ﺷﯟﯦﺘﺴﯩﻴﻪ ﺋﺎﺧﺒﺎﺭﺍﺗﻠﯩﺮﯨﺪﯨﻜﻰ ﺋﻮﻟﯩﻤﭙﯩﻚ ﻫﻪﻗﻘﯩﺪﯨﻜﻰ ﻣﯘﻧﺎﺯﯨﺮﯨﻠﻪﺭ

• ﻣﯘﺧﺒﯩﺮﯨﻤﯩﺰ ﻳﺎﻟﻘﯘﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﺪﺍ ﺋﯚﺗﻜﯜﺯﯛﻟﻤﻪﻛﭽﻰ ﺑﻮﻟﻐﺎﻥ 2008 - ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯨﺪﯨﻐﺎﻥ ﻛﯜﻧﯩﻨﯩﯔ ﻳﯧﻘﯩﻨﻠﯩﺸﯩﺸﻐﺎ ﺋﻪﮔﯩﺸﯩﭗ ﺷﯟﯦﺘﺴﯩﻴﻪ ﺋﺎﺧﺒﺎﺭﺍﺗﻠﯩﺮﻯ ﯞﻩ ﻫﻪﺭﺧﯩﻞ ﺗﻮﺭ ﺑﻪﺗﻠﯩﺮﯨﺪﻩ 2008 - ﻳﯩﻠﻠﯩﻖ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺶ ﻛﯧﺮﻩﻛﻤﯘ - ﻳﻮﻕ ﺩﯦﮕﻪﻥ ﺗﯧﻤﯩﺪﺍ ﻫﻪﺭ ﺧﯩﻞ ﻣﯘﻧﺎﺯﯨﺮﯨﻠﻪﺭ ﺑﻮﻟﯘﯞﺍﺗﯩﺪﯗ. ﺑﯘ ﻣﯘﻧﺎﺯﯨﺮﯨﻠﻪﺭﻧﯩﯔ ﺋﻮﻣﯘﻣﻰ ﻳﯚﻟﯜﻧﯜﺷﻰ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﻤﻪﻛﭽﻰ ﺑﻮﻟﻐﺎﻥ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﺋﺎﺳﺎﺳﯩﻲ ﺗﯧﻤﺎ ﻗﯩﻠﻐﺎﻥ ﺑﻮﻟﯘﭖ، ﺋﯘﻻﺭ ﻣﯘﻧﺪﺍﻕ ﺩﻩﭖ ﻗﺎﺭﺍﻳﺪﯗ، ﮔﻪﺭﭼﻪ ﺧﯩﺘﺎﻳﺪﺍ ﺋﯩﻘﺘﯩﺴﺎﺩﻯ ﻳﯜﻛﺴﯩﻠﯩﺶ ﺑﻮﻟﯘﯞﺍﺗﻘﺎﻥ ﺑﻮﻟﺴﯩﻤﯘ، ﺑﯩﺮﺍﻕ ﻣﯘﻫﯩﺖ ﺑﯘﻟﻐﯩﻨﯩﺶ، ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﺩﻩﭘﺴﻪﻧﺪﻩ ﻗﯩﻠﯩﺶ ﻛﯜﻧﺪﯨﻦ ‏ - ﻛﯜﻧﮕﻪ ﺋﯧﻐﯩﺮﻟﯩﺸﯩﯟﺍﺗﯩﺪﯗ.

ﺧﯩﺘﺎﻳﺪﯨﻦ ﺋﯩﺒﺎﺭﻩﺕ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﻪ ﻛﻮﻧﺘﺮﻭﻟﻠﯩﻘﯩﺪﯨﻜﻰ ﺑﯩﺮ ﺩﯨﻜﺘﺎﺗﻮﺭ ﺩﯙﻟﻪﺗﺘﻪ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺵ ﺧﻪﻟﻘﺌﺎﺭﺍﻟﯩﻖ ﺗﻪﻧﺘﻪﺭﺑﯩﻴﯩﻨﯩﯔ ﺑﯜﻳﯜﻙ ﺷﺎﻥ ﺷﻪﺭﯨﭙﯩﮕﻪ ﺩﺍﻍ ﻛﻪﻟﺘﯜﺭﮔﻪﻧﻠﯩﻚ،36 - ﯞﻩ 80 ‏ - ﻳﯩﻠﻰ ﮔﯩﺘﻠﯧﺮ ﮔﯧﺮﻣﺎﻧﯩﻴﯩﺴﻰ ﯞﻩ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﺪﯨﻦ ﭘﺎﻳﺪﯨﻠﯩﻨﯩﭗ، ﺋﯚﺯﯨﻨﻰ ﻗﺎﻧﺪﺍﻕ ﻛﯚﺯ - ﻛﯚﺯ ﻗﯩﻠﻐﺎﻥ ﺑﻮﻟﺴﺎ، ﺑﯘ ﻗﯧﺘﯩﻢ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻜﻨﻰ ﺋﯚﺗﻜﯜﺯﯛﺷﯩﮕﻪ ﻗﺎﺭﺍﭖ ﺗﯘﺭﯗﺵ ﺋﻮﺧﺸﺎﺷﻼ ﺑﯩﺮ ﺩﯨﻜﺘﺎﺗﯘﺭﻧﯩﯔ ﺋﯚﺯﯨﻨﻰ ﻛﯚﺭﺳﯩﺘﯩﺸﯩﮕﻪ ﻳﻮﻝ ﻗﻮﻳﻐﺎﻥ ﺑﯩﻠﻪﻥ ﺑﺎﺭﺍﯞﻩﺭ. ﺑﯩﺰ ﺧﯩﺘﺎﻳﻨﯩﯔ ﺩﯨﻜﺘﺎﺗﻮﺭ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﻤﯩﺰ، ﺋﻪﻣﻪﻟﯩﻴﻪﺗﺘﻪ ﺩﯨﻜﺘﺎﺗﯘﺭﻟﯘﻕ ﺑﻮﻟﺴﺎ ﻓﺎﺷﯩﺴﺘﻠﯩﻖ ﺩﯦﻤﻪﻛﺘﯘﺭ. ﺧﯩﺘﺎﻳﺪﺍ ﻓﺎﺷﯩﺴﺘﻠﯩﻘﻘﺎ ﻳﺎﺗﯩﺪﯨﻐﺎﻥ ﺋﯩﻨﺴﺎﻧﻼﺭﻏﺎ ﻧﺎﻫﻪﻕ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺶ، ﺋﯘﺯﯗﻥ ﻳﯩﻞ ﺗﯜﺭﻣﯩﻠﻪﺭﮔﻪ ﺳﻮﻻﭖ ﻗﯘﻳﯘﺵ، ﺋﯧﻐﯩﺮ ﺟﯩﺴﻤﺎﻧﯩﻲ ﺋﻪﻣﮕﻪﻛﻜﻪ ﺳﯧﻠﯩﺶ، ﺗﯜﺭﻣﯩﻠﻪﺭﺩﻩ ﺋﯘﺭﯗﭖ - ﻗﯩﻴﻨﺎﺵ، ﺳﯚﺯ ﺋﻪﺭﻛﯩﻨﻠﯩﻜﯩﻨﻰ ﺑﻮﻏﯘﺵ، ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﻰ ﻗﺎﺗﺘﯩﻖ ﭼﻪﻛﻠﻪﺵ ﻗﺎﺗﺎﺭﻟﯩﻖ ﺟﯩﻨﺎﻳﻪﺗﻠﻪﺭ ﻫﯧﻠﯩﻬﻪﻡ ﻣﻪﯞﺟﯘﺕ. ﺑﯩﺰ ﭘﻪﻗﻪﺕ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺶ ﺋﺎﺭﻗﯩﻠﯩﻘﻼ ﺑﯘ ﺧﯩﻞ ﻗﯩﻠﻤﯩﺸﻼﺭﻏﺎ ﺷﯧﺮﯨﻚ ﺑﻮﻟﯘﭖ ﻗﯧﻠﯩﺸﺘﯩﻦ ﺳﺎﻗﻠﯩﻨﯩﭗ ﻗﺎﻟﯩﻤﯩﺰ.

ﺧﯩﺘﺎﻱ ﺋﯚﺯﻟﯩﺮﻯ ﺩﻩﯞﺍﺗﻘﺎﻥ ﺳﻮﺗﺴﯩﻴﺎﻟﯩﺰﻣﺪﯨﻦ ﺭﻭﺷﻪﻥ ﭘﻪﺭﻗﻠﯩﻨﯩﺪﯗ

ﻣﯘﻧﺎﺯﯨﺮﯨﮕﻪ ﻗﺎﺗﻨﺎﺷﻘﺎﻥ ﺑﯩﺮﻯ ﺷﯟﯦﺘﺴﯩﻴﻪ ﺋﯘﭼﯘﺭﻟﯩﺮﻯ ﺩﯦﮕﻪﻥ ﮔﯧﺰﯨﺘﻨﯩﯔ ﺗﻮﺭ ﺑﯧﺘﯩﺪﻩ ﺋﯧﻼﻥ ﻗﯩﻠﻐﺎﻥ ﻣﺎﻗﺎﻟﯩﺴﯩﺪﻩ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ:ﺧﯩﺘﺎﻱ ﺋﻮﻟﯩﻤﭙﯩﻜﺘﯩﻦ ﭘﺎﻳﺪﯨﻠﯩﻨﯩﭗ ﺩﯗﻧﻴﺎﻏﺎ ﺑﺎﺷﭽﻰ ﺑﻮﻟﯘﺵ ﭼﯜﺷﯩﻨﻰ ﻛﯚﺭﯛﯞﺍﺗﯩﺪﯗ، ﺑﯩﺰ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺶ ﺋﺎﺭﻗﯩﻠﯩﻖ ﺧﯩﺘﺎﻳﻐﺎ ﺑﯘﻧﯩﯔ ﺭﯦﺌﺎﻟﻠﯩﻘﻘﺎ ﺋﺎﻳﻠﯩﻨﯩﺸﯩﻨﯩﯔ ﻗﺎﻧﭽﯩﻠﯩﻚ ﻗﯩﻴﯩﻦ ﺋﯩﻜﻪﻧﻠﯩﻜﯩﺪﯨﻦ ﺳﯧﮕﯩﻨﺎﻝ ﺑﯧﺮﯨﭗ ﻗﯘﻳﯩﺸﯩﻤﯩﺰ ﻛﯧﺮﻩﻙ ". ﻣﯘﻧﺎﺯﯨﺮﯨﮕﻪ ﻗﺎﺗﻨﺎﺷﻘﺎﻥ ﺑﯩﺮ ﺋﺎﻳﺎﻝ ﺑﯩﺮ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ " ﻛﯩﺸﯩﻠﻪﺭ ﺧﯩﺘﺎﻳﺪﯨﻜﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﻛﯚﺭﯛﺷﻨﻰ ﺋﻮﻳﻼﻳﺪﯗ، ﻣﻪﻥ ﺧﯩﺘﺎﻳﻐﺎ ﺑﯧﺮﯨﭗ ﺋﻪﻣﻪﺱ،ﺑﻪﻟﻜﻰ ﺗﯧﻠﯧﯟﯨﺰﻭﺭﺩﺍ ﻛﯚﺭﯛﺷﻨﯩﻤﯘ ﺋﯚﺯﯛﻣﮕﻪ ﺭﺍﯞﺍ ﻛﯚﺭﻣﻪﻳﻤﻪﻥ، ﭼﯜﻧﻜﻰ ﺧﯩﺘﺎﻳﺪﯨﻜﻰ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ، ﻛﯩﭽﯩﻚ ﻫﺎﻳﯟﺍﻧﻼﺭﻧﯩﯔ ﺭﻩﻫﯩﻤﺴﯩﺰﻟﻪﺭﭼﻪ ﺋﯚﻟﺘﯜﺭﯛﻟﯜﺷﻰ، ﺑﺎﻟﯩﻼﺭ ﯞﻩ ﺋﺎﻳﺎﻟﻼﺭﻧﯩﯔ ﺧﻮﺭﻟﯩﻨﯩﺸﻰ ﯞﻩ ﺋﯘﻻﺭﻧﯩﯔ ﺭﺍﻳﻮﻥ ﺋﺎﺗﻼﭖ ﺳﯧﺘﯩﻠﯩﺸﻰ ﺋﺎﺩﻩﻣﻨﻰ ﺗﻮﻟﯩﻤﯘ ﺑﯩﺌﺎﺭﺍﻡ ﻗﯩﻠﯩﺪﯗ. ﺋﯘ ﻳﻪﻧﻪ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ " ﺷﯟﯦﺘﺴﯩﻴﻪ ﺳﻮﺗﺴﯩﻴﺎﻟﯩﺰﻡ ﺩﻩﭖ ﺋﺎﺗﯩﻠﯩﯟﺍﺗﻘﺎﻥ ﺧﯩﺘﺎﻳﺪﯨﻨﻤﯘ ﺑﻪﻛﺮﻩﻙ ﺳﻮﺗﺴﯩﻴﺎﻟﯩﺰﻡ ﺗﯜﺯﯛﻣﯩﺪﻩ،ﺑﯩﺮﺍﻕ ﺷﯩﯟﯦﺘﺴﯩﻴﻪﺩﻩ ﺧﯩﺘﺎﻳﺪﺍ ﻳﯜﺯ ﺑﯩﺮﯨﯟﺍﺗﻘﺎﻥ ﺋﯩﺸﻼﺭﻧﯩﯔ ﻫﯧﭽﻘﺎﻳﺴﯩﺴﻰ ﻣﻪﯞﺟﯘﺕ ﺋﻪﻣﻪﺱ، ﺋﻪﯓ ﺋﺎﺩﺩﯨﻴﺴﻰ ﺋﯚﺯﯨﻨﻰ ﺳﻮﺗﺴﯩﻴﺎﻟﯩﺰﻡ ﺩﻩﭖ ﺋﺎﺗﺎﯞﺍﺗﻘﺎﻥ ﺧﯩﺘﺎﻳﺪﺍ ﺑﺎﻟﯩﻼﺭﻧﯩﯔ ﺋﻮﻗﯘﺵ ﻫﻪﻗﻘﯩﻤﯘ ﻫﻪﻗﺴﯩﺰ ﺋﻪﻣﻪﺱ، ﺑﺎﺷﻼﻧﻐﯘﭼﻨﯩﯔ ﻳﯘﻗﯩﺮﻯ ﻳﯩﻠﻠﯩﻘﯩﺪﯨﻜﻰ ﺑﯩﺮ ﺋﻮﻗﯘﻏﯘﭼﯩﻨﯩﯔ ﻳﯩﻠﻠﯩﻖ ﺋﻮﻗﯘﺵ ﻫﻪﻗﻘﻰ 600 ﻛﺮﻭﻥ ﺑﻮﻟﺴﺎ، ﺗﯚﯞﻩﻥ ﻳﯩﻠﻠﯩﻘﯩﺪﯨﻜﻰ ﺑﯩﺮ ﺋﻮﻗﯘﻏﯘﭼﯩﻨﯩﯔ ﺋﻮﻗﯘﺵ ﻫﻪﻗﻘﻰ 400 ﻛﺮﻭﻥ، ﺋﻪﻣﻤﺎ ﺧﯩﺘﺎﻱ ﻧﻮﭘﯘﺳﯩﻨﯩﯔ ﺋﺎﺳﺎﺳﯩﻲ ﺳﺎﻟﻤﯩﻘﯩﻨﻰ ﺋﯩﮕﯩﻠﻪﻳﺪﯨﻐﺎﻥ ﺑﯩﺮ ﺩﯦﻬﻘﺎﻧﻨﯩﯔ ﻳﯩﻠﻠﯩﻖ ﻛﯩﺮﯨﻤﻰ ﺋﺎﺭﺍﻥ 1500 ﻛﺮﻭﻥ. ﺋﻪﻣﻪﻟﯩﻴﻪﺗﺘﻪ ﺧﯩﺘﺎﻱ ﺋﯚﺯﻟﯩﺮﻯ ﺩﻩﯞﺍﺗﻘﺎﻥ ﺳﻮﺗﺴﯩﻴﺎﻟﯩﺰﻣﺪﯨﻦ ﺭﻭﺷﻪﻥ ﭘﻪﺭﻗﻠﯩﻨﯩﺪﯗ.

68% ﺷﯟﯦﺘﺴﯩﻴﯩﻠﯩﻚ : ﺧﯩﺘﺎﻱ ﺋﻮﻟﯩﻤﭙﯩﻜﻨﻰ ﺋﯚﺗﻜﯜﺯﯛﺵ ﻫﻮﻗﯘﻗﯩﻐﺎ ﺋﯩﮕﻪ ﺋﻪﻣﻪﺱ

ﺷﯟﯦﺘﺴﯩﻴﻪ ﺋﺎﺧﺒﺎﺭﺍﺗﻠﯩﺮﯨﺪﺍ ﺑﯘ ﺧﯩﻞ ﻣﯘﻧﺎﺯﯨﺮﯨﻠﻪﺭﺩﯨﻦ ﺳﯩﺮﺕ ﻳﻪﻧﻪ ﺑﯩﺮ ﻗﺎﻧﭽﻪ ﺗﻮﺭ ﺑﻪﺗﻠﯩﺮﯨﺪﻩ ﺧﯩﺘﺎﻳﺪﯨﻜﻰ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺶ ﻛﯧﺮﻩﻛﻤﯘ ‏ - ﻳﻮﻕ ﺩﯦﮕﻪﻥ ﺗﯧﻤﯩﺪﺍ ﻛﯩﺸﯩﻠﻪﺭﻧﯩﯔ ﺭﺍﻳﯩﻨﻰ ﺳﯩﻨﺎﺵ ﺋﯧﻠﯩﭗ ﺑﺎﺭﻏﺎﻥ. ﺑﯘﻻﺭﻧﯩﯔ ﺋﯩﭽﯩﺪﻩ "ﺷﯟﯦﺘﺴﯩﻴﻪ ﺋﯘﭼﯘﺭﻟﯩﺮﻯ"، ﺷﯟﯦﺘﺴﯩﻴﻪ ﻛﯜﻧﺪﯛﺯﻯ" ﺩﯦﮕﻪﻧﺪﻩﻙ ﻧﻮﭘﯘﺯﻟﯘﻕ ﮔﯧﺰﯨﺘﻠﻪﺭﻧﯩﯔ ﺗﻮﺭ ﺑﻪﺗﻠﯩﺮﯨﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻛﯩﺸﯩﻠﻪﺭﻧﯩﯔ ﺭﺍﻳﯩﻨﻰ ﺳﯩﻨﺎﺵ ﻧﻪﺗﯩﺠﯩﺴﻰ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﻤﻪﻛﭽﻰ ﺑﻮﻟﻐﺎﻥ ﺋﻮﻟﯩﻤﭙﯩﻜﻜﻪ ﻗﺎﺭﯨﺘﺎ ﻛﯩﺸﯩﻠﻪﺭﻧﯩﯔ ﻧﺎﺭﺍﺯﯨﻠﯩﻘﯩﻨﻰ ﺗﯧﺨﯩﻤﯘ ﺋﯧﻨﯩﻖ ﺋﯩﭙﺎﺩﯨﻠﯩﮕﻪﻥ.ﻣﻪﺳﯩﻠﻪﻥ ":ﺷﯟﯦﺘﺴﯩﻴﻪ ﺋﯘﭼﯘﺭﻟﯩﺮﻯ "ﮔﯧﺰﯨﺘﯩﻨﯩﯔ ﺭﺍﻱ ﺳﯩﻨﺎﺵ ﭘﺎﺋﺎﻟﯩﻴﯩﺘﯩﮕﻪ ﻫﺎﺯﯨﺮﻏﯩﭽﻪ 3800 ﻛﯩﺸﻰ ﻗﺎﺗﻨﺎﺷﻘﺎﻥ ﺑﻮﻟﯘﭖ "ﺑﯘﻻﺭﻧﯩﯔ 68% ﺧﯩﺘﺎﻱ ﺋﻮﻟﯩﻤﭙﯩﻜﻨﻰ ﺋﯚﺗﻜﯜﺯﯛﺵ ﻫﻮﻗﯘﻗﯩﻐﺎ ﺋﯩﮕﯩﻤﯘ ﺩﯦﮕﻪﻥ ﺳﻮﺋﺎﻟﻐﺎ "ﻳﺎﻕ" ﺩﻩﭖ ﺟﺎﯞﺍﺏ ﺑﻪﺭﮔﻪﻥ." ﺷﯟﯦﺘﺴﯩﻴﻪ ﻛﯜﻧﺪﯛﺯﻯ"ﻧﺎﻣﻠﯩﻖ ﮔﯧﺰﯨﺘﻨﯩﯔ ﺗﻮﺭ ﺑﯧﺘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺭﺍﻱ ﺳﯩﻨﺎﺷﻘﺎ ﻫﺎﺯﯨﺮﻏﯩﭽﻪ 1700 ﻛﯩﺸﻰ ﻗﺎﺗﻨﺎﺷﻘﺎﻥ ﺑﻮﻟﯘﭖ %62 ﻛﯩﺸﻰ "ﺷﯟﯦﺘﺴﯩﻴﻪ ﺧﯩﺘﺎﻳﺪﯨﻜﻰ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺸﻰ ﻛﯧﺮﻩﻛﻤﯘ" ﺩﯦﮕﻪﻥ ﺳﻮﺋﺎﻟﻐﺎ ﻫﻪﺋﻪ، ﺩﻩﭖ ﺟﺎﯞﺍﺏ ﺑﻪﺭﮔﻪﻥ.

ﺋﻪﻣﻤﺎ ﺷﯟﯦﺘﺴﯩﻴﻪ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﻳﯧﻘﯩﻨﺪﺍ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ،ﺷﯟﯦﺘﺴﯩﻴﻪ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺧﯩﺘﺎﻳﺪﯨﻜﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻧﯩﻴﯩﺘﯩﻨﯩﯔ ﻳﻮﻗﻠﯘﻗﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﯘﭖ، ﺷﯟﯦﺘﺴﯩﻴﻪ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ ﺳﺘﯧﭙﺎﻥ ﻟﯧﻨﺪﯦﺒﻪﺭﯨﻲ ﻣﯘﻧﺪﺍﻕ ﺩﻩﻳﺪﯗ " ﺧﯩﺘﺎﻳﺪﯨﻜﻰ ﻣﯘﻫﯩﺘﻨﯩﯔ ﻧﺎﭼﺎﺭﻟﯩﻘﻰ ﺳﻪﯞﻩﺑﯩﺪﯨﻦ ﺑﯩﺮ ﻗﯩﺴﯩﻢ ﺩﯙﻟﻪﺗﻠﻪﺭ ﺗﻪﻧﻬﻪﺭﯨﻜﻪﺗﭽﯩﻠﯩﺮﯨﻨﯩﯔ ﺧﯩﺘﺎﻳﺪﺍ ﺗﯘﺭﯨﺪﯨﻐﺎﻥ ﻛﯜﻧﯩﻨﻰ ﺋﺎﺯﺍﻳﺘﯩﺶ ﺋﯜﭼﯜﻥ ﺋﺎﻣﺎﻝ ﺑﺎﺭ ﻛﯧﭽﯩﻜﯩﭗ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﯞﺍﺗﯩﺪﯗ، ﺋﻪﻣﻤﺎ ﺑﯩﺰ ﺋﯘﻧﺪﺍﻕ ﻗﯩﻠﻤﺎﻳﻤﯩﺰ. ﺑﯩﺰ ﺧﯘﺩﺩﻯ ﺑﯘﺭﯗﻧﻘﯩﺪﻩﻛﻼ ﻣﯘﻫﯩﻢ ﻣﯘﺳﺎﺑﯩﻘﯩﻠﻪﺭ ﺑﻮﻟﯘﺷﺘﯩﻦ ﺑﯩﺮ ﻗﺎﻧﭽﻪ ﻛﯜﻥ ﺑﺎﻟﺪﯗﺭ ﺑﺎﺭﯨﻤﯩﺰ. ﺑﯩﺰ ﺋﻮﻟﯩﻤﭙﯩﻜﺘﻪ ﻳﺎﺧﺸﻰ ﻧﻪﺗﯩﺠﻪ ﺋﯧﻠﯩﺸﻘﺎ ﺟﯩﺪﺩﯨﻲ ﺗﻪﻳﻴﺎﺭﻟﯩﻘﺘﺎ.

ﻧﯧﻤﻪ ﺋﯜﭼﯜﻥ 36 ‏ - ﻳﯩﻠﺪﯨﻜﻰ ﺋﻮﻟﯩﻤﭙﯩﻜﺘﯩﻦ ﺳﺎﯞﺍﻕ ﺋﺎﻟﻤﺎﻳﻤﯩﺰ ؟

ﺳﺘﯩﭙﺎﻥ ﻟﯩﻨﺪﺑﻪﺭﻳﻨﯩﯔ ﺳﯚﺯﯨﻨﻰ ﺗﻪﻧﻘﯩﺪ ﻗﯩﻠﻐﯘﭼﻰ ﺑﯩﺮﻯ ﮔﯧﺰﯨﺖ ﻳﯜﺯﯨﺪﻩ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ " ﺧﯩﺘﺎﻱ ﺩﯗﻧﻴﺎﺩﯨﻜﻰ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﯓ ﻛﯚﭖ ﺋﯩﺠﺮﺍ ﻗﯩﻠﯩﺪﯨﻐﺎﻥ ﺩﯙﻟﻪﺕ. ﺧﯩﺘﺎﻳﺪﺍ ﻛﯩﺸﯩﻠﻪﺭﻧﯩﯔ ﺑﯩﺨﻪﺗﻪﺭﻟﯩﻜﻰ ﻛﺎﭘﺎﻟﻪﺗﻜﻪ ﺋﯩﮕﻪ ﺋﻪﻣﻪﺱ، ﻫﺎﻳﺎﺕ ﻫﻪﺭ ﺯﺍﻣﺎﻥ ﺗﻪﻫﺪﯨﺖ ﺋﺎﺳﺘﯩﺪﺍ. ﺋﻪﺭﻛﯩﻨﻠﯩﻜﺘﯩﻦ ﺳﯚﺯ ﺋﯧﭽﯩﺶ ﺋﻪﺳﻼ ﻣﯘﻣﻜﯩﻦ ﺋﻪﻣﻪﺱ. ﺷﯘﻧﺪﺍﻕ ﺗﯘﺭﯗﻏﻠﯘﻕ ﺑﯩﺰ ﻧﯧﻤﻪ ﺋﯜﭼﯜﻥ 36 ‏ - ﻳﯩﻠﺪﯨﻜﻰ ﺋﻮﻟﯩﻤﭙﯩﻜﺘﯩﻦ ﺳﺎﯞﺍﻕ ﺋﺎﻟﻤﺎﻳﻤﯩﺰ ؟ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ، ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ، ﺧﯩﺘﺎﻳﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﺧﻪﻟﻘﺌﺎﺭﺍﻟﯩﻖ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﻯ ﻫﻪﺭ ﺩﺍﺋﯩﻢ ﺧﯩﺘﺎﻱ ﻫﻪﻗﻘﯩﺪﻩ ﺩﻭﻛﻼﺗﻼﺭﻧﻰ ﺋﯧﻼﻥ ﻗﯩﻠﯩﯟﺍﺗﯩﺪﯗ. ﻣﻪﻥ ﺷﯩﯟﯦﺘﺴﯩﻴﻪﺩﯨﻜﻰ ﺋﻪﺭﺑﺎﭘﻼﺭﺩﯨﻦ ﻳﻪﻧﻰ، ﺷﯟﯦﺘﺴﯩﻴﻪ ﺗﻪﻧﺘﻪﺭﺑﯩﻴﻪ ﻣﯩﻨﯩﺴﺘﯩﺮﻯ، ﻟﯧﻨﺎ ﺋﺎﺩﯦﻠﺴﻮﻥ، ﺑﺎﺵ ﯞﻩﺯﯨﺮ ﻓﺮﯨﺪﯦﺮﯨﻚ ﺭﯦﻴﯩﻔﯧﻠﺖ، ﻣﻪﻣﻠﯩﻜﻪﺗﻠﯩﻚ ﺗﻪﻧﺘﻪﺭﺑﯩﻴﻪ ﺟﻪﻣﺌﯩﻴﯩﺘﯩﻨﯩﯔ ﺑﺎﺷﻠﯩﻘﻰ ﻛﺎﺭﯨﻦ ﻣﺎﺗﺴﻮﻥ، ﺷﯟﯦﺘﺴﯩﻴﻪ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ ﺳﺘﯧﭙﺎﻥ ﻟﯧﻨﺪﺑﻪﺭﻱ ﻗﺎﺗﺎﺭﻟﯩﻘﻼﺭﺩﯨﻦ ﺷﯘﻧﻰ ﺳﻮﺭﯨﻤﺎﻗﭽﯩﻤﻪﻧﻜﻰ، ﺋﯘﻻﺭ ﻣﯘﺷﯘﻧﺪﺍﻕ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻭﻛﻼﺗﻠﯩﺮﯨﻨﻰ ﺋﻮﻗﯘﻣﺪﯨﻐﺎﻧﺪﯗ ؟ ﻣﻪﻥ ﺋﯘﻻﺭﻧﯩﯖﻤﯘ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺶ ﺗﻪﺭﻩﭘﺪﺍﺭﻯ ﺑﻮﻟﯘﺷﯩﻨﻰ ﺋﺎﺭﺯﯗ ﻗﯩﻠﯩﻤﻪﻥ. (ﻳﺎﻟﻘﯘﻥ)