ﺧﯩﺘﺎﻱ ﻫﯚﻛﯜﻣﯩﺘﻰ ﺳﻪﺑﯩﻴﻠﻪﺭﮔﻪ ﺧﯩﺘﺎﻱ ﺗﯩﻠﻰ ﻣﺎﺋﺎﺭﯨﭙﯩﻨﻰ ﻛﯜﭼﻪﻳﺘﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻳﯧﻘﯩﻨﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺋﯧﭽﯩﻠﻐﺎﻥ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺧﯩﺰﻣﯩﺘﻰ ﻳﯩﻐﯩﻨﯩﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﻧﺎﻣﯩﺪﯨﻜﻰ ﺧﯩﺘﺎﻳﭽﯩﻼﺷﺘﯘﺭﯗﺵ ﻣﺎﺋﺎﺭﯨﭗ ﺳﯩﻴﺎﺳﯩﺘﯩﻨﯩﯔ ﻳﻪﻧﯩﻤﯘ ﺭﺍﯞﺍﻥ ﺋﻪﻣﻪﻟﯩﻴﻠﯩﺸﯩﺸﻰ ﺋﯜﭼﯜﻥ، ﺧﯩﺘﺎﻱ ﺗﯩﻠﻰ ﻣﺎﺋﺎﺭﯨﭙﯩﻨﻰ ﺋﺎﺳﺎﺳﯩﻲ ﻣﺎﺋﺎﺭﯨﭙﻨﯩﯔ ﺋﺎﺳﺎﺳﻰ ﺑﻮﻟﻐﺎﻥ ﺑﺎﻏﭽﺎ ﻣﺎﺋﺎﺭﯨﭙﯩﺪﯨﻦ ﺑﺎﺷﻼﭖ ﺋﯧﻠﯩﭗ ﺑﯧﺮﯨﺸﻘﺎ ﺋﻪﻫﻤﯩﻴﻪﺕ ﺑﯧﺮﯨﺶ ﻫﻪﻣﺪﻩ ﺑﯘﻧﯩﯔ ﺋﯜﭼﯜﻥ ﺑﺎﻏﭽﺎ ﻣﺎﺋﺎﺭﯨﭙﯩﻐﺎ ﻳﯧﺘﻪﺭﻟﯩﻚ ﺋﻮﻗﯘﺗﻘﯘﭼﻰ ﺗﻪﺭﺑﯩﻴﯩﻠﻪﭖ ﻳﯧﺘﯩﺸﺘﯜﺭﯛﺷﻨﻰ ﻫﻪﻣﺪﻩ ﺑﯘﻧﻰ ﺋﯘﻳﻐﯘﺭ ﺋﯧﻠﯩﻨﯩﯔ ﻳﯧﺰﺍ- ﻛﻪﻧﺘﻠﯩﺮﯨﮕﯩﭽﻪ ﻛﯧﯖﻪﻳﺘﯩﺸﻨﻰ ﻗﺎﺭﺍﺭ ﻗﯩﻠﻐﺎﻥ.

ﻳﯧﺰﯨﻼﺭﺩﺍ ﺧﯩﺘﺎﻳﭽﻪ ﺑﺎﻟﯩﻼﺭ ﺑﺎﻏﭽﯩﻠﯩﺮﻯ

ﻣﺎﺋﺎﺭﯨﭗ ﺧﻪﯞﻩﺭﻟﯩﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻫﯚﻛﯜﻣﻪﺕ "ﺑﺎﻏﭽﺎ ﻣﺎﺋﺎﺭﯨﭙﯩﻨﻰ ﺧﯩﺘﺎﻳﭽﯩﻼﺷﺘﯘﺭﯗﺵ ﭘﯩﻼﻧﯩﻨﻰ 2006 ﻳﯩﻠﯩﺪﯨﻦ -2010 ﻳﯩﻠﯩﻐﯩﭽﻪ ﺋﺎﺳﺎﺳﯩﻲ ﺟﻪﻫﻪﺗﺘﯩﻦ ﺋﻪﻣﻪﻟﯩﻴﻠﻪﺷﺘﯜﺭﯛﺷﻨﻰ ﭘﯩﻼﻧﻼﭖ ﺑﯘﻧﻰ ﺋﯩﺸﻘﺎ ﺋﺎﺷﯘﺭﯗﺵ ﺋﯜﭼﯜﻥ 430 ﻣﯩﻠﻴﻮﻥ ﻳﯜﺋﻪﻥ ﻣﻪﺑﻠﻪﻍ ﺳﺎﻟﯩﺪﯨﻜﻪﻥ. ﺷﯘﻧﺪﺍﻗﻼ ﻧﯚﯞﻩﺗﺘﻪ ﺩﻩﺳﻠﻪﭘﻜﻰ ﻗﻪﺩﻩﻣﺪﻩ ﺑﻪﺵ ‏- ﺋﺎﻟﺘﻪ ﻳﺎﺷﻠﯩﻖ ﻳﯧﺰﺍ ﺑﺎﻟﯩﻠﯩﺮﯨﻨﯩﯔ 85% ﻧﯩﯔ ﻗﻮﺵ ﺗﯩﻠﺪﺍ ﺗﻪﺭﺑﯩﻴﯩﻠﯩﻨﯩﺸﯩﻨﻰ ﺋﯩﺸﻘﺎ ﺋﺎﺷﯘﺭﯗﺵ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﻤﺎﻗﺘﺎ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭ ﻗﺎﻳﺴﻰ ﻳﻪﺭﻟﯩﻚ ﻫﯚﻛﯜﻣﻪﺕ ﺗﻮﺭ ﺑﻪﺗﻠﯩﺮﯨﺪﻩ ﺋﯧﻼﻥ ﻗﯩﻠﯩﻨﻐﺎﻥ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭﻻﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻱ ﺗﯩﻠﻰ ﻣﺎﺋﺎﺭﯨﭙﯩﻨﻰ ﺳﻪﺑﯩﻴﻠﻪﺭﮔﻪ ﻛﯜﭼﻪﻳﺘﯩﭗ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ ﺑﯧﻜﯩﺘﯩﻠﮕﻪﻥ ﺑﯘ ﻗﺎﺭﺍﺭ ﺑﻮﻳﯩﭽﻪ، ﻧﯚﯞﻩﺗﺘﻪ ﻫﻪﺭ ﻗﺎﻳﺴﻰ ﻳﻪﺭﻟﯩﻚ ﻫﯚﻛﯜﻣﻪﺕ ﻫﻪﻣﺪﻩ ﻣﺎﺋﺎﺭﯨﭗ ﺗﺎﺭﻣﺎﻗﻠﯩﺮﻯ ﺑﻮﻟﯘﭘﻤﯘ ﺋﯘﻳﻐﯘﺭﻻﺭ ﺯﯨﭻ ﺋﻮﻟﺘﯘﺭﺍﻗﻼﺷﻘﺎﻥ ﻳﯧﺰﺍ ‏- ﻧﺎﻫﯩﻴﯩﻠﻪﺭﺩﻩ ﺋﻪﻣﻪﻟﯩﻴﻠﻪﺷﺘﯜﺭﯛﺵ ﺋﯜﭼﯜﻥ ﺟﯩﺪﺩﯨﻲ ﺗﯘﺗﯘﺵ ﻗﯩﻠﻤﺎﻗﺘﺎ ﺋﯩﻜﻪﻥ.

ﺧﻮﺗﻪﻥ ﺗﻮﺭﯨﺪﺍ 27 - ﺋﯩﻴﯘﻝ ﺋﯧﻼﻥ ﻗﯩﻠﯩﻨﯩﺸﯩﭽﻪ، ﺧﻮﺗﻪﻥ ﯞﯨﻼﻳﯩﺘﻰ ﺑﻮﻳﯩﭽﻪ ﻳﻪﺗﺘﻪ ﻧﺎﻫﯩﻴﻪ ﻫﻪﻣﺪﻩ ﺑﯩﺮ ﺷﻪﻫﻪﺭﺩﯨﻜﻰ ﺑﺎﻟﯩﻼﺭ ﺑﺎﻏﭽﯩﻠﯩﺮﯨﺪﺍ 9100 ﻧﻪﭘﻪﺭ ﺋﯘﻳﻐﯘﺭ ﺳﻪﺑﯩﻴﻠﻪﺭ ﺧﯩﺘﺎﻱ ﺗﯩﻠﯩﺪﺍ ﺗﻪﺭﺑﯩﻴﯩﻠﯩﻨﯩﯟﺍﺗﻘﺎﻥ ﺋﯩﻜﻪﻥ. ﺑﯘﻧﯩﯔ ﺋﯜﭼﯜﻥ ﺟﻪﻣﺌﯩﻲ 227 ﻧﻪﭘﻪﺭ ﺧﯩﺘﺎﻱ ﺗﯩﻠﻰ ﺗﻪﺭﺑﯩﻴﯩﭽﯩﺴﻰ ﻛﯧﯖﻪﻳﺘﯩﭗ ﻗﻮﺑﯘﻝ ﻗﯩﻠﯩﻨﻐﺎﻥ. 2010 – ﻳﯩﻠﯩﻐﯩﭽﻪ ﻣﻪﺧﺴﯘﺱ ﺧﯩﺘﺎﻱ ﺗﯩﻠﻰ ﺩﻩﺭﺱ ﺑﯧﺮﯨﺪﯨﻐﺎﻥ ﻳﻪﻧﻪ 1304 ﻧﻪﭘﻪﺭ ﺑﺎﻏﭽﺎ ﺋﻮﻗﯘﺗﻘﯘﭼﯩﺴﻰ ﻛﯚﭘﻪﻳﺘﯩﭗ ﻗﻮﺑﯘﻝ ﻗﯩﻠﯩﻨﯩﺪﯨﻜﻪﻥ.

ﻗﻪﺷﻘﻪﺭﻧﯩﯔ ﻳﻮﭘﯘﺭﻏﺎ ﻧﺎﻫﯩﻴﯩﺴﻰ ﺋﯚﺯﯨﺪﯨﻼ 26 ﺑﺎﻟﯩﻼﺭ ﺑﺎﻏﭽﯩﺴﻰ ﺑﻮﻟﯘﭖ ﻛﻪﻧﺘﻠﻪﺭﻧﯩﯔ 30% ﺋﯩﺪﻩ ﺧﯩﺘﺎﻱ ﻣﺎﺋﺎﺭﯨﭙﻰ ﺋﺎﺳﺎﺱ ﻗﯩﻠﯩﻨﻐﺎﻥ ﺑﺎﻟﯩﻼﺭ ﺑﺎﻏﭽﯩﺴﻰ ﻗﻮﺭﯗﻟﯘﭖ ﺑﻮﻟﻐﺎﻥ.

"ﺧﯩﺘﺎﻱ ﺗﯩﻠﻠﯩﻖ ﺑﻮﻏﯘﻧﻼﺭ" ؟

ﺋﯩﻠﻰ ﺧﻪﯞﻩﺭ ﺗﻮﺭﯨﺪﺍ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﻫﻪﻗﻘﯩﺪﻩ ﺑﯧﺮﯨﻠﮕﻪﻥ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺋﯩﻠﻰ ﺗﻪﯞﻩﺳﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﻮﺵ ﺗﯩﻞ ﻣﺎﺋﺎﺭﯨﭙﯩﻨﻰ ﺳﻪﺑﯩﻴﻠﻪﺭﺩﯨﻦ ﺑﺎﺷﻼﺵ ﻗﺎﺭﺍﺭﯨﻐﺎ ﻣﺎﺳﻠﯩﺸﯩﺶ ﺋﯜﭼﯜﻥ، ﺋﯩﻠﻰ ﺋﻮﺑﻼﺳﺘﻠﯩﻖ ﻣﺎﺋﺎﺭﯨﭗ ﺋﯩﺪﺍﺭﯨﺴﻰ ﺋﻮﺑﻼﺳﺖ ﺑﻮﻳﯩﭽﻪ "ﺧﯩﺘﺎﻱ ﺗﯩﻠﻰ ﺑﻮﻏﯘﻧﻠﯩﺮﻯ" ﻣﯘﺳﺎﺑﯩﻘﯩﺴﯩﻨﻰ ﺋﻮﻳﯘﺷﺘﯘﺭﯗﭖ، ﺧﯩﺘﺎﻳﺪﯨﻦ ﺑﺎﺷﻘﺎ ﻣﯩﻠﻠﻪﺕ ﺳﻪﺑﯩﻴﻠﻪﺭﻧﯩﯔ ﺋﯩﭽﯩﺪﯨﻦ ﺧﯩﺘﺎﻳﭽﯩﻨﻰ ﺋﻪﯓ ﻳﺎﺧﺸﻰ ﺳﯚﺯﻟﻪﻳﺪﯨﻐﺎﻥ ﺑﺎﻟﯩﻼﺭﻧﻰ ﺗﺎﻟﻼﭖ ﭼﯩﻘﯩﭗ ﺗﻪﺷﯟﯨﻘﺎﺕ ﺋﯧﻠﯩﭗ ﺑﺎﺭﻣﺎﻗﭽﻰ ﺑﻮﻟﯘﯞﺍﺗﻘﺎﻥ ﺑﻮﻟﯘﭖ، ﻧﯚﯞﻩﺗﺘﻪ ﺋﯩﻠﻰ ﺋﻮﺑﻼﺳﺘﯩﺪﺍ 600 ﻣﯩﯔ ﺑﺎﻻ ﺑﯘ ﻣﯘﺳﺎﺑﯩﻘﯩﮕﻪ ﻗﺎﺗﻨﺎﺷﺘﯘﺭﯗﻟﻤﺎﻗﺘﺎ.

ﻣﯘﺳﺎﺑﯩﻘﯩﮕﻪ ﻗﺎﺗﻨﺎﺷﻘﺎﻥ ﺑﺎﻟﯩﻼﺭ ﺧﯩﺘﺎﻳﭽﻪ ﺳﻮﺋﺎﻟﻼﺭﻏﺎ ﺟﺎﯞﺍﺏ ﺑﯧﺮﯨﺶ، ﺧﯩﺘﺎﻳﭽﻪ ﺳﻪﻧﺌﻪﺕ ﻧﻮﻣﯘﺭﻯ ﻛﯚﺭﺳﯩﺘﯩﺶ، ﺧﯩﺘﺎﻳﭽﻪ ﺋﻮﻗﯘﺵ، ﺳﯚﺯﻟﻪﺵ، ﻳﯧﺰﯨﺶ ﻫﻪﻣﺪﻩ ﺑﺎﺷﻘﺎ ﺗﯜﺭﻟﻪﺭ ﺑﯘﻳﯩﭽﻪ ﻣﯘﺳﺎﺑﯩﻘﯩﮕﻪ ﭼﯜﺷﯜﭖ ﺧﯩﺘﺎﻳﭽﯩﻨﻰ ﺋﻪﯓ ﻳﺎﺧﺸﻰ ﺋﯚﮔﻪﻧﮕﻪﻥ ﺑﺎﻻ ﺑﻮﻟﯘﺷﻨﻰ ﺗﺎﻟﯩﺸﯩﺪﯨﻜﻪﻥ.

ﻳﻪﺳﻠﻰ ﺑﺎﻟﯩﻠﯩﺮﯨﺪﯨﻨﻤﯘ ﺧﯩﺘﺎﻱ ﺗﯩﻠﯩﺪﯨﻦ ﺋﯩﻤﺘﯩﻬﺎﻥ ﺋﺎﻟﻤﺎﻗﺘﺎ

ﻧﯚﯞﻩﺗﺘﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻣﺎﻧﺎ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﭘﺎﺋﺎﻟﯩﻴﻪﺗﻠﻪﺭ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺘﺎﻱ ﺗﯩﻠﻰ ﺋﻮﻗﯘﺗﯘﺷﯩﻨﻰ ﺳﻪﺑﯩﻴﻠﻪﺭﺩﯨﻦ ﺑﺎﺷﻼﺵ ﻫﻪﺭﯨﻜﯩﺘﻰ ﻛﯜﭼﻪﻳﺘﯩﯟﺍﺗﻘﺎﻥ ﺑﻮﻟﯘﭖ، ﺋﺎﺗﺎ -ﺋﺎﻧﯩﻼﺭﻣﯘ ﺧﯩﺘﺎﻱ ﺗﯩﻠﻰ ﻣﺎﺋﺎﺭﯨﭙﻰ ﺑﺎﺭﻏﺎﻧﭽﻪ ﻛﯜﭼﻪﻳﺘﯩﻠﯩﯟﺍﺗﻘﺎﻧﻠﯩﻘﻰ ﺋﯜﭼﯜﻥ ﺑﯘﻧﯩﯖﻐﺎ ﻣﺎﺳﻠﯩﺸﯩﺸﻘﺎ ﻣﻪﺟﺒﯘﺭ ﺑﻮﻟﯘﯞﺍﺗﻘﺎﻥ ﺋﯩﻜﻪﻥ. ﻗﻪﺷﻘﻪﺭﻧﯩﯔ ﻣﻪﻟﯘﻡ ﻧﺎﻫﯩﻴﯩﺴﯩﺪﯨﻦ ﺑﯩﺮ ﺋﯘﻳﻐﯘﺭ ﺋﺎﻳﺎﻝ ﺋﯘﻳﻐﯘﺭﻻﺭﻧﯩﯔ ﺑﺎﻟﯩﻠﯩﺮﯨﻨﻰ ﻫﺎﺯﯨﺮ ﺧﯩﺘﺎﻳﭽﻪ ﻣﻪﻛﺘﻪﭘﻜﻪ ﺑﯧﺮﯨﺸﺘﯩﻦ ﺑﯘﺭﯗﻥ ﺧﯩﺘﺎﻳﭽﻪ ﻳﻪﺳﻠﯩﻠﻪﺭﮔﻪ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ:

ﺯﯨﻴﺎﻟﯩﻴﻼﺭ: ﺧﯩﺘﺎﻱ ﺋﯘﻳﻐﯘﺭﻻﺭﻧﻰ ﺋﺎﯓ ﺟﻪﻫﻪﺗﺘﯩﻦ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﻗﯩﻠﻤﺎﻗﭽﻰ

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺋﯘﻳﻐﯘﺭ ﻗﺎﺗﺎﺭﻟﯩﻖ ﺧﯩﺘﺎﻱ ﺑﻮﻟﻤﯩﻐﺎﻥ ﻣﯩﻠﻠﻪﺗﻠﻪﺭﮔﻪ ﻗﺎﺭﯨﺘﺎ ﻗﻮﺵ ﺗﯩﻞ ﻣﺎﺋﺎﺭﯨﭙﻰ ﻧﺎﻣﯩﺪﺍ ﻣﺎﺋﺎﺭﯨﭙﻨﻰ ﺧﯩﺘﺎﻳﭽﯩﻼﺷﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﻛﯜﭼﻪﻳﺘﯩﭗ ﺋﯧﻠﯩﭗ ﺑﯧﺮﯨﺸﻰ ﺋﻪﺳﻠﯩﺪﯨﻨﻼ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﺎﭖ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﻪ ﺋﯩﺪﻯ.

ﻧﯚﯞﻩﺗﺘﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻣﻪﺯﻛﯜﺭ ﺳﯩﻴﺎﺳﯩﺘﯩﻨﻰ ﻫﻪﺗﺘﺎ ﻣﻪﻛﺘﻪﭖ ﻳﯧﺸﯩﻐﺎ ﺗﻮﺷﻤﯩﻐﺎﻥ ﺳﻪﺑﯩﻴﻠﻪﺭﺩﯨﻦ ﺑﺎﺷﻼﭖ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ ﺟﯩﺪﺩﯨﻲ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻧﻠﯩﻘﻰ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﻣﺎﺋﺎﺭﯨﭙﭽﯩﻠﯩﺮﻯ ﻫﻪﻣﺪﻩ ﺯﯨﻴﺎﻟﯩﻴﻠﯩﺮﯨﻨﯩﯔ ﻧﺎﺭﺍﺯﯨﻠﯩﻘﯩﻨﻰ ﻳﻪﻧﯩﻤﯘ ﺋﺎﺷﯘﺭﻣﺎﻗﺘﺎ. ﺋﯘﻻﺭ "ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﻮﺵ ﺗﯩﻞ ﻣﺎﺋﺎﺭﯨﭙﻰ، ﺋﯘﻳﻐﯘﺭ ﺋﻪﯞﻻﺗﻠﯩﺮﯨﻨﯩﯔ ﺋﯚﺯ ﺋﺎﻧﺎ ﺗﯩﻠﯩﻨﻰ ﺋﯘﻧﺘﯘﻟﺪﯗﺭﯗﭖ، ﺋﯘﻻﺭﻧﻰ ﭘﯜﺗﯜﻧﻠﻪﻱ ﺧﯩﺘﺎﻳﭽﻪ ﺗﯩﻞ، ﺧﯩﺘﺎﻱ ﺋﯧﯖﯩﺪﺍ، ﺧﯩﺘﺎﻱ ﻣﻪﺩﻩﻧﯩﺘﯩﺪﻩ ﺗﻪﺭﺑﯩﻴﻠﻪﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﺳﯩﻴﺎﺳﯩﺘﯩﺪﯨﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺳﻠﯩﻜﯩﻨﻰ ﻳﻪﻧﯩﻤﯘ ﺋﺎﺷﻜﺎﺭﯨﻠﯩﺪﻯ" ﺩﯦﮕﻪﻥ ﻗﺎﺭﺍﺷﻼﺭﻧﻰ ﺋﻮﺗﺘﯘﺭﻏﺎ ﻗﻮﻳﻤﺎﻗﺘﺎ. (ﮔﯜﻟﭽﯧﻬﺮﻩ)