ﺧﯘ ﺟﯩﻨﺘﺎﯞ : " ﺧﯩﺘﺎﻱ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﺭﯨﻘﺎﺑﻪﺗﻜﻪ ﺩﯗﭺ ﻛﻪﻟﺪﻯ"

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺩﯙﻟﻪﺕ ﭘﺮﯦﺰﯨﺪﯦﻨﺘﻰ ﺧﯘ ﺟﯩﻨﺘﺎﯞ، ﻳﯧﯖﻰ ﻳﯩﻞ ﻛﯧﭽﯩﻠﯩﻜﻰ ﺳﯚﺯ ﻗﯩﻠﯩﭗ، ﺧﯩﺘﺎﻳﻨﯩﯔ ﻧﯚﯞﻩﺗﺘﻪ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﭘﯘﺭﺳﻪﺕ ﯞﻩ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﺭﯨﻘﺎﺑﻪﺗﻜﻪ ﺩﯗﭺ ﻛﻪﻟﮕﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ. ﻛﯚﺯﻩﺗﻜﯜﭼﯩﻠﻪﺭ، ﺧﯘ ﺟﯩﻨﺘﺎﯞﻧﯩﯔ ﺑﯘ ﺳﯚﺯﯨﻨﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺩﯗﭺ ﻛﻪﻟﮕﻪﻥ ﺩﯦﻤﻮﻛﺮﺍﺗﯩﻚ ﺋﯩﺴﻼﻫﺎﺕ ﺗﻪﻟﯩﭙﯩﺪﯨﻜﻰ ﻳﯜﻛﺴﯩﻠﯩﺸﻨﯩﯔ ﺋﯧﺘﯩﺮﺍﭘﻰ ﺩﻩﭖ ﻗﺎﺭﺍﺷﻤﺎﻗﺘﺎ.

" 30 ﻳﯩﻠﻠﯩﻖ ﺋﯩﺴﻼﻫﺎﺗﺘﺎ ﺧﯘ ﺟﯩﻨﺘﺎﯞﻧﯩﯔ ﻫﯧﭽﻘﺎﻧﺪﺍﻕ ﻫﻪﺳﺴﯩﺴﻰ ﻳﻮﻕ "

ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ، ﺧﯘ ﺟﯩﻨﺘﺎﯞ ﺑﺎﺷﭽﯩﻠﯩﻘﯩﺪﯨﻜﻰ 4 ‏-ﺋﻪﯞﻻﺩﻧﯩﯔ ﻗﻮﻟﯩﻐﺎ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﺋﺎﻧﺎﻟﯩﺰﭼﯩﻠﯩﺮﻯ، ﺧﯘ ﺟﯩﻨﺘﺎﯞﻧﯩﯔ ﺳﯩﻴﺎﺳﯩﻲ ﺗﻪﻗﺪﯨﺮﻯ ﻫﻪﻗﻘﯩﺪﻩ ﻣﯘﻧﺪﺍﻕ ﺋﯩﻜﻜﻰ ﺧﯩﻞ ﺋﯧﻬﺘﯩﻤﺎﻟﻠﯩﻘﻨﻰ ﭘﻪﺭﻩﺯ ﻗﯩﻠﻐﺎﻥ : ﺑﯩﺮﻯ ﺳﯩﻴﺎﺳﯩﻲ ﺗﯜﺯﯛﻟﻤﻪ ﺋﯩﺴﻼﻫﺎﺗﻰ ﺋﯧﻠﯩﭗ ﺑﯧﺮﯨﭗ، ﺧﯩﺘﺎﻳﻨﻰ ﺩﯦﻤﻮﻛﺮﺍﺗﯩﻴﻪ ﻳﻮﻟﯩﻐﺎ ﺳﯧﻠﯩﺶ، ﺑﯘ ﺋﺎﺭﻗﯩﻠﯩﻖ، ﺧﯩﺘﺎﻳﻨﯩﯔ ﻳﯧﻘﯩﻨﻘﻰ ﻳﯜﺯ ﻳﯩﻠﻠﯩﻖ ﺗﺎﺭﯨﺨﯩﺪﯨﻜﻰ ﻣﻪﺷﻬﯘﺭ ﺷﻪﺧﺴﻜﻪ ﺋﺎﻳﻠﯩﻨﯩﺶ؛ ﻳﻪﻧﻪ ﺑﯩﺮﻯ ﺑﻮﻟﺴﺎ، ﻛﻮﻧﺎ ﺗﯜﺯﯛﻣﮕﻪ ﯞﺍﺭﯨﺴﻠﯩﻖ ﻗﯩﻠﯩﭗ، ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﻪﺗﻨﻰ ﺩﺍﯞﺍﻣﻼﺷﺘﯘﺭﯗﺵ ﺑﯘ ﺋﺎﺭﻗﯩﻠﯩﻖ ﻫﺎﻟﻘﯩﻠﯩﻖ ﺑﺎﺳﻘﯘﭼﺘﺎ، ﺗﺎﺭﯨﺨﯩﻲ ﻗﺎﺭﺍﺭ ﺑﯧﺮﻩﻟﻤﯩﮕﻪﻥ، ﻳﺎﺭﺍﻣﺴﯩﺰ ﺷﻪﺧﺴﻠﻪﺭ ﻗﺎﺗﺎﺭﯨﺪﺍ ﺗﺎﺭﯨﺨﻘﺎ ﻳﯧﺰﯨﻠﯩﺶ.

ﻣﺎﻧﺎ ﺑﯘ ﺳﻪﯞﻩﺑﺘﯩﻦ ﻛﯚﺯﻩﺗﻜﯜﭼﯩﻠﻪﺭ، ﺧﯘ ﺟﯩﻨﺘﺎﯞﻧﯩﯔ ﻧﯘﺗﯘﻗﻠﯩﺮﯨﻨﻰ ﺩﯨﻘﻘﻪﺕ ﺑﯩﻠﻪﻥ ﻛﯚﺯﯨﺘﯩﭗ ﻛﻪﻟﻤﻪﻛﺘﻪ. ﺧﯘ ﺟﯩﻨﺘﺎﯞ ﻳﯧﯖﻰ ﻳﯩﻞ ﻛﯧﭽﯩﻠﯩﻜﯩﺪﯨﻜﻰ ﻧﯘﺗﯩﻘﯩﺪﺍ، 30 ﻳﯩﻠﻠﯩﻖ ﺋﯩﺴﻼﻫﺎﺕ، ﺧﯩﺘﺎﻱ ﺩﯙﻟﯩﺘﻰ ﯞﻩ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺋﯜﭼﯜﻥ، ﺗﺎﺭﯨﺨﯩﻲ ﺋﻪﻫﻤﯩﻴﻪﺗﻠﯩﻚ ﺑﯩﺮ ﺯﻭﺭ ﯞﻩﻗﻪ ﺩﻩﭖ ﻣﻪﺩﻫﯩﻴﯩﻠﯩﮕﻪﻥ. ﺋﻪﻣﻤﺎ، ﺋﯚﻛﺘﯩﭽﻰ ﻛﯜﭼﻠﻪﺭ، ﺑﯘ ﺋﯩﺴﻼﻫﺎﺕ ﻧﻪﺗﯩﺠﯩﻠﯩﺮﯨﻨﯩﯔ ﻧﺎﻫﺎﻳﯩﺘﻰ ﺋﺎﺯ ﺑﯩﺮ ﻗﯩﺴﻤﯩﻨﻰ ﺋﯧﺘﯩﺮﺍﭖ ﻗﯩﻠﯩﺪﯗ ﯞﻩ ﺑﯘﻧﻰ ﺧﯩﺘﺎﻱ ﺧﻪﻟﻘﻰ ﺋﯜﭼﯜﻥ ﻗﯩﻠﯩﻨﻐﺎﻥ ﺧﯩﺰﻣﻪﺕ ﺩﻩﭖ ﺋﻪﻣﻪﺱ، ﺋﯘﻧﯩﯔ ﺋﺎﻟﺪﯨﺪﯨﻜﻰ 30 ﻳﯩﻠﺪﺍ ﺧﯩﺘﺎﻱ ﺧﻪﻟﻘﯩﻐﻪ ﻛﻪﻟﺘﯜﺭﮔﻪﻥ ﺯﯨﻴﺎﻧﻠﯩﺮﯨﻨﻰ ﻗﯩﺴﻤﻪﻥ ﺗﻮﻟﯘﻗﻼﺵ ﺩﻩﭖ ﻗﺎﺭﺍﻳﺪﯗ. ﺋﻪﮔﻪﺭ ﺑﯘ 30 ﻳﯩﻠﻠﯩﻖ ﺋﯩﺴﻼﻫﺎﺗﺘﺎ ﺑﯩﺮ ﻧﻪﺗﯩﺠﻪ ﺑﺎﺭ ﺩﯦﻴﯩﻠﺴﻪ، ﺑﯘ ﻧﻪﺗﯩﺠﻪ، ﺩﯨﯔ ﺷﻴﺎﯞﭘﯩﯖﻐﺎ ﺗﻪﺋﻪﻟﻠﯘﻗﻜﻰ ﺧﯘ ﺟﯩﻨﺘﺎﯞﻧﯩﯔ ﻫﯧﭽﻘﺎﻧﺪﺍﻕ ﻫﻪﺳﺴﯩﺴﻰ ﻳﻮﻕ، ﭘﻪﺧﯩﺮﻟﯩﻨﯩﺶ ﻫﻪﻗﻘﻰ ﻳﻮﻕ ﺩﻩﭖ ﻗﺎﺭﺍﻳﺪﯗ.

ﺧﯘ ﺟﯩﻨﺘﺎﯞﻧﯩﯔ ﻛﯩﺸﯩﻠﯩﻚ ﺧﺎﺭﺍﻛﺘﯧﺮﯨﺪﯨﻤﯘ، ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﺳﯩﻴﺎﺳﯩﺘﯩﺪﯨﻤﯘ ﻫﯧﭽﻘﺎﻧﺪﺍﻕ ﺑﯩﺮ ﺧﺎﺳﻠﯩﻖ ﻳﻪﻧﻰ ﺋﯚﺯﮔﯩﭽﯩﻠﯩﻚ ﻳﻮﻕ، ﺧﯘ ﺟﯩﻨﺘﺎﯞﺩﺍ ﺑﯩﺮ ﺧﺎﺳﻠﯩﻖ ﺑﺎﺭ ﺩﯦﻴﯩﻠﺴﻪ، ﺑﯘ ﺧﺎﺳﻠﯩﻖ ﻧﯘﺗﯘﻗﻠﯩﺮﯨﺪﺍ ﺯﯨﺖ ﮔﻪﭖ ﻗﯩﻠﯩﺸﺘﯘﺭ. ﻣﺎﻧﺎ ﺑﯘ ﻗﺎﺭﺍﺷﺘﯩﻜﻰ ﻛﯚﺯﻩﺗﻜﯜﭼﯩﻠﻪﺭﺩﯨﻦ، ﺑﯧﻴﺠﯩﯖﺪﯨﻜﻰ ﻗﺎﻧﯘﻥ ﻣﯘﺗﻪﺧﻪﺳﺴﯩﺴﻰ ﺟﺎﯓ ﺯﯗﺧﯘﺋﺎ ﻣﯘﻧﺪﺍﻕ ﺩﻩﻳﺪﯗ: " ﻣﺎﺭﻛﯩﺴﯩﺰﻣﺪﺍ ﭼﯩﯔ ﺗﯘﺭﯗﺵ ﺩﯦﮕﻪﻥ ﮔﻪﭖ ﺑﯩﻠﻪﻥ ﻣﺎﺭﻛﺴﯩﺰﻣﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﺩﯦﮕﻪﻥ ﮔﻪﭖ ﺋﯘﺯ ‏- ﺋﺎﺭﺍ ﺯﯨﺖ. ﺟﻪﻣﺌﯩﻴﻪﺗﺘﻪ ﻛﯜﻧﺪﯨﻦ ‏- ﻛﯜﻧﮕﻪ ﻣﻪﺳﯩﻠﯩﻠﻪﺭ ﻛﯚﭘﻪﻳﮕﻪﻧﺴﯧﺮﻯ، ﺯﯨﺪﺩﯨﻴﻪﺗﻠﻪﺭ ﺋﯚﺗﻜﯜﺭﻟﻪﺷﻜﻪﻧﺴﯩﺮﻯ ﻫﺎﻛﯩﻤﯩﻴﻪﺕ ﺑﯧﺸﯩﺪﯨﻜﯩﻠﻪﺭﻧﯩﯔ ﻧﯘﺗﯩﻘﯩﺪﺍ ﺳﺎﺧﺘﺎ ﺷﯘﺋﺎﺭﻻﺭ، ﺯﯨﺖ ﭼﺎﻗﯩﺮﯨﻘﻼﺭﻣﯘ ﻛﯚﭘﯩﻴﯩﭗ ﺑﺎﺭﯨﺪﯗ."

ﺟﺎﯓ ﺯﯗﺧﯘﺋﺎﻧﯩﯔ ﺑﯘ ﻳﻪﺭﺩﻩ ﺗﻪﻧﻘﯩﺪ ﻗﯩﻠﻐﯩﻨﻰ، ﺧﯘ ﺟﯩﻨﺘﺎﯞﻧﯩﯔ ﺑﯧﻴﺠﯩﯖﺪﯨﻜﻰ ﻫﻪﻗﯩﻘﻪﺕ ﺟﯘﺭﻧﯩﻠﯩﺪﺍ ﭼﯩﻘﻘﺎﻥ ﺑﯩﺮ ﻧﯘﺗﯩﻘﻰ ﺋﯜﺳﺘﯩﺪﻩ ﺑﻮﻟﯘﭖ، ﻣﻪﺯﻛﯘﺭ ﻧﯘﺗﯘﻗﺘﺎ، ﺧﯩﺘﺎﻳﻨﯩﯔ ﻣﺎﺭﻛﯩﺴﯩﺰﻡ ﻧﻪﺯﯨﺮﯨﻴﯩﺴﺪﻩ ﭼﯩﯔ ﺗﯘﺭﯨﺪﯨﻐﺎﻧﻠﯩﻘﻰ ﯞﻩ ﺗﻪﺭﻩﻗﻘﯩﻲ ﻗﯩﻠﺪﯗﺭﯨﺪﯨﻐﺎﻧﻠﯩﻘﻰ ﺑﯘﻧﯩﯔ ﺑﯩﻠﻪﻥ ﺗﻪﯓ ﺋﯩﺴﻼﻫﺎﺕ ﯞﻩ ﺋﯧﭽﯩﯟﯦﺘﯩﺸﺘﻪ ﻗﻪﺩﯨﻤﯩﻨﻰ ﺗﻮﺧﺘﺎﺗﻤﺎﻳﺪﯨﻐﺎﻧﻠﯩﻘﻰ ﺑﯩﻠﺪﯛﺭﯛﻟﮕﻪﻥ.

"ﻣﺎﺭﻛﯩﺴﯩﺰﻣﻐﺎ ﺋﯧﺴﯩﻠﯩﭗ ﺗﯘﺭﯗﭖ ﺋﯩﺴﻼﻫﺎﺕ ﺋﯧﻠﯩﭗ ﺑﺎﺭﻏﯩﻠﻰ ﺑﻮﻟﻤﺎﻳﺪﯗ"

ﺑﯘ ﻫﻪﻗﺘﻪ، ﺧﯩﺘﺎﻱ ﺋﺎﻧﺎﻟﯩﺰﭼﯩﻼﺭﺩﯨﻦ ﭼﯧﻦ ﺯﯦﻤﯩﯔ ﻣﯘﻧﺪﺍﻕ ﺩﻩﻳﺪﯗ: " ﻣﺎﺭﻛﯩﺴﯩﺰﻡ - ﻟﯧﻨﯩﻨﯩﺰﻡ، ﻣﺎﯞﺯﯦﺪﻭﯓ ﺋﯩﺪﯨﻴﯩﺴﻰ ﺑﯩﻠﻪﻥ، ﺋﻪﺭﻛﯩﻨﻠﯩﻚ، ﺩﯦﻤﻮﻛﺮﺍﺗﯩﻴﻪ، ﺋﺎﺳﺎﺳﯩﻲ ﻗﺎﻧﯘﻥ ﯞﻩ ﺑﺎﺯﺍﺭ ﺋﯩﮕﯩﻠﯩﻜﻰ ﻧﻪﺯﯨﺮﯨﻴﯩﻠﯩﺮﻯ ﺑﯩﺮ ﻧﯘﻗﺘﯩﻐﺎ ﻛﯧﻠﻪﻟﻪﻳﺪﯨﻐﺎﻥ ﻧﻪﺯﯨﺮﯨﻴﯩﻠﻪﺭ ﺋﻪﻣﻪﺱ ؛ ﺑﯘﻧﯩﯔ ﺑﯩﺮﯨﺪﯨﻦ ﺗﻪﻟﺘﯚﻛﯜﺱ ﯞﺍﺯ ﻛﻪﭼﻤﻪﻱ ﺗﯘﺭﯗﭖ ﺋﯩﻜﻜﯩﻨﭽﻰ ﺑﯩﺮﯨﮕﻪ ﻳﯧﻘﯩﻨﻼﺷﻘﯩﻠﻰ ﺑﻮﻟﻤﺎﻳﺪﯗ."

ﺟﺎﯓ ﺯﯦﺨﯘﺋﺎ ﻳﻪﻧﻪ، ﺧﯘ ﺟﯩﻨﺘﺎﯞﻧﯩﯔ ﻧﯘﺗﯩﻘﯩﺪﯨﻜﻰ ﺯﯨﺘﻠﯩﻘﻼﺭﻧﻰ ﺧﯩﺘﺎﻱ ﺟﻪﻣﺌﯩﻴﯩﺘﻰ ﯞﻩ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺋﯩﭽﻜﻰ ﻗﯩﺴﻤﯩﺪﯨﻜﻰ ﺋﯩﺨﺘﯩﻼﭘﻨﯩﯔ ﺳﯩﺮﺗﻘﺎ ﺋﻪﻛﺲ ﺋﯧﺘﯩﺸﻰ ﺩﻩﭖ ﻛﯚﺭﺳﯩﺘﯩﭗ ﻣﯘﻧﺪﺍﻕ ﺩﻩﻳﺪﯗ:" ﺧﯩﺘﺎﻱ ﺟﻪﻣﺌﯩﻴﯩﺘﯩﺪﻩ ﺑﻮﻟﯘﯞﺍﺗﻘﺎﻧﺪﻩﻙ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺋﺎﺭﯨﺴﯩﺪﯨﻤﯘ ﺋﯩﺨﺘﯩﻼﭘﻼﺭ ﺑﺎﺭ. ﺧﯘ ﺟﯩﻨﺘﺎﯞ ﻣﺎﺭﻛﯩﺴﯩﺰﻣﺪﺍ ﭼﯩﯔ ﺗﯘﺭﯗﺵ ﺗﻪﺷﻪﺑﺒﯘﺳﻰ ﺋﺎﺭﻗﯩﻠﯩﻖ، ﭘﺎﺭﺗﯩﻴﯩﺪﯨﻜﻰ ﺳﻮﻝ ﻗﺎﻧﺎﺕ ﻛﯜﭼﻠﻪﺭﮔﻪ ﻳﻪﻧﻰ ﻣﺎﺭﻛﺴﯩﺰﻣﻨﻰ ﻳﺎﻗﻠﯩﻐﯘﭼﯩﻼﺭﻏﺎ ؛ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﺗﻪﺷﻪﺑﺒﯘﺳﻰ ﺋﺎﺭﻗﯩﻠﯩﻖ، ﺋﻮﯓ ﻗﺎﻧﺎﺕ ﻛﯜﭼﻠﻪﺭﮔﻪ ﻳﻪﻧﻰ ﻣﺎﺭﻛﺴﯩﺰﻣﻨﻰ ﺋﯩﻨﻜﺎﺭ ﻗﯩﻠﻐﯘﭼﯩﻼﺭﻏﺎ ﻳﺎﺧﺸﯩﭽﺎﻕ ﺑﻮﻟﯘﯞﺍﺗﯩﺪﯗ."

ﺧﯘ ﺟﯩﻨﺘﺎﯞﻧﯩﯔ ﻳﯧﯖﻰ ﻳﯩﻞ ﻛﯧﭽﯩﻠﯩﻜﯩﺪﯨﻜﻰ ﺳﯚﺯﯨﺪﻩ ﻗﯩﻠﻐﺎﻥ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﭘﯘﺭﺳﻪﺕ ﯞﻩ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﺭﯨﻘﺎﺑﻪﺕ ﺩﯦﮕﻪﻥ ﺳﯚﺯﯨﻨﻰ ﺧﯘ ﺟﯩﻨﺘﺎﯞﻧﯩﯔ ﺯﯨﺘﻠﯩﻘﻘﺎ ﺗﻮﻟﻐﺎﻥ ﻧﻪﺯﻩﺭﯨﻴﯩﺴﯩﻨﯩﯔ ﻳﻪﻧﻪ ﺑﯩﺮ ﺋﯩﭙﺎﺩﯨﺴﻰ ﺩﻩﭖ ﻗﺎﺭﯨﻐﺎﻥ ﺧﯩﺘﺎﻱ ﺳﯩﻴﺎﺳﯩﻲ ﺋﯚﻛﺘﯩﭽﯩﻠﯩﺮﯨﺪﯨﻦ ﻳﯜﺋﻪﻥ ﺧﯘﯕﺒﯩﯔ 17 ‏-ﻗﯘﺭﯗﻟﺘﺎﻳﺪﯨﻦ ﻛﯧﻴﯩﻦ، ﺧﯩﺘﺎﻱ ﺧﻪﻟﻘﯩﻨﯩﯔ ﺧﯘ ﺟﯩﻨﺘﺎﯞﺩﯨﻦ ﺗﺎﻣﺎﻣﻪﻥ ﺋﯜﻣﯩﺪﯨﻨﻰ ﺋﯜﺯﮔﻪﻧﻠﯩﻜﯩﻨﻰ ﺑﯩﻠﺪﯛﺭﯨﺪﯗ.

ﺭﺍﺑﯩﻴﻪ ﺧﺎﻧﯩﻢ:" ﺗﺎﺭﯨﺨﻨﻰ ﻗﻪﻫﺮﯨﻤﺎﻧﻼﺭ ﻳﺎﺭﯨﺘﯩﺪﯗ، ﺋﻪﻣﻤﺎ ﻗﻪﻫﺮﯨﻤﺎﻧﻨﻰ ﺧﻪﻟﻖ ﻳﺎﺭﯨﺘﯩﺪﯗ "

ﺧﯘ ﺟﯩﻨﺘﺎﯞﻧﯩﯔ ﻛﯩﺸﯩﻠﯩﻜﻰ ﯞﻩ ﻧﯘﺗﯩﻘﻰ ﻫﻪﻗﻘﯩﺪﯨﻜﻰ ﺑﯘ ﻣﯘﻻﻫﯩﺰﯨﻨﯩﯔ ﺋﺎﺭﻗﯩﺴﯩﺪﺍ، ﺗﺎﺭﯨﺨﻨﻰ ﻗﻪﻫﺮﯨﻤﺎﻧﻼﺭ ﻳﺎﺭﯨﺘﯩﺪﯗ ﺩﯦﮕﻪﻧﺪﯨﻦ ﺋﯩﺒﺎﺭﻩﺕ ﻏﻪﺭﺏ ﺗﺎﺭﯨﺦ ﻗﺎﺭﯨﺸﻰ ﻣﻪﯞﺟﯘﺗﺘﯘﺭ. ﺑﯘ ﻗﺎﺭﺍﺵ، ﺗﺎﺭﯨﺨﻨﻰ ﺋﻪﻣﮕﻪﻛﭽﻰ ﺧﻪﻟﻖ ﻳﺎﺭﯨﺘﯩﺪﯗ ﺩﻩﭖ ﻗﺎﺭﺍﭖ ﻛﻪﻟﮕﻪﻥ ﻛﻮﻣﻤﯘﻧﯩﺰﻡ ﺩﯗﻧﻴﺎﺳﻰ ﺑﯩﻠﻪﻥ ﻏﻪﺭﺏ ﺩﯗﻧﻴﺎﺳﯩﻨﯩﯔ ﭘﯩﻜﯩﺮ ﺳﺎﻫﻪﺳﯩﺪﯨﻜﻰ ﭘﻪﺭﻗﻠﻪﺭﺩﯨﻦ ﺑﯩﺮﻯ ﺑﻮﻟﯘﭖ ﻛﻪﻟﮕﻪﻥ.

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﻗﻮﺑﯘﻝ ﻗﯩﻠﻐﺎﻥ ﭼﯧﻐﯩﺪﺍ، ﺭﺍﺑﯩﻴﻪ ﻗﺎﺩﯨﺮﻏﺎ ﺋﻮﺧﺸﺎﺵ ﻛﯩﺸﯩﻠﻪﺭﻧﯩﯔ ﺗﺎﻻﻧﺘﻰ ﺗﺎﺭﯨﺦ ﻳﺎﺭﯨﺘﯩﺶ ﻗﯘﺩﺭﯨﺘﯩﮕﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺗﺎﺭﯨﺨﻨﻰ ﻗﻪﻫﺮﯨﻤﺎﻧﻼﺭ ﻳﺎﺭﯨﺘﯩﺪﯗ، ﺋﻪﻣﻤﺎ ﻗﻪﻫﺮﯨﻤﺎﻧﻨﻰ ﺧﻪﻟﻖ ﻳﺎﺭﯨﺘﯩﺪﯗ" ﺩﻩﭖ ﻗﺎﺭﺍﻳﺪﯗ. ﺷﯘﯕﺎ ﺋﯘ ﺋﯚﺯﯨﻨﯩﯔ ﺳﯩﻴﺎﺳﯩﻲ ﻫﺎﻳﺎﺗﯩﺪﯨﻜﻰ ﻧﻪﺗﯩﺠﯩﻠﯩﺮﯨﻨﻰ ﺧﻪﻟﻘﻨﯩﯔ ﻫﯩﻤﺎﻳﯩﺴﯩﺪﯨﻦ ﺋﺎﻳﺮﯨﭗ ﻗﺎﺭﯨﻤﺎﻳﺪﯗ. ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻳﯘﻗﯩﺮﯨﻘﯩﺪﻩﻙ ﺗﺎﺭﯨﺦ ﻗﺎﺭﯨﺸﯩﻨﻰ ﺑﺎﻳﺎﻥ ﻗﯩﻠﻐﯩﻨﯩﺪﺍ، ﺋﺎﻟﻼﻫﻨﯩﯔ ﻳﺎﺭﺩﯨﻤﻰ ﺑﯩﻠﻪﻥ ﺩﯦﮕﻪﻥ ﺋﯩﺰﺍﻫﺎﺗﻨﻰ ﻗﻮﺷﯘﭖ ﺋﯩﭙﺎﺩﯨﻠﻪﻳﺪﯗ.

ﺧﯘ ﺟﯩﻨﺘﺎﯞﻧﻰ ﻳﯧﯖﻰ ﺑﯩﺮ ﺗﺎﺭﯨﺦ ﻳﺎﺭﯨﺘﯩﺸﻘﺎ ﭼﺎﻗﯩﺮﯨﺶ، ﺧﯩﺘﺎﻱ ﺋﯩﭽﯩﺪﯨﻜﻰ ﺩﯦﻤﻮﻛﺮﺍﺗﭽﯩﻼﺭﻧﯩﯔ ﻳﻪﻧﻪ ﺑﯩﺮ ﺧﯩﻞ ﻫﻪﺭﯨﻜﻪﺕ ﺷﻪﻛﻠﻰ. ﻣﻪﻟﯘﻣﺎﺗﻼﺭﺩﯨﻦ ﻗﺎﺭﯨﻐﺎﻧﺪﺍ، 17 ‏- ﻗﯘﺭﯗﻟﺘﺎﻳﻨﯩﯔ ﺋﺎﻟﺪﻯ ‏- ﻛﻪﻳﻨﯩﺪﻩ، ﺧﯘ ﺟﯩﻨﺘﺎﯞﻏﺎ ﻳﯜﺯﺩﯨﻦ ﺋﺎﺭﺗﯘﻕ ﺋﻮﭼﯘﻕ ﻣﻪﻛﺘﯘﭖ ﻳﻮﻟﻼﻧﻐﺎﻥ. ﺑﯘﻻﺭﺩﯨﻦ ﻟﻴﺎﯞﻧﯩﯔ ﺋﯚﻟﻜﯩﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﯞﻩﻛﯩﻠﻰ، ﻫﺎﺯﯨﺮﻏﺎ ﻗﻪﺩﻩﺭ ﻫﯧﭽﻘﺎﻧﺪﺍﻕ ﺋﺎﯞﺍﺭﯨﭽﯩﻠﯩﻘﻘﺎ ﻳﻮﻟﯘﻗﻤﯩﻐﺎﻥ. ﭘﺮﻭﻓﯧﺴﺴﻮﺭ ﮔﯘ ﭼﯘﺋﻪﻥ ﻳﯧﻨﯩﻚ ﺷﻪﻛﯩﻠﺪﻩ ﺟﺎﺯﺍﻏﺎ ﺋﯘﭼﺮﯨﻐﺎﻥ. ﺑﯘ ﺋﻪﻫﯟﺍﻟﻨﻰ ﻛﯚﺯﺩﻩ ﺗﯘﺗﻘﺎﻥ ﺑﯩﺮ ﻗﯩﺴﯩﻢ ﻣﯘﻻﻫﯩﺰﯨﭽﯩﻠﻪﺭ، ﺧﯘ ﺟﯩﻨﺘﺎﯞﻏﺎ ﻳﻪﻧﯩﻼ ﺳﯩﻴﺎﺳﻰ ﺋﯩﺴﻼﻫﺎﺕ ﺋﯜﻣﯩﺪﻯ ﺑﯩﻠﻪﻥ ﻗﺎﺭﺍﭖ ﻛﻪﻟﻤﻪﻛﺘﻪ. (ﺷﯚﻫﺮﻩﺕ ﻫﻮﺷﯘﺭ)