ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﮕﻪ "ﺑﻮﻣﺒﺎ" ﺧﺎﺭﺍﻛﺘﯧﺮﻟﯩﻚ ﺗﻪﻛﻠﯩﭗ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺭﻭﻳﺘﺮﯦﺲ ﺋﺎﮔﯧﻨﺘﻠﯩﻘﯩﻨﯩﯔ 21 ‏- ﻧﻮﻳﺎﺑﯩﺮ ﻛﯜﻧﻰ ﺑﯧﻴﺠﯩﯖﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺋﻪﻧﺨﯘﻱ ﺋﯚﻟﻜﯩﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﻛﻮﻣﯩﺘﯧﺘﯩﻨﯩﯔ ﺋﻪﺯﺍﺳﻰ ﯞﺍﯓ ﺟﺎﯞﺟﯘﻥ ﻳﯧﻘﯩﻨﺪﺍ، ﺧﯩﺘﺎﻱ ﺩﯙﻟﻪﺕ ﺑﺎﺷﻠﯩﻘﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞﻏﺎ ﺋﻮﭼﯘﻕ ﺧﻪﺕ ﻳﯧﺰﯨﭗ، ﻣﻪﺭﻛﯩﺰﻯ ﻫﯚﻛﯜﻣﻪﺗﻨﻰ ﺭﺍﺩﯨﻜﺎﻝ ﺧﺎﺭﺍﻛﺘﯧﺮﻟﯩﻚ ﺳﯩﻴﺎﺳﯩﻲ ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺸﻘﺎ ﭼﺎﻗﯩﺮﻏﺎﻥ.

ﺋﯘ ﭼﺎﻗﯩﺮﯨﻘﯩﺪﺍ، ﺳﯩﻴﺎﺳﯩﻲ ﭘﺎﺭﺗﯩﻴﯩﻠﻪﺭ ﭼﻪﻛﻠﯩﻤﯩﺴﯩﻨﻰ ﺑﯩﻜﺎﺭ ﻗﯩﻠﯩﺶ، ﺗﯜﺭﻣﯩﻠﻪﺭﺩﯨﻜﻰ ﺑﺎﺭﻟﯩﻖ ﺳﯩﻴﺎﺳﯩﻲ ﻣﻪﻫﺒﯘﺳﻼﺭﻧﻰ ﻗﻮﻳﯘﭖ ﺑﯧﺮﯨﺶ، ﭼﻪﺗﺌﻪﻟﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺩﯦﻤﻮﻛﺮﺍﺗﭽﻰ ﻛﯜﭼﻠﻪﺭﻧﯩﯔ ﺩﯙﻟﻪﺕ ﺋﯩﭽﯩﮕﻪ ﻗﺎﻳﺘﯩﭗ ﻛﯩﺮﯨﺸﯩﮕﻪ ﺭﯗﺧﺴﻪﺕ ﻗﯩﻠﯩﺶ ﯞﻩ ﺋﯘﻻﺭﻧﯩﯔ ﺳﺎﻳﻼﻡ ﺋﺎﺭﻗﯩﻠﯩﻖ ﻫﺎﻛﯩﻤﯩﻴﻪﺗﻜﻪ ﺋﯩﺸﺘﯩﺮﺍﻙ ﻗﯩﻠﯩﺸﯩﻐﺎ ﻳﻮﻝ ﺑﯧﺮﯨﺶ ﻗﺎﺗﺎﺭﻟﯩﻖ ﺧﯩﺘﺎﻳﻨﯩﯔ ﻧﯚﯞﻩﺗﺘﯩﻜﻰ ﺳﯩﻴﺎﺳﯩﻲ ﺳﯩﺴﺘﯧﻤﯩﺴﯩﻐﺎ ﺗﯜﭖ ﺧﺎﺭﺍﻛﺘﯧﺮﻟﯩﻚ ﺋﯚﺯﮔﻪﺭﺗﯩﺶ ﻛﯩﺮﮔﯜﺯﯛﺵ ﺧﺎﺭﺍﻛﺘﯧﺮﯨﮕﻪ ﺋﯩﮕﻪ ﺗﻪﻛﻠﯩﭙﻠﻪﺭﻧﻰ ﺳﯘﻧﻐﺎﻥ.

" ﺗﻴﻪﻧﺌﻪﻧﻤﯧﻦ ﯞﻩﻗﻪﺳﯩﮕﻪ ﻗﺎﻳﺘﯩﺪﯨﻦ ﺑﺎﻫﺎ ﺑﯧﺮﯨﻠﯩﺸﻰ ﻛﯧﺮﻩﻙ"

ﯞﺍﯓ ﺟﺎﯞﺟﯘﻥ ﭼﺎﻗﯩﺮﯨﻘﯩﺪﺍ ﻳﻪﻧﻪ، 1989 ‏-ﻳﯩﻠﯩﺪﯨﻜﻰ ﺗﻴﻪﻧﺌﻪﻧﻤﯧﻦ ﯞﻩﻗﻪﺳﯩﻨﻰ ﻗﺎﻳﺘﯩﺪﯨﻦ ﺑﺎﻫﺎﻻﺵ، 1999 ‏- ﻳﯩﻠﻰ ﭼﻪﻛﻠﯩﻤﯩﮕﻪ ﺋﯘﭼﺮﯨﻐﺎﻥ ﻓﺎﻟﯘﻧﮕﯘﯓ ﻫﻪﺭﯨﻜﯩﺘﯩﻨﻰ ﺋﻪﺭﻛﯩﻦ ﻗﻮﻳﯘﯞﯦﺘﯩﺶ ﺗﻪﻛﻠﯩﭙﯩﻨﻰ ﺑﯧﺮﯨﭗ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﻰ ﺟﻪﺳﯘﺭ ﯞﻩ ﺋﺎﺩﯨﻞ ﺑﻮﻟﯘﺷﻘﺎ، ﺋﻮﺧﺸﺎﺵ ﺑﻮﻟﻤﯩﻐﺎﻥ ﻛﯚﺯ ﻗﺎﺭﺍﺷﺘﯩﻜﻰ ﮔﯘﺭﯗﻫ ﯞﻩ ﭘﺎﺭﺗﯩﻴﯩﻠﻪﺭﺩﯨﻦ ﻗﻮﺭﻗﻤﺎﺳﻠﯩﻘﻘﺎ ﯞﻩ ﺭﯨﻘﺎﺑﻪﺗﺘﯩﻦ ﻗﺎﭼﻤﺎﺳﻠﯩﻘﻘﺎ ﭼﺎﻗﯩﺮﻏﺎﻥ ﻫﻪﻡ ﺧﯩﺘﺎﻱ ﺧﻪﻟﻘﯩﻨﻰ ﺑﺎﺷﻘﯘﺭﯗﺵ ﻫﻮﻗﯘﻗﻰ، ﻛﯚﭖ ﭘﺎﺭﺗﯩﻴﻪ ﺋﯩﺸﺘﯩﺮﺍﻛﯩﺪﯨﻜﻰ ﺋﻪﺭﻛﯩﻦ ﺳﺎﻳﻼﻣﺪﺍ ﺋﯘﺗﯘﭖ ﭼﯩﻘﻘﺎﻧﺪﯨﻼ ﻗﺎﻧﯘﻧﯩﻲ ﺋﺎﺳﺎﺳﻘﺎ ﺋﯩﮕﻪ ﺑﻮﻟﯩﺪﯗ ﺩﻩﭖ ﻛﯚﺭﺳﻪﺗﻜﻪﻥ.

ﯞﺍﯓ ﺟﺎﯞﺟﯜﻥ ﺋﻮﭼﯘﻕ ﺧﯧﺘﯩﺪﻩ، ﺧﯩﺘﺎﻳﻨﯩﯔ ﺟﯩﺪﺩﯨﻲ ﺑﯩﺮ ﺳﯩﻴﺎﺳﯩﻲ ﺋﯩﺴﻼﻫﺎﺗﻘﺎ ﻣﯘﻫﺘﺎﺝ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﭗ، ﻧﯚﯞﻩﺗﺘﻪ ﺧﯩﺘﺎﻳﺪﺍ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﭘﯘﻝ ﭘﺎﺧﺎﻟﻠﯩﻘﻰ، ﭘﺎﻱ ﭼﻪﻙ ﺑﺎﺯﯨﺮﯨﻨﯩﯔ ﺗﯘﺭﺍﻗﺴﯩﺰﻟﯩﻘﻰ، ﺋﯚﻱ-ﻣﯜﻟﯜﻙ ﺑﺎﻫﺎﺳﯩﻨﯩﯔ ﺋﯚﺭﻟﻪﭖ ﻛﯧﺘﯩﺸﻰ، ﺭﺍﻳﻮﻧﻼﺭ ﺋﺎﺭﺍ ﺗﻪﯕﺴﯩﺰﻟﯩﻚ ﯞﻩ ﺟﻪﻣﺌﯩﻴﻪﺗﺘﯩﻜﻰ ﻗﺎﺗﻼﻣﻼﺭ ﺋﺎﺭﺍ ﺗﻪﯕﺴﯩﺰﻟﯩﻚ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭ ﺭﺍﺩﯨﻜﺎﻝ ﺑﯩﺮ ﺳﯩﻴﺎﺳﯩﻲ ﺋﯩﺴﻼﻫﺎﺕ ﺑﯩﻠﻪﻧﻼ ﺗﯜﺯﯨﻠﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺭﻭﻳﺘﺮﯦﺲ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﺪﻩ ﺑﯩﻠﺪﯛﺭﯛﻟﯜﺷﯩﭽﻪ، ﯞﺍﯓ ﺟﺎﯞﺟﯘﻥ، ﺑﯘ ﻳﯩﻞ 59 ﻳﺎﺵ ﺑﻮﻟﯘﭖ، ﺋﻪﺳﻠﯩﺪﻩ ﻫﻪﺭﺑﯩﻲ ﺳﺎﻫﻪﺩﻩ ﺧﯩﺰﻣﻪﺕ ﺋﯩﺸﻠﯩﮕﻪﻥ، ﻛﯧﻴﯩﻦ ﺳﻮﺩﺍ ﺳﺎﻫﻪﺳﯩﮕﻪ ﻛﯩﺮﮔﻪﻥ، ﻧﯚﯞﻩﺗﺘﻪ، ﺋﻪﻧﺨﯘﻱ ﺋﯚﻟﻜﯩﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﻛﻮﻣﯩﺘﯧﺘﻰ ﺋﻪﺯﺍﺳﻰ. ﺭﻭﻳﺘﺮﯦﺲ ﺋﺎﮔﯧﻨﺘﻠﯩﻘﻰ ﯞﺍﯓ ﺟﺎﯞﺟﯜﻥ ﺑﯩﻠﻪﻥ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﻛﯚﺭﯛﺷﻜﯩﻨﯩﺪﻩ، ﯞﺍﯓ ﺟﺎﯞﺟﯘﻥ ﺋﯚﺯﯨﻨﯩﯔ ﻣﻪﺭﻛﯩﺰﯨﻲ ﻫﯚﻛﯜﻣﻪﺗﻜﻪ ﺳﯩﻴﺎﺳﯩﻲ ﺋﯩﺴﻼﻫﺎﺕ ﭼﺎﻗﯩﺮﯨﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ 60 ﺑﻪﺗﻠﯩﻚ ﺋﻮﭼﯘﻕ ﺧﻪﺕ ﻳﺎﺯﻏﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﻫﻪﻡ ﺋﯘ ﺋﯚﺯﯨﻨﯩﯔ ﺋﻮﭼﯘﻕ ﺧﻪﺗﻨﻰ ﻳﯧﺰﯨﺸﺘﯩﻦ ﺋﺎﯞﯞﺍﻝ، ﻛﯚﭘﻠﯩﮕﻪﻥ ﺯﯨﻴﺎﻟﯩﻴﻼﺭﻧﯩﯔ ﭘﯩﻜﺮﯨﻨﻰ ﺋﺎﻟﻐﺎﻧﻠﯩﻘﯩﻨﻰ، ﺋﯘﻻﺭﻧﯩﯔ ﻛﯚﭘﯩﻨﭽﯩﺴﯩﻨﯩﯔ ﺳﯩﻴﺎﺳﯩﻲ ﺋﯩﺴﻼﻫﺎﺕ ﺗﻪﻟﻪﭖ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

" ﺧﯩﺘﺎﻱ ﺳﯩﻴﺎﺳﯩﻲ ﺗﯜﺯﯛﻟﻤﯩﺴﻰ ﺭﺍﺩﯨﻜﺎﻝ ﺑﯩﺮ ﺋﯩﺴﻼﻫﺎﺗﻘﺎ ﻣﯘﻫﺘﺎﺝ"

ﺭﻭﻳﺘﺮﯦﺲ ﺋﺎﮔﯧﻨﺘﻠﯩﻘﻰ ﻗﻮﻟﯩﻐﺎ ﭼﯜﺷﯜﺭﮔﻪﻥ ﻣﻪﺯﻛﯘﺭ ﺋﻮﭼﯘﻕ ﺧﻪﺗﺘﻪ ﻳﻪﻧﻪ ﻣﯘﻧﯘﻻﺭ ﺗﯩﻠﻐﺎ ﺋﯧﻠﯩﻨﻐﺎﻥ : " ﻫﺎﺯﯨﺮﻏﯩﭽﻪ ﻗﻮﻟﻐﺎ ﻛﻪﻟﺘﯜﺭﯛﻟﮕﻪﻥ ﺋﯩﻘﺘﯩﺴﺎﺩﯨﻲ ﺳﺎﻫﻪﺩﯨﻜﻰ ﻧﻪﺗﯩﺠﯩﻠﻪﺭ، ﺳﻪﻫﯩﻴﻪ، ﺋﯧﻜﻮﻟﻮﮔﯩﻴﻪ ﯞﻩ ﺗﻪﺑﯩﺌﯩﻲ ﺑﺎﻳﻠﯩﻖ ﺳﺎﻫﻪﺳﯩﺪﻩ ﭘﻪﻳﺪﺍ ﺑﻮﻟﻐﺎﻥ ﺯﯨﻴﺎﻧﻼﺭﻧﯩﯔ ﺋﻮﺭﻧﯩﻨﻰ ﺗﻮﻟﺪﯗﺭﺍﻟﻤﺎﻳﺪﯗ. ﯞﺍﯓ ﺟﺎﯞﺟﯘﻥ ﺋﻮﭼﯘﻕ ﺧﯧﺘﯩﺪﻩ، ﺟﻪﻣﺌﯩﻴﻪﺗﺘﯩﻜﻰ ﻫﻪﺭ ﻗﺎﻳﺴﻰ ﻗﺎﺗﻼﻣﻼﺭ ﺋﺎﺭﺍ ﺗﻪﯕﺴﯩﺰﻟﯩﻚ ﺋﯜﺳﺘﯩﺪﻩ ﻧﯘﻗﺘﯩﻠﯩﻖ ﻧﺎﺭﺍﺯﯨﻠﯩﻘﯩﻨﻰ ﺋﯩﭙﺎﺩﯨﻠﯩﮕﻪﻥ ﺑﻮﻟﯘﭖ، ﺑﻮﻟﯘﭘﻤﯘ، ﺩﯙﻟﻪﺕ ﺋﯩﮕﯩﻠﯩﻜﯩﺪﯨﻜﻰ ﻛﺎﺭﺧﺎﻧﯩﻼﺭﻧﻰ ﺷﻪﺧﺴﯩﻴﻠﻪﺷﺘﯜﺭﯛﺵ ﺩﺍﯞﺍﻣﯩﺪﺍ، ﻛﯚﭘﻠﯩﮕﻪﻥ ﺋﯩﺸﭽﯩﻼﺭﻧﯩﯔ ﺗﻪﻣﯩﻨﺎﺕ ﺟﻪﻫﻪﺗﺘﻪ ﻫﻪﻗﺴﯩﺰﻟﯩﻜﻜﻪ ﺋﯘﭼﺮﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ.

ﺑﯧﻴﺠﯩﯔ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﻗﺎﻧﯘﻥ ﭘﺮﻭﻓﯧﺴﺴﻮﺭﻯ، ﺟﻴﺎ ﯞﯦﻴﻔﺎﯕﻨﯩﯔ " ﺋﻮﭼﯘﻕ -ﺧﻪﺕ ﯞﻩ ﻗﺎﻧﯘﻥ-ﺗﯜﺯﯛﻡ" ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﯩﺸﯩﭽﻪ، ﺋﻮﭼﯘﻕ ﺧﻪﺕ ﻳﻮﻟﻼﺵ ﻧﯚﯞﻩﺗﺘﻪ، ﺧﯩﺘﺎﻱ ﺯﯨﻴﺎﻟﯩﻴﻠﯩﺮﯨﻨﯩﯔ ﭘﯩﻜﯩﺮ ﺋﻪﺭﻛﯩﻨﻠﯩﻜﯩﻨﻰ ﻗﻮﻟﻠﯩﻨﯩﺸﺘﯩﻜﻰ ﻧﯩﺴﺒﻪﺗﻪﻥ ﻛﻪﯓ ﺋﻮﻣﯘﻣﻼﺷﻘﺎﻥ ﺋﯘﺳﯘﻝ. ﺑﯜﮔﯜﻧﮕﻪ ﻗﻪﺩﻩﺭ ﺋﻮﭼﯘﻕ ﺧﻪﺗﻠﻪﺭﻧﯩﯔ ﻛﯚﭘﯩﻨﭽﯩﺴﻰ، ﺧﯩﺘﺎﻳﺪﯨﻜﻰ ﺋﺎﻳﺮﯨﻢ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ، ﻣﻪﻟﯘﻡ ﺳﺎﻫﻪﻟﻪﺭﻧﯩﯔ ﺭﻩﻫﺒﻪﺭﻟﯩﻜﯩﮕﻪ ﻳﻮﻟﻼﻧﻐﺎﻥ. ﺑﯘ ﻗﯧﺘﯩﻤﻘﻰ ﺋﻮﭼﯘﻕ ﺧﻪﺕ، ﺋﻮﻟﻜﻪ ﺩﻩﺭﯨﺠﯩﻠﯩﻚ ﺑﯩﺮ ﺋﻪﻣﻪﻟﺪﺍﺭ ﺗﻪﺭﯨﭙﯩﺪﯨﻦ، ﺩﯙﻟﻪﺗﻨﯩﯔ ﺋﯩﻜﻜﻰ ﭼﻮﯓ ﻛﺎﺗﺘﯩﺒﯧﺸﯩﻐﺎ ﻳﻮﻟﻼﻧﻐﺎﻥ، ﺋﯘﻧﯩﯔ ﺋﯜﺳﺘﯩﮕﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺋﯜﭼﯜﻥ ﺋﯩﻨﺘﺎﻳﯩﻦ ﺳﻪﺯﮔﯜﺭ ﻣﻪﺳﯩﻠﻪ ﻫﯧﺴﺎﺑﻠﯩﻨﯩﺪﯨﻐﺎﻥ ﺳﯩﻴﺎﺳﯩﻲ ﺋﯩﺴﻼﻫﺎﺕ ﺗﯧﻤﯩﺴﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ، ﺋﯩﺴﻼﻫﺎﺕ ﺋﯧﻠﯩﭗ ﺑﺎﺭﻏﺎﻧﺪﯨﻤﯘ، ﺗﯜﺯﯛﻟﻤﯩﻨﻰ ﻗﯩﺴﻤﻪﻥ ﺋﻪﻣﻪﺱ ﺗﯜﺯ ﻳﯩﻠﺘﯩﺰﯨﺪﯨﻦ ﺋﯚﺯﮔﻪﺭﺗﯩﺶ ﺗﻪﻛﻠﯩﭙﻰ، ﻛﻪﺳﻜﯩﻦ ﺗﻮﻥ، ﺋﺎﺷﻜﺎﺭﺍ ﺳﺎﻻﻫﯩﻴﻪﺕ ﺑﯩﻠﻪﻥ ﺳﯘﻧﯘﻟﻐﺎﻥ. ﺷﯘﻧﯩﯔ ﺋﯜﭼﯜﻥ ﺭﻭﻳﺘﺮﯦﺲ ﺋﺎﮔﯧﻨﺘﻠﯩﻘﻰ ﺑﯘ ﺧﻪﯞﻩﺭﻧﻰ ﺗﺎﺭﻗﺎﺗﻘﺎﻧﺪﺍ، "ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﮕﻪ ﻗﺎﺭﯨﺘﺎ ﺑﻮﻣﺒﺎ ﺧﺎﺭﺍﻛﺘﯧﺮﻟﯩﻚ ﺗﻪﻛﻠﯩﭗ" ﺩﯦﮕﻪﻥ ﻣﺎﯞﺯﯗﺩﺍ ﺗﺎﺭﻗﺎﺗﻘﺎﻥ.

" ﺗﻪﻳﯟﻩﻥ ﭘﺎﺭﻻﻣﯧﻨﺘﯩﺪﯨﻜﻰ ﻳﺎﻗﺎ ﺳﯩﻘﯩﺸﯩﺶ، ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﺪﯨﻜﻰ ﻫﯩﻠﻪ - ﻧﻪﻳﺮﻩﯕﺪﯨﻦ ﺋﻪﻻ"

ﺭﻭﻳﺘﺮﯦﺲ ﺋﺎﮔﯧﻨﺘﻠﯩﻘﻰ، ﺳﯩﻴﺎﺳﯩﻲ ﺋﯩﺴﻼﻫﺎﺕ ﺗﯧﻤﯩﺴﯩﺪﺍ ﺯﯨﻴﺎﻟﯩﻴﻼﺭﻧﯩﯔ ﺭﺍﻳﯩﻨﻰ ﺳﯩﻨﯩﻐﯩﻨﯩﺪﺍ، ﻛﯚﭘﻠﯩﮕﻪﻥ ﺧﯩﺘﺎﻱ ﺯﯨﻴﺎﻟﯩﻴﻠﯩﺮﯨﻨﯩﯔ ﭘﯩﻜﺮﻯ، ﯞﺍﯓ ﺟﺎﯞﺟﯘﻧﻨﯩﯔ ﭘﯩﻜﺮﻯ ﺑﯩﻠﻪﻥ ﺑﯩﺮ ﺳﯩﺰﯨﻘﺘﺎ ﭼﯩﻘﻘﺎﻥ؛ ﭼﯩﯖﺨﯘﺍ ﺋﯘﻧﯩﯟﯦﺮﺳﯩﺘﯧﺘﻰ ﺳﻮﺗﺴﯩﺌﻮﻟﻮﮔﯩﻴﻪ ﭘﺎﻛﯘﻟﺘﯩﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺳﯘﻥ ﻟﯩﭙﯧﯔ، " ﻫﯚﻛﯜﻣﻪﺕ ﻣﯘﻗﯩﻤﻠﯩﻖ ﻫﻪﻣﻤﯩﻨﻰ ﺑﯧﺴﯩﭗ ﭼﯜﺷﯩﺪﯗ" ﺳﯩﻴﺎﺳﯩﺘﯩﺪﯨﻦ ﯞﺍﺯ ﻛﯧﭽﯩﺶ ﻛﯧﺮﻩﻙ، ﭼﯜﻧﻜﻰ ﺋﯘﻧﯩﯔ " ﺧﯩﺘﺎﻳﺪﯨﻜﻰ ﺳﯩﻴﺎﺳﯩﻲ ﺋﯩﺴﻼﻫﺎﺕ ﻗﻪﺩﯨﻤﯩﻨﻰ ﺗﻮﺧﺘﯩﺘﯩﭗ ﻗﻮﻳﻐﯩﻨﯩﻐﺎ 20 ﻳﯩﻞ ﺑﻮﻟﺪﻯ" ﺩﯦﮕﻪﻥ.

ﯞﺍﯓ ﺟﺎﯞﺟﯘﻧﻨﯩﯔ ﺋﻮﭼﯘﻕ ﺧﯧﺘﯩﺪﯨﻜﻰ ﻳﻪﻧﻪ ﺑﯩﺮ ﺩﯨﻘﻘﻪﺗﻜﻪ ﺳﺎﺯﺍﯞﻩﺭ ﻧﯘﻗﺘﺎ، ﺋﯘﻧﯩﯔ ﺗﻪﻳﯟﻩﻥ ﭘﺎﺭﻻﻣﯧﻨﺘﻰ ﺑﯩﻠﻪﻥ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﻰ ﺋﺎﺭﯨﺴﯩﺪﺍ ﺋﯧﻠﯩﭗ ﺑﺎﺭﻏﺎﻥ ﺳﯧﻠﯩﺸﺘﯘﺭﻣﯩﺴﯩﺪﯗﺭ. ﺳﯧﻠﯩﺸﺘﯘﺭﻣﺎ ﻣﯘﻧﺪﺍﻕ ﺑﯧﺮﯨﻠﮕﻪﻥ: ﺗﻪﻳﯟﻩﻥ ﭘﺎﺭﻻﻣﯧﻨﺘﯩﺪﯨﻜﯩﻠﻪﺭﻧﯩﯔ ﺋﻪﻣﻪﻟﯩﻲ ﻣﻪﺳﯩﻠﯩﻠﻪﺭﻧﻰ ﺗﺎﻟﯩﺸﯩﭗ ﻳﺎﻗﺎ ﺳﯩﻘﯩﺸﯩﭗ-ﻣﯘﺷﺖ ﺋﯧﺘﯩﺸﯩﭗ ﻛﯧﺘﯩﺸﻠﯩﺮﻯ، ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﺪﺍ ﻛﯘﺱ-ﻛﯘﺱ ﭘﺎﺭﺍﯓ ﻗﯩﻠﯩﺸﯩﭗ ﻫﻮﻗﯘﻕ ﺋﯜﭼﯜﻥ ﻫﯩﻴﻠﻪ-ﻧﻪﻳﺮﻩﯓ ﺗﯜﺯﮔﻪﻧﺪﯨﻦ ﻣﯩﯔ ﺋﻪﻻ." (ﺷﯚﻫﺮﻩﺕ ﻫﻮﺷﯘﺭ)