ﺧﯩﺘﺎﻳﺪﺍ ﻫﺎﺯﯨﺮ ﻗﺎﻧﺪﺍﻕ ﻣﻪﺩﻩﻧﯩﻴﻪﺕ ﺋﺎﺳﺎﺳﯩﻲ ﺋﻮﺭﯗﻧﺪﺍ ﺗﯘﺭﯨﺪﯗ؟

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

5 ‏- ﺋﺎﻳﻨﯩﯔ 28 ‏- ﻛﯜﻧﻰ ﺋﺎﻣﯧﺮﯨﻜﯩﺪﺍ ﭼﯩﻘﯩﺪﯨﻐﺎﻥ 'ﻳﯧﯖﻰ ﺋﻪﺳﯩﺮ ﺟﯘﺭﻧﯩﻠﻰ' ﺩﺍ، ﺳﻪﻧﺸﻰ ﺋﯚﻟﻜﯩﻠﯩﻚ ﭘﺎﺭﺗﯩﻴﻪ ﻣﻪﻛﺘﻪﭖ ﭘﺮﻭﻓﯧﺴﺴﻮﺭﻯ ﯞﯗﻣﯩﯔ ﺋﻪﭘﻪﻧﺪﯨﻨﯩﯔ 'ﺧﯩﺘﺎﻳﺪﺍ ﻫﺎﺯﯨﺮ ﻗﺎﻧﺪﺍﻕ ﻣﻪﺩﻩﻧﯩﻴﻪﺕ ﺋﺎﺳﺎﺳﯩﻲ ﺋﻮﺭﯗﻧﺪﺍ ﺗﯘﺭﯨﺪﯗ' ﺩﯦﮕﻪﻥ ﺗﯧﻤﯩﺪﯨﻜﻰ ﺭﺍﻱ ﺳﯩﻨﺎﺵ ﺩﻭﻛﻼﺗﻰ ﺋﯧﻼﻥ ﻗﯩﻠﯩﻨﺪﻯ.

ﯞﯗﻣﯩﯔ ﺋﻪﭘﻪﻧﺪﯨﻨﯩﯔ ﺗﻪﺭﺟﯩﻤﯩﻬﺎﻟﯩﻐﺎ ﻗﺎﺭﯨﻐﺎﻧﺪﺍ، ﺋﯘ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺧﯩﺘﺎﻳﺪﯨﻜﻰ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﻓﻮﻧﺪ ﺟﻪﻣﺌﯩﻴﯩﺘﻰ ﺋﯜﭼﯜﻥ ﺳﯩﻴﺎﺳﯩﻲ ﻧﻪﺯﯨﺮﯨﻴﻪ -ﻣﺎﺋﺎﺭﯨﭗ ﺳﺎﻫﻪﺳﯩﺪﻩ ﺋﯩﺰﭼﯩﻞ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﭘﺮﻭﻓﯧﺴﺴﻮﺭ. ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﺟﻪﻣﺌﯩﻴﯩﺘﯩﺪﻩ ﻫﺎﺯﯨﺮ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﻣﻪﺩﻩﻧﯩﻴﻪﺕ ﺭﯨﺌﺎﻟﻠﯩﻘﻰ ﻫﻪﻗﻘﯩﺪﯨﻜﻰ ﺭﺍﻱ ﺳﯩﻨﺎﺷﻨﯩﯔ ﻧﻪﺗﯩﺠﯩﺴﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻪﺳﻪﯞﯞﯗﺭﯨﺪﯨﻦ ﻧﺎﻫﺎﻳﯩﺘﻰ ﻛﯚﭖ ﭘﻪﺭﻕ ﻗﯩﻠﯩﺪﯗ.

ﻫﺎﺯﯨﺮ ﺭﻩﻫﺒﯩﺮﻯ ﻛﺎﺩﯨﺮﻻﺭ ﺋﯩﭽﯩﺪﻩ 'ﻣﺎﺭﻛﯩﺴﯩﺰﻣﻐﺎ ﺋﯩﺸﻪﻧﻤﻪﻳﺪﯨﻐﺎﻥ ﺋﺎﺩﻩﻡ' ﺳﺎﻧﻰ 'ﻣﺎﺭﻛﯩﮋﻣﻐﺎ ﺋﯩﺸﯩﻨﯩﺪﯨﻐﺎﻥ ﺋﺎﺩﻩﻡ ﺳﺎﻧﯩﺪﯨﻦ 3 ﻫﻪﺳﺴﻪ ﻛﯚﭖ

ﯞﯗﻣﯩﯔ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﺪﺍ ﻣﻪﻟﯘﻡ ﺑﯩﺮ ﺋﻮﺭﮔﺎﻥ 200 ﺩﯨﻦ ﺋﺎﺭﺗﯘﻕ ﻧﺎﻫﯩﻴﯩﺪﯨﻜﻰ ﺑﺎﺷﻘﺎﺭﻣﺎ ﻳﺎﻛﻰ ﻧﺎﻫﯩﻴﻪ ﯞﻩ ﻧﺎﺯﺍﺭﻩﺕ ﻳﺎﻛﻰ ﺋﯩﺪﺍﺭﻩ ﺩﻩﺭﯨﺠﯩﻠﯩﻚ ﻛﺎﺩﯨﺮﻻﺭ ﺋﯩﭽﯩﺪﻩ ﺭﺍﻱ ﺳﯩﻨﺎﺵ ﺋﯧﻠﯩﭗ ﺑﺎﺭﻏﺎﻧﺪﺍ، 175 ﻛﯩﺸﯩﺪﯨﻦ ﻳﺎﺯﻣﺎ ﺟﺎﯞﺍﭖ ﺗﺎﭘﺸﯘﺭﯨﯟﺍﻟﻐﺎﻥ.

ﺑﯘ ﺭﺍﻱ ﺳﯩﻨﺎﺷﻨﯩﯔ ﻧﻪﺗﯩﺠﯩﺴﯩﮕﻪ ﻗﺎﺭﯨﻐﺎﻧﺪﺍ، ﺧﯩﺘﺎﻳﺪﺍ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﻫﺎﺯﯨﺮﻗﻰ ﻣﻪﺩﻩﻧﯩﻴﻪﺕ ﺋﻪﻫﯟﺍﻟﯩﻨﻰ 'ﻣﺎﺭﻛﯩﺴﯩﺰﻡ ﻣﻪﺩﻩﻧﯩﻴﯩﺘﻰ' ﺩﻩﭖ ﻗﺎﺭﯨﻐﯘﭼﯩﻼﺭ % 15 ﻧﻰ؛ ﺋﺎﯞﺍﻡ ﺧﻪﻟﻖ ﻣﻪﺩﻩﻧﯩﻴﯩﺘﻰ' ﺩﻩﭖ ﻗﺎﺭﯨﻐﯘﭼﯩﻼﺭ% 24 ﻧﻰ؛ 'ﻏﻪﺭﺏ ﻣﻪﺩﻩﻧﯩﻴﯩﺘﻰ' ﺩﻩﭖ ﻗﺎﺭﯨﻐﯘﭼﯩﻼﺭ %7 ﻧﻰ ؛ ﺋﻪﻧﺌﻪﻧﯩﺪﯨﻦ ﭼﻪﺗﻨﯩﮕﻪﻥ 'ﻧﺎﻣﻪﻟﯘﻡ ﻣﻪﺩﻩﻧﯩﻴﻪﺕ' ﺩﻩﭖ ﻗﺎﺭﯨﻐﯘﭼﯩﻼﺭ %48 ﻧﻰ ﺗﻪﺷﻜﯩﻞ ﻗﯩﻠﻐﺎﻥ. ﺩﯦﻤﻪﻙ، ﻫﺎﺯﯨﺮ ﺭﻩﻫﺒﯩﺮﻯ ﻛﺎﺩﯨﺮﻻﺭ ﺋﯩﭽﯩﺪﻩ 'ﻣﺎﺭﻛﯩﺴﯩﺰﻣﻐﺎ ﺋﯩﺸﻪﻧﻤﻪﻳﺪﯨﻐﺎﻥ ﺋﺎﺩﻩﻡ' ﺳﺎﻧﻰ 'ﻣﺎﺭﻛﯩﮋﯨﻤﻐﺎ ﺋﯩﺸﯩﻨﯩﺪﯨﻐﺎﻥ ﺋﺎﺩﻩﻡ ﺳﺎﻧﯩﺪﯨﻦ 3 ﻫﻪﺳﺴﻪ ﻛﯚﭖ.

ﺟﯘﯕﮕﻮﭼﻪ ﺳﻮﺗﺴﯩﻴﺎﻟﯩﺰﻣﻐﺎ ﺋﯩﺸﻪﻧﻤﻪﻳﺪﯨﻐﺎﻧﻼﺭﻧﯩﯔ ﺳﺎﻧﻰ ﻗﻪﺗﺌﯩﻲ ﺋﯩﺸﯩﻨﯩﺪﯨﻐﺎﻧﻼﺭﻧﯩﯔ ﺳﺎﻧﯩﺪﯨﻦ 11 ﻫﻪﺳﺴﻪ ﻛﯚﭖ

ﯞﯗﻣﯩﯔ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯘ ﺭﺍﻱ ﺳﯩﻨﺎﺷﺘﺎ ﻳﻪﻧﻪ، ﻫﺎﺯﯨﺮﻗﻰ ﺭﻩﻫﺒﯩﺮﻯ ﻛﺎﺩﯨﺮﻻﺭﻧﯩﯔ ﺟﯘﯕﮕﻮﭼﻪ ﺳﻮﺗﺴﯩﻴﺎﻟﯩﺰﻣﻐﺎ ﻳﻪﻧﻰ ﻣﺎﺭﻛﯩﮋﻣﻐﺎ ﺑﻮﻟﻐﺎﻥ ﺋﯧﺘﯩﻘﺎﺩﯨﻨﻰ ﺑﯩﻠﯩﺶ ﻣﻪﻗﺴﻪﺕ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯘ ﻫﻪﻗﺘﯩﻜﻰ ﺟﺎﯞﺍﺑﻤﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻪﺳﻪﯞﯞﯗﺭﯨﺪﯨﻦ ﻛﯚﭖ ﻳﯧﺮﺍﻕ ﺑﻮﻟﯘﭖ ﭼﯩﻘﻘﺎﻥ. ﺟﯘﯕﮕﻮﭼﻪ ﺳﻮﺗﺴﯩﻴﺎﻟﯩﺰﻣﻐﺎ ﺑﻮﻟﻐﺎﻥ ﺋﯧﺘﯩﻘﺎﺩﻯ ﺋﯩﻨﺘﺎﻳﯩﻦ ﻗﻪﺗﺌﯩﻴﻠﻪﺭﻧﯩﯔ ﻧﯧﺴﺒﯩﺘﻰ% 5 ﻧﻰ؛ 'ﺗﺎﺯﺍ ﻗﻪﺗﺌﯩﻲ ﺋﻪﻣﻪﺳﻠﻪﺭ' ﻧﯩﯔ ﻧﯧﺴﺒﯩﺘﻰ % 28 ﻧﻰ؛ 'ﺩﯦﮕﻪﻥ ﮔﯧﭙﻰ ﺑﯩﻠﻪﻥ ﻗﯩﻠﻐﺎﻥ ﺋﯩﺸﻰ ﺋﻮﺧﺸﯩﻤﺎﻳﺪﯨﻐﺎﻧﻼﺭ' ﻧﯩﯔ ﻧﯧﺴﺒﯩﺘﻰ %49 ﻧﻰ؛ ﺋﯧﺘﯩﻘﺎﺩ ﻛﺮﯨﺰﯨﺴﻰ ﭘﻪﻳﺪﺍ ﺑﻮﻟﺪﻯ' ﺩﻩﭖ ﻗﺎﺭﯨﻐﯘﭼﯩﻼﺭﻧﯩﯔ ﻧﯧﺴﺒﯩﺘﻰ %13 ﻧﻰ ﺗﻪﺷﻜﯩﻞ ﻗﯩﻠﻐﺎﻥ.

ﺩﯦﻤﻪﻙ، ﺧﯩﺘﺎﻳﺪﯨﻜﻰ ﺋﺎﺳﺎﺳﯩﻲ ﻗﺎﺗﻼﻡ ﺭﻩﻫﺒﯩﺮﻯ ﻛﺎﺩﯨﺮﻻﺭ ﺋﯩﭽﯩﺪﻩ 'ﺩﯦﮕﻪﻥ ﮔﯧﭙﻰ ﺑﯩﻠﻪﻥ ﻗﯩﻠﻐﺎﻥ ﺋﯩﺸﻰ ﺋﻮﺧﺸﯩﻤﺎﻳﺪﯨﻐﺎﻧﻼﺭ' ﯞﻩ ﺋﯧﺘﯩﻘﺎﺩ ﻛﺮﯨﺰﯨﺴﻰ ﭘﻪﻳﺪﺍ ﺑﻮﻟﺪﻯ' ﺩﻩﭖ ﻗﺎﺭﯨﻐﯘﭼﯩﻼﺭﻧﯩﯔ ﺳﺎﻧﯩﻼ % 62ﻧﻰ ﺗﻪﺷﻜﯩﻞ ﻗﯩﻠﻐﺎﻥ. ﺑﯘﻧﺪﺍﻕ ﻛﺎﺩﯨﺮﻻﺭ ﺟﯘﯕﮕﻮﭼﻪ ﺳﻮﺗﺴﯩﻴﺎﻟﯩﺰﻣﻐﺎ ﺑﻮﻟﻐﺎﻥ ﺋﯧﺘﯩﻘﺎﺩﻯ ﺋﯩﻨﺘﺎﻳﯩﻦ ﻗﻪﺗﺌﯩﻴﻠﻪﺭﻧﯩﯔ ﺳﺎﻧﯩﺪﯨﻦ 11 ﻫﻪﺳﺴﻪ ﻛﯚﭖ.

ﺋﻪﻣﺪﻯ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﯚﺯﯨﻨﯩﯔ ﺋﻮﺭﻧﯩﻨﻰ ﻧﻪﮔﻪ ﻗﻮﻳﯘﺷﻰ ﻻﺯﯨﻤﻠﯩﻘﯩﻨﻰ ﺋﻮﻳﻼﭖ ﺑﯧﻘﯩﺸﻰ ﻛﯧﺮﻩﻙ

ﺧﯩﺘﺎﻳﺪﺍ 60 ﻳﯩﻠﻐﺎ ﻳﯧﻘﯩﻦ ﯞﺍﻗﯩﺘﺘﯩﻦ ﺑﯘﻳﺎﻥ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ ﻣﻪﯞﺟﯘﺕ، ‏‏- ﺩﻩﭖ ﻣﯘﻻﻫﯩﺰﻩ ﻗﯩﻠﯩﺪﯗ ﯞﯗﻣﯩﯔ ﺋﻪﭘﻪﻧﺪﻯ ﻣﺎﻗﺎﻟﯩﺴﯩﺪﻩ، ‏- ﻫﯚﻛﯜﻣﻪﺕ ﺩﯙﻟﻪﺕ ﻣﺎﻟﯩﻴﯩﺴﯩﻨﯩﯔ ﻧﺎﻫﺎﻳﯩﺘﻰ ﻛﯚﭖ ﻗﯩﺴﻤﯩﻨﻰ ﻣﺎﺭﻛﯩﺴﯩﺰﻡ ﻣﻪﺩﻩﻧﯩﻴﯩﺘﻰ ﺋﯜﭼﯜﻥ، ﻳﻪﻧﻰ ﻛﯧﻴﯩﻨﭽﻪ 'ﺟﯘﯕﮕﻮﭼﻪ ﺳﻮﺗﺴﻴﺎﻟﯩﺰﻡ' ﺩﻩﭖ ﺋﺎﺗﺎﻟﻐﺎﻥ ﻣﻪﺩﻩﻧﯩﻴﻪﺕ ﺋﯜﭼﯜﻥ ﺳﻪﺭﭖ ﻗﯩﻠﯩﯟﺍﺗﯩﺪﯗ. ﺑﯘﻧﯩﯔ ﺑﯩﻠﻪﻥ ﻣﺎﺭﻛﯩﺴﯩﺰﻡ ﺗﻪﺭﺑﯩﻴﯩﺴﯩﻨﻰ ﺋﯩﺰﭼﯩﻞ ﺋﯧﻠﯩﭗ ﺑﯧﺮﯨﯟﺍﺗﯩﺪﯗ. 1989 ‏- ﻳﯩﻠﯩﺪﯨﻦ ﺑﯘﺭﯗﻥ ﺧﻪﻟﻖ ﺑﯘﻧﺪﺍﻕ ﺗﻪﺷﯟﯨﻘﺎﺗﻘﺎ ﺋﯩﺸﯩﻨﻪﺗﺘﻰ، ﺗﻴﻪﻧﺌﻪﻧﻤﯧﻦ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﺧﻪﻟﻖ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺗﻪﺷﯟﯨﻘﺎﺗﯩﻐﺎ ﺋﯩﺸﻪﻧﻤﻪﻳﺪﯨﻐﺎﻥ ﺑﻮﻟﺪﻯ. ﺋﯘﻧﯩﯖﺪﯨﻦ ﻛﯧﻴﯩﻦ 'ﺩﯦﯔ ﺷﺎﯞﭘﯩﯔ ﺋﯩﺪﯨﻴﯩﺴﻰ' ﺩﯦﮕﻪﻥ ﻣﻪﺳﻠﻪﻙ ﭼﯩﻘﺘﻰ.

ﺋﯘﻧﯩﯖﺪﯨﻦ ﻛﯧﻴﯩﻦ ﺋﯜﭼﻜﻪ ﯞﻩﻛﯩﻠﻠﯩﻚ ﻗﯩﻠﯩﺸﺪﯦﮕﻪﻧﺪﻩﻙ ﻣﺎﺭﻛﯩﮋﻣﻐﺎ ﻗﻮﺷﯘﻟﻐﺎﻥ 'ﻳﯧﯖﻰ ﺗﯚﻫﭙﯩﻠﻪﺭ' ﭼﯩﻘﺘﻰ. ﺩﯦﻤﻪﻙ، ﻣﺎﺭﻛﯩﺴﯩﺰﻡ ﺗﻪﺷﯟﯨﻘﺎﺗﻰ ﭘﻪﻗﻪﺕ ﺑﻮﺷﺎﭖ ﻗﺎﻟﻤﯩﺪﻯ، ﺋﻪﻣﻤﺎ ﻧﯧﻤﻪ ﺋﯜﭼﯜﻥ ﺭﻩﻫﺒﯩﺮﻯ ﻛﺎﺩﯨﺮﻻﺭﻧﯩﯔ 'ﻣﺎﺭﻛﯩﺴﯩﺰﻡ ﺋﯧﺘﯩﻘﺎﺩﻯ' ﺑﺎﺭﻏﺎﻧﺴﯩﺮﻯ ﺑﻮﺷﺎﭖ ﻛﯧﺘﯩﺪﯗ؟ ﺋﻪﻧﺌﻪﻧﯩﯟﯨﻲ ﻣﻪﺩﻩﻧﯩﻴﻪﺗﻤﯘ ﺗﻪﺷﯟﯨﻖ ﻗﯩﻠﯩﻨﯩﯟﺍﺗﯩﺪﯗ، ﻣﻪﺳﯩﻠﻪﻥ، ﻛﯘﯕﺰﯨﻨﯩﯔ ﺋﺎﺩﻩﻣﺪﻩ ﺋﻪﻣﻪﻟﯩﻲ ﺋﯧﺘﯩﻘﺎﺩ ﺑﻮﻟﻤﯩﺴﺎ، ﺋﯘﻧﻰ ﺋﺎﺩﻩﻡ ﺩﯦﮕﯩﻠﻰ ﺑﻮﻟﻤﺎﻳﺪﯗ' ﺩﯦﮕﻪﻥ ﺗﻪﻟﯩﻤﺎﺗﯩﻨﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ 'ﻫﻪﻗﯩﻘﻪﺗﻨﻰ ﺋﻪﻣﻪﻟﯩﻴﻪﺗﺘﯩﻦ ﺋﯩﺰﻟﻪﺵ' ﺩﯦﮕﻪﻥ ﺳﯚﺯ ﺑﯩﻠﻪﻥ ﺋﯩﭙﺎﺩﯨﻠﻪﭖ ﺗﻪﺷﯟﯨﻖ ﻗﯩﻠﯩﭗ ﻛﯧﻠﯩﯟﺍﺗﯩﺪﯗ.

ﺋﻪﻣﻤﺎ ﻳﻪﻧﻪ ﻧﯧﻤﻪ ﺋﯜﭼﯜﻥ ﺟﻪﻣﺌﯩﻴﻪﺗﺘﻪ ﺋﻪﻧﺌﻪﻧﯩﮕﻪ ﺑﯧﻘﯩﻨﻤﺎﻳﺪﯨﻐﺎﻥ ﺋﺎﯞﺍﻡ ﻣﻪﺩﻩﻧﯩﻴﻪﺕ' ﺩﯦﮕﻪﻥ ﺷﻪﻛﯩﻞ ﭼﯩﻘﺘﻰ ﯞﻩ 'ﺩﯦﮕﻪﻥ ﮔﯧﭙﻰ ﺑﯩﻠﻪﻥ ﻗﯩﻠﻐﺎﻥ ﺋﯩﺸﻰ ﺋﻮﺧﺸﯩﻤﺎﻳﺪﯨﻐﺎﻧﻼﺭ' ﻛﯚﭘﯩﻴﯩﭗ ﻛﻪﺗﺘﻰ؟ ﺋﻪﻣﺪﻯ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﯚﺯﯨﻨﯩﯔ ﺋﻮﺭﻧﯩﻨﻰ ﻧﻪﮔﻪ ﻗﻮﻳﯘﺷﻰ ﻻﺯﯨﻤﻠﯩﻘﯩﻨﻰ ﺋﻮﻳﻼﭖ ﺑﯧﻘﯩﺸﻰ ﻛﯧﺮﻩﻙ.

ﻫﯚﻛﯜﻣﻪﺕ ﻫﺎﺯﯨﺮ ﺩﯙﻟﻪﺕ ﻣﺎﻟﯩﻴﯩﺴﯩﻨﯩﯔ% 68 ﻧﻰ ﺳﯩﻴﺎﺳﯩﻲ ﺯﻭﺭﺍﯞﺍﻧﻠﯩﻖ، ﺳﺎﻗﭽﻰ ﻫﺎﻛﯩﻤﯩﻴﯩﺘﻰ ﯞﻩ ﺟﺎﺳﯘﺳﻼﺭ ﺋﺎﺭﻗﯩﻠﯩﻖ ﺋﯩﺪﺍﺭﻩ ﻗﯩﻠﯩﺸﻘﺎ ﺳﻪﺭﭖ ﻗﯩﻠﯩﭗ ﺧﻪﻟﻘﻘﻪ ﺗﺎﻗﺎﺑﯩﻞ ﺗﯘﺭﯗﯞﺍﺗﯩﺪﯗ

ﺧﯩﺘﺎﻳﺪﺍ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﻫﺎﺯﯨﺮ ﭘﯜﺗﯜﻧﻠﻪﻱ ﺋﯚﺯﯨﻨﯩﯔ ﺋﻮﺭﻧﯩﻨﻰ ﺳﺎﻗﻼﭖ ﻗﯧﻠﯩﺶ ﺋﯜﭼﯜﻧﻼ ﺧﻪﻟﻖ ﺋﯩﭽﯩﺪﯨﻜﻰ ﻳﯧﯖﻰ ﻣﻪﺩﻩﻧﯩﻴﻪﺗﻜﻪ ﻗﺎﺭﺷﻰ ﺗﯘﺭﯗﯞﺍﺗﯩﺪﯗ، ‏‏- ﺩﻩﭖ ﺑﺎﻳﺎﻥ ﻗﯩﻠﯩﺪﯗ ﺋﯩﻘﺘﯩﺴﺎﺩﺷﯘﻧﺎﺱ ﺧﯥ ﭼﯩﯖﻠﻴﻪﻥ ﺧﺎﻧﯩﻢ "ﺧﯩﺘﺎﻳﺪﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺋﯩﺴﻼﻫﺎﺗﻨﯩﯔ ﺧﻪﻟﻘﻘﻪ ﭘﺎﻳﺪﺍ -ﺯﯨﻴﯩﻨﻰ ﻧﯧﻤﻪ؟" ﺩﯦﮕﻪﻥ ﻛﯩﺘﺎﺑﯩﺪﺍ. ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﺎﻣﯧﺮﯨﻜﯩﺪﺍ ﺧﻪﻟﻘﻨﯩﯔ ﻣﺎﺋﺎﺭﯨﭗ ﭼﯩﻘﯩﻤﻰ ﺧﻪﻟﻖ ﺋﯩﮕﯩﻠﯩﻜﻰ ﺋﻮﻣﯘﻣﯩﻲ ﻣﻪﻫﺴﯘﻻﺕ ﻗﯩﻤﻤﯩﺘﯩﻨﯩﯔ% 10 ﻧﻰ ﺗﻪﺷﻜﯩﻞ ﻗﯩﻠﯩﺪﯗ.

ﺋﻪﻣﻤﺎ ﺧﯩﺘﺎﻳﺪﺍ ﺑﻮﻟﺴﺎ، ﺧﻪﻟﻖ ﻣﺎﺋﺎﺭﯨﭗ ﭼﯩﻘﯩﻤﯩﻨﻰ ﺋﯚﺯﻯ% 100 ﺗﯚﻟﻪﻳﺪﯗ. ﺋﺎﻣﯧﺮﯨﻜﯩﺪﺍ ﺋﯚﻱ ﺑﺎﻫﺎﺳﻰ ﻫﻪﺭ ﺑﯩﺮ ﺋﺎﺋﯩﻠﯩﻨﯩﯔ ﻳﯩﻠﻠﯩﻖ ﻛﯩﺮﯨﻤﯩﺪﯨﻦ 6 ﻫﻪﺳﺴﻪ ﺋﺎﺭﺗﯘﻕ، ﺋﻪﻣﻤﺎ ﺧﯩﺘﺎﻳﺪﺍ ﺑﻮﻟﺴﺎ، ﺋﯚﻱ ﺑﺎﻫﺎﺳﻰ ﻫﻪﺭ ﺑﯩﺮ ﺋﺎﺋﯩﻠﯩﻨﯩﯔ ﻳﯩﻠﻠﯩﻖ ﻛﯩﺮﯨﻤﯩﺪﯨﻦ 12 ﻫﻪﺳﺴﻪ ﺋﺎﺭﺗﯘﻕ، ﺷﺎﯕﺨﻪﻱ، ﺑﯧﻴﺠﯩﯖﻼﺭﺩﺍ 20 ﻫﻪﺳﺴﻪ ﺋﺎﺭﺗﯘﻕ.

ﺷﯘﯕﻼﺷﻘﺎ، ﺧﻪﻟﻖ ﻫﺎﺯﯨﺮ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﻣﺎﺋﺎﺭﯨﭗ ﺋﯩﺴﻼﻫﺎﺗﻰ ﺋﺎﺗﺎ-ﺋﺎﻧﯩﻼﺭﻧﻰ ﺳﺎﺭﺍﯓ ﻗﯩﻠﯩﺪﯨﻐﺎﻥ ﺋﯩﺴﻼﻫﺎﺕ؛ ﺳﺎﻗﻠﯩﻘﻨﻰ ﺳﺎﻗﻼﺵ ﺋﯩﺴﻼﻫﺎﺗﻰ ﻳﺎﺷﺎﻧﻐﺎﻧﻼﺭﻧﻰ ﺋﯘ ﺩﯗﻧﻴﺎﻏﺎ ﺗﯩﺰﺭﺍﻕ ﺋﯘﺯﯨﺘﯩﺪﯨﻐﺎﻥ ﺋﯩﺴﻼﻫﺎﺕ؛ ﺋﯚﻱ-ﺯﯦﻤﯩﻦ ﺋﯩﺴﻼﻫﺎﺗﻰ ﺧﻪﻟﻘﻨﯩﯔ ﻳﺎﻧﭽﯘﻗﯩﻨﻰ ﭘﯜﺗﯜﻧﻠﻪﻱ ﻗﻮﺭﯗﺗﯩﺪﯨﻐﺎﻥ ﺋﯩﺴﻼﻫﺎﺕ، ﺩﻩﯞﺍﺗﯩﺪﯗ. ﻫﯚﻛﯜﻣﻪﺕ ﻫﺎﺯﯨﺮ ﺩﯙﻟﻪﺕ ﻣﺎﻟﯩﻴﯩﺴﯩﻨﯩﯔ% 68 ﻧﻰ ﺳﯩﻴﺎﺳﯩﻲ ﺯﻭﺭﺍﯞﺍﻧﻠﯩﻖ، ﺳﺎﻗﭽﻰ ﻫﺎﻛﯩﻤﯩﻴﯩﺘﻰ ﯞﻩ ﺟﺎﺳﯘﺳﻼﺭ ﺋﺎﺭﻗﯩﻠﯩﻖ ﺋﯩﺪﺍﺭﻩ ﻗﯩﻠﯩﺸﻘﺎ ﺳﻪﺭﭖ ﻗﯩﻠﯩﭗ ﺧﻪﻟﻘﻘﻪ ﺗﺎﻗﺎﺑﯩﻞ ﺗﯘﺭﯗﯞﺍﺗﯩﺪﯗ.(ﯞﻩﻟﻰ)