ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ، ﻣﻪﺷﺌﻪﻝ ﺋﯘﺯﯗﺗﯘﺵ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺗﯩﻠﯩﯟﺍﻟﺪﻯ ﺋﺎﺑﺪﯗﺭﯦﺸﯩﺘﻨﯩﯔ ﺋﯧﻴﺘﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻗﯧﺘﯩﻢ ﻣﻪﺷﺌﻪﻝ ﺋﯘﺯﺍﺗﻘﯘﭼﯩﻼﺭﻧﻰ ﺗﺎﻟﻼﺷﺘﺎ، ﺧﯩﺘﺎﻳﻼﺭ ﺑﯩﻠﻪﻥ ﻳﻪﺭﻟﯩﻚ ﻣﯩﻠﻠﻪﺗﻠﻪﺭﻧﯩﯔ ﻧﯩﺴﺒﯩﺘﯩﻨﻰ ﺗﻪﯕﺸﻪﺷﻜﻪ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﻪﺭﮔﻪﻥ. 377 ﻧﻪﭘﻪﺭ ﻣﻪﺷﺌﻪﻝ ﺋﯘﺯﺍﺗﻘﯘﭼﯩﻨﯩﯔ 165 ﻧﻰ 13 ﺧﯩﻞ ﻳﻪﺭﻟﯩﻚ ﻣﯩﻠﻠﻪﺗﺘﯩﻦ ﺗﺎﻟﻠﯩﯟﺍﻟﻐﺎﻥ.

ﺧﯩﺘﺎﻳﻨﯩﯔ 'ﺷﯩﻨﺠﺎﯓ ﭘﺎﻳﺘﻪﺧﺖ ﮔﯧﺰﯨﺘﻰ' ﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻗﺎﺗﻨﺎﺵ ﻧﺎﺯﺍﺭﯨﺘﻰ ﺋﯚﺯﯨﻨﯩﯔ ﺟﺎﻳﻼﺭﺩﯨﻜﻰ ﺗﺎﺭﻣﺎﻗﻠﯩﺮﯨﺪﯨﻦ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺋﯘﺯﯨﺘﯩﺪﯨﻐﺎﻥ ﺧﺎﺩﯨﻤﻼﺭﻏﺎ 'ﻗﻮﻻﻳﻠﯩﻖ ﻳﻮﻝ' ﺋﯧﭽﯩﭗ ﺑﯧﺮﯨﺸﻨﻰ، ﻗﺎﺗﻨﺎﺵ ﺗﺎﺭﻣﺎﻗﻠﯩﺮﯨﻨﯩﯔ ﺋﺎﺳﺎﺳﻠﯩﻖ ﻣﻪﺳﺌﯘﻟﻠﯩﺮﻯ ﻫﻪﻣﻤﻪ ﺋﯚﺗﻜﻪﻟﺪﻩ ﺋﯚﺯﻯ ﺗﯘﺭﯗﭖ ﻧﺎﺯﺍﺭﻩﺗﭽﯩﻠﯩﻚ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ.

ﻫﺎﺯﯨﺮ ﮔﯧﺮﻣﺎﻧﯩﻴﯩﺪﻩ ﺗﯘﺭﯗﯞﺍﺗﻘﺎﻥ ﻳﺎﺯﻏﯘﭼﻰ ﻛﯚﺭﻩﺵ ﺋﺎﺗﺎﺧﺎﻧﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ ﺋﯘﺯﯗﺗﯘﺵ ﺋﯩﺸﻰ ﺗﺎﺭﯨﺨﺘﯩﻦ ﺑﯘﻳﺎﻥ ﺩﺍﯞﺍﻡ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺋﻮﻟﯩﻤﭙﯩﻚ ﺋﻪﻧﺌﻪﻧﯩﺴﯩﮕﻪ ﻗﺎﺭﺷﻰ ﻫﻪﺭﯨﻜﻪﺕ. ﺋﯘ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭﺩﯨﻦ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﻫﻪﺭﯨﻜﯩﺘﯩﻨﻰ ﯞﺍﻗﺘﯩﺪﺍ ﺗﻪﻛﺸﯜﺭﯛﺷﻨﻰ، ﺑﯘ ﻫﻪﻗﺘﻪ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺸﻨﻰ ﺗﻪﻟﻪﭖ ﻗﯩﻠﺪﻯ.

ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﺎﺯﯨﺮ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺋﯘﺯﯗﺗﯘﺵ ﻫﻪﺭﯨﻜﯩﺘﻰ ﻧﺎﻫﺎﻳﯩﺘﻰ ﺳﻪﺯﮔﯜﺭ ﻣﻪﺳﯩﻠﻪ ﺑﻮﻟﯘﭖ ﻗﺎﻟﺪﻯ. ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺋﯘﺯﯗﺗﯘﺵ ﻫﻪﺭﯨﻜﯩﺘﻰ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺋﯜﭺ ﻛﯜﻥ ﺋﯩﭽﯩﺪﻩ، ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﯩﮕﻪ ﭼﯧﺘﯩﻠﯩﺪﯨﻐﺎﻥ ﺋﺎﺩﻩﻡ ﺳﺎﻧﻰ ﻧﺎﻫﺎﻳﯩﺘﻰ ﻛﯚﭖ ﺑﻮﻟﻐﺎﻧﻠﯩﻘﺘﯩﻦ، ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻘﺘﯩﻦ ﺳﯩﺮﺗﻘﺎ ﭼﯩﻘﻤﺎﻱ ﺋﯚﻳﺪﻩ ﺋﻮﻟﺘﯘﺭﯗﭖ ﺗﯧﻠﯧﯟﯨﺰﻭﺭ ﻛﯚﺭﯛﺷﻨﻰ ﺗﻪﻟﻪﭖ ﻗﯩﻠﻐﺎﻥ. ﻫﯚﻛﯜﻣﻪﺕ ﺑﯘ ﻫﻪﻗﺘﯩﻜﻰ ﺗﻪﺷﯟﯨﻘﺎﺗﻠﯩﺮﯨﺪﺍ، ﺑﯘﻳﯩﻞ 'ﺷﯩﻨﺠﺎﯕﻨﻰ ﺑﺎﺯﺍ ﻗﯩﻠﻐﺎﻥ ﺗﯧﺮﺭﻭﺭﭼﯩﻼﺭﻏﺎ ﺩﺍﺋﯩﺮ ﺋﯩﻜﻜﻰ ﺩﯦﻠﻮﻧﻰ ﭘﺎﺵ ﻗﯩﻠﯩﻨﻐﺎﻧﻠﯩﻘﻰ، ﺑﻮﻟﯘﭘﻤﯘ ﺑﯧﻴﺠﯩﯖﻐﺎ ﻣﺎﯕﻐﺎﻥ ﻳﻮﻟﯘﭼﯩﻼﺭ ﺋﺎﻳﺮﻭﭘﯩﻼﻧﯩﺪﺍ ﺋﻮﺕ ﺋﺎﭘﯩﺘﻰ ﭘﻪﻳﺪﺍ ﻗﯩﻠﯩﺶ ﺳﯘﻳﯩﻘﻪﺳﺘﻰ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﺋﺎﻻﻫﯩﺪﻩ ﺋﻪﺳﻜﻪﺭﺗﻜﻪﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﺟﺎﻛﺎﺭﻟﯩﻐﺎﻥ ﺑﻪﻟﮕﯩﻠﯩﻤﯩﻠﻪﺭﺩﻩ ﻳﻪﻧﻪ، ﺧﻪﻟﻘﺘﯩﻦ ﺑﯘ ﺗﯚﺕ ﺷﻪﻫﻪﺭﺩﻩ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺋﯘﺯﯗﺗﯘﺵ ﺟﻪﺭﻳﺎﻧﯩﺪﺍ ﺗﯧﺰ ﺋﻮﺕ ﺗﯘﺗﯘﺷﯩﺪﯨﻐﺎﻥ ﻧﻪﺭﺳﻪ ﺋﯧﻠﯩﭗ ﻳﯜﺭﻣﻪﺳﻠﯩﻜﻨﻰ، ﺋﯧﺘﯩﻠﺪﺍﻕ ﺋﺎﺗﻤﺎﺳﻠﯩﻘﻨﻰ، ﻳﻮﻟﻼﺭﺩﺍ، ﺑﻮﻟﯘﭘﻤﯘ ﻛﯚﯞﺭﯛﻛﻠﻪﺭﻧﯩﯔ ﺋﯜﺳﺘﯩﺪﻩ ﺗﯘﺭﻣﺎﺳﻠﯩﻘﻨﻰ، ﺧﯩﺘﺎﻳﻨﯩﯔ ﺩﯙﻟﻪﺕ ﺋﻮﺑﺮﺍﺯﯨﻨﻰ ﭼﯜﺷﯜﺭﯨﺪﯨﻐﺎﻥ ﺷﻮﺋﺎﺭﻻﺭﻧﻰ ﺗﻮﯞﻟﯩﻤﺎﺳﻠﯩﻘﻨﻰ ﺋﺎﻻﻫﯩﺪﻩ ﺗﻪﻟﻪﭖ ﻗﯩﻠﻐﺎﻥ.

ﻛﯚﺭﻩﺵ ﺋﺎﺗﺎﺧﺎﻧﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ ﺋﯘﺯﯗﺗﯩﺪﯨﻐﺎﻥ ﺑﯘ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﻫﺎﺯﯨﺮ ﺧﯩﺘﺎﻳﻨﯩﯔ ﺩﯙﻟﻪﺕ ﺗﯧﺮﺭﻭﺭﻟﯘﻗﻰ ﯞﻩ ﻣﯩﻠﻠﯩﻲ ﺯﯗﻟﯘﻡ ﻳﯜﺭﮔﯜﺯﯛﺷﻨﯩﯔ ﺑﻪﻟﮕﯩﺴﻰ ﺑﻮﻟﯘﭖ ﻗﺎﻟﺪﻯ. ﺧﻪﻟﻘﻨﯩﯔ ﺭﺍﺯﯨﻠﯩﻘﺴﯩﺰ، ﺭﻭﻫﻰ ﻣﺎﻳﯩﻠﻠﯩﻘﯩﺴﯩﺰ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭ ﻗﺎﻧﺪﺍﻕ ﻫﻪﺭﯨﻜﻪﺕ ﺷﯘ ﺟﺎﻳﺪﯨﻜﻰ ﻫﺎﻛﯩﻤﯩﻴﻪﺗﻨﯩﯔ ﺋﺎﺑﺮﻭﻳﯩﻨﻰ ﺗﯚﻛﯩﺪﯗ. ﺷﯘ ﺟﺎﻳﺪﯨﻜﻰ ﺧﻪﻟﻘﻨﯩﯔ ﺋﻪﺭﻛﯩﻨﻠﯩﻜﻜﻪ ﺑﻮﻟﻐﺎﻥ ﺋﺎﺭﺯﯗ - ﺋﯩﺴﺘﻪﻛﻠﯩﺮﯨﻨﻰ ﺗﯧﺨﯩﻤﯘ ﻛﯜﭼﻪﻳﺘﯩﺪﯗ. ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ ﺑﯘﻧﺪﺍﻕ ﻣﻪﺷﺌﻪﻟﻨﻰ ﺋﯘﺯﯗﺗﯘﺵ ﻫﻪﺭﯨﻜﯩﺘﻰ ﺋﯧﻠﯩﭗ ﺑﺎﺭﻏﺎﻥ ﯞﺍﻗﯩﺘﺘﺎ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﻪﺷﻜﯩﻼﺗﻠﯩﺮﻯ ﯞﻩﺗﻪﻥ ﺋﯩﭽﯩﺪﻩ ﯞﻩ ﺳﯩﺮﺗﯩﺪﺍ ﺋﯚﺯ ﻗﻪﻟﺒﯩﺪﯨﻜﻰ ﺋﻪﺭﻛﯩﻨﻠﯩﻚ ﻣﻪﺷﺌﯩﻠﯩﻨﻰ ﺗﯘﺗﺎﺷﺘﯘﺭﯨﺪﯗ.