غۇلجا شەھەرلىك پارتكومنىڭ رابىيە قادىر خانىمغا قارشى تەشۋىقاتلىرى
2008.03.04
غۇلجا شەھەرلىك پارتكوم تەشۋىقات باشقارمىسى تەرىپىدىن نەشر قىلىنىدىغان " غۇلجا تەشۋىقاتى" ژۇرنالىنىڭ 2008 - يىلى يانۋار سانىدا، " رابىيە قادىر شىنجاڭدىكى ھەر مىللەت خەلقىگە بەخت ئېلىپ كېلەلەمدۇ"،" بىرلىكسەپ، دىن خىزمىتىنىڭ مەسئۇلىيىتى ئېغىر" قاتارلىق بىر نەچچە ماقالە ئېلان قىلىنغان بولۇپ، بۇ ماقالىلەردە خىتاي دائىرىلىرى سىزنىڭ چەتئەللەردە ئېلىپ بېرىۋاتقان پائالىيەتلىرىڭىزنى قاتتىق تەنقىد قىلىپ، بۇ پائالىيەتلەرنى، مىللەتلەر ئىتتىپاقلىقىغا بۇزغۇنچىلىق قىلىدىغان جىنايى ھەرىكەتلەر دەپ كۆرسەتكەن.
"رابىيە شىنجاڭدىكى ھەر مىللەت خەلقىگە بەخت ئېلىپ كېلەلەمدۇ" ماۋزۇلۇق ماقالىدە، "رابىيەنىڭ قىلغان ئەتكەنلىرى قانداقتۇر بىر دىنىي مەسىلە ئەمەس، مىللىي مەسىلىمۇ ئەمەس، بەلكى مىللەتلەر ئىتتىپاقلىقىغا ئېغىر بۇزغۇنچىلىق قىلىدىغان، دۆلەتنى پارچىلايدىغان جىنايى ھەرىكەت. بارلىق مىللىي بۆلگۈنچى ئۇنسۇرلارغا ئوخشاش رابىيە غەرب دۈشمەن كۈچلىرىنىڭ قوللىشى بىلەن ' دېموكراتىيە' ۋە ' كىشىلىك ھوقۇق' نىقابىنى كىيىۋېلىپ، ھەقىقەتنى بۇرمىلاپ، يامان غەرەز بىلەن، جۇڭگۇ ھۆكۈمىتىگە ھۇجۇم قىلىپ، شىنجاڭنى جۇڭگودىن ئايرىپ چىقىپ كەتمەكچى بولدى" دەپ كۆرسىتىلگەن.
" بىرلىكسەپ، دىن خىزمىتىنىڭ مەسئۇلىيىتى ئېغىر" سەرلەۋھىلىك ماقالىدە، "رابىيە قادىر، دۆلەتنى پارچىلاش سۈيىقەستىدە بولغاچقا، ھۆكۈمەت ئۇنى تۇتۇپ قانۇنىي مەسئۇلىيىتىنى سۈرۈشتە قىلغان ئىدى. ئۇ چەتئەلگە چىققاندىن كېيىن، ئامېرىكا باشچىلىقىدىكى غەرب دۈشمەن كۈچلىرىنىڭ تەسىرىدە دۆلەتنى پارچىلاش، مىللەتلەر ئىتتىپاقلىقىغا ۋە ئىجتىمائىي مۇقىملىققا بۇزغۇنچىلىق قىلىش سۈيىقەستىدە بولغان. بولۇپمۇ 2007-يىلى ئامېرىكا پرېزىدېنتى بۇش بىلەن ئۇچراشقاندىن كېيىن، دۆلەتنى پارچىلاش ھەرىكىتى تېخىمۇ جىددىيلىشىپ، بارغانسېرى غالجىرلاشقان. ئۇ ھەممىلا يەردە ئىغۋا تارقىتىپ، باشقىلارنى ئۆزىگە تارتقان. بىز ۋەزىيەتنى ئېنىق تونۇپ، كەڭ خەلق ئاممىسىغا ئۇنىڭ ئەكسىيەتچىل ماھىيىتىنى تونۇتۇپ، رابىيە قادىرنىڭ ئالدامچىلىقىنى ئاشكارىلىشمىز كېرەك" دەپ تەكىتلەنگەن.
يۇقىرىدىكى ئۇلىنىشتىن، مۇخبىرىمىز ئۆمەر قاناتنىڭ رابىيە قادىر خانىم بىلەن ئۆتكۈزگەن سۆھبىتىنىڭ مەزمۇنىنى دىققىتىڭلارغا سۇنىمىز.
مۇناسىۋەتلىك ماقالىلار
- خىتاي ھۆكۈمىتى، ئۇيغۇر ئېلىدە رابىيە قادىر خانىم ھەققىدە تەتۈر تەشۋىقاتنى كۈچەيتكەن
- رابىيە قادىر خانىم ئاۋسترالىيە زىيارىتىنى غەلىبىلىك ئاخىرلاشتۇردى
- چەتئەللەردىكى كانادا كۇڭ زى ئىنىستىتۇتلىرى خىتاي كوممۇنىستلىرىنىڭ چۈمپەردىسى
- رابىيە قادىر خانىم بۈگۈن ئاۋسترالىيە زىيارىتى ئۈچۈن ۋاشىنگتوندىن يولغا چىقتى
- ئۇيغۇرلار رابىيە خانىم ھەققىدىكى كۆرۈنۈشلەرنى ۋە خەۋەرلەرنى ئارزۇ قىلىدۇ
- ئۇيغۇر مىللىي ھەرىكىتى رەھبىرى رابىيە قادىرنىڭ مۇراجىتى قازاقىستاندىكى ئۇيغۇرلاردا زور تەسىر قوزغىماقتا
- رابىيە قادىر خانىم گوللاندىيىدىكى ئۇيغۇرنىڭ پائالىيىتىنى جانلاندۇردى
- رابىيە قادىر خانىمنىڭ خىتاي ئەلچىخانىسىنىڭ ئىنكاسىغا جاۋابلىرى
- د ئۇ ق رەئىسى رابىيە قادىر خانىمنىڭ مۇراجىتى قازاقىستاندىكى بارلىق ئۇيغۇرلارنىڭ قىزغىن قوللاپ قۇۋۋەتلىشىگە ئېرىشتى
- ئالماتادا ئۇيغۇرلار كىشىلىك ھوقۇق كۈنىنى خاتىرىلىدى
- " رابىيە، ياپونىيەگە خۇش كەپسىز ! "
- رابىيە خانىم جەنۋەدە ياۋرۇپا پارلامېنتنىڭ كومىتېت مەسئۇللىرى بىلەن كۆرۈشتى