ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﻣﯘﻫﯩﺘﻨﻰ ﺑﯘﻟﻐﯩﺴﺎ ﺧﻪﻟﻖ ﺑﻪﺩﻩﻝ ﺗﯚﻟﻪﻣﺪﯨﻜﻪﻥ؟

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺩﯗﻧﻴﺎ ﺑﺎﻧﻜﯩﺴﯩﻨﯩﯔ ﺧﯩﺘﺎﻳﻨﯩﯔ ﺗﻪﺗﻘﯩﻘﺎﺕ ﺋﻮﺭﮔﺎﻧﻠﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﺗﻪﺗﻘﯩﻖ ﻗﯩﻠﯩﭗ ﺗﻪﻳﻴﺎﺭﻟﯩﻐﺎﻥ ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﻰ ﻫﻪﻗﻘﯩﺪﯨﻜﻰ ﺩﻭﻛﻼﺗﻰ ﺋﯧﻼﻥ ﻗﯩﻠﯩﻨﯩﺶ ﺋﺎﻟﺪﯨﺪﺍ ﺗﯘﺭﻏﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﺯﻛﯘﺭ ﺩﻭﻛﻼﺗﺘﯩﻜﻰ ﺑﻪﺯﻯ ﺑﺎﻳﺎﻥ ﯞﻩ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ، ﺑﻮﻟﯘﭘﻤﯘ 'ﺑﯘﻟﻐﺎﻧﻐﺎﻥ ﻣﯘﻫﯩﺘﺘﺎ ﺯﻩﻫﻪﺭﻟﯩﻨﯩﭗ ﻳﺎﺵ ﺋﯚﻟﯜﭖ ﻛﯧﺘﯩﯟﺍﺗﻘﺎﻥ ﻛﯩﺸﯩﻠﻪﺭ ' ﻫﻪﻗﻘﯩﺪﯨﻜﻰ ﺑﺎﻳﺎﻥ ﯞﻩ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﺋﯧﻼﻥ ﻗﯩﻠﯩﺸﻘﺎ ﺟﯩﺪﺩﯨﻲ ﺗﻮﺳﻘﯘﻧﻠﯘﻕ ﻗﯩﻠﻤﺎﻗﺘﺎ. ﺋﻪﻣﻤﺎ ﺧﻪﻟﻖ ﯞﻩ ﻣﯘﺗﻪﺧﻪﺳﺴﯩﺴﻠﻪﺭ ﺑﯘ ﺩﻭﻛﻼﺗﺘﺎ ﺑﺎﻳﺎﻥ ﻗﯩﻠﯩﻨﻐﺎﻥ ﻣﻪﻟﯘﻣﺎﺗﻼﺭﻧﯩﯔ ﺭﺍﺳﺘﻠﯩﻘﯩﻨﻰ ﺗﻪﺳﺘﯩﻘﻼﻳﺪﯗ.

ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﻣﯘﻫﯩﺘﻨﻰ ﺑﯘﻟﻐﯩﺴﺎ ﺧﻪﻟﻖ ﺑﻪﺩﻩﻝ ﺗﯚﻟﻪﻣﺪﯨﻜﻪﻥ؟

ﻳﯧﻘﯩﻨﺪﺍ ﺩﯗﻧﻴﺎ ﺑﺎﻧﻜﯩﺴﻰ ﺧﯩﺘﺎﻳﻨﯩﯔ ﺗﻪﺗﻘﯩﻘﺎﺕ ﺋﻮﺭﮔﺎﻧﻠﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﺗﻪﺗﻘﯩﻖ ﻗﯩﻠﯩﭗ، ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﻫﻪﻗﻘﯩﺪﻩ 'ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﯞﻩ ﺗﯚﻟﯩﻨﯩﯟﺍﺗﻘﺎﻥ ﺑﻪﺩﻩﻝ' ﺳﻪﺭﻟﻪﯞﻫﯩﻠﯩﻚ ﺑﯩﺮ ﺗﻪﭘﺴﯩﻠﯩﻲ ﺩﻭﻛﻼﺕ ﺗﻪﻳﻴﺎﺭﻻﭖ ﭼﯩﻘﻘﺎﻥ ﺋﯩﺪﻯ. ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺩﯗﻧﻴﺎ ﺑﺎﻧﻜﯩﺴﻰ ﺗﻪﻳﻴﺎﺭﻟﯩﻐﺎﻥ ﺑﯘ ﺩﻭﻛﻼﺕ ﺋﯧﻼﻥ ﻗﯩﻠﯩﻨﯩﺶ ﺋﺎﻟﺪﯨﺪﺍ ﺗﯘﺭﻏﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺩﻭﻛﻼﺗﺘﯩﻜﻰ ﺑﻪﺯﻯ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﺋﯧﻼﻥ ﻗﯩﻠﯩﺸﻘﺎ ﺟﯩﺪﺩﯨﻲ ﺗﻮﺳﻘﯘﻧﻠﯘﻕ ﻗﯩﻠﻐﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ 'ﺩﻭﻛﻼﺗﺘﯩﻜﻰ ﺑﻪﺯﻯ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﺟﻪﻣﺌﯩﻴﻪﺗﺘﻪ ﺩﺍﯞﺍﻟﻐﯘﺵ ﭘﻪﻳﺪﺍ ﻗﯩﻠﯩﺸﻰ ﻣﯘﻣﻜﯩﻦ' ﺩﻩﭖ ﺳﻪﯞﻩﺏ ﻛﯚﺭﺳﻪﺗﻜﻪﻥ

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺩﯗﻧﻴﺎ ﺑﺎﻧﻜﯩﺴﻰ ﺗﻪﻳﻴﺎﺭﻟﯩﻐﺎﻥ ﺩﻭﻛﻼﺗﺘﺎ ﭘﯜﺗﯜﻥ ﻳﻪﺭ ﺷﺎﺭﯨﺪﺍ ﻣﯘﻫﯩﺘﻰ ﺋﻪﯓ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻐﺎﻥ 20 ﺷﻪﻫﻪﺭﻧﯩﯔ 16 ﺳﻰ ﺧﯩﺘﺎﻳﺪﺍ ﺋﯩﻜﻪﻧﻠﯩﻜﻰ، ﺧﯩﺘﺎﻳﺪﺍ ﻫﻪﺭ ﻳﯩﻠﻰ 750 ﻣﯩﯔ ﺋﺎﺩﻩﻡ ﺑﯘﻟﻐﺎﻧﻐﺎﻥ ﻣﯘﻫﯩﺘﺘﺎ ﺯﻩﻫﻪﺭﻟﯩﻨﯩﭗ ﯞﺍﻗﯩﺘﺴﯩﺰ ﺋﯚﻟﯜﯞﺍﺗﻘﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ ﺋﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ 'ﺩﻭﻛﻼﺗﺘﯩﻜﻰ ﺑﻪﺯﻯ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﺟﻪﻣﺌﯩﻴﻪﺗﺘﻪ ﺩﺍﯞﺍﻟﻐﯘﺵ ﭘﻪﻳﺪﺍ ﻗﯩﻠﯩﺸﻰ ﻣﯘﻣﻜﯩﻦ' ﺩﻩﭖ ﺳﻪﯞﻩﺏ ﻛﯚﺭﺳﻪﺗﻜﻪﻥ ﯞﻩ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﺳﻪﯞﻩﺑﯩﺪﯨﻦ ﯞﺍﻗﯩﺘﺴﯩﺰ ﺋﯚﻟﯜﭖ ﻛﯧﺘﯩﯟﺍﺗﻘﺎﻥ ﻛﯩﺸﯩﻠﻪﺭ ﻫﻪﻗﻘﯩﺪﯨﻜﻰ ﺑﯘﻧﺪﺍﻕ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﯞﻩ ﺑﯘﻧﺪﺍﻕ ﯞﺍﻗﯩﺘﺴﯩﺰ ﺋﯚﻟﯜﻡ ﻫﺎﺩﯨﺴﯩﻠﯩﺮﯨﻨﯩﯔ ﻗﺎﻳﺴﻰ ﺟﺎﻳﻼﺭﺩﺍ ﺑﻮﻟﯘﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺟﯘﻏﺮﺍﭘﯩﻴﯩﻠﯩﻚ ﺋﯘﭼﯘﺭﻻﺭﻧﻰ ﺋﯧﻼﻥ ﻗﯩﻠﯩﺸﻘﺎ ﻗﺎﺗﺘﯩﻖ ﺗﻮﺳﻘﯘﻧﻠﯘﻕ ﻗﯩﻠﻐﺎﻥ. ﻣﯘﺷﯘﻧﺪﺍﻕ ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ، 'ﭘﯘﻝ ﻣﯘﺋﺎﻣﯩﻠﻪ ﯞﺍﻗﯩﺖ ﮔﯧﺰﯨﺘﻰ' ﺑﯘ ﻫﻪﻗﺘﻪ ﺧﻪﯞﻩﺭ ﺋﯧﻼﻥ ﻗﯩﻠﻐﺎﻧﺪﺍ، ﺩﯗﻧﻴﺎ ﺑﺎﻧﻜﯩﺴﯩﻨﯩﯔ ﺩﻭﻛﻼﺗﯩﺪﯨﻜﻰ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﺳﻪﯞﻩﺑﯩﺪﯨﻦ ﺯﻩﻫﻪﺭﻟﯩﻨﯩﭗ ﯞﺍﻗﯩﺘﺴﯩﺰ ﺋﯚﻟﯜﭖ ﻛﯧﺘﯩﯟﺍﺗﻘﺎﻥ ﻛﯩﺸﯩﻠﻪﺭ ﻫﻪﻗﻘﯩﺪﯨﻜﻰ ﺗﻪﭘﺴﯩﻠﯩﻲ ﻣﻪﻟﯘﻣﺎﺗﻼﺭﻧﻰ ﯞﺍﻗﺘﯩﻨﭽﻪ ﻗﯩﺴﻘﺎﺭﺗﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ.

ﻫﻪﺭ ﻳﯩﻠﻰ 750 ﻣﯩﯔ ﺋﺎﺩﻩﻡ ﯞﺍﻗﯩﺘﺴﯩﺰ ﺋﯚﻟﯜﯞﺍﺗﯩﺪﯗ

ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺩﯗﻧﻴﺎ ﺑﺎﻧﻜﯩﺴﻰ ﺗﻪﻳﻴﺎﺭﻟﯩﻐﺎﻥ 'ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﯞﻩ ﺗﯚﻟﯩﻨﯩﯟﺍﺗﻘﺎﻥ ﺑﻪﺩﻩﻝ' ﺩﯦﮕﻪﻥ ﺗﻪﭘﺴﯩﻠﯩﻲ ﺩﻭﻛﻼﺗﺘﺎ، ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﻛﯜﻧﺪﯨﻦ -ﻛﯜﻧﮕﻪ ﺋﯧﻐﯩﺮﻟﯩﺸﯩﯟﺍﺗﻘﺎﻧﻠﯩﻘﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﺋﺎﺭﻗﯩﻠﯩﻖ ﺋﯩﺴﭙﺎﺗﻼﻧﻐﺎﻥ. ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺧﯩﺘﺎﻳﺪﺍ ﻫﺎﺯﯨﺮ ﻫﺎﯞﺍ، ﺳﯘ ﯞﻩ ﻳﯧﻤﻪﻛﻠﯩﻜﻠﻪﺭﻧﯩﯔ ﺑﯘﻟﻐﯩﻨﯩﺸﻰ ﺧﻪﻟﻘﻨﯩﯔ ﺗﻪﻥ ﺳﺎﻻﻣﻪﺗﻠﯩﻜﯩﮕﻪ ﻧﯩﺴﺒﻪﺗﻪﻥ ﻧﺎﻫﺎﻳﯩﺘﻰ ﭼﻮﯓ ﺗﻪﻫﺪﯨﺖ ﺑﻮﻟﯘﭖ ﻗﺎﻟﺪﻯ.

ﺧﯩﺘﺎﻳﺪﺍ ﻫﻪﺭ ﻳﯩﻠﻰ ﺑﯩﺮ ﻧﻪﭼﭽﻪ ﻳﯜﺯ ﻣﯩﯔ ﺋﺎﺩﻩﻡ ﺑﯘﻟﻐﺎﻧﻐﺎﻥ ﻫﺎﯞﺍ ، ﺳﯘ، ﻳﯧﻤﻪﻛﻠﯩﻜﻠﻪﺭﺩﻩ ﺯﻩﻫﻪﺭﻟﯩﻨﯩﭗ ﺋﯧﻐﯩﺮ ﻛﯧﺴﻪﻟﻠﯩﻜﻠﻪﺭﮔﻪ ﺩﯗﭼﺎﺭ ﺑﻮﻟﯩﺪﯗ. ﺑﯘﻧﯩﯔ ﺋﯩﭽﯩﺪﯨﻦ ﻫﻪﺭ ﻳﯩﻠﻰ 750 ﻣﯩﯔ ﺋﺎﺩﻩﻡ ﯞﺍﻗﯩﺘﺴﯩﺰ ﺋﯚﻟﯜﭖ ﻛﯧﺘﯩﺪﯗ. ﺑﯘﻧﯩﯔ ﺋﯩﭽﯩﺪﻩ، ﺳﺘﺎﺗﯩﺴﺘﯩﻜﺎ ﻗﯩﻠﯩﻨﯩﺸﯩﭽﻪ، ﺑﯘﻟﻐﺎﻧﻐﺎﻥ ﻫﺎﯞﺍﺩﺍ ﺯﻩﻫﻪﺭﻟﯩﻨﯩﭗ ﺋﯚﻟﯜﯞﺍﺗﻘﺎﻥ ﺋﺎﺩﻩﻡ ﺳﺎﻧﻰ 394 ﻣﯩﯔ، ﻳﯧﺰﯨﻼﺭﺩﺍ ﺑﯘﻟﻐﺎﻧﻐﺎﻥ ﺳﯘ ﺋﯩﭽﯩﭗ ﺋﺎﺷﻘﺎﺯﺍﻥ ﺭﺍﻛﻰ، ﺟﯩﮕﻪﺭ ﺭﺍﻛﻰ، ﻳﺎﻛﻰ ﺑﯚﺭﻩﻙ ﺭﺍﻛﯩﻐﺎ ﮔﯩﺮﯨﭙﺘﺎﺭ ﺑﻮﻟﯘﭖ، ﻳﺎﻛﻰ ﺟﯩﺪﺩﯨﻲ ﺋﯩﭻ ﺳﯜﺭﯛﭖ ﺩﺍﯞﺍﻻﺵ ﺋﯜﻧﯜﻡ ﺑﻪﺭﻣﻪﻱ ﺋﯚﻟﯜﯞﺍﺗﻘﺎﻥ ﺋﺎﺩﻩﻡ ﺳﺎﻧﻰ 660 ﻣﯩﯔ، ﻛﯚﻣﯜﺭ ﺋﯩﺴﯩﺪﺍ ﻳﺎﻛﻰ ﻳﯧﻤﻪﻛﻠﯩﻚ ﻣﺎﻳﺪﺍ ﺯﻩﻫﻪﺭﻟﯩﻨﯩﭗ ﺋﯚﻟﯜﯞﺍﺗﻘﺎﻥ ﺋﺎﺩﻩﻡ ﺳﺎﻧﻰ 300 ﻣﯩﯔ.

ﺷﺎﻣﯧﻨﺪﯨﻦ ﺳﯚﺯﻟﻪﭖ ﺑﯧﺮﯨﯟﺍﺗﻘﺎﻥ ﺑﯘ ﺧﺎﻧﯩﻢ ﻣﯘﻧﺪﺍﻕ ﺑﺎﻳﺎﻥ ﻗﯩﻠﺪﻯ: ﺑﯘ ﺷﻪﻫﻪﺭﺩﻩ ﺑﯘﻟﻐﺎﻧﻐﺎﻥ ﻫﺎﯞﺍﺩﯨﻦ ﻳﺎﻣﺎﻥ ﻫﯩﺪﻻﺭ ﺑﯘﺭﻧﯩﻤﯩﺰﻏﺎ ﭘﯘﺭﺍﻳﺪﯗ، ﻧﻪﭘﯩﺴﯩﻤﯩﺰ ﺳﯩﻘﯩﻠﯩﺪﯗ، ﺑﯘ ﻫﺎﺩﯨﺴﯩﺪﯨﻦ ﻗﻮﺭﻗﯩﯟﺍﺗﯩﻤﯩﺰ، ﺋﻪﻣﻤﺎ ﺑﯘﻧﺪﺍﻕ ﻫﺎﺩﯨﺴﻪ ﻫﻪﻗﻘﯩﺪﻩ ﻫﯧﭽﻜﯩﻢ ﮔﻪﭖ ﻗﯩﻼﻟﻤﺎﻳﺪﯗ.

ﺑﯧﻴﺠﯩﯔ ﺋﯘﻧﯩﯟﯦﺮﺳﯩﺘﯧﺘﻰ ﭼﻪﺗﺌﻪﻝ ﺋﯩﻘﺘﯩﺴﺎﺩﯨﻨﻰ ﺗﻪﺗﻘﯩﻖ ﻗﯩﻠﯩﺶ ﺋﻮﺭﻧﯩﻨﯩﯔ ﺑﺎﺷﻠﯩﻘﻰ ﺷﺎ ﻳﯧﻠﻴﺎﯕﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﺎﺩﻩﻡ ﺑﯘﻟﻐﺎﻧﻐﺎﻥ ﻣﯘﻫﯩﺘﺘﺎ ﺗﯘﺭﯨﯟﻩﺭﺳﻪ، ﺑﻪﺯﯨﻠﻪﺭ ﺑﯩﺮ ﻧﻪﭼﭽﻪ ﻛﯜﻧﺪﻩ، ﺑﻪﺯﯨﻠﻪﺭ ﺑﯩﺮ ﻧﻪﭼﭽﻪ ﺋﺎﻳﺪﺍ، ﺑﻪﺯﯨﻠﻪﺭ ﺑﯩﺮ ﻧﻪﭼﭽﻪ ﻳﯩﻠﺪﺍ ﯞﺍﻗﯩﺘﺴﯩﺰ ﺋﯚﻟﯜﻣﮕﻪ ﺩﯗﭺ ﻛﯧﻠﯩﺸﻰ ﺗﯘﺭﻏﺎﻥ ﮔﻪﭖ. ﺋﻪﻣﻤﺎ ﺗﯧﺨﻨﯩﻜﺎ ﺟﻪﻫﻪﺗﺘﯩﻦ ﺋﯧﻴﺘﻘﺎﻧﺪﺍ، ﺑﯘﻟﻐﺎﻧﻐﺎﻥ ﻣﯘﻫﯩﺘﺘﺎ ﺯﻩﻫﻪﺭﻟﯩﻨﯩﺶ ﻫﺎﺩﯨﺴﯩﻠﯩﺮﯨﻨﯩﯔ ﺳﺎﻧﯩﻨﻰ ﺋﯧﻨﯩﻘﻼﺵ ﺋﺎﺳﺎﻥ ﺋﻪﻣﻪﺱ، ﻫﺎﺯﯨﺮﻗﻰ ﺋﻪﻫﯟﺍﻟﺪﺍ، ﻫﻪﺭ ﻳﯩﻠﻰ ﯞﺍﻗﯩﺘﺴﯩﺰ ﺋﯚﻟﯜﭖ ﻛﯧﺘﯩﯟﺍﺗﻘﺎﻥ ﺋﺎﺩﻩﻡ ﺳﺎﻧﻰ 750 ﻣﯩﯖﺪﯨﻦ ﻛﯚﭖ.

ﺧﯩﺘﺎﻱ ﻳﯧﺰﯨﻠﯩﺮﯨﺪﺍ 10% ﺗﯧﺮﯨﻠﻐﯘ ﻳﻪﺭ ﻣﯧﺘﺎﻟﺪﯨﻦ ﺋﺎﺟﺮﺍﻟﻐﺎﻥ ﺯﻩﻫﻪﺭﻟﯩﻚ ﻣﺎﺩﺩﯨﻼﺭ ﺑﯩﻠﻪﻥ ﺑﯘﻟﻐﯩﻨﯩﭗ ﺑﻮﻟﺪﻯ

ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﻫﻪﻣﻤﻪ ﺟﻪﻫﻪﺗﺘﻪ ﺋﯩﭙﺎﺩﯨﻠﯩﻨﯩﺪﯗ. ﺧﯩﺘﺎﻱ ﻳﯧﺰﯨﻠﯩﺮﯨﺪﯨﻜﻰ 10% ﺗﯧﺮﯨﻠﻐﯘ ﻳﻪﺭ ﻣﯧﺘﺎﻟﺪﯨﻦ ﺋﺎﺟﺮﺍﻟﻐﺎﻥ ﺯﻩﻫﻪﺭﻟﯩﻚ ﻣﺎﺩﺩﯨﻼﺭ ﺑﯩﻠﻪﻥ ﺑﯘﻟﻐﯩﻨﯩﭗ ﺑﻮﻟﺪﻯ. ﻣﯧﺘﺎﻟﺪﯨﻦ ﺑﯘﻟﻐﺎﻧﻐﺎﻥ ﺗﯧﺮﯨﻠﻐﯘ ﻳﻪﺭﻟﯩﺮﯨﺪﯨﻜﻰ ﺯﻩﻫﻪﺭﻟﯩﻚ ﻣﺎﺩﺩﯨﻼﺭ ﺩﯦﻬﻘﺎﻧﭽﯩﻠﯩﻖ ﻣﻪﻫﺴﯘﻻﺗﻠﯩﺮﻯ ﺋﺎﺭﻗﯩﻠﯩﻖ ﺋﺎﺩﻩﻡ ﺑﻪﺩﯨﻨﯩﺪﻩ ﺳﺎﻗﻠﯩﻨﯩﭗ، ﺋﯘ ﺋﺎﺩﻩﻣﻨﻰ ﺗﻪﺩﺭﯨﺠﻰ ﻫﺎﻟﺪﺍ ﻫﻪﺭﺧﯩﻞ ﻛﯧﺴﻪﻟﻠﯩﻜﻜﻪ ﺩﯗﭼﺎﺭ ﻗﯩﻠﯩﺪﯗ.

ﺑﯧﻴﺠﯩﯔ ﺳﺎﻧﺎﺋﻪﺕ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺧﯘﺷﯩﯖﺪﯗ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺟﯘﯕﮕﻮ ﻫﺎﺯﯨﺮ ﺋﻮﻣﯘﻣﻰ ﻣﻪﻫﺴﯘﻻﺕ ﻗﯩﻤﻤﯩﺘﻰ ﺟﻪﻫﻪﺗﺘﻪ ﺋﺎﻣﯧﺮﯨﻜﺎ، ﻳﺎﭘﻮﻧﯩﻴﻪ، ﮔﯧﺮﻣﺎﻧﯩﻴﯩﻠﻪﺭﺩﯨﻦ ﻗﺎﻟﺴﺎ 4 ‏- ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺋﯩﻘﺘﯩﺴﺎﺩﯨﻲ ﺩﯙﻟﻪﺕ ﺑﻮﻟﯘﭖ ﻗﺎﻟﺪﻯ. ﺋﻪﻣﻤﺎ ﺟﯘﯕﮕﻮﺩﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﺋﯩﻨﺘﺎﻳﯩﻦ ﺋﯧﻐﯩﺮ. ﻫﯚﻛﯜﻣﻪﺕ ﺋﯚﺯﯨﻤﯘ ﻫﺎﺯﯨﺮ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺶ ﺋﻪﻫﯟﺍﻟﯩﻨﯩﯔ ﻛﯜﻧﺪﯨﻦ ‏- ﻛﯜﻧﮕﻪ ﺋﯧﻐﯩﺮﻟﯩﺸﯩﯟﺍﺗﻘﺎﻧﻠﯩﻘﯩﻨﻰ ﻫﯧﺲ ﻗﯩﻠﺪﻯ. ﺋﻪﻣﻤﺎ ﻫﯚﻛﯜﻣﻪﺕ ﺋﯚﺯﻯ ﺋﯩﮕﻪ ﺑﻮﻟﯘﯞﺍﺗﻘﺎﻥ ﻣﻪﻧﭙﻪﺋﻪﺗﻠﻪﺭﺩﯨﻦ ﯞﺍﺯ ﻛﻪﭼﻜﯜﺳﻰ ﻛﻪﻟﻤﻪﻳﯟﺍﺗﯩﺪﯗ.

ﻫﯚﻛﯜﻣﻪﺕ ﺋﯘﺯﯗﻧﺪﯨﻦ ﺑﯘﻳﺎﻥ 'ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﻫﻪﻣﻤﯩﻨﻰ ﺑﯧﺴﯩﭗ ﭼﯜﺷﯩﺪﯨﻐﺎﻥ ﺑﯩﺮﯨﻨﭽﻰ ﺋﯩﺶ' ﺩﻩﭖ ﺗﻪﻛﯩﺘﻠﻪﭖ ﻛﻪﻟﻤﻪﻛﺘﻪ. ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﺋﺎﺭﻗﯩﻠﯩﻖ ﻛﯚﭖ ﻣﻪﻧﭙﻪﺋﻪﺗﻜﻪ ﺋﯩﮕﻪ ﺑﻮﻟﺪﻯ. ﺋﻪﻣﻤﺎ ﻣﯘﻫﯩﺘﻨﻰ ﺋﺎﺳﺮﺍﺵ ﺋﺎﺳﺎﻥ ﺋﻪﻣﻪﺱ، ﺋﯘﻧﯩﯖﻐﺎ ﻧﺎﻫﺎﻳﯩﺘﻰ ﻛﯚﭖ ﭘﯘﻝ ﺳﻪﺭﭖ ﻗﯩﻠﯩﺸﻘﺎ ﺗﻮﻏﺮﺍ ﻛﯧﻠﯩﺪﯗ. ﺗﻪﺭﻩﻗﻘﻰ ﻗﯩﻠﺪﯗﺭﯗﺷﺘﯩﻦ ﺋﺎﻟﻐﺎﻥ ﻣﻪﻧﭙﻪﺋﻪﺗﻨﯩﯔ ﺑﯩﺮ ﻗﯩﺴﻤﯩﻨﻰ ﺑﯘﻧﯩﯖﻐﺎ ﺳﻪﺭﭖ ﻗﯩﻠﯩﺶ ﻛﯧﺮﻩﻙ ، ﻫﺎﺯﯨﺮ ﻫﯚﻛﯜﻣﻪﺗﻨﯩﯔ ﺑﯘﻧﯩﯖﻐﺎ ﭘﯘﻝ ﺳﻪﺭﭖ ﻗﯩﻠﯩﺸﻘﺎ ﻛﯚﯕﻠﻰ ﺑﺎﺭﻣﺎﻳﯟﺍﺗﯩﺪﯗ.

ﺧﯩﺘﺎﻳﺪﺍ ﻣﯘﻫﯩﺖ ﺑﯘﻟﻐﯩﻨﯩﺸﻨﯩﯔ ﺗﻪﺳﯩﺮﻯ ﺧﻪﻟﻘﺌﺎﺭﺍﻧﻰ ﯞﻩﻫﯩﻤﯩﮕﻪ ﺳﺎﻟﻤﺎﻗﺘﺎ

ﺭﺍﺩﯨﺌﻮﻣﯩﺰﻧﯩﯔ ﺋﺎﻟﻐﺎﻥ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﺧﯩﺘﺎﻳﺪﺍ ﻣﯘﻫﯩﺖ ﺑﯘﻟﻐﯩﻨﯩﺸﻨﯩﯔ ﺗﻪﺳﯩﺮﻯ ﺧﻪﻟﻘﺌﺎﺭﺍﻧﻰ ﯞﻩﻫﯩﻤﯩﮕﻪ ﺳﺎﻟﻤﺎﻗﺘﺎ.

ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﻳﯧﻘﯩﻨﺪﺍ، ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﺩﯨﻦ ﻛﯧﻠﯩﺪﯨﻐﺎﻥ ﺗﻪﻧﻬﻪﺭﯨﻜﻪﺗﭽﯩﻠﻪﺭﺩﯨﻦ ، ﺧﯩﺘﺎﻳﺪﺍ ﺑﯘﻟﻐﺎﻧﻐﺎﻥ ﻣﯘﻫﯩﺘﺘﺎ ﺯﻩﻫﻪﺭﻟﯩﻨﯩﺸﺘﯩﻦ ﺳﺎﻗﻠﯩﻨﯩﺶ ﺋﯘﭼﯘﻥ ﻣﯘﺩﺩﻩﺗﺘﯩﻦ ﺑﯘﺭﯗﻥ ﺑﯧﻴﺠﯩﯖﻐﺎ ﻛﻪﻟﻤﻪﺳﻠﯩﻜﯩﻨﻰ ﺗﻪﻟﻪﭖ ﻗﯩﻠﻐﺎﻥ.

2005 ‏- ﻳﯩﻠﻰ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﺋﻪﯓ ﺋﯧﻐﯩﺮ ﺑﻮﻟﻐﺎﻥ ﺟﺎﻳﻼﺭ ﻏﻪﺭﺑﯩﻲ ﺷﯩﻤﺎﻝ ﺗﻪﺭﻩﭘﺘﻪ ﺋﯩﺪﻯ

2005 ‏- ﻳﯩﻠﻰ 4 ‏- ﺋﺎﻳﺪﺍ، ﺧﯩﺘﺎﻳﻨﯩﯔ ﻣﯘﻫﯩﺖ ﺑﯘﻟﻐﯩﻨﯩﺸﯩﻨﻰ ﺗﻪﺗﻘﯩﻖ ﻗﯩﻠﯩﺶ ﺋﻮﺭﻧﻰ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﺘﺎ، ﺧﯩﺘﺎﻳﺪﯨﻜﻰ 660 ﺷﻪﻫﻪﺭﻧﯩﯔ 343 ﺩﻩ ﻣﯘﻫﯩﺖ ﺑﯘﻟﻐﺎﻧﻐﺎﻧﻠﯩﻘﻰ ﺳﻪﯞﻩﺑﺘﯩﻦ ﻛﯩﺴﻼﺗﺎﻟﯩﻖ ﻳﺎﻣﻐﯘﺭ ﻳﺎﻏﯩﺪﯨﻐﺎﻥ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ، ﺑﻪﺯﻯ ﺷﻪﻫﻪﺭﻟﻪﺭﺩﻩ ﻫﻪﺗﺘﺎ ﻗﯘﻡ ﻳﺎﻏﯩﺪﯨﻐﺎﻥ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ ﺋﯩﺪﻯ.

ﺋﻪﻳﻨﻰ ﯞﺍﻗﯩﺘﺘﺎ ﺑﯘ ﺩﻭﻛﻼﺗﺘﺎ ﺳﻪﻧﺸﻰ، ﺷﻪﻧﺸﻰ، ﺧﯧﻨﻪﻥ، ﺧﯧﺒﯧﻲ، ﻧﯩﯖﺸﺎ، ﮔﻪﻧﺴﯘ، ﺷﯩﻨﺠﺎﯕﻼﺭﺩﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﻧﺎﻫﺎﻳﯩﺘﻰ ﺋﯧﻐﯩﺮ ﺑﯘﻟﯘﯞﺍﺗﻘﺎﻧﻠﯩﻘﻰ، ﻣﻪﻣﻠﯩﻜﻪﺕ ﺑﯘﻳﯩﭽﻪ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﺋﻪﯓ ﺋﯧﻐﯩﺮ ﺑﻮﻟﻐﺎﻥ ﺟﺎﻳﻼﺭ ﻏﻪﺭﺑﯩﻲ ﺷﯩﻤﺎﻝ ﺗﻪﺭﻩﭘﺘﻪ ﺋﯩﻜﻪﻧﻠﯩﻜﻰ ﺑﺎﻳﺎﻥ ﻗﯩﻠﯩﻨﻐﺎﻥ ﺋﯩﺪﻯ. (ﯞﻩﻟﻰ)