ﺑﯘﻧﯩﯔ ﺳﻪﯞﻩﺑﻰ ﺧﯩﺘﺎﻱ ﺧﻪﻟﻘﻰ ﺧﯩﺘﺎﻳﺪﺍ ﺋﯩﺸﻠﻪﻧﮕﻪﻥ ﯞﺍﻛﺴﯩﻨﯩﻨﯩﯔ ﺳﯜﭘﯩﺘﯩﺪﯨﻦ ﮔﯘﻣﺎﻧﻠﯩﻨﯩﺪﯨﻜﻪﻥ.

ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﻛﯚﭖ ﺳﺎﻧﺪﯨﻜﯩﺴﻰ ﭼﻮﺷﻘﺎ ﺯﯗﻛﺎﻣﻰ ﯞﺍﻛﺴﯩﻨﯩﺴﻰ ﺋﻪﻣﻠﻪﺷﻨﻰ ﺧﺎﻟﯩﻤﺎﻳﺪﯗ

ﺧﯩﺘﺎﻳﺪﺍ ﭼﻮﺷﻘﺎ ﺯﯗﻛﺎﻣﯩﻐﺎ ﻗﺎﺭﺷﻰ ﯞﺍﻛﺴﯩﻨﺎ ﺋﻪﻣﻠﻪﺵ ﺑﯘ ﻳﯩﻞ 21 - ﺳﯧﻨﺘﻪﺑﯩﺮ ﺑﯧﻴﺠﯩﯖﺪﺍ ﺑﺎﺷﻼﻧﻐﺎﻥ ﺋﯩﺪﻯ. ﺷﯘﻧﯩﯔ ﺑﯩﻠﻪﻥ ﺧﯩﺘﺎﻱ ﺩﯗﻧﻴﺎﺩﺍ ﺑﯩﺮﯨﻨﭽﻰ ﺑﻮﻟﯘﭖ ﻣﻪﻣﻠﯩﻜﻪﺕ ﺑﻮﻳﯩﭽﻪ ﭼﻮﺷﻘﺎ ﺯﯗﻛﺎﻡ ﯞﺍﻛﺴﯩﻨﯩﺴﯩﻨﻰ ﺋﻪﻣﻠﻪﺷﻜﻪ ﺑﺎﺷﻠﯩﻐﺎﻥ ﺩﯙﻟﻪﺕ ﺑﻮﻟﯘﭖ ﻗﺎﻟﺪﻯ. ﺧﯩﺘﺎﻳﺪﯨﻦ ﻛﯧﻴﯩﻦ، ﺋﯚﻛﺘﻪﺑﯩﺮ ﻛﯩﺮﯨﺸﻰ ﺑﯩﻠﻪﻥ ﺋﺎﻣﯧﺮﯨﻜﺎ، ﻳﺎﭘﻮﻧﯩﻴﻪ ﯞﻩ ﺑﺎﺷﻘﺎ ﺩﯙﻟﻪﺗﻠﻪﺭﻣﯘ ﻛﻪﻳﻨﻰ ‏-ﻛﻪﻳﻨﯩﺪﯨﻦ ﻣﻪﻣﻠﯩﻜﻪﺕ ﺑﻮﻳﯩﭽﻪ ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﯩﻐﺎ ﻗﺎﺭﺷﻰ ﯞﺍﻛﺴﯩﻨﺎ ﺋﻪﻣﻠﻪﺷﻨﻰ ﺑﺎﺷﻠﯩﯟﻩﺗﺘﻰ. ﺩﯗﻧﻴﺎ ﻣﯩﻘﻴﺎﺳﯩﺪﺍ ﭼﻮﺷﻘﺎ ﺯﯗﻛﺎﻡ ﺗﺎﺭﻗﯩﻠﯩﭗ 6 ﺋﺎﻱ ﺑﻮﻟﻐﺎﻥ ﻣﯘﺷﯘ ﭘﻪﻳﺘﺘﻪ، ﭘﯜﺗﯜﻥ ﺩﯗﻧﻴﺎ ﺑﻮﻳﯩﭽﻪ ﭼﻮﺷﻘﺎ ﺯﯗﻛﺎﻣﯩﻐﺎ ﻗﺎﺭﺷﻰ ﯞﺍﻛﺴﯩﻨﺎ ﺋﻪﻣﻠﻪﺷﻨﯩﯔ ﻳﯘﻗﯩﺮﻯ ﺑﺎﺳﻘﯘﭼﻰ ﺷﻪﻛﯩﻠﻠﻪﻧﺪﻯ.
 
ﻫﺎﻟﺒﯘﻛﻰ ﺧﯩﺘﺎﻳﺪﯨﻜﻰ ﺋﻪﯓ ﭼﻮﯓ ﺗﻮﺭ ﺑﻪﺗﻠﻪﺭﺩﯨﻦ ﺳﻮﺧﯘ ﺗﻮﺭ ﺑﯧﻜﯩﺘﯩﻨﯩﯔ ﺋﯧﻠﯩﭗ ﺑﺎﺭﻏﺎﻥ ﺭﺍﻳﻰ ﺳﯩﻨﺎﺵ ﻧﻪﺗﯩﺠﯩﺴﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻧﻮﭘﯘﺱ ﺟﻪﻫﻪﺗﺘﯩﻦ ﺋﻪﯓ ﻛﯚﭖ ﺑﻮﻟﻐﺎﻥ ﺧﯩﺘﺎﻳﺪﺍ ﯞﺍﻛﺴﯩﻨﺎ ﺋﻪﻣﻠﻪﺵ ﺋﻪﯓ ﺑﯘﺭﯗﻥ ﺑﺎﺷﻼﻧﻐﺎﻥ ﺑﻮﻟﺴﯩﻤﯘ، ﻛﯚﭖ ﺳﺎﻧﺪﯨﻜﻰ ﺧﯩﺘﺎﻱ ﭘﯘﻗﺮﺍﻟﯩﺮﻯ ﭼﻮﺷﻘﺎ ﺯﯗﻛﺎﻡ ﯞﺍﻛﺴﯩﻨﯩﺴﻰ ﺋﻪﻣﻠﻪﺷﻨﻰ ﺭﻩﺕ ﻗﯩﻠﻐﺎﻥ. ﺧﯩﺘﺎﻳﺪﯨﻜﻰ ﺳﻮﺧﯘ ﺗﻮﺭ ﺑﯧﻜﯩﺘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺭﺍﻳﻰ ﺳﯩﻨﺎﺷﻘﺎ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﭘﯘﻗﺮﺍﻟﯩﺮﻯ ﺋﯩﭽﯩﺪﻩ ﭼﻮﺷﻘﺎ ﺯﯗﻛﺎﻣﻰ ﯞﺍﻛﺴﯩﻨﯩﺴﻰ ﺋﻪﻣﻠﻪﺷﻨﻰ ﺧﺎﻻﻳﺪﯨﻐﺎﻧﻼﺭ 30% ﻛﯩﻤﯘ ﺑﺎﺭﻣﺎﻳﺪﯨﻜﻪﻥ. ﯞﺍﻛﺴﯩﻨﺎ ﺋﻪﻣﻠﻪﺷﻨﻰ ﺭﻩﺕ ﻗﯩﻠﻐﺎﻧﻼﺭ 54% ﺗﯩﻦ ﺋﺎﺷﯩﺪﯨﻜﻪﻥ، ﻳﻪﻧﻪ 15% ﺗﯩﻦ ﺋﺎﺭﺗﯘﻕ ﻛﯩﺸﻰ ﯞﺍﻛﺴﯩﻨﺎ ﺋﻪﻣﻠﯩﻤﯩﺴﯩﻤﯘ ﺳﺎﻻﻣﻪﺗﻠﯩﻜﻰ ﭼﻮﺷﻘﺎ ﺯﯗﻛﺎﻣﯩﻐﺎ ﻗﺎﺭﺷﻰ ﺗﯘﺭﺍﻻﻳﺪﯗ ﺩﻩﭖ ﺋﯩﺸﯩﻨﯩﺪﯨﻜﻪﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﻳﯩﻞ ﺋﺎﺧﯩﺮﻻﺷﻘﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ 65 ﻣﯩﻠﻴﻮﻥ ﻛﯩﺸﯩﮕﻪ ﯞﺍﻛﺴﯩﻨﺎ ﺋﻪﻣﻠﻪﭖ ﺑﻮﻟﯘﺷﻨﻰ ﭘﯩﻼﻥ ﻗﯩﻠﻐﺎﻥ. ﺑﯘ ﺧﯩﺘﺎﻱ ﻧﻮﭘﯘﺳﯩﻨﯩﯔ 5% ﺗﯩﮕﻪ ﺗﻮﻏﺮﺍ ﻛﯧﻠﯩﺪﯗ. ﺧﯩﺘﺎﻱ ﺳﻪﻫﯩﻴﻪ ﺩﺍﺋﯩﺮﯨﻠﯩﺮﯨﻨﯩﯔ ﺋﯧﻼﻥ ﻗﯩﻠﯩﺸﯩﻐﺎ ﻗﺎﺭﯨﻐﺎﻧﺪﺍ، ﻫﺎﺯﯨﺮﻏﯩﭽﻪ ﺧﯩﺘﺎﻳﺪﺍ ﭘﻪﻗﻪﺕ 300 ﻣﯩﯔ ﻛﯩﺸﻰ ﭼﻮﺷﻘﺎ ﺯﯗﻛﺎﻣﻰ ﯞﺍﻛﺴﯩﻨﯩﺴﻰ ﺋﻪﻣﻠﯩﮕﻪﻥ.

ﺋﯘﻻﺭ ﺧﯩﺘﺎﻳﺪﺍ ﺋﯩﺸﻠﯩﮕﻪﻥ ﯞﺍﻛﺴﯩﻨﯩﻨﯩﯔ ﺳﯜﭘﯩﺘﻰ ﯞﻩ ﺑﯩﺨﻪﺗﻪﺭﻟﯩﻜﯩﮕﻪ ﺋﯩﺸﻪﻧﻤﻪﻳﺪﯗ

ﺧﯩﺘﺎﻳﺪﺍ ﭼﻮﺷﻘﺎ ﺯﯗﻛﺎﻣﻰ ﯞﺍﻛﺴﯩﻨﯩﺴﻰ ﺋﻪﻣﻠﻪﺷﻨﻰ ﺧﺎﻟﯩﻤﺎﻳﺪﯨﻜﻪﻥ ﻛﯩﺸﯩﻠﻪﺭﻧﯩﯔ ﯞﺍﻛﺴﯩﻨﺎ ﺋﻪﻣﻠﻪﺷﻜﻪ ﺭﺍﻳﻰ ﺑﺎﺭﻣﺎﺳﻠﯩﻘﯩﻐﺎ ﺳﻪﯞﻩﺏ ﺑﻮﻟﯘﯞﺍﺗﻘﺎﻥ ﺋﺎﻣﯩﻞ، ﺋﯘﻻﺭﻧﯩﯔ ﺧﯩﺘﺎﻳﺪﺍ ﺋﯩﺸﻠﻪﻧﮕﻪﻥ ﭼﻮﺷﻘﺎ ﺯﯗﻛﺎﻡ ﯞﺍﻛﺴﯩﻨﯩﺴﯩﻨﯩﯔ ﺳﯜﭘﯩﺘﯩﮕﻪ ﺋﯩﺸﻪﻧﻤﻪﺳﻠﯩﻜﻰ ﺑﻮﻟﯘﭖ،ﯞﺍﻛﺴﯩﻨﺎ ﻗﯩﻠﯩﺸﻨﻰ ﺧﺎﻟﯩﻤﺎﻳﺪﯨﻐﺎﻧﻼﺭﻧﯩﯔ 70% ﻯ ﭼﻮﺷﻘﺎ ﺯﯗﻛﺎﻣﻰ ﯞﺍﻛﺴﯩﻨﯩﺴﯩﻨﯩﯔ ﺳﯜﭘﯩﺘﻰ ﻫﻪﻡ ﺑﯩﺨﻪﺗﻪﺭﻟﯩﻜﯩﺪﯨﻦ ﮔﯘﻣﺎﻧﻠﯩﻨﯩﺪﯨﻜﻪﻥ. ﻗﺎﻟﻐﺎﻧﻠﯩﺮﻯ ﺑﻮﻟﺴﺎ ﯞﺍﻛﺴﯩﻨﯩﻨﯩﯔ ﺋﻪﻛﺲ ﺗﻪﺳﯩﺮﻟﯩﺮﯨﺪﯨﻦ ﺋﻪﻧﺪﯨﺸﻪ ﻗﯩﻠﻤﺎﻗﺘﺎ ﺋﯩﻜﻪﻥ.

ﺑﯘ ﻫﻪﻗﺘﻪ ﺏ ﺏ ﺱ ﻧﯩﯔ ﺑﯧﻴﺠﯩﯖﺪﯨﻜﻰ 36 ﻳﺎﺷﻠﯩﻖ ﺑﯩﺮ ﺋﺎﻳﺎﻟﻨﯩﯔ ﺋﯧﻴﺘﻘﺎﻧﻠﯩﺮﯨﻨﻰ ﻧﻪﻗﯩﻞ ﺋﯧﻠﯩﺸﯩﭽﻪ، ﺧﯩﺘﺎﻳﻨﯩﯔ ﭼﻮﺷﻘﺎ ﺯﯗﻛﺎﻣﯩﻐﺎ ﻗﺎﺭﺷﻰ ﯞﺍﻛﺴﯩﻨﯩﺴﯩﻨﻰ ﺋﯩﺸﻠﻪﭘﭽﯩﻘﯩﺮﯨﺶ ﺳﯜﺭﺋﯩﺘﯩﻨﯩﯔ ﺷﯘﻧﭽﻪ ﺗﯧﺰ ﺑﻮﻟﯘﺷﻰ ﺋﯘﻧﯩﯖﺪﺍ ﯞﺍﻛﺴﯩﻨﯩﻨﯩﯔ ﺳﯜﭘﯩﺘﯩﮕﻪ ﻗﺎﺭﯨﺘﺎ ﺯﻭﺭ ﮔﯘﻣﺎﻥ ﻗﻮﺯﻏﯩﻐﺎﻥ. ﺷﯘﯕﺎ ﺋﯘ 8 ﻳﺎﺷﻠﯩﻖ ﺋﻮﻏﻠﯩﻐﺎ ﭼﻮﺷﻘﺎ ﺯﯗﻛﺎﻡ ﯞﺍﻛﺴﯩﻨﯩﺴﻰ ﺋﻪﻣﻠﻪﺷﺘﯩﻦ ﻳﺎﻟﺘﺎﻳﻐﺎﻥ.

ﺋﯘﻳﻐﯘﺭ ﺋﯧﻠﯩﺪﺍ ﭼﻮﺷﻘﺎ ﺯﯗﻛﺎﻡ ﻫﻪﻗﻘﯩﺪﻩ ﯞﻩﻗﻪ ﻫﻪﻡ ﺋﯘﭼﯘﺭﻻﺭ

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺳﻪﻳﺸﻪﻧﺒﻪ ﺧﻪﯞﯨﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﯘﻳﻐﯘﺭ ﺋﯧﻠﯩﺪﺍ 25 - ﺋﯚﻛﺘﻪﺑﯩﺮ ﻛﯜﻧﻰ ﭼﻮﺷﻘﺎ ﺯﯗﻛﺎﻣﻰ ﺳﻪﯞﻩﺑﻰ ﺑﯩﻠﻪﻥ ﺑﯩﺮ ﻛﯩﺸﻰ ﺋﯚﻟﮕﻪﻥ.

ﻫﺎﺯﯨﺮﻏﯩﭽﻪ ﺩﻭﺧﺘﯘﺭﺧﺎﻧﯩﻼﺭﺩﺍ ﻳﻪﻧﻪ 153 ﻧﻪﭘﻪﺭ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﻯ ﺋﺎﻳﺮﯨﭗ ﺩﺍﯞﺍﻟﯩﻨﯩﯟﺍﺗﻘﺎﻥ ﺑﻮﻟﯘﭖ. ﭘﯜﺗﯜﻥ ﺋﯘﻳﻐﯘﺭ ﺋﯧﻠﻰ ﺑﻮﻳﯩﭽﻪ ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﻳﻪﻧﻰ H1N1 ﯞﯨﺮﯗﺳﻰ ﻳﯘﻗﺘﯘﺭﯗﯞﺍﻟﻐﺎﻧﻼﺭﻧﯩﯔ ﺳﺎﻧﻰ 1417 ﻧﻪﭘﻪﺭﮔﻪ ﻳﻪﺗﻜﻪﻥ. ﺋﯘﻻﺭﻧﯩﯔ ﻛﯚﭖ ﺳﺎﻧﺪﯨﻜﯩﺴﻰ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ.

ﺋﯜﺭﯛﻣﭽﯩﺪﻩ ‏5 - ﺋﯩﻴﯘﻝ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺳﯧﻨﺘﻪﺑﯩﺮﻧﯩﯔ ﺑﯧﺸﯩﺪﺍ ﻳﯩﯖﻨﻪ ﺳﺎﻧﺠﯩﺶ ﯞﻩﻗﻪﻟﯩﺮﻯ ﻳﯜﺯ ﺑﻪﺭﮔﻪﻥ ﺋﯩﺪﻯ، ﺩﻩﻝ ﺷﯘ ﺟﯩﺪﺩﯨﻲ ﭘﻪﻳﺘﺘﻪ،ﺋﯜﺭﯛﻣﭽﯩﺪﯨﻜﻰ ﻣﻪﻟﯘﻡ ﻣﻪﻛﺘﻪﭘﺘﻪ ﻧﺎﻣﻪﻟﯘﻡ ﻛﯩﺸﯩﻠﻪﺭﻧﯩﯔ ﭼﻮﺷﻘﺎ ﺯﯗﻛﺎﻣﻰ ﯞﺍﻛﺴﯩﻨﯩﺴﻰ ﺋﻪﻣﻠﻪﺷﻨﻰ ﺑﺎﻫﺎﻧﻪ ﻗﯩﻠﯩﭗ ﻛﯚﭖ ﺳﺎﻧﺪﺍ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﺯﻩﻫﻪﺭﻟﯩﮕﻪﻧﻠﯩﮕﯩﺪﻩﻙ ﺑﯩﺮ ﮔﯘﻣﺎﻧﻠﯩﻖ ﯞﻩﻗﻪ ﺋﺎﺷﻜﺎﺭﯨﻼﻧﻐﺎﻥ ﺋﯩﺪﻯ، ﺋﻪﻣﻤﺎ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﺑﺎﺭﻟﯩﻖ ﺋﯘﭼﯘﺭ ‏- ﺋﺎﻻﻗﻪ ﯞﺍﺳﯩﺘﯩﻠﯩﺮﯨﻨﻰ ﺋﯜﺯﯛﭖ ﺗﺎﺷﻠﯩﺸﻰ ﺑﯩﻠﻪﻥ ﻣﻪﺯﻛﯘﺭ ﯞﻩﻗﻪ ﻫﻪﻗﻘﯩﺪﻩ ﻳﻪﻧﯩﻤﯘ ﺋﯧﻨﯩﻘﻠﯩﻤﺎ ﻣﻪﻟﯘﻣﺎﺕ ﺋﯧﻠﯩﺸﻘﺎ ﻣﯘﻣﻜﯩﻦ ﺑﻮﻟﻤﯩﺪﻯ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﻫﻪﻗﺘﯩﻜﻰ ﺋﯘﭼﯘﺭﻧﻰ ﺗﯧﺰ ﺋﺎﺭﯨﺪﺍ ﺟﯩﺪﺩﯨﻲ ﻗﺎﻣﺎﻝ ﻗﯩﻠﯩﺶ ﺑﯩﻠﻪﻥ ﺗﻪﯓ، ﺋﯜﺭﯛﻣﭽﯩﺪﻩ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﭘﯘﻗﺮﺍﻟﯩﺮﯨﻐﺎ ﻳﯩﯖﻨﻪ ﻫﯘﺟﯘﻣﻰ ﻗﻮﺯﻏﯩﻐﺎﻧﻠﯩﻖ ﺧﻪﯞﯨﺮﯨﻨﻰ ﺩﺍﯞﺭﺍﯓ ﺳﯧﻠﯩﺶ ﺋﺎﺭﻗﯩﻠﯩﻖ ﺟﺎﻣﺎﺋﻪﺗﻨﯩﯔ ﺩﯨﻘﻘﯩﺘﯩﻨﻰ ﺑﯘﺭﯨﻐﺎﻥ ﺋﯩﺪﻯ.

ﺧﯩﺘﺎﻱ ﭼﻮﺷﻘﺎ ﺯﯗﻛﺎﻡ ﺗﺎﺭﻗﯩﻠﯩﺸﯩﻐﺎ ﻗﺎﺭﯨﺘﺎ ﻳﻪﻧﯩﻤﯘ ﺟﯩﺪﺩﯨﻲ ﺗﻪﺩﺑﯩﺮ ﺋﯧﻠﯩﺸﻰ ﻛﯧﺮﻩﻙ

ﭼﻮﺷﻘﺎ ﺯﯗﻛﺎﻡ ﺗﺎﺭﻗﯩﻠﯩﭗ ﻫﺎﺯﯨﺮﻏﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺧﯩﺘﺎﻳﺪﺍ 33 ﻣﯩﯔ ﻛﯩﺸﯩﻨﯩﯔ ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﻳﯘﻗﺘﯘﺭﯗﯞﺍﻟﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﺪﻯ، ﻣﯘﺷﯘ ﺋﺎﻳﻨﯩﯔ ﺋﯚﺯﯨﺪﯨﻼ ﭼﻮﺷﻘﺎ ﺯﯗﻛﺎﻣﻰ ﻳﯘﻗﺘﯘﺭﯗﯞﺍﻟﻐﺎﻧﻠﯩﻖ ﺳﻪﯞﻩﺑﻰ ﺑﯩﻠﻪﻥ ﺗﯚﺕ ﻛﯩﺸﻰ ﺋﯚﻟﮕﻪﻥ. ﺧﯩﺘﺎﻳﺪﯨﻜﻰ ﺳﻪﻫﯩﻴﻪ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﻛﯚﭖ ﻗﯧﺘﯩﻢ ﺋﺎﮔﺎﻫﻼﻧﺪﯗﺭﯗﺷﯩﻐﺎ ﻗﺎﺭﯨﻐﺎﻧﺪﺍ، ﺋﻪﮔﻪﺭ ﺧﯩﺘﺎﻳﺪﺍ ﭼﻮﺷﻘﺎ ﺯﯗﻛﺎﻣﯩﻐﺎ ﻗﺎﺭﺷﻰ ﯞﺍﻛﺴﯩﻨﺎ ﺋﻪﻣﻠﻪﺵ ﺗﯧﺰ ﺋﺎﺭﯨﻠﯩﻘﺘﺎ ﺟﯩﺪﺩﯨﻲ ﺋﯧﻠﯩﭗ ﺑﯧﺮﯨﻠﻤﯩﻐﺎﻧﺪﺍ، ﺧﯩﺘﺎﻳﺪﺍ ﻧﻪﭼﭽﻪ ﻳﯜﺯ ﻣﯩﻠﻴﻮﻥ ﺋﺎﺩﻩﻡ ﭼﻮﺷﻘﺎ ﺯﯗﻛﺎﻡ ﺑﯩﻠﻪﻥ ﻳﯘﻗﯘﻣﻠﯩﻨﯩﺸﻰ ﻣﯘﻣﻜﯩﻦ ﺷﯘﻧﺪﺍﻗﻼ ﺑﯘ ﯞﯨﺮﯗﺱ ﺑﯩﻠﻪﻥ ﺋﯚﻟﯩﺪﯨﻐﺎﻧﻼﺭﻣﯘ ﻛﯚﭘﯩﻴﯩﺪﯗ.

ﺋﺎﻣﯧﺮﯨﻜﺎ ﺳﻪﻫﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻣﯘﺗﻪﺧﻪﺳﺴﯩﺴﻰ ﺧﯘ ﺯﯗﯕﻴﯩﻨﯩﯔ ﺋﺎﮔﺎﻫﻼﻧﺪﯗﺭﯗﺷﯩﭽﻪ، ﺧﯩﺘﺎﻳﺪﺍ ﺷﻪﻫﻪﺭﻟﻪﺭﻧﯩﯔ ﻧﻮﭘﯘﺱ ﺯﯨﭽﻠﯩﻘﻰ ﺋﺎﻻﻫﯩﺪﻩ ﺋﯜﺳﺘﯜﻥ، ﻣﯘﻫﯩﺖ ﺷﺎﺭﺍﺋﯩﺘﻰ ﻧﺎﭼﺎﺭ، ﺷﯘﯕﺎ ﭼﻮﺷﻘﺎ ﺯﯗﻛﺎﻣﻐﺎ ﺋﻮﺧﺸﺎﺵ ﺋﯚﺗﻜﯜﺭ ﻳﯘﻗﯘﻣﻠﯘﻕ ﻛﯧﺴﻪﻟﻠﻪﺭﻧﯩﯔ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﻰ ﺗﯧﺨﯩﻤﯘ ﺯﻭﺭ ﺭﯨﻘﺎﺑﻪﺗﻜﻪ ﺋﯘﭼﺮﺍﻳﺪﯗ، ﺑﻮﻟﯘﭘﻤﯘ ﻣﻪﻛﺘﻪﭘﻠﻪﺭﺩﻩ ﺷﯘﻧﺪﺍﻕ، ﺷﯘﯕﺎ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﺎﻟﺪﻯ ﺑﯩﻠﻪﻥ ﻣﻪﻛﺘﻪﭘﻠﻪﺭﻧﻰ ﺑﯩﺮ ﻣﻪﺯﮔﯩﻠﻠﯩﻚ ﺗﺎﻗﯩﺸﻰ ﻛﯧﺮﻩﻙ. ﺑﻮﻟﻤﯩﻐﺎﻧﺪﺍ ﭼﻮﺷﻘﺎ ﺯﯗﻛﺎﻣﻨﯩﯔ ﻳﻪﻧﯩﻤﯘ ﻛﻪﯓ ﺩﺍﺋﯩﺮﯨﺪﻩ ﺗﺎﺭﻗﯩﻠﯩﺸﯩﻨﻰ ﺗﻮﺳﺎﭖ ﻗﯧﻠﯩﺶ ﺋﺎﻧﭽﻪ ﻣﯘﻣﻜﯩﻦ ﺋﻪﻣﻪﺱ.

ﺩﯗﻧﻴﺎﺩﯨﻜﻰ ﻣﯧﺪﯨﺘﺴﯩﻨﺎ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﺋﺎﮔﺎﻫﻼﻧﺪﯗﺭﯗﺷﯩﭽﻪ، ﻛﯜﺯ ﯞﻩ ﻗﯩﺶ ﭘﻪﺳﻠﯩﮕﻪ ﻛﯩﺮﮔﻪﻥ ﺟﺎﻳﻼﺭﺩﺍ، ﺋﺎﺩﻩﺗﺘﯩﻜﻰ ﺯﯗﻛﺎﻡ ﯞﯨﺮﯗﺳﻠﯩﺮﻯ ﺑﯩﻠﻪﻥ ﺗﻪﯓ،ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﻗﺎﻳﺘﺎ ﺟﺎﻧﻠﯩﻨﯩﭗ ﻳﻪﻧﻪ ﺑﯩﺮ ﻳﯘﻗﯩﺮﻯ ﻳﯘﻗﯘﻡ ﺑﺎﺳﻘﯘﭼﻰ ﺑﺎﺷﻼﻧﻐﺎﻥ ﺑﻮﻟﯘﭖ، ﻛﯩﺸﯩﻠﻪﺭ ﻳﯘﻗﯘﻣﻠﯩﻨﯩﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﺎ ﻗﻮﻟﯩﻨﻰ ﺳﻮﭘﯘﻥ ﺑﯩﻠﻪﻥ ﻳﯘﻳﯘﭖ ﺗﯘﺭﯗﺷﻰ، ﺋﺎﻣﻤﯩﯟﻯ ﺳﻮﺭﯗﻧﻼﺭﻏﺎ ﺑﯧﺮﯨﺸﻨﻰ ﺋﺎﺯﺍﻳﺘﯩﺸﻰ، ﺋﯚﺯﯨﺪﻩ ﻗﯩﺰﯨﺸﻘﺎ ﺋﻮﺧﺸﺎﺵ ﺯﯗﻛﺎﻡ ﺋﺎﻻﻣﻪﺗﻠﯩﺮﻯ ﻛﯚﺭﯛﻟﮕﻪﻥ ﻫﺎﻣﺎﻥ ﺩﻭﺧﺘﯘﺭﻏﺎ ﺑﯧﺮﯨﭗ ﯞﺍﻗﺘﯩﺪﺍ ﺩﺍﯞﺍﻟﯩﻨﯩﺸﻰ ﻛﯧﺮﻩﻙ، ﺷﯘﻧﺪﺍﻗﻼ ﺗﻪﻥ ﺳﺎﻏﻼﻣﻠﯩﻘﯩﻨﻰ ﺋﺎﺷﯘﺭﯗﺷﻘﺎ ﺋﻪﻫﻤﯩﻴﻪﺕ ﺑﯧﺮﯨﺸﻰ، ﻛﯚﭖ ﭼﯧﻨﯩﻘﯩﺸﻰ، ﺳﺎﻏﻼﻡ ﻏﯩﺰﺍﻟﯩﻨﯩﺸﻰ ﯞﻩ ﺳﺎﻏﻼﻡ ﺗﯘﺭﻣﯘﺵ ﺋﺎﺩﯨﺘﯩﻨﻰ ﻳﯧﺘﯩﻠﺪﯛﺭﯛﺷﻰ ﻛﯧﺮﻩﻙ.