ﺧﯩﺘﺎﻱ ﻫﯚﻛﯜﻣﯩﺘﻰ ﺗﯜﺭﻛﯩﻴﯩﺪﻩ ﻛﻮﯕﺰﻯ ﺋﯩﻨﯩﺴﺘﯩﺘﯘﺗﻰ ﻗﯘﺭﻣﺎﻗﭽﻰ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻫﯚﻛﯜﻣﯩﺘﻰ ﺗﯜﺭﻛﯩﻴﯩﻨﯩﯔ ﺗﻮﻧﯘﻟﻐﺎﻥ ﺋﯘﻧﯩﯟﯦﺮﺳﯩﺘﯧﺘﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﻰ ﺑﯩﻠﻪﻥ ﺋﻮﺭﺗﺎﻗﻠﯩﺸﯩﭗ ﻛﯘﯕﺰﻯ ﺋﯩﻨﺴﺘﯩﺘﯘﺗﻰ ﻗﯘﺭﯗﺷﻨﻰ ﻗﺎﺭﺍﺭ ﻗﯩﻠﻐﺎﻥ.

ﺗﯜﺭﻛﯩﻴﯩﺪﯨﻜﻰ ﺩﺍﯕﻠﯩﻖ ﺋﯘﻧﯩﯟﯦﺮﺳﯩﺘﯧﺘﻼﺭﺩﯨﻦ ﺑﯩﺮﻯ ﺑﻮﻟﻐﺎﻥ ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺗﻮﺭ ﺑﯧﺘﯩﺪﯨﻜﻰ ﺑﯩﺮ ﺧﻪﯞﻩﺭﺩﻩ، ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺋﻪﻧﻘﻪﺭﻩﺩﻩ ﺗﯘﺭﯗﺷﻠﯘﻕ ﺋﻪﻟﭽﯩﺨﺎﻧﯩﺴﯩﻨﯩﯔ ﻣﻪﺩﻩﻧﯩﻴﻪﺕ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺧﺎﺩﯨﻤﻰ ﺷﻰ ﺭﯗﻳﻠﯩﻨﻨﯩﯔ ﺑﯘ ﺋﯩﻨﯩﺴﺘﯩﺘﯘﺗﻨﻰ ﻗﯘﺭﯗﺵ ﻣﻪﻗﺴﯩﺪﻯ ﻫﻪﻗﻘﯩﺪﻩ ﻣﯘﺧﺒﯩﺮﻻﺭﻏﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﻐﺎ ﺋﻮﺭﯗﻥ ﺑﯧﺮﯨﻠﮕﻪﻥ. ﺋﯘ، ﺑﺎﻳﺎﻧﺎﺗﯩﺪﺍ، ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻰ ﺑﯩﻠﻪﻥ ﺑﯩﺮﻟﯩﻜﺘﻪ، ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﺗﻪﺳﯩﺮ ﻛﯚﺭﺳﯩﺘﯩﺸﻜﻪ ﺑﺎﺷﻠﯩﻐﺎﻧﻠﯩﻘﯩﻨﻰ، ﻣﯘﻧﺪﺍﻗﭽﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ ﺧﯩﺘﺎﻱ ﺩﯙﻟﯩﺘﯩﻨﯩﯔ ﺩﯗﻧﻴﺎﯞﯨﻠﯩﺸﯩﺸﻘﺎ ﻗﺎﺭﺍﭖ ﻳﯜﺯﻟﻪﻧﮕﻪﻧﻠﯩﻜﯩﻨﻰ ﺋﯧﻴﺘﻘﺎﻥ. ﺷﻰ ﺭﯗﻳﻠﯩﻦ ﺑﺎﻳﺎﻧﺎﺗﯩﺪﺍ ﻳﻪﻧﻪ، ﭼﻪﺗﺌﻪﻟﺪﻩ ﺧﯩﺘﺎﻳﭽﻪ ﺋﯚﮔﯩﺘﯩﺪﯨﻐﺎﻥ ﯞﻩ ﺟﯘﯕﮕﻮﻧﻰ ﺗﻮﻧﯘﺗﯩﺪﯨﻐﺎﻥ ﻣﻪﺭﻛﻪﺯﻟﻪﺭﮔﻪ ﺋﯧﻬﺘﯩﻴﺎﺝ ﺑﺎﺭﻟﯩﻘﯩﻨﻰ ﺋﯧﻴﺘﻘﺎﻥ.

ﺧﯩﺘﺎﻱ، 50 ﺩﯙﻟﻪﺗﺘﻪ 120 ﻛﯘﯕﺰﻯ ﺋﯩﻨﺴﺘﯩﺘﯘﺗﻰ ﻗﯘﺭﻣﺎﻗﭽﻰ

ﺧﯩﺘﺎﻱ ﺩﯨﭙﻠﻮﻣﺎﺕ ﺷﻰ ﺭﯗﻳﻠﯩﻦ ﺑﯘ ﺋﯩﻨﺴﺘﯩﺘﯘﺗﻨﯩﯔ ﺗﯜﺭﻛﯩﻴﯩﺪﻩ ﻗﯘﺭﯗﻟﻐﺎﻥ ﺗﯘﻧﺠﻰ ﻣﻪﺭﻛﻪﺯ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﮕﻪﻥ: "ﺑﯩﺰ ﺋﺎﻟﺪﯨﻤﯩﺰﺩﯨﻜﻰ ﻳﯩﻠﻼﺭﺩﺍ 50 ﺩﯙﻟﻪﺗﺘﻪ 120 ﻛﯘﯕﺰﻯ ﺋﯩﻨﺴﺘﯩﺘﯘﺗﻰ ﻗﯘﺭﻣﺎﻗﭽﻰ. ﺑﯘ ﺧﯩﺘﺎﻳﭽﻪ ﺋﯚﮔﯩﺘﯩﺪﯨﻐﺎﻥ ﺑﯩﺮ ﻛﯘﺭﺱ ﻳﺎﻛﻰ ﻣﻪﻛﺘﻪﭖ ﺋﻪﻣﻪﺱ، ﭘﯜﺗﯜﻥ ﺧﻪﻟﻖ ﻛﯧﻠﯩﭗ ﭘﺎﻳﺪﯨﻠﯩﻨﺎﻻﻳﺪﯨﻐﺎﻥ ﻣﻪﺩﻩﻧﯩﻴﻪﺕ ﻣﻪﺭﻛﯩﺰﯨﺪﯗﺭ. ﺑﯘ ﺋﯩﻨﯩﺴﺘﯩﺘﯘﺗﺘﺎ ﺩﻩﺭﺱ ﺑﯧﺮﯨﺪﯨﻐﺎﻥ ﺋﻮﻗﯘﺗﻘﯘﭼﯩﻼﺭ ﺧﯩﺘﺎﻳﺪﯨﻦ ﻛﯧﻠﯩﺪﯗ، ﺧﯩﺘﺎﻱ ﺗﯩﻠﯩﺪﯨﻦ ﺑﺎﺷﻘﺎ ﻳﻪﻧﻪ ﺧﯩﺘﺎﻳﻨﯩﯔ ﻳﯧﻤﻪﻙ- ﺋﯩﭽﻤﻪﻛﻠﯩﺮﻯ ﯞﻩ ﻛﯩﻴﯩﻢ-ﻛﯧﭽﻪﻛﻠﯩﺮﯨﻨﯩﻤﯘ ﺗﻮﻧﯘﺷﺘﯘﺭﯨﺪﯗ." ﻛﯘﯕﺰﻯ ﻣﻪﺭﻛﯩﺰﻯ ﺋﯧﭽﯩﻠﯩﺪﯨﻐﺎﻥ ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﻣﯘﺩﯨﺮﻯ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﺋﯘﺭﺍﻝ ﺋﺎﻗﺒﯘﻟﯘﺕ ﺑﺎﻳﺎﻧﺎﺗﯩﺪﺍ ﺑﯘ ﻣﻪﺭﻛﻪﺯﻧﯩﯔ 2007-ﻳﯩﻠﯩﻨﯩﯔ ﺋﺎﺧﯩﺮﯨﻐﯩﭽﻪ ﺋﯧﭽﯩﻠﯩﺪﯨﻐﺎﻧﻠﯩﻘﯩﻨﻰ ﯞﻩ ﺋﯧﭽﯩﺸﺘﯩﻜﻰ ﻣﻪﻗﺴﯩﺘﯩﻨﻰ ﭼﯜﺷﻪﻧﺪﯛﺭﯛﭖ ﻣﯘﻧﺪﺍﻕ ﺩﻩﻳﺪﯗ: "ﺑﯘ ﺋﯩﻨﺴﺘﯩﺘﯘﺕ ﺑﯘ ﻳﯩﻠﻨﯩﯔ ﺋﺎﺧﯩﺮﯨﻐﯩﭽﻪ ﺭﻩﺳﻤﻰ ﺋﯧﭽﯩﻠﯩﺪﯗ. ﺋﯘﻧﯩﯟﯦﺮﺳﯩﺘﯧﺘﯩﻤﯩﺰﻧﯩﯔ ﺋﺎﻣﯧﺮﯨﻜﺎ ﯞﻩ ﻳﺎﯞﺭﻭﭘﺎ ﺩﯙﻟﻪﺗﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﻰ ﻧﺎﻫﺎﻳﯩﺘﻰ ﻗﻮﻳﯘﻕ. ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﯨﻜﻰ ﺋﯘﻧﯩﯟﯦﺮﺳﯩﺘﯧﺘﻼﺭ ﺑﯩﻠﻪﻥ ﺑﻮﻟﻐﺎﻥ ﺋﺎﻻﻗﯩﻤﯩﺰ ﺑﯩﺰ ﺋﺎﺭﺯﯗ ﻗﯩﻠﻐﺎﻥ ﺳﻪﯞﯨﻴﯩﺪﻩ ﺋﻪﻣﻪﺱ، ﺷﯘﯕﺎ ﺑﯘ ﻣﻪﺭﻛﻪﺯ ﺧﯩﺘﺎﻱ ﺩﯙﻟﯩﺘﻰ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻤﯩﺰﻧﻰ ﻛﯜﭼﻪﻳﺘﯩﺶ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻢ ﺩﻩﭖ ﻗﺎﺭﺍﻳﻤﻪﻥ."

ﺧﯩﺘﺎﻳﻨﯩﯔ ﺑﯘﻧﺪﺍﻕ ﺑﯩﺮﻯ ﺋﯩﺴﺘﺮﺍﺗﯧﮕﯩﻴﯩﻨﻰ ﻳﻮﻟﻐﺎ ﻗﻮﻳﯘﺷﺘﯩﻜﻰ ﻣﻪﻗﺴﯩﺪﻯ ﻧﯧﻤﻪ؟

ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﻰ ﻣﯘﺩﯨﺮﻯ ﺋﯘﺭﺍﻝ ﺋﺎﻗﺒﯘﻟﯘﺕ ﺋﯚﺯ ﺑﺎﻳﺎﻧﺎﺗﯩﺪﺍ ﻳﻪﻧﻪ ﺑﯘ ﻣﻪﺭﻛﻪﺯﺩﻩ ﺧﯩﺘﺎﻱ ﺗﯩﻠﯩﻨﯩﻼ ﺋﯚﮔﯩﺘﯩﭗ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﺧﯩﺘﺎﻱ ﻣﻪﺩﻩﻧﯩﻴﯩﺘﻰ ﯞﻩ ﺧﯩﺘﺎﻳﻨﯩﯔ ﻫﺎﺯﯨﺮﻗﻰ ﺋﯩﻘﺘﯩﺴﺎﺩﯨﻲ، ﺳﯩﻴﺎﺳﯩﻲ ﺗﻪﺭﻩﻗﻘﯩﻴﺎﺗﯩﻨﯩﯖﻤﯘ ﺋﯚﮔﯩﺘﯩﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

2007-ﻳﯩﻠﻰ 4-ﺋﺎﻳﻨﯩﯔ 9-ﻛﯜﻧﻰ ﺑﯧﻴﺠﯩﯖﺪﺍ ﻛﻮﯕﻔﯘﺯﻯ ﺋﯩﻨﺴﺘﯩﺘﯘﺗﻰ ﻣﻪﺭﻛﯩﺰﻯ ﻗﯘﺭﯗﻟﻐﺎﻥ ﺑﻮﻟﯘﭖ، ﺑﯘ ﻣﻪﺭﻛﻪﺯ ﺗﺎﺭﻣﯩﻘﯩﺪﺍ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﻛﻮﯕﻔﯘﺯﻯ ﺋﯩﻨﺴﺘﯩﺘﯘﺗﻠﯩﺮﻯ ﻗﯘﺭﯗﻟﯩﺪﯨﻜﻪﻥ. ﻣﻪﺭﻛﻪﺯﻟﻪﺭﻧﯩﯔ ﺗﯘﻧﺠﯩﺴﻰ ﻛﻮﺭﯨﻴﻪﺩﻩ، ﺋﯩﻜﻜﯩﻨﭽﯩﺴﻰ ﭘﺎﻛﯩﺴﺘﺎﻧﺪﺍ ﺋﯧﭽﯩﻠﻐﺎﻥ ﺑﻮﻟﯘﭖ ﺋﺎﯞﺳﺘﺮﺍﻟﯩﻴﻪ، ﺭﯗﺳﯩﻴﻪ ﯞﻩ ﺗﯜﺭﻛﯩﻴﯩﺪﯨﻜﻰ ﻗﯘﺭﯗﻟﯘﺵ ﺗﻪﻳﻴﺎﺭﻟﯩﻖ ﺧﯩﺰﻣﻪﺗﻠﯩﺮﻯ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﺋﯩﻜﻪﻥ.

ﺧﯩﺘﺎﻳﻨﯩﯔ ﺑﯘﻧﺪﺍﻕ ﺑﯩﺮﻯ ﺋﯩﺴﺘﺮﺍﺗﯧﮕﯩﻴﯩﻨﻰ ﻳﻮﻟﻐﺎ ﻗﻮﻳﯘﺷﺘﯩﻜﻰ ﻣﻪﻗﺴﯩﺪﻯ ﻧﯧﻤﻪ؟ ﺑﯘﻧﯩﯖﻐﺎ ﺩﯗﻧﻴﺎ ﺩﯙﻟﻪﺗﻠﯩﺮﻯ ﻗﺎﻧﺪﺍﻕ ﻗﺎﺭﯨﺸﻰ ﻣﯘﻣﻜﯩﻦ ؟ ﺩﯦﮕﻪﻧﮕﻪ ﺋﻮﺧﺸﺎﺵ ﺑﯩﺮ ﻳﯜﺭﯛﺵ ﻣﻪﺳﯩﻠﯩﻠﻪﺭ ﺑﻮﻳﯩﭽﻪ ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ ﺋﯚﺯ ﻗﺎﺭﯨﺸﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺑﯜﮔﯜﻥ ﺩﯗﻧﻴﺎﻧﯩﯔ ﻗﯩﻤﻤﻪﺕ ﻗﺎﺭﯨﺸﯩﻨﯩﯔ ﺩﯦﻤﻮﻛﺮﺍﺗﯩﻴﻪ ﯞﻩ ﺋﯩﻨﺴﺎﻥ ﻫﻪﻗﻠﯩﺮﻯ ﺋﯩﻜﻪﻧﻠﯩﻜﯩﻨﻰ، ﻛﯘﯕﺰﻯ ﭘﻪﻟﺴﻪﭘﯩﺴﯩﻨﯩﯔ ﺩﯨﻜﺘﺎﺗﻮﺭﻟﯘﻗﻨﻰ ﺗﻪﺭﻏﯩﭗ ﻗﯩﻠﯩﺪﯨﻐﺎﻥ ﺑﯩﺮ ﭘﻪﻟﺴﻪﭘﻪ ﺋﯩﻜﻪﻧﻠﯩﻜﯩﻨﻰ، ﺷﯘﯕﺎ ﺧﯩﺘﺎﻳﻨﯩﯔ ﺑﯘ ﺋﯩﺴﺘﺮﺍﺗﯧﮕﯩﻴﯩﺴﯩﺪﻩ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. (ﺋﻪﺭﻛﯩﻦ ﺗﺎﺭﯨﻢ)