ﺧﯩﺘﺎﻳﻨﯩﯔ ﺗﯧﺮﺭﻭﺭﻟﯘﻕ ﻫﯘﺟﯘﻡ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﻰ ﺋﯘﻳﻐﯘﺭﻻﺭ ﺗﻮﻏﺮﯨﺴﯩﺪﯨﻜﻰ ﻳﯧﯖﻰ ﻣﯘﻻﻫﯩﺰﯨﻠﻪﺭﮔﻪ ﻳﻮﻝ ﺋﺎﭼﺘﻰ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺗﯧﺮﺭﻭﺭﻟﯘﻕ ﻫﯘﺟﯘﻡ ﭘﯩﻼﻧﻰ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﯩﻐﺎ ﮔﯘﻣﺎﻥ ﺑﯩﻠﻪﻥ ﻗﺎﺭﯨﻐﺎﻥ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﯩﻠﻪﺭ ﯞﻩ ﻣﯘﺗﻪﺧﻪﺳﺴﯩﺴﻠﻪﺭ، ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺋﯧﻼﻥ ﻗﯩﻠﻐﺎﻥ ﻣﺎﻗﺎﻟﻪ ﯞﻩ ﻣﯘﻻﻫﯩﺰﯨﻠﯩﺮﯨﺪﻩ، ﺋﯘﻳﻐﯘﺭﻻﺭ، ﺋﯘﻳﻐﯘﺭﻻﺭﻧﯩﯔ ﻧﯚﯞﻩﺗﺘﯩﻜﻰ ﯞﻩﺯﯨﻴﯩﺘﻰ، ﺋﯘﻻﺭﻧﯩﯔ ﻧﯩﺸﺎﻧﻰ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﻰ ﻫﻪﻗﻘﯩﺪﻩ ﺋﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﺘﺎ. ﺑﻪﺯﻯ ﻣﯘﻻﻫﯩﺰﯨﻠﻪﺭﺩﻩ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﻰ ﯞﻩ ﺑﯘ ﻫﻪﺭﯨﻜﻪﺗﻨﯩﯔ ﺧﻪﻟﻘﺌﺎﺭﺍ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻠﯩﺮﻯ ﺑﯩﻠﻪﻥ ﭼﯧﺘﯩﺸﻠﯩﻘﯩﻨﯩﯔ ﺑﺎﺭ-ﻳﻮﻗﻠﯘﻗﻰ ﻗﺎﻳﺘﯩﺪﯨﻦ ﻣﯘﻧﺎﺯﯨﺮﻩ ﻗﯩﻠﯩﻨﻐﺎﻥ ﺑﻮﻟﯘﭖ، ﻧﯘﺭﻏﯘﻧﻠﯩﻐﺎﻥ ﻣﯘﻻﻫﯩﺰﯨﭽﯩﻠﻪﺭ، ﺑﯘﺵ ﻫﯚﻛﯜﻣﯩﺘﯩﻨﯩﯔ ﺋﯩﺮﺍﻕ ﻣﻪﺳﯩﻠﯩﺴﯩﺪﻩ ﺑﯧﻴﺠﯩﯔ ﺭﻩﻫﺒﻪﺭﻟﯩﺮﯨﻨﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﯩﺶ ﺋﯜﭼﯜﻥ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﻰ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻰ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﯛﺷﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

"ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﯞﻩ ﺗﯩﺒﻪﺗﻨﻰ ﺧﯩﺘﺎﻱ ﺟﻪﻣﺌﯩﻴﯩﺘﯩﻨﯩﯔ ﺑﯩﺮ ﻗﯩﺴﯩﻤﻰ ﻗﯩﻠﯩﺶ ﻧﯩﺸﺎﻧﯩﻐﺎ ﻳﯧﺘﻪﻟﻤﯩﮕﻪﻥ"

ﺳﺘﺮﺍﺗﻔﻮﺭ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﻣﯘﻻﻫﯩﺰﯨﺪﻩ،"ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ، ﺋﺎﻳﺮﻭﭘﯩﻼﻥ ﯞﻩﻗﻪﺳﻰ ﯞﻩ ﻳﺎﻧﯟﺍﺭ ﺋﯧﻴﯩﺪﺍ ﺋﯜﺭﯛﻣﭽﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪ ﻫﻪﻗﻘﯩﺪﯨﻜﻰ ﻳﯧﯖﻰ ﺋﯘﭼﯘﺭﻻﺭﻧﻰ، ﺷﯩﺌﻪﻧﺪﻩ ﺋﺎﯞﺳﺘﯩﺮﺍﻟﯩﻴﯩﻠﯩﻚ ﺳﺎﻳﺎﻫﻪﺕ ﻳﯧﺘﻪﻛﭽﯩﻠﯩﺮﯨﻨﯩﯔ ﮔﯚﺭﯛﮔﻪ ﺋﯧﻠﯩﻨﯩﺶ ﯞﻩﻗﻪﺳﯩﻨﯩﯔ ﺋﺎﺭﻗﯩﺴﯩﺪﺍ ﺋﺎﺷﻜﺎﺭﯨﻠﯩﻐﺎﻧﻠﯩﻘﻰ، ﻛﯩﺸﯩﻨﯩﯔ ﮔﯘﻣﺎﻧﯩﻨﻰ ﻗﻮﺯﻏﺎﻳﺪﯗ" ﺩﯦﻴﯩﻠﮕﻪﻥ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﯨﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﻯ ﯞﻩ ﻗﺎﺗﺘﯩﻖ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﮕﻪ ﻗﺎﺭﺍﺗﻘﺎﻥ ﺗﻪﻧﻘﯩﺪﻟﯩﺮﯨﺪﯨﻦ ﺳﺎﻗﻠﯩﻨﯩﺶ ﺋﯜﭼﯜﻥ، ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺭﺍﺩﯨﻜﺎﻝ ﺋﯩﺴﻼﻡ ﺗﻪﻫﺪﯨﺘﻰ ﻫﻪﻗﻘﯩﺪﯨﻜﻰ ﺋﻪﻧﺪﯨﺸﯩﻠﯩﺮﯨﻨﻰ ﺳﯜﻳﺌﯩﺴﺘﯩﻤﺎﻝ ﻗﯩﻠﻐﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ ﻣﯘﻻﻫﯩﺰﯨﺪﻩ، ﺧﯩﺘﺎﻳﺪﺍ ﻗﯘﺭﯗﻟﻐﺎﻥ ﺩﯙﻟﻪﺗﻠﻪﺭﻧﯩﯔ ﺋﯚﺯ ﻣﯩﻠﻠﯩﻲ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺵ ﺋﯜﭼﯜﻥ ﺗﺎﺭﯨﺨﺘﯩﻦ ﺑﯘﻳﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ، ﺗﯩﺒﻪﺕ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﻰ ﺋﯩﺸﻐﺎﻝ ﻗﯩﻠﯩﺸﻘﺎ ﺋﯘﺭﯗﻧﻐﺎﻧﻠﯩﻘﻰ، ﻟﯧﻜﯩﻦ ﺑﯘ ﺭﺍﻳﻮﻧﻼﺭﻧﯩﯔ ﺋﯩﺸﻐﺎﻟﻰ ﺧﯩﺘﺎﻱ ﺋﯜﭼﯜﻥ ﻳﯧﯖﻰ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﻠﯩﺮﯨﻨﻰ ﭘﻪﻳﺪﺍ ﻗﯩﻠﻐﺎﻧﻠﯩﻘﻰ، ﺋﻪﺳﻜﻪﺭﺗﯩﻠﮕﻪﻥ.

ﺳﺘﺮﺍﺗﻔﻮﺭ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﻣﯘﻻﻫﯩﺰﯨﺪﻩ، ﮔﻪﺭﭼﻪ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﺘﯩﻜﻰ ﻫﺎﻛﯩﻤﯩﻴﯩﺘﯩﻨﻰ ﻗﻮﻏﺪﺍﺵ ﺋﯜﭼﯜﻥ، ﻧﯘﺭﻏﯘﻥ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﻨﻰ ﻳﻮﻟﻐﺎ ﻗﻮﻳﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺭﺍﻳﻮﻥ ﺧﻪﻟﻘﻠﯩﺮﯨﻨﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﻫﻪﺭﯨﻜﻪﺗﻠﯩﺮﯨﻨﯩﯔ ﺋﯚﺯﻟﯜﻛﺴﯩﺰ ﺩﺍﯞﺍﻣﻼﺷﻘﺎﻧﻠﯩﻘﻰ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﯧﭽﻘﺎﭼﺎﻥ ﺋﯘﻳﻐﯘﺭ ﯞﻩ ﺗﯩﺒﻪﺕ ﺧﻪﻟﻘﻠﯩﺮﯨﻨﻰ ﺧﯩﺘﺎﻱ ﺟﻪﻣﺌﯩﻴﯩﺘﯩﻨﯩﯔ ﺑﯩﺮ ﻗﯩﺴﯩﻤﻰ ﻗﯩﻠﯩﺶ ﻧﯩﺸﺎﻧﯩﻐﺎ ﻳﯧﺘﻪﻟﻤﯩﮕﻪﻧﻠﯩﻜﻰ، ﺗﻪﻛﯩﺘﻠﻪﻧﮕﻪﻥ.

" ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻪﻟﯩﭙﯩﮕﻪ ﺋﺎﺳﺎﺳﻪﻥ ﺗﯩﺰﯨﻤﻠﯩﻜﻜﻪ ﻛﯩﺮﮔﯜﺯﯛﻟﮕﻪﻥ "

ﻳﯘﻗﯩﺮﯨﺪﺍ ﺋﯧﻴﺘﻘﯩﻨﯩﻤﯩﺰﺩﻩﻙ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ، ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﻫﯘﺟﯘﻡ ﻗﯩﻠﯩﺸﻨﻰ ﭘﯩﻼﻧﻠﯩﻐﺎﻥ ﺩﻩﭖ ﺋﻪﻳﯩﺒﻠﯩﺸﻰ، ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﺎﻳﺎﻧﺎﺗﯩﻐﺎ ﮔﯘﻣﺎﻥ ﺑﯩﻠﻪﻥ ﻗﺎﺭﯨﺸﻰ ﺑﯩﻠﻪﻧﻼ ﭼﻪﻛﻠﯩﻨﯩﭗ ﻗﺎﻟﻤﺎﺳﺘﯩﻦ، ﺋﯘﻳﻐﯘﺭﻻﺭ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺷﯘﻧﯩﯖﺪﻩﻙ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﻰ ﺟﯩﺪﺩﯨﻲ ﺑﯩﺮ ﻣﯘﻧﺎﺯﯨﺮﯨﻨﯩﯔ ﻗﻮﺯﻏﯩﻠﯩﺸﯩﻐﺎ ﺳﻪﯞﻩﺏ ﺑﻮﻟﺪﻯ. ﻫﻪﺗﺘﺎ ﺧﯩﺘﺎﻱ ﺗﻪﺭﯨﭙﯩﺪﯨﻦ ﺋﻪﻟﻘﺎﺋﯩﺪﻩ ﻗﺎﺗﺎﺭﻟﯩﻖ ﺧﻪﻟﻘﺌﺎﺭﺍ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻠﯩﺮﻯ ﺑﯩﻠﻪﻥ ﻣﯘﻧﺎﺳﯩﯟﯨﺘﻰ ﺑﺎﺭ ﺩﻩﭖ ﺋﻪﻳﯩﺒﻠﻪﻧﮕﻪﻥ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻪﻟﯩﭙﯩﮕﻪ ﺋﺎﺳﺎﺳﻪﻥ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﯛﻟﮕﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﺧﻪﻟﻘﺌﺎﺭﺍ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻠﯩﺮﻯ ﺑﯩﻠﻪﻥ ﭼﯧﺘﯩﺸﻠﯩﻘﯩﻨﯩﯔ ﺑﺎﺭ ﻳﺎﻛﻰ ﻳﻮﻗﻠﯘﻗﻰ ﻗﺎﻳﺘﯩﺪﯨﻦ ﻣﯘﻧﺎﺯﯨﺮﻩ ﻗﯩﻠﯩﻨﯩﺸﻘﺎ ﺑﺎﺷﻠﯩﻐﺎﻥ.

ﺋﺎﻣﯧﺮﯨﻜﯩﺪﯨﻜﻰ ﺩﺍﯕﻠﯩﻖ ﺗﻪﺗﻘﯩﻘﺎﺕ ﻣﻪﺭﻛﻪﺯﻟﯩﺮﯨﻨﯩﯔ ﺑﯧﺮﻯ ﻫﯧﺴﺎﺑﻼﻧﻐﺎﻥ ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﻛﯧﯖﯩﺸﻰ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﻣﻪﻗﺴﯩﺘﻰ، ﺑﯘ ﺗﻪﺷﻜﯩﻼﺗﻨﯩﯔ ﺋﻪﻟﻘﺎﺋﯩﺪﻩ ﺑﯩﻠﻪﻥ ﻣﯘﻧﺎﺳﯩﯟﯨﺘﯩﻨﯩﯔ ﺑﺎﺭ-ﻳﻮﻗﻠﯘﻗﻰ ﯞﻩ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﻧﯧﻤﻪ ﺋﯜﭼﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﮕﻪ ﻗﺎﺭﺷﻰ ﺗﯘﺭﯗﺷﻨﻰ ﻗﺎﺭﺍﺭ ﻗﯩﻠﻐﺎﻧﻠﯩﻘﻰ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭﮔﻪ ﺟﺎﯞﺍﺏ ﺑﯧﺮﯨﻠﮕﻪﻥ.

"ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﻰ ﻫﻪﻗﻘﯩﺪﻩ ﻳﯧﺘﻪﺭﻟﯩﻚ ﺩﻩﻟﯩﻞ- ﺋﯩﺴﭙﺎﺕ ﺋﻮﺗﺘﯘﺭﯨﻐﺎ ﻗﻮﻳﯘﻟﻤﯩﻐﺎﻥ"

ﻣﺎﻗﺎﻟﯩﺪﻩ ﺗﻪﻛﯩﺘﻠﯩﻨﯩﺸﯩﭽﻪ، ﺑﯧﻴﺠﯩﯔ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ، ﺋﯘﻳﻐﯘﺭ ﻣﯘﺳﺘﻪﻗﯩﻠﭽﻰ ﻫﻪﺭﯨﻜﻪﺗﻠﯩﺮﯨﻨﻰ ﺋﯚﺯ ﺗﯘﭘﺮﺍﻕ ﭘﯜﺗﯜﻧﻠﯜﻛﯩﮕﻪ ﺗﻪﻫﺪﯨﺖ ﺩﻩﭖ ﻗﺎﺭﯨﻐﺎﻧﻠﯩﻘﻰ ﺋﯜﭼﯜﻥ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﻰ ﻧﺎﻣﻠﯩﻖ ﺗﻪﺷﻜﯩﻼﺗﻨﻰ ﺗﯧﺮﺭﻭﺭﭼﻰ ﺗﻪﺷﻜﯩﻼﺕ ﺩﻩﭖ ﺟﺎﻛﺎﺭﻟﯩﻐﺎﻥ.

ﻏﻪﺭﺏ ﻣﯘﺗﻪﺧﻪﺳﺴﯩﺴﻠﯩﺮﻯ ﯞﻩ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﯩﻠﯩﺮﯨﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﺋﻪﻟﻘﺎﺋﯩﺪﻩ ﺗﻪﺷﻜﯩﻼﺗﻰ ﺑﯩﻠﻪﻥ ﻣﯘﻧﺎﺳﯩﯟﯨﺘﻰ ﺑﺎﺭﻟﯩﻘﯩﻐﺎ ﺋﺎﻧﭽﯩﻼ ﺋﯩﺸﻪﻧﻤﻪﻳﺪﯨﻐﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ ﻣﺎﻗﺎﻟﯩﺪﻩ ﻳﻪﻧﻪ ﻣﯘﻧﺪﺍﻕ ﺩﯦﻴﯩﻠﮕﻪﻥ " ﭘﺮﯦﺰﯨﺪﯦﻨﺖ ﺑﯘﺵ ﻫﯚﻛﯜﻣﯩﺘﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯩﺮ ﻧﻪﭼﭽﻪ ﺋﺎﻱ ﺩﺍﯞﺍﻣﻼﺷﻘﺎﻥ ﻗﺎﺗﺘﯩﻖ ﺑﯧﺴﯩﻤﻰ ﺑﯩﻠﻪﻥ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﺋﺎﻣﯧﺮﯨﻜﯩﺪﯨﻜﻰ ﻣﺎﻝ-ﻣﯜﻟﻜﯩﻨﻰ ﻣﯘﺳﺎﺩﯨﺮﻩ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ. ﻟﯧﻜﯩﻦ ﻣﯘﺗﻪﺧﻪﺳﺴﯩﺴﻠﻪﺭ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﻫﻪﻗﻘﯩﺪﻩ ﻳﯧﺘﻪﺭﻟﯩﻚ ﺩﻩﻟﯩﻞ-ﺋﯩﺴﭙﺎﺕ ﺋﻮﺗﺘﯘﺭﯨﻐﺎ ﻗﻮﻳﯘﻟﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ ﻫﻪﻣﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﻛﻪﯓ ﻛﯚﻟﻪﻣﻠﯩﻚ ﺗﯧﺮﺭﻭﺭﻟﯘﻕ ﭘﺎﺋﺎﻟﯩﻴﻪﺗﻠﯩﺮﻯ ﺋﯧﻠﯩﭗ ﺑﺎﺭﻏﺎﻧﻠﯩﻘﻰ ﯞﻩ ﺑﯘ ﺗﻪﺷﻜﯩﻼﺗﻨﯩﯔ ﺧﻪﻟﻘﺌﺎﺭﺍ ﺗﯧﺮﺭﻭﺭﻟﯘﻕ ﻫﻪﺭﯨﻜﻪﺗﻠﯩﺮﻯ ﺑﯩﻠﻪﻥ ﻣﯘﻧﺎﺳﯩﯟﯨﺘﻰ ﺑﺎﺭﻟﯩﻘﻰ ﺗﻮﻏﺮﯨﺴﯩﺪﯨﻜﻰ ﭘﯩﻜﯩﺮﻟﻪﺭﻧﻰ ﺭﻩﺕ ﻗﯩﻠﻤﺎﻗﺘﺎ."

ﻣﺎﻗﺎﻟﯩﺪﻩ ﺋﯧﻴﺘﯩﻠﯩﺸﯩﭽﻪ، ﮔﻪﺭﭼﻪ، ﺋﺎﻣﯧﺮﯨﻜﺎ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﻰ ﻫﻪﻗﻘﯩﺪﻩ ﺋﯚﺯﻟﯩﺮﻯ ﻗﻮﻟﻐﺎ ﭼﯜﺷﯜﺭﮔﻪﻥ ﺋﯘﭼﯘﺭﻻﺭﻏﺎ ﺋﺎﺳﺎﺳﻪﻥ، ﺑﯘ ﺗﻪﺷﻜﯩﻼﺗﻨﯩﯔ ﺋﺎﻣﯧﺮﯨﻜﯩﺪﯨﻜﻰ ﻣﺎﻝ-ﻣﯜﻟﻜﯩﻨﻰ ﻣﯘﺳﺎﺩﯨﺮﻩ ﻗﯩﻠﯩﺸﻨﻰ ﻗﺎﺭﺍﺭ ﻗﯩﻠﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﯩﻠﻪﺭ ﯞﻩ ﻣﯘﺗﻪﺧﻪﺳﺴﯩﺴﻠﻪﺭ، ﺋﺎﻣﯧﺮﯨﻜﺎ، ﺋﯩﺮﺍﻗﻘﺎ ﻫﯘﺟﯘﻡ ﻗﻮﺯﻏﺎﺵ ﻗﺎﺭﺍﺭ ﻻﻳﯩﻬﯩﺴﯩﻨﯩﯔ ﺏ ﺩ ﺕ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﯩﺪﻩ ﻗﻮﺑﯘﻝ ﻗﯩﻠﯩﻨﯩﺸﻰ ﻣﻪﺳﯩﻠﯩﺴﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﯩﺶ ﺋﯜﭼﯜﻥ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﻰ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﯛﺷﻨﻰ ﻗﻮﺑﯘﻝ ﻗﯩﻠﻐﺎﻥ. (ﺋﯚﻣﻪﺭ ﻗﺎﻧﺎﺕ)