ﺧﯩﺘﺎﻱ ﻛﺎﻧﺎﺩﺍ ﻣﯘﻧﺎﺳﯩﯟﻩﺗﻠﯩﺮﯨﺪﻩ ﺑﯧﻴﺠﯩﯔ ﺋﻮﻟﯩﻤﭙﯩﻜﻰ

• ﻣﯘﺧﺒﯩﺮﯨﻤﯩﺰ ﻛﺎﻣﯩﻞ ﺗﯘﺭﺳﯘﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺩﺍﺋﯩﺮﻟﯩﺮﯨﻨﯩﯔ ﻛﺎﻧﺎﺩﺍﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﻟﯩﻨﯩﻴﯩﺴﯩﻨﯩﯔ ﺳﯩﺮﺗﯩﺪﺍ ﻗﺎﻟﺪﯗﺭﻏﺎﻧﻠﯩﻘﻰ ﻛﺎﻧﺎﺩﺍﻟﯩﻘﻼﺭﻧﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻐﺎﻧﯩﺪﻯ. ﺋﻪﻣﻤﺎ 1980- ﻳﯩﻠﯩﺪﯨﻜﻰ ﻣﻮﺳﻜﯟﺍ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﻐﺎﻥ ﻛﺎﻧﺎﺩﺍ، ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻳﻮﻟﯩﻨﻰ ﺋﻪﻣﻪﺱ،ﺑﯘ ﻣﯘﺳﺎﺑﯩﻘﯩﻨﯩﯔ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﻳﺎﺧﺸﯩﻠﯩﻨﯩﺸﯩﻐﺎ ﺗﯜﺭﺗﻜﻪ ﺑﻮﻟﯘﺷﯩﻨﻰ ﺋﯜﻣﯩﺖ ﻗﯩﻠﻤﺎﻗﺘﺎ.

ﻛﺎﻧﺎﺩﺍ ﻣﻪﺗﺒﯘﺋﺎﺗﻠﯩﺮﻯ ﺑﻮﻟﺴﺎ،ﺗﯩﺒﻪﺕ، ﺋﯘﻳﻐﯘﺭ ﯞﻩ ﻓﺎﻟﯘﻧﮕﻮﯕﭽﯩﻼﺭﻧﯩﯔ ﻫﻮﻗﯘﻗﻠﯩﺮﯨﻨﻰ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻥ ﯞﻩ ﺩﯗﻧﻴﺎﺩﯨﻜﻰ ﺩﯨﻜﺘﺎﺗﻮﺭ ﺩﯙﻟﻪﺗﻠﻪﺭﻧﻰ ﻗﻮﻟﻼﯞﺍﺗﻘﺎﻥ، ﻛﻮﻣﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﻫﯚﻛﯜﻣﺮﺍﻧﻠﯩﻘﯩﺪﯨﻜﻰ ﺧﯩﺘﺎﻳﺪﺍ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﯛﺵ- ﺋﻮﻟﯩﻤﭙﯩﻜﻨﯩﯔ ﺭﻭﻫﯩﻐﺎ ﺋﯘﻳﻐﯘﻧﻤﯘ ﻳﻮﻕ، ﺩﯦﮕﻪﻥ ﺗﯧﻤﯩﻼﺭﺩﺍ ﻣﯘﻧﺎﺯﯨﺮﻩ ﺋﯧﻠﯩﭗ ﺑﺎﺭﻣﺎﻗﺘﺎ.

ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺷﺘﻪ ﻛﺎﻧﺎﺩﺍ ﭼﻪﺗﻜﻪ ﻗﯧﻘﯩﻠﻐﺎﻥ

ﮔﯩﺮﯨﺘﺴﯩﻴﻪﺩﯨﻦ ﺑﺎﺷﻼﻧﻐﺎﻥ ﺳﯩﻤﯟﻭﻟﻠﯘﻕ ﺗﯜﺳﺘﯩﻜﻰ، ﺋﻮﻟﯩﻤﭙﯩﻚ ﻣﻪﺷﺌﯩﻟﻰ 2008 ﻳﯩﻠﻰ 8 - ﺋﺎﻳﻨﯩﯔ 8 - ﻛﯜﻧﻰ ﺑﯧﻴﺠﯩﯖﻐﺎ ﻳﻪﺗﻜﯜﺯﯨﻠﯩﺪﯗ. ﺋﻪﻣﻤﺎ ﻳﺎﯞﺭﻭﭘﺎ، ﺷﯩﻤﺎﻟﻰ ﺋﺎﻣﯧﺮﯨﻜﺎ ﯞﻩ ﺋﺎﺳﯩﻴﺎﺩﯨﻜﻰ ﻧﯘﺭﻏﯘﻧﻠﯩﻐﺎﻥ ﺩﯙﻟﻪﺗﻠﻪﺭﻧﻰ ﺑﯘ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﻟﯧﻨﯩﻴﯩﺴﯩﮕﻪ ﻛﯩﺮﮔﯜﺯﮔﻪﻥ ﺧﯩﺘﺎﻱ ﺩﺍﺋﯩﺮﻟﯩﺮﻯ، 1976 -ﻳﯩﻠﯩﺪﯨﻜﻰ ﻣﻮﻧﺘﺮﯦﺌﺎﻝ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﺳﺎﻫﯩﭙﺨﺎﻧﻠﯩﻖ ﻗﯩﻠﻐﺎﻥ ﯞﻩ 2010- ﻳﯩﻠﻰ ﯞﺍﻧﻜﯘﯞﯦﺮ ﻗﯩﺸﻠﯩﻖ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺵ ﺋﯜﭼﯜﻥ ﺗﻪﻳﻴﺎﺭﻟﯩﻨﯩﯟﺍﺗﻘﺎﻥ ﻛﺎﻧﺎﺩﺍﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﻟﯩﻨﯩﻴﯩﺴﻰ ﺩﺍﺋﯩﺮﯨﺴﯩﮕﻪ ﻛﯩﺮﮔﯜﺯﻣﯩﮕﻪﻥ.

ﻣﯘﺗﻪﺧﻪﺳﺴﯩﺴﻠﻪﺭ ﺑﯘﻧﻰ ﻛﺎﻧﺎﺩﺍ ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﺪﯨﻜﻰ ﻳﯩﺮﯨﻜﻠﯩﻜﻨﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﺪﻩ ﺋﻪﺳﻜﻪﺭﺗﯩﻠﯩﺸﻰ، ﺩﻩﭖ ﻗﺎﺭﯨﻤﺎﻗﺘﺎ. ﺑﯘ ﺳﻪﯞﻩﺑﺘﯩﻦ ﻛﺎﻧﺎﺩﺍﺩﯨﻤﯘ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺗﻪﺷﻪﺑﺒﯘﺳﻠﯩﺮﻯ ﻛﯚﺗﯜﺭﯛﻟﻤﻪﻛﺘﻪ.

ﺋﻪﻣﻤﺎ ﻛﺎﻧﺎﺩﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺧﯩﺘﺎﻳﻨﯩﯔ ﺑﯘ ﻫﻪﺭﯨﻜﯩﺘﯩﺪﯨﻦ ﺋﻪﭘﺴﯘﺳﻼﻧﻐﺎﻧﻠﯩﻘﻨﻰ ﺑﯩﻠﺪﯛﺭﺳﯩﻤﯘ، ﻟﯧﻜﯩﻦ ﺋﯘﻻﺭ ﻳﻪﻧﯩﻼ ﻛﺎﻧﺎﺩﺍ ﺗﻪﻧﻬﻪﺭﻛﻪﺗﭽﯩﻠﯩﺮﯨﻨﻰ ﺧﯩﺘﺎﻳﻐﺎ ﺋﯧﯟﻩﺗﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﻛﺎﻧﺎﺩﺍ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺑﯧﺮﻧﺎﺭﺩ ﯕﯘﻳﯧﻦ ﻛﺎﻧﺎﺩﺍ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻐﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﯩﯔ ﻛﺎﻧﺎﺩﺍ ﺋﯜﭼﯜﻥ ﻣﯘﻫﯩﻤﻠﯩﻘﯩﻨﻰ ﺗﻪﻛﯩﺘﻠﻪﭖ:"ﺑﯩﺰ ﺋﯩﺰﭼﯩﻞ ﺗﯜﺭﺩﻩ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺷﻨﯩﯔ ﺯﯙﺭﯛﺭﻟﯩﻜﯩﻨﻰ ﺗﻪﻛﯩﺘﻠﻪﭖ ﻛﯧﻠﯩﯟﺍﺗﯩﻤﯩﺰ. ﺋﻮﻟﯩﻤﭙﯩﻚ ﻳﯧﻘﯩﻨﻠﯩﺸﯩﺸﻰ ﺑﯩﻠﻪﻥ، ﺧﻪﻟﻘﺎﺭﺍ ﺟﻪﻣﺌﯩﻴﻪﺗﻨﯩﯔ ﺩﯨﻘﻘﯩﺘﻰ ﺧﯩﺘﺎﻳﻐﺎ ﻣﻪﺭﻛﻪﺯﻟﻪﺷﻤﻪﻛﺘﻪ. ﺧﯩﺘﺎﻱ ﺩﺍﺋﯩﺮﻟﯩﺮﯨﻨﯩﯔ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﺋﻪﻣﯩﻠﯩﻲ ﺗﻪﺩﺑﯩﺮﻟﻪﺭ ﺋﺎﺭﻗﯩﻠﯩﻖ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﯞﻩ ﺩﯦﻤﻮﻛﺮﺍﺗﯩﻴﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺟﻪﻫﻪﺗﺘﻪ ﺟﯩﺪﺩﻯ ﻗﻪﺩﻩﻡ ﺑﯧﺴﯩﺸﻰ -ﺧﯩﺘﺎﻳﻨﯩﯔ ﻣﻪﻧﭙﻪﺋﻪﺗﯩﮕﻪ ﺋﯘﻳﻐﯘﻥ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﻛﺎﻧﺎﺩﺍﻧﯩﯔ ﻣﻪﻧﭙﻪﺋﻪﺗﯩﮕﯩﻤﯘ ﺋﯘﻳﻐﯘﻥ،" ﺩﯦﺪﻯ.

ﺧﯩﺘﺎﻳﺪﺍ ﻳﻪﻧﯩﻼ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﻩ ﻗﯩﻠﯩﻨﻤﺎﻗﺘﺎ

ﻛﺎﻧﺎﺩﺍﺩﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﻛﺎﻧﺎﺩﺍ ﻫﯚﻛﯜﻣﯩﺘﯩﺪﯨﻦ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﯨﻜﻰ ﭘﯘﺭﺳﻪﺗﻨﻰ ﭼﯩﯔ ﺗﯘﺗﯘﭖ، ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﻰ ﻳﺎﺧﺸﯩﻼﺵ ﯞﻩ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﻳﻮﻝ ﻗﻮﻳﯘﺵ ﻫﻪﻗﻘﯩﺪﻩ ﺧﯩﺘﺎﻳﻐﺎ ﻗﺎﺭﺍﺗﻘﺎﻥ ﺑﯧﺴﯩﻤﻨﻰ ﻛﯜﭼﻪﻳﺘﯩﺸﻨﻰ ﺗﻪﻟﻪﭖ ﻗﯩﻠﻤﺎﻗﺘﺎ.

ﻛﻪﭼﯜﺭﯛﻡ ﺗﻪﺷﻜﯩﻼﺕ ﻛﺎﻧﺎﺩﺍ ﺑﯚﻟﯜﻣﯩﻨﯩﯔ ﺑﺎﺷﻠﯩﻘﻰ ﺋﺎﻟﯧﺦ ﻧﯧﯟﻩ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﻨﯩﯔ ﻛﯩﺸﯩﻨﻰ ﯞﻩﻫﯩﻤﯩﮕﻪ ﺳﺎﻟﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ:"ﺧﯩﺘﺎﻱ ﺩﺍﺋﯩﺮﻟﯩﺮﻯ ﯞﻩ ﺧﻪﻟﻘﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ 2008 - ﻳﯩﻠﯩﺪﯨﻜﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺵ ﻫﻮﻗﯘﻗﯩﻨﯩﯔ ﺑﯧﻴﺠﯩﯖﻐﺎ ﺑﯧﺮﯨﻠﯩﺸﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺋﯜﭼﯜﻥ ﺧﻮﺵ ﺧﻪﯞﻩﺭ ﺑﻮﻟﯩﺪﯨﻐﺎﻧﻠﯩﻘﻰ ﯞﻩ ﺑﯘﻧﯩﯔ ﺑﯧﻴﺠﯩﯖﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺟﻪﻫﻪﺗﺘﯩﻜﻰ ﻳﯧﯖﻰ ﻗﯩﻴﺎﭘﯩﺘﯩﻨﻰ ﺩﯗﻧﻴﺎﻏﺎ ﻧﺎﻣﺎﻳﻪﻥ ﻗﯩﻠﯩﺸﻰ ﺋﯜﭼﯜﻥ ﺑﯩﺮ ﭘﯘﺭﺳﻪﺕ ﺋﯩﻜﻪﻧﻠﯩﮕﯩﻨﻰ ﯞﻩ ﺑﯘ ﺋﯚﺯﮔﯩﺮﯨﺸﻨﯩﯔ ﭼﻮﻗﯘﻡ ﻳﯜﺯ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺗﺎﻻﻱ ﻗﯧﺘﯩﻢ ﺗﻪﻛﺮﺍﺭﻟﯩﻐﺎﻥ ﺋﯩﺪﻯ. ﺋﺎﻣﻤﺎ ﻧﯚﯞﻩﺗﺘﻪ ﺧﯩﺘﺎﻳﺪﯨﻜﻰ ﯞﻩﺯﯨﻴﻪﺕ ﺑﯘﻧﯩﯔ ﺗﻪﺗﯜﺭﯨﭽﻪ ﺑﻮﻟﻤﺎﻗﺘﺎ. ﺑﯘ ﺑﯩﺰﻧﻰ ﺋﯩﻨﺘﺎﻳﯩﻦ ﺋﯜﻣﯩﺘﺴﯩﺰﻟﻪﻧﺪﯛﺭﻣﻪﻛﺘﻪ،" ﺩﻩﻳﺪﯗ.

ﻫﯜﺳﻪﻳﯩﻦ ﺟﯧﻠﯩﻞ ﻣﻪﺳﯩﻠﯩﺴﻰ ﻛﺎﻧﺎﺩﺍ ﺋﯜﭼﯜﻥ ﺳﯩﻤﯟﻭﻟﻠﯘﻕ ﺋﻪﻫﻤﯩﻴﻪﺗﻜﻪ ﺋﯩﮕﻪ

ﺋﺎﻟﯧﺦ ﻧﯧﯟﻩ ﻛﺎﻧﺎﺩﺍ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﺋﺎﻣﯧﺮﯨﻜﺎ ﯞﻩ ﻏﻪﺭﭖ ﺩﯙﻟﻪﺗﻠﯩﺮﻯ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ، ﻫﯜﺳﻪﻳﯩﻦ ﺟﯧﻠﯩﻞ ﻣﻪﺳﯩﻠﯩﺴﯩﺪﻩ ﺧﯩﺘﺎﻳﻐﺎ ﻗﺎﺭﺍﺗﻘﺎﻥ ﺑﯧﺴﯩﻤﻨﻰ ﻛﯜﭼﻪﻳﺘﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﻪﭖ: "ﺑﯩﺰ ﻛﺎﻧﺎﺩﺍ ﭘﯘﺧﺮﺍﺳﻰ ﻫﯜﺳﻪﻳﯩﻦ ﺟﯧﻠﯩﻞ ﺩﯦﻠﻮﺳﯩﻐﺎ ﯞﻩ ﺧﯩﺘﺎﻳﺪﯨﻜﻰ ﺑﺎﺷﻘﺎ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻠﯩﺮﯨﮕﻪ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯩﻤﯩﺰ... ﻫﯜﺳﻪﻳﯩﻦ ﺟﯧﻠﯩﻞ ﺩﯦﻠﻮﺳﻰ ﺧﻪﻟﻘﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺋﯜﭼﯜﻥ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺸﺘﯩﻜﻰ ﺋﻪﯓ ﻛﻮﻧﻜﺮﯨﺖ ﻣﯩﺴﺎﻟﻼﺭﻧﯩﯔ ﺑﯩﺮﻯ. ﻫﯜﺳﻪﻳﯩﻦ ﺟﯧﻠﯩﻞ ﻣﻪﺳﯩﻠﯩﺴﻰ ﻛﺎﻧﺎﺩﺍﻧﯩﯔ ﺋﻪﯓ ﻣﯘﻫﯩﻢ ﻣﻪﺳﯩﻠﯩﻠﯩﺮﯨﺪﯨﻦ ﺑﯩﺮﻯ. ﺑﯘ ﻳﻪﻧﻪ ﻛﺎﻧﺎﺩﺍﻧﯩﯔ ﺋﻮﺑﺮﺍﺯﯨﻐﺎ ﺑﯧﺮﯨﭗ ﺗﺎﻗﯩﻠﯩﺪﯗ" ﺩﻩﻳﺪﯗ.

ﻛﺎﻧﺎﺩﺍﺩﯨﻜﻰ ﺋﻪﯓ ﭼﻮﯓ ﺋﯚﻛﺘﯩﭽﻰ ﭘﺎﺭﺗﯩﻴﻪ، ﻟﯩﺒﯧﺮﺍﻝ ﭘﺎﺭﺗﯩﻴﯩﺴﻰ ﺗﺎﺷﻘﻰ ﺳﯩﻴﺎﺳﻪﺕ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﯞﻩ ﭘﺎﺭﻻﻣﯧﻨﺖ ﺋﻪﺯﺍﺳﻰ ﺑﺮﻳﻮﻥ ﯞﯨﻠﻔﻪﺭﺕ ﻛﺎﻧﺎﺩﺍ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﺴﺎ، ﻛﺎﻧﺎﺩﺍ ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺷﯘﻧﺪﺍﻗﻼ ﺧﯩﺘﺎﻳﺪﺍ ﺗﯘﺗﯘﭖ ﺗﯘﺭﯨﻠﯩﯟﺍﺗﻘﺎﻥ ﻛﺎﻧﺎﺩﺍ ﭘﯘﺧﺮﺍﺳﻰ ﻫﯜﺳﻪﻳﯩﻦ ﺟﯧﻠﯩﻠﻨﯩﯔ ﺗﻪﻗﺪﯨﺮﯨﮕﻪ ﺳﻪﻟﺒﯩﻲ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ: "ﺳﻮﯞﯦﺖ ﺋﯩﺘﺘﯩﭙﺎﻗﻰ ﺋﺎﻓﻐﺎﻧﯩﺴﺘﺎﻧﻐﺎ ﺗﺎﺟﺎﯞﯗﺯ ﻗﯩﻠﻐﺎﻧﻠﯩﻘﻰ ﺋﯜﭼﯜﻧﻼ ﻏﻪﺭﭖ ﺩﯙﻟﻪﺗﻠﯩﺮﻯ 1980 - ﻳﯩﻠﯩﺪﯨﻜﻰ ﻣﻮﺳﻜﯟﺍ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﻐﺎﻧﯩﺪﻯ. ﺋﻪﻳﻨﻰ ﯞﺍﻗﯩﺘﺘﺎ ﯞﻩﺯﯨﻴﻪﺗﺘﻪ ﺑﯘ ﺗﻮﻏﺮﺍ ﻗﺎﺭﺍﺭ ﺋﯩﺪﻯ. ﺑﯘﻧﻰ ﻫﯜﺳﻪﻳﯩﻦ ﺟﯧﻠﯩﻞ ﺩﯦﻠﻮﺳﯩﻨﯩﯔ ﻣﺎﻫﯩﻴﯩﺘﻰ ﺑﯩﻠﻪﻥ ﺳﯧﻠﯩﺸﺘﯘﺭﻏﯩﻠﻰ ﺑﻮﻟﻤﺎﻳﺪﯗ،" ﺩﻩﻳﺪﯗ.

ﺋﯘ ﻳﻪﻧﻪ ﻛﺎﻧﺎﺩﺍﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻫﯜﺳﻪﻳﯩﻦ ﺟﯧﻠﯩﻠﻨﻰ "ﭼﯧﮕﺮﯨﺪﯨﻦ ﻗﻮﻏﻼﭖ ﭼﯩﻘﯩﺮﯨﺶ" ﺋﺎﺭﻗﯩﻠﯩﻖ، ﻛﺎﻧﺎﺩﺍﻏﺎ ﻗﺎﻳﺘﯘﺭﯗﭖ ﻛﯧﻠﯩﺶ ﺗﻪﻛﻠﯩﺒﻰ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﯩﺪﯗ.

ﺋﯘﻳﻐﯘﺭﻻﺭ ﺩﯨﻜﺘﺎﺗﻮﺭ ﺗﯜﺯﯛﻣﻨﯩﯔ ﻗﯘﺭﺑﺎﻧﻠﯩﺮﻯ

ﻛﺎﻧﺎﺩﺍﺩﺍ ﭼﯩﻘﯩﺪﯨﻐﺎﻥ "ﺩﯙﻟﻪﺗﻠﯩﻚ ﭘﻮﭼﺘﺎ" ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ "ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺋﯜﭼﯜﻥ ﻣﻪﺷﺌﻪﻝ ﻳﻪﺗﻜﯜﺯﯛﺵ"ﻧﺎﻣﻠﯩﻖ ﻣﺎﻗﺎﻟﯩﺪﺍ ﺑﻮﻟﺴﺎ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﺋﺎﻓﻐﺎﻧﯩﺴﺘﺎﻧﻐﺎ ﺗﺎﺟﺎﯞﯗﺯ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ، ﻛﺎﻧﺎﺩﺍ 80- ﻳﯩﻠﯩﺪﯨﻜﻰ ﻣﻮﺳﻜﯟﺍ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﻐﺎﻧﯩﺪﻯ. ﺑﯜﮔﯜﻧﻜﻰ ﻛﯜﻧﮕﻪ ﻛﻪﻟﮕﻪﻧﺪﻩ، ﻧﯧﻤﻪ ﺋﯜﭼﯜﻥ ﻛﺎﻧﺎﺩﺍ 2008 -ﻳﯩﻠﯩﺪﯨﻜﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﻤﺎﻳﺪﯗ. ﺗﯩﺒﻪﺕ 50 ﻳﯩﻠﺪﯨﻦ ﺑﯧﺮﻯ، ﺧﯩﺘﺎﻳﻨﯩﯔ ﻣﯘﺳﺘﻪﻣﻠﯩﻜﯩﺴﯩﺪﻩ ﺗﯘﺭﻣﺎﻗﺘﺎ. ﺧﯩﺘﺎﻳﻼﺭ ﺑﯘ ﺯﯦﻤﯩﻨﻨﻰ ﺋﯚﺯﯨﻨﯩﯔ ﻗﯩﻠﯩﺶ ﻧﯩﻴﯩﺘﯩﺪﻩ ﺑﯘ ﺭﺍﻳﻮﻧﻐﺎ ﭘﯩﻼﻧﻠﯩﻖ ﻛﯚﭼﻤﻪﻥ ﻛﯚﭼﯜﺭﻣﻪﻛﺘﻪ. ﺋﯘﻳﻐﯘﺭ ﯞﻩ ﻓﺎﻟﯘﻧﮕﯘﯕﭽﯩﻼﺭ ﺧﯩﺘﺎﻳﺪﯨﻜﻰ ﺩﯨﻜﺘﺎﺗﻮﺭ ﺗﯜﺯﯛﻣﻨﯩﯔ ﻗﯘﺭﺑﺎﻧﻠﯩﺮﯨﻐﺎ ﺋﺎﻳﻼﻧﻤﺎﻗﺘﺎ، ﺩﯦﻴﯩﻠﯩﺪﯗ.

ﻛﺎﻧﺎﺩﺍﻧﯩﯔ ﺑﯧﻴﺠﯩﯖﺪﯨﻜﻰ ﺑﺎﺵ ﺋﻪﻟﭽﯩﺨﺎﻧﯩﺴﯩﺪﺍ ﯞﻩﺯﯨﭙﻪ ﺋﯚﺗﯩﮕﻪﻥ، ﺳﺎﺑﯩﻖ ﺩﯨﭙﻠﻮﻣﺎﺕ ﭼﺎﺭﻟﻪﺯ ﺑﯘﺭﺗﻮﻥ، ﻛﺎﻧﺎﺩﺍ ﺋﯜﭼﯜﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺸﺘﯩﻦ، ﺧﯩﺘﺎﻳﻨﻰ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﻰ ﻳﺎﺧﺸﯩﻼﺷﻘﺎ ﻗﯩﺴﺘﺎﺷﻨﯩﯔ ﺋﺎﻗﯩﻼﻧﯩﻠﯩﻖ ﻫﻪﺭﯨﻜﻪﺕ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﺪﯗ.

ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺧﯩﺘﺎﻳﻨﻰ ﺋﯚﺯﮔﻪﺭﺗﻪﻣﺪﯗ ﻳﺎﻛﻰ ﺧﯩﺘﺎﻱ ﺋﻮﻟﯩﻤﭙﯩﻜﻨﯩﯔ ﭘﺮﯨﻨﺴﯩﭙﻠﯩﺮﯨﻨﻰ ﺋﯚﺯﮔﻪﺭﺗﻪﻣﺪﯗ، ﺑﯘﻧﯩﯖﻐﺎ ﻫﯚﻛﯜﻡ ﻗﯩﻠﯩﺸﻘﺎ ﻳﻪﻧﯩﻼ ﺑﺎﻟﺪﯗﺭ. (ﻛﺎﻣﯩﻞ ﺗﯘﺭﺳﯘﻥ)