ﻛﺎﻧﺎﺩﺍ ﺧﯩﺘﺎﻱ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺋﺎﺷﯘﺭﯗﺵ ﻣﻪﺳﯩﻠﯩﺴﯩﺪﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﮕﻪ ﻗﺎﺭﯨﺘﺎ ﺑﯧﺴﯩﻤﻨﻰ ﻛﯜﭼﻪﻳﺘﻤﻪﻛﭽﻰ

• ﻣﯘﺧﺒﯩﺮﯨﻤﯩﺰ ﻛﺎﻣﯩﻞ ﺗﯘﺭﺳﯘﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻛﺎﻧﺎﺩﺍ ﻫﯚﻛﯜﻣﯩﺘﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﺪﯨﻦ ﺧﻪﻟﻖ ﭘﯘﻟﯩﻨﯩﯔ ﺋﺎﻟﻤﺎﺷﺘﯘﺭﯗﻟﯘﺵ ﻗﯩﻤﻤﯩﺘﯩﻨﻰ ﺋﻪﺭﻛﯩﻦ ﻗﻮﻳﯘﯞﯨﺘﯩﺸﯩﻨﻰ ﻗﺎﻳﺘﺎ ﺗﻪﻟﻪﭖ ﻗﯩﻠﺪﻯ. ﭼﯜﻧﻜﻰ ﺧﯩﺘﺎﻱ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﯩﯔ ﺋﯧﺸﯩﺸﻰ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﺩﯨﻐﺎ ﺋﯩﺠﺎﺑﯩﻲ ﺗﻪﺳﯩﺮ ﻛﯚﺭﺳﯩﺘﯩﺪﯗ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯚﺯ ﻣﺎﻟﻠﯩﺮﯨﻨﯩﯔ ﺧﻪﻟﻘﺌﺎﺭﺍ ﺑﺎﺯﺍﺭﺩﺍ ﺋﯜﺳﺘﯜﻧﻠﯜﻙ ﻗﺎﺯﯨﻨﯩﺸﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺋﯩﺰﭼﯩﻞ ﺗﯚﯞﻩﻥ ﺗﯘﺗﯘﭖ ﻛﻪﻟﻤﻪﻛﺘﻪ.

ﻛﺎﻧﺎﺩﺍ ﻣﺎﻟﯩﻴﻪ ﻣﯩﻨﯩﺴﺘﯩﺮﻯ ﺟﯩﻢ ﻓﻼﻫﻪﺭﺗﻲ ﺷﯩﯟﯨﺘﺴﺎﺭﯨﻴﯩﻨﯩﯔ ﺩﺍﯞﻭﺱ ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺩﯗﻧﻴﺎ ﺋﯩﻘﺘﯩﺴﺎﺩ ﻣﯘﻧﺒﯩﺮﻯ ﻳﯩﻐﯩﻨﯩﺪﺍ ﺳﯚﺯ ﻗﯩﻠﻐﺎﻧﺪﺍ،7 ﻏﻪﺭﺏ ﺩﯙﻟﯩﺘﯩﺪﯨﻦ ﺋﯚﺯ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﯟﺍﺗﻘﺎﻥ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﯨﺘﺎ ﺟﯩﺪﺩﯨﻲ ﻣﯘﺋﺎﻣﯩﻠﻪ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﺪﻯ. ﺟﯩﻢ ﻓﻼﻫﻪﺭﺗﯩﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﻛﺎﻧﺎﺩﺍ ﺑﯘﻧﺪﯨﻦ ﻛﯧﻴﯩﻦ، ﺑﺎﺭﻟﯩﻖ ﻳﻮﻟﻼﺭ ﺋﺎﺭﻗﯩﻠﯩﻖ ﺧﻪﻟﻖ ﭘﯘﻟﯩﻨﯩﯔ ﺋﺎﻟﻤﺎﺷﺘﯘﺭﯗﺵ ﻗﯩﻤﻤﯩﺘﯩﻨﻰ ﺋﯚﺳﺘﯜﺭﯛﺵ ﻣﻪﺳﯩﻠﯩﺴﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺑﻮﻟﻐﺎﻥ ﺑﯧﺴﯩﻤﻨﻰ ﻛﯜﭼﻪﻳﺘﯩﺪﯨﻜﻪﻥ.

ﺟﯩﻢ ﻓﻼﻫﻪﺭﺗﻲ : ﺧﯩﺘﺎﻱ ﺧﻪﻟﻘﺌﺎﺭﺍﻟﯩﻖ ﻣﻪﺟﺒﯘﺭﯨﻴﯩﺘﯩﻨﻰ ﺋﺎﺩﺍ ﻗﯩﻠﯩﺸﻰ ﻛﯧﺮﻩﻙ

ﺧﯩﺘﺎﻱ ﻫﯚﻛﯜﻣﯩﺘﻰ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻨﯩﯔ ﺋﻪﺯﺍﺳﻰ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ، ﺩﯗﻧﻴﺎ ﺋﻪﺭﻛﯩﻦ ﺳﻮﺩﺍ ﺑﺎﺯﯨﺮﯨﻐﺎ ﻛﯩﺮﺩﻯ ﯞﻩ ﺑﯘ ﻫﻪﻗﺘﯩﻜﻰ ﺑﺎﺭﻟﯩﻖ ﺋﯧﺘﯩﺒﺎﺭ ﺑﯧﺮﯨﺶ ﺳﯩﻴﺎﺳﻪﺗﻠﯩﺮﯨﺪﯨﻦ ﺑﻪﻫﺮﯨﻤﻪﻥ ﺑﻮﻟﻤﺎﻗﺘﺎ. ﺷﯘﯕﺎ ﺋﻪﺭﻛﯩﻦ ﺳﻮﺩﯨﻨﯩﯔ ﺑﯘﻧﺪﺍﻕ ﻳﯧﯖﻰ ﻛﯜﭼﻰ ﺑﻮﻟﻐﺎﻥ ﺧﯩﺘﺎﻱ، ﺋﻪﺭﻛﯩﻦ ﭘﯘﻝ ﺑﺎﺯﯨﺮﯨﻨﯩﯔ ﻣﻪﺳﺌﯘﻟﯩﻴﻪﺗﻠﯩﺮﯨﻨﻰ ﺋﯜﺳﺘﯩﮕﻪ ﺋﯧﻠﯩﺸﻰ ﻛﯧﺮﻩﻙ، ﺩﯦﺪﻯ.

ﺟﯩﻢ ﻓﻼﻫﻪﺭﺗﻲ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺋﻪﺭﻛﯩﻦ ﻗﻮﻳﯘﯞﯦﺘﯩﺸﻜﻪ ﭼﺎﻗﯩﺮﯨﭗ:"ﻧﯚﯞﻩﺗﺘﻪ ﭘﯜﺗﯜﻥ ﺩﯗﻧﻴﺎ ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﺪﺍ ﻛﯚﺭﯛﻟﯜﯞﺍﺗﻘﺎﻥ ﺩﺍﯞﺍﻟﻐﯘﺷﻨﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﺷﺘﯩﻦ ﺋﯩﺒﺎﺭﻩﺕ ﻧﺎﺯﯗﻙ ﺑﯩﺮ ﻣﻪﺯﮔﯩﻠﺪﻩ ﺗﯘﺭﻣﺎﻗﺘﺎ. ﺧﯩﺘﺎﻱ ﺷﯩﻤﺎﻟﯩﻲ ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﻨﯩﯔ ﺋﻪﺳﻠﯩﮕﻪ ﻛﯧﻠﯩﺸﻰ ﺋﯜﭼﯜﻥ ﺋﯚﺯ ﻣﻪﺳﺌﯘﻟﯩﻴﯩﺘﯩﻨﻰ ﺋﺎﺩﺍ ﻗﯩﻠﯩﺸﻰ ﻛﯧﺮﻩﻙ. ﺑﯘﻧﯩﯔ ﺋﻪﯓ ﺋﯜﻧﯜﻣﻠﯜﻙ ﻳﻮﻟﻰ ﺧﻪﻟﻖ ﭘﯘﻟﯩﻨﯩﯔ ﺋﺎﻟﻤﺎﺷﺘﯘﺭﯗﺵ ﻗﯩﻤﻤﯩﺘﯩﻨﻰ ﺋﻪﺭﻛﯩﻦ ﻗﻮﻳﯘﯞﯦﺘﯩﺶ ﯞﻩ ﺧﻪﻟﻖ ﭘﯘﻟﯩﻨﻰ ﺋﻪﺭﻛﯩﻦ ﺑﺎﺯﺍﺭ ﻗﺎﻧﯘﻧﻰ ﺋﺎﺭﻗﯩﻠﯩﻖ ﺗﻪﯕﺸﻪﺷﻜﻪ ﻳﻮﻝ ﻗﻮﻳﯘﺷﺘﯘﺭ،" ﺩﯦﺪﻯ.

ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺧﻪﻟﻖ ﭘﯘﻟﻰ ﻣﻪﺳﯩﻠﯩﺴﯩﺪﻩ ﺧﯩﺘﺎﻳﻐﺎ ﺑﯧﺴﯩﻤﻨﻰ ﻛﯜﭼﻪﻳﺘﯩﺸﻰ ﺯﯙﺭﯛﺭ

ﻛﺎﻧﺎﺩﺍ ﻣﺎﻟﯩﻴﻪ ﻣﯩﻨﯩﺴﺘﯩﺮﻯ ﺟﯩﻢ ﻓﻼﻫﻪﺭﺗﻲ،ﺧﯩﺘﺎﻱ ﭘﯘﻟﻰ ﺋﻪﺭﻛﯩﻦ ﻗﻮﻳﯘﯞﯦﺘﯩﻠﺴﻪ، ﻛﺎﻧﺎﺩﺍ ﺑﯩﻠﻪﻥ ﺋﺎﻣﯧﺮﯨﻜﺎ ﻣﻪﻫﺴﯘﻻﺗﻠﯩﺮﯨﻨﯩﯔ ﺧﻪﻟﻘﺌﺎﺭﺍ ﺑﺎﺯﺍﺭﺩﯨﻜﻰ ﺭﯨﻘﺎﺑﻪﺕ ﻛﯜﭼﯩﻨﯩﯔ ﺋﺎﺷﯩﺪﯨﻐﺎﻧﻠﯩﻘﯩﻨﻰ، ﺑﻮﻟﯘﭘﻤﯘ ﺑﯘﻧﯩﯔ ﻛﺎﻧﺎﺩﺍ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﺩﯨﻨﻰ ﻗﻮﺯﻏﯩﺘﯩﺶ ﺭﻭﻟﯩﻨﻰ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ. ﺋﯘﻧﯩﯔ ﺗﻪﻛﯩﺘﻠﯩﺸﯩﭽﻪ، ﻳﺎﻧﯟﺍﺭ ﺋﯧﻴﯩﻨﯩﯔ ﺑﺎﺷﻠﯩﺮﯨﺪﺍ ﻳﺎﭘﻮﻧﯩﻴﯩﻨﯩﯔ ﭘﺎﻳﺘﻪﺧﺘﻰ ﺗﻮﻛﻴﻮﺩﺍ ﺋﯚﺗﻜﯜﺯﯨﻠﯩﺪﯨﻐﺎﻥ ﺳﺎﻧﺎﺋﻪﺗﻠﻪﺷﻜﻪﻥ 7 ﻏﻪﺭﺏ ﺩﯙﻟﯩﺘﻰ ﻣﺎﻟﯩﻴﻪ ﻣﯩﻨﯩﺴﺘﯩﺮﻟﯩﺮﻯ ﻳﯩﻐﯩﻨﻰ ﻣﻪﺯﮔﯩﻠﯩﺪﻩ، ﺑﯘ ﺩﯙﻟﻪﺗﻠﻪﺭﻧﯩﯔ ﻣﺎﻟﯩﻴﻪ ﻣﯩﻨﯩﺴﺘﯩﺮﻟﯩﺮﯨﺪﯨﻦ ﺧﯩﺘﺎﻱ ﭘﯘﻟﯩﻨﯩﯔ ﺋﺎﻳﺮﯨﯟﺍﺷﻼﺵ ﻗﯩﻤﻤﯩﺘﻰ ﺋﺎﺷﯘﺭﯗﺵ ﻣﻪﺳﯩﻠﯩﺴﯩﺪﻩ ﺗﯧﺨﯩﻤﯘ ﻗﺎﺗﺘﯩﻖ ﺳﯩﻴﺎﺳﻪﺕ ﻳﯜﺭﮔﯜﺯﯛﺷﻨﻰ ﺗﻪﻟﻪﭖ ﻗﯩﻠﯩﺪﯨﻜﻪﻥ.

ﺧﯩﺘﺎﻱ ﻏﻪﺭﺏ ﺩﯙﻟﻪﺗﻠﯩﺮﻯ ﺑﯩﻠﻪﻥ ﻗﺎﺭﺷﯩﻼﺷﻤﺎﻗﺘﺎ

ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ 2002 - ﻳﯩﻠﯩﺪﯨﻦ ﺑﺎﺷﻼﭖ، ﺧﻪﻟﻖ ﭘﯘﻟﯩﻨﯩﯔ ﺋﺎﻳﺮﯨﯟﺍﺷﻼﺵ ﻗﯩﻤﻤﯩﺘﯩﻨﻰ ﺋﯚﺳﺘﯜﺭﯛﺵ ﻫﻪﻗﻘﯩﺪﻩ،ﺧﯩﺘﺎﻱ ﺩﺍﺋﯩﺮﯨﻠﯩﺮﯨﮕﻪ ﺋﯩﺰﭼﯩﻞ ﺑﯧﺴﯩﻢ ﺋﯩﺸﻠﯩﺘﯩﭗ ﻛﻪﻟﺪﻯ.

ﻛﺎﻧﺎﺩﺍ ﺑﻮﻟﺴﺎ ﻳﯧﻘﯩﻨﻘﻰ ﺋﯩﻜﻜﻰ ﻳﯩﻠﺪﯨﻦ ﺑﯘﻳﺎﻥ، ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﺧﻪﻟﻖ ﭘﯘﻟﯩﻨﯩﯔ ﺋﺎﻳﺮﯨﯟﺍﺷﻼﺵ ﻗﯩﻤﻤﯩﺘﯩﮕﻪ ﺑﻮﻟﻐﺎﻥ ﻛﻮﻧﺘﺮﻭﻟﻠﯘﻗﻨﻰ ﺑﻮﺷﺎﺷﺘﯘﺭﯗﺷﻨﻰ ﺟﯩﺪﺩﯨﻲ ﺗﻪﻟﻪﭖ ﻗﯩﻠﯩﭗ ﻛﻪﻟﻤﻪﻛﺘﻪ.ﺳﺎﻧﺎﺋﻪﺗﻠﻪﺷﻜﻪﻥ 7 ﻏﻪﺭﺏ ﺩﯙﻟﯩﺘﯩﻨﯩﯔ ﻣﺎﻟﯩﻴﻪ ﻣﯩﻨﯩﺴﺘﯩﺮﻟﯩﺮﻯ ﺑﯘﻟﺘﯘﺭ ﻳﯩﻞ ﺋﺎﺧﯩﺮﯨﺪﺍ ﺋﻮﺭﺗﺎﻕ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ،ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﺧﻪﻟﻖ ﭘﯘﻟﯩﻨﯩﯔ ﺋﺎﻳﺮﯨﯟﺍﺷﻼﺵ ﻗﯩﻤﻤﯩﺘﯩﻨﻰ ﻗﻮﻳﯘﯞﯨﺘﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻧﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺑﯩﺮ ﻗﺎﻧﭽﻪ ﻗﯧﺘﯩﻢ ﺋﯚﺳﺘﯜﺭﮔﻪﻥ ﺑﻮﻟﺴﯩﻤﯘ،ﺋﻪﻣﻤﺎ ﺑﯘ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﻛﯜﺗﻜﻪﻥ ﺗﻪﻟﯩﭙﯩﺪﯨﻦ ﻳﻪﻧﯩﻼ ﻳﯩﺮﺍﻗﺘﺎ.

ﺧﯩﺘﺎﻱ ﺑﯘ ﺗﻪﻟﻪﭘﻠﻪﺭﻧﻰ ﺋﯚﺯﻟﯩﺮﯨﻨﯩﯔ ﻣﻪﻧﭙﻪﺋﻪﺗﯩﮕﻪ ﺗﻪﻫﺪﯨﺖ، ﺩﻩﭖ ﻗﺎﺭﺍﻳﺪﯗ

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ "ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﻰ ﺑﯩﺮﺍﻗﻼ ﺋﯚﺳﺘﯜﺭﯛﻟﺴﻪ، ﺩﯙﻟﻪﺕ ﺋﯩﭽﯩﺪﻩ ﻗﺎﻻﻳﻤﯩﻘﺎﻧﭽﯩﻠﯩﻖ ﻛﯧﻠﯩﭗ ﭼﯩﻘﯩﺪﯗ،" ﺩﻩﭖ ﺋﻪﻧﺴﯩﺮﻩﻳﺪﯗ.

ﺧﯩﺘﺎﻳﻨﯩﯔ ﻛﺎﻧﺎﺩﺍﺩﺍ ﺗﯘﺭﯗﺷﻠﯘﻕ ﻛﻮﻧﺴﯘﻟﻰ ﻳﺎﯓ ﭼﺎﯓ ﺧﯩﺘﺎﻳﻨﯩﯔ ﺟﺎﻧﯩﺠﺎﻥ ﻣﻪﻧﭙﻪﺋﻪﺗﯩﮕﻪ ﺯﯨﻴﺎﻥ ﻳﯧﺘﯩﺪﯨﻐﺎﻥ ﺋﯩﺸﻨﻰ ﻗﯩﻠﻤﺎﺳﻠﯩﻖ ﯞﻩ ﺋﯘﻧﺪﺍﻕ ﺑﻮﻟﻤﯩﻐﺎﻧﺪﺍ ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﯨﺘﯩﮕﻪ ﺋﯧﻐﯩﺮ ﺯﯨﻴﺎﻥ ﻳﯧﺘﯩﺪﯨﻐﺎﻧﻠﯩﻘﻰ ﻗﺎﺗﺎﺭﻟﯩﻘﻼﺭﻧﻰ ﺑﯩﻠﺪﯛﺭﯛﭖ ﻛﺎﻧﺎﺩﺍﻧﻰ ﺋﺎﮔﺎﻫﻼﻧﺪﯗﺭﺩﻯ. ﺋﯘ:"ﺧﯩﺘﺎﻱ ﺑﯩﻠﻪﻥ ﻛﺎﻧﺎﺩﺍﻧﯩﯔ ﺩﻭﺳﺘﻠﯘﻕ ﻣﯘﻧﺎﺳﯩﯟﯨﺘﻰ ﺋﯩﻜﻜﻰ ﺩﯙﻟﻪﺕ ﯞﻩ ﺷﯘﻧﺪﺍﻗﻼ ﺋﯩﻜﻜﻰ ﺩﯙﻟﻪﺕ ﺧﻪﻟﻘﻠﯩﺮﯨﻨﯩﯔ ﺋﯘﺯﯗﻥ ﻣﻪﺯﮔﯩﻠﻠﯩﻚ ﯞﻩ ﻧﯧﮕﯩﺰﻟﯩﻚ ﻣﻪﻧﭙﻪﺋﻪﺗﻠﯩﺮﯨﮕﻪ ﺋﯘﻳﻐﯘﻥ. ﺑﯘ ﻫﻪﻣﻤﯩﮕﻪ ﺋﺎﻳﺎﻥ ﻣﻪﺳﯩﻠﻪ. ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﻳﯩﺮﯨﻚ ﻣﯘﻧﺎﺳﯩﯟﻩﺕ ﺋﯩﻜﻜﯩﻼ ﺩﯙﻟﻪﺕ ﺋﯜﭼﯜﻥ ﺋﻮﺧﺸﺎﺷﻼ ﭘﺎﻳﺪﺍ ﺋﯧﻠﯩﭗ ﻛﻪﻟﻤﻪﻳﺪﯗ،" ﺩﯦﺪﻯ.

ﺧﯩﺘﺎﻱ ﻛﻮﻧﺴﯘﻟﻰ ﻛﺎﻧﺎﺩﺍﻧﯩﯔ ﺧﯩﺘﺎﻳﻨﯩﯔ ﭘﯘﻝ ﺳﯩﻴﺎﺳﯩﺘﯩﮕﻪ ﺗﯘﺗﻘﺎﻥ ﻣﻪﻳﺪﺍﻧﯩﻨﻰ ﺧﯩﺘﺎﻳﻐﺎ ﺗﻪﻫﺪﯨﺖ ﺩﻩﭖ ﭼﯜﺷﻪﻧﺪﯛﺭﯛﭖ:"ﻣﯧﻨﯩﯖﭽﻪ، ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﯨﺘﯩﻨﯩﯔ ﺋﺎﻟﻐﺎ ﻗﺎﺭﺍﭖ ﺭﺍﯞﺍﺟﻠﯩﻨﯩﺸﻰ ﺋﯜﭼﯜﻥ ﺋﻪﯓ ﻣﯘﻫﯩﻢ ﺑﻮﻟﻐﯩﻨﻰ ﺋﯚﺯ ‏ - ﺋﺎﺭﺍ ﻫﯚﺭﻣﻪﺕ ﻗﯩﻠﯩﺶ ﯞﻩ ﺑﺎﺭﺍﯞﻩﺭﻟﯩﻚ ﺋﺎﺳﺎﺳﯩﺪﺍ، ﺳﺎﻗﻼﻧﻐﺎﻥ ﻣﻪﺳﯩﻠﯩﻠﻪﺭﻧﻰ ﺳﯚﻫﺒﻪﺕ ﻫﻪﻡ ﻛﯧﻠﯩﺸﯩﺶ ﻳﻮﻟﻠﯩﺮﻯ ﺋﺎﺭﻗﯩﻠﯩﻖ ﻫﻪﻝ ﻗﯩﻠﯩﺸﺘﯘﺭ. ﺋﯘﻧﺪﺍﻕ ﺑﻮﻟﻤﯩﻐﺎﻧﺪﺍ ﻗﺎﺭﺷﻰ ﺗﻪﺭﻩﭘﻨﯩﯔ ﻣﻪﻧﭙﻪﺋﻪﺗﻠﯩﺮﻯ ﺯﯨﻴﺎﻧﻐﺎ ﺋﯘﭼﺮﺍﻳﺪﯗ. ﺗﻪﻫﺪﯨﺖ - ﭘﻮﭘﻮﺯﺍ ﺑﯩﻠﻪﻥ ﻣﻪﺳﯩﻠﻪ ﻫﻪﻝ ﺑﻮﻟﻤﺎﻳﺪﯗ،" ﺩﯦﺪﻯ.

ﺯﯨﻴﺎﻧﻨﯩﯔ ﺋﻪﯓ ﭼﻮﯕﯩﻨﻰ ﺋﺎﻣﯧﺮﯨﻜﺎ ﺗﺎﺭﺗﻤﺎﻗﺘﺎ

ﻛﺎﻧﺎﺩﺍ ﻣﻪﺗﺒﯘﺋﺎﺗﻠﯩﺮﯨﻐﺎ ﻗﺎﺭﯨﻐﺎﻧﺪﺍ، ﺟﯩﻢ ﻓﻼﻫﻪﺭﯨﻨﯩﯔ ﭼﺎﻗﯩﺮﯨﻘﻰ ﺋﺎﻣﯧﺮﯨﻜﯩﺪﯨﻜﻰ ﻣﻪﻫﺴﯘﻻﺕ ﺋﯩﺸﻠﻪﭘﭽﯩﻘﺎﺭﻏﯘﭼﻰ ﻛﺎﺭﺧﺎﻧﯩﭽﯩﻼﺭ ﯞﻩ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﻨﯩﯔ ﻗﺎﺭﺷﻰ ﺋﯧﻠﯩﺸﯩﻐﺎ ﺋﯧﺮﯨﺸﻜﻪﻥ. ﺋﺎﻣﯧﺮﯨﻜﺎ ﺧﯩﺘﺎﻳﻨﯩﯔ ﭘﯘﻝ ﺳﯩﻴﺎﺳﯩﺘﯩﻨﯩﯔ ﺯﯨﻴﯩﻨﯩﻐﺎ ﺋﻪﯓ ﺋﯧﻐﯩﺮ ﺋﯘﭼﺮﺍﯞﺍﺗﻘﺎﻥ ﺩﯙﻟﻪﺕ. ﺧﯩﺘﺎﻳﻨﯩﯔ ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺳﯘﻧﺌﯩﻲ ﺋﯘﺳﯘﻟﺪﺍ ﺗﯚﯞﻩﻥ ﺗﯘﺗﯘﺵ ﺳﯩﻴﺎﺳﯩﺘﻰ ﺋﺎﻣﯧﺮﯨﻜﺎ ﺋﯧﻜﯩﺴﭙﻮﺭﺗﯩﻐﺎ ﺋﯧﻐﯩﺮ ﺯﯨﻴﺎﻧﻼﺭﻧﻰ ﺋﯧﻠﯩﭗ ﻛﻪﻟﻤﻪﻛﺘﻪ. ﺋﺎﻣﯧﺮﯨﻜﺎ ‏ - ﺧﯩﺘﺎﻱ ﺳﻮﺩﯨﺪﺍ ﻛﯚﺭﯛﻟﯜﯞﺍﺗﻘﺎﻥ ﻏﺎﻳﻪﺕ ﺯﻭﺭ ﻗﯩﺰﯨﻞ ﺭﻩﻗﻪﻣﻤﯘ ﺋﺎﺳﺎﺳﻪﻥ ﺧﯩﺘﺎﻳﻨﯩﯔ ﭘﯘﻝ ﺳﯩﻴﺎﺳﯩﺘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻜﺘﯘﺭ.

ﭘﯘﻟﻨﯩﯔ ﻗﯩﻤﻤﯩﺘﯩﻨﻰ ﻛﻮﻧﺘﺮﻭﻝ ﻗﯩﻠﯩﺶ ﺩﯨﻜﺘﺎﺗﻮﺭ ﺗﯜﺯﯛﻣﻠﻪﺭﻧﯩﯔ ﺑﻪﻟﮕﯩﺴﯩﺪﯗﺭ

ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﻪﺭﺩﻩ ﺋﯩﺸﻠﯩﺘﯩﻠﯩﺪﯨﻐﺎﻥ ﭘﯘﻟﻨﯩﯔ ﻗﯩﻤﻤﯩﺘﻰ ﺋﺎﺩﻩﺗﺘﻪ ﺋﻪﺭﻛﯩﻦ ﭘﯘﻝ ﺑﺎﺯﯨﺮﻯ ﺋﺎﺭﻗﯩﻠﯩﻖ ﺗﻪﯕﺸﯩﻠﯩﺪﯗ. ﺋﯘﻧﯩﯔ ﻗﯩﻤﻤﯩﺘﻰ ﺑﺎﺯﺍﺭﻏﺎ ﻗﺎﺭﺍﭖ،ﻫﻪﺭ ﻛﯜﻧﻰ ﺋﯚﺭﻟﻪﭖ ﻳﺎﻛﻰ ﭼﯜﺷﯜﭖ ﺗﯘﺭﯨﺪﯗ.

ﻛﺎﻧﺎﺩﺍﺩﯨﻜﻰ ﺋﯩﻘﺘﯩﺴﺎﺩﯨﻲ ﺋﺎﻧﺎﻟﯩﺰﭼﯩﻼﺭﻧﯩﯔ ﻗﺎﺭﯨﺸﯩﭽﻪ،ﺧﯩﺘﺎﻱ ﭘﯘﻟﯩﻨﯩﯔ ﻧﯚﯞﻩﺗﺘﯩﻜﻰ ﻗﯩﻤﻤﯩﺘﻰ ﺋﯚﺯﯨﻨﯩﯔ ﺋﻪﺳﻠﯩﺪﯨﻜﻰ ﻗﯩﻤﻤﯩﺘﯩﺪﯨﻦ %40 ﺗﯚﯞﻩﻥ ﺋﯩﻜﻪﻥ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺋﯘﻧﯩﯔ ﺋﻪﺳﻠﯩﺪﯨﻜﻰ ﻗﯩﻤﻤﯩﺘﯩﺪﯨﻦ ﺗﯚﯞﻩﻥ ﺗﯘﺗﯘﭖ، ﺋﯚﺯ ﻣﺎﻟﻠﯩﺮﯨﻨﯩﯔ ﺧﻪﻟﻘﺌﺎﺭﺍ ﺑﺎﺯﺍﺭﺩﯨﻜﻰ ﺭﯨﻘﺎﺑﻪﺕ ﻛﯜﭼﯩﻨﻰ ﺋﺎﺷﯘﺭﯗﺵ ﺋﺎﺭﻗﯩﻠﯩﻖ، ﻏﺎﻳﻪﺕ ﺯﻭﺭ ﺋﯩﻘﺘﯩﺴﺎﺩﻯ ﻣﻪﻧﭙﻪﺋﻪﺗﻜﻪ ﺋﯧﺮﯨﺸﯩﭗ ﻛﻪﻟﻤﻪﻛﺘﻪ.ﺧﯩﺘﺎﻳﻨﯩﯔ ﻧﯚﯞﻩﺗﺘﻪ ﻳﻮﻝ ﻗﻮﻳﯘﯞﺍﺗﻘﺎﻥ ﭘﯘﻝ ﺳﯩﻴﺎﺳﯩﺘﻰ ﻛﻮﻣﭙﺎﺭﺗﯩﻴﻪ ﻫﯚﻛﯜﻣﺮﺍﻧﻠﯩﻘﻰ ﺋﺎﺳﺘﯩﺪﯨﻜﻰ ﺩﯨﻜﺘﺎﺗﻮﺭ ﺗﯜﺯﯛﻡ ﺑﯩﻠﻪﻧﻤﯘ ﻣﯘﻧﺎﺳﯩﯟﻩﺗﻠﯩﻚ.

ﻛﺎﻧﺎﺩﺍ ﺑﻮﻟﺴﺎ، ﺧﯩﺘﺎﻱ ﭘﯘﻝ ﺳﯩﻴﺎﺳﯩﺘﯩﻨﯩﯔ ﻗﯘﺭﺑﺎﻧﻠﯩﺮﯨﻨﯩﯔ ﻳﻪﻧﻪ ﺑﯩﺮﯨﺪﯗﺭ. ﮔﻪﺭﭼﻪ 2007 - ﻳﯩﻠﯩﺪﺍ ﻛﺎﻧﺎﺩﺍﻧﯩﯔ ﺧﯩﺘﺎﻳﻐﺎ ﻗﯩﻠﻐﺎﻥ ﺋﯧﻜﺴﭙﻮﺭﺕ ﺳﻮﻣﻤﯩﺴﯩﺪﺍ ﺋﯧﺸﯩﺶ ﻛﯚﺭﯛﻟﮕﻪﻥ ﺑﻮﻟﺴﯩﻤﯘ،ﻟﯧﻜﯩﻦ ﺋﯩﻜﻜﻰ ﺩﯙﻟﻪﺕ ﺳﻮﺩﯨﺴﯩﺪﯨﻜﻰ ﻛﺎﻧﺎﺩﺍﻏﺎ ﭘﺎﻳﺪﯨﺴﯩﺰ ﻗﯩﺰﯨﻞ ﺭﻩﻗﻪﻡ ﻳﻪﻧﯩﻼ ﭼﻮﯓ ﺑﻮﻟﻤﺎﻗﺘﺎ. ﻛﺎﻧﺎﺩﺍ ﺳﻮﺩﺍ ﻣﯩﻨﯩﺴﺘﯩﺮﻯ ﺩﺍﯞﯨﺪ ﺋﻪﻣﻪﺭﺳﻮﻥ ﺑﯘ ﺋﺎﻳﻨﯩﯔ ﺑﺎﺷﻠﯩﺮﯨﺪﺍ، ﻛﺎﻧﺎﺩﺍ ‏ - ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺳﺎﻳﺎﻫﻪﺕ ﻛﯧﻠﯩﺸﯩﻤﯩﻨﻰ ﺗﻪﺳﺘﯩﻘﻼﺷﻨﻰ ﺩﺍﯞﺍﻣﻠﯩﻖ ﺋﺎﺭﻗﯩﻐﺎ ﺳﻮﺯﯗﭖ ﻛﻪﻟﮕﻪﻥ ﺧﯩﺘﺎﻱ ﺋﯜﺳﺘﯩﺪﯨﻦ، ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﺋﻪﺭﺯ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻧﯩﺪﻯ. (ﻛﺎﻣﯩﻞ ﺗﯘﺭﺳﯘﻥ)