ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﺑﻨﺎﻣﯩﺴﻰ ﯞﻩ ﻣﯩﻠﻠﯩﻲ ﻣﻪﺳﯩﻠﻪ ﻫﻪﻗﻘﯩﺪﯨﻜﻰ ﻗﺎﺭﺍﺷﻠﯩﺮﻯ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﻧﯜﮔﯜﻥ ﻳﻪﻧﻰ 1 ‏- ﻳﺎﻧﯟﺍﺭ ﻛﯜﻧﻰ ﭼﻪﺗﺌﻪﻟﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯩﺮ ﻗﯩﺴﯩﻢ ﺧﯩﺘﺎﻱ ﺩﯦﻤﻮﻛﯩﺮﺍﺗﭽﯩﻠﯩﺮﻯ، ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﻰ ﻗﯘﺭﯗﻟﻐﺎﻧﻠﯩﻘﯩﻨﻰ ﺟﺎﻛﺎﺭﻻﭖ ﺧﯩﺘﺎﺑﻨﺎﻣﻪ ﺋﯧﻼﻥ ﻗﯩﻠﺪﻯ. ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﯩﻨﯩﯔ ﯞﻩﻛﯩﻠﻠﯩﻚ ﺳﺎﻻﻫﯩﻴﯩﺘﻰ ﻳﻪﻧﻰ ﭼﻪﺗﺌﻪﻟﺪﯨﻜﻰ ﺧﯩﺘﺎﻱ ﺩﯦﻤﻮﻛﺮﺍﺗﭽﯩﻠﯩﺮﯨﻨﯩﯔ ﻗﺎﻧﭽﯩﻠﯩﻚ ﻗﯩﺴﻤﯩﻐﺎ ﯞﻩﻛﯩﻠﻠﯩﻚ ﻗﯩﻼﻻﻳﺪﯨﻐﺎﻧﻠﯩﻘﻰ ﺗﯧﺨﻰ ﺋﯧﻨﯩﻖ ﺋﻪﻣﻪﺱ؛ ﺋﻪﻣﻤﺎ ﺋﯘﻧﯩﯔ ﭼﻪﺗﺌﻪﻟﺪﯨﻜﻰ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﺑﯩﺮ ﺗﯜﺭﻛﯜﻡ ﺭﺍﺩﯨﻜﺎﻝ ﭘﯩﻜﯩﺮﻟﯩﻚ ﺋﯚﻛﺘﯩﭽﻰ ﻛﯜﭼﻠﻪﺭﮔﻪ ﯞﻩﻛﯩﻠﻠﯩﻚ ﻗﯩﻼﻻﻳﺪﯨﻐﺎﻧﻠﯩﻘﻰ ﺋﯚﺗﻜﯜﻧﭽﻰ ﻫﯚﻛﯜﻣﻪﺗﻨﯩﯔ ﺧﯩﺘﺎﺑﻨﺎﻣﯩﺴﯩﺪﯨﻦ ﻣﻪﻟﯘﻡ.

ﻫﯧﭻ ﺑﯩﺮ ﺋﯩﺶ ﻣﯘﺭﻩﺳﺴﻪ ﻳﻮﻟﻰ ﺑﯩﻠﻪﻥ ﻫﻪﻝ ﺑﻮﻟﻤﺎﻳﺪﯗ

ﺧﯩﺘﺎﺑﻨﺎﻣﻪ، ﺋﯚﺗﻜﯜﻧﭽﻰ ﻫﯚﻛﯜﻣﻪﺗﻨﯩﯔ ﯞﻩﺯﯨﭙﯩﺴﯩﻨﻰ، ﺑﺎﺭﻟﯩﻖ ﺩﯦﻤﻮﻛﺮﺍﺗﯩﻚ ﻛﯜﭼﻠﻪﺭﻧﻰ، ﺟﯜﻣﻠﯩﺪﯨﻦ ﺧﯩﺘﺎﻳﺪﯨﻜﻰ ﭘﺎﺭﺗﯩﻴﻪ، ﻫﯚﻛﯜﻣﻪﺕ ﯞﻩ ﺋﺎﺭﻣﯩﻴﻪ ﺋﯩﭽﯩﺪﯨﻜﻰ ﺋﯚﻛﺘﯩﭽﻰ ﻛﯜﭼﻠﻪﺭﻧﻰ ﺋﻪﺗﺮﺍﭘﯩﻐﺎ ﺗﻮﭘﻼﭖ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﮕﻪ ﻗﺎﺭﺷﻰ ﻛﻪﯓ -ﻛﯚﻟﻪﻣﻠﯩﻚ ﻗﺎﺭﺷﯩﻠﯩﻖ ﻫﻪﺭﯨﻜﯩﺘﻰ ﻗﻮﺯﻏﺎﺵ ﯞﻩ ﺧﯩﺘﺎﻳﻨﯩﯔ ﺩﯦﻤﻮﻛﺮﺍﺗﯩﻚ ﺗﯜﺯﯛﻣﮕﻪ ﺋﯚﺗﯜﺵ ﺟﻪﺭﻳﺎﻧﯩﺪﯨﻜﻰ ﻗﺎﻧﯘﻧﯩﻲ ﺗﻪﺭﺗﯩﭗ ﺋﯩﺸﻠﯩﺮﯨﻐﺎ ﻳﯧﺘﻪﻛﭽﯩﻠﯩﻚ ﻗﯩﻠﯩﺶ ﺩﻩﭖ ﻛﯚﺭﺳﯩﺘﯩﺪﯗ. ﺋﯚﺗﻜﯜﻧﭽﻰ ﻫﯚﻛﯜﻣﻪﺗﻨﯩﯔ ﺧﯩﺘﺎﻳﺪﺍ ﻫﺎﻛﯩﻤﯩﻴﻪﺗﻨﻰ ﻗﻮﻟﻐﺎ ﺋﯧﻠﯩﺶ ﻏﺎﻳﯩﺴﻰ ﻳﻮﻗﻠﯘﻗﯩﻨﻰ، ﺧﻪﻟﻖ ﺋﻪﺭﻛﯩﻦ ﺳﺎﻳﻼﻡ ﭘﯘﺭﺳﯩﺘﯩﮕﻪ ﺋﯧﺮﯨﺸﻜﻪﻧﺪﻩ، ﻫﯚﻛﯜﻣﻪﺗﻨﯩﯔ ﺋﻪﻣﻪﻟﺪﯨﻦ ﻗﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯨﺪﯗ.

ﺧﯩﺘﺎﺑﻨﺎﻣﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﺯﯗﻟﯘﻣﯩﺪﯨﻦ ﻗﯘﺗﯘﻟﯘﺵ ﻛﻮﻳﯩﺪﯨﻜﻰ ﺑﺎﺭﻟﯩﻖ ﻛﯩﺸﯩﻠﻪﺭ، ﺟﯜﻣﻠﯩﺪﯨﻦ، ﺩﯦﻤﻮﻛﺮﺍﺗﯩﻴﯩﮕﻪ ﺋﯩﻨﺘﯩﻠﮕﻪﻥ ﺯﯨﻴﺎﻟﯩﻴﻼﺭ، ﻳﯧﺮﻯ ﺗﺎﺭﺗﯩﯟﯦﻠﯩﻨﻐﺎﻥ ﺩﯦﻬﻘﺎﻧﻼﺭ، ﺋﺎﺩﺍﻟﻪﺗﺴﯩﺰ ﺭﯨﻘﺎﺑﻪﺗﻨﯩﯔ ﺯﻩﺭﺑﯩﺴﯩﮕﻪ ﺋﯘﭼﺮﯨﻐﺎﻥ ﺋﯩﺸﭽﯩﻼﺭ؛ ﭘﺎﺭﺗﯩﻴﻪ، ﻫﯚﻛﯜﻣﻪﺕ، ﺋﺎﺭﻣﯩﻴﻪ ﺋﯩﭽﯩﺪﻩ ﻫﻪﻗﻘﺎﻧﯩﻲ ﻣﻪﻳﺪﺍﻧﻰ ﺳﻪﯞﻩﺑﻠﯩﻚ ﭼﻪﺗﻜﻪ ﻗﯧﻘﯩﻠﻐﺎﻥ ﻛﺎﺩﯨﺮﻻﺭ ﯞﻩ ﺑﺎﺭﻟﯩﻖ ﺋﻮﻗﯘﻏﯘﭼﯩﻼﺭ، ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﯩﻨﯩﯔ ﺋﯩﺠﺘﯩﻤﺎﺋﯩﻲ ﺋﺎﺳﺎﺳﻰ ﺩﻩﭖ ﻛﯚﺭﺳﯩﺘﯩﺪﯗ.

ﺧﯩﺘﺎﺑﻨﺎﻣﯩﺪﺍ ﺧﯩﺘﺎﻱ ﺧﻪﻟﻘﻰ ﺯﻭﺭﻟﯘﻕ ﻳﻮﻟﯩﻐﺎ ﺗﺎﻳﯩﻨﯩﭗ ﺗﯘﺭﯗﭖ، ﺋﯚﺯﯨﻨﻰ ﻗﻮﻏﺪﺍﺵ ﯞﻩ ﻣﻪﯞﺟﯘﺕ ﻫﺎﻛﯩﻤﯩﻴﻪﺗﻜﻪ ﺧﺎﺗﯩﻤﻪ ﺑﯧﺮﯨﺶ ﻫﻮﻗﯘﻗﯩﻐﺎ ﺗﺎﻣﺎﻣﻪﻥ ﺋﯩﮕﻪ ﺩﻩﭖ ﺋﻪﺳﻜﻪﺭﺗﻜﻪﻥ ﯞﻩ ﺋﯩﻨﺴﺎﻧﯩﻲ ﺋﻪﺧﻼﻕ ﭼﯧﮕﺮﯨﺴﻰ ﺋﯩﭽﯩﺪﻩ، ﻫﻪﺭ ﻗﺎﻧﺪﺍﻕ ﺷﻪﻛﯩﻠﺪﯨﻜﻰ ﺯﻭﺭﺍﯞﺍﻧﻠﯩﻖ ﺷﻪﻛﻠﯩﻨﻰ ﻗﻮﻟﻠﯩﻨﯩﺶ ﻫﻮﻗﯘﻗﯩﻐﺎ ﺋﯩﮕﻪ ﺩﻩﭖ ﻛﯚﺭﺳﻪﺗﻜﻪﻥ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ ﺑﯩﻠﻪﻥ ﻫﯧﭻ ﺑﯩﺮ ﺋﯩﺸﻨﯩﯔ ﻣﯘﺭﻩﺳﺴﻪ ﻳﻮﻟﻰ ﺑﯩﻠﻪﻥ ﻫﻪﻝ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺗﺎﺭﯨﺦ ﯞﻩ ﺭﯦﺌﺎﻟﻠﯩﻖ ﺋﯩﺴﭙﺎﺗﻼﭖ ﺑﻮﻟﺪﻯ ﺩﻩﭖ ﺋﻪﺳﻜﻪﺭﺗﻜﻪﻥ ﺋﯚﺗﻜﯜﻧﭽﻰ ﻫﯚﻛﯜﻣﻪﺕ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﺪﯨﻦ ﺋﯜﻣﯩﺪ ﻛﯜﺗﻜﯜﭼﯩﻠﻪﺭ، ﻣﯘﺭﻩﺳﺴﻪ ﻗﯩﻠﻐﯘﭼﯩﻼﺭ، ﺋﻪﭘﯘ ﻗﯩﻠﻐﯘﭼﯩﻼﺭﻏﺎ ﺑﯩﺰﻧﯩﯔ ﺳﯧﭙﯩﻤﯩﺰﺩﻩ ﺋﻮﺭﯗﻥ ﻳﻮﻕ ﺩﻩﭖ ﺑﯩﻠﺪﯛﺭﮔﻪﻥ.

ﺧﯩﺘﺎﻳﺪﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﻓﯧﺪﯦﺮﺍﺗﺴﯩﻴﻪ، ﺋﺎﻟﻲ ﺋﺎﭘﺘﻮﻧﻮﻣﯩﻴﻪ ﻫﻮﻗﯘﻗﯩﺪﯨﻦ ﭘﺎﻳﺪﯨﻠﯩﻨﯩﺪﯗ

ﺋﯚﺗﻜﯜﻧﭽﻰ ﻫﯚﻛﯜﻣﻪﺗﻨﯩﯔ ﺧﯩﺘﺎﺑﻨﺎﻣﯩﺴﯩﺪﻩ، ﺧﯩﺘﺎﻳﺪﯨﻜﻰ ﻣﯩﻠﻠﯩﻲ ﻣﻪﺳﯩﻠﯩﻠﻪﺭﮔﻪ ﻛﯚﭖ ﺋﻮﺭﯗﻥ ﺑﯧﺮﯨﻠﻤﯩﮕﻪﻥ، ﭘﻪﻗﻪﺕ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺋﯜﺳﺘﯩﺪﯨﻦ ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻘﻰ ﻳﯜﺭﮔﯜﺯﯛﯞﺍﺗﻘﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻐﺎﻥ ﻫﻪﻡ ﺧﯩﺘﺎﻳﺪﯨﻜﻰ ﻣﯩﻠﻠﯩﻲ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﯩﺸﻨﯩﯔ ﭼﺎﺭﯨﺴﻰ ﻓﯧﺪﯦﺮﺍﺗﺴﯩﻴﻪ ﺗﯜﺯﯛﻣﻰ ﺩﻩﭖ ﺋﯩﺸﺎﺭﻩﺕ ﺑﻪﺭﮔﻪﻥ.

ﺑﯩﺰ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﯩﻨﯩﯔ ﺭﻩﻫﺒﻪﺭﻟﯩﺮﯨﺪﯨﻦ ﻳﯜﻩﻥ ﺧﯘﯕﺒﯩﯖﻨﻰ ﺯﯨﻴﺎﺭﻩﺕ ﻗﯩﻠﯩﭗ ﺧﯩﺘﺎﻳﺪﯨﻜﻰ ﻣﯩﻠﻠﯩﻲ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﯨﻜﻰ ﻗﺎﺭﯨﺸﯩﻨﻰ ﺳﻮﺭﯨﻐﯩﻨﯩﻤﯩﺰﺩﺍ ﻣﯘﻧﺪﺍﻕ ﺩﯦﺪﻯ: " ﺧﯩﺘﺎﻳﺪﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻣﯘ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﻪﺗﻨﯩﯔ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﺍﭖ ﻛﯧﻠﯩﯟﺍﺗﯩﺪﯗ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ ﻳﯩﻘﯩﻠﻤﺎﻱ ﺗﯘﺭﯗﭖ ﺧﯩﺘﺎﻳﺪﯨﻜﻰ ﻫﯧﭻ ﺑﯩﺮ ﻣﻪﺳﯩﻠﻪ ﻫﻪﻝ ﺑﻮﻟﻤﺎﻳﺪﯗ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ ﻳﯩﻘﯩﻠﻐﺎﻧﺪﯨﻦ ﻛﯧﻴﯩﻦ، ﻣﯩﻠﻠﯩﻲ ﻣﻪﺳﯩﻠﯩﻠﻪﺭ ﻣﯘﺯﺍﻛﯩﺮﻩ ﻳﻮﻟﻰ ﺑﯩﻠﻪﻥ ﻫﻪﻝ ﺑﻮﻟﯩﺪﯗ. ﻓﯧﺪﯦﺮﺍﺗﺴﯩﻴﻪ ﺗﯜﺯﯛﻣﻰ، ﺋﺎﻟﻲ ﺋﺎﭘﺘﻮﻧﻮﻣﯩﻴﻪ ﻫﻮﻗﯘﻗﻰ ﻣﯩﻠﻠﯩﻲ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﯩﺪﯗ ﺩﻩﭖ ﻗﺎﺭﺍﻳﻤﯩﺰ."

ﻳﯜﻩﻥ ﺧﯘﯕﺒﯩﯔ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﻛﻪﻟﮕﯜﺳﯩﺪﻩ، ﻳﺎﻟﻐﯘﺯ ﺷﯩﻨﺠﺎﯓ ﻳﻪﻧﻰ ﺷﻪﺭﻗﻰ ﺗﯜﺭﻛﯩﺴﺘﺎﻧﻼ ﺋﻪﻣﻪﺱ، ﻫﻪﺗﺘﺎ ﺑﺎﺷﻘﺎ ﺋﯚﻟﻜﯩﻠﻪﺭﻣﯘ ﻣﯘﺳﺘﻪﻗﯩﻠﻠﯩﻖ ﺗﻪﻟﯩﭙﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻰ ﻣﯘﻣﻜﯩﻦ، ﻣﻪﺳﯩﻠﻪﻥ، ﺟﯘﯕﺨﯘﺍ ﻣﯩﻨﮕﻮ ﻗﯘﺭﯗﻟﻐﺎﻧﺪﯨﻤﯘ ﺷﯘﻧﺪﺍﻕ ﺑﻮﻟﻐﺎﻥ. ﺑﯘﻻﺭ ﻣﯘﺯﺍﻛﯩﺮﻩ ﻳﻮﻟﻰ ﺑﯩﻠﻪﻥ ﻫﻪﻝ ﺑﻮﻟﯩﺪﯗ، ﻫﺎﺯﯨﺮ ﺑﯘ ﻫﻪﻗﺘﻪ ﻛﻮﻧﻜﺮﯦﺖ ﺗﻮﺧﺘﯩﻠﯩﺶ ﺋﯜﭼﯜﻥ ﺑﻪﻙ ﺑﺎﻟﺪﯗﺭ."

" ﺑﯘ ﻣﻪﺳﯩﻠﻪ ﺋﯩﭙﺎﺩﻩ ﺑﯩﻠﺪﯛﺭﯛﺷﻜﻪ ﺑﺎﻟﺪﯗﺭ"

ﺑﯘ ﺋﻮﺧﺸﺎﺵ ﻣﻪﺳﯩﻠﯩﻨﻰ ﺋﯚﺗﻜﯜﻧﭽﻰ ﻫﯚﻛﯜﻣﻪﺗﻨﯩﯔ ﭘﺮﯦﺰﯨﺪﯦﻨﺘﻰ ﯞﯗ ﻓﻪﻧﺪﯨﻦ ﺳﻮﺭﯨﻐﯩﻨﯩﻤﯩﺰﺩﺍ، ﺋﯚﺗﻜﯜﻧﭽﻰ ﻫﯚﻛﯜﻣﻪﺗﻨﯩﯔ ﻧﯚﯞﻩﺗﺘﯩﻜﻰ ﺑﺎﺳﻘﯘﭼﺘﺎ، ﺑﯘ ﻣﻪﺳﯩﻠﻪ ﺋﯜﺳﺘﯩﺪﻩ ﺋﯩﭙﺎﺩﻩ ﺑﯩﻠﺪﯛﺭﯛﺷﻰ ﺭﯦﺌﺎﻟﯩﺴﺘﯩﻚ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﯚﺗﻜﯜﻧﭽﻰ ﻫﯚﻛﯜﻣﻪﺗﻜﻪ ﯞﺍﻛﺎﻟﯩﺘﻪﻥ ﺋﻪﻣﻪﺱ، ﺷﻪﺧﺴﯩﻲ ﺋﯚﺯﯨﯖﯩﺰﮔﻪ ﯞﺍﻛﺎﻟﯩﺘﻪﻥ ﺋﯩﭙﺎﺩﻩ ﺑﯩﻠﺪﯛﺭﺳﯩﯖﯩﺰ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﺪﻩ ﻳﺎﺷﺎﯞﺍﺗﻘﺎﻥ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﯩﯔ، ﺟﯜﻣﻠﯩﺪﯨﻦ ﺷﻪﺭﻗﻰ ﺗﯜﺭﻛﯩﺴﺘﺎﻧﻠﯩﻘﻼﺭﻧﯩﯔ ﺋﯚﺯ ﺗﻪﻗﺪﯨﺮﯨﻨﻰ ﺋﯚﺯﻯ ﺑﻪﻟﮕﯩﻠﻪﺵ ﻫﻮﻗﯘﻗﻰ ﻫﻪﻗﻘﯩﺪﻩ ﻧﯧﻤﻪ ﺋﻮﻳﻼﻳﺴﯩﺰ ﺩﻩﭖ ﺳﻮﺭﯨﻐﯩﻨﯩﻤﯩﺰﺩﺍ ﻣﯘﻧﺪﺍﻕ ﺟﺎﯞﺍﺏ ﺑﻪﺭﺩﻯ": ﺋﻪﻟﯟﻩﺗﺘﻪ ﻫﯚﺭﻣﻪﺕ ﻗﯩﻠﯩﻤﻪﻥ. ﺋﺎﺭﯨﻤﯩﺰﺩﯨﻜﻰ ﺋﻮﺭﺗﺎﻕ ﻧﯘﻗﺘﯩﻼﺭ ﺗﯧﭙﯩﭗ ﭼﯩﻘﯩﻠﺴﺎ، ﺋﺎﺭﯨﻤﯩﺰﺩﺍ ﺋﯩﺨﺘﯩﻼﭖ ﻳﯜﺯ ﺑﻪﺭﻣﻪﻳﺪﯗ."

" ﺩﯙﻟﻪﺕ ﺋﯩﭽﻰ- ﺳﯩﺮﺗﯩﺪﯨﻦ، ﻫﻪﺗﺘﺎ ﺋﺎﺭﻣﯩﻴﻪ ﺋﯩﭽﯩﺪﯨﻨﻤﯘ ﺗﻪﻛﻠﯩﭗ ﻛﻪﻟﺪﻯ"

ﺑﯩﺰ ﻳﯜﻩﻥ ﺧﯘﯕﺒﯩﯖﺪﯨﻦ، " ﺑﯘ ﻫﯚﻛﯜﻣﻪﺗﻨﯩﯔ ﺧﯩﺘﺎﻱ ﺋﯚﻛﺘﯩﭽﻰ ﻫﻪﺭﯨﻜﯩﺘﻰ ﺋﯩﭽﯩﺪﻩ ﻛﯚﭖ ﺳﺎﻧﻠﯩﻘﻘﺎ ﯞﻩﻛﯩﻠﻠﯩﻚ ﻗﯩﻼﻻﻳﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﻪﻣﺴﯩﺰ؟" ﺩﻩﭖ ﺳﻮﺭﯨﻐﯩﻨﯩﻤﯩﺰﺩﺍ ﻣﯘﻧﺪﺍﻕ ﺩﻩﭖ ﺟﺎﯞﺍﺏ ﺑﻪﺭﺩﻯ. "ﺑﯩﺰ ﺑﯘ ﻫﯚﻛﯜﻣﻪﺗﻨﻰ ﺑﯩﺮ ﻳﯧﺮﯨﻢ ﻳﯩﻞ ﺗﻪﻳﻴﺎﺭﻟﯩﻘﺘﯩﻦ ﻛﯧﻴﯩﻦ ﻗﯘﺭﯗﭖ ﭼﯩﻘﺘﯘﻕ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯩﻴﻰ ﺧﻪﻟﻘﯩﻤﯩﺰﻧﻰ ﺋﯜﻣﯩﺪﺳﯩﺰﻟﻪﻧﺪﯛﺭﺩﻯ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺳﯩﻴﺎﺳﯩﻲ ﺗﯜﺯﯛﻟﻤﻪ ﺋﯩﺴﻼﻫﺎﺕ ﻳﻮﻟﯩﻐﺎ ﺋﯚﺯﻟﯩﻜﯩﺪﯨﻦ ﻣﺎﯕﻤﺎﻳﺪﯨﻐﺎﻧﻠﯩﻘﻰ ﺋﯧﻨﯩﻖ ﺑﻮﻟﯘﭖ ﺋﻮﺗﺘﯘﺭﯨﻐﺎ ﭼﯩﻘﺘﻰ. ﺩﯙﻟﻪﺕ ﺋﯩﭽﻰ-ﺳﯩﺮﺗﯩﺪﯨﻦ ﺋﯚﺗﻜﯜﻧﭽﻰ ﻫﯚﻛﯜﻣﻪﺕ ﻗﯘﺭﯗﺷﯩﻤﯩﺰﻧﻰ ﺗﻪﻟﻪﭖ ﻗﯩﻠﯩﭗ ﻛﯚﭘﻠﯩﮕﻪﻥ ﺗﻪﻛﻠﯩﭗ ﭘﯩﻜﯩﺮﻟﻪﺭ ﻛﻪﻟﺪﻯ. ﻫﻪﺗﺘﺎ، ﺑﯘ ﺗﻪﻛﻠﯩﭗ ﺋﺎﺭﻣﯩﻴﻪ ﺋﯩﭽﯩﺪﯨﻨﻤﯘ ﻛﻪﻟﺪﻯ. ﺑﯘﻧﯩﯖﺴﯩﺰﻣﯘ ﺑﯩﺰ، ﺑﯘﻟﺘﯘﺭﺩﯨﻦ ﺑﺎﺷﻼﭖ، ﺧﯩﺘﺎﻳﻨﯩﯔ ﻛﻪﻟﮕﯜﺳﻰ ﺩﯦﮕﻪﻥ ﺗﯧﻤﯩﺪﺍ ﺯﯨﻴﺎﻟﯩﻴﻼﺭ ﯞﻩ ﭘﺎﺋﺎﻟﯩﻴﻪﺗﭽﯩﻠﻪﺭ ﺋﺎﺭﯨﺴﯩﺪﺍ ﻣﯘﻫﺎﻛﯩﻤﻪ ﯞﻩ ﻣﯘﺯﺍﻛﯩﺮﯨﻠﻪﺭ ﻳﯜﺭﮔﯜﺯﯛﯞﺍﺗﻘﺎﻥ ﺋﯩﺪﯗﻕ. ﺑﯘ ﻣﯘﺯﺍﻛﯩﺮﯨﻠﻪﺭﺩﯨﻤﯘ ﺋﯚﺗﻜﯜﻧﭽﻰ ﻫﯚﻛﯜﻣﻪﺕ ﻗﯘﺭﯗﺷﻨﯩﯔ ﺯﯙﺭﯛﺭﻟﯜﻛﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﯩﺪﻯ. ﺷﯘﯕﺎ ﺑﯩﺰ، ﻣﯘﺷﯘ ﭘﻪﻳﺘﻨﻰ ﺋﯚﺗﻜﯜﻧﭽﻰ ﻫﯚﻛﯜﻣﻪﺕ ﻗﯘﺭﯗﺷﻨﯩﯔ ﭘﯘﺭﺳﯩﺘﻰ ﭘﯩﺸﯩﭗ ﻳﯧﺘﯩﻠﺪﻯ ﺩﻩﭖ ﻗﺎﺭﯨﺪﯗﻕ."

ﺳﯚﻫﺒﯩﺘﯩﻤﯩﺰ ﺟﻪﺭﻳﺎﻧﯩﺪﺍ، ﻳﯜﻩﻥ ﺧﯘﯕﺒﯩﯔ ﺋﯚﺯﯨﻨﯩﯔ ﻗﯩﺴﻘﯩﭽﻪ ﺗﻪﺭﺟﯩﻤﯩﻬﺎﻟﯩﻨﻰ ﺗﻮﻧﯘﺷﺘﯘﺭﯗﭖ ﺋﯚﺗﺘﻰ. ﻳﯜﻩﻥ ﺧﯘﯕﺒﯩﯔ، 1952 ‏- ﻳﯩﻠﻰ ﺋﯩﭽﻜﻰ ﻣﻮﯕﻐﯘﻟﺪﺍ ﺗﯘﻏﯘﻟﻐﺎﻥ، ﺑﯧﻴﺠﯩﯔ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﻮﻗﯩﻐﺎﻥ، 1989 ‏-ﻳﯩﻠﯩﺪﯨﻜﻰ ﺩﯦﻤﻮﻛﺮﺍﺗﯩﻚ ﺋﻮﻗﯘﻏﯘﭼﯩﻼﺭ ﻫﻪﺭﯨﻜﯩﺘﯩﺪﻩ، ﺑﯘ ﻫﻪﺭﯨﻜﻪﺗﻨﻰ ﺯﯨﻴﺎﻟﯩﻴﻼﺭ ﺳﯧﭙﯩﺪﻩ ﺗﯘﺭﯗﭖ ﻗﻮﻟﻠﯩﻐﺎﻥ. ﺗﻴﻪﻧﺌﻪﻧﻤﯧﻦ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺟﺎﺯﺍﻻﻧﻐﺎﻥ ﯞﻩ 2005 ‏- ﻳﯩﻠﻰ ﺋﺎﯞﺳﺘﺮﺍﻟﯩﻴﯩﮕﻪ ﻗﯧﭽﯩﭗ ﭼﯩﻘﻘﺎﻥ. ﺋﯘﻧﯩﯔ ﺋﯩﭽﻜﻰ ﻣﻮﯕﻐﯘﻝ ﺧﻪﻟﻘﻰ ﯞﻩ ﺗﯩﺒﻪﺕ ﺧﻪﻟﻘﯩﻨﯩﯔ ﻣﻪﺳﯩﻠﯩﻠﯩﺮﯨﻨﻰ ﺗﯩﻠﻐﺎ ﺋﯧﻠﯩﭗ ﻳﺎﺯﻏﺎﻥ ﺋﯩﻜﻜﻰ ﻛﯩﺘﺎﺑﻰ ﺑﺎﺭ.

ﻳﯧﯖﻰ ﻗﯘﺭﯗﻟﻐﺎﻥ ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﯩﻨﯩﯔ، ﺑﯘﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﺋﯚﻛﺘﯩﭽﻰ ﻫﻪﺭﯨﻜﯩﺘﯩﻨﻰ ﻳﯜﻛﺴﻪﻟﺪﯛﺭﻩﻟﻪﻳﺪﯨﻐﺎﻥ ‏- ﻳﯜﻛﺴﻪﻟﺪﯛﺭﻩﻟﻤﻪﻳﺪﯨﻐﺎﻧﻠﯩﻘﯩﻼ ﺋﻪﻣﻪﺱ، ﺗﻪﺳﯩﺮ ﻛﯚﺭﺳﯩﺘﻪﻟﻪﻳﺪﯨﻐﺎﻥ ‏- ﻛﯚﺭﺳﯩﺘﻪﻟﻤﻪﻳﺪﯨﻐﺎﻧﻠﯩﻘﯩﻤﯘ ﺳﻮﺋﺎﻟﻠﯩﻖ. ﺋﻪﻣﻤﺎ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﮕﻪ ﻣﯘﺭﻩﺳﺴﻪﺳﯩﺰ ﻫﻪﺗﺘﺎ ﺑﺎﺭﻟﯩﻖ ﯞﺍﺳﺘﯩﻼﺭﻧﻰ ﻗﻮﻟﻠﯩﻨﯩﭗ ﻗﺎﺭﺷﻰ ﺗﯘﺭﯗﺷﻨﻰ ﺗﻪﺷﻪﺑﺒﯘﺱ ﻗﯩﻠﯩﺪﯨﻐﺎﻥ ﺑﯩﺮ ﮔﯘﺭﯗﻫﻨﯩﯔ ﻣﻪﯞﺟﯘﺗﻠﯘﻗﻰ ﺩﯨﻘﻘﻪﺗﻜﻪ ﺗﯧﮕﯩﺸﻠﯩﻚ ﺑﯩﺮ ﻧﯘﻗﺘﯩﺪﯗﺭ. (ﺷﯚﻫﺮﻩﺕ ﻫﻮﺷﯘﺭ)