" ﺋﻮﻟﯩﻤﭙﯩﻜﻜﻪ ﺑﯩﺮ ﻳﯩﻞ ﻗﺎﻟﻐﺎﻥ ﺑﻮﻟﺴﯩﻤﯘ، ﻛﯩﺸﯩﻠﯩﻚ ﻫﻮﻗﯘﻕ ﺟﻪﻫﻪﺗﺘﻪ ﻗﯩﻠﭽﻪ ﻳﺎﺧﺸﯩﻠﯩﻨﯩﺶ ﺑﻮﻟﻤﯩﺪﻯ"

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﺗﻮﺭ ﺑﯧﺘﯩﺪﻩ 2- ﺋﺎﯞﻏﯘﺳﺖ‏ - ﭘﻪﻳﺸﻪﻧﺒﻪ ﻛﯜﻧﻰ " ﺋﻮﻟﯩﻤﭙﯩﻜﻜﻪ ﺑﯩﺮ ﻳﯩﻞ ﻗﺎﻟﻐﺎﻥ ﺑﻮﻟﺴﯩﻤﯘ، ﻛﯩﺸﯩﻠﯩﻚ ﻫﻮﻗﯘﻕ ﺟﻪﻫﻪﺗﺘﻪ ﻗﯩﻠﭽﻪ ﻳﺎﺧﺸﯩﻠﯩﻨﯩﺶ ﺑﻮﻟﻤﯩﺪﻯ" ﺗﯧﻤﯩﻠﯩﻖ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﻨﺪﻯ . ﺋﺎﺧﺒﺎﺭﺍﺗﺘﺎ، ﺧﯩﺘﺎﻳﻨﯩﯔ 2008- ﻳﯩﻠﻠﯩﻖ ﺋﻮﻟﯩﻤﭙﯩﻜﺘﺎ ﻳﯧﯖﯩﭽﻪ ﻗﯩﻴﺎﭘﻪﺕ ﺑﯩﻠﻪﻥ ﻣﻪﻳﺪﺍﻧﻐﺎ ﭼﯩﻘﯩﺶ ﭼﯜﺷﻰ ﺧﯩﺘﺎﻳﺪﺍ ﺑﺎﺭﻏﺎﻧﭽﻪ ﺋﯧﻐﯩﺮﻟﯩﺸﯩﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ ﯞﻩ ﺑﻮﻏﯘﻟﯘﯞﺍﺗﻘﺎﻥ ﺋﺎﺧﺒﺎﺭﺍﺕ ﯞﻩ ﺳﯚﺯ ﺋﻪﺭﻛﯩﻨﻠﯩﻜﻰ ﺗﯜﭘﻪﻳﻠﻰ ﺋﻪﻣﻪﻟﮕﻪ ﺋﺎﺷﻤﺎﺳﻠﯩﻘﻰ ﻣﯘﻣﻜﯩﻨﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺷﯘﻧﺪﺍﻗﻼ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺟﻪﻫﻪﺗﺘﻪ ﻫﯧﭽﻘﺎﻧﺪﺍﻕ ﻛﯚﺯﮔﻪ ﻛﯚﺭﯛﻧﮕﯩﺪﻩﻙ ﺋﯩﻠﮕﯩﺮﯨﻠﻪﺵ ﻫﺎﺳﯩﻞ ﻗﯩﻠﻤﯩﻐﺎﻧﻠﯩﻘﻰ، ﺋﯘﺯﯗﻧﺪﯨﻦ ﺑﯘﻳﺎﻥ ﺋﯧﺘﯩﺒﺎﺭ ﺑﯧﺮﯨﻠﻤﻪﻱ ﻛﻪﻟﮕﻪﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺷﻨﯩﯔ ﺋﻮﺭﻧﯩﻐﺎ ﺟﻪﻣﺌﯩﻴﻪﺕ ﻣﯘﻗﯩﻤﻠﯩﻘﯩﺪﯨﻦ ﺑﻪﻛﺮﻩﻙ ﺋﻪﻧﺴﯩﺮﻩﻳﺪﯨﻐﺎﻧﻠﯩﻘﻰ، ﺷﯘﻧﯩﯔ ﺑﯩﻠﻪﻥ، ﺑﯧﻴﺠﯩﯖﻨﯩﯔ ﺧﯩﺘﺎﻱ ﺋﯩﭽﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺭﻏﯩﺒﺎﺗﭽﯩﻠﯩﺮﯨﻐﺎ ﻗﺎﺗﺘﯩﻖ ﻗﻮﻝ ﺳﯩﻴﺎﺳﻪﺕ ﻳﯜﺭﮔﯜﺯﮔﻪﻧﻠﯩﻜﻰ ﯞﻩ ﻫﻪﺭﻗﺎﻧﺪﺍﻕ ﺑﯩﺮ ﻗﺎﺭﺷﻰ ﭘﯩﻜﯩﺮﺩﯨﻜﯩﻠﻪﺭﻧﯩﯔ ﺋﺎﯞﺍﺯﯨﻨﻰ ﺗﯘﻧﺠﯘﻗﺘﯘﺭﯗﺵ ﺋﯜﭼﯜﻥ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﻰ ﻗﺎﺗﺘﯩﻖ ﺑﺎﺷﻘﯘﺭﯗﯞﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺋﯩﺴﺘﯩﺒﺪﺍﺗﻠﯩﻖ ﺑﯩﻠﻪﻥ ﺑﺎﺳﺘﯘﺭﯗﺵ ﺗﯧﺨﯩﻤﯘ ﻧﻮﻣﯘﺳﻠﯘﻕ

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﻗﺎﺭﺷﻰ ﭘﯩﻜﯩﺮﺩﯨﻜﯩﻠﻪﺭﮔﻪ ﺳﻪﯞﺭﯨﭽﺎﻥ ﺑﻮﻟﯘﺷﻨﯩﯔ ﺋﻮﺭﻧﯩﻐﺎ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﯩﻠﻪﺭﻧﻰ ﯞﻩ ﻗﺎﺭﺷﻰ ﭘﯩﻜﯩﺮﺩﯨﻜﯩﻠﻪﺭﻧﻰ ﻗﺎﺗﺘﯩﻖ ﺑﺎﺳﺘﯘﺭﯗﯞﺍﺗﻘﺎﻧﻠﯩﻘﯩﻨﻰ ﻫﻪﻡ ﻣﯘﺳﺘﻪﻗﯩﻞ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﯨﻨﯩﯔ ﺗﻮﺳﺎﻟﻐﯘﻏﺎ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺋﺎﺳﯩﻴﺎ ﺑﯚﻟﯜﻣﯩﻨﯩﯔ ﺩﯨﺮﯦﻜﺘﻮﺭﻯ ﺑﺮﺍﺩ ﺋﺎﺩﺍﻣﺲ: "ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯ ﺧﻪﻟﻘﯩﻨﯩﯔ ﺳﯩﻴﺎﺳﯩﻲ ﯞﻩ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﻠﻪﺭﻧﻰ ﺋﺎﺷﻜﺎﺭﯨﻼﭖ، ﻫﯚﻛﯜﻣﻪﺗﻨﯩﯔ ﻳﯜﺯﯨﻨﻰ ﺗﯚﻛﯜﭖ ﻗﻮﻳﯘﺷﯩﺪﯨﻦ ﺑﻪﻙ ﺋﻪﻧﺴﯩﺮﻩﻳﺪﯨﻐﺎﻧﺪﻩﻙ ﻗﯩﻠﯩﺪﯗ. ﺋﻪﻣﻤﺎ ﺧﯩﺘﺎﻱ ﺭﻩﻫﺒﻪﺭﻟﯩﺮﻯ، ﺋﯩﺴﺘﯩﺒﺪﺍﺗﻠﯩﻖ ﺑﯩﻠﻪﻥ ﺑﺎﺳﺘﯘﺭﯗﺷﻨﯩﯔ ﺗﯧﺨﯩﻤﯘ ﻧﻮﻣﯘﺳﻠﯘﻕ ﺑﯩﺮ ﺋﯩﺶ ﺋﯩﻜﻪﻧﻠﯩﻜﯩﻨﻰ ﻗﻪﺗﺌﯩﻲ ﺑﯩﻠﻤﻪﻳﺪﯨﻐﺎﻧﺪﻩﻙ ﻗﯩﻠﯩﺪﯗ" ﺩﻩﻳﺪﯗ.

ﻣﻪﺯﻛﯘﺭ ﺋﺎﺧﺒﺎﺭﺍﺗﺘﺎ، ﺧﯩﺘﺎﻳﻨﯩﯔ، ﻗﯩﻴﻨﺎﺵ، ﺋﯩﻨﺘﯧﺮﻧﯧﺖ ﯞﻩ ﺑﺎﺷﻘﺎ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﻰ ﭼﻪﻛﻠﻪﺵ، ﺩﯨﻨﯩﻲ ﺋﻪﺭﻛﯩﻨﻠﯩﻜﻨﻰ ﺑﻮﻏﯘﺵ، ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﻠﻪﺭﺩﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﺑﺎﺳﺘﯘﺭﯗﺵ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﺩﻩﭘﺴﻪﻧﺪﻩ ﻗﯩﻠﯩﺶ ﺧﺎﺗﯩﺮﯨﺴﻰ ﺑﺎﺭﻟﯩﻘﻰ ﻛﯚﺭﺳﯩﺘﯩﻠﮕﻪﻥ ﯞﻩ ﺧﯩﺘﺎﻳﻨﯩﯔ ﺩﯗﻧﻴﺎﺩﺍ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﯓ ﻛﯚﭖ ﻳﯜﺭﮔﯜﺯﯨﺪﯨﻐﺎﻥ ﺩﯙﻟﻪﺕ ﺋﯩﻜﻪﻧﻠﯩﻜﻰ، ﻧﯘﺭﻏﯘﻥ ﺳﻮﺕ ﻫﯚﻛﯜﻣﻨﺎﻣﯩﻠﻪﺭﺩﻩ ﺋﯧﻐﯩﺮ ﻧﯘﻗﺴﺎﻥ ﺳﺎﻗﻼﻧﻐﺎﻧﻠﯩﻘﻰ، ﺋﻪﻳﯩﺒﻜﺎﺭﻻﺭﻧﯩﯔ ﺋﯚﺯﯨﻨﻰ ﺋﺎﻗﻼﺵ ﺟﻪﻫﻪﺗﺘﻪ ﻳﯧﺘﻪﺭﻟﯩﻚ ﺋﻪﺭﻛﯩﻨﻠﯩﻜﻜﻪ ﺋﯧﺮﯨﺸﻪﻟﻤﻪﻳﺪﯨﻐﺎﻧﻠﯩﻘﻰ، ﺳﻮﺗﻨﯩﯔ ﻛﯚﭘﯩﻨﭽﻪ ﻫﺎﻟﻼﺭﺩﺍ ﻳﯧﭙﯩﻖ ﻫﺎﻟﺪﺍ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻧﻠﯩﻘﻰ، ﺋﯩﺴﭙﺎﺕ ﻣﺎﺗﯧﺮﯨﻴﺎﻟﻠﯩﺮﯨﻐﺎ ﻗﯩﻴﻨﺎﺵ ﯞﻩ ﺗﻪﻥ ﺟﺎﺯﺍﺳﻰ ﺑﯧﺮﯨﺶ ﻳﻮﻟﻠﯩﺮﻯ ﺑﯩﻠﻪﻥ ﺋﯧﺮﯨﺸﯩﻠﯩﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺑﯘ ﺋﺎﺧﺒﺎﺭﺍﺗﺘﺎ ﻳﻪﻧﻪ، ﺧﯩﺘﺎﻳﻨﯩﯔ ﺋﻪﺩﻟﯩﻴﻪ ﯞﻩ ﺳﻮﺕ ﺳﯩﺴﺘﯧﻤﯩﺴﯩﺪﺍ ﺋﻪﺭﺯ ﺳﯘﻧﯘﺵ ﺋﯩﺸﻠﯩﺮﯨﻨﯩﯔ ﻳﯧﺘﻪﺭﻟﯩﻚ ﻛﺎﭘﺎﻟﻪﺗﻜﻪ ﺋﯩﮕﻪ ﺋﻪﻣﻪﺳﻠﯩﻜﻰ ﺗﻪﻛﯩﺘﻠﻪﻧﮕﻪﻥ ﯞﻩ ﺧﯩﺘﺎﻱ ﺋﻪﺩﻟﯩﻴﻪ ﺳﻮﺕ ﺗﺎﺭﻣﺎﻗﻠﯩﺮﯨﻨﯩﯔ ﻣﯘﺳﺘﻪﻗﯩﻠﻠﯩﻘﻜﻪ ﺋﯩﮕﻪ ﺋﻪﻣﻪﺳﻠﯩﻜﻰ ﻛﯚﺭﺳﯩﺘﯩﻠﯩﭗ: "ﺧﯩﺘﺎﻳﻨﯩﯔ ﺳﻮﺕ- ﺋﻪﺩﻟﯩﻴﻪ ﺗﺎﺭﻣﺎﻗﻠﯩﺮﻯ ﺧﯩﺘﺎﻳﺪﯨﻜﻰ ﻫﺎﻛﯩﻤﯩﻴﻪﺕ ﺑﯧﺸﯩﺪﯨﻜﻰ ﭘﺎﺭﺗﯩﻴﻪ: ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻛﻮﻧﺘﺮﻭﻟﻠﯘﻗﯩﺪﺍ ﺑﻮﻟﻐﺎﭼﻘﺎ ﻣﯘﺳﺘﻪﻗﯩﻠﻠﯩﻘﻰ ﻛﻪﻣﭽﯩﻞ" ﺩﯦﻴﯩﻠﮕﻪﻥ.

ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺋﺎﺳﯩﻴﺎ ﺑﯚﻟﯜﻣﯩﻨﯩﯔ ﺑﺎﺷﻠﯩﻘﻰ ﺑﺮﻩﺩ ﺋﺎﺩﺍﻣﺲ: " 2008- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺧﯩﺘﺎﻱ ﺋﯜﭼﯜﻥ ﺋﯚﺯﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺷﻨﻰ ﺋﻪﯞﺯﻩﻝ ﺑﯩﻠﮕﻪﻧﻠﯩﻜﯩﻨﻰ ﻛﯚﺭﺳﯩﺘﯩﺸﻰ ﺋﯜﭼﯜﻥ ﻗﻮﻟﺪﯨﻦ ﺑﯧﺮﯨﭗ ﻗﻮﻳﺴﺎ ﺑﻮﻟﻤﺎﻳﺪﯨﻐﺎﻥ ﭘﯘﺭﺳﻪﺕ ﺋﯩﺪﻯ" ﺩﻩﻳﺪﯗ.

ﺳﺎﺩﯨﺮ ﺑﻮﻟﻐﺎﻥ ﯞﻩ ﺋﯚﺯﮔﻪﺭﺗﯩﺸﻜﻪ ﺗﯧﮕﯩﺸﻠﯩﻚ ﺋﺎﺳﺎﺳﻠﯩﻖ ﺳﻪﻛﻜﯩﺰ ﻧﯘﻗﺘﺎ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ

ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ، ﺧﯩﺘﺎﻱ 2008- ﻳﯩﻠﻠﯩﻖ ﺋﻮﻟﯩﻤﭙﯩﻜﻨﯩﯔ ﺗﻪﻳﻴﺎﺭﻟﯩﻘﻰ ﺟﻪﺭﻳﺎﻧﯩﺪﺍ ﺳﺎﺩﯨﺮ ﺑﻮﻟﻐﺎﻥ ﯞﻩ ﺋﯚﺯﮔﻪﺭﺗﯩﺸﻜﻪ ﺗﯧﮕﯩﺸﻠﯩﻚ ﺋﺎﺳﺎﺳﻠﯩﻖ ﺳﻪﻛﻜﯩﺰ ﻧﯘﻗﺘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﯘﭖ ﺋﯘﻻﺭ ﺗﯚﯞﻩﻧﺪﯨﻜﯩﭽﻪ.

ﻣﻪﺟﺒﯘﺭﻯ ﻛﯚﭼﯜﺭﯛﺵ ﯞﻩ ﻣﻪﻛﺘﻪﭘﻠﻪﺭﻧﻰ ﺗﺎﻗﺎﺵ. ﺑﯘﻧﯩﯖﺪﺍ 2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺋﯜﭼﯜﻥ ﻗﯘﺭﯗﻟﯘﺵ ﺋﯧﻠﯩﭗ ﺑﯧﺮﯨﺸﺘﺎ، ﻣﯩﯖﻠﯩﻐﺎﻥ ﺷﻪﻫﻪﺭ ﺋﺎﻣﻤﯩﺴﯩﻨﯩﯔ ﻣﻪﺟﺒﯘﺭﯨﻲ ﻛﯚﭼﯜﺭﯛﻟﮕﻪﻧﻠﯩﻜﻰ، ﺑﯘﻻﺭﻏﺎ ﻳﯧﺘﻪﺭﻟﯩﻚ ﺗﯚﻟﻪﻡ ﺗﯚﻟﻪﭖ ﺑﯧﺮﯨﻠﻤﯩﮕﻪﻧﻠﯩﻜﻰ، ﺋﯘﻧﯩﯖﺪﯨﻦ ﺑﺎﺷﻘﺎ، ﺋﻮﻟﯩﻤﭙﯩﻜﻨﯩﯔ ﺋﺎﻟﺪﯨﺪﯨﻜﻰ "ﺗﺎﺯﯨﻼﺵ " ﻫﻪﺭﯨﻜﯩﺘﯩﺪﻩ ﺋﺎﻗﻘﯘﻥ ﺩﯦﻬﻘﺎﻥ ﺋﯩﺸﻠﻪﻣﭽﯩﻠﻪﺭﻧﯩﯔ ﺑﺎﻟﯩﻠﯩﺮﻯ ﺋﯜﭼﯜﻥ ﺋﯧﭽﯩﻠﻐﺎﻥ، ﺋﻪﻣﻤﺎ ﺭﻭﻳﺨﻪﺗﻜﻪ ﺋﯧﻠﯩﻨﻤﯩﻐﺎﻥ ﻣﻪﻛﺘﻪﭘﻠﻪﺭﻧﻰ ﺗﺎﻗﺎﺵ ﻗﺎﺗﺎﺭﻟﯩﻘﻼﺭ ﻛﯚﺭﺳﯩﺘﯩﻠﮕﻪﻥ.

ﺋﻪﻣﮕﻪﻙ ﻫﻮﻗﯘﻗﻨﯩﯔ ﺩﻩﭘﺴﻪﻧﺪﻩ ﻗﯩﻠﯩﻨﯩﺸﻰ. ﺑﯘﻧﯩﯖﺪﺍ، ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺋﯜﭼﯜﻥ ﻳﺎﻟﻼﻧﻐﺎﻥ ﺋﺎﻗﻘﯘﻥ ﺩﯦﻬﻘﺎﻥ ﺋﯩﺸﻠﻪﻣﭽﯩﻠﻪﺭﻧﯩﯔ، ﻗﺎﻧﯘﻥ ﺟﻪﻫﻪﺗﺘﯩﻦ ﺑﻪﻟﮕﯩﻠﯩﮕﻪﻥ ﺋﯩﺶ ﻫﻪﻗﻘﯩﮕﻪ ﯞﻩ ﺩﻩﻡ ﺋﯧﻠﯩﺸﻘﺎ ﺋﯧﺮﯨﺸﻪﻟﻤﯩﮕﻪﻧﻠﯩﻜﻰ ﯞﻩ ﺩﺍﺋﯩﻢ ﺑﯩﺨﻪﺗﻪﺭﻟﯩﻚ ﺋﯜﺳﻜﯜﻧﯩﻠﯩﺮﻯ ﻳﯧﺘﻪﺭﻟﯩﻚ ﺑﻮﻟﻤﯩﻐﺎﻥ ﺋﻪﻫﯟﺍﻝ ﺋﺎﺳﺘﯩﺪﺍ ﺧﻪﺗﻪﺭﻟﯩﻚ ﺋﯩﺸﻼﺭﻏﺎ ﺳﯧﻠﯩﻨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﺑﺎﺳﺘﯘﺭﯗﺵ. ﺑﯘﻧﯩﯖﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ "ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﻛﯜﺭﻩﺷﻨﻰ ﻛﻮﺯﯨﺮ، ﺋﺎﺗﺎﻟﻤﯩﺶ "ﺋﯘﭺ ﺧﯩﻞ ﻛﯜﭼﻠﻪﺭﮔﻪ ﺯﻩﺭ ﺑﻪ ﺑﯧﺮﯨﺸﻨﻰ ﺑﺎﻫﺎﻧﻪ ﻗﯩﻠﯩﭗ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﺑﺎﺳﺘﯘﺭﯗﺵ ﺋﯧﻠﯩﭗ ﺑﺎﺭﻏﺎﻧﻠﯩﻘﻰ، "ﺑﯚﻟﮕﯜﻧﭽﯩﻠﯩﻚ" ﺧﺎﻫﯩﺸﯩﺪﯨﻜﻰ ﺳﯚﺯ ‏- ﻫﻪﺭﯨﻜﻪﺗﻠﻪﺭﺩﻩ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﻰ، ﺟﯩﺪﺩﯨﻲ، ﻗﯩﺴﻘﺎ ، ﻣﻪﺧﭙﯩﻲ ﺧﺎﺭﺍﻛﺘﯧﺮﻟﯩﻚ ﺳﻮﺕ ﺋﯧﭽﯩﭗ ﺗﯜﺭﻣﯩﮕﻪ ﺗﺎﺷﻠﯩﻐﺎﻧﻠﯩﻘﻰ ﮔﺎﻫﯩﺪﺍ ﺋﻮﭘﭽﻪ ﺳﻮﺕ ﺋﯧﭽﯩﭗ ﺟﺎﺯﺍ ﺑﻪﺭﮔﻪﻧﻠﯩﻜﻰ، ﺋﯚﻟﯜﻡ ﺟﺎﺯﺍﺳﯩﻨﯩﯔ ﺋﺎﺩﻩﺗﺘﯩﻜﻰ ﺑﯩﺮ ﺋﯩﺶ ﺋﯩﻜﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ. ﺋﯘﻧﯩﯖﺪﯨﻦ ﺑﺎﺷﻘﺎ ﺗﯩﺒﻪﺗﺘﯩﻤﯘ ﺑﯘ ﺧﯩﻞ ﺋﻪﻫﯟﺍﻟﻨﯩﯔ ﻣﻪﯞﺟﯘﺕ ﺋﯩﻜﻪﻧﻠﯩﻜﯩﻤﯘ ﻗﻮﺷﯘﻣﭽﻪ ﻗﯩﻠﯩﻨﻐﺎﻥ.

ﺩﯨﻨﯩﻲ ﺋﻪﺭﻛﯩﻨﻠﯩﻜﯩﻨﯩﯔ ﺑﻮﻏﯘﻟﯘﺷﻰ. ﺑﯘﻧﯩﯖﺪﺍ، ﺧﯩﺘﺎﻳﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻛﻮﻧﺘﺮﻭﻝ ﻗﯩﻠﯩﭗ ﺗﯘﺭﯨﺪﯨﻐﺎﻥ ﺳﯩﺴﺘﯧﻤﺎ ﺳﯩﺮﺗﯩﺪﯨﻜﻰ ﻫﻪﺭﻗﺎﻧﺪﺍﻕ ﺑﯩﺮ ﺩﯨﻨﯩﻲ ﺋﻪﺭﻛﯩﻨﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﻤﺎﻳﺪﯨﻐﺎﻧﻠﯩﻘﻰ، ﺑﺎﺭﻟﯩﻖ ﻣﻪﺳﭽﯩﺖ، ﺑﯘﺗﺨﺎﻧﺎ، ﭼﯧﺮﻛﺎﯞﻻﺭﻧﯩﯔ ﭼﻮﻗﯘﻡ ﺋﻪﻧﮕﻪ ﺋﯧﻠﯩﻨﯩﺸﻰ ﻻﺯﯨﻤﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﺋﯚﻟﯜﻡ ﺟﺎﺯﺍﺳﻰ ﯞﻩ ﺋﯧﺘﯩﭗ ﺋﻮﻟﺘﯘﺭﯗﺵ. ﺑﯘﻧﯩﯖﺪﺍ، ﺧﯩﺘﺎﻳﺪﺍ ﺋﯚﻟﯜﻡ ﺟﺎﺯﺍﺳﯩﻨﯩﯔ ﺋﻪﯓ ﻛﯚﭖ ﻳﯜﺭﮔﯜﺯﯨﺪﯨﻐﺎﻧﻠﯩﻘﻰ، ﮔﻪﺭﭼﻪ ﻛﻮﻧﻜﺮﯦﺘﻨﻰ ﺳﺎﻧﻨﻰ ﻫﯚﻛﯜﻣﻪﺕ ﺑﻪﻙ ﻗﺎﺗﺘﯩﻖ ﻗﺎﻣﺎﻝ ﻗﯩﻠﺴﯩﻤﯘ، ﻫﻪﺭ ﻳﯩﻠﻰ ﺋﻪﯓ ﺋﺎﺯ ﺩﯦﮕﻪﻧﺪﯨﻤﯘ 10 ﻣﯩﯔ ﺋﺎﺩﻩﻣﻨﯩﯔ ﺋﯚﻟﯜﻣﮕﻪ ﻳﯘﺭﮔﯘﺯﯨﻠﯩﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺋﯘﻧﯩﯖﺪﯨﻦ ﺑﺎﺷﻘﺎ، ﺋﻪﻳﺪﯨﺰ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﺗﻮﺳﻘﯘﻧﻠﯘﻗﻘﺎ ﺋﯘﭼﺮﯨﺸﻰ، ﺋﯚﻳﯩﺪﻩ ﺭﯦﺠﯩﻤﻐﺎ ﺋﯧﻠﯩﺶ ﻗﯩﻠﻤﯩﺸﻠﯩﺮﯨﻨﯩﯔ ﻳﻪﻧﯩﻼ ﻣﻪﯞﺟﯘﺗﻠﯘﻗﻰ ﯞﻩ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺩﻩﭘﺴﻪﻧﺪﻩ ﻗﯩﻠﻐﯘﭼﻰ ﺩﯙﻟﻪﺗﻠﻪﺭ ﺑﯩﻠﻪﻥ ﻳﯧﻘﯩﻨﺪﯨﻦ ﻣﯘﻧﺎﺳﯩﯟﻩﺗﻨﻰ ﺳﺎﻗﻼﭖ ﻛﻪﻟﮕﻪﻧﻠﯩﻜﻰ ﻗﺎﺗﺎﺭﻟﯩﻘﻼﺭ ﻛﯚﺭﺳﯩﺘﯩﻠﮕﻪﻥ.

ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﺑﯩﻠﺪﯛﺭﯛﺷﯩﭽﻪ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﯧﻐﯩﺮ ﺩﻩﭘﺴﻪﻧﺪﻩ ﻗﯩﻠﻐﯘﭼﻰ ﺳﯘﺩﺍﻥ، ﻛﺎﻣﺒﻮﺩﮊﺍ، ﺯﯨﻤﺒﺎﺑﯘﯞﻯ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﺑﯩﻠﻪﻥ ﻳﯧﻘﯩﻦ ﻣﯘﻧﺎﺳﯩﯟﻩﺗﻜﻪ ﺋﯩﮕﻪ ﺑﻮﻟﯘﭖ، ﺑﯘ ﺩﯙﻟﻪﺗﻠﻪﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ ﻛﯧﻠﻪﺭ ﻳﯩﻠﻰ ﻗﺎﺗﺘﯩﻖ ﺗﻪﻛﺸﯜﺭﯛﺷﻜﻪ ﺩﯗﭺ ﻛﯧﻠﯩﺪﯨﻜﻪﻥ. (ﺟﯜﻣﻪ)