ﺧﯩﺘﺎﻱ، ﻛﯩﺸﯩﻠﯩﻚ ﻫﻮﻗﯘﻕ ﻣﯩﻨﺎﻟﯩﺮﻯ ﻛﯚﻣﯜﻟﮕﻪﻥ ﺟﺎﻳﺪﯨﻦ ﻣﺎﺭﺍﻓﻮﻧﭽﻪ ﻳﯜﮔﯜﺭﯛﭖ ﺋﯚﺗﯜﯞﺍﺗﯩﺪﯗ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﻮﻟﯩﻤﭙﯩﻚ ﺳﯩﻤﯩﯟﻭﻟﻰ. Olympic logo made of bronze / displays at a park in Hong Kong, 30 June 2007 AFP PHOTO/TED ALJIBE

ﻗﻮﺭﺍﻣﯩﻐﺎ ﻳﻪﺗﻤﯩﮕﻪﻧﻠﻪﺭﻧﻰ ﺋﯩﺸﻠﯩﺘﯩﺶ، ﺑﺎﻻ ﻗﯩﺮﺩﯗﺭﯗﺷﻘﺎ ﻣﻪﺟﺒﯘﺭﻻﺵ، ﺩﯨﻨﻐﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺶ، ﺳﯩﻴﺎﺳﯩﻲ ﺋﯚﻛﺘﯩﭽﯩﻠﻪﺭﻧﻰ ﺗﯜﺭﻣﯩﮕﻪ ﺗﺎﺷﻼﺵ ﺋﯩﺮﻗﻰ ﯞﻩ ﻣﯩﻠﻠﯩﻲ ﻛﻪﻣﺴﯩﺘﯩﺶ، ﻣﻪﺩﻩﻧﯩﻲ ﯞﻩﻳﺮﺍﻧﭽﯩﻠﯩﻖ ﺳﯧﻠﯩﺶ ﻗﺎﺗﺎﺭﻟﯩﻘﻼﺭ، ﺧﯩﺘﺎﻱ ﺋﻮﻟﯩﻤﭙﯩﻜﺘﯩﻦ ﺑﯘﺭﯗﻥ ﺩﯗﭺ ﻛﯧﻠﯩﺪﯨﻐﺎﻥ ﻫﻪﻝ ﻗﯩﻠﻐﯘﭺ ﻣﻪﺳﯩﻠﯩﻠﻪﺭ ﺋﯩﻜﻪﻧﻠﯩﻜﻰ ﺩﯗﻧﻴﺎ ﻣﻪﺗﺒﯘﺋﺎﺗﻠﯩﺮﯨﺪﺍ ﺧﯧﻠﻰ ﻛﻮﭖ ﺳﺎﻟﻤﺎﻗﻨﻰ ﺋﯩﮕﯩﻠﻪﺷﻜﻪ ﺑﺎﺷﻠﯩﺪﻯ.

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ 6- ﺋﯩﻴﯘﻧﺪﯨﻜﻰ ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﻫﻪﻗﻘﯩﺪﻩ ﺑﻪﺭﮔﻪﻥ ﻣﻪﻟﯘﻣﺎﺗﯩﺪﺍ، ﻛﯧﻠﻪﺭ ﻳﺎﺯﺩﯨﻜﻰ ﺋﻮﻟﯩﻤﭙﯩﻜﻜﻪ ﺋﯘﻟﯩﺸﯩﯟﯦﻠﯩﺶ ﺧﯩﺘﺎﻱ ﺋﯜﭼﯜﻥ ﺋﯧﻴﺘﻘﺎﻧﺪﺍ، " ﻛﯩﺸﯩﻠﯩﻚ ﻫﻮﻗﯘﻕ ﻣﯩﻨﺎﻟﯩﺮﻯ ﻛﯚﻣﯜﻟﮕﻪﻥ ﺟﺎﻳﺪﯨﻦ ﻣﺎﺭﺍﻓﻮﻧﭽﻪ ﻳﯜﮔﯜﺭﯛﭖ ﺋﯚﺗﻜﻪﻧﮕﻪ ﺋﻮﺧﺸﺎﻳﺪﯗ " ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﯘﻟﺪﻯ ﯞﻩ 1980- ﻳﯩﻠﻼﺭﺩﯨﻦ ﺑﯘﻳﺎﻧﻘﻰ ﺋﺎﻣﯧﺮﯨﻜﺎ - ﺳﻮﯞﯦﺖ ﺋﻮﻟﯩﻤﭙﯩﻚ ﺑﺎﻳﻘﯘﺗﻠﯩﺮﯨﺪﯨﻦ ﺑﯧﺮﻯ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﻣﯘﻧﺪﺍﻕ ﺗﻪﺭﺯﺩﻩ ﯩﻴﺎﺳﯩﻴﻼﺷﺘﯘﺭﯗﻟﻤﯩﻐﺎﻧﻠﯩﻘﻰ ﻛﯚﺭﺳﯩﺘﯩﻠﺪﻯ.

ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﻰ ﻫﻪﺭﯨﻜﻪﺗﻠﻪﺭ ﺋﯘﻟﻐﺎﻳﻤﺎﻗﺘﺎ

ﻣﯘﺷﯘﻧﯩﯖﻐﺎ ﻣﯘﻧﺎﺳﯩﭗ ﻫﺎﻟﺪﺍ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺋﻮﻟﯩﻤﭙﯩﻜﻜﻪ ﻗﺎﺭﺷﻰ ﻫﻪﺭﯨﻜﻪﺕ ﻛﻮﻣﯩﺘﯧﺘﯩﻤﯘ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﺋﻮﻟﯩﻤﭙﯩﻜﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﯨﻨﻰ ﺗﯧﺰﻟﯩﺘﯩﯟﺍﺗﻘﺎﻥ ﺑﻮﻟﯘﭖ، ﺋﯘﻳﻐﯘﺭ ﺯﯨﻴﺎﻟﯩﻴﻼﺭﻣﯘ ﻫﻪﺭ ﺗﯜﺭﻟﯜﻙ ﻣﺎﻗﺎﻟﯩﻠﻪﺭﻧﻰ ﻳﯧﺰﯨﭗ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺵ ﺳﺎﻻﻫﯩﻴﯩﺘﯩﻨﯩﯔ ﻳﻮﻗﻠﯘﻗﯩﻨﻰ ﺑﯩﻠﺪﯛﺭﯛﺷﻤﻪﻛﺘﻪ. ﺧﯩﺘﺎﻳﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ 13ﺋﺎﻱ ﯞﺍﻗﯩﺖ ﻗﺎﻟﺪﻯ. ﺑﻪﺯﻯ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺑﯩﺮ ﻳﯩﻞ ﻗﺎﻟﻐﺎﻥ ﻛﯜﻧﻰ ﻳﻪﻧﻰ 8- ﺋﺎﯞﻏﯘﺳﺖ ﻛﯜﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﻰ ﻧﺎﻣﺎﻳﯩﺶ ﺋﯚﺗﻜﯜﺯﯛﺷﻨﻰ ﭘﯩﻼﻧﻠﯩﻤﺎﻗﺘﺎ.

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ 6- ﺋﯩﻴﯘﻧﺪﯨﻜﻰ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﻐﺎ ﺟﺎﻳﻼﺷﻘﺎﻥ ﺧﯩﺘﺎﻱ ﺑﺎﺵ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﻧﺎﻣﺎﻳﯩﺶ ﻗﯩﻠﯩﺸﻨﻰ ﭘﯩﻼﻧﻼﯞﺍﺗﻘﺎﻥ ﺑﻮﻟﯘﭖ، ﺑﯘﻧﯩﯖﻐﺎ ﻳﺎﻧﺪﺍﺷﻘﺎﻥ ﻫﺎﻟﺪﺍ ﺧﻪﻟﻘﺌﺎﺭﺍ ﺗﯩﺒﻪﺕ ﻫﻪﺭﯨﻜﯩﺘﻰ ﻛﺎﻟﺘﻪﻙ ﺗﻮﭖ ﺋﯩﺘﺘﯩﭙﺎﻗﯩﻨﯩﯔ ﺋﺎﺳﺎﺳﻠﯩﻖ ﻣﯘﺳﺎﺑﯩﻘﯩﺴﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﺸﻨﻰ ﯞﻩ ﻣﻪﺧﺴﯘﺱ ﺧﯩﺘﺎﻱ ﺋﻮﻟﯩﻤﭙﯩﻜﯩﮕﻪ ﻗﺎﺭﯨﺘﯩﻠﻐﺎﻥ ﺑﯩﺮ ﺗﻮﺭ ﺑﯧﺘﻰ ﺋﯧﭽﯩﺸﻨﻰ ﭘﯩﻼﻥ ﻗﯩﻠﯩﯟﺍﺗﻘﺎﻥ ﺋﯩﻜﻪﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﺑﯩﻠﺪﯛﺭﯛﺷﯩﭽﻪ، ﻫﺎﺯﯨﺮ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻤﯘ 2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺗﻮﻏﺮﯨﻠﯩﻖ ﺧﻪﻟﻘﺌﺎﺭﺍﺩﯨﻜﻰ ﻫﻪﺭ ﺗﯜﺭﻟﯜﻙ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺑﺎﺷﻘﺎ ﺗﻪﺷﻜﯩﻼﺗﻼﺭ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

"ﺋﯘﻳﻐﯘﺭﻻﺭﻧﯩﯔ ﺋﻪﻧﺌﻪﻧﯩﯟﻯ ﺗﻪﻧﻬﻪﺭﯨﻜﻪﺕ ﺗﯜﺭﻟﯩﺮﻯ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﺪﻯ"

ﺑﯘﻧﯩﯖﻐﺎ ﻳﺎﻧﺪﺍﺷﻘﺎﻥ ﻫﺎﻟﺪﺍ ﻫﺎﺯﯨﺮ ﮔﯧﺮﻣﺎﻧﯩﻴﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻳﺎﯞﺭﻭﭘﺎ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﻓﺮﺍﻧﻜﻔﻮﺭﺕ ﺷﯚﺑﯩﺴﯩﻨﯩﯔ ﺭﻩﺋﯩﺴﻰ، ﻳﺎﺵ ﺗﻪﺗﻘﯩﻘﺎﺗﭽﻰ ﻛﯜﺭﻩﺵ ﺋﺎﺗﺎﺧﺎﻥ، ﺋﯚﺯﯨﻨﯩﯔ ﻳﯧﯖﯩﻼ ﭘﯜﺗﺘﯜﺭﮔﻪﻥ " ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺗﻪﻧﻬﻪﺭﯨﻜﻪﺕ ﺗﯜﺭﻟﯩﺮﻯ " ﺩﯦﮕﻪﻥ ﻣﺎﻗﺎﻟﯩﺴﯩﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﻨﻰ ﺑﯧﺴﯩﯟﺍﻟﻐﺎﻧﺪﯨﻦ ﺑﯘﻳﺎﻥ، ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﺋﺎﻻﻫﯩﺪﯨﻠﯩﻜﻠﯩﺮﯨﻨﻰ ﻳﻮﻕ ﻗﯩﻠﯩﺸﻘﺎ ﺋﯘﺭﯗﻧﯘﭖ ﯞﻩ ﻣﯩﻠﻠﯩﻲ ﻛﯩﻤﻠﯩﻜﯩﮕﻪ ﺋﺎﻻﻗﯩﺪﺍﺭ ﺑﻪﻟﮕﯩﻠﻪﺭﻧﻰ ﻫﻪﺭ ﺗﻪﺭﻩﭘﺘﯩﻦ ﺑﻮﻏﯘﭖ ﻛﻪﻟﮕﻪﻧﻠﯩﻜﯩﻨﻰ، ﺗﯩﻞ-ﻳﯧﺰﯨﻖ، ﺩﯨﻦ، ﻣﺎﺋﺎﺭﯨﭗ ﯞﻩ ﺳﻮﺩﺍ-ﺳﺎﻧﺎﺋﻪﺕ ﺟﯜﻣﻠﯩﺪﯨﻦ، ﺋﯘﻳﻐﯘﺭﻻﺭﻧﯩﯔ ﺋﻪﻧﺌﻪﻧﯩﯟﻯ ﺗﻪﻧﻬﻪﺭﯨﻜﻪﺕ ﺗﯜﺭﻟﯩﺮﯨﻨﯩﯔ ﺗﻪﺭﻩﻗﻘﯩﻴﺎﺗﯩﻐﯩﻤﯘ ﺩﯙﻟﻪﺕ ﺗﯧﺮﺭﻭﺭﭼﯩﻠﯩﻖ ﯞﺍﺳﯩﺘﯩﺴﻰ ﺑﯩﻠﻪﻥ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﯘﭖ، ﺋﯘ ﻣﻪﺯﻛﯘﺭ ﻣﺎﻗﺎﻟﯩﺪﻩ: " ﺧﯩﺘﺎﻳﻨﯩﯔ ﺑﯩﺮ ﻣﯩﻠﻠﻪﺗﻨﯩﯔ ﺗﻪﻧﺘﻪﺭﺑﯩﻴﻪ ﺋﯩﺸﻠﯩﺮﯨﻐﺎ ﻗﺎﺭﺍﺗﻘﺎﻥ، ﺑﯘ ﺧﯩﻞ ﻓﺎﺷﯩﺴﺘﯩﻚ ﻫﻪﺭﯨﻜﻪﺗﻠﯩﺮﯨﻨﯩﯔ ﺋﺎﻗﯩﯟﯨﺘﯩﺪﻩ ﺋﯘﻳﻐﯘﺭﻻﺭﻧﯩﯔ ﺟﯩﺴﻤﺎﻧﯩﻲ ﯞﻩ ﻣﻪﻧﯩﯟﻯ ﺳﺎﭘﺎﺳﻰ، ﺋﯩﺮﻗﯩﻲ ﺋﺎﻻﻫﯩﺪﯨﻠﯩﻜﻰ ﺋﯚﺯﮔﯩﺮﯨﭗ، ﺋﯩﻠﮕﯩﺮﯨﻜﯩﮕﻪ ﺋﻮﺧﺸﺎﻳﺪﯨﻐﺎﻥ ﻗﯩﻴﺎﭘﻪﺗﻠﻪﺭﺩﯨﻦ ﺳﯚﺯ ﺋﺎﭼﻘﯩﻠﻰ ﺑﻮﻟﻤﺎﻳﺪﯨﻐﺎﻥ ﻫﺎﻟﻪﺗﻜﻪ ﻛﻪﻟﺪﻯ " ﺩﻩﭖ ﻳﺎﺯﻏﺎﻥ.

ﻛﯜﺭﻩﺵ ﺋﺎﺗﺎﺧﺎﻥ ﻣﺎﻗﺎﻟﯩﺴﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﺧﯩﺘﺎﻳﻨﯩﯔ ﺑﯘ ﻗﯩﻠﻤﯩﺸﻠﯩﺮﯨﻨﯩﯔ ﺋﻮﻟﯩﻤﭙﯩﻚ ﺭﻭﻫﯩﻐﺎ ﺗﻮﻏﺮﺍ ﻛﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺧﻪﻟﻘﺌﺎﺭﺍ ﺟﻪﻣﯩﻴﻪﺗﻨﯩﯔ ﺋﯩﻨﻜﺎﺳﻰ

ﺋﯘﻧﯩﯖﺪﯨﻦ ﺑﺎﺷﻘﺎ ﻫﻪﻣﻤﯩﮕﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ، 1980- ﻳﯩﻠﻠﯩﻘﻰ ﻣﻮﺳﻜﯟﺍ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﺋﺎﻣﯧﺮﯨﻜﺎ ﺗﻪﻧﻬﻪﺭﯨﻜﻪﺗﭽﯩﻠﻪﺭﻧﻰ ﺋﻪﯞﻩﺗﯩﺸﻨﻰ ﺭﻩﺕ ﻗﯩﻠﻐﺎﻥ ﯞﻩ 1984- ﻳﯩﻠﻠﯩﻖ ﻟﻮﺳﺌﺎﻧﺠﯧﻠﯩﺲ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﯩﻤﯘ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺗﻪﻧﻬﻪﺭﯨﻜﻪﺗﭽﻰ ﺋﻪﯞﻩﺗﻤﯩﮕﻪﻥ.

ﮔﻪﺭﭼﻪ ﻫﺎﺯﯨﺮﻏﺎ ﻗﻪﺩﻩﺭ ، ﺧﯩﺘﺎﻱ ﺋﻮﻟﯩﻤﭙﯩﻜﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎ ﻗﺎﺭﯨﺘﺎ ﺑﯘﻧﺪﺍﻕ ﻛﯜﭼﻠﯜﻙ ﺭﻩﯞﯨﺸﺘﻪ ﺑﯩﺮﻩﺭ ﺋﯩﻨﻜﺎﺱ ﻣﻪﻳﺪﺍﻧﻐﺎ ﻛﻪﻟﻤﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﺧﯩﺘﺎﻱ ﺋﻮﻟﯩﻤﭙﯩﻜﯩﻨﻰ ﭼﻮﻗﯘﻡ ﺑﺎﻳﻘﯘﺕ ﻗﯩﻠﯩﺶ ﺋﯩﺪﯨﻴﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﺘﺎ. ﻣﻪﺳﯩﻠﻪﻥ، ﺧﯩﺘﺎﻱ ﺳﯘﺩﺍﻧﻨﯩﯔ ﺩﺍﺭﻓﯘﺭ ﺭﺍﻳﻮﻧﯩﺪﯨﻜﻰ ﺋﯩﻜﻜﻰ ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﺋﺎﺩﻩﻣﻨﯩﯔ ﺋﻮﻱ ﻣﺎﻛﺎﻧﺴﯩﺰ ﻗﯧﻠﯩﭗ ﻣﯘﺳﺎﭘﯩﺮﻻﺭ ﻻﮔﯧﺮﯨﻐﺎ ﻗﺎﭘﺴﯩﻠﯩﭗ ﻗﯧﻠﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ ﺳﯘﺩﺍﻥ ﻫﯚﻛﯜﻣﯩﺘﻰ ﯞﻩ ﺩﺍﺭﻓﯘﺭﻏﺎ ﺋﯜﺯﻟﯜﻛﺴﯩﺰ ﭘﺎﺭﺍﻛﻪﻧﺪﯨﭽﯩﻠﯩﻚ ﺳﯧﻠﯩﭗ ﻛﯧﻠﯩﯟﺍﺗﻘﺎﻥ ﺟﺎﻧﺠﺎﯞﯨﺪ ﻗﻮﺭﺍﻟﻠﯩﻖ ﻛﯜﭼﻠﯩﺮﯨﻨﻰ ﻗﻮﻟﻼﭖ ﻛﯧﻠﯩﯟﺍﺗﯩﺪﯗ ﺩﻩﭖ ﻗﺎﺭﯨﻠﯩﭗ ﻛﻪﻟﮕﻪﻥ ﺑﻮﻟﻐﺎﭼﻘﺎ، ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﻰ ﻣﯩﻴﺎ ﻓﺎﺭﺭﻭﯞ 2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﻰ " ﻗﯩﺮﻏﯩﻨﭽﯩﻠﯩﻖ ﺋﻮﻟﯩﻤﭙﯩﻜﻰ " ﺩﻩﭖ ﺋﺎﺗﯩﻐﺎﻥ ﯞﻩ ﺑﯘ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺶ ﭘﯩﻜﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ. (ﺟﯜﻣﻪ)