ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﻟﯩﺮﻯ ﺧﯩﺘﺎﻳﻨﻰ ﺋﻮﻟﯩﻤﭙﯩﻚ ﯞﻩﺩﯨﺴﯩﺪﻩ ﺗﯘﺭﯗﺷﻘﺎ ﭼﺎﻗﯩﺮﺩﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺲ ﺑﯩﻨﺎﺳﯩﺪﺍ ﭼﺎﻗﯩﺮﯨﻠﻐﺎﻥ ﭼﺎﺭﺷﻪﻧﺒﻪ ﻛﯜﻧﻜﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ ﺋﺎﻣﯧﺮﯨﻜﺎ ﺋﺎﯞﺍﻡ ﯞﻩ ﻛﯧﯖﻪﺵ ﭘﺎﻻﺗﺎﺳﯩﺪﯨﻜﻰ ﻗﺎﻧﯘﻥ ﭼﯩﻘﺎﺭﻏﯘﭼﻰ ﺯﺍﺗﻼﺭ ﺗﺎﺷﻘﻰ ﺩﯗﻧﻴﺎﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﻣﻪﺯﮔﯩﻠﯩﺪﻩ، ﺧﯩﺘﺎﻱ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﻫﻪﻗﻘﯩﺪﯨﻜﻰ ﭼﺎﻗﯩﺮﯨﻘﯩﻐﺎ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻗﺎﻧﺪﺍﻕ ﺋﯩﻨﻜﺎﺱ ﻗﺎﻳﺘﯘﺭﯨﺪﯨﻐﺎﻧﻠﯩﻘﯩﻨﻰ ﻳﯧﻘﯩﻨﺪﯨﻦ ﻛﯚﺯﯨﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

" ﺋﺎﻣﯧﺮﯨﻜﺎ ﺗﻪﻧﺘﻪﺭﺑﯩﻴﯩﭽﯩﻠﯩﺮﯨﻨﯩﯔ ﺳﯜﻛﯜﺕ ﻗﯩﻠﻤﺎﺳﻠﯩﻘﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ"

ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﻟﯩﺮﯨﻨﯩﯔ ﻳﯩﻐﯩﻨﺪﯨﻜﻰ ﺳﯚﺯﻟﯩﺮﯨﮕﻪ ﻗﺎﺭﯨﻐﺎﻧﺪﺍ، ﺋﯘﻻﺭﻧﯩﯔ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﯞﻩﺩﯨﺴﯩﻨﻰ ﺋﯩﺠﺮﺍ ﻗﯩﻠﯩﺶ ﺳﻪﻣﯩﻤﯩﻴﯩﺘﯩﮕﻪ ﮔﯘﻣﺎﻥ ﺑﯩﻠﻪﻥ ﻗﺎﺭﺍﻳﺪﯨﻐﺎﻧﻠﯩﻘﻰ ﭼﯩﻘﯩﭗ ﺗﯘﺭﺍﺗﺘﻰ. 2000 ‏- ﻳﯩﻠﻰ ﺧﯩﺘﺎﻳﺪﯨﻜﻰ ﭘﯘﻗﺮﺍﻻﺭ ﺋﻪﺭﻛﯩﻨﻠﯩﻜﯩﻨﻰ ﻧﺎﺯﺍﺭﻩﺕ ﻗﯩﻠﯩﺶ ﻣﻪﻗﺴﯩﺘﯩﺪﻩ ﻗﯘﺭﯗﻟﻐﺎﻥ ﺧﯩﺘﺎﻱ ﺋﯩﺸﻼﺭ ﻛﻮﻣﯩﺘﯧﺘﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﺑﯘﺵ ﻫﯚﻛﯜﻣﯩﺘﯩﻨﯩﯔ ﺗﻪﯓ ﺑﺎﺷﻘﯘﺭﯗﺷﯩﺪﯨﻜﻰ ﺑﯩﺮﻟﻪﺷﻤﻪ ﺋﻮﺭﮔﺎﻧﺪﯗﺭ. ﻣﻪﺯﻛﯘﺭ ﺋﻮﺭﮔﺎﻧﻨﯩﯔ ﺑﯘ ﻗﯧﺘﯩﻤﻘﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ ﺩﯦﻤﻮﻛﺮﺍﺗﯩﻚ ﻛﯧﯖﻪﺵ ﭘﺎﻻﺗﺎ ﺋﻪﺯﺍﺳﻰ ﺑﺎﻳﺮﻭﻥ ﺩﻭﮔﺎﻥ، "ﺑﯩﺰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯚﺯ ﯞﻩﺩﯨﺴﯩﺪﻩ ﺗﯘﺭﯗﺷﯩﻨﻰ ﻛﯚﺭﯛﺷﻨﻰ ﺧﺎﻻﻳﻤﯩﺰ،" ﺩﯦﺪﻯ. ﺟﯘﻣﻬﯘﺭﯨﻴﻪﺗﭽﻰ ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ ﻛﺮﯨﺴﺘﻮﻓﯧﺮ ﺳﯩﻤﯩﺖ ﺑﻮﻟﺴﺎ " ﺋﻮﻟﯩﻤﭙﯩﻚ ﺳﯜﻛﯜﺕ ﻗﯩﻠﯩﺪﯨﻐﺎﻥ ﯞﺍﻗﯩﺖ ﺋﻪﻣﻪﺱ " ﺩﻩﭖ ﻛﯚﺭﺳﻪﺗﺘﻰ. ﺋﯘ، ﺋﻪﻧﮕﯩﻠﯩﻴﻪ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺋﻪﻧﮕﻠﯩﻴﯩﻠﯩﻚ ﺗﻪﻧﺘﻪﺭﺑﯩﻴﯩﭽﯩﻠﻪﺭﮔﻪ ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻗﻰ ﺧﺎﺗﯩﺮﯨﺴﯩﻨﻰ ﺗﻪﻧﻘﯩﺪ ﻗﯩﻠﻤﺎﺳﻠﯩﻘﻘﺎ ﺋﺎﮔﺎﻫﻼﻧﺪﯗﺭﻏﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، " ﺋﺎﻣﯧﺮﯨﻜﺎ ﺗﻪﻧﺘﻪﺭﺑﯩﻴﯩﭽﯩﻠﯩﺮﯨﻨﯩﯔ ﺳﯜﻛﯜﺕ ﻗﯩﻠﻤﺎﺳﻠﯩﻘﯩﻨﻰ، ﺑﻪﻟﻜﻰ ﺋﯚﻛﺘﯩﭽﻰ ﺯﺍﺗﻼﺭ ﺑﯩﻠﻪﻥ ﺋﯘﭼﺮﯨﺸﯩﭗ، ﺑﻪﺯﻯ ﭘﯩﻜﯩﺮﻟﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ " ﺩﻩﭖ ﻛﯚﺭﺳﻪﺗﺘﻰ.

ﻳﯩﻐﯩﻨﺪﺍ ﻳﻪﻧﻪ ﺑﯩﺮ ﺟﯘﻣﻬﯘﺭﯨﻴﻪﺗﭽﻰ ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ ﺋﻪﺩ ﺭﻭﻳﺲ، "ﺋﻮﻟﯩﻤﭙﯩﻚ ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﻐﺎ ﺋﻪﺭﻛﯩﻨﻠﯩﻜﻨﻰ ﻛﯧﯖﻪﻳﺘﯩﺶ ﺗﻮﻏﺮﯨﺴﯩﺪﺍ ﺑﯧﺴﯩﻢ ﺋﯩﺸﻠﯩﺘﯩﺸﯩﺪﯨﻜﻰ"ﺋﺎﭼﻘﯘﭼﻠﯘﻕ ﻗﻮﺭﺍﻝ" ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﻳﯩﻐﯩﻨﺪﺍ ﻳﻪﻧﻪ، ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﯩﯔ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﺋﯚﻛﺘﯩﭽﻰ ﺯﺍﺗﻼﺭﻧﻰ ﺑﺎﺳﺘﯘﺭﯗﯞﺍﺗﻘﺎﻧﻠﯩﻘﻰ، ﺑﻮﻟﯘﭘﻤﯘ ﺧﯩﺘﺎﻳﺪﺍ ﺋﻪﻳﺪﯨﺰ ﺑﯩﻤﺎﺭﻟﯩﺮﯨﻨﯩﯔ ﻫﻮﻗﯘﻗﯩﻨﻰ ﻗﻮﻏﺪﯨﻐﯘﭼﻰ ﺋﺎﻛﺘﯩﭙﻼﺭﻧﯩﯔ ﺑﯩﺮﻯ ﺧﯘ ﺟﻴﺎﻧﯩﯔ 2007 ‏- ﻳﯩﻠﻰ ﺩﯦﻜﺎﺑﯩﺮﺩﺍ ﻗﻮﻟﻐﺎ ﺋﯧﻠﯩﻨﯩﺶ ﯞﻩﻗﻪﺳﻰ ﺩﯙﻟﻪﺕ ﻣﻪﺟﻠﯩﺲ ﺋﻪﺯﺍﻟﯩﺮﯨﻨﯩﯔ ﺋﺎﻻﻫﯩﺪﻩ ﺗﯩﻠﻐﺎ ﺋﯧﻠﯩﺸﯩﻐﺎ ﻣﯘﻳﻪﺳﺴﻪﺭ ﺑﻮﻟﺪﻯ. ﺑﯘ ﻗﯧﺘﯩﻤﻘﻰ ﻳﯩﻐﯩﻦ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﺲ ﺋﺎﻟﺪﯨﻨﻘﻰ ﻛﯜﻧﻰ ﺑﯧﻴﺠﯩﯖﺪﺍ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻳﺎﯓ ﺟﻴﯧﭽﻰ ﺑﯩﻠﻪﻥ ﺧﯩﺘﺎﻱ ‏- ﺋﺎﻣﯧﺮﯨﻜﺎ ﻛﯩﺸﯩﻠﯩﻚ ﻫﻮﻗﯘﻗﻰ ﺳﯚﻫﺒﯩﺘﯩﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯨﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ ﻣﻪﺯﮔﯩﻠﮕﻪ ﺗﻮﻏﺮﺍ ﻛﻪﻟﮕﻪﻥ ﺑﻮﻟﯘﭖ، ﺧﯩﺘﺎﻱ 2004 ‏- ﻳﯩﻠﻰ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻗﻰ ﻳﯩﻐﯩﻨﯩﺪﺍ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻗﻰ ﺧﺎﺗﯩﺮﯨﺴﯩﻨﻰ ﺋﻪﻳﯩﺒﻠﻪﺵ ﻻﻳﯩﻬﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﻘﻰ ﺗﯜﭘﻪﻳﻠﻰ ﺋﺎﻣﯧﺮﯨﻜﺎ ﺑﯩﻠﻪﻥ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻗﻰ ﺳﯚﻫﺒﯩﺘﯩﻨﻰ ﺗﻮﯕﻼﺗﻘﺎﻥ ﺋﯩﺪﻯ.

"ﺩﯗﻧﻴﺎﻧﯩﯔ ﺑﯧﺴﯩﻤﻰ ﺧﯩﺘﺎﻳﻨﻰ ﺋﯚﺯﮔﯩﺮﯨﺸﻜﻪ ﻗﯩﺴﺘﯩﺸﻰ ﻣﯘﻣﻜﯩﻦ"

ﺧﯩﺘﺎﻱ ﺋﯩﺸﻼﺭ ﻛﻮﻣﯩﺘﯧﺘﯩﺪﯨﻜﻰ ﺩﯙﻟﻪﺕ ﻣﻪﺟﻠﯩﺴﯩﺪﯨﻜﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ ﻳﻪﻧﻪ، ﺋﺎﻣﯧﺮﯨﻜﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ، ﺋﻪﻣﮕﻪﻙ ﯞﻩ ﻣﯘﺧﺒﯩﺮﻻﺭ ﻫﻮﻗﯘﻗﯩﻨﻰ ﻗﻮﻏﺪﯨﻐﯘﭼﻰ ﺗﻪﺷﻜﯩﻼﺗﻼﺭﻧﯩﯔ ﯞﻩﻛﯩﻠﻠﯩﺮﻯ ﺋﯩﺴﭙﺎﺕ ﺑﻪﺭﺩﻯ. ﻣﻪﺭﻛﯩﺰﻯ ﻧﻴﯘ ﻳﻮﺭﻛﺘﯩﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﯞﻩﻛﯩﻠﻰ ﺳﻮﻓﯩﻴﻪ ﺭﯨﭽﺎﺭﺩﺳﻮﻥ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ. ﺋﯘ ﻣﯘﻧﺪﺍﻕ ﺩﻩﻳﺪﯗ، " ﺋﻪﮔﻪﺭ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ ﺧﯩﺘﺎﻳﻨﻰ ﺋﯚﺯﮔﯩﺮﯨﺸﻜﻪ ﻗﯩﺴﺘﯩﻤﯩﺴﺎ، ﺑﯘ، ﺗﺎﺷﻘﯩﺮﯨﺪﯨﻜﯩﻠﻪﺭ ﺧﯩﺘﺎﻳﻨﯩﯔ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﮕﻪ ﺳﯜﻛﯜﺕ ﻗﯩﻠﯩﯟﺍﺗﯩﺪﯗ، ﺩﯦﮕﻪﻥ ﺗﻪﺳﯩﺮﺍﺕ ﺑﯧﺮﯨﺪﯗ. ﭼﯜﻧﻜﻰ ﺧﯩﺘﺎﻱ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺑﻮﻟﯘﭘﻤﯘ ﺋﺎﻣﯧﺮﯨﻜﯩﻨﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﺋﯩﺠﺎﺑﯩﻲ ﺋﯩﻨﻜﺎﺱ ﻗﺎﻳﺘﯘﺭﯗﺷﯩﻨﻰ ﻛﯜﺗﻤﻪﻛﺘﻪ. ﺷﯘﯕﺎ ﺩﯗﻧﻴﺎﻧﯩﯔ ﺑﯧﺴﯩﻤﻰ ﺧﯩﺘﺎﻳﻨﻰ ﺋﯚﺯﮔﯩﺮﯨﺸﻜﻪ ﻗﯩﺴﺘﯩﺸﻰ ﻣﯘﻣﻜﯩﻦ."

ﻳﯩﻐﯩﻨﺪﺍ ﻣﻪﺭﻛﯩﺰﻯ ﻧﻴﯘ ﻳﻮﺭﻛﺘﯩﻜﻰ ﻣﯘﺧﺒﯩﺮﻻﺭﻧﻰ ﻗﻮﻏﺪﺍﺵ ﻛﻮﻣﯩﺘﯧﺘﻰ ﺋﺎﺳﯩﻴﺎ ﭘﺮﻭﮔﺮﺍﻣﻤﯩﺴﯩﻨﯩﯔ ﻛﻮﺭﺩﯨﻨﺎﺗﻮﺭﻯ ﺑﺎﭖ ﺩﻳﺎﺯ ﺳﯚﺯ ﻗﯩﻠﯩﭗ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﻳﺎﺧﺸﯩﻼﺵ ﯞﻩﺩﯨﺴﻰ ﺑﻪﺭﮔﻪﻧﻠﯩﻜﯩﮕﻪ ﻗﺎﺭﯨﻤﺎﻱ، ﺧﯩﺘﺎﻳﺪﺍ ﻣﯘﺧﺒﯩﺮﻻﺭﻧﯩﯔ ﺋﻪﻫﯟﺍﻟﻰ ﺋﯜﺯﻟﯜﻛﺴﯩﺰ ﻧﺎﭼﺎﺭ ﺋﻪﻫﯟﺍﻟﺪﺍ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻱ 2007 ‏- ﻳﯩﻠﻰ 1 ‏- ﺋﺎﻳﻨﯩﯔ 1 ‏- ﻛﯜﻧﻰ ﻳﻮﻟﻐﺎ ﻗﻮﻳﻐﺎﻥ ﻳﯧﯖﻰ ﺋﺎﺧﺒﺎﺭﺍﺕ ﻗﺎﺋﯩﺪﯨﺴﯩﺪﯨﻜﻰ ﺑﻪﻟﮕﯩﻠﯩﻤﯩﻠﻪﺭﮔﻪ ﺭﯨﺌﺎﻳﻪ ﻗﯩﻠﯩﻨﻤﯩﻐﺎﻧﻠﯩﻘﯩﻨﻰ، ﺑﻮﻟﯘﭘﻤﯘ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺗﯩﺒﻪﺕ ﯞﻩ ﺋﯘﻳﻐﯘﺭ ﺋﯧﻠﯩﮕﻪ ﺯﯨﻴﺎﺭﻩﺕ ﻗﯩﻠﯩﺸﻰ ﻳﻪﻧﯩﻼ ﭼﻪﻛﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

" ﺗﯩﺒﻪﺕ ﯞﻩ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻐﺎ ﺳﻪﭘﻪﺭ ﻗﯩﻠﯩﺶ ﻳﻪﻧﯩﻼ ﭼﻪﻛﻠﯩﻨﯩﯟﺍﺗﯩﺪﯗ"

ﺧﯩﺘﺎﻱ ﺩﯙﻟﻪﺕ ﻛﺎﺑﯩﻨﺘﯩﻨﯩﯔ ﺋﺎﺧﺒﺎﺭﺍﺕ ﺋﯩﺸﺨﺎﻧﯩﺴﻰ ﺋﯧﻼﻥ ﻗﯩﻠﻐﺎﻥ ﻣﻪﺯﻛﯘﺭ ﻗﺎﺋﯩﺪﯨﺪﻩ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﺧﯩﺘﺎﻳﺪﯨﻜﻰ ﻫﻪﺭ ﻗﺎﻳﺴﻰ ﺟﺎﻳﻼﺭﻏﺎ ﺭﯗﺧﺴﻪﺗﺴﯩﺰ ﺳﻪﭘﻪﺭ ﻗﯩﻠﺴﺎ، ﺧﺎﻟﯩﻐﺎﻥ ﻛﯩﺸﯩﻠﻪﺭ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﺳﻪ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﻪﻟﮕﯩﻠﯩﮕﻪﻥ. ﺑﺎﭖ ﺩﯨﻴﺎﺯ، ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﭼﻪﻛﻠﯩﻤﻪ ﭘﺎﺕ ﺋﺎﺭﯨﺪﺍ ﭘﯜﺗﯜﻧﻠﻪﻱ ﺑﯩﻜﺎﺭ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﯞﻩ ﺗﻪﻛﺮﺍﺭ ﻳﻮﻟﻐﺎ ﻗﻮﻳﯘﻟﻤﺎﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﯩﻨﯩﮕﻪ ﻗﺎﺭﯨﻤﺎﻱ، " ﺗﯩﺒﻪﺕ ﯞﻩ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻐﺎ ﺳﻪﭘﻪﺭ ﻗﯩﻠﯩﺶ ﻳﻪﻧﯩﻼ ﭼﻪﻛﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﺸﯩﻤﯩﺰﮔﻪ ﺗﻮﻏﺮﺍ ﻛﻪﻟﻤﻪﻛﺘﻪ،" ﺩﻩﻳﺪﯗ.

ﻳﯩﻐﯩﻨﺪﺍ ﺧﯩﺘﺎﻳﻨﯩﯔ ﺋﺎﺯ ﺩﯦﮕﻪﻧﺪﻩ 25 ﻧﻪﭘﻪﺭ ﻣﯘﺧﺒﯩﺮﻧﻰ ﺩﯙﻟﻪﺕ ﻣﻪﺧﭙﯩﻴﻪﺗﻠﯩﻜﻰ ﯞﻩ ﻫﺎﻛﯩﻤﯩﻴﻪﺗﻜﻪ ﺋﺎﻻﻗﯩﺪﺍﺭ ﮔﯘﻧﺎﻫﻼﺭ ﺑﯩﻠﻪﻥ ﻫﺎﺯﯨﺮﻏﺎ ﻗﻪﺩﻩﺭ ﺗﯘﺗﯘﭖ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺑﺎﺏ ﺩﯨﻴﺎﺯ، " ﺧﯩﺘﺎﻳﺪﺍ ﻣﻪﺗﺒﯘﺋﺎﺗﻨﯩﯔ ﺋﻪﻫﯟﺍﻟﻰ ﺑﯩﺰ ﺑﯧﻴﺠﯩﯔ 2008 ‏- ﻳﯩﻠﻘﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺵ ﻫﻮﻗﯘﻗﯩﻐﺎ ﺋﯧﺮﯨﺸﻜﻪﻧﺪﻩ ﻛﯜﺗﻜﻪﻥ ﺋﻪﻫﯟﺍﻟﺪﺍ ﺋﻪﻣﻪﺱ. ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﯞﻩ ﻫﯚﻛﯜﻣﻪﺕ ﮔﯘﻣﺎﻧﻼﻧﻐﯘﭼﯩﻼﺭﻧﻰ ﺋﻮﻟﯩﻤﭙﯩﻚ ﻏﺎﻳﯩﺴﯩﻨﯩﯔ ﺧﯩﺘﺎﻳﻐﺎ ﻛﯩﺮﯨﺸﻰ ﺑﯩﻠﻪﻥ ﻫﯚﻛﯜﻣﻪﺗﻨﯩﯔ ﺋﯘﭼﯘﺭﻧﻰ ﺗﯧﺰﮔﯩﻨﻠﻪﺵ ﻛﯜﭼﻰ ﺋﺎﺟﯩﺰﻟﯩﺸﯩﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﺪﯛﺭﮔﻪﻥ ﺋﯩﺪﻯ. ﻟﯧﻜﯩﻦ ﻛﯜﺗﻜﻪﻥ ﺋﻪﻫﯟﺍﻟﻨﯩﯔ ﻳﯜﺯ ﺑﻪﺭﻣﯩﮕﻪﻧﻠﯩﻜﻰ ﻛﯚﺭﯛﻟﯜﯞﺍﺗﯩﺪﯗ،" ﺩﻩﭖ ﺋﻪﺳﻜﻪﺭﺗﺘﻰ. ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﻫﻪﻗﻘﯩﺪﯨﻜﻰ ﺗﻪﻟﻪﭘﻠﻪﺭﻧﻰ ﺭﻩﺕ ﻗﯩﻠﯩﭗ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﯨﻐﯘﭼﯩﻼﺭﻧﯩﯔ ﺗﻪﻟﯩﭙﻰ ﺋﻮﻟﯩﻤﭙﯩﻜﻨﻰ ﺳﯩﻴﺎﺳﯩﻴﻼﺷﺘﯘﺭﻏﺎﻧﻠﯩﻘﺘﯘﺭ، ﺩﻩﭖ ﺋﻪﻳﯩﺒﻠﯩﻤﻪﻛﺘﻪ.

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻳﺎﯓ ﺟﻴﯧﭽﻰ، ﭘﻪﻳﺸﻪﻧﺒﻪ ﻛﯜﻧﻰ ﺋﻪﻧﮕﯩﻠﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻣﯩﻠﯩﺒﺎﻧﺪ ﺑﯩﻠﻪﻥ ﺋﯚﺗﻜﯜﺯﮔﻪﻥ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ، ﻛﯩﺸﯩﻠﯩﻚ ﻫﻮﻗﯘﻕ ﺋﻮﻟﯩﻤﭙﯩﻜﺘﯩﻦ ﻣﯘﻫﯩﻢ ﺩﯦﮕﯜﭼﯩﻠﻪﺭﻧﯩﯔ ﻗﻮﻟﻐﺎ ﺋﯧﻠﯩﻨﯩﺶ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺭﻩﺕ ﻗﯩﻠﯩﭗ، "ﺟﯘﯕﮕﻮﺩﺍ ﭘﯘﻗﺮﺍﻻﺭ ﺳﯚﺯ ﺋﻪﺭﻛﯩﻨﻠﯩﻜﯩﺪﯨﻦ ﺑﻪﻫﺮﯨﻤﺎﻥ ﺑﻮﻟﯘﯞﺍﺗﯩﺪﯗ " ﺩﯦﺪﻯ. ﻟﯧﻜﯩﻦ ﺋﺎﻣﯧﺮﯨﻜﺎ ﻣﯘﻫﯩﺖ ﻗﻮﻏﺪﺍﺵ ﺋﯩﺪﺍﺭﯨﺴﯩﻨﯩﯔ ﻗﺎﻧﯘﻥ ﻣﻪﺳﻠﯩﻬﻪﺗﭽﯩﺴﻰ ﺭﻭﮔﯧﺮ ﻣﺎﺭﺗﯧﻠﻼ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﯨﻜﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ، " ﺋﻮﻟﯩﻤﭙﯩﻚ ﻳﯩﻐﯩﻨﻰ ﺗﯜﮔﯩﮕﻪﻧﺪﻩ ﺩﯗﻧﻴﺎ ﺧﯩﺘﺎﻳﻨﻰ ﺧﯩﺘﺎﻱ ﺗﻪﻧﺘﻪﺭﺑﯩﻴﯩﭽﯩﻠﯩﺮﯨﻨﯩﯔ ﺋﺎﻟﻐﺎﻥ ﻣﯘﻛﺎﭘﺎﺗﻰ ﺑﯩﻠﻪﻥ ﺋﻪﻣﻪﺱ، ﺧﯩﺘﺎﻳﻨﯩﯔ ﻣﯘﻫﯩﺖ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻰ ﺳﺎﻫﻪﺳﯩﺪﻩ ﻗﺎﻧﭽﯩﻠﯩﻚ ﻧﻪﺗﯩﺠﯩﮕﻪ ﺋﯧﺮﯨﺸﻜﻪﻧﻠﯩﻜﻰ ﺑﯩﻠﻪﻥ ﺧﺎﺗﯩﺮﯨﻠﻪﻳﺪﯗ " ﺩﻩﭖ ﻛﯚﺭﺳﻪﺗﺘﻰ. (ﺋﻪﺭﻛﯩﻦ)