ﭼﻪﺗﺌﻪﻟﻠﻪﺭﺩﯨﻜﻰ ﻛﺎﻧﺎﺩﺍ ﻛﯘﯓ ﺯﻯ ﺋﯩﻨﯩﺴﺘﯩﺘﯘﺗﻠﯩﺮﻯ ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ ﭼﯜﻣﭙﻪﺭﺩﯨﺴﻰ

• ﻣﯘﺧﺒﯩﺮﯨﻤﯩﺰ ﻛﺎﻣﯩﻞ ﺗﯘﺭﺳﯘﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻛﺎﻧﺎﺩﺍﻧﯩﯔ ﻫﻪﺭ ﻗﺎﻳﺴﻰ ﺷﯩﺘﺎﺕ ﯞﻩ ﺷﻪﻫﻪﺭﻟﯩﺮﯨﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﻛﯘﯓ ﺯﻯ ﺋﯩﻨﯩﺴﺘﯩﺘﯘﺗﻰ ﻗﯘﺭﯗﺵ ﻗﻪﺩﯨﻤﯩﻨﻰ ﺗﯩﺰﻟﻪﺗﻜﻪﻧﻠﯩﻜﺘﯩﻦ، ﺧﯩﺘﺎﻳﻨﯩﯔ ﺑﯘ ﻏﻪﻳﺮﻯ ﻫﻪﺭﯨﻜﯩﺘﻰ ﻛﺎﻧﺎﺩﺍ ﺧﻪﯞﭘﺴﯩﺰﻟﯩﻚ ﺋﻮﺭﮔﺎﻧﻠﯩﺮﻯ ﯞﻩ ﻛﺎﻧﺎﺩﺍ ﺟﺎﻣﺎﺋﯩﺘﯩﻨﯩﯔ ﺟﯩﺪﺩﯨﻲ ﺩﯨﻘﻘﯩﺘﯩﻨﻰ ﺗﺎﺭﺗﺘﻰ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻛﺎﻧﺎﺩﺍﺩﯨﻜﻰ ﺗﯘﻧﺠﻰ ﻛﯘﯓ ﺯﻯ ﺋﯩﻨﯩﺴﺘﯩﺘﯘﺗﯩﻨﻰ 2005-ﻳﯩﻠﯩﻨﯩﯔ ﺋﻮﺗﺘﯘﺭﯨﻠﯩﺮﻯ ﯞﺍﻧﻜﻮﯞﯦﺮﻏﺎ ﺟﺎﻳﻼﺷﻘﺎﻥ ﺑﺮﯨﺘﯩﺶ ﻛﻮﻟﯘﻣﺒﯩﻴﻪ ﺗﯧﺨﻨﯩﻜﺎ ﺋﯩﻨﯩﺴﺘﯩﺘﯘﺗﯩﺪﺍ ﺋﺎﭼﻘﺎﻥ ﺋﯩﺪﻯ. ﺑﯘ ﺧﯩﻞ ﺋﯩﻨﯩﺴﺘﯩﺘﯘﺕ 3 ﻳﯩﻠﻐﺎ ﻳﻪﺗﻤﯩﮕﻪﻥ ﯞﺍﻗﯩﺖ ﺋﯩﭽﯩﺪﻩ ﻛﺎﻧﺎﺩﺍﻧﯩﯔ ﻫﻪﺭ ﻗﺎﻳﺴﻰ ﺷﯩﺘﺎﺗﻠﯩﺮﯨﺪﯨﻜﻰ ﻛﯚﭘﻠﯩﮕﻪﻥ ﺋﺎﻟﯩﻲ ﻣﻪﻛﺘﻪﭘﻠﻪﺭﮔﻪ ﻛﯧﯖﻪﻳﺪﻯ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﭼﻪﺗﺌﻪﻟﻠﻪﺭﺩﻩ ﺗﯩﺰ ﺳﯜﺭﺋﻪﺗﺘﻪ ﻗﯘﺭﯗﯞﺍﺗﻘﺎﻥ ﻛﯘﯓ ﺯﻯ ﺋﯩﻨﯩﺴﺘﯩﺘﯘﺗﻠﯩﺮﯨﻨﯩﯔ ﺧﯩﺘﺎﻳﻨﯩﯔ ﭼﻪﺗﺌﻪﻟﻠﻪﺭﺩﯨﻜﻰ ﻣﻪﺩﻩﻧﯩﻴﻪﺕ ﺋﺎﻟﻤﺎﺷﺘﯘﺭﯗﺵ ﻛﯚﯞﺭﯛﻛﻰ ﺋﯩﻜﻪﻧﻠﯩﻜﯩﻨﻰ، ﺑﯘ ﺋﻮﺭﮔﺎﻧﻨﯩﯔ ﻣﻪﻗﺴﯩﺘﯩﻨﯩﯔ ﺧﯩﺘﺎﻳﻨﯩﯔ ﺋﻪﻧﺌﻪﻧﯩﯟﯨﻲ ﻣﻪﺩﻩﻧﯩﻴﯩﺘﯩﻨﻰ ﺗﻪﺷﯟﯨﻖ ﻗﯩﻠﯩﺶ،ﺳﻮﺩﺍ ﺋﺎﻻﻗﯩﻠﯩﺮﯨﻨﻰ ﻛﯜﭼﻪﻳﺘﯩﺶ ﺷﯘﻧﺪﺍﻗﻼ ﺧﯩﺘﺎﻱ ﺗﯩﻠﯩﻨﻰ ﺋﯚﮔﻪﻧﮕﯜﭼﯩﻠﻪﺭﮔﻪ ﻗﻮﻻﻳﻠﯩﻖ ﻳﺎﺭﯨﺘﯩﺶ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ ﻛﻪﻟﮕﻪﻥ ﺑﻮﻟﺴﯩﻤﯘ،ﺋﻪﻣﻤﺎ ﺋﯘﻻﺭﻧﯩﯔ ﺑﯘ ﺋﻮﺭﮔﺎﻧﻨﻰ ﻗﯘﺭﯗﺵ ﺋﯜﭼﯜﻥ ﻏﺎﻳﻪﺕ ﺯﻭﺭ ﺋﺎﺩﻩﻡ ﻛﯜﭼﻰ ﯞﻩ ﻣﻪﺑﻠﻪﻍ ﺳﻪﺭﭖ ﻗﯩﻠﯩﺸﻰ ﻛﯩﺸﯩﻠﻪﺭﺩﯨﻜﻰ ﮔﯘﻣﺎﻧﻨﻰ ﺗﯧﺨﯩﻤﯘ ﻛﯜﭼﻪﻳﺘﻜﻪﻥ.

ﺧﯩﺘﺎﻱ ﻳﯘﻣﺸﺎﻕ ﯞﺍﺳﺘﯩﻼﺭ ﺋﺎﺭﻗﯩﻠﯩﻖ ﻏﻪﺭﺑﻠﯩﻜﻠﻪﺭﻧﯩﯔ ﻗﻪﻟﺒﯩﻨﻰ ﻣﺎﻳﯩﻞ ﻗﯩﻠﻤﺎﻗﭽﻰ

ﻛﺎﻧﺎﺩﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺋﺎﺭﻗﯩﻠﯩﻖ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ، ﻛﺎﻧﺎﺩﺍ ﺧﻪﯞﭘﺴﯩﺰﻟﯩﻚ ﺋﻮﺭﮔﯩﻨﯩﻨﯩﯔ ﻣﻪﺧﭙﯩﻲ ﺩﻭﻛﻼﺗﯩﺪﺍ " ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻛﺎﻧﺎﺩﺍﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻛﯚﭘﻠﯩﮕﻪﻥ ﺩﯙﻟﻪﺗﻠﻪﺭﺩﻩ ﻛﯘﯓ ﺯﻯ ﺋﯩﻨﺴﺘﯩﺘﯘﺗﯩﻨﻰ ﻗﯘﺭﯗﺵ ﻗﻪﺩﯨﻤﯩﻨﻰ ﺗﯩﺰﻟﯩﺘﯩﺸﺘﯩﻜﻰ ﻣﻪﻗﺴﯩﺘﻰ ﭘﯜﺗﯜﻥ ﺩﯗﻧﻴﺎﺩﯨﻜﻰ ﺧﻪﻟﻘﻠﻪﺭﻧﯩﯔ ﻗﻪﻟﺒﯩﻨﻰ ﺋﯚﺯﯨﮕﻪ ﻣﺎﻳﯩﻞ ﻗﯩﻠﯩﺶ ﺋﺎﺭﻗﯩﻠﯩﻖ، ﺋﯚﺯﯨﻨﯩﯔ ﺗﻪﺳﯩﺮ ﻛﯜﭼﯩﻨﻰ ﺳﯩﯖﺪﯛﺭﯛﺵ ﺷﯘﻧﺪﺍﻗﻼ ﺑﯘ ﻳﯘﻣﺸﺎﻕ ﯞﺍﺳﺘﻪ ﺋﺎﺭﻗﯩﻠﯩﻖ ﭘﯜﺗﯜﻥ ﺩﯗﻧﻴﺎﻧﯩﯔ ﻗﻪﻟﺒﯩﻨﻰ ﺋﯚﺯﯨﮕﻪ ﺭﺍﻡ ﻗﯩﻠﯩﭗ،ﻏﻪﺭﺑﻠﯩﻜﻠﻪﺭﻧﯩﯔ ﻣﯧﯖﯩﺴﯩﻨﻰ ﻳﯘﻳﯘﺵ" ﺩﯦﻴﯩﻠﮕﻪﻥ.

ﻛﺎﻧﺎﺩﺍ ﺑﯩﺨﻪﺗﻪﺭﻟﯩﻚ ﺋﯩﺪﺍﺭﯨﺴﯩﻨﯩﯔ ﺩﻭﻛﻼﺗﯩﺪﺍ "ﻛﯘﯓ ﺯﻯ ﺋﯩﻨﯩﺴﺘﯩﺘﯘﺗﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯚﺯ ﺋﯩﺪﯦﺌﻮﻟﻮﮔﯩﻴﯩﺴﻰ ﯞﻩ ﺳﯩﻴﺎﺳﻪﺗﻠﯩﺮﯨﻨﻰ ﭼﻪﺗﺌﻪﻟﻠﻪﺭﮔﻪ ﻛﯧﯖﻪﻳﺘﯩﺪﯨﻐﺎﻥ ﻣﯘﻧﺒﻪﺭ ﺷﯘﻧﺪﺍﻗﻼ ﺧﯩﺘﺎﻳﻨﯩﯔ ﻣﻪﺩﻩﻧﯩﻴﻪﺕ ﺳﺎﻫﻪﺳﯩﮕﻪ ﺳﯩﯖﯩﭗ ﻛﯩﺮﯨﺸﺘﯩﻜﻰ ﻗﻮﺭﺍﻟﻰ" ﺩﯦﻴﯩﻠﯩﺪﯗ. ﺩﻭﻛﻼﺗﺘﺎ ﺧﯩﺘﺎﻳﻨﯩﯔ ﻛﺎﻧﺎﺩﺍﺩﺍ ﺗﯩﺰ ﺳﯜﺭﺋﻪﺗﺘﻪ ﻗﯘﺭﯗﯞﺍﺗﻘﺎﻥ ﻛﯘﯓ ﺯﻯ ﺋﯩﻨﺴﺘﯩﺘﯘﺗﻠﯩﺮﯨﻨﻰ ﺋﯧﻨﯩﻖ ﻗﯩﻠﯩﭗ، ﺟﺎﺳﯘﺳﻠﯘﻕ ﺋﻮﺭﮔﺎﻥ ﺩﻩﭖ ﺋﺎﺗﯩﻤﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻛﺎﻧﺎﺩﺍﻏﺎ ﻗﺎﺭﺍﺗﻘﺎﻥ ﺟﺎﺳﯘﺳﻠﯘﻕ ﻫﻪﺭﯨﻜﻪﺗﻠﯩﺮﯨﻨﻰ ﻛﯜﻧﺪﯨﻦ ‏- ﻛﯜﻧﮕﻪ ﻛﯜﭼﻪﻳﺘﯩﯟﺍﺗﻘﺎﻧﻠﯩﻘﻰ ﯞﻩ ﺑﯘ ﺧﯩﻞ ﻫﻪﺭﯨﻜﻪﺗﻨﯩﯔ ﺗﯜﺭ-ﺷﻪﻛﯩﻠﻠﯩﺮﯨﻨﯩﯔ ﺑﺎﺭﻏﺎﻧﺴﯧﺮﻯ ﻛﯚﭘﯩﻴﯩﯟﺍﺗﻘﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﻐﺎﻥ.

ﺧﯩﺘﺎﻱ ﺟﺎﺳﯘﺳﻠﯩﺮﻯ ﻛﺎﻧﺎﺩﺍ ﺋﯜﭼﯜﻥ ﺋﻪﯓ ﭼﻮﯓ ﺗﻪﻫﺪﯨﺖ

ﺑﯘﻧﯩﯖﺪﯨﻦ ﺋﯩﻠﮕﯩﺮﻯ، ﻛﺎﻧﺎﺩﺍ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﺟﯩﻢ ﺟﯘﺩﺩ ﻛﺎﻧﺎﺩﺍ ﭘﺎﺭﻻﻣﯧﻨﺘﯩﻨﯩﯔ ﻣﯩﻠﻠﯩﻲ ﺑﯩﺨﻪﺗﻪﺭﻟﯩﻚ ﯞﻩ ﻣﯘﺩﺍﭘﯩﺌﻪ ﻛﻮﻣﯩﺘﯧﺘﯩﺪﺍ ﮔﯘﯞﺍﻫﻠﯩﻖ ﺑﻪﺭﮔﻪﻧﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻛﺎﻧﺎﺩﺍﻏﺎ ﻗﺎﺭﺍﺗﻘﺎﻥ ﺟﺎﺳﯘﺳﻠﯘﻕ ﻫﻪﺭﯨﻜﻪﺗﻠﯩﺮﯨﻨﻰ ﺟﯩﺪﺩﯨﻴﻠﻪﺷﺘﯘﺭﮔﻪﻧﻠﯩﻜﻰ، ﻛﺎﻧﺎﺩﺍ ﺧﻪﯞﭘﺴﯩﺰﻟﯩﻚ ﺋﻮﺭﮔﯩﻨﯩﺪﯨﻜﻰ ﺧﺎﺩﯨﻤﻼﺭﻧﯩﯔ ﺋﺎﺳﺎﺳﻠﯩﻖ ﯞﻩﺯﯨﭙﯩﺴﻰ ﺧﯩﺘﺎﻳﻨﯩﯔ ﻛﺎﻧﺎﺩﺍﺩﯨﻜﻰ ﺟﺎﺳﯘﺳﻠﯘﻕ ﻫﻪﺭﯨﻜﻪﺗﻠﯩﺮﯨﻨﻰ ﻧﺎﺯﺍﺭﻩﺕ ﻗﯩﻠﯩﺶ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﯞﺳﺘﺮﺍﻟﯩﻴﯩﺪﯨﻜﻰ ﺑﺎﺵ ﺋﻪﻟﭽﯩﺨﺎﻧﯩﺴﯩﺪﺍ 1-ﺩﻩﺭﯨﺠﯩﻠﯩﻚ ﺳﯩﻴﺎﺳﯩﻲ ﻛﺎﺗﯩﭙﻠﯩﻖ ﯞﻩﺯﯨﭙﯩﺴﯩﻨﻰ ﺋﺎﺗﻘﯘﺭﻏﺎﻥ ﭼﻪﻥ ﻳﯘﯕﻠﯩﻦ، 2005 -ﻳﯩﻠﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﺪﯨﻦ ﻳﯜﺯ ﺋﯚﺭﯛﭖ، ﺋﺎﯞﺳﺘﺮﺍﻟﯩﻴﻪ ﻫﯚﻛﯜﻣﯩﺘﯩﺪﯨﻦ ﺳﯩﻴﺎﺳﯩﻲ ﭘﺎﻧﺎﻫﻠﯩﻖ ﺗﯩﻠﯩﮕﻪﻧﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﻣﯧﺮﯨﻜﺎ، ﻛﺎﻧﺎﺩﺍ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﻩ 1000 ﺩﯨﻦ ﺋﻮﺷﯘﻕ ﺟﺎﺳﯘﺳﯩﻨﯩﯔ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ ﺋﯩﺪﻯ.

ﭼﻪﻥ ﻳﯘﯕﻠﯩﻦ ﺑﯘ ﻗﯧﺘﯩﻢ ﻛﺎﻧﺎﺩﺍ ﺧﻪﯞﭘﺴﯩﺰﻟﯩﻚ ﺋﻮﺭﮔﯩﻨﯩﻨﯩﯔ ﺩﻭﻛﻼﺗﻰ ﯞﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﭼﻪﺗﺌﻪﻟﻠﻪﺭﺩﻩ ﻛﯘﯓ ﺯﻯ ﺋﯩﻨﺴﺘﯩﺘﯘﺗﻠﯩﺮﯨﻨﻰ ﺗﯩﺰ ﺳﯜﺭﺋﻪﺗﺘﻪ ﻛﯚﭘﻪﻳﺘﯩﺸﺘﯩﻜﻰ ﻣﻪﻗﺴﻪﺗﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ:"ﭼﻪﺗﺌﻪﻟﻠﻪﺭﺩﯨﻜﻰ ﻛﯘﯓ ﺯﻯ ﺋﯩﻨﯩﺴﺘﯩﺘﯘﺗﻠﯩﺮﻯ ﺋﻪﻣﻪﻟﯩﻴﻪﺗﺘﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺑﯩﯟﺍﺳﺘﻪ ﻛﻮﻧﺘﺮﻭﻝ ﻗﯩﻠﯩﻨﯩﺪﯗ. ﺑﯘ ﺋﯩﻨﯩﺴﺘﯩﺘﯘﺗﻼﺭﻧﯩﯔ ﻣﻪﺳﺌﯘﻟﻠﯩﺮﯨﻨﻰ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﻯ ﺋﯚﺯﻟﯩﺮﻯ ﺑﯩﺮ ﻗﻮﻟﻠﯘﻕ ﺗﺎﻟﻼﭖ ﺑﯧﻜﯩﺘﯩﺪﯗ. ﺧﯩﺘﺎﻳﻨﯩﯔ ﻣﻪﻗﺴﯩﺘﻰ ﺑﯘ ﺋﻮﺭﮔﺎﻥ ﺋﺎﺭﻗﯩﻠﯩﻖ ﭼﻪﺗﺌﻪﻟﻠﻪﺭﺩﻩ ﺧﯩﺘﺎﻱ ﻣﻪﺩﻩﻧﯩﻴﯩﺘﯩﻨﻰ ﺗﻮﻧﯘﺷﺘﯘﺭﯗﺵ ﯞﻩ ﺳﻮﺩﺍ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﻛﯜﭼﻪﻳﺘﯩﺶ ﺋﻪﻣﻪﺱ، ﺑﻪﻟﻜﻰ ﺑﯘﻧﯩﯔ ﺋﺎﺭﻗﯩﺴﯩﻐﺎ ﺳﯩﻴﺎﺳﯩﻲ ﻣﻪﻗﺴﻪﺕ ﻳﻮﺷﯘﺭﯗﻧﻐﺎﻥ،" ﺩﯦﺪﻯ.

ﻛﯘﯓ ﺯﻯ ﺋﯩﻨﯩﺴﺘﯩﺘﯘﺗﻰ ﺧﯩﺘﺎﻳﻨﯩﯔ ﭼﯜﻣﭙﻪﺭﺩﯨﺴﯩﺪﯗﺭ

ﺳﺎﺑﯩﻖ ﺧﯩﺘﺎﻱ ﺩﯨﭙﻠﻮﻣﺎﺗﻰ ﭼﻪﻥ ﻳﯘﯕﻠﯩﻦ ﺧﯩﺘﺎﻳﻨﯩﯔ ﭼﻪﺗﺌﻪﻟﻠﻪﺭﺩﯨﻜﻰ ﻛﯘﯓ ﺯﻯ ﺋﯩﻨﺴﺘﯩﺘﯘﺗﯩﻨﯩﯔ ﺋﯚﭘﻜﻪ ﻛﯚﺭﺳﯩﺘﯩﭗ ﻗﯘﻳﺮﯗﻕ ﺳﺎﺗﯩﺪﯨﻐﺎﻥ ﺋﻮﺭﮔﺎﻥ ﺋﯩﻜﻪﻧﻠﯩﻜﻰ، ﺧﯩﺘﺎﻳﻨﯩﯔ ﺑﯘ ﺋﻮﺭﮔﺎﻥ ﺋﺎﺭﻗﯩﻠﯩﻖ "ﺋﺎﺕ ﺋﺎﻳﻠﯩﺨﺎﻧﻐﺎ ﻳﻮﻝ ﺳﺎﺭﯨﺨﺎﻧﻐﺎ" ﺩﯦﮕﻪﻧﺪﻩﻙ ﺳﯩﻴﺎﺳﻪﺕ ﻳﯜﺭﮔﯜﺯﯛﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ: "ﺗﯩﻞ ﺋﯚﮔﯩﺘﯩﺶ ﺑﯩﺮ ﺧﯩﻞ ﯞﺍﺳﺘﻪ. ﺧﯩﺘﺎﻳﻨﯩﯔ ﺋﺎﺳﺎﺳﻠﯩﻖ ﻣﻪﻗﺴﯩﺘﻰ ﺋﯚﺯﯨﻨﯩﯔ ﺋﯩﺪﯦﺌﻮﻟﻮﮔﯩﻴﯩﺴﯩﻨﻰ ﺗﻪﺷﯟﯨﻖ ﻗﯩﻠﯩﺶ، ﻛﯩﺸﯩﻠﻪﺭﮔﻪ ﺑﯘ ﺋﯩﺪﯦﺌﻮﻟﻮﮔﯩﻴﯩﻨﻰ ﺳﯩﯖﺪﯛﺭﯛﺵ ﯞﻩ ﺑﯘ ﺩﯙﻟﻪﺗﻠﻪﺭﺩﻩ ﺳﯩﻴﺎﺳﯩﻲ ﺗﻪﺳﯩﺮ ﻛﯜﭼﯩﻨﻰ ﻛﯧﯖﻪﻳﺘﯩﺸﺘﯘﺭ. ﻛﯘﯓ ﺯﻯ ﺋﯩﻨﯩﺴﺘﯩﺘﯘﺗﻰ ﺧﯩﺘﺎﻱ ﺋﯜﭼﯜﻥ ﺑﯩﺮ ﭼﯜﻣﭙﻪﺭﺩﻩ،" ﺩﻩﻳﺪﯗ. ﺋﯘ ﺳﯚﺯﯨﺪﻩ، ﺑﯘ ﺋﻮﺭﮔﺎﻧﻨﯩﯔ ﻛﯚﺯﯨﺘﯩﺶ ﯞﻩ ﻧﺎﺯﺍﺭﻩﺕ ﻗﯩﻠﯩﺶ ﺋﻮﺭﻧﻰ ﺋﯩﻜﻪﻧﻠﯩﻜﯩﻨﯩﻤﯘ ﺗﯩﻠﻐﺎ ﺋﺎﻟﯩﺪﯗ.

ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﻯ ﻛﯘﯓ ﺯﯨﻨﯩﯔ ﻧﺎﻣﯩﻨﻰ ﺳﯜﻳﺌﯩﺴﺘﯩﻤﺎﻝ ﻗﯩﻠﻤﺎﻗﺘﺎ

ﻛﺎﻧﺎﺩﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺷﺎﯕﺨﻪﻳﺪﻩ ﺗﯘﺭﯗﺷﻠﯘﻕ ﻣﯘﺧﺒﯩﺮﻯ ﺋﺎﺋﯩﻠﯧﻦ ﻣﯩﻜﻜﺎﺑﯧﻨﯩﯔ "ﺳﻮﺩﯨﮕﻪﺭﻟﻪﺭﻧﯩﯔ ﻗﻮﻟﯩﺪﯨﻜﻰ ﺳﯩﺮﻟﯩﻖ ﻗﻮﺭﺍﻝ - ﺧﯩﺘﺎﻳﭽﻪ ﺳﯚﺯﻟﻪﻳﺪﯨﻐﺎﻥ ﺳﻪﺗﻪﯓ" ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ ﻛﯘﯓ ﺯﻯ ﺋﯩﻨﯩﺴﺘﯩﺘﯘﺗﻰ ﻫﻪﻗﻘﯩﺪﯨﻜﻰ ﮔﯘﻣﺎﻧﻠﯩﺮﻯ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﯘﭖ،ﺋﯘﻧﯩﯖﺪﺍ: "ﺧﯩﺘﺎﻳﻼﺭ ﻣﺎﯞ ﺯﯦﺪﯗﯕﻨﻰ ﺗﺎﻟﻠﯩﺴﺎ ﺑﻮﻻﺗﺘﻰ، ﺧﯘﺩﺩﻯ ﺗﻴﻪﻧﺌﻪﻧﻤﯩﻨﻨﯩﯔ ﭘﯩﺸﺎﻧﯩﺴﯩﮕﻪ ﻣﺎﯞ ﺯﯦﺪﯗﯕﻨﯩﯔ ﺭﻩﺳﯩﻤﯩﻨﻰ ﺋﯧﺴﯩﭗ ﻗﻮﻳﻐﺎﻧﺪﻩﻙ. ﻫﺎﻟﺒﯘﻛﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﻗﯧﺘﯩﻢ ﻣﺎﺭﻛﯩﺴﯩﺰﻡ ﺋﯩﺪﯦﺌﻮﻟﻮﮔﯩﻴﯩﺴﯩﻨﻰ ﺑﯩﺮ ﭼﻪﺗﻜﻪ ﻗﺎﻳﺮﯨﭗ ﻗﻮﻳﯘﭖ، ﻛﯘﯓ ﺯﯨﻨﻰ ﺗﺎﻟﻠﯩﺪﻯ. ﺋﯩﻜﻜﻰ ﻣﯩﯔ ﻳﯩﻞ ﺋﯩﻠﮕﯩﺮﻯ ﺋﯚﺗﻜﻪﻥ ﺑﯩﺮ ﭘﻪﻳﻼﺳﻮﭘﻨﻰ ﺋﯚﺯﻟﯩﺮﯨﮕﻪ "ﻣﻪﺩﻩﻧﯩﻴﻪﺕ ﺋﻪﻟﭽﯩﺴﻰ" ﻗﯩﻠﻤﺎﻗﭽﻰ ﺑﻮﻟﺪﻯ، ﺑﯘﺳﻰ ﻛﯩﺸﯩﻨﻰ ﺋﻮﻳﻼﻧﺪﯗﺭﯨﺪﯗ "ﺩﻩﭖ ﻳﺎﺯﯨﺪﯗ.

ﻛﺎﻧﺎﺩﺍ ﺑﺮﻭﻛﻚ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺳﯩﻴﺎﺳﻪﺕ ﭘﻪﻧﻠﯩﺮﻯ ﭘﺮﻭﻓﯧﺴﺴﻮﺭﻯ، ﺧﯩﺘﺎﻳﺸﯘﻧﺎﺱ ﭼﺎﺭﻟﻪﺱ ﺑﯘﺭﺗﻮﻥ ﺑﻮﻟﺴﺎ ﮔﻠﻮﺑﻪ ﺋﺎﻧﺪ ﻣﺎﺋﯩﻞ ﮔﯧﺰﯨﺘﯩﮕﻪ ﻳﻮﻟﻠﯩﻐﺎﻥ ﺧﯧﺘﯩﺪﻩ " ﻣﻪﻥ ﻛﯘﯓ ﺯﻯ ﺋﻪﺳﻪﺭﻟﯩﺮﻯ ﯞﻩ ﺑﯘ ﻫﻪﻗﺘﯩﻜﻰ ﻛﯩﺘﺎﺑﻼﺭﻧﻰ ﺋﻪﯓ ﻛﯚﭖ ﺋﻮﻗﯘﻏﺎﻥ ﺑﯩﺮﯨﻤﻪﻥ. ﻣﻪﻥ ﻫﯧﭻ ﺑﻮﻟﻤﯩﻐﺎﻧﺪﺍ، ﺋﻪﮔﻪﺭ ﻛﯘﯓ ﺯﻯ ﺑﯜﮔﯜﻧﻜﻰ ﻛﯜﻧﺪﻩ ﻫﺎﻳﺎﺕ ﺑﻮﻟﻐﺎﻥ ﺑﻮﻟﺴﺎ،ﺋﯘﻧﯩﯔ ﺩﯦﻤﻮﻛﺮﺍﺗﯩﻴﻪ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻟﻠﯩﻤﺎﻱ ﻗﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺩﻩﭖ ﺑﯧﺮﻩﻟﻪﻳﻤﻪﻥ. ﺋﻪﻣﻤﺎ ﻳﻪﻧﻪ، ﺋﯘﻧﯩﯔ ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﮕﻪ ﻛﯩﺮﯨﺸﻜﻪ ﺋﯩﻠﺘﯩﻤﺎﺱ ﺳﯘﻧﻤﺎﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﻛﯚﭘﻠﯩﮕﻪﻥ ﺩﻩﻟﯩﻠﻠﻪﺭﻧﻰ ﻛﻪﻟﺘﯜﺭﻩﻟﻪﻳﻤﻪﻥ، ﺩﻩﭖ ﻳﺎﺯﯨﺪﯗ.

ﻛﺎﻧﺎﺩﺍ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﯩﻨﯩﯔ ﺩﻭﻛﻼﺗﯩﺪﺍ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﻳﯘﻣﺸﺎﻕ ﯞﺍﺳﺘﯩﻼﺭ ﺋﺎﺭﻗﯩﻠﯩﻖ ﻏﻪﺭﺏ ﺩﯗﻧﻴﺎﺳﯩﻐﺎ ﺳﯩﯖﯩﭗ ﻛﯩﺮﯨﺸﻨﻰ ﺟﯩﺪﺩﯨﻴﻠﻪﺷﺘﯜﺭﯨﯟﺍﺗﻘﺎﻧﻠﯩﻘﯩﻤﯘ ﺋﺎﻻﻫﯩﺪﻩ ﺋﻪﺳﻜﻪﺭﺗﯩﻠﮕﻪﻥ. (ﻛﺎﻣﯩﻞ ﺗﯘﺭﺳﯘﻥ)