ﺧﯩﺘﺎﻱ، ﺩﯗﻧﻴﺎ ﻣﯩﻘﻴﺎﺳﯩﺪﺍ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﭼﺎﻗﯩﺮﯨﻘﯩﻐﺎ ﺩﯗﭺ ﻛﻪﻟﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺳﯜﺭﮔﯜﻧﺪﯨﻜﻰ ﺗﯩﺒﻪﺕ ﺭﻩﻫﺒﻪﺭﻟﯩﺮﻯ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺗﯩﺒﻪﺗﻠﻪﺭﻧﯩﯔ ﺋﯩﺴﻴﺎﻧﯩﻨﻰ ﺑﺎﺳﺘﯘﺭﯗﺵ ﺟﻪﺭﻳﺎﻧﯩﺪﺍ ﺋﯚﻟﺘﯜﺭﮔﻪﻥ ﺋﺎﺩﯨﻤﻰ ﻫﺎﺯﯨﺮﻏﺎ ﻗﻪﺩﻩﺭ ﺗﻪﺧﻤﯩﻨﻪﻥ 100 ﮔﻪ ﻳﯧﺘﯩﺪﯨﻐﺎﻧﻠﯩﻘﯩﻨﻰ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﯞﻩﻗﻪ ﺋﯜﺳﺘﯩﺪﯨﻦ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﻤﺎﻗﺘﺎ. ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﯨﻐﯘﭼﻰ ﺗﻪﺷﻜﯩﻼﺗﻼﺭ ﯞﻩ ﺗﯩﺒﻪﺕ ﻫﻪﺭﯨﻜﯩﺘﯩﻨﻰ ﻫﯩﻤﺎﻳﻪ ﻗﯩﻠﻐﯘﭼﻰ ﺧﻪﻟﻘﺌﺎﺭﺍ ﺋﻮﺭﮔﺎﻧﻼﺭ ﻏﻪﺭﺏ ﺋﻪﻟﻠﯩﺮﯨﻨﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﺑﺎﻳﻘﯘﺕ ﺋﯧﻼﻥ ﻗﯩﻠﯩﺶ، ﺑﻮﻟﻤﯩﺪﻯ ﺩﯦﮕﻪﻧﺪﻩ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﯩﯟﺍﺗﯩﺪﯗ. ﻣﻪﺭﻛﯩﺰﻯ ﭘﺎﺭﯨﮋﺩﯨﻜﻰ ﭼﯩﮕﺮﯨﺴﯩﺰ ﻣﯘﺧﺒﯩﺮﻻﺭ ﯞﻩ ﻧﻴﯘﻳﻮﺭﻛﺘﯩﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻘﻼﺭ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﻮﻣﯘﻣﻴﯜﺯﻟﯜﻙ ﺑﺎﻳﻘﯘﺕ ﻗﯩﻠﯩﺸﻨﻰ ﻗﻮﻟﻠﯩﻤﺎﻳﺪﯨﻐﺎﻧﻠﯩﻘﯩﻨﻰ، ﻟﯧﻜﯩﻦ ﺋﻮﻟﯩﻤﭙﯩﻜﻨﯩﯔ ﺋﯧﭽﯩﻠﯩﺶ ﻳﺎﻛﻰ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺪﯨﻐﺎﻥ ﻫﻪﺭ ﻗﺎﻳﺴﻰ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﻰ ﭼﻮﯕﻘﯘﺭ ﺋﻮﻳﻠﯩﺸﯩﭗ ﻛﯚﺭﯛﺷﻜﻪ ﭼﺎﻗﯩﺮﺩﻯ.

" ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﺧﯘ ﺟﯩﻨﺘﺎﯞ ﯞﻩ ﯞﯦﻦ ﺟﻴﺎﺑﺎﯞﻻﺭ ﺑﯩﻠﻪﻥ ﺑﯩﺮ ﺳﻪﻫﻨﯩﺪﻩ ﺋﻮﻟﺘﯘﺭﯗﺷﻨﯩﯔ ﺗﻮﻏﺮﺍ - ﺧﺎﺗﺎﻟﯩﻘﯩﻨﻰ ﻳﺎﺧﺸﻰ ﺋﻮﻳﻠﯩﺸﯩﺶ ﻻﺯﯨﻢ "

ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﯞﺍﺷﯩﻨﮕﺘﻮﻥ ﺋﯩﺸﺨﺎﻧﯩﺴﯩﻨﯩﯔ ﻣﻪﺳﺌﯘﻟﻰ ﺭﯨﭽﺎﺭﺩﺳﻮﻥ ﺧﺎﻧﯩﻢ ﺭﺍﺩﯨﺌﻮﻣﯩﺰﻏﺎ ﺑﯘﻧﯩﯔ ﺳﻪﯞﻩﺑﻠﯩﺮﯨﻨﻰ ﭼﯜﺷﻪﻧﺪﯛﺭﯛﭖ، ﻫﻪﺭ ﻗﺎﻳﺴﻰ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﻗﺎﺗﻨﺎﺷﺴﺎ ﺑﯘ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﺪﻩ ﺋﯘﻻﺭ ﺧﯩﺘﺎﻳﻨﯩﯔ ﺗﯩﺒﻪﺗﺘﯩﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﻰ ﻗﻮﻟﻼﯞﺍﺗﯩﺪﯗ، ﺩﯦﮕﻪﻥ ﺗﻮﻧﯘﺵ ﭘﻪﻳﺪﺍ ﻗﯩﻠﯩﺸﻰ ﻣﯘﻣﻜﯩﻦ، ﺩﻩﭖ ﻛﯚﺭﺳﯩﺘﯩﺪﯗ. ﺋﯘ، "ﺑﯩﺰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻳﺎﻛﻰ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺪﯨﻐﺎﻥ ﻫﻪﺭ ﻗﺎﻳﺴﻰ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﮕﻪ ﺷﯘﻧﻰ ﺋﺎﻻﻫﯩﺪﻩ ﺗﻪﯞﺳﯩﻴﻪ ﻗﯩﻠﯩﻤﯩﺰ. ﺋﯘﻻﺭ ﻣﯘﺭﺍﺳﯩﻤﻐﺎ ﻗﺎﺗﻨﯩﺸﯩﺸﺘﯩﻦ ﺑﯘﺭﯗﻥ ﺑﯘﻧﯩﯔ ﻛﯩﺸﯩﻠﻪﺭﺩﻩ ﻗﻮﺯﻏﺎﻳﺪﯨﻐﺎﻥ ﺗﻪﺳﯩﺮﯨﻨﻰ ﭼﻮﯕﻘﯘﺭ ﺋﻮﻳﻠﯩﺸﯩﺸﻰ ﻛﯧﺮﻩﻙ. ﺑﻮﻟﯘﭘﻤﯘ ﺗﯧﺨﻰ ﻳﯧﻘﯩﻨﺪﯨﻼ ﺗﯩﻨﭻ ﻳﯩﻐﯩﻠﯩﺶ ﺋﯚﺗﻜﯜﺯﮔﻪﻥ ﭘﯘﻗﺮﺍﻻﺭﻧﻰ ﺑﺎﺳﺘﯘﺭﻏﺎﻥ ﺧﯘ ﺟﯩﻨﺘﺎﯞ ﯞﻩ ﯞﯦﻦ ﺟﻴﺎﺑﺎﯞﻻﺭ ﺑﯩﻠﻪﻥ ﺑﯩﺮ ﺳﻪﻫﻨﯩﺪﻩ ﺋﻮﻟﺘﯘﺭﯗﺷﻨﯩﯔ ﺗﻮﻏﺮﺍ - ﺧﺎﺗﺎﻟﯩﻘﯩﻨﻰ ﻳﺎﺧﺸﻰ ﺋﻮﻳﻠﯩﺸﯩﺶ ﻻﺯﯨﻢ. ﺧﯩﺘﺎﻱ ﻫﯚﻛﯜﻣﯩﺘﻰ ﺩﯗﻧﻴﺎ ﺭﻩﻫﺒﻪﺭﻟﯩﺮﯨﻨﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺸﯩﻨﻰ ﺧﯩﺘﺎﻱ ﻫﯚﻛﯜﻣﯩﺘﻰ ﯞﻩ ﺋﯘﻧﯩﯔ ﺳﯩﻴﺎﺳﯩﺘﯩﻨﻰ ﻗﻮﻟﻠﯩﻐﺎﻧﻠﯩﻘﺘﯘﺭ، ﺩﻩﭖ ﭼﯜﺷﯩﻨﯩﺸﻰ ﻣﯘﻣﻜﯩﻦ " ﺩﻩﭖ ﻛﯚﺭﺳﻪﺗﻤﻪﻛﺘﻪ.

ﺭﯨﭽﺎﺭﺩﺳﻮﻥ ﺧﺎﻧﯩﻢ ﻳﻪﻧﻪ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺋﻪﮔﻪﺭ ﺗﯩﺒﻪﺕ ﯞﻩﺯﯨﻴﯩﺘﻰ ﻳﺎﻛﻰ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻗﺎﺗﺎﺭﻟﯩﻘﻼﺭﺩﺍ ﻳﯧﺘﻪﺭﻟﯩﻚ ﺳﻪﯞﻩﺑﻠﻪﺭﻧﻰ ﺑﺎﻳﻘﯩﺴﺎ ﺩﯗﻧﻴﺎ ﺭﻩﻫﺒﻪﺭﻟﯩﺮﯨﮕﻪ " ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻳﺎﻛﻰ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﺗﻮﻏﺮﺍ ﺋﻪﻣﻪﺱ "ﺩﻩﻳﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﺩﻯ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺋﯩﻨﻜﺎﺳﻰ ﺑﯩﺮ ﻗﻪﺩﻩﺭ ﻛﻪﺳﻜﯩﻦ ﺑﻮﻟﯘﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﺪﺍ ﺋﯚﺯﯨﺪﻩ ﻣﻪﯞﺟﯜﺕ ﺑﻮﻟﻤﯩﻐﺎﻥ ﺋﻮﺑﺮﺍﺯﻧﻰ ﺗﯩﻜﻠﯩﻤﻪﻛﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﯞﻩ ﺋﻮﻟﯩﻤﭙﯩﻜﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﻤﺎﻗﺘﺎ. ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺑﺮﯦﻴﺴﯘﻝ ﺭﺍﺩﯨﺌﻮﻣﯩﺰﻏﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ ﻣﯘﻧﺪﺍﻕ ﺩﻩﻳﺪﯗ، " ﺑﯩﺰﻧﯩﯔ ﻫﯧﺲ ﻗﯩﻠﯩﺸﯩﻤﯩﺰﭼﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﺎﺭﻗﯩﻠﯩﻖ ﺧﯩﺘﺎﻳﻨﯩﯔ ﺋﯚﺯﯨﺪﻩ ﻣﻪﯞﺟﯜﺕ ﺑﻮﻟﻤﯩﻐﺎﻥ ﻣﻪﺳﯩﻠﯩﻠﻪﺭﺩﻩ ﺟﯜﻣﻠﯩﺪﯨﻦ ﻛﯩﺸﯩﻠﯩﻚ ﻫﻮﻗﯘﻕ، ﺗﯩﺒﻪﺕ ﻣﻪﺳﯩﻠﯩﺴﻰ، ﻣﯘﻫﯩﺖ ﯞﻩ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭﺩﻩ ﺋﯚﺯﯨﮕﻪ ﺋﻮﺑﺮﺍﺯ ﺗﯩﻜﻠﯩﻤﻪﻛﭽﻰ ﺑﻮﻟﯘﯞﺍﺗﯩﺪﯗ، ﻟﯧﻜﯩﻦ ﺑﯘ ﺋﻮﺑﺮﺍﺯﻧﻰ ﻗﻮﺑﯘﻝ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ. ﺑﯩﺰ ﻫﻪﺭ ﻗﺎﻳﺴﻰ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﻰ ﯞﻩ ﺧﺎﻥ ﺟﻪﻣﻪﺗﻰ ﺋﻪﺯﺍﻟﯩﺮﯨﻨﻰ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﺳﻠﯩﻘﻘﺎ ﭼﺎﻗﯩﺮﯨﻤﯩﺰ."

" ﺋﻪﮔﻪﺭ ﺑﺎﺳﺘﯘﺭﯗﺵ ﻳﻪﻧﻪ ﺩﺍﯞﺍﻣﻼﺷﺴﺎ ﺑﯘ ﺳﯩﻴﺎﺳﯩﻲ ﺭﻩﻫﺒﻪﺭﻟﻪﺭﻧﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﭘﯩﻼﻧﯩﺪﺍ ﺋﯚﺯﮔﯩﺮﯨﺶ ﭘﻪﻳﺪﺍ ﻗﯩﻠﯩﺸﻰ ﻣﯘﻣﻜﯩﻦ "

ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭﻧﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﻗﻘﯩﺪﯨﻜﻰ ﭼﺎﻗﯩﺮﯨﻘﯩﻐﺎ ﻫﺎﺯﯨﺮﻏﺎ ﻗﻪﺩﻩﺭ ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﺭﻩﺋﯩﺴﻰ ﺧﻪﻧﺰ ﮔﯧﺮﺕ ﭘﻮﺗﺘﯧﺮﯨﯔ ﺑﯩﺮ ﻗﻪﺩﻩﺭ ﺗﻪﺑﻪﺳﺴﯘﻡ ﺑﯩﻠﻪﻥ ﺋﯩﻨﻜﺎﺱ ﻗﺎﻳﺘﯘﺭﺩﻯ. ﺋﯘ ﺳﻪﻳﺸﻪﻧﺒﻪ ﻛﯜﻧﻰ ﮔﯧﺮﻣﺎﻧﯩﻴﻪ ﺋﺎﻣﻤﯩﯟﻯ ﺭﺍﺩﯨﺌﻮﺳﯩﻐﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ "ﺑﯩﺮﺳﻰ ﭼﻮﻗﯘﻡ ﺧﯩﺘﺎﻳﻐﺎ ﺷﯘﻧﻰ ﻳﻪﺗﻜﯜﺯﯛﺷﻰ ﻛﯧﺮﻩﻙ: ﺋﻪﮔﻪﺭ ﺑﺎﺳﺘﯘﺭﯗﺵ ﻳﻪﻧﻪ ﺩﺍﯞﺍﻣﻼﺷﺴﺎ ﺑﯘ ﺳﯩﻴﺎﺳﯩﻲ ﺭﻩﻫﺒﻪﺭﻟﻪﺭﻧﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﭘﯩﻼﻧﯩﺪﺍ ﺟﯜﻣﻠﯩﺪﯨﻦ ﻣﯧﻨﯩﯖﻤﯘ ﻗﺎﺗﻨﯩﺸﯩﺶ ﭘﯩﻼﻧﯩﻤﺪﺍ ﺋﯚﺯﮔﯩﺮﯨﺶ ﭘﻪﻳﺪﺍ ﻗﯩﻠﯩﺸﻰ ﻣﯘﻣﻜﯩﻦ "ﺩﻩﭖ ﻛﯚﺭﺳﻪﺗﺘﻰ. ﺋﯘ ﻳﻪﻧﻪ ﺑﯘ ﻣﻪﺳﯩﻠﯩﺪﻩ "ﭘﯜﺗﯜﻥ ﺋﯧﻬﺘﯩﻤﺎﻟﻠﯩﻘﻼﺭﻧﻰ ﻧﻪﺯﻩﺭﺩﻩ ﺗﯘﺗﯘﺵ ﻛﯧﺮﻩﻙ" ﺩﻩﻳﺪﯗ.

ﻓﺮﺍﻧﺴﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺑﯧﺮﻧﺎﺭﺩ ﻛﻮﭼﯩﻨﯧﺮ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺗﻪﻟﯩﭙﻰ ﺋﯩﺘﺘﯩﭙﺎﻗﻨﯩﯔ ﺋﺎﻟﺪﯨﻤﯩﺰﺩﯨﻜﻰ ﻛﯜﻧﻠﻪﺭﺩﻩ ﺳﻠﻮﯞﯨﻨﯩﻴﯩﺪﻩ ﺋﯧﭽﯩﻠﯩﺪﯨﻐﺎﻥ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻻﺭ ﻳﯩﻐﯩﻨﯩﺪﺍ ﻣﯘﺯﺍﻛﯩﺮﯨﮕﻪ ﻗﻮﻳﯘﻟﯘﺵ ﺋﯧﻬﺘﯩﻤﺎﻟﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﺩﻯ. ﭼﺎﺭﺷﻪﻧﺒﻪ ﻛﯜﻧﻰ ﭘﺎﺭﯨﮋﺩﺍ ﻣﯘﺧﺒﯩﺮﻻﺭﻏﺎ "ﺑﯘ ﺗﻪﻛﻠﯩﭙﻨﻰ ﺋﻮﻳﻠﯩﺸﯩﭗ ﻛﯚﺭﯨﻤﯩﺰ " ﺩﻩﭖ ﺗﻪﻛﯩﺘﻠﯩﮕﻪﻥ ﻛﻮﭼﯩﻨﯧﺮ، "ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﻮﻣﯘﻣﻴﯜﺯﻟﯜﻙ ﺑﺎﻳﻘﯘﺕ ﻗﯩﻠﯩﺸﻘﺎ ﻗﺎﺭﯨﻐﺎﻧﺪﺍ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﯩﯔ ﺳﻪﻟﺒﯩﻲ ﺗﻪﺳﯩﺮﻯ ﺑﯩﺮ ﻗﻪﺩﻩﺭ ﺋﺎﺯ"ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﺪﯨﻜﻰ ﺑﺮﯦﻴﺴﯘﻝ ﺭﺍﺩﯨﺌﻮﻣﯩﺰﻏﺎ ﻧﯧﻤﻪ ﺋﯜﭼﯜﻥ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺋﻮﻣﯘﻣﻴﯜﺯﻟﯜﻙ ﺑﺎﻳﻘﯘﺕ ﻗﯩﻠﯩﺸﻨﻰ ﻗﻮﻟﻠﯩﻤﺎﻳﺪﯨﻐﺎﻧﻠﯩﻘﯩﻨﯩﯔ ﺳﻪﯞﻩﺑﻠﯩﺮﯨﻨﻰ ﭼﯜﺷﻪﻧﺪﯛﺭﺩﻯ. ﺋﯘ،" ﺑﯩﺰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﻮﻣﯘﻣﻴﯜﺯﻟﯜﻙ ﺑﺎﻳﻘﯘﺕ ﻗﯩﻠﯩﺸﻨﻰ ﻗﻮﻟﻠﯩﻤﺎﻳﻤﯩﺰ، ﭼﯜﻧﻜﻰ ﺑﯘ ﺑﯩﺮ ﺗﻪﻧﺘﻪﺭﺑﯩﻴﻪ ﻣﯘﺳﺎﺑﯩﻘﯩﺴﻰ، ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﻧﻪﭼﭽﻪ ﻣﯩﯔ ﻣﯘﺧﺒﯩﺮ ﺧﯩﺘﺎﻳﻐﺎ ﺑﺎﺭﯨﺪﯗ. ﺑﯘ ﺋﯘﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﺪﯨﻜﻰ ﺋﯩﭙﺎﺩﯨﺴﯩﻨﻰ ﺋﯧﻠﯩﺸﻨﯩﯔ ﻳﺎﺧﺸﻰ ﭘﯘﺭﺳﯩﺘﻰ. ﺑﯘﻧﯩﯔ ﺳﯩﺮﺗﯩﺪﺍ ﻳﻪﻧﻪ، ﻧﯘﺭﻏﯘﻥ ﺗﻪﻧﺘﻪﺭﺑﯩﻴﯩﭽﯩﻠﻪﺭ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺩﺍﻏﺪﯗﻏﺎ ﻗﯩﻠﯩﻨﯩﺸﯩﻐﺎ ﻗﺎﺗﻨﯩﺸﯩﺪﯗ " ﺩﻩﻳﺪﯗ.

ﯞﯦﻦ ﺟﻴﺎﺑﺎﯞ "ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﺗﻪﻳﻴﺎﺭﻟﯩﻨﯩﻤﻪﻥ"

ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﺘﯩﻜﻰ ﯞﻩﻗﻪﻧﯩﯔ ﻣﻪﺳﺌﯘﻟﯩﻴﯩﺘﯩﻨﻰ ﺩﺍﻻﻱ ﻻﻣﺎ ﯞﻩ ﺋﯘﻧﯩﯔ ﺋﺎﺩﻩﻣﻠﯩﺮﯨﮕﻪ ﺋﺎﺭﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻳﻨﯩﯔ ﺑﯘ ﻣﻪﺳﯩﻠﯩﺪﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺋﯩﻠﮕﯩﺮﻯ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﺑﯧﺴﯩﻤﯩﻐﺎ ﺩﯗﭺ ﻛﯧﻠﯩﯟﺍﺗﻘﺎﻧﻠﯩﻘﻰ ﺳﯩﺮ ﺋﻪﻣﻪﺱ. ﺋﯩﺘﺎﻟﯩﻴﻪ ﻫﯚﻛﯜﻣﯩﺘﻰ ﭼﺎﺭﺷﻪﻧﺒﻪ ﻛﯜﻧﻰ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺑﯧﻴﺠﯩﯖﻐﺎ ﺋﺎﻻﻫﯩﺪﻩ ﺋﻪﻟﭽﻰ ﺋﻪﯞﻩﺗﯩﭗ، ﺗﯩﺒﻪﺕ ﯞﻩﺯﯨﻴﯩﺘﯩﻨﻰ ﻣﯘﺯﺍﻛﯩﺮﻩ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ. ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﯩﺲ ﺑﯧﻴﺠﯩﯔ ﻫﯚﻛﯜﻣﯩﺘﯩﻨﻰ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﭼﺎﻗﯩﺮﺩﻯ.

ﻓﯩﻨﻼﻧﺪﯨﻴﯩﻨﯩﯔ ﻣﯘﺋﺎﯞﯨﻦ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺗﯧﻴﺠﺎ ﺗﯩﻠﯩﻜﺎﻳﻨﻪﻥ، 18 ‏- ﻣﺎﺭﺕ ﻛﯜﻧﻰ ﺧﯩﺘﺎﻳﻨﯩﯔ ﺧﯧﻠﺴﯩﻨﻜﯩﺪﯨﻜﻰ ﺑﺎﺵ ﺋﻪﻟﭽﯩﺴﻰ ﻣﺎ ﻛﯧﭽﯩﯖﻨﻰ ﭼﺎﻗﯩﺮﺗﯩﭗ، ﺗﯩﺒﻪﺕ ﯞﻩﺯﯨﻴﯩﺘﯩﻨﯩﯔ ﺋﯚﺯﻟﯩﺮﯨﺪﻩ ﺋﻪﻧﺪﯨﺸﻪ ﻗﻮﺯﻏﺎﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﭼﺎﺭﺷﻪﻧﺒﻪ ﻛﯜﻧﻰ ﺭﯨﻢ ﭘﺎﭘﺎﺳﻰ ﺑﯧﻨﯧﺪﯨﻜﺖ 16، ﺗﯩﺒﻪﺕ ﻣﻪﺳﯩﻠﯩﺴﯩﺪﯨﻜﻰ ﺳﯜﻛﯜﺗﻨﻰ ﺑﯘﺯﯗﭖ، ﺯﻭﺭﺍﯞﺍﻧﻠﯩﻘﻨﯩﯔ ﻣﻪﺳﯩﻠﯩﻨﻰ ﻫﻪﻝ ﻗﯩﻠﻤﺎﻱ، ﺋﯘﻧﻰ ﺋﯚﺗﻜﯜﺭﻟﻪﺷﺘﯜﺭﯛﯞﯨﺘﯩﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﺩﻯ. ﺑﯘ ﭘﺎﭘﺎﻧﯩﯔ ﺗﯩﺒﻪﺕ ﻣﻪﺳﯩﻠﯩﺴﻰ ﺗﻮﻏﺮﯨﺴﯩﺪﺍ 1 ‏- ﻗﯧﺘﯩﻢ ﺋﺎﺷﻜﺎﺭﺍ ﺋﯩﭙﺎﺩﻩ ﺑﯩﻠﺪﯛﺭﯛﺷﻰ ﺑﻮﻟﯘﭖ، ﺋﯘ "ﻣﯧﻨﯩﯔ ﻗﻪﻟﺒﯩﻢ ﺋﺎﺯﺍﭖ - ﺋﻮﻗﯘﺑﻪﺕ ﭼﯧﻜﯩﯟﺍﺗﻘﺎﻥ ﺑﯘ ﺧﻪﻟﻘﻨﻰ ﻛﯚﺭﯛﭖ ﺋﯧﭽﯩﺸﺘﻰ ﯞﻩ ﺋﺎﺯﺍﺑﻼﻧﺪﻯ " ﺩﻩﻳﺪﯗ.

ﭼﺎﺭﺷﻪﻧﺒﻪ ﻛﯜﻧﻰ ﺋﻪﻧﮕﯩﻠﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺑﺮﻭﯞﯦﻨﻨﯩﯔ ﺳﯚﺯﻯ ﻛﯩﺸﯩﻠﻪﺭﺩﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺗﻪﻧﻘﯩﺪﻯ ﯞﻩ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻧﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﭼﺎﻗﯩﺮﯨﻘﻰ ﺋﯚﺯ ﻛﯜﭼﯩﻨﻰ ﻛﯚﺭﺳﯩﺘﯩﯟﺍﺗﺎﻣﺪﯗ ؟ ﺩﯦﮕﻪﻥ ﺗﯘﻳﻐﯘ ﭘﻪﻳﺪﺍ ﻗﯩﻠﺪﻯ. ﭼﯜﻧﻜﻰ ﺋﻪﻧﮕﯩﻠﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﮔﻮﻟﺪﯦﻦ ﺑﺮﻭﯞﯦﻦ ﺋﻪﻧﮕﯩﻠﯩﻴﻪ ﭘﺎﺭﻻﻣﯧﻨﺘﯩﺪﺍ ﺳﯚﺯﻟﯩﮕﻪﻥ ﻧﯘﺗﯘﻗﯩﺪﺍ ﺋﯚﺯﯨﻨﯩﯔ ﭼﺎﺭﺷﻪﻧﺒﻪ ﻛﯜﻧﻰ ﺋﻪﺗﯩﮕﻪﻥ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞ ﺑﯩﻠﻪﻥ ﺗﯧﻠﯧﻔﻮﻧﺪﺍ ﺳﯚﺯﻟﻪﺷﻜﻪﻧﻠﯩﻜﯩﻨﻰ ﯞﻩ ﯞﯦﻦ ﺟﻴﺎﺑﺎﯞﻧﯩﯔ ﺋﯚﺯﯨﮕﻪ " ﺩﺍﻻﻱ ﻻﻣﺎﻧﯩﯔ ﺋﯩﻜﻜﻰ ﻣﻪﺳﯩﻠﯩﺪﻩ، ﺑﯩﺮﻯ ﻣﯘﺳﺘﻪﻗﯩﻠﻠﯩﻘﻨﻰ ﻗﻮﻟﻠﯩﻤﯩﻐﺎﻧﻠﯩﻘﻰ، ﻳﻪﻧﻪ ﺑﯩﺮﻯ ﺯﻭﺭﺍﯞﺍﻧﻠﯩﻘﻨﻰ ﺋﻪﻳﯩﺒﻠﯩﮕﻪﻧﻠﯩﻜﯩﻨﻰ ﻛﯚﺯﺩﻩ ﺗﯘﺗﯘﭖ، ﺋﯘﻧﯩﯔ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﺗﻪﻳﻴﺎﺭﻟﯩﻨﯩﻤﻪﻥ " ﺩﯦﮕﻪﻧﻠﯩﻜﯩﻨﻰ ﺋﺎﺷﻜﺎﺭﯨﻠﯩﺪﻯ.

ﯞﯦﻦ ﺟﻴﺎﺑﺎﯞ ﺋﺎﻟﺪﯨﻨﻘﻰ ﻛﯜﻧﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﮔﻪﻥ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺩﺍﻻﻱ ﻻﻣﺎﻧﻰ "ﺗﯩﺒﻪﺗﺘﯩﻜﻰ ﺋﯩﺴﻴﺎﻧﻨﻰ ﭘﯩﻼﻧﻠﯩﺪﻯ " ﺩﻩﭖ ﺋﻪﻳﯩﺒﻠﯩﮕﻪﻥ ﯞﻩ ﺩﺍﻻﻱ ﻻﻣﺎﻧﯩﯔ ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻘﯩﺪﯨﻦ ﯞﺍﺯ ﻛﻪﭼﺘﯩﻢ ﺩﯦﮕﯩﻨﻰ "ﭘﯜﺗﯜﻧﻠﻪﻱ ﺋﺎﻟﺪﺍﻣﭽﯩﻠﯩﻘﺘﯘﺭ " ﺩﻩﭖ ﺋﻪﻳﯩﺒﻠﯩﮕﻪﻥ ﺋﯩﺪﻯ. ﮔﻮﻟﺪﯦﻦ ﺑﺮﻭﯞﯦﻦ ﺋﻪﻧﮕﯩﻠﯩﻴﻪ ﭘﺎﺭﻻﻣﯧﻨﺘﯩﺪﯨﻜﻰ ﺳﯚﺯﯨﺪﻩ " ﻫﺎﺯﯨﺮﻗﻰ ﺋﻪﯓ ﻣﯘﻫﯩﻢ ﻣﻪﺳﯩﻠﻪ ﺯﻭﺭﺍﯞﺍﻧﻠﯩﻘﻘﺎ ﺧﺎﺗﯩﻤﻪ ﺑﯧﺮﯨﺶ، ﺋﯩﺸﻪﻧﭻ ﺗﯘﺭﻏﯘﺯﯗﺵ ﯞﻩ ﺗﻪﺭﻩﭘﻠﻪﺭﻧﻰ ﺳﯚﻫﺒﻪﺗﻜﻪ ﺋﻪﻛﯩﻠﯩﺸﺘﯘﺭ ' ﺩﻩﭖ ﻛﯚﺭﺳﻪﺗﺘﻰ. (ﺋﻪﺭﻛﯩﻦ)