ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﺍ ﻣﯧﺪﯞﯨﺪﯦﯟﻧﯩﯔ ﺯﯨﻴﺎﺭﯨﺘﻰ ﯞﻩ ﺧﯩﺘﺎﻱ ﺭﯗﺳﯩﻴﻪ ﻣﯘﻧﺎﺳﯩﯟﯨﺘﯩﻨﯩﯔ" ﻧﯘﻗﺴﺎﻧﺴﯩﺰ" ﺗﻪﺭﻩﭘﻠﯩﺮﯨﻨﻰ ﯞﻩ ﺋﯩﻜﻜﻰ ﺗﻪﺭﻩﭖ ﺭﻩﻫﺒﯩﺮﯨﻨﯩﯔ ﻛﯚﺭﯛﺷﻜﻪﻧﻠﯩﻜﯩﮕﻪ ﺩﺍﺋﯩﺮ "ﺋﯩﺠﺎﺑﯩﻲ" ﺧﻪﯞﻩﺭﻟﻪﺭ ﻛﯚﭖ ﺑﯧﺮﯨﻠﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺧﻪﯞﻩﺭﻟﻪﺭﺩﻩ ﺳﺎﻗﻠﯩﻨﯩﯟﺍﺗﻘﺎﻥ ﻣﻪﺳﯩﻠﯩﻠﻪﺭ، ﺧﯩﺘﺎﻱ - ﺭﯗﺳﯩﻴﻪ ﺭﻩﻫﺒﻪﺭﻟﯩﺮﯨﻨﯩﯔ ﺳﯚﻫﺒﻪﺕ ﻣﻪﺯﻣﯘﻧﻰ ﻗﺎﺗﺎﺭﻟﯩﻘﻼﺭﻧﻰ ﺗﯩﻠﻐﺎ ﺋﺎﻟﻤﯩﺪﻯ. ﺗﻮﻏﺮﯨﺴﯩﺪﺍ ﻫﻪﻗﻘﯩﺪﻩ ﺗﻮﺧﺘﺎﻟﻤﯩﻐﺎﻥ.

ﭘﺮﯦﺰﯨﺪﯦﻨﺖ ﻣﯧﺪﯞﯦﺪﯦﯟﻧﯩﯔ ﺗﯘﻧﺠﻰ ﭼﻪﺗﺌﻪﻝ ﺳﻪﭘﯩﺮﻯ

ﺧﯩﺘﺎﻱ - ﺭﯗﺳﯩﻴﻪ ﻣﯘﻧﺎﺳﯩﯟﯨﺘﻰ ﺋﯘﻳﻐﯘﺭﻻﺭ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎﻧﯩﯔ ﺳﯩﻴﺎﺳﯩﻲ ﺟﯘﻏﺮﺍﭘﯩﻴﯩﻠﯩﻚ ﻛﯧﻠﻪﭼﯩﻜﯩﺪﻩ ﻫﻪﻝ ﻗﯩﻠﻐﯘﭺ ﺭﻭﻝ ﺋﻮﻳﻨﺎﻳﺪﯨﻐﺎﻥ ﺋﺎﻣﯩﻠﻼﺭ ﺑﻮﻟﯘﭘﻼ ﻗﺎﻟﻤﺎﻱ. ﺑﯘ ﻳﻪﻧﻪ ﺩﯗﻧﻴﺎﻧﯩﯔ ﺳﯩﻴﺎﺳﯩﻲ ﺟﯘﻏﺮﺍﭘﯩﻴﯩﻠﯩﻚ ﺗﻪﯕﭙﯘﯕﻠﯘﻗﯩﺪﺍ ﻫﻪﻝ ﻗﯩﻠﻐﯘﭺ ﺭﻭﻝ ﺋﻮﻳﻨﺎﻳﺪﯨﻐﺎﻥ ﺋﺎﻣﯩﻠﻼﺭﻧﯩﯔ ﺑﯩﺮﯨﺪﯗﺭ. ﺑﯘ ﺳﻪﯞﻩﺑﻠﻪﺭ ﺗﯜﭘﻪﻳﻠﻰ ﺭﯗﺳﯩﻴﻪ ﺭﻩﻫﺒﻪﺭﻟﯩﺮﯨﻨﯩﯔ ﺧﯩﺘﺎﻱ ﺯﯨﻴﺎﺭﯨﺘﻰ ﺩﺍﺋﯩﻢ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﻰ ﺩﯨﻘﻘﻪﺕ ﻗﯩﻠﯩﺪﯨﻐﺎﻥ ﻣﻪﺳﯩﻠﻪ ﺑﻮﻟﯘﭖ ﻛﻪﻟﺪﻯ. ﺑﯘ ﻗﯧﺘﯩﻢ ﭘﺮﯦﺰﯨﺪﯦﻨﺖ ﻣﯧﺪﯞﯦﺪﯦﯟﻧﯩﯔ ﯞﻩﺯﯨﭙﯩﮕﻪ ﺋﻮﻟﺘﯘﺭﻏﺎﻧﺪﯨﻦ ﻛﯧﻴﯩﻨﻜﻰ ﺗﯘﻧﺠﻰ ﭼﻪﺗﺌﻪﻝ ﺳﻪﭘﯩﺮﯨﻨﻰ ﺧﯩﺘﺎﻳﺪﺍ ﺋﯧﻠﯩﭗ ﺑﺎﺭﻏﺎﻧﻠﯩﻘﻰ ﺗﻪﺭﻩﭘﻠﻪﺭﻧﯩﯔ ﺋﺎﻻﻫﯩﺪﻩ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ ﺋﯩﺪﻯ.

ﮔﻪﺭﭼﻪ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﺍ ﻣﯧﺪﯞﯦﺪﯦﯟ ﺑﯩﻠﻪﻥ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﯩﯔ ﺋﯘﭼﺮﺍﺷﻘﺎﻧﻠﯩﻘﻰ، ﺳﯚﻫﺒﻪﺕ ﺋﯚﺗﻜﯜﺯﮔﻪﻧﻠﯩﻜﻰ ﻛﯚﭖ ﺗﻪﻛﯩﺘﻠﻪﻧﮕﻪﻥ، ﻟﯧﻜﯩﻦ ﺳﯚﻫﺒﻪﺗﻨﯩﯔ ﺗﻪﭘﺴﯩﻠﯩﻲ ﻣﻪﺯﻣﯘﻧﻰ ﺗﯩﻠﻐﺎ ﺋﯧﻠﯩﻨﻤﺎﻱ، ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﯨﺘﯩﺪﯨﻜﻰ " ﺋﯩﺠﺎﺑﯩﻲ" ﺗﻪﺭﻩﭘﻠﻪﺭ ﺋﻪﻛﺲ ﺋﻪﺗﺘﯜﺭﯛﻟﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺧﯩﺘﺎﻱ - ﺭﯗﺳﯩﻴﻪ ﻣﯘﻧﺎﺳﯩﯟﯨﺘﯩﻨﯩﯔ " ﻧﯘﻗﺴﺎﻧﺴﯩﺰ" ﯞﻩ " ﮔﯜﻝ - ﮔﯜﻟﯩﺴﺘﺎﻥ"ﮔﻪ ﭘﯜﺭﻛﻪﻧﮕﻪﻧﻠﯩﻜﯩﺪﯨﻦ ﺩﯦﺮﻩﻙ ﺑﻪﺭﻣﻪﻳﺘﺘﻰ.

"ﺧﯩﺘﺎﻱ ‏ - ﺭﯗﺳﯩﻴﻪ ﻣﯘﻧﺎﺳﯩﯟﯨﺘﻰ ﺋﯩﺨﺘﯩﻼﭖ ﯞﻩ ﺗﻮﺳﺎﻟﻐﯘﻻﺭﻏﺎ ﺩﯗﭺ ﻛﯧﻠﯩﯟﺍﺗﯩﺪﯗ "

ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﻧﯩﯔ ﺯﯨﻴﺎﺭﻩﺕ ﻣﻪﺯﮔﯩﻠﯩﺪﯨﻜﻰ ﺧﻪﯞﻩﺭﻟﯩﺮﯨﺪﻩ ﺧﯩﺘﺎﻱ ‏ - ﺭﯗﺳﯩﻴﻪ ﻣﯘﻧﺎﺳﯩﯟﯨﺘﯩﺪﯨﻜﻰ ﺋﯩﺨﺘﯩﻼﭘﻼﺭﻏﺎ ﻳﻪﺭ ﺑﯧﺮﯨﻠﮕﻪﻥ ﺑﻮﻟﯘﭖ، ﺑﯘ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﯨﻜﻰ " ﺋﯩﺠﺎﺑﯩﻲ" ﺧﻪﯞﻩﺭﻟﻪﺭ ﺑﯩﻠﻪﻥ ﺭﻭﺷﻪﻥ ﺳﯧﻠﯩﺸﺘﯘﺭﻣﺎ ﺑﻮﻻﻻﻳﺘﺘﻰ. ﺷﯩﻨﺨﯘﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ 24‏ - ﻣﺎﻳﺪﯨﻜﻰ ﺑﯩﺮ ﺧﻪﯞﯨﺮﯨﺪﻩ ﺭﯗﺳﯩﻴﻪ - ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﯩﯔ ﺳﯚﻫﺒﯩﺘﯩﻨﻰ ﻣﯘﻧﺪﺍﻕ ﺧﻪﯞﻩﺭ ﻗﯩﻠﯩﺪﯗ، "ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﺋﯩﻜﻜﻰ ﺩﯙﻟﻪﺕ ﺭﻩﻫﺒﯩﺮﻯ ﺧﯩﺘﺎﻱ - ﺭﯗﺳﯩﻴﻪ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺷﯧﺮﯨﻜﻠﯩﻚ ﻣﯘﻧﺎﺳﯩﯟﯨﺘﯩﻨﯩﯔ ﻗﯘﺭﯗﻟﻐﺎﻧﻠﯩﻘﻰ ﯞﻩ ﺗﻪﺭﻩﻗﻘﯩﻴﺎﺗﯩﻐﺎ ﻳﯘﻗﯩﺮﻯ ﺑﺎﻫﺎ ﺑﻪﺭﺩﻯ. ﻣﯘﻧﺎﺳﯩﯟﻩﺗﻨﻰ ﺩﺍﯞﺍﻣﻼﺷﺘﯘﺭﯗﺵ، ﺋﯜﺯﻟﯜﻛﺴﯩﺰ ﺗﯩﺮﯨﺸﯩﺶ، ﺧﯩﺘﺎﻱ - ﺭﯗﺳﯩﻴﻪ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺷﯧﺮﯨﻜﻠﯩﻚ ﻣﯘﻧﺎﺳﯩﯟﯨﺘﯩﻨﻰ ﺗﯧﺨﯩﻤﯘ ﻳﺎﺧﺸﻰ ﺋﺎﻟﻐﺎ ﺳﯜﺭﯛﺷﻜﻪ ﻗﻮﺷﯘﻟﺪﻯ."

ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺑﯘ ﻫﻪﻗﺘﯩﻜﻰ ﺧﻪﯞﻩﺭﻟﯩﺮﯨﺪﻩ ﺧﯩﺘﺎﻱ ‏ - ﺭﯗﺳﯩﻴﻪ ﺋﺎﺭﯨﺴﯩﺪﯨﻜﻰ ﻣﻪﺳﯩﻠﻪ ﯞﻩ ﺯﯨﺪﺩﯨﻴﻪﺗﻠﻪﺭ ﺧﻪﯞﻩﺭ ﻗﯩﻠﯩﻨﻤﺎﻱ، ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﯨﺘﯩﻨﯩﯔ ﺗﻮﺳﺎﻟﻐﯘﺳﯩﺰ ﻛﯧﺘﯩﯟﺍﺗﻘﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ. ﻟﯧﻜﯩﻦ ﺷﯘ ﻣﻪﺯﮔﯩﻠﻨﯩﯔ ﺋﯚﺯﯨﺪﻩ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭ ﺧﯩﺘﺎﻱ ‏ - ﺭﯗﺳﯩﻴﻪ ﻣﯘﻧﺎﺳﯩﯟﯨﺘﯩﻨﯩﯔ ﻧﯘﺭﻏﯘﻥ ﺋﯩﺨﺘﯩﻼﭖ ﯞﻩ ﺗﻮﺳﺎﻟﻐﯘﻻﺭﻏﺎ ﺩﯗﭺ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﻐﺎﻥ ﺋﯩﺪﻯ. ﺑﯘ ﻣﻪﺗﺒﯘﺋﺎﺗﻼﺭ ﺋﻮﺗﺘﯘﺭﯨﺪﯨﻜﻰ ﺋﯩﺨﺘﯩﻼﭘﻼﺭﻧﯩﯔ ﺳﻮﺩﯨﺪﯨﻜﻰ ﺗﻪﺗﯜﺭ ﺭﻩﻗﻪﻡ، ﺳﯧﺒﯩﺮﯨﻴﻪ ﻧﯧﻔﯩﺖ ﺗﯘﺭﯗﺑﺎ ﻳﻮﻟﻰ، ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯ ﺑﺎﻫﺎﺳﻰ، ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﻧﯧﻔﯩﺖ - ﺗﻪﺑﺌﯩﻲ ﮔﺎﺯ ﺭﯨﻘﺎﺑﯩﺘﻰ، ﺭﯗﺳﯩﻴﻪ ﻗﻮﺭﺍﻝ - ﻳﺎﺭﺍﻗﻠﯩﺮﯨﻨﯩﯔ ﭘﺎﺗﯧﻨﯩﺖ ﻫﻮﻗﯘﻗﻰ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ.

"ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ ﺋﻮﺗﺘﯘﺭﺍ ﺋﺎﺳﯩﻴﺎﻧﯩﯔ ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯﻯ ﺋﯜﭼﯜﻥ ﺭﯨﻘﺎﺑﻪﺗﻠﻪﺷﻤﻪﻛﺘﻪ"

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻰ 24‏ - ﻣﺎﻳﺪﯨﻜﻰ ﺑﯩﺮ ﺧﻪﯞﯨﺮﯨﺪﻩ " ﺩﯨﭙﻠﻮﻣﺎﺗﯩﻚ ﻫﻪﻣﻜﺎﺭﻟﯩﻖ ﺭﯗﺳﯩﻴﯩﻨﯩﯔ ﺧﯩﺘﺎﻳﺪﯨﻦ ﺋﻪﻧﺴﯩﺮﻩﺵ ﯞﻩ ﻫﻪﺭﺑﯩﻲ ﻳﺎﺭﺍﻗﻼﺭ ﯞﻩ ﺋﯧﻨﯧﺮﮔﯩﻴﻪ ﺳﻮﺩﯨﺴﯩﺪﯨﻜﻰ ﺋﯩﺨﺘﯩﻼﭘﻼﺭﻧﻰ ﻳﯧﭙﯩﭗ ﻛﻪﺗﻜﻪﻧﻠﯩﻜﻰ"ﻧﻰ ﺗﻪﻛﯩﺘﻠﯩﮕﻪﻥ. ﻳﻪﻧﻪ ﺑﯩﺮ ﺧﻪﯞﻩﺭﺩﻩ "ﺧﯩﺘﺎﻱ ‏ - ﺭﯗﺳﯩﻴﻪ ﺋﺎﺭﯨﺴﯩﺪﯨﻜﻰ ﻣﯘﻫﯩﻢ ﺋﯩﺨﺘﯩﻼﭘﻼﺭﻧﯩﯔ ﺑﯩﺮﻯ ﺧﯩﺘﺎﻳﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺗﻪﺳﯩﺮ ﻛﯜﭼﯩﻨﯩﯔ ﺋﯜﺯﻟﯜﻛﺴﯩﺰ ﻛﯧﯖﯩﻴﯩﯟﺍﺗﻘﺎﻧﻠﯩﻘﻰ "ﺩﻩﻳﺪﯗ. ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﻣﯧﺪﯞﯦﺪﯦﯟﻧﯩﯔ ﺯﯨﻴﺎﺭﯨﺘﻰ ﻣﻪﺯﮔﯩﻠﯩﺪﻩ ﺋﯧﻼﻥ ﻗﯩﻠﻐﺎﻥ ﺑﯩﺮ ﺧﻪﯞﯨﺮﯨﺪﻩ "ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ ﺋﻮﺗﺘﯘﺭﺍ ﺋﺎﺳﯩﻴﺎﻧﯩﯔ ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯ ﺯﺍﭘﯩﺴﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺭﯨﻘﺎﺑﻪﺗﻠﻪﺷﻤﻪﻛﺘﻪ " ﺩﻩﭖ ﺗﻪﻛﯩﺘﻠﯩﮕﻪﻥ.

ﺧﯩﺘﺎﻱ ﺭﯗﺳﯩﻴﯩﻨﯩﯔ ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯ ﺑﺎﻳﻠﯩﻘﯩﻐﺎ ﺟﯩﺪﺩﯨﻲ ﺋﯧﻬﺘﯩﻴﺎﺝ ﺗﯘﻳﯘﯞﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺭﯗﺳﯩﻴﻪ ﺑﯩﻠﻪﻥ ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯﻧﯩﯔ ﺗﻪﻧﻨﻪﺭﻗﯩﺪﻩ ﻛﯧﻠﯩﺸﻪﻟﻤﻪﻱ ﻛﯧﻠﯩﯟﺍﺗﻘﺎﻥ ﺋﯩﺪﻯ. ﺋﺎﻣﯧﺮﯨﻜﺎ "ﺩﻩﯞﺭ" ﮊﯗﺭﻧﯩﻠﯩﻨﯩﯔ ﺋﺎﻟﺪﯨﻨﻘﻰ ﻛﯜﻧﻜﻰ ﺳﺎﻧﯩﺪﺍ ﭼﯩﻘﻘﺎﻥ ﺑﯩﺮ ﻣﺎﻗﺎﻟﯩﺪﻩ ﺑﯩﺮ ﺧﯩﺘﺎﻱ ﺋﻪﻣﻪﻟﺪﺍﺭﯨﻨﯩﯔ "ﺑﯩﺰ ﺭﯗﺳﯩﻴﯩﻠﯩﻜﻠﻪﺭﻧﯩﯔ ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯﯨﻐﺎ ﻧﺎﻫﺎﻳﯩﺘﻰ ﺋﯧﻬﺘﯩﻴﺎﺝ. ﺑﯩﺰ ﻫﺎﺯﯨﺮ ﺋﯧﻬﺘﯩﻴﺎﺝ ﺑﻮﻟﯘﯞﺍﺗﯩﻤﯩﺰ، ﻛﻪﻟﮕﯜﺳﯩﺪﻩ ﻳﻪﻧﻪ ﺋﯧﻬﺘﯩﻴﺎﺝ ﺑﻮﻟﯩﻤﯩﺰ. ﻟﯧﻜﯩﻦ ﺑﯩﺰ ﻣﻮﺳﻜﯟﺍ ﺑﯩﻠﻪﻥ ﻛﯧﻠﯩﺸﯩﻢ ﺗﯜﺯﻩﻟﻤﻪﻳﯟﺍﺗﯩﻤﯩﺰ" ﺩﻩﭖ ﺗﻪﻛﯩﺘﻠﯩﮕﻪﻧﻠﯩﻜﻰ، ﺑﯘﻧﯩﯖﺪﺍ "ﺑﺎﻫﺎ ﺋﺎﻣﯩﻠﯩﻨﯩﯔ ﺭﻭﻟﻰ ﺑﺎﺭﻟﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﺑﯘ ﻛﯧﻠﯩﺸﻪﻟﻤﻪﺳﻠﯩﻚ ﺳﯧﺒﯩﺮﯨﻴﻪ - ﺩﺍﭼﯩﯔ ﻧﯧﻔﯩﺖ ﺗﯘﺭﯗﺑﯩﺴﯩﻨﯩﯔ ﻫﺎﺯﯨﺮﻏﺎ ﻗﻪﺩﻩﺭ ﻛﯧﭽﯩﻜﯩﺸﯩﺪﯨﻜﻰ ﻣﯘﻫﯩﻢ ﺳﻪﯞﻩﺑﻠﻪﺭﻧﯩﯔ ﺑﯩﺮﻯ، ﺩﻩﭖ ﻗﺎﺭﺍﻟﻤﺎﻗﺘﺎ. "ﺩﻩﯞﺭ   "ﮊﯗﺭﻧﯩﻠﯩﺪﯨﻜﻰ ﻣﺎﻗﺎﻟﯩﺪﻩ ﺭﯗﺳﯩﻴﯩﻨﯩﯔ ﺧﯩﺘﺎﻳﻨﻰ ﻧﯧﻔﯩﺖ - ﺗﻪﺑﺌﯩﻲ ﮔﺎﺯ ﺑﯩﻠﻪﻥ ﻳﺎﯞﺭﻭﭘﺎ ﺋﻪﻟﻠﯩﺮﯨﮕﻪ ﺳﺎﺗﻘﺎﻥ ﺑﺎﻫﺎﺩﺍ ﺗﻪﻣﯩﻨﻠﯩﻤﻪﻛﭽﻰ ﺑﻮﻟﻐﺎﻧﻠﯩﻘﻰ، ﻟﯧﻜﯩﻦ ﺧﯩﺘﺎﻳﻨﯩﯔ ﺑﺎﻫﺎﺩﺍ ﺋﯧﺘﯩﺒﺎﺭ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

" ﺧﯩﺘﺎﻳﺪﺍ ﻧﯧﻤﻪ ﺋﯩﺸﻼﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﻫﯧﭽﻜﯩﻢ ﺑﯩﻠﻤﻪﻳﺪﯗ ؟"

ﻫﻪﺭﺑﯩﻲ ﺋﯩﺸﻼﺭﺩﺍ ﺧﯩﺘﺎﻱ ﺭﯗﺳﯩﻴﯩﻨﯩﯔ ﺋﻪﯓ ﭼﻮﯓ ﻗﻮﺭﺍﻝ - ﻳﺎﺭﺍﻗﻼﺭ ﺧﯧﺮﯨﺪﺍﺭﻯ ﺋﯩﺪﻯ. ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﻣﯧﺪﯞﯦﺪﯦﯟ ﺑﯧﻴﺠﯩﯖﺪﯨﻜﻰ ﻣﻪﺯﮔﯩﻠﺪﻩ ﺑﻪﺭﮔﻪﻥ ﺑﯩﺮ ﺧﻪﯞﯨﺮﯨﺪﻩ " ﺧﯩﺘﺎﻱ - ﺭﯗﺳﯩﻴﻪ ﻫﻪﺭﺑﯩﻲ ﻳﺎﺭﺍﻗﻼﺭ ﺳﻮﺩﯨﺴﯩﺪﺍ ﺭﯗﺳﯩﻴﻪ ﺧﯩﺘﺎﻳﻐﺎ ﺳﺎﺗﻘﺎﻥ ﺋﯘﺭﯗﺵ ﺋﺎﻳﺮﯗﭘﯩﻼﻧﻰ ﯞﻩ ﺑﻪﺯﻯ ﻗﻮﺭﺍﻟﻼﺭﻧﻰ ﺧﯩﺘﺎﻳﻨﯩﯔ ﺭﯗﺧﺴﻪﺗﺴﯩﺰ ﺋﯩﺸﻠﻪﭘﭽﯩﻘﺎﺭﻏﺎﻧﻠﯩﻘﻰ ﯞﻩ ﺑﯘ ﺭﯗﺳﯩﻴﯩﻨﯩﯔ ﺋﺎﭼﭽﯩﻘﯩﻨﻰ ﻛﻪﻟﺘﯜﺭﮔﻪﻧﻠﯩﻜﻰ"ﻧﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ.

ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ 23 ‏ - ﻣﺎﻳﺪﯨﻜﻰ ﺑﯩﺮ ﺧﻪﯞﯨﺮﯨﺪﻩ "ﻣﻮﺳﻜﯟﺍﺩﯨﻜﻰ ﺑﻪﺯﻯ ﺋﻪﻣﻪﻟﺪﺍﺭﻻﺭﻧﯩﯔ ﺋﻪﻧﺴﯩﺮﻩﺷﻜﻪ ﺑﺎﺷﻠﯩﻐﺎﻧﻠﯩﻘﻰ، ﭼﯜﻧﻜﻰ ﺭﯗﺳﯩﻴﻪ ﺧﯩﺘﺎﻳﻐﺎ ﺳﺎﺗﯩﺪﯨﻐﺎﻥ ﻗﻮﺭﺍﻝ - ﻳﺎﺭﺍﻗﻼﺭﻧﻰ ﻛﯚﭘﻪﻳﺘﺴﻪ، ﺑﯘ ﺧﯩﺘﺎﻳﻨﯩﯔ ﺭﯗﺳﯩﻴﻪ ﻫﻪﺭﺑﯩﻲ ﻗﻮﺭﺍﻟﻼﺭ ﻣﻪﺧﭙﯩﻴﻪﺗﻠﯩﻜﯩﻨﻰ ﺋﯩﮕﯩﻠﯩﯟﯦﻠﯩﺸﯩﻐﺎ ﻳﻮﻝ ﺋﺎﭼﯩﺪﯗ" ﺩﻩﭖ ﻗﺎﺭﺍﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺭﯗﺳﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺋﺎﻟﺪﯨﻨﻘﻰ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺑﯩﺮ ﻣﺎﻗﺎﻟﯩﺪﻩ ﺭﯗﺳﯩﻴﯩﻨﯩﯔ ﺑﯘ ﺟﻪﻫﻪﺗﺘﯩﻜﻰ ﺋﻪﻧﺪﯨﺸﯩﻠﯩﺮﯨﻨﻰ ﺗﯩﻠﻐﺎ ﺋﺎﻟﺪﻯ. ﻣﺎﻗﺎﻟﯩﺪﻩ ﻣﯧﺪﯞﯦﺪﯦﯟ ﺑﯧﻴﺠﯩﯖﺪﯨﻜﻰ ﻣﻪﺯﮔﯩﻠﯩﺪﻩ "ﻣﯘﺧﺒﯩﺮﻻﺭﻧﯩﯔ ﺗﺎﺯﺍ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﯩﻐﺎﻥ ﻣﻪﺳﯩﻠﻪ ﺧﯩﺘﺎﻱ ‏ - ﺭﯗﺳﯩﻴﻪ ﻫﻪﺭﺑﯩﻲ ﺗﯧﺨﻨﯩﻜﺎ ﻫﻪﻣﻜﺎﺭﻟﯩﻘﯩﺪﯗﺭ " ﺩﻩﭖ ﻛﯚﺭﺳﻪﺗﺘﻰ. ﻣﺎﻗﺎﻟﯩﺪﻩ ﺭﯗﺳﯩﻴﯩﻨﯩﯔ ﺧﯩﺘﺎﻱ ﺑﯩﻠﻪﻥ ﻗﻮﺭﺍﻝ - ﻳﺎﺭﺍﻗﻼﺭ ﺳﻮﺩﺍ ﻛﯧﻠﯩﺸﯩﻤﻰ ﺋﯩﻤﺰﺍﻻﺷﻘﺎ ﺋﺎﻟﺪﯨﺮﻣﺎﺳﻠﯩﻘﯩﺪﯨﻜﻰ ﺳﻪﯞﻩﺑﻠﻪﺭﻧﻰ ﭼﯜﺷﻪﻧﺪﯛﺭﯛﭖ، " ﺋﯚﺯ ﯞﺍﻗﺘﯩﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﻰ ﯞﻩ ﺭﯗﺳﯩﻴﯩﮕﻪ ﭼﻮﻗﯘﻧﻐﺎﻥ ﻫﺎﺯﯨﺮﻗﻰ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﯩﯔ ﺋﻮﺭﻧﯩﻐﺎ ﻛﻪﻟﮕﯜﺳﯩﺪﻩ ﻳﯧﯖﻰ ﺭﻩﻫﺒﻪﺭﻟﻪﺭ ﭼﯩﻘﺴﺎ، ﺧﯩﺘﺎﻳﺪﺍ ﻧﯧﻤﻪ ﺋﯩﺸﻼﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﻫﯧﭽﻜﯩﻢ ﺑﯩﻠﻤﻪﻳﺪﯗ ؟" ﺩﻩﭖ ﻳﺎﺯﺩﻯ.

" ﻗﺎﺯﺍﻗﯩﺴﺘﺎﻥ ﻣﻮﺳﻜﯟﺍﻧﯩﯔ ﺋﯧﻨﯧﺮﮔﯩﻴﻪ ﻗﺎﺭﺍ ﻧﯩﻴﯩﺘﯩﻨﯩﯔ ﺋﯩﭽﯩﺪﯨﻜﻰ ﺑﯩﺮ ﺟﺎﻱ"

ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭ ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ ﺋﺎﺭﯨﺴﯩﺪﯨﻜﻰ ﺋﯩﺨﺘﯩﻼﭘﻼﺭﻧﯩﯔ ﺗﯧﮕﯩﺪﻩ ﺑﯘ ﺋﯩﻜﻜﻰ ﺩﯙﻟﻪﺗﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺭﯨﻘﺎﺑﯩﺘﻰ ﻳﺎﺗﻘﺎﻧﻠﯩﻘﻰ، ﺭﯗﺳﯩﻴﻪ ﺧﯩﺘﺎﻳﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﭘﺎﺋﺎﻟﯩﻴﯩﺘﯩﺪﯨﻦ ﺑﯩﺌﺎﺭﺍﻡ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ. ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺑﯘ ﻫﻪﻗﺘﯩﻜﻰ ﺑﯩﺮ ﺧﻪﯞﯨﺮﯨﺪﻩ ﻣﯘﻧﺪﺍﻕ ﺩﻩﻳﺪﯗ، " ﻣﯧﺪﯞﯦﺪﯦﯟﻧﯩﯔ ﺧﯩﺘﺎﻱ ﺳﻪﭘﯩﺮﯨﺪﻩ ﻗﺎﺯﺍﻗﯩﺴﺘﺎﻧﺪﺍ ﺗﻮﺧﺘﺎﭖ ﺋﯚﺗﻜﻪﻧﻠﯩﻜﻰ، ﺑﯧﻴﺠﯩﯔ ﯞﻩ ﻏﻪﺭﺏ ﺋﻪﻟﻠﯩﺮﯨﻨﯩﯔ ﺳﻪﻣﯩﮕﻪ ﺷﯘﻧﻰ ﺳﯧﻠﯩﺸﻨﻰ ﻣﻪﻗﺴﻪﺕ ﻗﯩﻠﯩﺪﯗ : ﺭﯗﺳﯩﻴﻪ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﺗﯧﺮﺭﯨﺘﻮﺭﯨﻴﯩﺴﯩﺪﯨﻜﻰ ﺑﯘ ﺯﯦﻤﯩﻨﻼﺭﻧﻰ ﺭﯗﺳﯩﻴﯩﻨﯩﯔ ﺋﺎﺭﻗﺎ ﻫﻮﻳﻠﯩﺴﻰ ﺩﻩﭖ ﻗﺎﺭﺍﻳﺪﯗ ".

ﺧﯩﺘﺎﻱ ﻫﺎﺯﯨﺮﻏﺎ ﻗﻪﺩﻩﺭ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺩﯙﻟﻪﺗﻠﻪﺭ ﺑﯩﻠﻪﻥ ﺑﯩﺮ ﻗﺎﺗﺎﺭ ﻛﯧﻠﯩﺸﯩﻤﻠﻪﺭﻧﻰ ﺗﯜﺯﯛﭖ، ﺭﺍﻳﻮﻧﺪﺍ ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯ ﻗﯧﺰﯨﺶ، ﺗﯘﺭﯗﺑﺎ ﻳﺎﺗﻘﯘﺯﯗﺵ ﻫﻮﻗﯘﻗﯩﻐﺎ ﺋﯩﮕﻪ ﺑﻮﻟﺪﻯ. ﺑﯘﻧﯩﯔ ﺗﯩﭙﯩﻚ ﻣﯩﺴﺎﻟﻰ ﺋﺎﺗﺎﺳﯘ - ﺋﺎﻻﺗﺎﯞ ﻧﯧﻔﯩﺖ ﺗﯘﺭﯗﺑﺎ ﻳﻮﻟﻰ ﯞﻩ ﺧﯩﺘﺎﻱ - ﻗﺎﺯﺍﻗﯩﺴﺘﺎﻥ ﺗﻪﺑﺌﯩﻲ ﮔﺎﺯ ﺗﯘﺭﯗﺑﺎ ﻳﻮﻟﻰ ﻗﯘﺭﯗﻟﯘﺷﻰ ﺷﯘﻧﺪﺍﻗﻼ ﺗﯜﺭﻛﻤﻪﻧﯩﺴﺘﺎﻥ ﺑﯩﻠﻪﻥ ﺋﯚﺗﻜﯜﺯﯛﯞﺍﺗﻘﺎﻥ ﺗﯜﺭﻛﻤﻪﻥ ﮔﺎﺯﯨﻨﻰ ﺧﯩﺘﺎﻳﻐﺎ ﺗﻮﺷﯘﺵ ﭘﯩﻼﻧﯩﻐﺎ ﺩﺍﺋﯩﺮ ﺳﯚﻫﺒﻪﺗﻠﻪﺭﺩﯗﺭ. "ﻧﻴﯘ ﻳﻮﺭﻙ ﯞﺍﻗﺘﻰ ﮔﯧﺰﯨﺘﻰ"ﻧﯩﯔ 24‏ - ﻣﺎﻳﺪﯨﻜﻰ ﺧﻪﯞﯨﺮﯨﺪﻩ " ﻣﯧﺪﯞﯦﺪﯦﯟﻧﯩﯔ ﺧﯩﺘﺎﻳﻨﻰ ﻗﺎﺯﺍﻗﯩﺴﺘﺎﻧﺪﯨﻦ ﻛﯧﻴﯩﻦ ﺯﯨﻴﺎﺭﻩﺕ ﻗﯩﻠﻐﺎﻧﻠﯩﻘﻰ، ﺑﯘ ﻣﻮﺳﻜﯟﺍﻧﯩﯔ ﻗﺎﺯﺍﻗﯩﺴﺘﺎﻧﻨﻰ ﺋﯚﺯ ﺋﯧﻨﯧﺮﮔﯩﻴﻪ ﻗﺎﺭﺍ ﻧﯩﻴﯩﺘﯩﻨﯩﯔ ﺋﯩﭽﯩﺪﯨﻜﻰ ﺑﯩﺮ ﺟﺎﻱ " ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ " ﺩﻩﭖ ﺗﻪﻛﯩﺘﻠﯩﮕﻪﻥ ﺋﯩﺪﻯ.

ﺭﯗﺳﯩﻴﻪ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﯩﯔ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﯨﻜﻰ ﺑﯘ ﺋﯩﺨﺘﯩﻼﭘﻼﺭﻧﻰ ﻗﺎﻧﭽﯩﻠﯩﻚ ﺳﯚﺯﻟﻪﺷﻜﻪﻧﻠﯩﻜﻰ ﻣﻪﻟﯘﻡ ﺋﻪﻣﻪﺱ. ﻟﯧﻜﯩﻦ ﻣﯧﺪﯞﯦﺪﯦﯟﻧﯩﯔ ﺧﯩﺘﺎﻱ ﺯﯨﻴﺎﺭﯨﺘﯩﺪﻩ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﻫﯧﭽﺒﯩﺮﻯ ﺭﯗﺳﯩﻴﻪ - ﺧﯩﺘﺎﻱ ﺋﺎﺭﯨﺴﯩﺪﯨﻜﻰ ﺑﯘ ﺋﯩﺨﺘﯩﻼﭘﻼﺭﻧﻰ ﺗﯩﻠﻐﺎ ﺋﺎﻟﻤﯩﺪﻯ. ﺧﯩﺘﺎﻳﺪﯨﻜﻰ ﻛﯩﺸﯩﻠﻪﺭ ﭘﻪﻗﻪﺕ ﺋﯩﻜﻜﻰ ﺗﻪﺭﻩﭘﻨﯩﯔ ﻗﻮﻣﺸﺎ ﺑﺎﻳﺎﻧﺎﺗﻰ ﯞﻩ ﻗﻮﺷﻤﺎ ﺋﺎﺧﺒﺎﺭﺍﺗﻰ ﺋﯧﻼﻥ ﻗﯩﻠﯩﻨﻐﺎﻧﺪﯨﻼ ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﯨﺘﯩﮕﻪ ﺩﺍﺋﯩﺮ ﻣﻪﺳﯩﻠﯩﻠﻪﺭﺩﻩ ﺑﯩﺮ ﺋﺎﺯ ﻳﯩﭗ ﺋﯘﭼﯩﻐﺎ ﺋﯧﺮﯨﺸﻜﻪﻥ ﺑﻮﻟﺪﻯ.