪ، 1989 ‏- ﻳﯩﻠﯩﺪﯨﻜﻰ ﭘﯘﻝ ﭘﺎﺧﺎﻟﻠﯩﻘﻰ ﺑﯩﻠﻪﻥ ﺧﯩﺘﺎﻳﺪﺍ ﻫﺎﺯﯨﺮ ﻳﯜﺯ ﺑﯧﺮﯨﯟﺍﺗﻘﺎﻥ ﭘﯘﻝ ﭘﺎﺧﺎﻟﻠﯩﺸﯩﺶ ﺋﺎﻻﻣﻪﺗﻠﯩﺮﻯ ﺋﻮﺧﺸﺎﭖ ﻛﯧﺘﯩﺪﯗ. ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺳﻮﺗﺴﯩﻴﺎﻟﯩﺰﯨﻤﭽﻪ ﭘﯩﻼﻧﻠﯩﻖ ﺋﯩﮕﯩﻠﯩﻚ ﯞﺍﺳﺘﯩﺴﯩﻨﻰ ﻗﻮﻟﻠﯩﻨﯩﭗ ﺑﺎﻫﺎﻧﻰ ﭼﻪﻛﻠﻪﯞﺍﺗﺴﯩﻤﯘ، ﻳﻪﻧﯩﻼ ﭘﯘﻝ ﭘﺎﺧﺎﻟﻠﯩﻘﯩﻨﯩﯔ ﻳﯚﻧﯩﻠﯩﺸﯩﻨﻰ ﺗﻮﺳﺎﻟﻤﺎﻳﯟﺍﺗﯩﺪﯗ.

‏-‏ ﺧﯩﺘﺎﻳﺪﺍ ﻫﺎﺯﯨﺮ ﭘﯘﻝ ﭘﺎﺧﺎﻟﻠﯩﻘﯩﺪﯨﻦ ﺑﺎﺷﻘﺎ ﻳﻪﻧﻪ، ﻫﯚﻛﯜﻣﻪﺕ ﺩﯗﭺ ﻛﯧﻠﯩﯟﺍﺗﻘﺎﻥ ﺑﺎﺷﻘﺎ ﺋﯩﺘﯩﺴﺎﺩﯨﻲ ﻣﻪﺳﯩﻠﯩﻠﻪﺭ ﻧﺎﻫﺎﻳﯩﺘﻰ ﻛﯚﭖ، ‏-‏ﺩﻩﻳﺪﯗ ﮔﻮﺭﺩﻭﻥ ﭼﺎﯓ، ‏-‏ ﻣﻪﺳﯩﻠﻪﻥ، ﺋﯩﻘﺘﯩﺴﺎﺩﯨﻲ ﻣﯘﻫﯩﺘﻨﯩﯔ ﺑﯘﺯﯗﻟﯘﺷﻰ ﻫﺎﺯﯨﺮ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻘﺎ ﭘﯘﺗﻠﯩﻜﺎﺷﺎﯓ ﺑﻮﻟﯘﯞﺍﺗﯩﺪﯗ. ﻫﯚﻛﯜﻣﻪﺕ ﮔﻪﺭﭼﻪ ﭘﯩﻼﻧﻠﯩﻖ ﺋﯩﮕﯩﻠﯩﻜﺘﯩﻦ ﯞﺍﺯ ﻛﻪﭼﻜﻪﻧﻠﯩﻜﯩﻨﻰ ﺟﺎﻛﺎﺭﻟﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻳﻪﻧﯩﻼ ﺯﻭﺭ ﻣﯩﻘﺪﺍﺭﺩﺍ ﺋﯩﻨﺎﯞﻩﺗﻠﯩﻚ ﻗﻪﺭﺯ ﺗﺎﺭﻗﯩﺘﯩﭗ، ﺋﯩﻘﺘﯩﺴﺎﺩﻧﯩﯔ ﺩﺍﯞﺍﻣﻠﯩﻖ ﺋﯚﺭﻟﯩﺸﯩﻨﻰ ﺳﺎﻗﻼﭖ ﻗﯧﻠﯩﯟﺍﺗﯩﺪﯗ. ﻫﯚﻛﯜﻣﻪﺗﻨﯩﯔ ﺑﯘ ﺗﻪﺩﺑﯩﺮﻯ ﯞﺍﻗﯩﺘﻠﯩﻖ ﺋﯜﻧﯜﻡ ﺑﯧﺮﯨﯟﺍﺗﯩﺴﯩﻤﯘ، ﺋﻪﻣﻪﻟﯩﻴﻪﺗﺘﻪ ﺑﯘﻧﯩﯔ ﺋﯚﺯﯨﻼ ﺑﯩﺮ ﻣﻪﺳﯩﻠﻪ.

‏-‏ ﻫﺎﺯﯨﺮ ﺧﯩﺘﺎﻱ ﺋﯜﭼﯜﻥ ﺗﯧﺨﯩﻤﯘ ﺯﯨﻴﺎﻧﻠﯩﻖ ﺑﻮﻟﯘﯞﺍﺗﻘﺎﻥ ﻳﻪﻧﻪ ﺑﯩﺮ ﻣﻪﺳﯩﻠﻪ ﺷﯘﻛﻰ، ‏- ﺩﻩﻳﺪﯗ ﮔﻮﺭﺩﻭﻥ ﭼﺎﯓ ﺋﻪﭘﻪﻧﺪﻯ، ‏-‏ ﺧﯩﺘﺎﻳﻨﯩﯔ ﻣﺎﻟﻠﯩﺮﻯ ﻛﯚﭘﯩﻨﭽﯩﺴﻰ ﺋﺎﻣﯧﺮﯨﻜﺎ ﺑﺎﺯﺍﺭﻟﯩﺮﯨﻐﺎ ﺋﯧﻜﯩﺴﭙﻮﺭﺕ ﻗﯩﻠﯩﻨﯩﺪﯗ، ﺋﺎﻣﯧﺮﯨﻜﯩﻨﯩﯔ ﺋﯩﻘﺘﯩﺴﺎﺩﻯ ﻫﺎﺯﯨﺮ ﺋﺎﺳﺘﯩﻼﭖ ﻗﺎﻟﻐﺎﻧﻠﯩﻘﻰ ﺧﯩﺘﺎﻳﻐﺎ ﺋﯧﻐﯩﺮ ﻗﯩﻴﻨﭽﯩﻠﯩﻖ ﭘﻪﻳﺪﺍ ﻗﯩﻠﻤﺎﻗﺘﺎ. ﺧﯩﺘﺎﻳﻨﯩﯔ ﺑﯘﻧﺪﺍﻕ ﻗﯧﻴﯩﻨﭽﯩﻠﯩﻘﻘﺎ ﺩﯗﭺ ﻛﻪﻟﮕﻪﻧﻠﯩﻜﻰ ﺑﯘ ﺋﺎﻣﯧﺮﯨﻜﺎ ﺋﯜﭼﯜﻥ ﭘﺎﻳﺪﯨﻠﯩﻖ ﺑﻮﻟﻤﺎﻗﺘﺎ. ﺑﯘ ﺟﻪﺭﻳﺎﻧﺪﺍ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻳﻨﯩﯔ ﺳﻮﺩﯨﺴﯩﺪﺍ ﭘﻪﻳﺪﺍ ﺑﻮﻟﻐﺎﻥ ﻗﯩﺰﯨﻞ ﺭﻩﻗﻪﻡ ﺋﯚﺯﻟﯩﻜﯩﺪﯨﻦ ﺋﺎﺯﯨﻴﯩﯟﺍﺗﯩﺪﯗ. ﺋﻪﮔﻪﺭ ﭘﯜﺗﯜﻥ ﺷﯩﻤﺎﻟﯩﻲ ﺋﺎﻣﯧﺮﯨﻜﯩﺪﺍ ﺋﯩﻘﺘﯩﺴﺎﺩ ﺩﺍﯞﺍﻣﻠﯩﻖ ﺋﺎﺳﺘﯩﻼﭖ ﻛﻪﺗﺴﻪ، ﺑﯘ، ﺑﯧﻴﺠﯩﯖﻨﯩﯔ ﺋﯧﻜﺴﭙﻮﺭﺗﻨﻰ ﻫﻪﺭﯨﻜﻪﺗﻠﻪﻧﺪﯛﺭﮔﯜﭺ ﻛﯜﭺ ﻗﯩﻠﻐﺎﻥ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﯩﻐﺎ ﻛﺎﺷﯩﻼ ﺑﻮﻟﯩﺪﯨﻐﺎﻧﻠﯩﻘﻰ ﻣﯘﻗﻪﺭﺭﻩﺭ.

ﮔﻮﺩﻭﻥ ﭼﺎﯓ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ ﻳﻪﻧﻪ، ﺧﯩﺘﺎﻱ ﻫﺎﺯﯨﺮ ﺩﯗﭺ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺶ ﻫﻪﺭ ﻗﺎﻧﺪﺍﻕ ﯞﺍﻗﯩﺘﺘﯩﻜﯩﺪﯨﻨﻤﯘ ﻗﯧﻴﯩﻦ. ﺑﻮﻟﯘﭘﻤﯘ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﻛﻪﺗﻜﻪﻥ ﺳﻪﺭﭘﯩﻴﺎﺗﻨﯩﯔ ﺋﻮﻣﯘﻣﻰ ﻣﯩﻘﺪﺍﺭﻯ 100 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﺪﯨﻦ ﺋﯧﺸﯩﭗ ﻛﯧﺘﯩﺪﯗ، ﺗﺎﺭﯨﺨﺘﺎ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ ﺑﯘﻧﺪﺍﻕ ﺯﻭﺭ ﺳﻪﺭﭘﯩﻴﺎﺗﻨﯩﯔ ﺋﻮﺭﻧﯩﻨﻰ ﺗﻮﻟﺪﯗﺭﯗﺵ ﺧﯩﺘﺎﻳﺪﺍ ﺗﯧﺨﯩﻤﯘ ﻣﯜﺷﻜﯜﻝ. ﺑﯘﻧﯩﯖﻐﺎ ﺋﻪﮔﯩﺸﯩﭗ ﻳﻪﻧﻪ ﺑﯩﺮ ﻣﯘﻧﭽﻪ ﻣﻪﺳﯩﻠﻪ ﺑﯩﺮﻻ ﯞﺍﻗﯩﺘﺘﺎ ﭼﯩﻘﯩﺪﯗ، ﺋﯘﻧﻰ ﻫﻪﻝ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ. ﺧﯩﺘﺎﻳﻨﯩﯔ ﺳﯩﻴﺎﺳﯩﻲ ﺳﯧﺴﺘﯩﻤﯩﺴﯩﻨﯩﯔ ﺑﯘﻧﻰ ﻫﻪﻝ ﻗﯩﻠﯩﺸﻘﺎ ﻗﺎﺑﯩﻠﯩﻴﯩﺘﻰ ﻳﻪﺗﻤﻪﻳﺪﯗ.

ﺧﯩﺘﺎﻳﺪﺍ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﺘﯩﻦ ﺳﯩﻴﺎﺳﻰ ﺋﯩﺴﻼﻫﺎﺕ ﻛﯧﻠﯩﭗ ﭼﯩﻘﯩﺸﻰ ﻧﺎﺗﺎﻳﯩﻦ

ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﮕﻪ ﺧﯩﺘﺎﻱ ﻫﻪﻗﻘﯩﺪﻩ ﺧﺎﻡ ﺧﯩﻴﺎﻟﺪﺍ ﺑﻮﻟﻤﺎﺳﻠﯩﻖ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﻪﭖ "ﺧﯩﺘﺎﻱ ﻫﻪﻗﻘﯩﺪﯨﻜﻰ ﻓﺎﻧﺘﺎﺯﯨﻴﻪ" ﺩﯦﮕﻪﻥ ﻛﯩﺘﺎﺑﻨﻰ ﻳﯧﺰﯨﭗ ﺩﯗﻧﻴﺎﺩﺍ ﺩﺍﯓ ﭼﯩﻘﺎﺭﻏﺎﻥ ﺟﻮﻫﻦ ﺧﻮﭘﻜﯩﻨﯩﺲ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺧﻪﻟﻘﺌﺎﺭﺍ ﻣﻪﺳﯩﻠﯩﻠﻪﺭ ﺗﻪﺗﻘﯩﻘﺎﺗﭽﯩﺴﻰ ﺟﻪﻣﺲ ﻣﺎﻥ ﺋﻪﭘﻪﻧﺪﯨﻤﯘ، ﺋﻪﻧﺌﻪﻧﻪ ﻓﻮﻧﺪ ﺟﻪﻣﺌﯩﻴﯩﺘﻰ ﺋﻮﻳﯘﺷﺘﯘﺭﻏﺎﻥ ﺑﯘ ﺋﯩﻠﻤﯩﻲ ﻣﯘﻧﺎﺯﯨﺮﻩ ﻳﯩﻐﯩﻨﯩﺪﺍ ﺋﯚﺯﯨﻨﯩﯔ ﻛﯚﺯ ﻗﺎﺭﯨﺸﯩﻨﻰ ﺗﻮﻟﯘﻗﻼﭖ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻳﺪﺍ ﻣﻪﺳﯩﻠﻪ ﻧﺎﻫﺎﻳﯩﺘﻰ ﻛﯚﭖ، ﭘﯜﺗﯜﻥ ﻣﻪﻣﻠﯩﻜﻪﺗﻨﯩﯔ ﻫﻪﻣﻤﻪ ﻳﯧﺮﯨﺪﻩ ﺩﯦﮕﯩﺪﻩﻙ ﻫﻪﺭ ﻛﯜﻧﻰ ﻗﺎﺭﺷﯩﻠﯩﻖ، ﻧﺎﻣﺎﻳﯩﺶ، ﻗﺎﻻﻳﻤﯩﻘﺎﻧﭽﯩﻠﯩﻖ ﻳﯜﺯ ﺑﯧﺮﯨﭗ ﺗﯘﺭﯗﯞﺍﺗﯩﺪﯗ. ﺗﯧﺨﯩﻤﯘ ﺋﯧﻐﯩﺮ ﺑﻮﻟﻐﯩﻨﻰ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻧﻪﺯﻩﺭﯨﻴﯩﺴﻰ ﺋﻪﻣﻪﻟﯩﻴﻪﺗﺘﯩﻦ ﺑﺎﺭﻏﺎﻧﺴﯧﺮﻯ ﻳﯩﺮﺍﻗﻼﭖ ﻛﻪﺗﺘﻰ. ﺧﯩﺘﺎﻳﺪﺍ ﻫﺎﺯﯨﺮ ﻣﺎﺭﻛﯩﺴﯩﺰﻡ، ﻛﻮﻣﻤﯘﻧﯩﺰﻡ ﺩﯦﮕﻪﻧﮕﻪ ﺋﯩﺸﯩﻨﯩﺪﯨﻐﺎﻥ ﺋﺎﺩﻩﻡ ﻗﺎﻟﻤﯩﺪﻯ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﯚﺯﯨﻤﯘ ﺋﯩﺸﻪﻧﻤﻪﻳﺪﯗ. ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻫﺎﺯﯨﺮ ﺩﯙﻟﻪﺗﻨﻰ ﭘﻪﻗﻪﺕ ﻣﯩﻠﻠﻪﺗﭽﯩﻠﯩﻚ ﺋﺎﺭﻗﯩﻠﯩﻖ ﺧﯩﺘﺎﻳﺪﺍ ﻳﯧﯖﯩﺪﯨﻦ ﭘﻪﻳﺪﺍ ﺑﻮﻟﻐﺎﻥ ﺋﻮﺗﺘﯘﺭﺍﻫﺎﻝ ﺋﯩﻘﺘﯩﺴﺎﺩ ﺋﯩﮕﯩﻠﯩﺮﯨﻨﻰ ﻫﻪﺭﯨﻜﻪﺗﻠﻪﻧﺪﯛﺭﯛﭖ، ﺷﯘﻧﯩﯖﻐﺎ ﺗﺎﻳﯩﻨﯩﭗ ﺋﯚﺯﯨﻨﯩﯔ ﺋﻮﺭﻧﯩﻨﻰ ﻗﺎﻧﯘﻧﻼﺷﺘﯘﺭﯗﭖ ﻛﯧﺘﯩﯟﺍﺗﯩﺪﯗ. ﮔﻪﺭﭼﻪ ﻫﺎﺯﯨﺮ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺩﺍﯞﺍﻣﻠﯩﻖ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﻘﺎ ﺋﯩﻘﺘﯩﺪﺍﺭﻯ ﺑﺎﺭﺩﻩﻙ ﻛﯚﺭﯛﻧﺴﯩﻤﯘ، ﺋﻪﻣﻤﺎ ﺋﯘ ﻫﺎﺯﯨﺮ ﺋﯚﺯﯨﻨﯩﯔ ﻧﺎﻣﯩﻨﻰ، ﻧﻪﺯﻩﺭﯨﻴﯩﺴﯩﻨﻰ، ﻫﻪﺗﺘﺎ ﺗﻪﺷﻜﯩﻼﺗﯩﻨﯩﻤﯘ ﺋﯚﺯﮔﻪﺭﺗﯩﺸﻜﻪ ﻫﻪﺭ ﯞﺍﻗﯩﺖ ﺗﻪﻳﻴﺎﺭ ﺗﯘﺭﻣﺎﻗﺘﺎ.

ﺟﻪﻣﯩﺲ ﻣﺎﻥ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺟﻪﻧﯘﺑﯩﻲ ﻛﻮﺭﯨﻴﻪ، ﺗﺎﻳﻼﻧﺪ، ﺗﻪﻳﯟﻩﻥ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﺑﻮﻟﺴﺎ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﺘﯩﻦ ﺳﯩﻴﺎﺳﻰ ﺋﯩﺴﻼﻫﺎﺕ ﻛﯧﻠﯩﭗ ﭼﯩﻘﻘﺎﻥ ﺩﯙﻟﻪﺗﻠﻪﺭ. ﺑﯘ ﺩﯙﻟﻪﺗﻠﻪﺭﻧﯩﯔ ﺑﯩﺨﻪﺗﻪﺭﻟﯩﻚ ﺑﻪﻟﯟﯨﻘﻰ ﺋﺎﻣﯧﺮﯨﻜﺎ ﺑﯩﻠﻪﻥ ﺑﯩﺮ. ﺑﯘ ﺩﯙﻟﻪﺗﻠﻪﺭﺩﻩ ﭘﻪﻳﺪﺍ ﺑﻮﻟﻐﺎﻥ ﺳﯩﻴﺎﺳﯩﻲ ﺋﻪﺭﻛﯩﻨﻠﯩﻚ ﺩﻩﻝ ﺋﺎﻣﯧﺮﯨﻜﯩﻨﯩﯔ 80 ‏- ﻳﯩﻠﻼﺭﺩﯨﻜﻰ ﺑﯧﺴﯩﻤﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ. ﺋﻪﻣﻤﺎ ﺧﯩﺘﺎﻳﻨﯩﯔ ﺑﯩﺨﻪﺗﻪﺭﻟﯩﻚ ﺑﻪﻟﯟﯨﻘﻰ ﺋﺎﻣﯧﺮﯨﻜﺎ ﺑﯩﻠﻪﻥ ﺑﯩﺮ ﺋﻪﻣﻪﺱ. ﺷﯘﯕﻼﺷﻘﺎ ﺧﯩﺘﺎﻳﻨﻰ ﺟﻪﻧﯘﺑﯩﻲ ﻛﻮﺭﯨﻴﻪ ﻳﺎﻛﻰ ﺗﻪﻳﯟﻩﻥ ﻣﻮﺩﯦﻠﯩﻐﺎ ﺋﻮﺧﺸﺎﺗﻘﯩﻠﻰ ﺑﻮﻟﻤﺎﻳﺪﯗ. ﺧﯩﺘﺎﻳﺪﺍ ﮔﻪﺭﭼﻪ ﺯﻭﺭ ﺳﯩﻴﺎﺳﯩﻲ ﺋﯩﺴﻼﻫﺎﺕ ﻳﯜﺯ ﺑﯧﺮﯨﺶ، ﻫﻪﺗﺘﺎ ﮔﻮﺭﺑﺎﭼﯧﯟﺩﻩﻙ ﻳﯧﺘﻪﻛﭽﯩﻠﻪﺭ ﭘﻪﻳﺪﺍ ﺑﻮﻟﯘﺵ ﺋﯧﻬﺘﯩﻤﺎﻟﻰ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻳﺪﺍ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﺋﺎﺭﻗﯩﻠﯩﻖ ﺳﯩﻴﺎﺳﯩﻲ ﺋﯩﺴﻼﻫﺎﺕ ﻛﯧﻠﯩﭗ ﭼﯩﻘﯩﺸﻰ ﻧﺎﺗﺎﻳﯩﻦ.

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺗﻮﺭﯨﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺑﯘ ﺋﯩﻜﻜﻰ ﺧﯩﻞ ﻛﯚﺯ ﻗﺎﺭﺍﺷﻨﯩﯔ ﻣﯘﻧﺎﺯﯨﺮﯨﺴﻰ ﺩﺍﯞﺍﻣﻠﯩﺸﯩﯟﺍﺗﯩﺪﯗ. ﺋﻮﻣﯘﻣﯩﻲ ﺋﻪﻫﯟﺍﻟﺪﯨﻦ ﻗﺎﺭﯨﻐﺎﻧﺪﺍ، ﺋﺎﻣﯧﺮﯨﻜﯩﺪﺍ ﮔﻮﺭﺩﻭﻥ ﭼﺎﯕﻨﯩﯔ ﻛﯚﺯ ﻗﺎﺭﯨﺸﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﺳﺎﻧﻰ ﺋﺎﺯ، ﺟﻪﻣﯩﺲ ﻣﺎﻧﻨﯩﯔ ﻛﯚﺯ ﻗﺎﺭﯨﺸﯩﺪﯨﻜﻰ ﻛﯩﺸﯩﻠﻪﺭ ﻛﯚﭖ.