2008- ﻳﯩﻠﻠﯩﻖ ﺋﻮﻟﯩﻤﭙﯩﻜﻜﻪ ﺑﯩﺮ ﻳﯩﻞ ﻗﺎﻟﻐﺎﻧﺪﺍ، ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﺧﯩﺘﺎﻳﻐﺎ ﻗﺎﺭﯨﺸﻰ ﻧﺎﺭﺍﺯﻟﯩﻖ ﻫﻪﺭﯨﻜﻪﺗﻠﯩﺮﻯ ﻛﯚﭘﻪﻳﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

8- ﺋﺎﯞﻏﯘﺳﺖ ﭼﺎﺭﺷﻪﻧﺒﻪ ﻛﯜﻧﻰ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﻴﻪﻧﺌﻪﻧﻤﯧﻦ ﻣﻪﻳﺪﺍﻧﯩﺪﺍ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺑﯩﺮ ﻳﯩﻞ ﻗﺎﻟﻐﺎﻥ ﭘﻪﻳﺘﺘﻪ ﺗﻪﺗﯜﺭ ﺳﺎﻧﺎﺵ ﯞﻩ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﯩﺘﻰ ﺋﯧﻠﯩﭗ ﺑﺎﺭﺩﻯ. ﻣﻪﻟﯘﻡ ﺑﻮﻟﯘﺷﯩﭽﻪ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﯩﺘﯩﮕﻪ 10 ﻣﯩﯔ ﺋﻪﺗﺮﺍﭘﯩﺪﺍ ﺋﺎﺩﻩﻡ ﻳﯩﻐﯩﻠﻐﺎﻥ ﺑﻮﻟﯘﭖ، ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﯞﻩ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺋﻪﻣﻪﻟﺪﺍﺭﻟﯩﺮﯨﻤﯘ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﯩﺘﯩﮕﻪ ﻗﺎﺗﻨﺎﺷﻘﺎﻥ.

ﺟﺎﻛﯘﺱ ﺭﻭﺟﺠﻰ: "ﻣﯘﻫﯩﺖ ﺑﯘﻟﻐﯩﻨﯩﺸﻰ ﺗﯜﭘﻪﻳﻠﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺑﻪﺯﻯ ﺗﯜﺭﻟﯩﺮﯨﻨﯩﯔ ﻛﯧﭽﯩﻜﺘﯜﺭﯛﻟﺸﻰ ﻣﯘﻣﻜﯩﻦ"

ﻣﯘﻫﯩﺘﻰ ﺑﯘﻟﻐﺎﻧﻐﺎﻥ ﺗﯘﻣﺎﻧﻠﯩﻖ ﺑﯧﻴﺠﯩﯔ. Haze cloaks the skyline in central Beijing, 03 July 2007 / AFP PHOTO/TEH ENG KOON

ﺋﻪﻣﻤﺎ ﺳﻪﻳﺸﻪﻧﺒﻪ ﻛﯜﻧﻰ، ﺧﯩﺘﺎﻳﺪﺍ ﺯﯨﻴﺎﺭﻩﺗﺘﻪ ﺑﻮﻟﯘﯞﺍﺗﻘﺎﻥ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﭘﺮﯦﺰﯨﺪﯦﻨﺘﻰ ﺟﺎﻛﯘﺱ ﺭﻭﺟﺠﻰ، ﮔﻪﺭﭼﻪ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺗﻪﻳﻴﺎﺭﻟﯩﻘﻨﯩﯔ ﺋﯩﺠﺎﺑﯩﻲ ﺗﻪﺭﻩﭘﻠﯩﺮﯨﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﮔﻪﻥ ﺑﻮﻟﺴﯩﻤﯘ، ﺧﯩﺘﺎﻳﺪﯨﻜﻰ ﻣﯘﻫﯩﺖ ﺑﯘﻟﻐﯩﻨﯩﺸﻰ ﺗﯜﭘﻪﻳﻠﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺑﻪﺯﻯ ﺗﯜﺭﻟﯩﺮﯨﻨﯩﯔ ﻛﯧﭽﯩﻜﺘﯜﺭﯛﻟﺸﻰ ﻣﯘﻣﻜﯩﻦ ﺋﯩﻜﻪﻧﻠﯩﻜﻰ، ﻫﺎﯞﺍ ﺳﯜﭘﯩﺘﯩﻨﯩﯔ ﺳﺎﻫﯩﺒﺨﺎﻥ ﺩﯙﻟﻪﺕ ﯞﻩ ﺗﻪﻧﻬﻪﺭﯨﻜﻪﺗﭽﯩﻠﻪﺭ ﺋﯜﭼﯜﻥ ﺑﯩﺮ ﺑﺎﺵ ﻗﯧﺘﯩﻤﭽﯩﻠﯩﻖ ﻣﻪﺳﯩﻠﯩﺴﻰ ﺋﯩﻜﻪﻧﻠﯩﻜﯩﻨﻰ ﺭﻩﺕ ﻗﯩﻠﻐﯩﻨﯩﻨﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ ﯞﻩ": ﻗﯩﺴﻘﺎ ﻣﯘﺩﺩﻩﺗﻠﯩﻚ ﻣﯘﺳﺎﺑﯩﻘﯩﻠﻪﺭﻧﻰ ﺋﯧﻠﯩﭗ ﺑﯧﺮﯨﺸﺘﺎ ﭼﺎﺗﺎﻕ ﻳﻮﻕ. ﺋﻪﻣﻤﺎ ﯞﺍﻗﯩﺖ ﻛﯧﺘﯩﺪﯨﻐﺎﻥ ﻣﯘﺳﺎﺑﯩﻘﯩﻠﻪﺭ ﻳﻪﻧﻰ ﯞﯦﻠﯩﺴﯩﭙﯩﺖ ﻣﯘﺳﺎﺑﯩﻘﯩﺴﻰ ﻗﺎﺗﺎﺭﻟﯩﻘﻼﺭ ﻛﯧﭽﯩﻜﺘﯜﺭﯛﻟﯩﺪﯨﻐﺎﻥ ﻣﯘﺳﺎﺑﯩﻘﻪ ﺗﯜﺭﯨﮕﻪ ﻛﯩﺮﯨﺪﯗ" ﺩﯦﮕﻪﻥ.

ﺏ ﺏ ﺱ ﻧﯩﯔ 8- ﺋﺎﯞﻏﯘﺳﺘﺘﯩﻜﻰ ﻣﻪﻟﯘﻣﺎﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺋﺎﯞﺳﺘﺮﺍﻟﯩﻴﻪ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﭘﺮﯦﺰﯨﺪﯦﻨﺘﻰ، ﺋﺎﯞﺳﺘﺮﺍﻟﯩﻴﻪ ﺗﻪﻧﻬﻪﺭﯨﻜﻪﺗﭽﯩﻠﯩﺮﯨﻨﯩﯔ ﻧﻪﭘﻪﺱ ﻳﻮﻟﻠﯩﺮﻯ ﻛﯧﺴﻪﻟﻠﯩﻜﯩﮕﻪ ﮔﯩﺮﯨﭙﺘﺎﺭ ﺑﻮﻟﯘﭖ ﻗﯧﻠﯩﺸﺘﯩﻦ ﺳﺎﻗﻠﯩﻨﯩﺶ ﺋﯜﭼﯜﻥ ﺑﯧﻴﺠﯩﯖﻐﺎ ﻣﯘﺳﺎﺑﯩﻘﻪ ﺑﺎﺷﻼﻧﻤﯩﻐﯘﭼﻪ ﻳﯧﺘﯩﭗ ﺑﺎﺭﻣﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎ ﺋﻪﺯﺍﻟﯩﺮﻯ ﺋﻮﻟﯩﻤﭙﯩﻜﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﻗﻘﯩﺪﻩ ﻗﺎﺭﺍﺭ ﻻﻫﯩﻴﯩﺴﻰ ﺳﯘﻧﺪﻯ

ﯞﻩﻫﺎﻟﻪﻧﻜﻰ، ﺧﯩﺘﺎﻱ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﺪﻩ ﺑﯩﺮ ﻳﯩﻞ ﻗﺎﻟﻐﺎﻥ ﻛﯜﻧﻨﻰ ﺩﺍﻏﺪﯗﻏﯩﻠﯩﻖ ﺋﯚﺗﻜﯜﺯﯛﭖ ﺩﯗﻧﻴﺎﻏﺎ ﺋﯚﺯﯨﻨﯩﯔ ﺗﻪﻳﻴﺎﺭ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺸﻜﻪ ﺋﺎﻟﺪﯨﺮﺍﯞﺍﺗﻘﺎﻥ ﻛﯜﻧﻠﻪﺭﻧﯩﯔ ﺋﺎﻟﺪﻯ ﻛﻪﻳﻨﯩﺪﻩ، ﺧﯩﺘﺎﻱ ﺋﯩﭽﻰ ﯞﻩ ﺳﯩﺮﺗﯩﺪﺍ ﺧﯩﺘﺎﻳﻐﺎ ﻗﺎﺭﯨﺸﻰ ﻫﻪﺭﺧﯩﻞ ﻧﺎﺭﺍﺯﯨﻠﯩﻖ ﭘﺎﺋﺎﻟﯩﻴﻪﺗﻠﯩﺮﻯ ﺑﺎﺭﻏﺎﻧﭽﻪ ﺋﺎﯞﯗﭖ ﻛﯧﺘﯩﺸﻜﻪ ﺑﺎﺷﻠﯩﻐﺎﻥ ﺋﯩﺪﻯ.

ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎ ﺋﻪﺯﺍﻟﯩﺮﯨﺪﯨﻦ ﺗﻪﺷﻜﯩﻞ ﺗﺎﭘﻘﺎﻥ 8 ﻛﯩﺸﻰ ﻗﺎﺭﺍﺭ ﻻﻳﯩﻬﯩﺴﻰ ﺗﻪﻳﻴﺎﺭﻻﭖ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺷﻨﻰ، ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺷﺘﺎ ﻛﻮﻧﻜﺮﯦﺘﻨﻰ ﻫﻪﺭﯨﻜﻪﺕ ﻗﻮﻟﻼﻧﻤﯩﺴﺎ، ﺩﺍﺭﻓﯘﺭﺩﺍ ﻗﯩﺮﻏﯩﻨﭽﯩﻠﯩﻖ ﺋﯩﻠﯩﭗ ﺑﯧﺮﯨﯟﺍﺗﻘﺎﻥ ﺳﯘﺩﺍﻥ ﺑﯩﺮﻣﺎ ﯞﻩ ﭼﺎﯞﺷﻴﻪﻥ ﻫﯚﻛﯜﻣﻪﺗﻠﯩﺮﯨﻨﻰ ﻗﻮﻟﻼﺷﻨﻰ ﺗﻮﺧﺘﺎﺗﻤﯩﺴﺎ، 2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﺋﻮﻳﻠﯩﺸﯩﭗ ﻛﯚﺭﯛﺷﻜﻪ، ﭼﺎﻗﯩﺮﻏﺎﻥ.

ﻣﻪﺯﻛﯘﺭ ﻗﺎﺭﺍﻝ ﻻﻫﯩﻴﯩﺴﯩﻨﻰ ﺗﻪﻳﻴﺎﺭﻟﯩﻐﯘﭼﯩﻼﺭ ﺋﺎﺭﯨﺴﯩﺪﺍ، ﺑﺎﺷﺘﯩﻦ ﺋﺎﻳﺎﻕ ﺧﯩﺘﺎﻳﻨﻰ ﺋﻪﻳﯩﺒﻠﻪﭖ ﻛﯧﻠﯩﯟﺍﺗﻘﺎﻥ ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﻰ ﺋﻪﺯﺍﺳﻰ ﻛﺎﻟﯩﻔﻮﺭﻧﯩﻴﻪ ﯞﻩﻛﯩﻠﻰ ﺩﺍﻧﺎ ﺭﻭﺑﺎﻛﻜﯩﺮ ﻗﺎﺗﺎﺭﻻﺭ ﺑﺎﺭ.

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﯨﺸﻰ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺋﯧﻠﯩﭗ ﺑﺎﺭﺩﻯ

ﭺ ﻡ ﺕ ﻧﯩﯔ ﺑﺎﺵ ﺳﻪﻛﺮﯨﺘﺎﺭﻯ ﺭﻭﺑﯧﺮﺕ ﻣﯧﻨﺎﺭﺩ (ﺋﻮﯕﺪﯨﻦ ﺋﯩﻜﻜﯩﻨﭽﻰ)، 2007 - ﻳﯩﻠﻰ 6 - ﺋﺎﯞﻏﯘﺳﺘﺘﺎ، ﺑﯧﻴﺠﯩﯖﺪﯨﻜﻰ ﻧﺎﻣﺎﻳﯩﺸﺘﺎ ﺳﯚﺯﺩﻩ. General secretary of Reporters Without Borders Robert Menard (2nd R) speaks as he and three colleagues hold a demonstration across the street across from the Beijing Olympic organising committee's headquarters in Beijing, 06 August 2007. AFP PHOTO/Peter PARKS

2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﺪﻩ ﺑﯩﺮ ﻳﯩﻞ ﻗﺎﻟﻐﺎﻥ ﻛﯜﻧﻰ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺗﻪﺷﻜﯩﻠﻠﯩﺸﻰ ﺑﯩﻠﻪﻥ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ، ﭼﺎﺭﺷﻪﻧﺒﻪ ﻛﯜﻧﻰ ﻛﻪﭼﻘﯘﺭﯗﻥ ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﻐﺎ ﺟﺎﻳﻼﺷﻘﺎﻥ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﻧﺎﺭﺍﺯﯨﻠﯩﻘﻰ ﻧﺎﻣﺎﻳﯩﺸﻰ ﺋﯧﻠﯩﭗ ﺑﺎﺭﺩﻯ.

ﺑﯘ ﻧﺎﻣﺎﻳﯩﺶ ﻫﻪﻗﻘﯩﺪﻩ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﻨﯩﯔ ﺭﻩﺋﯩﺴﻰ ﺋﺎﻟﯩﻢ ﺳﯧﻴﺘﻮﻑ ﺑﯘ ﻗﯧﺘﯩﻤﻠﯩﻖ ﻧﺎﻣﺎﻳﯩﺸﻨﯩﯔ ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺧﯩﺘﺎﻳﻐﺎ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻛﯚﻟﯩﻤﻰ ﺑﯩﺮ ﻗﻪﺩﻩﺭ ﭼﻮﯓ ﻧﺎﻣﺎﻳﯩﺶ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﺋﯩﭽﯩﺪﯨﻜﻰ ﺋﯚﻛﺘﯩﭽﯩﻠﻪﺭ ﻫﯚﻛﯜﻣﻪﺗﻜﻪ ﺋﻮﭼﯘﻕ ﺧﻪﺕ ﻳﻮﻟﻠﯩﻐﺎﻥ

ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ 7- ﺋﺎﯞﻏﯘﺳﺖ ﺑﯧﻴﺠﯩﯖﺪﯨﻦ ﺑﻪﺭﮔﻪﻥ ﺧﻪﯞﯨﺮﯨﺪﻩ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻳﺪﯨﻜﻰ ﺑﯩﺮ ﮔﯘﺭﯗﭘﭙﺎ ﻛﯩﺸﯩﻠﯩﻚ ﻫﻮﻗﯘﻕ ﻫﯩﻤﺎﺗﭽﯩﺴﻰ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺋﯩﻤﺰﺍﻟﯩﻖ ﺋﻮﭼﯘﻕ ﺧﻪﺕ ﻳﻮﻟﻼﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺋﻮﻟﯩﻤﭙﯩﻚ ﺭﻭﻫﯩﻐﺎ ﺷﻪﺭﻩﭖ ﻛﻪﻟﺘﯜﺭﯛﭖ، ﺧﯩﺘﺎﻱ ﭘﯘﻗﺮﺍﻟﯩﺮﻯ ﻫﺎﺯﯨﺮﻏﯩﭽﻪ ﺋﯧﺮﯨﺸﻪﻟﻤﯩﮕﻪﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺑﯧﺮﯨﺸﻜﻪ ﭼﺎﻗﯩﺮﯨﺪﯗ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺋﻮﭼﯘﻕ ﺧﻪﺗﻜﻪ،، ﻳﺎﺯﻏﯘﭼﯩﻼﺭ، ﻗﺎﺭﺷﻰ ﭘﯩﻜﯩﺮﺩﻩ ﺑﻮﻟﻐﯘﭼﯩﻼﺭ، ﺋﺎﺩﯞﻭﻛﺎﺕ، ﯞﻩ ﺋﺎﻟﯩﻤﻼﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ 37 ﻛﯩﺸﻰ ﻗﻮﻝ ﻗﻮﻳﻐﺎﻥ ﺑﻮﻟﯘﭖ ﺋﯘﻻﺭ ﻫﯚﻛﯜﻣﻪﺗﺘﯩﻦ ﺳﯩﻴﺎﺳﯩﻲ ﺟﯩﻨﺎﻳﻪﺗﭽﯩﻠﻪﺭﻧﻰ ﻗﻮﻳﯘﯞﯦﺘﯩﺸﻜﻪ، ﭼﻪﺗﺌﻪﻟﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯚﻛﺘﯩﭽﯩﻠﻪﺭﻧﯩﯔ ﻗﺎﺷﺘﯧﺸﯩﻐﺎ ﻳﻮﻝ ﺑﯧﺮﯨﺸﻜﻪ، ﻗﯩﺴﺘﯩﻐﺎﻥ.

ﺑﺎﯞ ﺗﻮﯓ : ﺋﻮﻟﯩﻤﭙﯩﻜﻨﯩﯔ ﺷﻮﺋﺎﺭﻯ "ﺑﯩﺮ ﺩﯗﻧﻴﺎ، ﺑﯩﺮ ﻏﺎﻳﻪ ﭼﻮﻗﯘﻡ ﺧﯩﺘﺎﻱ ﺧﻪﻟﻘﻨﯩﯔ ﻫﻮﻗﯘﻗﯩﻨﯩﻤﯘ ﺋﻪﻛﺲ ﺋﻪﺗﺘﯜﺭﯛﺷﻰ ﻛﯧﺮﻩﻙ"

ﺋﻮﭼﯘﻕ ﺧﻪﺗﺘﻪ: " ﻛﯩﺸﯩﻠﻪﺭ ﻛﻪﻣﺴﯩﺘﯩﻠﯩﺶ ﺋﻮﺗﯩﺪﺍ ﻛﯚﻳﯜﯞﺍﺗﻘﺎﻥ، ﺳﯩﻴﺎﺳﯩﻲ ﯞﻩ ﺩﯨﻨﯩﻲ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﺍﯞﺍﺗﻘﺎﻥ، ﺋﻪﺭﻛﯩﻨﻠﯩﻜﻰ ﺑﻮﻏﯘﻟﯘﯞﺍﺗﻘﺎﻥ ﺩﯗﻧﻴﺎ؛ ﺑﯩﺮ ﭘﯜﺗﯜﻥ ﺩﯗﻧﻴﺎ ﺑﻮﻻﻻﻣﺪﯗ؟" ﺩﯦﻴﯩﻠﮕﻪﻥ. ﺋﻮﭼﯘﻕ ﺧﻪﺗﻜﻪ ﺋﯩﻤﺰﺍ ﻗﻮﻳﻐﯘﭼﯩﻼﺭﺩﯨﻦ ﺑﯩﺮﻯ، ﺋﻪﺳﻠﯩﺪﻩ ﺧﯩﺘﺎﻱ ﻣﻪﺭﻛﯩﺰﯨﻲ ﻛﻮﻣﯩﺘﯧﺘﯩﻨﯩﯔ ﺳﺎﺑﯩﻖ ﺑﺎﺵ ﺳﯧﻜﺮﯦﺘﺎﺭﻯ ﺟﺎﯞ ﺯﯨﻴﺎﯕﻨﯩﯔ ﻳﺎﺭﺩﻩﻣﭽﯩﺴﻰ ﺑﻮﻟﻐﺎﻥ ﺑﺎﯞ ﺗﻮﯓ ﺑﻮﻟﯘﭖ، ﺋﯘ: "ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﻰ ﺧﯩﺘﺎﻱ ﺩﯗﭺ ﻛﯧﻠﯩﯟﺍﺗﻘﺎﻥ ﺋﻪﯓ ﻣﯘﻫﯩﻢ ﻣﻪﺳﯩﻠﻪ. ﺋﻮﻟﯩﻤﭙﯩﻜﻨﯩﯔ ﺷﻮﺋﺎﺭﻯ 'ﺑﯩﺮ ﺩﯗﻧﻴﺎ، ﺑﯩﺮ ﻏﺎﻳﻪ' ﭼﻮﻗﯘﻡ ﺧﯩﺘﺎﻱ ﺧﻪﻟﻘﻨﯩﯔ ﻫﻮﻗﯘﻗﯩﻨﯩﻤﯘ ﺋﻪﻛﺲ ﺋﻪﺗﺘﯜﺭﯛﺷﻰ ﻛﯧﺮﻩﻙ" ﺩﯦﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ، ﺧﯩﺘﺎﻳﺪﺍ ﭘﯘﻗﺮﺍﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺩﻩﭘﺴﻪﻧﺪﻩ ﻗﯩﻠﯩﻨﯩﺸﻰ ﺑﺎﺭﻏﺎﻧﭽﻪ ﺋﯧﻐﯩﺮﻟﯩﺸﯩﯟﺍﺗﻘﺎﻥ ﺷﺎﺭﺍﺋﯩﺘﺘﺎ ﺧﯩﺘﺎﻳﺪﺍ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺷﻨﯩﯔ ﺋﻮﻟﯩﻤﭙﯩﻚ ﺭﻭﻫﯩﻐﺎ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ.

ﺋﯘﻧﯩﯖﺪﯨﻦ ﺑﺎﺷﻘﺎ، ﺳﻪﻳﺸﻪﻧﺒﻪ ﻛﯜﻧﻰ 7- ﺋﺎﯞﻏﯘﺳﺖ ﻛﯜﻧﻰ ﻣﯘﺧﺒﯩﺮﻻﺭﻧﻰ ﻗﻮﻏﺪﺍﺵ ﻛﻮﻣﯩﺘﯧﺘﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﻩﺗﭽﻰ ﺗﻪﺷﻜﯩﻼﺗﻰ ﺋﺎﻳﺮﯨﻢ-ﺋﺎﻳﺮﯨﻢ ﺩﻭﻛﻼﺕ ﺋﯧﻼﻥ ﻗﯩﻠﯩﭗ، ﺧﯩﺘﺎﻳﺪﺍ ﻧﯘﺭﻏﯘﻥ ﻣﯘﺧﺒﯩﺮﻻﺭﻧﯩﯔ ﺗﯜﺭﻣﯩﺪﻩ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﭘﺎﺵ ﻗﯩﻠﻐﺎﻥ ﯞﻩ ﺧﯩﺘﺎﻳﺪﯨﻦ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻨﻰ ﻗﻮﻳﯘﯞﯦﺘﯩﺸﻜﻪ ﭼﯩﺮﻗﯩﺮﯨﻐﺎﻥ.

ﺷﯘﻧﯩﯖﻐﺎ ﻳﺎﻧﺪﺍﺷﻘﺎﻥ ﻫﺎﻟﺪﺍ 6 ﻧﻪﭘﻪﺭ ﭼﻪﺗﺌﻪﻟﻠﯩﻚ ﭘﺎﺋﺎﻟﯩﻴﻪﺗﭽﻰ، "ﺗﯩﺒﻪﺗﻜﻪ ﺋﻪﺭﻛﯩﻨﻠﯩﻚ" ﺷﻮﺋﺎﺭﻯ ﺑﯧﺴﯩﻠﻐﺎﻥ ﻟﻮﺯﯗﻧﻜﯩﻨﻰ ﺳﻪﺩﺩﯨﭽﯩﻦ ﺳﯧﭙﯩﻠﻐﺎ ﻗﺎﺩﯨﻐﺎﻥ ﺋﯩﺪﻯ. (ﺟﯜﻣﻪ)