ﺧﯩﺘﺎﻱ ﺑﯩﻠﻪﻥ ﺗﻪﻳﯟﻩﻥ ﺋﻮﺗﺘﯘﺭﯨﺴﯩﺪﺍ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﻣﻪﺳﯩﻠﯩﺴﯩﺪﻩ ﻳﻪﻧﻪ ﻳﯧﯖﻰ ﺗﺎﻻﺵ -ﺗﺎﺭﺗﯩﺶ ﻳﯜﺯ ﺑﻪﺭﺩﻯ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯧﻴﺠﯩﯖﺪﺍ 2008 ‏- ﻳﯩﻠﻰ ﺋﯚﺗﻜﯜﺯﯨﻠﯩﺪﯨﻐﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺗﻪﻳﻴﺎﺭﻟﯩﻖ ﺧﯩﺰﻣﯩﺘﯩﺪﻩ، ﺧﯩﺘﺎﻳﺪﯨﻦ ﺗﻪﻳﯟﻩﻧﮕﻪ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻗﺎﻧﺪﺍﻕ ﺋﻪﻛﯩﻠﯩﺶ ﻣﻪﺳﯩﻠﯩﺴﯩﻼ ﺗﯧﺨﯩﭽﻪ ﻫﻪﻝ ﺑﻮﻟﻤﯩﻐﺎﻥ ﻣﻪﺳﯩﻠﻪ. ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺗﻪﻳﯟﻩﻧﮕﻪ 'ﺟﯘﯕﮕﻮﻧﯩﯔ ﺑﯩﺮ ﺋﯚﻟﻜﯩﺴﻰ' ﺩﯦﮕﻪﻥ ﻧﺎﻡ ﺑﯩﻠﻪﻥ ﺋﻪﻛﻪﻟﻤﻪﻛﭽﻰ، ﺗﻪﻳﯟﻩﻧﺪﻩ ﻫﺎﺯﯨﺮ ﻫﻮﻗﯘﻕ ﺗﯘﺗﯘﯞﺍﺗﻘﺎﻥ ﻣﯩﻨﺠﯩﻨﺪﺍﯓ ﭘﺎﺭﺗﯩﻴﯩﺴﻰ 'ﺗﻪﻳﯟﻩﻥ' ﺩﯦﮕﻪﻥ ﺩﯙﻟﻪﺕ ﻧﺎﻣﻰ ﺑﯩﻠﻪﻥ ﺋﯧﻠﯩﭗ ﻛﯧﻠﯩﻨﻤﯩﺴﻪ ﻗﻮﺷﯘﻟﻤﺎﻳﺪﯗ. ﺗﻪﻳﯟﻩﻧﺪﯨﻜﻰ ﺋﯚﻛﺘﯩﭽﻰ ﭘﺎﺭﺗﯩﻴﻪ‏-‏-‏- ﮔﻮﻣﯩﻨﺪﺍﯓ ﺑﻮﻟﺴﺎ 'ﺟﯘﯕﺨﯘﺍ ﻣﯩﻨﮕﻮ' ﺩﯦﮕﻪﻥ ﻧﺎﻡ ﺑﯩﻠﻪﻥ ﺋﻪﻛﯩﻠﯩﺸﻜﻪ ﻗﻮﺷﯘﻟﯩﺪﯗ.

ﺏ ﺏ ﺱ ﻧﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯜﮔﯜﻥ ، 9 ‏- ﺋﺎﻳﻨﯩﯔ 11‏- ﻛﯜﻧﻰ، ﭘﯜﺗﯜﻥ ﺩﯗﻧﻴﺎ ﺋﯜﭼﯜﻥ ﺳﻪﺯﮔﯜﺭ ﺑﯩﺮ ﻛﯜﻧﺪﻩ ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﻳﯟﻩﻧﮕﻪ ﻳﻪﻧﻪ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺋﯧﻠﯩﭗ ﻣﯧﯖﯩﻠﻐﺎﻧﺪﺍ 25 ﻛﯩﻠﻮﻣﯧﺘﯩﺮ ﺩﺍﺋﯩﺮﯨﺪﻩ 'ﺟﯘﯕﺨﯘﺍ ﻣﯩﻨﮕﻮ' ﻳﺎﻛﻰ ﺑﺎﺷﻘﺎ ﺑﯩﺮﺧﯩﻞ ﺩﯙﻟﻪﺕ ﺑﺎﻳﺮﯨﻘﻰ ، ﺩﯙﻟﻪﺕ ﮔﯩﺮﯨﺒﻰ ﻛﯚﺗﯜﺭﻣﻪﺳﻠﯩﻚ ﻳﺎﻛﻰ ﺗﻪﻳﯟﻩﻧﻨﯩﯔ ﻫﻪﺭ ﻗﺎﻧﺪﺍﻕ ﺷﻪﻛﯩﻠﺪﯨﻜﻰ 'ﺩﯙﻟﻪﺕ ﺷﯧﺌﯩﺮﻯ' ﺋﻮﻗﯘﻟﻤﺎﺳﻠﯩﻖ ﻛﯧﺮﻩﻙ، ﺩﯦﮕﻪﻥ ﺷﻪﺭﺗﻨﻰ ﻗﻮﻳﻐﺎﻥ. ﺗﻪﻳﯟﻩﻧﺪﯨﻜﻰ ﻫﻪﺭ ﺋﯩﻜﻜﻰ ﭘﺎﺭﺗﯩﻴﻪ ﺑﯘﻧﯩﯖﻐﺎ ﻗﺎﺭﯨﺘﺎ ﺋﯩﻨﻜﺎﺱ ﻗﺎﻳﺘﯘﺭﯗﭖ، ﺗﻪﻳﯟﻩﻧﻨﯩﯔ ﺋﻮﺭﻧﯩﻨﻰ ﻛﯩﭽﯩﻜﻠﯩﺘﯩﺸﻜﻪ ﻗﻪﺗﺌﯩﻲ ﻗﺎﺭﺷﻰ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺑﯘ ﺧﯩﺘﺎﻱ ﺑﯩﻠﻪﻥ ﺗﻪﻳﯟﻩﻥ ﺋﻮﺗﺘﯘﺭﯨﺴﯩﺪﺍ ﺑﯜﮔﯜﻥ ﻳﯜﺯ ﺑﻪﺭﮔﻪﻥ ﻳﻪﻧﻪ ﺑﯩﺮ ﻳﯧﯖﻰ ﺗﺎﻻﺵ -ﺗﺎﺭﺗﯩﺶ.

ﺗﻪﻳﯟﻩﻧﻠﯩﻜﻠﻪﺭ ﺗﻪﻳﺒﯧﻴﻨﻰ 'ﭼﯧﮕﺮﺍ ﺳﯩﺮﺗﯩﺪﯨﻜﻰ ﺷﻪﻫﻪﺭ' ﺩﯦﻴﯩﺸﻜﯩﻤﯘ ﻛﯚﻧﻤﯩﺪﻯ

ﻫﺎﺯﯨﺮ ﺗﻪﻳﯟﻩﻧﺪﻩ ﺗﯘﺭﯗﯞﺍﺗﻘﺎﻥ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺗﻪﻳﯟﻩﻧﮕﻪ ﺋﻪﻛﯩﻠﯩﺶ ﺋﺎﺭﻗﯩﻠﯩﻖ، ﻫﯧﭽﺒﻮﻟﻤﯩﻐﺎﻧﺪﺍ ﺗﻪﻳﯟﻩﻧﺪﯨﻜﻰ ﺗﻪﻳﺒﯧﻲ ﺷﻪﻫﯩﺮﯨﻨﻰ ﺧﯘﺩﺩﻯ ﺧﻮﯕﻜﻮﯓ، ﻣﺎﻛﺎﯞﻻﺭﻏﺎ ﺋﻮﺧﺸﺎﺵ 'ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺑﯩﺮ ﺷﻪﻫﯩﺮﻯ' ﺩﯦﮕﻪﻥ ﭘﺎﻛﯩﺘﻘﺎ ﺋﺎﻳﻼﻧﺪﯗﺭﯗﯞﺍﻟﻤﺎﻗﭽﻰ ﺑﻮﻟﯘﯞﺍﺗﯩﺪﯗ.

ﺷﯘﯕﻼﺷﻘﺎ ﺗﻪﻳﺒﯧﻲ ﺷﻪﻫﯩﺮﯨﻨﻰ 'ﭼﯧﮕﺮﺍ ﺳﯩﺮﺗﯩﺪﯨﻜﻰ ﺷﻪﻫﻪﺭ' ﺩﻩﭖ ﺋﺎﺗﺎﺷﻘﺎ ﻣﺎﻗﯘﻝ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﺪﻯ. ﺑﻪﺯﻯ ﺗﻪﻳﯟﻩﻧﻠﯩﻜﻠﻪﺭ ﺑﯘﻧﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ، ﺑﯘ ﻣﻪﺳﯩﻠﯩﺪﻩ 'ﻏﻪﻟﯩﺒﻪ ﻗﯩﻠﺪﯗﻕ' ﺩﯦﮕﻪﻥ ﻫﯧﺴﻴﺎﺗﻘﺎ ﻛﯧﻠﯩﯟﺍﺗﯩﺪﯗ. ﺋﻪﻣﻤﺎ ﺗﻪﻳﺒﯧﻲ ﺷﻪﻫﯩﺮﻯ 'ﭼﯧﮕﺮﯨﻨﯩﯔ ﺳﯩﺮﺗﯩﺪﯨﻜﻰ ﺷﻪﻫﻪﺭ' ﺩﻩﭖ ﺋﺎﺗﺎﻟﺴﺎ، ﺋﯘ ﻳﻪﻧﯩﻼ ﻫﯧﭽﺒﻮﻟﻤﯩﻐﺎﻧﺪﺍ ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺑﯩﺮ ﺷﻪﻫﯩﺮﻯ ﺑﻮﻟﯘﭖ ﻗﺎﻻﺗﺘﻰ، ﺋﯘﻻﺭ ﺑﯘﻧﻰ ﺋﻮﻳﻼﭖ ﻳﻪﻧﻪ ﻣﯘﺭﻩﺳﺴﻪﮔﻪ ﻛﯧﻠﯩﺸﻨﻰ ﺧﺎﻟﯩﻤﯩﺪﻯ.

ﺟﯩﻢ ﺗﯘﺭﺳﺎﯓ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺳﯧﻨﻰ ﺑﻮﺯﻩﻙ ﻗﯩﻠﯩﺪﯗ

ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﺴﯩﻨﻰ ﻗﺎﻳﺴﻰ ﺟﻪﻫﻪﺗﺘﯩﻦ ﻛﯜﺯﻩﺗﻤﻪﻳﻠﻰ، ﺋﯘ ﺑﯩﺮ ﻟﯜﻛﭽﻪﻙ. ﺳﻪﻥ ﺟﯩﻢ ﺗﯘﺭﺳﺎﯕﻼ، ﺋﯘ ﺳﯩﻨﻰ ﺑﻮﺯﻩﻙ ﻗﯩﻠﯩﺪﯗ. ﻣﺎﻧﺎ ﻫﺎﺯﯨﺮ ﻳﻪﻧﻪ ﺷﻪﺭﺕ ﻗﻮﻳﺪﻯ‏-‏-‏- ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺋﯚﺗﻜﻪﻥ ﺟﺎﻳﻨﯩﯔ 25 ﻛﯩﻠﻮﻣﯧﺘﺮ ﺋﻪﺗﺮﺍﭘﯩﺪﺍ 'ﺟﯘﯕﺨﯘﺍ ﻣﯩﻨﮕﻮ' ﺩﯦﮕﻪﻥ ﯞﻩ ﻳﺎﻛﻰ ﺑﺎﺷﻘﺎ ﺩﯙﻟﻪﺕ ﺑﺎﻳﺮﯨﻘﻰ' ، 'ﺩﯙﻟﻪﺕ ﮔﯩﺮﯨﺒﻰ'ﻧﻰ ﻛﯚﺗﯜﺭﻣﻪﺳﻠﯩﻚ ﻳﺎﻛﻰ ﺗﻪﻳﯟﻩﻧﻨﯩﯔ ﻫﻪﺭ ﻗﺎﻧﺪﺍﻕ ﺷﻪﻛﯩﻠﺪﯨﻜﻰ 'ﺩﯙﻟﻪﺕ ﺷﯧﺌﯩﺮﻯ' ﺋﻮﻗﯘﻟﻤﺎﺳﻠﯩﻖ ﻛﯧﺮﻩﻙ، ﺩﯦﮕﻪﻥ ﺷﻪﺭﺗﻨﻰ ﻗﻮﻳﺪﻯ.

ﻛﻮﻣﻤﯘﻧﯩﺴﺖ ﺳﺎﻗﭽﯩﻠﯩﺮﻯ ﭼﻮﯓ ﻗﯘﺭﯗﻗﻠﯘﻗﺘﺎ، ﺑﯩﺮ ﺑﻪﻟﮕﻪ ﻛﯚﺗﯜﺭﮔﻪﻥ ﻳﺎﻛﻰ ﺑﯩﺮﺧﯩﻞ ﺋﻮﺧﺸﯩﻤﺎﻳﺪﯨﻐﺎﻥ ﻧﺎﺧﺸﺎ ﺋﯧﻴﺘﻘﺎﻥ ﺋﺎﺩﻩﻣﻨﯩﻤﯘ ﺧﺎﻟﯩﻐﺎﻧﭽﻪ ﺗﯘﺗﯩﯟﻩﺭﮔﻪﻥ ﺑﯩﻠﻪﻥ، ﺗﻪﻳﯟﻩﻥ ﺩﯦﮕﻪﻥ ﺩﯦﻤﻮﻛﺮﺍﺗﯩﻚ ﺩﯙﻟﻪﺕ، ﻗﺎﻧﯘﻧﺪﺍ ﺑﻪﻟﮕﯩﻠﻪﻧﻤﯩﮕﻪﻥ ﻧﻪﺭﺳﯩﻨﻰ ﺑﺎﻧﺎ ﻗﯩﻠﯩﭗ ﺳﺎﻗﭽﯩﻼﺭ ﺧﺎﻟﯩﻐﺎﻧﭽﻪ ﺋﺎﺩﻩﻡ ﺗﯘﺗﺎﻟﻤﺎﻳﺪﯗ. ﺧﯩﺘﺎﻱ ﺑﯜﮔﯜﻥ ﻗﻮﻳﻐﺎﻥ ﺷﻪﺭﺗﻠﻪﺭﻧﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ، ﻫﻪﺗﺘﺎ ﮔﻮﻣﯩﻨﺪﺍﯕﻨﯩﯔ ﺭﻩﺋﯩﺴﻰ ﻣﺎ ﻳﯩﯖﺠﻴﯘﻣﯘ 'ﺋﻪﮔﻪﺭ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﻛﻪﻟﺴﻪ، ﻣﻪﻥ ﺟﯘﯕﺨﯘﺍ ﻣﯩﻨﮕﻮ ﺑﺎﻳﺮﯨﻘﯩﻨﻰ ﻛﯚﺗﯜﺭﯛﭖ ﺋﺎﻟﺪﯨﻐﺎ ﭼﯩﻘﯩﻤﻪﻥ' ﺩﻩﯞﺍﺗﯩﺪﯗ. ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﻳﺒﯧﻲ ﺷﻪﻫﯩﺮﯨﻨﻰ 'ﭼﯧﮕﺮﺍ ﺳﯩﺮﺗﯩﺪﯨﻜﻰ ﺷﻪﻫﻪﺭ'ﺩﻩﭖ ﺋﺎﺗﯩﺴﺎ، ﺟﯘﯕﮕﻮﻧﯩﯔ ﺷﻪﻫﻪﺭﻟﯩﺮﻯ ﺩﻩﭖ ﺋﺎﺗﯩﻠﯩﺪﯨﻐﺎﻥ ﺧﻮﯕﻜﻮﯓ، ﻣﺎﻛﺎﯞ ﺷﻪﻫﻪﺭﻟﯩﺮﯨﻨﯩﯔ ﺋﺎﻟﺪﯨﺪﺍ، ﺧﯩﺘﺎﻳﻨﯩﯔ ﻳﻪﻧﯩﻼ ﺋﺎﻏﺰﻯ ﺗﻮﺳﯘﻟﯘﭖ ﻗﺎﻟﯩﺪﯗ. ﻣﯩﻨﯩﯔ ﻗﺎﺭﯨﺸﯩﻤﭽﻪ، ‏-‏-‏- ﺩﻩﻳﺪﯗ ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﻯ، ‏-‏-‏- ﭘﯜﺗﯜﻥ ﺩﯗﻧﻴﺎﻧﯩﯔ ﺋﻮﻟﯩﻤﭙﯩﻚ ﺋﻪﻧﺌﻪﻧﯩﺴﻰ ﺑﯩﺮ ﻣﻪﺩﻩﻧﯩﻴﻪﺕ ، ﭘﻪﻗﻪﺕ ﺧﯩﺘﺎﻳﻐﺎ ﻛﻪﻟﮕﻪﻧﺪﯨﻼ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﺋﯘﻧﻰ ﺳﯩﻴﺎﺳﯩﻴﻼﺷﺘﯘﺭﯨﯟﺍﻟﺪﻯ. ﺋﻪﻣﺪﻯ ﺑﯘ ﻣﯘﻗﻪﺩﺩﻩﺱ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺧﯩﺘﺎﻳﺪﺍ ﺑﯩﺮ ﺗﯘﺗﯘﺭﯗﻕ ﺟﯩﻦ-ﺷﻪﻳﺘﺎﻥ ﺋﻮﺗﯩﻐﺎ ﺋﺎﻳﻼﻧﺪﯗﺭﯗﻟﺴﺎ ﺑﻮﻻﻣﺪﯗ؟

ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺗﺎﻻﺵ-ﺗﺎﺭﺗﯩﺸﻰ ﺗﻪﻳﯟﻩﻥ ﺑﻮﻏﯘﺯﯨﺪﯨﻜﻰ ﺋﯩﻜﻜﻰ ﺗﻪﺭﻩﭘﻨﯩﯔ ﻣﯘﻧﺎﺳﯩﯟﯨﺘﻰ ﻣﯘﻗﯩﻢ ﺋﻪﻣﻪﺳﻠﯩﻜﯩﻨﯩﯔ ﺋﯩﻨﻜﺎﺳﻰ

‏-‏-‏- ﻫﺎﺯﯨﺮﻗﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﻣﻪﺳﯩﻠﯩﺴﻰ ﺗﻪﻳﯟﻩﻥ ﺑﻮﻏﯘﺯﯨﺪﯨﻜﻰ ﺋﯩﻜﻜﻰ ﺗﻪﺭﻩﭘﻨﯩﯔ ﻣﯘﻧﺎﺳﯩﯟﯨﺘﻰ ﻣﯘﻗﯩﻢ ﺋﻪﻣﻪﺳﻠﯩﻜﯩﻨﯩﯔ ﺋﯩﻨﻜﺎﺳﻰ، ‏-‏-‏- ﺩﻩﭖ ﺑﺎﻳﺎﻥ ﻗﯩﻠﯩﺪﯗ ﺧﻮﯕﻜﻮﯕﺪﺍ ﭼﯩﻘﯩﺪﯨﻐﺎﻥ ' ﺷﻪﭘﻪ ' ﮊﯗﺭﻧﯩﻠﯩﻨﯩﯔ ﺑﺎﺵ ﻣﯘﻫﻪﺭﺭﯨﺮﻯ ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ ﻣﯘﻻﻫﯩﺰﯨﺴﯩﺪﻩ، ‏-‏ ﻫﺎﺯﯨﺮ ﻛﻮﻣﻤﯘﻧﯩﺴﺖ ﺧﯩﺘﺎﻱ ﺑﯘ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ ﺗﻪﻳﯟﻩﻧﻨﻰ ﺋﯚﺯﯨﻨﯩﯔ ﺑﯩﺮ ﻗﯩﺴﻤﻰ ﺩﯦﮕﻪﻥ ﭘﺎﻛﯩﺘﻘﺎ ﺋﺎﻳﻼﻧﺪﯗﺭﯗﯞﺍﻟﻤﺎﻗﭽﻰ. ﺗﻪﻳﯟﻩﻥ ﻫﯚﻛﯜﻣﯩﺘﻰ ﺑﻮﻟﺴﺎ ﺑﯘ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻞ ﺩﯙﻟﻪﺕ ﺋﯩﻜﻪﻧﻠﯩﻜﯩﻨﻰ ﭘﺎﻛﯩﺘﻘﺎ ﺋﺎﻳﻼﻧﺪﯗﺭﯗﯞﺍﻟﻤﺎﻗﭽﻰ، ﻫﻪﺭ ﺋﯩﻜﻜﯩﻠﯩﺴﯩﻨﯩﯔ ﻛﯚﺯﻟﯩﮕﻪﻥ ﻣﻪﻗﺴﯩﺘﻰ ﺑﺎﺷﻘﺎ-ﺑﺎﺷﻘﺎ.

ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﺟﺎﯓ ﯞﯦﻴﮕﻮ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﻳﯧﻘﯩﻨﺪﺍ 17 ‏- ﻗﯘﺭﯗﻟﺘﺎﻱ ﺋﺎﺭﻗﯩﻠﯩﻖ ، ﺧﯩﺘﺎﻳﺪﯨﻜﻰ ﺑﺎﺭﻟﯩﻖ ﻫﻮﻗﯘﻗﻼﺭﻧﻰ ﻗﺎﻳﺘﯩﺪﯨﻦ ﺗﻪﻗﺴﯩﻢ ﻗﯩﻠﯩﺶ ﺋﺎﻟﺪﯨﺪﺍ ﺗﯘﺭﯗﯞﺍﺗﯩﺪﯗ. ﺧﯘ ﺟﯩﻨﺘﺎﯞ ﻫﺎﺯﯨﺮ ﺟﺎﯓ ﺯﯦﻤﯩﻦ ﻗﻮﻳﻐﺎﻥ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﻗﺎﺗﺎﺭﻟﯩﻖ ﺋﻪﻣﻪﻟﺪﺍﺭﻻﺭﻧﻰ ﻣﻪﻧﺴﯩﭙﯩﺪﯨﻦ ﺋﯧﻠﯩﭗ ﺗﺎﺷﻠﯩﺪﻯ. ﺋﻪﻣﺪﻯ ﺋﯘ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺋﯚﺯﯨﻨﯩﯔ ﻣﻪﺷﺌﻠﯩﮕﻪ ﺋﺎﻳﻼﻧﺪﯗﺭﻣﺎﻗﭽﻰ. ﺑﯘﻧﯩﯔ ﺋﯜﭼﯜﻥ ﺋﯘ ﺳﯩﻴﺎﺳﯩﺘﯩﺪﻩ ﺋﺎﺯ-ﺗﻮﻻ ﺋﯚﺯﮔﯩﺮﯨﺶ ﭘﻪﻳﺪﺍ ﻗﯩﻠﻤﺎﻗﭽﻰ ﺑﻮﻟﺴﺎ ﻛﯧﺮﻩﻙ. ﺧﯘ ﺟﯩﻨﺘﺎﯞ ﺑﯘ ﻗﯧﺘﯩﻢ ﺋﺎﯞﺳﺘﺮﺍﻟﯩﻴﯩﻨﯩﯔ ﺳﯧﺪﻧﯩﻲ ﺷﻪﻫﯩﺮﯨﺪﻩ، ﭼﯧﻦ ﺷﯜﻳﺒﻴﻪﻧﻨﯩﯔ ﯞﻩﻛﯩﻠﻰ ﺑﯩﻠﻪﻥ ﻛﯚﺭﯛﺷﻜﻪﻧﻠﯩﻜﯩﺪﯨﻦ ﻗﺎﺭﯨﻐﺎﻧﺪﺍ، ﺗﻪﻳﯟﻩﻥ ﻣﻪﺳﯩﻠﯩﺴﯩﺪﻩ، ﺧﯘ ﺟﯩﻨﺘﺎﯞﻧﯩﯔ ﺳﯩﻴﺎﺳﯩﺘﯩﺪﻩ ﻣﻪﻟﯘﻡ ﺗﻪﯞﺭﯨﻨﯩﺶ ﻳﯜﺯ ﺑﻪﺭﻣﻪﻳﺪﯗ، ﺩﯦﮕﯩﻠﻰ ﺑﻮﻟﻤﺎﻳﺪﯗ، ﺋﻪﻣﻤﺎ ﺋﯩﻜﻜﻰ ﺗﻪﺭﻩﭖ ﻣﯘﻧﺎﺳﯩﯟﯨﺘﻰ ﻫﺎﺯﯨﺮ ﻣﯘﻗﯩﻢ ﺋﻪﻣﻪﺱ. (ﯞﻩﻟﻰ)