ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻖ ﺩﯗﻧﻴﺎﻧﻰ ﺑﻮﻳﺴﯘﻧﺪﯗﺭﯨﺪﯨﻐﺎﻥ ﺗﯩﻞ-ﻳﯧﺰﯨﻖ ﺑﻮﻻﻣﺪﯗ؟ (1)

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﭼﻮﯓ ﻗﯘﺭﯗﻗﻠﯘﻗﺘﺎ 'ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻖ ﭘﯜﺗﯜﻥ ﺩﯗﻧﻴﺎﻧﻰ ﺑﻮﻳﺴﯘﻧﺪﯗﺭﯨﺪﯗ' ﺩﻩﻳﺪﯨﻐﺎﻥ ﭼﻮﯓ ﮔﻪﭘﻠﻪﺭ ﻳﻪﻧﯩﻼ ﺩﺍﯞﺍﻣﻠﯩﺸﯩﯟﺍﺗﯩﺪﯗ، ‏-‏-‏- ﺩﻩﭖ ﻳﯧﺰﯨﻠﯩﺪﯗ، 'ﻳﯧﯖﻰ ﺋﻪﺳﯩﺮ ﮊﯗﺭﻧﯩﻠﻰ'ﺩﺍ 7 ‏- ﺋﺎﻳﻨﯩﯔ 8 ‏- ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ "ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻘﻨﯩﯔ ﺋﯚﺗﻤﯜﺷﻰ، ﻫﺎﺯﯨﺮﻯ ﯞﻩ ﻛﻪﻟﮕﯜﺳﻰ" ﺩﯦﮕﻪﻥ ﻣﺎﻗﺎﻟﻪ ﻫﻪﻗﻘﯩﺪﯨﻜﻰ ﺗﻪﻫﺮﯨﺮ ﺋﯧﻼﯞﯨﺴﯩﺪﻩ، ‏-‏-‏- ﺑﯘﻧﺪﺍﻕ ﭼﻮﯓ ﮔﻪﭘﻠﻪﺭ ' ﺩﯗﻧﻴﺎﺩﺍ ﻫﺎﺯﯨﺮ ﺑﯩﺮﻧﻪﭼﭽﻪ ﻣﯩﻠﻴﺎﺭﺩ ﺋﺎﺩﻩﻡ ﺧﯩﺘﺎﻳﭽﻪ ﺗﯩﻞ -ﻳﯧﺰﯨﻖ ﻗﻮﻟﻠﯩﻨﯩﯟﺍﺗﯩﺪﯗ' ﺩﻩﭖ ﺳﺎﻧﻠﯩﻖ ﻣﻪﻟﯘﻣﺎﺕ ﻛﯚﺭﺳﻪﺗﻜﻪﻥ.

ﺋﻪﻣﻪﻟﯩﻴﻪﺗﺘﻪ ﺑﻮﻟﺴﺎ، ﻫﻪﺗﺘﺎ ﻣﯩﻠﻠﯩﺘﻰ، ﺗﯩﻞ-ﻳﯧﺰﯨﻘﻰ ﭼﻮﯓ ﻗﯘﺭﯗﻗﻠﯘﻗﺘﯩﻜﻰ ﺧﯩﺘﺎﻳﻼﺭ ﺑﯩﻠﻪﻥ ﺋﻮﺧﺸﺎﺵ ﺑﻮﻟﻐﺎﻥ ﺳﯩﻨﮕﺎﭘﻮﺭﺩﯨﻤﯘ ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻘﻨﯩﯔ ﺟﻪﻣﺌﯩﻴﻪﺗﺘﯩﻜﻰ ﺋﻮﺭﻧﻰ ﺗﯧﺨﯩﭽﻪ ﺋﯧﻨﮕﯩﻠﯩﺰﭼﻪ ﺗﯩﻞ-ﻳﯧﺰﯨﻘﺘﯩﻦ ﺗﯚﯞﻩﻥ ﺗﯘﺭﯗﯞﺍﺗﯩﺪﯗ. ﭘﯜﺗﯜﻥ ﺩﯗﻧﻴﺎﻏﺎ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﺋﯧﻨﮕﯩﻠﯩﺰﭼﻪ ﺗﯩﻞ -ﻳﯧﺰﯨﻖ ﻗﻮﻟﻠﯩﻨﯩﯟﺍﺗﻘﺎﻥ ﺩﯙﻟﻪﺗﻠﻪﺭ ﯞﻩ ﻣﯩﻠﻠﻪﺗﻠﻪﺭ ﻛﯚﭘﯩﻴﯩﯟﺍﺗﯩﺪﯗ، ﺑﻪﻟﻜﻰ ﻫﺎﺯﯨﺮ ﭘﯜﺗﯜﻥ ﺩﯗﻧﻴﺎﺩﺍ ﺋﯧﻨﮕﯩﻠﯩﺰﭼﻪ ﺗﯩﻞ-ﻳﯧﺰﯨﻖ ﻛﯩﺸﯩﻠﻪﺭﻧﯩﯔ ﭘﻪﻥ-ﺗﯧﺨﻨﯩﻜﺎ ﯞﻩ ﯞﻩ ﻣﻪﺩﻩﻧﯩﻴﻪﺕ ﺋﺎﻟﻤﺎﺷﺘﯘﺭﯨﺪﯨﻐﺎﻥ ﻛﯜﭼﻠﯜﻙ ﻗﻮﺭﺍﻟﯩﻐﺎ ﺋﺎﻳﻼﻧﻤﺎﻗﺘﺎ.

ﻛﯩﺸﯩﻠﻪﺭ ﺋﯚﺯﯨﻨﯩﯔ ﻛﻪﻟﮕﯜﺳﻰ ﺋﯩﺴﺘﯩﻘﺒﺎﻟﻰ ﺋﯜﭼﯜﻥ، 'ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ' ﻧﯩﯔ ﻣﻪﺯﻣﯘﻧﯩﻨﻰ ﺗﺎﻟﻠﯩﻐﺎﻧﺪﯨﻤﯘ، ﺋﺎﻟﺪﻯ ﺑﯩﻠﻪﻥ ﺋﯧﻨﮕﯩﻠﯩﺰﭼﻪ ﺗﯩﻞ -ﻳﯧﺰﯨﻘﻨﻰ ﺗﺎﻟﻠﯩﻤﺎﻗﺘﺎ. ﻫﻪﺗﺘﺎ ﭼﻮﯓ ﻗﯘﺭﯗﻗﻠﯘﻗﺘﯩﻜﻰ ﺧﯩﺘﺎﻳﻼﺭﻧﯩﯔ ﺋﯩﭽﯩﺪﯨﻤﯘ، ﻏﻪﺭﺑﻨﯩﯔ ﺋﻪﺭﻛﯩﻨﻠﯩﻚ، ﺩﯦﻤﻮﻛﺮﺍﺗﯩﻴﻪ ﻛﯚﺯ ﻗﺎﺭﯨﺸﻰ ﯞﻩ ﻗﺎﻧﯘﻥ ﺗﯜﺯﯛﻣﻠﯩﺮﯨﻨﻰ ﭼﻪﺗﻜﻪ ﻗﺎﻗﯩﺪﯨﻐﺎﻥ ﺳﯩﻴﺎﺳﻪﺗﻠﻪﺭﮔﻪ ﭘﯩﺴﻪﻧﺖ ﻗﯩﻠﻤﺎﻱ، ﺋﺎﻟﺪﻯ ﺑﯩﻠﻪﻥ ﺋﯧﻨﮕﯩﻠﯩﺰﭼﻪ ﺗﯩﻠﻨﻰ ﺗﺎﻟﻼﯞﺍﺗﻘﺎﻥ ﻛﯩﺸﯩﻠﻪﺭ ﺑﺎﺭﻏﺎﻧﺴﯧﺮﻯ ﻛﯚﭘﻪﻳﻤﻪﻛﺘﻪ.

" ﺑﯩﺰ ﻗﺎﺭﻧﻰ-ﻛﯚﻛﺴﯩﻤﯩﺰﻧﻰ ﻛﻪﯓ ﺗﯘﺗﯘﭖ، ﺧﯩﺘﺎﻳﭽﻪ ﺗﯩﻞ -ﻳﯧﺰﯨﻘﻨﯩﯔ ﺋﺎﺟﯩﺰﻟﯩﻖ ﻧﻮﻗﺘﯩﺴﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﯩﻤﯩﺰ ﻛﯧﺮﻩﻙ "

'ﻳﯧﯖﻰ ﺋﻪﺳﯩﺮ ﮊﯗﺭﻧﯩﻠﻰ'ﺩﺍ ﺋﯧﻼﻥ ﻗﯩﻠﯩﻨﻐﺎﻥ "ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻘﻨﯩﯔ ﺋﯚﺗﻤﯜﺷﻰ، ﻫﺎﺯﯨﺮﻯ ﯞﻩ ﻛﻪﻟﮕﯜﺳﻰ" ﺩﯦﮕﻪﻥ ﻣﺎﻗﺎﻟﯩﻨﻰ ﺳﻪﻧﺸﻰ ﺋﯘﻧﯩﯟﯦﺮﺳﯩﺘﯧﺘﻰ ﭘﻪﻟﺴﻪﭘﻪ ﭘﺎﻛﻮﻟﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺋﻪﻧﺸﯩﻤﯧﯔ ﻳﯧﺰﯨﭗ ﺋﯧﻼﻥ ﻗﯩﻠﻐﺎﻥ. ﺑﯩﺰ ﻗﺎﺭﻧﻰ-ﻛﯚﻛﺴﯩﻤﯩﺰﻧﻰ ﻛﻪﯓ ﺗﯘﺗﯘﭖ، ﺧﯩﺘﺎﻳﭽﻪ ﺗﯩﻞ -ﻳﯧﺰﯨﻘﻨﯩﯔ ﺋﺎﺟﯩﺰﻟﯩﻖ ﻧﻮﻗﺘﯩﺴﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﯩﻤﯩﺰ ﻛﯧﺮﻩﻙ، ‏-‏ ﺩﻩﭖ ﻣﯘﻻﻫﯩﺰﯨﺴﯩﻨﻰ ﺑﺎﺷﻼﻳﺪﯗ ﺋﺎﭘﺘﻮﺭ، ‏-‏ ﻏﻪﺭﺑﻨﯩﯔ ﭘﻪﻟﺴﻪﭘﻪ ﺋﻪﻧﺌﻪﻧﯩﺴﯩﮕﻪ ﺋﺎﺳﺎﺳﻼﻧﻐﺎﻧﺪﺍ، ﻏﻪﺭﺑﺘﻪ ﻳﯧﺰﯨﻖ ﺗﯩﻠﻐﺎ ﺑﻮﻳﺴﯘﻧﯩﺪﯗ، ﺧﯩﺘﺎﻳﺪﺍ ﺑﻮﻟﺴﺎ ﺗﯩﻞ ﻳﯧﺰﯨﻘﻘﺎ ﺑﻮﻳﺴﯘﻧﯩﺪﯗ .

ﻏﻪﺭﺏ ﻳﯧﺰﯨﻘﯩﻨﯩﯔ ﻫﻪﺭﭘﻠﯩﺮﻯ ﺋﺎﺭﺍﻥ 30 ﻧﻪﭼﭽﻪ، ﺋﻪﻣﻤﺎ ﺧﯩﺘﺎﻳﭽﻪ ﺧﻪﺗﻠﻪﺭﻧﯩﯔ ﺳﺎﻧﻰ ﭼﻪﻛﺴﯩﺰ، ﺑﻪﻟﻜﻰ ﺋﺎﺩﻩﻡ ﺋﯚﻣﯜﺭﯨﻨﯩﯔ ﻛﯚﭖ ﻗﯩﺴﻤﻰ ﺑﯘﻧﺪﺍﻕ 'ﺳﯜﺭﻩﺕ ﺧﻪﺕ'ﻟﻪﺭﻧﻰ ﺋﯚﮔﯩﻨﯩﺸﻜﯩﻼ ﺳﻪﺭﭖ ﺑﻮﻟﯩﺪﯗ. ﺋﺎﭘﺘﻮﺭﻧﯩﯔ ﻗﺎﺭﯨﺸﯩﭽﻪ، 'ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻖ ﭘﯜﺗﯜﻥ ﺩﯗﻧﻴﺎﻧﻰ ﺑﻮﻳﺴﯘﻧﺪﯗﺭﯨﺪﯗ' ﺩﯦﮕﻪﻧﻨﻰ ﺗﻪﺭﻏﯩﭗ ﻗﯩﻠﯩﺶ ﺩﯗﻧﻴﺎﺩﯨﻜﻰ ﺭﯨﺌﺎﻟﻠﯩﻘﻘﺎ ﻛﯚﺯ ﻳﯘﻣﻐﺎﻧﻠﯩﻖ.

ﻣﺎﯞﺯﯦﺪﯗﯕﻤﯘ ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻘﻨﯩﯔ ﺩﯗﻧﻴﺎﻏﺎ ﻳﯜﺯﻟﯩﻨﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺗﻪﺳﻪﯞﯞﯗﺭ ﻗﯩﻠﻐﺎﻥ ﺋﯩﺪﻯ

‏-‏- ﺋﯩﻨﺴﺎﻧﯩﻴﻪﺕ ﺗﺎﺭﯨﺨﯩﻐﺎ ﻧﻪﺯﻩﺭ ﺳﺎﻟﻐﺎﻧﺪﺍ، ‏-‏-‏- ﺩﻩﻳﺪﯗ ﺋﺎﭘﺘﻮﺭ ﻣﺎﻗﺎﻟﯩﺴﯩﻨﻰ ﺩﺍﯞﺍﻣﻼﺷﺘﯘﺭﯗﭖ، ‏-‏-‏- ﺋﯩﻨﺴﺎﻧﯩﻴﻪﺗﺘﻪ ﺗﯩﻞ-ﻳﯧﺰﯨﻘﻨﯩﯔ ﺗﻪﺭﻩﻗﻘﻰ ﻗﯩﻠﯩﺶ ﺟﻪﺭﻳﺎﻧﻰ ﺋﻪﯓ ﺑﯘﺭﯗﻧﻘﻰ 'ﺳﯚﺭﻩﺕ ﺧﻪﺕ'ﻟﻪﺭﺩﯨﻦ ﺗﻪﺭﻩﻗﻘﻰ ﻗﯩﻠﯩﭗ، ﻫﺎﺯﯨﺮﻗﯩﺪﻩﻙ، ﻫﻪﺭﭘﻠﻪﺭﻧﯩﯔ ﻗﻮﺷﯘﻟﯘﺷﻰ ﺋﺎﺭﻗﯩﻠﯩﻖ ﺋﯩﭙﺎﺩﯨﻠﯩﻨﯩﺪﯨﻐﺎﻥ ﺗﯩﻞ -ﻳﯧﺰﯨﻖ ﺑﺎﺭﻟﯩﻘﻘﺎ ﻛﻪﻟﮕﻪﻥ ﺗﺎﺭﯨﺨﯩﻲ ﺟﻪﺭﻳﺎﻥ. ﺋﻪﻣﻤﺎ، ﺧﯘﺩﺩﻯ ﻫﺎﺯﯨﺮﻗﻰ ﻣﺎﻳﻤﯘﻧﻼﺭ ﺋﺎﺩﻩﻣﮕﻪ ﺋﯚﺯﮔﯩﺮﻩﻟﻤﯩﮕﻪﻧﺪﻩﻙ، ﻗﻪﺩﯨﻤﺪﯨﻜﻰ ﻫﺎﻟﯩﺘﯩﺪﯨﻦ ﺗﻪﺭﻩﻗﻘﯩﻲ ﻗﯩﻠﯩﭗ ﺋﯚﺯﮔﯩﺮﻩﻟﻤﯩﮕﻪﻥ ﺧﯩﺘﺎﻳﭽﻪ ﻳﯧﺰﯨﻖ ﻫﺎﺯﯨﺮﻣﯘ ﺳﯚﺭﻩﺕ ﻫﺎﻟﯩﺘﯩﺪﯨﻦ ﺋﯚﺯﮔﯩﺮﯨﭗ ﺋﺎﺳﺎﻧﻼﺷﻘﯩﻨﻰ ﻳﻮﻕ.

ﺧﯩﺘﺎﻳﺪﺍ ﻫﻪﺗﺘﺎ ﻫﺎﺯﯨﺮﻏﯩﭽﻪ ﻗﻪﺩﻩﺭ 'ﺧﻪﺕ'ﻟﻪﺭ ﮔﯜﺯﻩﻝ ﺳﻪﻧﺌﻪﺕ ﺋﻮﺭﻧﯩﻐﺎ ﻗﻮﻳﯘﻟﯘﭖ، ﺋﻪﺗﯩﯟﺍﺭﻻﭖ ﺗﺎﻣﻼﺭﻏﺎ ﺋﯧﺴﯩﭗ ﻗﻮﻳﯘﻟﯩﺪﯗ، ﻫﯧﻠﯩﻤﯘ ﺧﻪﺗﺘﯩﻦ ﻫﻪﺭﺧﯩﻞ 'ﻣﻪﻧﺎ' ﭼﯩﻘﯩﺮﯨﭗ ﻣﯘﻧﻪﺟﺠﻤﯩﻠﯩﻚ ﻗﯩﻠﯩﺪﯨﻐﺎﻥ ﺋﺎﺩﻩﺕ ﺋﯚﺯﮔﯩﺮﯨﭗ ﭘﻪﻥ-ﺋﯩﻠﯩﻢ ﺋﺎﺳﺎﺳﯩﺪﺍ ﺗﻪﭘﻪﻛﻜﯘﺭ ﻗﯩﻠﯩﻨﯩﺪﯨﻐﺎﻥ ﺗﻪﺭﻩﻗﻘﯩﻴﺎﺕ ﻛﯚﺯﮔﻪ ﻛﯚﺭﯨﻨﻪﺭﻟﯩﻚ ﺋﻪﻣﻪﺱ. ﺧﯩﺘﺎﻳﭽﻪ ﺗﯩﻞ -ﻳﯧﺰﯨﻘﺘﯩﻜﻰ ﺑﯘﻧﺪﺍﻕ ﻫﺎﻟﻪﺗﻨﻰ، ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﻐﺎﻧﺪﯨﻦ ﻛﯧﻴﯩﻦ، ﻣﺎﯞﺯﯦﺪﯗﯓ ﺋﯚﺯﮔﻪﺗﻤﻪﻛﭽﻰ ﺑﻮﻟﻐﺎﻥ ﺋﯩﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ، ﺧﯩﺘﺎﻳﺪﺍ ﺋﻪﻟﻤﯩﺴﺎﻗﺘﯩﻦ ﻗﺎﻟﻐﺎﻥ ﻣﯚﭼﻪﻝ ﻳﯩﻠﻨﺎﻣﯩﺴﻰ ﻣﯩﻼﺩﯨﻴﻪ ﻳﯩﻠﻨﺎﻣﯩﺴﯩﻐﺎ ﺋﯚﺯﮔﻪﺭﺗﯩﻠﺪﻯ.

ﺧﯩﺘﺎﻳﭽﻪ ﺧﻪﺗﻨﯩﯔ ﺩﯗﻧﻴﺎﺩﺍ ﻛﯚﭖ ﺋﺎﺩﻩﻡ ﻗﻮﻟﻠﯩﻨﯩﺸﻘﺎ ﻳﯜﺯﻟﯩﻨﯩﺪﯨﻐﺎﻥ ﻳﯧﺰﯨﻘﻘﺎ ﺋﺎﻳﻠﯩﻨﺎﻟﻤﺎﻳﺪﯨﻐﺎﻧﻠﯩﻘﻰ ﻣﯚﻟﭽﻪﺭﻟﯩﻨﯩﭗ، 1950 ‏- ﻳﯩﻠﯩﺪﯨﻦ ﺑﺎﺷﻼﭖ ﻳﻪﻧﻪ، ﺗﯩﻠﻨﻰ ﻫﻪﺭﭖ ﺑﯩﻠﻪﻥ ﺋﯩﭙﺎﺩﯨﻠﻪﻳﺪﯨﻐﺎﻥ ﻳﯧﺰﯨﻖ ﻗﻮﻟﻠﯩﻨﯩﺪﯨﻐﺎﻥ 'ﺩﯗﻧﻴﺎﯞﯨﻲ ﻳﻮﻝ' ﻏﺎ ﻣﯧﯖﯩﺶ ﺗﻪﺷﻪﺑﺒﯘﺱ ﻗﯩﻠﯩﻨﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﺧﯩﺘﺎﻳﺪﺍ ﺧﻪﺗﻠﻪﺭﻧﻰ ﺋﺎﺩﺩﯨﻴﻼﺷﺘﯘﺭﯗﺵ، ﺋﻮﻣﯘﻣﻼﺷﻘﺎ ﺗﯩﻠﻨﻰ ﻗﻮﻟﻠﯩﻨﯩﺶ ﺑﺎﺷﻼﻧﺪﻯ. ﺟﻪﻣﺌﯩﻴﻪﺗﺘﻪ ﻗﻪﺩﯨﻤﻜﻰ ﺋﻪﻧﺌﻪﻧﯩﺪﯨﻜﻰ 'ﺧﻪﺕ ﻟﯘﻏﯩﺘﻰ' ﺩﯨﻦ ﺑﺎﺷﻘﺎ ﻳﯧﯖﯩﭽﻪ 'ﺗﯩﻞ ﻟﯘﻏﯩﺘﻰ' ﭘﻪﻳﺪﺍ ﺑﻮﻟﺪﻯ.

1990 ‏- ﻳﯩﻠﻼﺭﺩﺍ ' ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻖ ﺩﯗﻧﻴﺎﺩﺍ ﺑﯩﺮﺩﯨﻨﺒﯩﺮ ﺗﯩﻞ-ﻳﯧﺰﯨﻖ ﺑﻮﻟﯘﭖ ﻗﺎﻟﯩﺪﯗ' ﺩﻩﻳﺪﯨﻐﺎﻥ ﮔﻪﭖ ﭼﯩﻘﺘﻰ

ﺋﻪﻣﻤﺎ، ﺧﯩﺘﺎﻳﺪﯨﻜﻰ ﺑﯘﻧﺪﺍﻕ ﺗﯩﻞ-ﻳﯧﺰﯨﻖ ﺋﯚﺯﮔﻪﺭﺗﯩﺶ 1990 ‏- ﻳﯩﻠﻼﺭﻏﺎ ﻛﻪﻟﮕﻪﻧﺪﻩ، 'ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻖ ﺋﯩﻠﻤﯩﻲ ﺗﻪﺗﻘﯩﻘﺎﺕ ﻳﯩﻐﯩﻨﻰ' ﺩﯦﮕﻪﻥ ﺑﯩﺮ ﭼﻮﯓ ﻳﯩﻐﯩﻨﺪﺍ، 'ﺧﯩﺘﺎﻳﭽﻪ ﺧﯩﻞ-ﻳﯧﺰﯨﻖ 21 ‏- ﺋﻪﺳﺮﺩﻩ ﭼﻪﻛﺴﯩﺰ ﻗﯘﺩﺭﻩﺗﻠﯩﻚ ﺗﯩﻞ-ﻳﯧﺰﯨﻘﻘﺎ ﺋﺎﻳﻠﯩﻨﯩﺪﯗ' ﺩﯦﮕﻪﻥ ﺗﻪﺭﻏﯩﺒﺎﺕ ﺑﺎﺷﻼﻧﺪﻯ.

ﻫﺎﺯﯨﺮ ﺑﯩﺰ 21 ‏- ﺋﻪﺳﯩﺮﻧﯩﯔ 7 ‏- ﻳﯩﻠﯩﻐﺎ ﻛﻪﻟﮕﻪﻧﺪﯨﻤﯘ ، ﺗﯧﺨﯩﭽﻪ ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻘﺘﺎ ﺩﯗﻧﻴﺎﻏﺎ ﻗﺎﺭﺍﭖ ﺗﻪﺭﻩﻗﻘﻰ ﻗﯩﻠﯩﺪﯨﻐﺎﻥ ﺑﯩﺮﻩﺭ 'ﭼﻮﯓ ﺳﻪﻛﺮﻩﭖ ﺋﯩﻠﮕﯩﺮﯨﻠﻪﺵ' ﺑﻮﻟﻐﺎﻧﻠﯩﻘﯩﻨﯩﯔ ﺷﻪﭘﺴﯩﻨﻰ ﻫﯧﺲ ﻗﯩﻼﻟﯩﻐﯩﻨﯩﻤﯩﺰ ﻳﻮﻕ.

ﯞﺍﻫﺎﻟﻪﻧﻜﻰ، ﺑﯘﻧﺪﺍﻕ ﭼﻮﯓ ﮔﻪﭘﻠﻪﺭ ﺩﯦﻴﯩﻠﮕﻪﻧﺪﯨﻦ ﻛﯧﻴﯩﻦ، ﺩﯗﻧﻴﺎﺩﺍ ﺋﯧﻨﮕﯩﻠﯩﺰﭼﻪ ﺗﯩﻞ- ﻳﯧﺰﯨﻖ 100 ﻧﻪﭼﭽﻪ ﺩﯙﻟﻪﺗﻜﻪ ﻛﯧﯖﯩﻴﯩﭗ ﺑﻮﻟﺪﻯ. ﺋﻪﻣﻤﺎ 'ﺧﯩﺘﺎﻱ ﺗﯩﻠﻰ ﺩﯗﻧﻴﺎﺩﺍ ﺗﻪﯕﺪﯦﺸﻰ ﻳﻮﻕ ﺗﯩﻞ -ﻳﯧﺰﯨﻖ' ، 'ﻳﯩﮕﯩﺮﻣﻪ ﺑﯩﺮﯨﻨﭽﻰ ﺋﻪﺳﯩﺮﻧﯩﯔ ﺗﯩﻠﻰ-ﻳﯧﺰﯨﻘﻰ'، ﻫﻪﺗﺘﺎ ' ﺧﯩﺘﺎﻳﭽﻪ ﺗﯩﻞ-ﻳﯧﺰﯨﻖ ﺩﯗﻧﻴﺎﺩﺍ ﺑﯩﺮﺩﯨﻨﺒﯩﺮ ﺗﯩﻞ-ﻳﯧﺰﯨﻖ ﺑﻮﻟﯘﭖ ﻗﺎﻟﯩﺪﯗ' ﺩﯦﮕﻪﻥ 'ﺋﯘﻟﯘﻍ' ﮔﻪﭘﻠﻪﺭ ﺗﯧﺨﯩﭽﻪ ﺋﯩﺰﺍﺭ ﺗﺎﺭﺗﻤﺎﻱ ﺩﯦﮕﻪﻥ ﻳﻪﺭﺩﻩ ﻗﯧﻠﯩﭗ ﻗﺎﻟﺪﻯ. (ﺩﺍﯞﺍﻣﻰ ﺑﺎﺭ، ﯞﻩﻟﻰ)