ﺧﯩﺘﺎﻱ ﻣﯘﺧﺒﯩﺮﻻﺭﻧﯩﯔ ﺋﺎﺭﻗﺎ ﻛﯚﺭﯛﻧﯜﺷﯩﻨﻰ ﺗﻪﻛﺸﯜﺭﯛﺵ ﺧﯩﺰﻣﯩﺘﻰ ﺋﯧﻠﯩﭗ ﺑﺎﺭﯨﺪﯨﻜﻪﻥ

• ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺧﺎﺩﯨﻤﻠﯩﺮﻯ، 2008 ‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﻣﯘﺭﺍﺳﯩﻤﯩﻨﻰ ﺯﯨﻴﺎﺭﻩﺕ ﻗﯩﻠﯩﺸﻘﺎ ﺋﯩﻠﺘﯩﻤﺎﺱ ﻗﯩﻠﻐﺎﻥ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﻯ ﺋﯜﺳﺘﯩﺪﻩ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﺘﯩﻜﻰ ﻣﻪﻗﺴﻪﺕ، ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﯩﯔ ﺑﯩﺨﻪﺗﻪﺭ ﺋﯧﻠﯩﭗ ﺑﯧﺮﯨﻠﯩﺸﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺋﯜﭼﯜﻥ، ﺩﻩﭖ ﺗﻪﻛﯩﺘﻠﯩﻤﻪﻛﺘﻪ. ﺑﯧﻴﺠﯩﯔ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﻻﻳﯩﻬﯩﻠﻪﺵ ﻣﻪﺭﻛﯩﺰﯨﻨﯩﯔ ﻣﯘﺩﯨﺮﻯ ﻳﺎﯓ ﻣﯩﯖﺨﯘﻱ، ﺳﻪﻳﺸﻪﻧﺒﻪ ﻛﯜﻧﻰ ﭼﻪﺗﺌﻪﻝ ﻣﻪﺗﺒﯘﺋﺎﺗﻠﯩﺮﯨﻐﺎ : "ﺋﻪﮔﻪﺭ، ﭼﻪﺗﺌﻪﻝ ﻣﯘﺧﺒﯩﺮﻟﯩﺮﻯ، ﺋﺎﺭﻗﺎ ﻛﯚﺭﯛﻧﯜﺵ ﺗﻪﻛﺸﯜﺭﯛﺷﯩﺪﯨﻦ ﺋﯚﺗﻤﯩﺴﻪ، ﺋﯘﻻﺭﻧﯩﯔ ﺋﯩﻠﺘﯩﻤﺎﺱ ﺗﻪﺭﺗﯩﭙﻰ ﺗﻮﺧﺘﺎﭖ ﻗﺎﻟﯩﺪﯨﻜﻪﻥ، ﺑﯩﺮﺍﻕ ﻣﯘﺧﺒﯩﺮﻏﺎ ﻣﯘﻧﺎﺳﯩﯟﻩﺗﻠﯩﻚ ﻣﺎﺗﯧﺮﯨﻴﺎﻟﻼﺭ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﻛﻮﻣﯩﺘﯧﺘﯩﻐﺎ ﻳﻮﻟﻠﯩﻨﯩﺪﯨﻜﻪﻥ."

ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺧﺎﺩﯨﻤﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﻣﯘﺧﺒﯩﺮﻻﺭﻧﻰ ﺗﻪﻛﺸﯜﺭﯛﺵ ﺧﯩﺰﻣﯩﺘﻰ ﺑﯩﺨﻪﺗﻪﺭﻟﯩﻜﻨﻰ ﻛﯚﺯﺩﻩ ﺗﯘﺗﯘﺵ ﻫﯧﺴﺎﺑﻠﯩﻨﯩﺪﯨﻜﻪﻥ

ﺳﺎﺑﯩﻖ ﺑﯧﻴﺠﯩﯔ ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﻳﺎﯓ ﻣﯩﯖﺨﯘﻱ، ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺋﻮﺭﮔﺎﻧﻠﯩﺮﯨﻨﯩﯔ، ﻣﯘﺧﺒﯩﺮﻻﺭﻏﺎ ﻗﺎﺭﯨﺘﺎ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺋﺎﺭﻗﺎ ﻛﯚﺭﯛﻧﯜﺷﻨﻰ ﺗﻪﻛﺸﯜﺭﯛﺵ ﺩﺍﺋﯩﺮﯨﺴﯩﮕﻪ ﻗﺎﻧﺪﺍﻕ ﻣﻪﺯﻣﯘﻧﻼﺭﻧﯩﯔ ﻛﯩﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺳﯚﺯ ﺋﺎﭼﻤﯩﺪﻯ، ﺋﯘ ﭘﻪﻗﻪﺕ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ، ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ، ﻧﻮﺭﻣﺎﻝ ﺋﯚﺗﻜﯜﺯﯛﻟﯜﺷﯩﮕﻪ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﺪﯨﻐﺎﻥ ﻫﻪﺭ ﻗﺎﻧﺪﺍﻕ ﻛﯩﺸﯩﻨﯩﯔ ﺑﯧﻴﺠﯩﯖﻐﺎ ﻛﯧﻠﯩﺸﯩﻨﻰ ﺗﻮﺳﺎﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﻣﻪﺭﻛﯩﺰﻯ ﻓﺮﺍﻧﺴﯩﻴﯩﺪﯨﻜﻰ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺧﯩﺘﺎﻱ ﻣﻪﺳﯩﻠﯩﺴﻰ ﺑﯘﻳﯩﭽﻪ ﺑﺎﻳﺎﻧﺎﺗﭽﯩﺴﻰ ﺑﻮﺳﯧﻴﯧﺮ ﺋﻪﭘﻪﻧﺪﻯ ﺳﯚﺯﯨﺪﻩ ﻣﯘﻧﺪﺍﻕ ﺩﯦﺪﻯ": ﺑﯘ ﻣﻪﺯﻛﯜﺭ ﺗﻪﺷﻜﯩﻼﺕ، ﺋﯩﺰﭼﯩﻞ ﺋﻪﻧﺪﯨﺸﻪ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺋﻪﻫﯟﺍﻝ ﺑﻮﻟﯘﭖ،ﺋﻪﭘﺴﯘﺳﻠﯩﻨﯩﺪﯨﻐﺎﻥ ﻳﯧﺮﯨﻤﯩﺰ، ﺧﯩﺘﺎﻱ ﻳﻪﻧﻪ ﺑﯩﺮ ﻗﯧﺘﯩﻢ ﺧﺎﺗﺎ ﺑﯩﺮ ﻗﺎﺭﺍﺭ ﭼﯩﻘﺎﺭﺩﻯ، ﺋﯘﻻﺭ ﺋﯚﺯﻟﯩﺮﯨﻨﯩﯔ ﺋﯩﻠﮕﯩﺮﻯ « ﻣﯘﺧﺒﯩﺮﻻﺭﻧﯩﯔ ﺋﻪﺭﻛﯩﻦ ﺯﯨﻴﺎﺭﻩﺕ ﻗﯩﻠﯩﺸﯩﻐﺎ ﻳﻮﻝ ﻗﻮﻳﯩﻤﯩﺰ » ﺩﯦﮕﻪﻥ ﯞﻩﺩﯨﺴﯩﺪﻩ ﺗﯘﺭﻣﯩﺪﻯ، ﺑﯘ ﺑﯩﺰﻧﻰ ﻗﺎﺗﺘﯩﻖ ﺋﻪﻧﺪﯨﺸﯩﮕﻪ ﺳﺎﻟﻤﺎﻗﺘﺎ."

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻛﻮﻣﺘﯧﺘﻰ ﺧﺎﺩﯨﻤﯩﻨﯩﯔ ﺗﻪﻛﯩﺘﻠﯩﺸﯩﭽﻪ، ﻳﯧﻘﯩﻨﺪﯨﻦ ﺑﯘﻳﺎﻥ ﺋﯚﺗﻜﯜﺯﯛﻟﮕﻪﻥ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻠﯩﺮﯨﺪﺍ، ﺳﺎﻫﯩﺒﺨﺎﻥ ﺩﯙﻟﻪﺗﻠﻪﺭﻧﯩﯔ ﻫﻪﻣﻤﯩﺴﻰ ﻣﻪﺗﺒﯘﺋﺎﺕ ﻣﯘﺧﺒﯩﺮﻟﯩﺮﻯ ﺋﯜﺳﺘﯩﺪﯨﻦ ﺋﺎﺭﻗﺎ ﻛﯚﺭﯛﻧﯜﺵ ﺗﻪﻛﺸﯜﺭﯛﺷﻰ ﺋﯧﻠﯩﭗ ﺑﺎﺭﻏﺎﻥ، ﺷﯘﯕﺎ ﺑﯧﻴﺠﯩﯖﻨﯩﯔ ﺑﯘ ﻫﻪﺭﯨﻜﯩﺘﯩﮕﻪ ﺋﻪﺟﻪﺑﻠﯩﻨﯩﺶ ﻫﺎﺟﻪﺗﺴﯩﺰ ﺋﯩﻜﻪﻥ.

ﺑﯩﺮﺍﻕ، ﺑﻮﺳﯧﻴﯧﺮ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﺩﯦﻤﻮﻛﺮﺍﺕ ﺑﯩﺮ ﺩﯙﻟﻪﺕ ﺋﻪﻣﻪﺳﻠﯩﻜﻰ، ﺑﻮﻟﯘﭘﻤﯘ ﺧﯩﺘﺎﻳﻨﯩﯔ ﺩﺍﯞﺍﻣﻠﯩﻖ ﻫﻪﺭ ﺧﯩﻞ ﭼﺎﺭﯨﻠﻪﺭﻧﻰ ﺋﯩﺸﻘﺎ ﺳﯧﻠﯩﭗ، ﻫﯚﻛﯜﻣﻪﺗﻨﻰ ﺗﻪﻧﻘﯩﺪﻟﻪﻳﺪﯨﻐﺎﻥ ﻣﯘﺧﺒﯩﺮﻻﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﺗﻮﺳﻘﯘﻧﻠﯘﻕ ﻛﯚﺭﺳﯩﺘﯩﺸﻰ، ﻧﯚﯞﻩﺗﺘﻪ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻼ ﺋﻪﻣﻪﺱ، ﺑﻪﻟﻜﻰ ﺑﺎﺷﻘﺎ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻤﯘ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﻣﻪﺳﯩﻠﻪ ﺋﯩﻜﻪﻥ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﻗﺎﺭﯨﺸﻰ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺧﺎﺩﯨﻤﻠﯩﺮﯨﻨﯩﯔ ﻗﺎﺭﯨﺸﯩﻐﺎ ﺋﻮﺧﺸﯩﻤﺎﻳﺪﯗ

" ﻣﯩﺴﺎﻝ ﻗﯩﻠﯩﭗ ﻛﯚﺭﺳﻪﺗﺴﻪﻙ، ﮔﺮﯨﺘﺴﯩﻴﻪ ﺑﯩﺮ ﺩﯦﻤﻮﻛﺮﺍﺗﯩﻚ ﺩﯙﻟﻪﺕ، ﮔﺮﯨﺘﺴﯩﻴﻪ ﻫﯧﭽﻘﺎﭼﺎﻥ ﺳﯩﻴﺎﺳﯩﻲ ﺳﻪﯞﻩﺏ ﺗﯜﭘﻪﻳﻠﻰ ﻣﯘﺧﺒﯩﺮﻻﺭﻧﯩﯔ ﺋﻪﺭﻛﯩﻨﻠﯩﻜﯩﮕﻪ ﺗﻮﺳﻘﯘﻧﻠﯘﻕ ﻳﻪﺗﻜﯜﺯﻣﻪﻳﺪﯗ. ﺧﯩﺘﺎﻱ ﺑﻮﻟﺴﺎ ﺩﯦﻤﻮﻛﺮﺍﺗﯩﻚ ﺩﯙﻟﻪﺕ ﺋﻪﻣﻪﺱ، ﺧﯩﺘﺎﻱ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺳﺎﻳﺎﻫﻪﺕ ﻗﯩﻠﯩﺸﯩﻐﺎ، ﺯﯨﻴﺎﺭﻩﺕ ﺧﺎﺗﯩﺮﯨﺴﻰ ﻗﺎﻟﺪﯗﺭﯗﺷﯩﻐﺎ ﺭﯗﺧﺴﻪﺕ ﻗﯩﻠﻤﺎﻳﺪﯗ، ﺷﯘﯕﺎ ﺑﯘ ﺗﺎﻣﺎﻣﻪﻥ ﺑﯩﺮ - ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯗ."

ﺋﯘﻧﯩﯔ ﺋﯧﻴﺘﯩﺸﯩﭽﻪ، ﮔﻪﺭﭼﻪ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﻯ، ﺋﺎﺧﯩﺮﻗﻰ ﻫﻮﻗﯘﻕ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﺗﻪﯞﻩ ﺩﻩﭖ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ، ﺑﯧﻴﺠﯩﯖﻨﯩﯔ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺸﯩﺪﯨﻦ ﻣﯘﺳﺘﻪﺳﻨﺎ ﻫﺎﻟﺪﺍ ﺋﯚﺯ ﺋﺎﻟﺪﯨﻐﺎ ﻣﯘﺳﺘﻪﻗﯩﻞ ﻫﺎﻟﺪﺍ ﻗﺎﺭﺍﺭ ﭼﯩﻘﯩﺮﺍﻟﯩﺸﻰ ﻫﺎﺯﯨﺮﻗﻰ ﺋﻪﯓ ﻣﯘﻫﯩﻢ ﻣﻪﺳﯩﻠﻪ ﻫﯧﺴﺎﺑﻠﯩﻨﯩﺪﯨﻜﻪﻥ.

" ﻫﺎﺯﯨﺮ ﺑﺎﺭﻏﺎﻧﺴﯧﺮﻯ ﺋﯧﻨﯩﻖ ﺑﻮﻟﻤﺎﻱ ﻛﯧﻠﯩﯟﺍﺗﻘﯩﻨﻰ، ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺯﺍﺩﻯ ﻛﯩﻢ ﺗﻪﺭﻩﭘﺘﻪ ﺗﯘﺭﯗﺵ ﻣﻪﺳﯩﻠﯩﺴﻰ، ﻳﻪﻧﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﻩﭘﺘﯩﻤﯘ ؟ ﻳﺎﻛﻰ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﺗﻪﺭﻩﭘﺘﯩﻤﯘ؟ ﺋﯘﻻﺭ ﺑﯘ ﺗﻮﻏﺮﯗﻟﯘﻕ ﺋﯚﺯﻟﯩﺮﯨﻨﯩﯔ ﺋﯩﻨﯩﻖ ﻣﻪﻳﺪﺍﻧﯩﻨﻰ ﺑﯩﻠﺪﯛﺭﮔﯩﻨﻰ ﻳﻮﻕ، ﻣﻪﻥ ﺑﯘ ﺟﻪﻫﻪﺗﺘﻪ ﺋﻪﻟﯟﻩﺗﺘﻪ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﻳﺎﻗﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ، ﻟﯧﻜﯩﻦ ﻣﻪﻥ ﺋﯘﻻﺭ ﭼﻮﻗﯘﻡ ﺷﯘﻧﺪﺍﻕ ﻗﯩﻠﯩﺪﯗ ﺩﻩﭖ ﻛﯧﺴﯩﭗ ﺋﯧﻴﺘﺎﻟﻤﺎﻳﻤﻪﻥ."

ﻣﯚﻟﭽﻪﺭﻟﻪﺷﻠﻪﺭﮔﻪ ﻗﺎﺭﯨﻐﺎﻧﺪﺍ، 2008 ‏- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﻣﻪﺯﮔﯩﻠﯩﺪﻩ، 28 ﻣﯩﯔ ﭼﻪﺗﺌﻪﻟﻠﯩﻚ ﻣﯘﺧﺒﯩﺮ ﺧﯩﺘﺎﻳﻐﺎ ﻛﯩﺮﯨﺪﯨﻜﻪﻥ، ﺑﯘﻧﯩﯔ ﺋﯩﭽﯩﺪﻩ ﻫﺎﺯﯨﺮ ﺗﻪﺧﻤﯩﻨﻪﻥ 12 ﻣﯩﯔ ﻣﯘﺧﺒﯩﺮ ﺋﻮﻟﯩﻤﭙﯩﻚ ﻣﻪﻳﺪﺍﻧﯩﻐﺎ ﻛﯩﺮﯨﭗ ﺯﯨﻴﺎﺭﻩﺕ ﻗﯩﻠﯩﺶ ﻛﯩﻨﯩﺸﻜﯩﺴﯩﮕﻪ ﺋﯩﻠﺘﯩﻤﺎﺱ ﺳﯘﻧﻐﺎﻥ. ﭼﻪﺗﺌﻪﻝ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﻰ ﺗﯩﺰﯨﻤﻼﺵ ﺳﺎﻧﻠﯩﻖ ﻣﻪﻟﯘﻣﺎﺕ ﺋﺎﻣﺒﯩﺮﻯ ﺗﻪﺳﯩﺲ ﻗﯩﻠﻐﺎﻥ، ﺋﯘﻻﺭ ﻣﯘﺧﺒﯩﺮﻻﺭﻧﻰ " ﺩﻭﺳﺘﺎﻧﻪ ﺑﻮﻟﻤﯩﻐﺎﻥ ﻣﯘﺧﺒﯩﺮﻻﺭ " ﯞﻩ " ﺩﻭﺳﺘﺎﻧﻪ ﻣﯘﺧﺒﯩﺮﻻﺭ " ﺩﻩﭖ ﺋﯩﻜﻜﻰ ﮔﯘﺭﯗﭘﭙﯩﻐﺎ ﺋﺎﻳﺮﯨﻐﺎﻥ. ﺑﯩﺮﺍﻕ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺧﺎﺩﯨﻤﻠﯩﺮﻯ ﺑﯘ ﻫﻪﻗﺘﯩﻜﻰ ﻗﺎﺭﺍﺷﻼﺭﻧﻰ ﺋﯩﻨﻜﺎﺭ ﻗﯩﻠﻐﺎﻥ.

ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻣﯘﺧﺒﯩﺮﻻﺭﻧﯩﯔ ﺯﯨﻴﺎﺭﻩﺕ ﻗﯩﻠﯩﺶ ﺋﻪﺭﻛﯩﻨﻠﯩﻜﯩﻨﻰ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﻟﯜﯞﺍﺗﻘﺎﻥ ﻣﻪﺯﮔﯩﻠﺪﯨﻤﯘ ﭼﻪﻛﻠﻪﻳﺪﯨﻜﻪﻥ

ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﻳﺎﺯﻏﯘﭼﻰ، ﺟﺎﯓ ﺗﻪﻧﻠﯩﻴﺎﯕﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﺋﯚﺯﻟﯩﺮﻯ ﻳﺎﺧﺸﻰ ﻛﯚﺭﻣﯩﮕﻪﻥ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻐﺎ ﭼﯧﮕﺮﺍﺩﯨﻦ ﻛﯩﺮﯨﺶ ﯞﯨﺰﯨﺴﻰ ﺑﯧﺠﯩﺮﯨﭗ ﺑﻪﺭﻣﻪﻳﺪﯨﻜﻪﻥ، ﺑﯘﻧﺪﺍﻕ ﺋﯩﺸﻼﺭ ﺋﯩﻠﮕﯩﺮﻯ ﻛﯚﭖ ﻗﯧﺘﯩﻢ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺑﯘ ﺧﯩﺘﺎﻳﻨﯩﯔ ﻣﯘﺧﺒﯩﺮﻻﺭ ﺋﯩﻜﻜﯩﮕﻪ ﺋﺎﻳﺮﯨﭗ ﺗﯩﺰﯨﻤﻼﺵ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ ﺋﯩﺴﭙﺎﺗﻼﭖ ﺑﯧﺮﻩﻟﻪﻳﺪﯨﻜﻪﻥ.

" ﺋﻪﮔﻪﺭ ﻣﻪﻥ ﺧﺎﺗﺎ ﺋﻪﺳﺘﻪ ﺗﯘﺗﻤﯩﻐﺎﻥ ﺑﻮﻟﺴﺎﻡ، ﺋﯩﻠﮕﯩﺮﻯ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﻣﯘﺧﺒﯩﺮﻟﯩﺮﯨﻨﯩﯔ ﺧﯩﺘﺎﻳﻐﺎ ﺑﯧﺮﯨﭗ ﺯﯨﻴﺎﺭﻩﺕ ﻗﯩﻠﯩﺸﯩﻨﻰ ﺭﻩﺕ ﻗﯩﻠﻐﺎﻥ ﺋﯩﺪﻯ، ﺷﯘﯕﺎ ﻣﻪﻥ ﺋﻮﻳﻼﻳﻤﻪﻥ، ﺋﻪﮔﻪﺭ ﺋﯘﻻﺭ ﻛﻮﻧﻜﺮﯦﺘﻨﻰ ﺑﯩﺮ ﺗﯩﺰﯨﻤﻼﺵ ﺋﯧﻠﯩﭗ ﺑﺎﺭﻣﯩﻐﺎﻥ ﺑﻮﻟﺴﺎ، ﺋﯘﻻﺭ ﺯﺍﺩﻯ ﻛﯩﻤﻨﻰ ﺭﻩﺕ ﻗﯩﻠﯩﭗ، ﻛﯩﻤﻨﻰ ﺭﻩﺕ ﻗﯩﻠﻤﺎﺳﻠﯩﻘﺘﺎ ﻗﯧﻴﯩﻨﭽﯩﻠﯩﻘﻘﺎ ﺋﯘﭼﺮﺍﻳﺪﯗ. ﭼﯜﻧﻜﻰ ﻗﺎﺭﺍﺭ ﭼﯩﻘﯩﺮﯨﺶ ﺋﯜﭼﯜﻥ ﺑﯩﺮ ﺋﺎﺳﺎﺱ ﻛﯧﺮﻩﻛﺘﻪ."

ﺟﺎﯓ ﺗﻪﻧﻠﯩﻴﺎﯕﻨﯩﯔ ﺋﯧﻴﺘﯩﺸﯩﭽﻪ، 2008 ‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﯩﯔ ﺳﺎﻫﯩﺒﺨﺎﻧﻠﯩﻘﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺷﺘﯩﻦ ﺑﯘﺭﯗﻥ، ﺧﯩﺘﺎﻱ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﻣﯘﺧﺒﯩﺮﻻﺭﻏﺎ ﺋﻪﺭﻛﯩﻦ ﺯﯨﻴﺎﺭﻩﺕ ﻗﯩﻠﯩﺶ ﻫﻮﻗﯘﻗﻰ ﺑﯧﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺟﺎﺭ ﺳﯧﻠﯩﭗ ﻛﻪﻟﮕﻪﻥ. ﺑﯘ ﻳﯩﻞ ﻛﯩﺮﮔﻪﻧﺪﯨﻦ ﺑﯘﻳﺎﻧﻤﯘ ﺧﯩﺘﺎﻱ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺧﯩﺘﺎﻱ ﭼﯧﮕﺮﯨﺴﻰ ﺋﯩﭽﯩﺪﻩ ﺋﻪﺭﻛﯩﻦ ﺯﯨﻴﺎﺭﻩﺕ ﺋﯧﻠﯩﭗ ﺑﺎﺭﺍﻻﻳﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ، ﺑﯩﺮﺍﻕ، ﺋﻪﻣﻪﻟﯩﻴﻪﺕ ﺋﯘﻻﺭﻧﯩﯔ ﺑﯘ ﯞﻩﺩﯨﻠﯩﺮﯨﻨﯩﯔ ﺭﯨﺌﺎﻟﻠﯩﻖ ﺋﻪﻣﻪﺳﻠﯩﻜﯩﻨﻰ ﺋﯩﺴﭙﺎﺗﻼﭖ ﺑﻪﺭﻣﻪﻛﺘﻪ. ﺋﯘﻧﯩﯔ ﻗﺎﺭﯨﺸﯩﭽﻪ، ﺑﯧﻴﺠﯩﯖﺪﺍ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﯜﯞﺍﺗﻘﺎﻥ ﻣﻪﺯﮔﯩﻠﺪﯨﻤﯘ، ﺧﯩﺘﺎﻳﺪﺍ ﻣﯘﺧﺒﯩﺮﻻﺭﻧﻰ ﺯﯨﻴﺎﺭﻩﺕ ﻗﯩﻠﯩﺸﺘﯩﻦ ﺗﻮﺳﺎﺵ ﻗﯩﻠﻤﯩﺸﻠﯩﺮﯨﻨﯩﯔ ﻳﯜﺯ ﺑﯧﺮﯨﺸﻰ ﺗﯘﺭﻏﺎﻥ ﮔﻪﭖ ﺋﯩﻜﻪﻥ. (ﺋﻪﻗﯩﺪﻩ)