ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﻰ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺋﯧﻠﯩﭗ ﺑﺎﺭﺩﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﻪﻟﯩﻘﺎﺭﺍ ﻛﻪﭼﯘﺭﯗﻡ ﺗﻪﺷﻜﯩﻼﺗﯩﻨﯩﯔ ﯞﻩﻛﯩﻠﻰ ﺕ. ﻛﯘﻣﺎﺭ ﺋﻪﭘﻪﻧﺪﯨﻢ ﯞﻩ ﺭﺍﺑﯩﻴﻪ ﺧﺎﻧﯩﻢ، ﻧﺎﻣﺎﻳﯩﺸﭽﯩﻼﺭ ﺑﯩﻠﻪﻥ ﺑﯩﺮﮔﻪ. photo by RFA/ Erkin & Jume

2007‏ - ﻳﯩﻠﻰ 8- ﺋﺎﻳﻨﯩﯔ 8- ﻛﯜﻧﻰ، ﭼﯜﺷﺘﯩﻦ ﻛﯩﻴﯩﻦ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺗﻪﺷﻜﯩﻠﻠﯩﺸﻰ ﺋﺎﺳﺘﯩﺪﺍ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ 2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺑﯩﺮ ﻳﯩﻞ ﻗﺎﻟﻐﺎﻥ ﻛﯜﻧﻰ، ﺧﯩﺘﺎﻳﻐﺎ ﻗﺎﺭﺷﻰ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺶ ﺋﯧﻠﯩﭗ ﺑﯧﺮﯨﻠﺪﻯ.

ﻧﺎﻣﺎﻳﯩﺸﻘﺎ، ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﻰ ، ﺩﯗﻧﻴﺎ ﺗﯩﺒﻪﺕ ﻫﻪﺭﯨﻜﯩﺘﻰ ﺗﻪﺷﻜﯩﻼﺗﻰ، ﻓﺎﻟﯘﻧﮕﯘﯓ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﺗﻪﺷﻜﯩﻼﺗﻼﺭ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺋﯘﻳﻐﯘﺭ ، ﺗﯩﺒﻪﺕ، ﺧﯩﺘﺎﻱ ﺩﯦﻤﻮﻛﺮﺍﺗﻼﺭ ﯞﻩ ﺋﺎﻣﯧﺮﯨﻜﯩﻠﯩﻘﻼﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ 100 ﺩﯨﻦ ﺋﺎﺭﺗﯘﻕ ﺋﺎﻣﻤﺎ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﻧﺎﺭﺍﺯﯨﻠﯩﻖ ﺷﯘﺋﺎﺭﻟﯩﺮﯨﻨﻰ ﺗﻮﯞﻻﺷﺘﻰ.

ﻧﺎﻣﺎﻳﯩﺸﭽﯩﻼﺭ: " ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ ﻳﻮﻗﺎﻟﺴﯘﻥ"

ﻧﺎﻣﺎﻳﯩﺸﭽﯩﻼﺭ ﻗﻮﻟﻠﯩﺮﯨﺪﺍ " ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﯞﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺳﻮﺕ ﻗﯩﻠﯩﻨﯩﺪﯗ " ، " ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ ﺋﻮﻟﯩﻤﭙﯩﻜﺘﯩﻦ ﺑﯘﺭﯗﻥ ﺗﻮﺧﺘﯩﺘﯩﻠﺴﯘﻥ! " ، " ﻣﯩﯖﻠﯩﻐﺎﻥ ﺋﺎﺩﻩﻣﻠﻪﺭ ﺋﯧﺘﯩﻠﯩﭗ ﻛﻪﺗﺘﻰ، ﺋﻮﻟﯩﻤﭙﯩﻚ ﻗﯩﻤﻤﻪﺕ ﻗﺎﺭﯨﺸﻰ ﻣﯘﺷﯘﻧﺪﺍﻕ ﺑﻮﻻﻣﺪﯗ؟! " ، " ﺗﯜﺭﻣﯩﺪﻩ ﻗﯩﻴﯩﻦ-ﻗﯩﺴﺘﺎﻗﻘﺎ ﺋﯧﻠﯩﺶ، ﻣﻪﺟﺒﯘﺭﯨﻲ ﺑﺎﻻ ﺋﺎﻟﺪﯗﺭﯗﺵ، ﺩﯨﻨﯩﻲ ﺋﻪﺭﻛﯩﻨﻠﯩﻜﻨﻰ ﺑﻮﻏﯘﺵ ﯞﻩ ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻘﻰ ﺗﻮﺧﺘﯩﺘﯩﻠﺴﯘﻥ! " ﺩﯦﮕﻪﻥ ﺷﻮﺋﺎﺭﻻﺭ ﺑﯧﺴﯩﻠﻐﺎﻥ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺑﻪﻟﮕﯩﺴﻰ ﭼﯜﺷﯜﺭﯛﻟﮕﻪﻥ ﭘﯩﻼﻛﺎﺗﻼﺭﻧﻰ ﻛﯚﺗﯜﺭﯛﺷﯜﭖ، ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﻐﺎ ﺟﺎﻳﻼﺷﻘﺎﻥ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﯨﻜﻰ ﺋﺎﻳﻼﻧﻤﯩﺪﺍ ﻧﺎﻣﺎﻳﯩﺶ ﺋﯧﻠﯩﭗ ﺑﺎﺭﺩﻯ.

ﻧﺎﻣﺎﻳﯩﺸﭽﯩﻼﺭ: "ﺧﯩﺘﺎﻱ، ﺧﯩﺘﺎﻱ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﺑﻪﺭ،" ، " ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ ﻳﻮﻗﺎﻟﺴﯘﻥ" ، " ﺋﯘﻳﻐﯘﺭﻻﺭﻏﺎ ﺩﯦﻤﻮﻛﺮﺍﺗﯩﻴﻪ" ، " ﺋﯘﻳﻐﯘﺭﻻﺭﻏﺎ ﺋﻪﺭﻛﯩﻨﻠﯩﻚ" ، " ﺗﯩﺒﻪﺗﻠﻪﺭﮔﻪ ﺋﻪﺭﻛﯩﻨﻠﯩﻚ" ، " ﺧﯩﺘﺎﻳﺪﯨﻜﻰ ﺧﻪﻟﻘﻠﻪﺭﮔﻪ ﺋﻪﺭﻛﯩﻨﻠﯩﻚ" ﺩﯦﮕﻪﻧﮕﻪ ﺋﻮﺧﺸﺎﺵ ﺷﻮﺋﺎﺭﻻﺭﻧﻰ ﺗﻮﯞﻻﺷﺘﻰ. ﺧﯩﺘﺎﻱ ﺋﻪﻟﭽﯩﺨﺎﻧﺎ ﺩﻩﺭﯞﺍﺯﯨﺴﻰ ﻫﯩﻢ ﺋﯧﺘﯩﻠﮕﻪﻥ ﺑﻮﻟﯘﭖ، ﺧﯩﺘﺎﻱ ﺋﻪﻟﭽﯩﺨﺎﻧﺎ ﺧﺎﺩﯨﻤﻠﯩﺮﻯ ﺩﯦﺮﯨﺰﯨﻠﻪﺭﺩﯨﻦ ﺋﺎﻧﺪﺍ- ﺳﺎﻧﺪﺍ ﻣﺎﺭﺍﭖ ﻗﺎﺭﯨﺸﯩﭗ ﻗﻮﻳﯘﺷﺘﻰ.

ﺑﯘ ﻗﯧﺘﯩﻤﻠﯩﻖ ﻧﺎﻣﺎﻳﯩﺸﻨﯩﯔ ﺋﺎﺳﺎﺳﻠﯩﻖ ﻣﻪﻗﺴﯩﺘﯩﻨﯩﯔ ﺧﯩﺘﺎﻳﻐﺎ ﺑﯩﺮ ﻛﯜﭼﻠﯜﻙ ﺑﺎﻳﺎﻧﺎﺕ ﻳﻪﺗﻜﯜﺯﯛﺵ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ،، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺋﺎﺳﯩﻴﺎ ﺑﯚﻟﯜﻣﯩﻨﯩﯔ ﺩﯨﺮﯦﻜﺘﻮﺭﻯ ﺕ. ﻛﯘﻣﺎﺭ ﺋﻪﭘﻪﻧﺪﻯ: " ﺋﯘﻻﺭ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻫﯚﺭﻣﻪﺕ ﻗﯩﻠﯩﺸﻰ، ﺋﻮﻟﯩﻤﭙﯩﻜﺘﯩﻦ ﺑﯘﺭﯗﻥ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﻳﺎﺧﺸﯩﻼﺷﺘﺎ ﺋﯩﺠﺎﺑﯩﻲ ﻗﻪﺩﻩﻣﻠﻪﺭﻧﻰ ﺋﯧﻠﯩﺸﻰ ﻛﯧﺮﻩﻙ" ﺩﯦﺪﻯ ﯞﻩ ﺑﯘ ﻗﯧﺘﯩﻤﻠﯩﻖ ﻧﺎﻣﺎﻳﯩﺸﻨﯩﯔ ﺑﯩﺮ ﻗﻪﺩﻩﺭ ﺯﻭﺭ ﻛﯚﻟﻪﻣﻠﯩﻚ ﺋﯩﻜﻪﻧﻠﯩﻜﻨﻰ، ﺑﯘﻧﺪﯨﻦ ﻛﯧﻴﯩﻨﻤﯘ ﻳﻪﻧﻪ ﺑﯩﺮ ﻧﻪﭼﭽﻪ ﻣﻪﺭﺗﻪ ﺑﯘ ﺧﯩﻠﺪﯨﻜﻰ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﯧﻠﯩﭗ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ : ﻧﺎﺭﺍﺯﯨﻠﯩﻖ ﭘﺎﺋﺎﻟﯩﻴﻪﺗﻠﯩﺮﯨﻤﯩﺰﻧﻰ ﻫﻪﺗﺘﺎ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺑﯩﺮ ﻛﯜﻥ ﻗﺎﻟﻐﯩﭽﻪ ﺩﺍﯞﺍﻣﻼﺷﺘﯘﺭﯨﻤﯩﺰ

ﺭﺍﺑﯩﻴﻪ ﺧﺎﻧﯩﻢ ﻣﯘﺧﺒﯩﺮﻧﯩﯔ ﺳﯘﺋﺎﻟﯩﻐﺎ ﺟﺎﯞﺍﭖ ﺑﻪﺭﻣﻪﻛﺘﻪ. photo by RFA/ Erkin & Jume

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ، ﺋﯘﻳﻐﯘﺭ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﯩﺴﻰ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯘ ﻗﯧﺘﯩﻤﻠﯩﻖ ﻧﺎﻣﺎﻳﯩﺸﻨﯩﯔ ﭘﯜﺗﯜﻥ ﺩﯗﻧﻴﺎﺩﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺋﯜﭼﯜﻥ ﻛﯜﺭﻩﺵ ﻗﯩﻠﯩﯟﺍﺗﻘﺎﻥ ﺗﻪﺷﻜﯩﻼﺗﻼﺭﻧﯩﯔ ﺋﻮﺭﺗﺎﻕ ﻧﺎﺭﺍﺯﯨﻠﯩﻘﯩﻨﻰ ﺑﯩﻠﺪﯛﺭﯨﺪﯨﻐﺎﻥ ﺑﯩﺮ ﻧﺎﻣﺎﻳﯩﺶ ﺋﯩﻜﻪﻧﻠﯩﻜﻨﻰ ﻛﯚﺭﺳﻪﺗﺘﻰ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻳﻪﻧﻪ، ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﯩﻨﯩﯔ 2008- ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺧﯩﺘﺎﻳﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻫﻪﺭﺧﯩﻞ ﺋﯧﺰﯨﻠﯩﺶ، ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ ﯞﻩ ﺑﺎﺷﻘﺎ ﻧﺎﺗﻮﻏﺮﺍ ﻗﯩﻠﻤﯩﺸﻼﺭﻧﻰ ﭘﺎﺵ ﻗﯩﻠﯩﺪﯨﻐﺎﻥ ﺑﯩﺮ ﺗﻮﺭ ﺑﯧﻜﯩﺘﻰ ﺋﺎﭼﻘﺎﻧﻠﯩﻘﯩﻨﻰ، ﻳﯧﻘﯩﻦ ﻛﻪﻟﮕﯜﺳﯩﺪﻩ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﻰ ﭘﯩﻴﺎﺩﻩ ﻣﯧﯖﯩﺶ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ ﯞﻩ ﺋﯚﺯ ﻧﺎﺭﺍﺯﯨﻠﯩﻖ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻫﻪﺗﺘﺎ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺑﯩﺮ ﻛﯜﻥ ﻗﺎﻟﻐﯩﭽﻪ ﺩﺍﯞﺍﻣﻼﺷﺘﯘﺭﯨﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﺪﻯ.

ﻧﺎﻣﺎﻳﯩﺸﭽﻰ ﺋﺎﻣﻤﯩﻨﯩﯔ ﻫﻪﻣﻤﯩﺴﻰ ﺩﯦﮕﯜﺩﻩﻙ ﺑﯩﺮ ﺧﯩﻞ ﻣﻪﻗﺴﻪﺗﺘﻪ ﺑﯩﺮ ﻳﻪﺭﮔﻪ ﺟﻪﻡ ﺑﻮﻟﺪﻯ

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﻧﺎﻣﺎﻳﯩﺸﭽﻰ ﺋﺎﻣﻤﯩﻨﯩﯔ ﻫﻪﻣﻤﯩﺴﻰ ﺩﯦﮕﯜﺩﻩﻙ ﺑﯩﺮ ﺧﯩﻞ ﻣﻪﻗﺴﻪﺗﺘﻪ، ﻳﻪﻧﻰ ﺧﯩﺘﺎﻳﻨﻰ ﺋﻮﻟﯩﻤﭙﯩﻜﻜﻪ ﺳﺎﻫﯩﺒﺨﺎﻧﺎ ﺑﻮﻟﯘﺵ ﻫﻮﻗﯘﻗﯩﻨﻰ ﺋﯧﻠﯩﺸﺘﯩﻦ ﺋﯩﻠﮕﯩﺮﻯ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ ﺑﻪﺭﮔﻪﻥ ﯞﻩﺩﯨﺴﯩﻨﻰ ﺋﺎﻗﻼﺷﻘﺎ ﻗﯩﺴﺘﺎﺵ، ﺧﯩﺘﺎﻳﻨﻰ ﺋﯚﺯ ﯞﺍﻗﺘﯩﺪﺍ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ ﺑﻪﺭﮔﻪﻥ ﯞﻩﺩﯨﺴﯩﮕﻪ ﺋﺎﺳﺎﺳﻪﻥ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﯩﻨﻰ ﺋﺎﻳﺎﻏﻼﺷﺘﯘﺭﯗﺷﻘﺎ ﭼﺎﻗﯩﺮﯨﻖ ﻗﯩﻠﯩﺶ ﺋﯜﭼﯜﻥ ﺑﯘ ﻳﻪﺭﮔﻪ ﺟﻪﻡ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﺘﻰ. ﻧﺎﻣﺎﻳﯩﺶ ﺟﻪﺭﻳﺎﻧﯩﺪﺍ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺑﯩﺮ ﻧﻪﭘﻪﺭ ﺧﺎﺩﯨﻤﻰ: "ﺑﯩﺰﻧﯩﯔ ﺑﯘ ﻳﻪﺭﮔﻪ ﻛﯧﻠﯩﺸﯩﻤﯩﺰﻧﯩﯔ ﻣﻪﻗﺴﯩﺘﻰ: ﺧﯩﺘﺎﻳﻨﻰ ﺋﯚﺯ ﯞﺍﻗﺘﯩﺪﺍ ﺑﻪﺭﮔﻪﻥ ﯞﻩﺩﯨﻠﯩﺮﯨﮕﻪ ﯞﺍﭘﺎ ﻗﯩﻠﯩﺸﻘﺎ، ﻫﻪﻣﺪﻩ ﺧﯩﺘﺎﻳﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻠﯩﺮﯨﻨﻰ ﺋﺎﻳﺎﻏﻼﺷﺘﯘﺭﯗﺷﻘﺎ ﻗﯩﺴﺘﺎﺵ" ﺩﯦﺪﻯ. ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﻧﺎﻣﺎﻳﯩﺸﭽﯩﻼﺭﻣﯘ ﺑﯘ ﻧﺎﻣﺎﻳﯩﺶ ﻫﻪﻗﻘﯩﺪﯨﻜﻰ ﻛﯚﺯ ﻗﺎﺭﺍﺷﻠﯩﺮﯨﻨﻰ ﯞﻩ ﺑﯘ ﻳﻪﺭﮔﻪ ﻛﯧﻠﯩﺶ ﻣﻪﻗﺴﻪﺗﻠﯩﺮﯨﻨﻰ ﺋﻮﺧﺸﯩﻤﯩﻐﺎﻥ ﺭﻩﯞﯨﺸﺘﻪ ﺋﯩﭙﺎﺩﯨﻠﻪﺷﺘﻰ.

ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ، ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ ﺑﯩﺮ ﺋﯘﻳﻐﯘﺭ ﺯﯨﻴﺎﻟﯩﻲ، ﻧﺎﯞﺍﺩﺍ 2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺑﯧﺴﯩﻤﯩﻐﺎ ﻗﺎﺭﯨﻤﺎﻱ ﺋﯧﭽﯩﻠﯩﭗ ﻗﺎﻟﺴﺎ، ﺋﯘﻳﻐﯘﺭﻻﺭﻏﺎ ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ ﺳﻪﻟﺒﯩﻲ ﺗﻪﺳﯩﺮ ﯞﻩ ﺋﻮﺧﺸﯩﻤﺎﻳﺪﯨﻐﺎﻥ ﻳﺎﻣﺎﻥ ﺋﺎﻗﯩﯟﻩﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺕ. ﻛﯘﻣﺎﺭ ﺧﯩﺘﺎﻱ ، "ﺋﻪﻣﺪﻯ ﺋﯚﺯ ﺳﯚﺯﻟﯩﺮﯨﯖﻨﯩﯔ ﺋﯧﺘﯩﺒﺎﺭﻯ ﺋﯜﭼﯜﻥ ﻟﻪﯞﺯﯨﯖﺪﻩ ﺗﯘﺭﻏﯩﻦ"

ﺧﻪﻟﯩﻘﺎﺭﺍ ﻛﻪﭼﯘﺭﯗﻡ ﺗﻪﺷﻜﯩﻼﺗﯩﻨﯩﯔ ﯞﻩﻛﯩﻠﻰ ﺕ. ﻛﯘﻣﺎﺭ ﺋﻪﭘﻪﻧﺪﯨﻢ ﺳﯚﺯﺩﻩ. photo by RFA/ Erkin & Jume

ﻧﺎﻣﺎﻳﯩﺶ ﺟﻪﺭﻳﺎﻧﯩﺪﺍ ﺳﯚﺯﮔﻪ ﭼﯩﻘﻘﺎﻥ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺋﺎﺳﯩﻴﺎ-ﺗﯩﻨﭻ ﺋﻮﻛﻴﺎﻥ ﺑﯚﻟﯜﻣﻨﯩﯔ ﺩﯨﺮﯦﻜﺘﻮﺭﻯ ﺕ. ﻛﯘﻣﺎﺭ، ﺧﯩﺘﺎﻱ ﺑﺎﺷﻠﯩﻘﻠﯩﺮﯨﻨﯩﯔ 2001- ﻳﯩﻠﻰ ﺋﻮﻟﯩﻤﭙﯩﻚ ﺳﺎﻫﯩﺒﺨﺎﻧﻠﯩﻘﯩﻨﻰ ﺗﺎﻟﯩﺸﯩﺶ ﺟﻪﺭﻳﺎﻧﯩﺪﺍ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﻧﯧﮕﯩﺰﻟﯩﻚ ﻣﻪﺳﯩﻠﻪ ﺋﯩﻜﻪﻧﻠﯩﻜﯩﻨﻰ ﺗﻪﻥ ﺋﺎﻟﻐﺎﻧﻠﯩﻘﯩﻨﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﻳﻤﯩﺰ ﺩﻩﭖ ﻳﯧﻨﯩﺶ-ﻳﯧﻨﯩﺸﻼﭖ ﯞﻩﺩﻩ ﺑﻪﺭﮔﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﭗ: " ﺷﯘﯕﺎ ﺑﯩﺰ ﺑﯜﮔﯜﻥ ﺑﯘ ﻳﻪﺭﮔﻪ ﻳﯩﻐﯩﻠﯩﭗ، ﺧﯩﺘﺎﻳﻨﻰ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ ﺑﻪﺭﮔﻪﻥ ﯞﻩﺩﯨﺴﯩﻨﻰ ﺋﺎﻗﻼﺷﻘﺎ ﻗﯩﺴﺘﯩﻐﯩﻠﻰ ﻛﻪﻟﺪﯗﻕ. ﺧﯩﺘﺎﻱ ﻣﺎﻧﺎ ﺳﻪﻥ ﺋﻮﻟﯩﻤﭙﯩﻜﻜﻪ ﺳﺎﻫﯩﺒﺨﺎﻥ ﺑﻮﻟﯘﺵ ﻫﻮﻗﯘﻗﯩﻨﻰ ﺋﺎﻟﺪﯨﯔ. ﺋﻪﻣﺪﻯ ﺋﯚﺯ ﺳﯚﺯﻟﯩﺮﯨﯖﻨﯩﯔ ﺋﯧﺘﯩﺒﺎﺭﻯ ﺋﯜﭼﯜﻥ ﻟﻪﯞﺯﯨﯖﺪﻩ ﺗﯘﺭﻏﯩﻦ" ﺩﯦﺪﻯ ﯞﻩ ﺧﯩﺘﺎﻳﺪﺍ ﻫﺎﺯﯨﺮ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺋﯧﻐﯩﺮ ﺩﻩﭘﺴﻪﻧﺪﻩ ﻗﯩﻠﯩﻨﯩﯟﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻳﺪﺍ 250 ﻣﯩﯖﺪﯨﻦ ﺋﺎﺭﺗﯘﻕ ﺋﺎﺩﻩﻣﻨﯩﯔ ﺳﻮﺗﻨﯩﯔ ﻫﯚﻛﯜﻣﯩﺴﯩﺰ ﺗﯜﺭﻣﯩﺪﻩ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﺋﯚﻟﯜﻡ ﺟﺎﺯﺍﺳﯩﻨﻰ ﺩﯗﻧﻴﺎ ﺑﯘﻳﯩﭽﻪ ﺋﻪﯓ ﻛﯚﭖ ﻳﯜﺭﮔﯜﺯﯨﺪﯨﻐﺎﻥ ﺩﯙﻟﻪﺕ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﭗ ﺋﯚﺗﺘﻰ.

ﺋﯘ ﻳﻪﻧﻪ، ﺋﻪﮔﻪﺭ ﺧﯩﺘﺎﻱ ﺋﻮﺯ ﯞﻩﺩﯨﺴﯩﺪﻩ ﺗﯘﺭﻣﯩﺴﺎ، ﺋﯚﺯ ﺳﯚﺯﻟﯩﺮﯨﮕﻪ ﻫﯚﺭﻣﻪﺕ ﻛﯚﺭﺳﻪﺗﻤﯩﺴﻪ، ﻛﻪﻟﮕﯜﺳﯩﺪﻩ ﻫﯧﭽﻜﯩﻤﻨﯩﯔ ﺧﯩﺘﺎﻳﻨﯩﯔ ﮔﯧﭙﯩﻨﻰ ﺋﯧﺘﯩﺒﺎﺭﻏﺎ ﺋﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ ﻫﻪﻡ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﺪﯨﻦ ﻫﻪﻡ ﻛﯩﺸﯩﻠﯩﻚ ﻫﻮﻗﯘﻗﻘﺎ ﻛﻪﻟﮕﻪﻧﺪﻩ ﺟﯩﻢ ﺑﻮﻟﯘﯞﺍﻟﻐﺎﻥ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﺘﯩﻦ ﺑﻪﻙ ﺋﯜﻣﯩﺪﺳﯩﺰﻟﻪﻧﮕﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ ﯞﻩ: "ﺑﯜﮔﯜﻥ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ، ﺧﯩﺘﺎﻱ ﺭﻩﻫﺒﻪﺭﻟﯩﺮﯨﮕﻪ ﺳﻮﺋﺎﻝ ﻗﻮﻳﯘﻟﺪﻯ، ﻫﻪﺭ ﺋﯩﻜﻜﯩﻠﯩﺴﯩﻨﯩﯔ ﺋﯩﻨﺎﯞﻩﺗﻠﯩﺮﯨﮕﻪ ﺳﻮﺋﺎﻝ ﻗﻮﻳﯘﻟﺪﻯ، ﺷﯘﯕﺎ ﺑﯩﺰ ﺑﯘ ﻳﻪﺭﮔﻪ ﻳﯩﻐﯩﻠﯩﭗ ﺩﯗﻧﻴﺎﻏﺎ ﺑﯘ ﺋﯩﻜﻜﻰ ﮔﯘﺭﯗﭘﭙﺎ ﺋﺎﺩﻩﻣﻠﻪﺭﺩﯨﻦ ﭘﻪﺧﻪﺱ ﺑﻮﻟﯘﺷﻨﻰ ﺟﺎﻛﺎﺭﻟﯩﻐﯩﻠﻰ ﻛﻪﻟﺪﯗﻕ" ﺩﯦﺪﻯ.

ﺳﻮﺯ ﺋﺎﺧﯩﺮﯨﺪﺍ ﺕ. ﻛﯘﻣﺎﺭ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﺳﯚﺯﮔﻪ ﺗﻪﻛﻠﯩﭗ ﻗﯩﻠﺪﻯ ﯞﻩ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﯩﺘﻰ ﺋﯜﭼﯜﻥ ﺧﯩﺘﺎﻳﻨﯩﯔ ﺋﯘﻧﯩﯔ ﺋﻮﻏﯘﻟﻠﯩﺮﯨﻨﻰ ﮔﯚﺭﯛﮔﻪ ﺋﺎﻟﻐﺎﻧﻠﯩﻘﯩﻨﻰ ، ﺋﻪﻣﻤﺎ ﻫﺎﻣﺎﻥ ﺑﯩﺮ ﻛﯜﻧﻰ ﺋﯘﻻﺭﻧﯩﯔ ﺋﻪﺭﻛﯩﻨﻠﯩﻜﻜﻪ ﭼﯩﻘﯩﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﭽﻰ ﻛﺎﻣﯩﻞ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ ﯞﻩ ﻣﯘﻧﺪﺍﻕ ﺩﯦﺪﻯ: "ﺷﯘﻧﯩﯖﻐﺎ ﺋﯩﺸﻪﻧﭽﯩﻢ ﻛﺎﻣﯩﻠﻜﻰ ، ﻫﺎﻣﺎﻥ ﺑﯩﺮ ﻛﯜﻧﻰ ﺭﺍﺑﯩﻴﻪ ﻗﺎﺩﯨﺮ ﺋﯚﺯ ﺑﺎﻟﯩﻠﯩﺮﯨﻨﯩﯔ ﺋﻪﺭﻛﯩﻨﻠﯩﻜﻜﻪ ﺋﯧﺮﯨﺸﻜﻪﻧﻠﯩﻜﯩﻨﻰ ﻫﻪﻣﺪﻩ ﺋﯘﻳﻐﯘﺭﻻﺭﻧﯩﯔ ﺋﺎﺩﺍﻟﻪﺗﻜﻪ ﺋﯧﺮﯨﺸﻜﻪﻧﻠﯩﻜﯩﻨﻰ ﻛﯚﺭﯨﺪﯗ" ﺩﯦﺪﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ: "ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺧﯩﺘﺎﻱ ﺧﻪﻟﻘﯩﮕﻪ ﻗﺎﺭﯨﺘﯩﻠﻤﯩﻐﺎﻥ"

ﻧﺎﻣﺎﻳﯩﺶ ﻳﯩﻐﯩﻠﯩﺸﯩﺪﺍ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺗﻪﻛﻠﯩﭗ ﺑﯩﻠﻪﻥ ﺳﯚﺯﮔﻪ ﭼﯩﻘﺘﻰ ﯞﻩ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ 2008- ﻳﯩﻠﻠﯩﻖ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺋﯩﺪﯨﻴﯩﺴﯩﻨﯩﯔ ﭘﻪﻗﻪﺕ ﺧﯩﺘﺎﻱ ﺧﻪﻟﻘﯩﮕﻪ ﻗﺎﺭﯨﺘﯩﻠﻤﯩﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﻰ ﺭﻩﺋﯩﺴﻰ ﺋﺎﻟﯩﻢ ﺳﯧﻴﺘﻮﻑ ﺭﺍﺑﯩﻴﻪ ﺧﺎﻧﯩﻤﻐﺎ ﯞﺍﻛﺎﻟﯩﺘﻪﻥ ﺋﯘﻧﯩﯔ ﻧﯘﺗﯩﻘﯩﻨﻰ ﺋﯩﻨﮕﻠﯩﺰﭼﻪ ﺋﻮﻗﯘﭖ ﺋﯚﺗﺘﻰ. ﻧﺎﻣﺎﻳﯩﺸﻰ ﻳﯩﻐﯩﻠﯩﺸﯩﺪﺍ ﻳﻪﻧﻪ ، ﺧﻪﻟﻘﺌﺎﺭﺍ ﺗﯩﺒﻪﺕ ﻫﻪﺭﯨﻜﯩﺘﯩﻨﯩﯔ ﭘﺎﺋﺎﻟﯩﻴﻪﺕ ﺗﻪﺷﻜﯩﻠﻠﯩﮕﯜﭼﯩﺴﻰ ﺟﯧﻴﻜﻮﺏ ﻛﻮﻟﻜﯘﻟﯧﺮﻣﯘ ﺳﯚﺯﮔﻪ ﭼﯩﻘﺘﻰ. (ﺟﯜﻣﻪ)