ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺩﯦﻬﻘﺎﻥ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﯩﺸﯩﺪﯨﻜﻰ ﻣﻪﺧﭙﯩﻲ ﯞﻩ ﺋﺎﺷﻜﺎﺭﺍ ﺗﻪﺭﻩﭘﻠﻪﺭ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

2006 – ﻳﯩﻠﻰ 24 – ﺋﯚﻛﺘﻪﺑﯩﺮ ﻛﯜﻧﻰ ﺋﯘﻳﻐﯘﺭ ﻗﯩﺰ ﻳﯩﮕﯩﺘﻠﻪﺭ ﺑﯧﻴﺠﯩﯖﺪﯨﻜﻰ ﻧﻴﯘﺟﻴﯥ ﻣﻪﺳﭽﯩﺘﻰ ﺋﺎﻟﺪﯨﺪﺍ ﺭﺍﻣﯩﺰﺍﻧﻨﯩﯔ ﺋﺎﺧﯩﺮﻻﺷﻘﺎﻧﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻧﯚﺗﻜﯜﺯﯗﻟﮕﻪﻥ ﺑﺎﻳﺮﺍﻣﺪﺍ. 2006 – ﻳﯩﻠﻰ 24 – ﺋﯚﻛﺘﻪﺑﯩﺮ ﻛﯜﻧﻰ ﺋﯘﻳﻐﯘﺭ ﻗﯩﺰ ﻳﯩﮕﯩﺘﻠﻪﺭ ﺑﯧﻴﺠﯩﯖﺪﯨﻜﻰ ﻧﻴﯘﺟﻴﯥ ﻣﻪﺳﭽﯩﺘﻰ ﺋﺎﻟﺪﯨﺪﺍ ﺭﺍﻣﯩﺰﺍﻧﻨﯩﯔ ﺋﺎﺧﯩﺮﻻﺷﻘﺎﻧﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻧﯚﺗﻜﯜﺯﯗﻟﮕﻪﻥ ﺑﺎﻳﺮﺍﻣﺪﺍ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺋﯘﻳﻐﯘﺭ ﻗﯩﺰﻟﯩﺮﻯ ﻣﻪﺟﺒﯘﺭﻯ ﻫﻪﻡ ﺋﯩﺨﺘﯩﻴﺎﺭﻟﯩﻘﻰ ﺑﯩﻠﻪﻥ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﯩﺸﻠﻪﺷﻜﻪ ﺋﻪﯞﻩﺗﯩﻠﻤﻪﻛﺘﻪ. AFP

ﺋﯩﻠﮕﯩﺮﯨﻜﻰ ﺋﺎﯕﻠﯩﺘﯩﺸﯩﻤﯩﺰﺩﺍ ﻣﻪﻟﯘﻣﺎﺕ ﺑﻪﺭﮔﯩﻨﯩﻤﯩﺰﺩﻩﻙ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺩﯦﻬﻘﺎﻧﻼﺭﻧﯩﯔ ﻛﯩﺮﯨﻤﯩﻨﻰ ﺋﺎﺷﯘﺭﯗﺷﺘﯩﻜﻰ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻧﻰ ﺑﯘﻳﯩﭽﻪ، ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺗﯜﺭﻛﯜﻣﻠﻪﭖ ﻣﺎﯕﺪﯗﺭﯗﻟﯘﯞﺍﺗﻘﺎﻥ ﺋﯘﻳﻐﯘﺭ ﺩﯦﻬﻘﺎﻥ ﻗﯩﺰﻟﯩﺮﻯ، ﮔﻪﺭﭼﻪ ﺋﯩﺶ ﺗﯧﭙﯩﭗ ﻛﯩﺮﯨﻢ ﻗﯩﻠﯩﭗ، ﻧﻪﺯﻩﺭ ﺩﺍﺋﯩﺮﻩﻣﻨﻰ ﺋﺎﭼﯩﺪﯨﻐﺎﻥ ﺑﻮﻟﺪﯗﻡ ﺩﯦﮕﻪﻧﺪﻩﻙ ﻧﯘﺭﻏﯘﻥ ﺋﺎﺭﺯﯗﻻﺭ ﺑﯩﻠﻪﻥ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻛﯧﺘﯩﭗ ﺑﺎﺭﻏﺎﻥ ﺑﻮﻟﺴﯩﻤﯘ، ﺋﯘﻳﻐﯘﺭ ﺩﯦﻬﻘﺎﻧﻼﺭﻧﯩﯔ ﺋﯩﻨﻜﺎﺳﯩﻐﺎ ﻗﺎﺭﯨﻐﺎﻧﺪﺍ، ﺑﯘ ﺩﯦﻬﻘﺎﻥ ﻗﯩﺰﻟﯩﺮﻯ ﺑﺎﺭﻏﺎﻥ ﺯﺍﯞﯗﺗﻠﯩﺮﯨﺪﺍ ﺳﯩﺠﯩﻞ ﺋﯧﻐﯩﺮ ﺋﻪﻣﮕﻪﻛﻠﻪﺭﮔﻪ ﺋﻮﺭﯗﻧﻼﺷﺘﯘﺭﯗﻟﯘﭖ، ﻗﺎﺗﺘﯩﻖ ﺗﯜﺯﯛﻡ ﺋﺎﺳﺘﯩﺪﺍ ﺋﻪﺭﻛﯩﻨﻠﯩﻜﻰ ﺑﻮﻏﯘﻟﯘﭖ ﺟﯩﺴﻤﺎﻧﯩﻲ ﻫﻪﻣﺪﻩ ﺭﻭﻫﯩﻲ ﺟﻪﻫﻪﺗﻠﻪﺭﺩﯨﻦ ﺋﯧﻐﯩﺮ ﺑﯧﺴﯩﻤﻼﺭﻏﺎ ﺋﯘﭼﺮﯨﻤﺎﻗﺘﺎ ﺋﯩﻜﻪﻥ.

ﺑﯜﮔﯜﻧﻜﻰ ﭘﺮﻭﮔﺮﺍﻣﻤﯩﻤﯩﺰﺩﺍ ﺩﺍﯞﺍﻣﻠﯩﻖ ﺳﯩﻠﻪﺭﮔﻪ،ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻛﻪﺗﻜﻪﻥ ﺑﺎﻟﯩﻠﯩﺮﯨﻨﯩﯔ ﺋﻪﻫﯟﺍﻟﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﺋﺎﺗﺎ -ﺋﺎﻧﯩﻼﺭﻧﯩﯔ ﺋﯩﻨﻜﺎﺳﯩﻐﺎ ﺋﺎﺳﺎﺳﻪﻥ ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺧﯩﺘﺎﻳﺪﯨﻜﻰ ﺋﯘﻳﻐﯘﺭ ﺋﯩﺸﭽﯩﻼﺭﻧﻰ ﻗﻮﺑﯘﻝ ﻗﯩﻠﻐﺎﻥ ﺯﺍﯞﯗﺕ ﻫﻪﻣﺪﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﻪﺳﺌﯘﻝ ﺗﺎﺭﻣﺎﻗﻼﺭﺩﯨﻦ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻠﯩﺮﯨﻨﻰ ﺋﺎﯕﻼﺗﻤﺎﻗﭽﯩﻤﯩﺰ .

ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﯩﺸﻘﺎ ﺋﺎﻟﻐﺎﻥ ﺧﯩﺘﺎﻱ ﺯﺍﯞﯗﺗﻠﯩﺮﻯ ﻧﯧﻤﻪ ﺋﯜﭼﯜﻥ ﺋﯚﺯﯨﻨﻰ ﻳﻮﺷﯘﺭﯨﺪﯗ؟

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺩﯦﻬﻘﺎﻥ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﭘﯩﻼﻧﻰ -2002 ﻳﯩﻠﻰ ﺭﻩﺳﻤﯩﻲ ﻳﻮﻟﻐﺎ ﻗﻮﻳﯘﻟﯘﺷﻘﺎ ﺑﺎﺷﻠﯩﻐﺎﻧﺪﯨﻦ ﺑﯘﻳﺎﻥ،ﺋﯘﻳﻐﯘﺭ ﺋﯧﻠﯩﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯩﺸﭽﯩﻠﯩﻘﻘﺎ ﺋﯧﻠﯩﭗ ﻛﯧﺘﯩﯟﺍﺗﻘﺎﻥ ﻳﺎﺵ ﺋﻪﻣﮕﻪﻙ ﻛﯜﭼﻠﯩﺮﯨﻨﯩﯔ ﺳﺎﻧﻰ ﻳﯩﻠﯩﻐﺎ ﺑﯩﺮ ﻣﯩﻠﻴﻮﻧﻐﺎ ﺑﺎﺭﯨﺪﯗ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻫﯚﻛﯜﻣﻪﺕ ﺗﻮﺭﯨﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﻫﯚﺟﺠﻪﺗﻠﯩﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، -2006 ﻳﯩﻠﯩﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﯨﻦ ﺟﻪﻣﺌﯩﻲ ﺑﯩﺮ ﻣﯩﻠﻴﻮﻥ 150ﻣﯩﯔ ﺋﻪﻣﮕﻪﻙ ﻛﯜﭼﯩﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﯩﮕﻪﻥ ﺑﻮﻟﯘﭖ ﺑﯘ ﻳﯩﻞ ﺑﯘ ﺳﺎﻧﻨﻰ ﻳﻪﻧﻪ ﺑﯩﺮ ﻣﯩﻠﻴﻮﻥ 200 ﻣﯩﯖﻐﺎ ﻳﻪﺗﻜﯜﺯﻣﻪﻛﭽﻰ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭ ﻗﺎﻳﺴﻰ ﯞﯨﻼﻳﻪﺗﻠﯩﺮﯨﻨﯩﯔ ﺗﻮﺭ ﺑﻪﺗﻠﯩﺮﯨﺪﻩ ﺑﯧﺮﯨﯟﺍﺗﻘﺎﻥ ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻣﻜﻰ، ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﭘﯩﻼﻧﻠﯩﻖ ﻫﺎﻟﺪﺍ ﺗﯜﺭﻛﯜﻡ‏- ﺗﯜﺭﻛﯜﻣﻠﻪﭖ ﺋﻪﯞﻩﺗﯩﻠﯩﯟﺍﺗﻘﺎﻥ ﺩﯦﻬﻘﺎﻥ ﺋﻪﻣﮕﻪﻙ ﻛﯜﭼﻠﯩﺮﯨﻨﯩﯔ ﺋﺎﺳﺎﺳﻠﯩﻖ ﻗﯩﺴﻤﯩﻨﻰ ﻗﻪﺷﻘﻪﺭ ﻫﻪﻣﺪﻩ ﺧﻮﺗﻪﻥ، ﺋﺎﻗﺴﯘ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻦ ﻳﯚﺗﻜﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﻳﺎﺷﻠﯩﺮﻯ ﺋﯩﮕﯩﻠﻪﻳﺪﯗ. ﺑﻮﻟﯘﭘﻤﯘ ﺋﯘﻻﺭﻧﯩﯔ ﺋﺎﺭﯨﺴﯩﺪﺍ ﺗﻮﻱ ﻗﯩﻠﻤﯩﻐﺎﻥ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﺳﺎﻧﻰ ﭘﻪﯞﻗﯘﻟﺌﺎﺩﺩﻩ ﻛﯚﭖ.

ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻣﻪﺗﺒﯘﺋﺎﺗﻠﯩﺮﯨﺪﺍ ﮔﻪﺭﭼﻪ ﺋﯘﻳﻐﯘﺭ ﻗﯩﺰﻻﺭﻧﯩﯔ ﺋﺎﺳﺎﺳﻪﻥ ﺧﯩﺘﺎﻳﻨﯩﯔ ﺷﻪﻧﺪﯗﯓ، ﺟﻴﺎﯕﺴﯘ، ﺧﯧﺒﯧﻲ، ﺗﻴﻪﻧﺠﯩﻦ ﻗﺎﺗﺎﺭﻟﯩﻖ ﺟﺎﻳﻠﯩﺮﯨﺪﯨﻜﻰ ﻛﯩﻴﯩﻢ-ﻛﯧﭽﻪﻙ، ﺋﻮﻳﯘﻧﭽﯘﻕ ﺯﺍﯞﯗﺗﻠﯩﺮﯨﻐﺎ ﺗﻪﻗﺴﯩﻢ ﻗﯩﻠﯩﻨﻐﺎﻧﻠﯩﻘﻰ ﺧﻪﯞﻩﺭ ﻗﯩﻠﯩﻨﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺯﺍﯞﯗﺗﻼﺭﻧﯩﯔ ﺋﯧﻨﯩﻖ ﻧﺎﻣﻰ ﻳﺎﻛﻰ ﺗﻮﻟﯘﻕ ﺋﺎﺩﺭﯦﺴﻰ ﻣﻪﺗﺒﯘﺋﺎﺕ ﻳﯜﺯﯨﮕﻪ ﭼﯩﻘﯩﭗ ﺑﺎﻗﻤﯩﺪﻯ. ﻫﻪﺗﺘﺎ ﺋﺎﺗﺎ ﺋﺎﻧﯩﻼﺭﻣﯘ ﻗﯩﺰﻟﯩﺮﻯ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺯﺍﯞﯗﺗﻼﺭﻧﯩﯔ ﺋﺎﺩﺭﯦﺴﯩﻨﻰ ﺑﯩﻠﻤﻪﻳﺪﯨﻜﻪﻥ.

ﺷﯘ ﺳﻪﯞﻩﺑﻠﯩﻚ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺯﺍﯞﯗﺗﻼﺭﺩﺍ ﺋﯩﺸﻠﻪﯞﺍﺗﻘﺎﻥ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﺋﯚﺯﯨﺪﯨﻦ ﺑﯩﯟﺍﺳﺘﻪ ﻣﻪﻟﯘﻣﺎﺕ ﺋﯧﻠﯩﺶ ﻣﯘﻣﻜﯩﻨﭽﯩﻠﯩﻜﻰ ﺑﻮﻟﻤﯩﺪﻯ. ﺋﻪﻣﻤﺎ ﺋﯘﭼﯘﺭ ﻣﻪﻧﺒﻪﻟﯩﺮﻯ ﺋﺎﺭﻗﯩﻠﯩﻖ ﻳﻪﻧﯩﻼ ﻳﯧﻘﯩﻨﺪﺍ ﻗﻪﺷﻘﻪﺭ ﻧﺎﻫﯩﻴﯩﻠﯩﺮﯨﺪﯨﻦ ﺑﯩﺮ ﻗﺎﻧﭽﻪ ﻳﯜﺯ ﺋﯘﻳﻐﯘﺭ ﻗﯩﺰﻧﻰ ﺋﯩﺸﭽﯩﻠﯩﻘﻘﺎ ﻗﻮﺑﯘﻝ ﻗﯩﻠﻐﺎﻥ ﭼﯩﯖﺪﺍﯞ ﺷﯩﻨﻴﻮﯕﺌﻪﻥ ﻛﯩﻴﯩﻢ ﻛﯧﭽﻪﻙ ﭼﻪﻛﻠﯩﻚ ﺷﯩﺮﻛﯩﺘﯩﻨﯩﯔ ﺗﯧﻠﯧﻔﻮﻧﯩﻐﺎ ﺋﯩﮕﻪ ﺑﻮﻟﺪﯗﻕ .

ﺗﯘﻳﯘﻗﺴﯩﺰ ﺯﯨﻴﺎﺭﯨﺘﯩﻤﯩﺰﺩﯨﻦ ﻫﻪﻳﺮﺍﻥ ﺑﻮﻟﻐﺎﻥ ﺷﯩﺮﻛﻪﺕ ﻣﻪﺳﺌﯘﻟﯩﺪﯨﻦ ﺑﯩﺮﻯ ﺑﯩﺰﻧﯩﯔ ﺳﻮﺋﺎﻟﻠﯩﺮﯨﻤﯩﺰﻏﺎ ﺗﯧﺨﻰ ﺟﺎﯞﺍﺏ ﺑﻪﺭﻣﻪﻱ ﺗﯘﺭﯗﭘﻼ ﻗﺎﻳﺘﯘﺭﯗﭖ ﺳﻮﺋﺎﻝ ﺳﻮﺭﺍﺷﻘﺎ ﺑﺎﺷﻠﯩﺪﻯ:

‏- ﺳﯩﻠﻪﺭ ﺑﯩﺰﻧﯩﯔ ﺗﯧﻠﯩﻔﻮﻧﯩﻤﯩﺰﻧﻰ ﻗﺎﻧﺪﺍﻕ ﺑﯩﻠﺪﯨﯖﻼﺭ؟ ‏- 114 ﺗﯩﻦ ﺳﻮﺭﯨﺪﯗﻕ. ‏-ﺋﯘﻧﺪﺍﻕ ﺑﻮﻟﺴﺎ ﺷﯩﺮﻛﯩﺘﯩﻤﯩﺰﻧﯩﯔ ﺋﯩﺴﻤﯩﻨﻰ ﻗﺎﻧﺪﺍﻕ ﺑﯩﻠﯩﺴﯩﻠﻪﺭ؟ ‏- ﺳﯩﻠﻪﺭ ﺷﯧﺮﻛﯩﺘﯩﯖﻼﺭﻧﯩﯔ ﻧﺎﻣﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﺎﻣﺴﯩﻠﻪﺭ؟ - ﻫﻪ .....ﺋﯘﻧﺪﺍﻕ ﺋﻪﻣﻪﺱ، ﭘﻪﻗﻪﺕ ﻗﯩﺰﯨﻘﯩﭗ ﻗﺎﻟﺪﯨﻢ...ﻗﺎﻧﺪﺍﻕ ﺑﯩﻠﺪﯨﻜﯩﻦ ﺩﻩﭖ ‏- ﺳﯩﻠﻪﺭ ﺋﯘﻳﻐﯘﺭ ﺋﯧﻠﯩﺪﯨﻦ ﻛﻪﻟﮕﻪﻥ ﺋﯩﺸﭽﻰ ﻗﯩﺰﻻﺭﻧﻰ ﺷﯧﺮﻛﻪﺗﻜﻪ ﺋﻮﺭﯗﻧﻼﺷﺘﯘﺭﺍﻣﺴﯩﻠﻪﺭ ﻳﺎﻛﻰ ﺯﺍﯞﯗﺗﻼﺭﻏﯩﻤﯘ ؟ ‏- ﺋﯚﺯﯨﻤﯩﺰ ﺋﯩﺸﻠﯩﺘﯩﻤﯩﺰ، ﺯﺍﯞﯗﺗﺘﺎ ﺋﯩﺸﻠﻪﻳﺪﯗ. ‏-ﺋﯘﻻﺭﻧﯩﯔ ﻣﺎﺋﺎﺷﯩﻨﻰ ﻗﺎﻧﭽﻪ ﺑﯧﻜﯩﺘﺘﯩﯖﻼﺭ؟ ‏- ﺷﯩﺮﻛﯩﺘﯩﻤﯩﺰﺩﻩ ﺋﻪﻣﮕﻪﻛﻜﻪ ﻗﺎﺭﺍﭖ ﻫﻪﻕ ﺑﯧﺮﯨﻠﯩﺪﯗ، ﻛﯚﭖ ﺋﯩﺸﻠﯩﮕﻪﻥ ﻛﯚﭖ ﺋﺎﻟﯩﺪﯗ. ‏-ﺋﺎﺩﻩﺗﺘﻪ ﻗﺎﻧﭽﻪ ﺳﺎﺋﻪﺕ ﺋﯩﺸﻠﻪﻳﺪﯗ؟ ‏- ﺑﻪﺯﯨﺪﻩ ﺋﺎﺩﻩﺗﺘﯩﻜﯩﺪﯨﻦ ﺋﺎﺭﺗﯘﻕ ﺋﯩﺸﻠﻪﻳﺪﯗ، ﺑﻪﺯﯨﺪﻩ ﺋﯘﻧﺪﺍﻕ ﺋﻪﻣﻪﺱ. ﺑﻪﺯﻯ ﻣﻪﺳﯩﻠﯩﻠﻪﺭﻧﻰ ﺗﯧﻠﯧﻔﻮﻧﺪﺍ ﺋﯧﻨﯩﻖ ﺩﻩﭖ ﺑﻪﺭﮔﯩﻠﻰ ﺑﻮﻟﻤﺎﻳﺪﯗ، ﺑﯘ ﺋﯩﺸﻼﺭ ﺗﯧﺨﻰ ﻳﯜﺭﯛﺷﻠﯩﺸﯩﺶ ﺑﺎﺳﻘﯘﭼﯩﺪﺍ. ‏- ﺑﯩﺮ ﻧﻪﺭﺳﯩﻨﻰ ﺳﻮﺭﺍﭖ ﺑﺎﻗﺴﺎﻡ، ﺷﯩﻨﺠﺎﯕﺪﯨﻦ ﻛﯧﻠﯩﺪﯨﻐﺎﻥ ﺋﯩﺸﭽﯩﻼﺭ ﻫﻪﻣﻤﯩﺴﻰ ﻗﯩﺰﻻﺭ ﺋﯩﻜﻪﻥ، ﻧﯧﻤﯩﺸﻘﺎ ﺋﻮﻏﯘﻟﻼﺭﻧﻰ ﻗﻮﺑﯘﻝ ﻗﯩﻠﻤﺎﻳﺴﯩﻠﻪﺭ؟ ‏- ﺑﯘ ﺯﺍﯞﯗﺗﺘﯩﻜﻰ ﺋﯩﺶ ﺗﯜﺭﯨﻨﯩﯔ ﺋﯧﻬﺘﯩﻴﺎﺟﯩﻐﺎ ﺑﺎﻏﻠﯩﻖ، ﺑﯘ ﺋﯩﻜﻜﻰ ﺗﻪﺭﻩﭘﻨﯩﯔ ﺭﺍﺯﯨﻠﯩﻘﻰ ﺑﯩﻠﻪﻥ ﺑﻮﻟﯘﯞﺍﺗﻘﺎﻥ ﺗﻮﺧﺘﺎﻡ. ‏-ﺷﯩﻨﺠﺎﯕﺪﯨﻦ ﺋﯩﺸﭽﻰ ﺋﯧﻠﯩﭗ ﻛﯧﻠﯩﺶ ﺋﯩﻜﻜﻰ ﺋﯚﻟﻜﯩﻨﯩﯔ ﻫﯚﻛﯜﻣﻪﺕ ﺗﻪﺭﻩﭘﺘﯩﻦ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﻫﻪﻣﻜﺎﺭﻟﯩﺸﯩﺸﯩﻤﯘ ﻳﺎﻛﻰ ﺷﯩﺮﻛﻪﺗﻠﻪﺭ ﺋﺎﺭﯨﺴﯩﺪﯨﻜﻰ ﺳﻮﺩﺍ ﻫﻪﻣﻜﺎﺭﻟﯩﻘﯩﻤﯘ؟ ‏- ﺑﯩﺰ ﻫﺎﺯﯨﺮ ﺗﯧﺨﻰ ﺑﯘﻧﻰ ﺋﻪﻣﻪﻟﯩﻴﻠﻪﺷﺘﯘﺭﯗﭖ ﺑﻮﻻﻟﻤﯩﺪﯗﻕ، ﺗﻪﭘﺴﯩﻠﯩﻲ ﻧﻪﺭﺳﯩﻠﻪﺭﻧﻰ ﺷﯩﻨﺠﺎﯕﻨﯩﯔ ﻳﻪﺭﻟﯩﻚ ﺩﺍﺋﯩﺮﯨﻠﯩﺮﯨﺪﯨﻦ ﺳﻮﺭﺍﯕﻼﺭ.

ﺑﯩﺰ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﭘﺎﺭﺗﻜﻮﻣﻨﯩﯔ ﺩﯦﻬﻘﺎﻥ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻳﻐﺎ ﻳﯚﺗﻜﻪﺵ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺋﻮﺭﻧﻰ ﺑﯩﻠﻪﻥ ﺋﺎﻻﻗﯩﻼﺷﻘﯩﻨﯩﻤﯩﺰﺩﺍ، ﺋﯘﻻﺭ ﺑﯩﺰﻧﯩﯔ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﭘﺎﺭﺗﻜﻮﻡ ﺗﻪﺷﯟﯨﻘﺎﺕ ﺑﯚﻟﯜﻣﻰ ﺑﯩﻠﻪﻥ ﺋﺎﻻﻗﯩﻠﯩﺸﯩﺸﯩﻤﯩﺰﻧﻰ ﻛﯚﺭﺳﻪﺗﺘﻰ:

"ﺧﯩﺘﺎﻱ ﻛﺎﺩﯨﺮ: ﻣﻪﻗﺴﯩﺪﯨﻤﯩﺰ ﺋﯘﻳﻐﯘﺭ ﺩﯦﻬﻘﺎﻧﻼﺭﻧﯩﯔ ﻛﯚﺯﯨﻨﻰ ﺋﯧﭽﯩﺶ؟...."

‏- ﺑﯘ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﭘﺎﺭﺗﻜﻮﻡ ﺗﻪﺷﯟﯨﻘﺎﺕ ﺑﯚﻟﯜﻣﯩﻤﯘ؟ ‏- ﺷﯘﻧﺪﺍﻕ . ‏- ﻣﻪﻥ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﺪﯨﻦ، ﻣﻪﻥ ﺳﯩﻠﻪﺭﻧﯩﯔ ﺋﯘﻳﻐﯘﺭ ﺩﯦﻬﻘﺎﻥ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﭘﯩﻼﻧﯩﯖﻼﺭ ﻫﻪﻗﻘﯩﺪﻩ ﺯﯨﻴﺎﺭﻩﺕ ﻗﯩﻠﻤﺎﻗﭽﻰ ﺋﯩﺪﯨﻢ. ‏- ﺳﯩﻠﻪﺭ ﺋﻪﯓ ﻳﺎﺧﺸﯩﺴﻰ ﻳﯧﺰﯨﻖ ﺑﯩﻠﻪﻥ ﺑﯩﺮ ﺋﺎﻻﻗﻪ ﺋﻪﯞﻩﺗﺴﻪﯕﻼﺭ ﺑﻮﭘﺘﯩﻜﻪﻥ. ﺋﺎﻧﺪﯨﻦ ﺳﻮﺋﺎﺳﻠﻠﯩﺮﯨﯖﻼﺭﻏﺎ ﺟﺎﯞﺍﺏ ﺑﯧﺮﻩﻟﻪﻳﻤﯩﺰ. ‏- ﺳﯩﻠﻪﺭﻧﯩﯔ ﺑﯩﺮ ﻣﻪﺳﯩﻠﯩﺪﯨﻦ ﺧﻪﯞﯨﺮﯨﯖﻼﺭ ﺑﺎﺭﻣﯩﻜﯩﻦ ﺳﻮﺭﺍﭖ ﺑﺎﻗﺎﻱ ﺩﯦﮕﻪﻧﺘﯩﻢ، ﺋﺎﯕﻠﯩﺴﺎﻕ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯧﻠﯩﭗ ﻛﯧﺘﯩﻠﮕﻪﻥ ﺑﻪﺯﻯ ﺩﯦﻬﻘﺎﻧﻼﺭﻧﯩﯔ ﻗﯩﺰﻟﯩﺮﻯ ﺑﺎﺭﻏﺎﻥ ﺟﺎﻳﻠﯩﺮﯨﺪﺍ ﺧﻮﺭﻟﯘﻗﻘﺎ ﺋﯘﭼﺮﺍﭘﺘﯘ؟ ﻧﺎﻫﺎﻳﯩﺘﻰ ﺋﯧﻐﯩﺮ ﺋﻪﻣﮕﻪﻛﻠﻪﺭﮔﻪ ﺳﯧﻠﯩﻨﻐﺎﻧﺪﯨﻦ ﺑﺎﺷﻘﺎ ﻳﻪﻧﻪ، ﺋﻪﺳﻠﯩﺪﯨﻜﻰ ﺋﯜﭺ ﺋﺎﻳﻠﯩﻖ ﺗﻮﺧﺘﺎﻣﻨﻰ ﺑﯩﺮ ﻳﯩﻠﻐﺎ ﺋﯚﺯﮔﻪﺭﺗﯩﺸﻜﻪ ﻣﻪﺟﺒﯘﺭﻟﯩﻨﯩﭙﺘﯘ؟ ﺑﯘﻻﺭﺩﯨﻦ ﺧﻪﯞﯨﺮﯨﯖﻼﺭ ﺑﺎﺭﻣﯘ؟ ‏- ﺋﺎﻟﺪﯨﺪﺍ ﺋﻪﯞﻩﺗﻜﻪﻧﻠﻪﺭﻧﯩﯔ ﻫﻪﻣﻤﯩﺴﯩﮕﻪ ﻣﻪﺳﺌﯘﻝ ﺑﯩﺮ ﻳﯧﺘﻪﻛﭽﯩﻨﻰ ﻗﻮﺷﯘﭖ ﺋﻪﯞﻩﺗﻜﻪﻥ، ﺋﯘﻻﺭﻧﯩﯔ ﻳﻪﺭﻟﯩﻚ ﺋﯩﺸﭽﯩﻼﺭ ﺋﻮﻳﯘﺷﻤﯩﺴﻰ ﺑﯩﻠﻪﻧﻤﯘ ﻗﻮﻳﯘﻕ ﺋﺎﻻﻗﯩﺴﻰ ﺑﺎﺭ، ﻣﯧﻨﯩﯔ ﺑﯩﻠﯩﺸﯩﻤﭽﻪ، ﺳﯩﺰ ﺋﯧﻴﺘﻘﺎﻧﺪﻩﻙ ﻣﻪﺳﯩﻠﯩﻠﻪﺭ ﻣﻪﯞﺟﯘﺕ ﺋﻪﻣﻪﺱ. ‏- ﺑﯩﻠﯩﺸﯩﻤﯩﺰﭼﻪ، ﺋﯘﻳﻐﯘﺭ ﻗﯩﺰﻻﺭ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﺎﭘﯩﺮﯨﻠﻐﺎﻧﺪﯨﻦ ﻛﯧﻴﯩﻦ، ﺋﯘﻻﺭﻧﯩﯔ ﺋﻪﺭﻛﯩﻨﻠﯩﻜﻰ ﭘﯜﺗﯜﻧﻠﻪﻱ ﺑﻮﻏﯘﻟﻐﺎﻥ، ﺋﺎﺗﺎ ﺋﺎﻧﯩﻠﯩﺮﯨﻐﺎ ﺗﯧﻠﯧﻔﻮﻥ ﻗﯩﻠﯩﺸﻘﯩﻤﯘ ﻳﻮﻝ ﻗﻮﻳﻤﯩﻐﺎﻥ؟ ‏-ﺑﯘﻧﺪﺍﻕ ﺑﻮﻟﯘﺷﻰ ﻣﯘﻣﻜﯩﻦ ﺋﻪﻣﻪﺱ، ﺋﯘﻻﺭﻧﯩﯔ ﺋﺎﺋﯩﻠﯩﺴﯩﮕﻪ ﺧﻪﺕ ﺋﻪﯞﻩﺗﯩﺶ، ﺗﯧﻠﯧﻔﻮﻥ ﻗﯩﻠﯩﺶ ﺋﻪﺭﻛﯩﻨﻠﯩﻜﻰ ﺑﺎﺭ. ‏- ﻳﻪﻧﻪ ﺑﻪﺯﻯ ﺯﺍﯞﯗﺗﻼﺭﺩﺍ ﺋﯘﻻﺭﻧﯩﯔ ﺋﯩﺸﻠﻪﺵ ﯞﺍﻗﺘﻰ ﻫﻪﺗﺘﺎ ﺋﻮﻥ ﺳﺎﺋﻪﺗﺘﯩﻨﻤﯘ ﺋﯧﺸﯩﭗ ﻛﯧﺘﯩﺪﯨﻜﻪﻥ؟ ‏-ﻳﺎﻕ، ﺋﯘ ﻳﻪﺭﺩﻩ ﺩﯙﻟﯩﺘﯩﻤﯩﺰﻧﯩﯔ ﺋﻪﻣﮕﻪﻙ ﻗﺎﻧﯘﻧﻰ ﺑﯘﻳﯩﭽﻪ ﺧﯩﺰﻣﻪﺕ ﻗﯩﻠﯩﺪﯗ، ﺳﯩﻠﻪﺭﻧﯩﯔ ﺑﯘ ﺋﯘﭼﯘﺭﻻﺭﻏﺎ ﻗﺎﻧﺪﺍﻕ ﺋﯩﮕﻪ ﺑﻮﻟﻐﺎﻧﻠﯩﻘﯩﯖﻼﺭﻧﻰ ﺑﯩﻠﻤﯩﺪﯨﻢ، ﺑﯩﺰ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﻯ ﺑﯘ ﻫﻪﻗﺘﻪ ﻫﯧﭽﻘﺎﻧﺪﺍﻕ ﺋﯩﻨﻜﺎﺱ ﺋﺎﯕﻼﭖ ﺑﺎﻗﻤﯩﺪﯗﻕ، ﺑﯘ ﻫﯚﻛﯜﻣﻪﺕ ﻛﯚﯕﯜﻝ ﺑﯚﻟﯜﯞﺍﺗﻘﺎﻥ ﻣﻪﺳﯩﻠﻪ. ﭘﯜﺗﯜﻧﻠﻪﻱ ﺧﻪﻟﯩﻘﻨﯩﯔ ﺭﺍﺯﯨﻠﯩﻘﻰ ﺑﯩﻠﻪﻥ ﺑﻮﻟﯘﯞﺍﺗﻘﺎﻥ ﺋﯩﺶ، ﻣﻪﺟﺒﯘﺭﯨﻲ ﺋﯧﻠﯩﭗ ﺑﯧﺮﯨﻠﻐﯩﻨﻰ ﻳﻮﻕ. ‏- ﺋﯘﻧﺪﺍﻗﺘﺎ ﻫﯚﻛﯜﻣﻪﺕ ﻧﯧﻤﻪ ﺋﯜﭼﯜﻥ ﺑﯘ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﻰ ﺷﯩﻨﺠﺎﯓ ﭼﯧﮕﺮﯨﺴﻰ ﺋﯩﭽﯩﺪﻩ ﺧﯩﺰﻣﻪﺗﻜﻪ ﺋﻮﺭﯗﻧﻼﺷﺘﯘﺭﻣﺎﻳﺪﯗ؟ ‏- ﺋﺎﻟﺪﻯ ﺑﯩﻠﻪﻥ ﺷﯩﻨﺠﺎﯕﻨﯩﯔ ﻣﻪﻧﺒﻪﺳﻰ ﭼﻪﻛﻠﯩﻚ، ﺋﺎﺩﻩﻡ ﻛﯚﭖ، ﻳﻪﺭ ﺋﺎﺯ، ﺩﯦﻬﻘﺎﻧﻠﯩﺮﯨﻤﯩﺰﻧﯩﯔ ﻛﯩﺮﯨﻢ ﻣﻪﻧﺒﻪﺳﻰ ﭼﻪﻛﻠﯩﻚ. ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺑﺎﺭﻏﺎﻧﺪﺍ ﻛﯚﭘﺮﻩﻙ ﻛﯩﺮﯨﻢ ﻗﯩﻼﻻﻳﺪﯗ، ﻛﯚﺯﻯ ﺋﯧﭽﯩﻠﯩﺪﯗ، ﭼﯜﻧﻜﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﻧﯩﯔ ﺗﻪﺭﻩﻗﻘﯩﻴﺎﺗﻰ ﺷﯩﻨﺠﺎﯕﻐﺎ ﻗﺎﺭﯨﻐﺎﻧﺪﺍ ﻳﻪﻧﯩﻼ ﭘﻪﺭﻗﻠﯩﻖ ﺋﻪﻣﻪﺳﻤﯘ ؟ ‏-ﺋﯘﻧﺪﺍﻗﺘﺎ ﻧﯧﻤﻪ ﺋﯜﭼﯜﻥ، ﺋﻪﻛﺴﯩﭽﻪ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻦ ﺷﯘﻧﭽﻪ ﻛﯚﭖ ﺳﺎﻧﺪﯨﻜﻰ ﺩﯦﻬﻘﺎﻥ ﺋﯩﺸﭽﯩﻼﺭ ﺋﯘﻳﻐﯘﺭ ﺋﯧﻠﯩﻐﺎ ﺋﯩﺶ ﺋﯩﺰﺩﻩﺷﻜﻪ ﻛﯧﻠﯩﺪﯗ؟ ‏- ﺑﯘ ﺋﯩﺸﭽﯩﻼﺭﻧﯩﯔ ﺧﺎﺭﺍﻛﺘﯧﺮﻯ ﺋﻮﺧﺸﯩﻤﺎﻳﺪﯗ، ﺋﯩﭽﻜﯩﺮﯨﺪﯨﻦ ﻛﯧﻠﯩﺪﯨﻐﺎﻥ ﺩﯦﻬﻘﺎﻥ ﺋﯩﺸﭽﯩﻼﺭﻧﯩﯔ ﻣﻪﺩﻩﻧﯩﻴﻪﺕ ﺳﺎﭘﺎﺳﻰ ﺑﯩﺮ ﻗﻪﺩﻩﺭ ﺗﯚﯞﻩﻥ،ﺋﯘﻻﺭ ﺋﺎﺳﺎﺳﻪﻥ ﻗﯘﺭﯗﻟﯘﺵ ﻫﻪﻣﺪﻩ ﻧﯧﻔﯩﺖ ﻗﯘﺭﯗﻟﯘﺷﻠﯩﺮﯨﺪﺍ ﺋﯩﺸﻠﻪﺷﻜﻪ ﻛﯧﻠﯩﺪﯗ، ﺑﯩﺰﺩﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻪﯞﻩﺗﯩﻠﮕﻪﻥ ﺋﯩﺸﭽﯩﻼﺭﻧﯩﯔ ﺳﺎﭘﺎﺳﻰ ﻧﯩﺴﺒﻪﺗﻪﻥ ﺑﯩﺮ ﻗﻪﺩﻩﺭ ﻳﯘﻗﯩﺮﻯ، ﺑﯩﺰ ﺋﺎﺳﺎﺳﻠﯩﻖ ﺋﯘﻻﺭﻧﯩﯔ ﻧﻪﺯﻩﺭ ﺩﺍﺋﯩﺮﯨﺴﯩﻨﯩﯔ ﺗﯧﺨﯩﻤﯘ ﺋﯧﭽﯩﻠﯩﺸﯩﻨﻰ ﻛﯜﺯﺩﻩ ﺗﯘﺗﻘﺎﻥ. ‏- ﺑﯩﻠﯩﺸﯩﻤﭽﻪ ﺋﻪﯞﻩﺗﯩﻠﮕﻪﻧﻠﻪﺭﻧﯩﯔ ﻫﻪﻣﻤﯩﺴﻰ ﺩﯦﻬﻘﺎﻧﻼﺭﻧﯩﯔ ﭘﻪﺭﺯﻩﻧﺘﻠﯩﺮﻯ ﺋﯩﻜﻪﻥ، ﺋﯘﻻﺭ ﺧﯩﺘﺎﻳﭽﯩﻨﯩﻤﯘ ﻳﺎﺧﺸﻰ ﺑﯩﻠﻤﯩﺴﻪ، ﺋﯩﭽﻜﯩﺮﯨﻠﻪﺭﺩﻩ ﻗﺎﻧﺪﺍﻕ ﺧﯩﺰﻣﻪﺕ ﻗﯩﻠﯩﺪﯗ؟ ‏- ﺑﯩﺰ ﺋﯘﻻﺭﻧﻰ ﺋﻪﯞﻩﺗﯩﺸﺘﯩﻦ ﺑﯘﺭﯗﻥ ﺧﯩﺘﺎﻱ ﺗﯩﻠﻰ ﺗﻪﺭﻩﭘﺘﯩﻦ ﺗﻪﺭﺑﯩﻴﯩﻠﻪﻳﻤﯩﺰ. ‏- ﺭﺍﺱ، ﺳﯩﻠﻪﺭ ﺗﻮﺭ ﺑﻪﺗﺘﻪ ﺋﯧﻼﻥ ﻗﯩﻠﻐﺎﻥ ﺧﻪﯞﻩﺭﺩﯨﻦ ﻛﯚﺭﮔﻪﻥ ﺋﯩﺪﯨﻢ، ﺋﯘﻻﺭ ﺗﯩﻞ ﯞﻩ ﻛﻪﺳﭙﻰ ﺟﻪﻫﻪﺗﺘﯩﻦ ﻗﯩﺴﻘﺎ ﻣﻪﺯﮔﯩﻞ ﺗﻪﺭﺑﯩﻴﯩﻠﻪﻧﮕﻪﻧﺪﯨﻦ ﺑﺎﺷﻘﺎ ﻳﻪﻧﻪ، ﻫﻪﺭﺑﯩﻲ ﻣﻪﺷﯩﻘﻘﻪ ﺳﯧﻠﯩﻨﯩﭙﺘﯘ؟ ﺑﯘﻧﯩﯔ ﻧﯧﻤﻪ ﺋﻪﻫﻤﯩﻴﯩﺘﻰ ﺑﺎﺭ؟ ‏- ﻫﻪﺭﺑﯩﻲ ﻣﻪﺷﯩﻘﻨﯩﯔ ﺋﻪﻫﻤﯩﻴﯩﺘﻰ ﻧﯧﻤﻪ ﺩﯦﮕﻪﻧﺪﻩ، ﺋﺎﺳﺎﺳﻪﻥ ﺋﯘﻻﺭﻧﯩﯔ ﺗﻪﺭﺗﯩﭙ‏- ﺋﯩﻨﺘﯩﺰﺍﻣﭽﺎﻧﻠﯩﻘﯩﻨﻰ ﺋﺎﺷﯘﺭﯗﭖ، ﺋﯘﻻﺭﻧﯩﯔ ﺯﺍﯞﯗﺕ ﻧﯩﺰﺍﻣﻠﯩﺮﯨﻐﺎ، ﺋﯩﺶ ﺗﯜﺯﯛﻣﻠﯩﺮﯨﮕﻪ ﺋﺎﯕﻠﯩﻖ ﺭﯨﺌﺎﻳﻪ ﻗﯩﻠﯩﺸﻰ ﺋﯜﭼﯜﻥ. ‏-ﻣﻪﻥ ﻳﻪﻧﻪ ﺑﯩﺮ ﻗﯧﺘﯩﻢ ﺳﻮﺭﺍﭖ ﺑﺎﻗﺴﺎﻡ، ﻫﺎﺯﯨﺮﻏﺎ ﻗﻪﺩﻩﺭ ﺳﯩﻠﻪﺭ ﺩﯦﻬﻘﺎﻧﻼﺭﻧﯩﯔ ﻳﺎﻛﻰ ﺋﯧﻠﯩﭗ ﻛﯧﺘﯩﻠﮕﻪﻥ ﺋﯩﺸﭽﯩﻼﺭﻧﯩﯔ ﻧﺎﺭﺍﺯﯨﻠﯩﻖ ﺋﯩﻨﻜﺎﺳﻠﯩﺮﯨﻨﻰ ﺋﺎﯕﻼﭖ ﺑﺎﻗﻤﯩﺪﯨﯖﻼﺭﻣﯘ؟ ‏- ﻳﺎﻕ، ﺋﯘﻻﺭﻧﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺑﯧﺮﯨﺸﻰ ﺋﯚﺯ ﺋﯩﺨﺘﯩﻴﺎﺭﯨﻠﯩﻘﻰ ﺑﯩﻠﻪﻥ ﺑﻮﻟﻐﺎﻥ، ﺑﯩﺰ ﺋﯘﻻﺭﻏﺎ ﻣﻪﺧﺴﯘﺱ ﻳﯧﺘﻪﻛﭽﻰ ﻫﻪﻣﺪﻩ ﻣﯘﺳﯘﻟﻤﺎﻧﭽﻪ ﺗﺎﻣﺎﻕ ﺗﻪﻳﻴﺎﺭﻻﻳﺪﯨﻐﺎﻥ ﺋﺎﺷﭙﻪﺯﻟﻪﺭﻧﯩﻤﯘ ﺋﻮﺭﯗﻧﻼﺷﺘﯘﺭﺩﯗﻕ. ‏- ﺋﯘﻧﺪﺍﻗﺘﺎ، ﺳﯩﻠﻪﺭ ﻫﺎﺯﯨﺮﻏﯩﭽﻪ ﺗﯜﺭﻛﯜﻣﻠﻪﭖ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻪﯞﻩﺗﯩﻠﮕﻪﻥ ﺋﯩﺸﭽﯩﻼﺭﻧﯩﯔ ﺋﻪﻫﯟﺍﻟﯩﻨﻰ ﺋﯩﮕﻪﻟﻠﻪﭖ ﺑﺎﻗﺪﯨﯖﻼﺭﻣﯘ . ‏-ﺑﯩﺰﻧﯩﯔ ﺗﻪﺷﯟﯨﻘﺎﺕ ﺑﯚﻟﯜﻣﻰ ﺋﯩﮕﻪﻟﻠﻪﭖ ﺑﺎﻗﻤﯩﺪﻯ . ﺋﻪﻣﻤﺎ، ﻫﯚﻛﯜﻣﻪﺗﻨﯩﯔ ﺧﻪﯞﯨﺮﻯ ﺑﺎﺭ، ﺋﯘﻧﯩﯔ ﺋﯜﺳﺘﯩﮕﻪ ﺗﻮﺧﺘﺎﻣﻰ ﺗﻮﺷﯘﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺩﺍﯞﺍﻣﻠﯩﻖ ﻗﺎﻳﺘﯩﭗ ﻛﯧﻠﯩﯟﺍﺗﻘﺎﻧﻼﺭ ﺑﺎﺭ، ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭﻧﯩﯔ ﺧﻪﯞﯨﺮﻯ ﺑﺎﺭ.

ﺑﯘ ﻛﺎﺩﯨﺮ "ﺑﯩﺰﻧﯩﯔ ﺋﯘﻳﻐﯘﺭ ﺩﯦﻬﻘﺎﻥ ﻗﯩﺰﻟﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻪﯞﻩﺗﯩﺸﯩﻤﯩﺰ ﺋﺎﺳﺎﺳﻪﻥ ﺋﯘﻻﺭﻧﯩﯔ ﻛﯩﺮﯨﻤﯩﻨﻰ ﺋﺎﺷﯘﺭﯗﭖ ﻧﻪﺯﻩﺭ ﺩﺍﺋﯩﺮﯨﺴﯩﻨﻰ ﺋﯧﭽﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺩﻩﻳﺪﯗ، ﺋﻪﻣﻤﺎ ﻗﯩﺰﻟﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻪﯞﻩﺗﻜﻪﻥ ﺑﻪﺯﻯ ﺋﯘﻳﻐﯘﺭ ﺋﺎﺗﺎ-ﺋﺎﻧﯩﻼﺭﺩﯨﻦ ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ، -17 -18 ﻳﺎﺷﻼﺭﺩﯨﻜﻰ ﺋﻪﻣﺪﯨﻼ ﺋﻮﺗﺘﯘﺭﺍ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻥ ﻗﯩﺰﻻﺭ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺯﺍﯞﯗﺗﻼﺭﻏﺎ ﺑﺎﺭﻏﺎﻧﺪﯨﻦ ﻛﯧﻴﯩﻦ ﺋﻪﺭﻛﯩﻨﻠﯩﻜﻰ ﭘﯜﺗﯜﻧﻠﻪﻱ ﺑﻮﻏﯘﻟﯘﭖ ﺳﯩﺠﯩﻞ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺋﯧﻐﯩﺮ ﺋﻪﻣﮕﻪﻛﺘﯩﻦ ﭼﺎﺭﭼﺎﺵ، ﺧﻮﺭﻟﯘﻕ، ﺑﯧﺴﯩﻤﺪﯨﻦ ﺑﺎﺷﻘﺎ ﻫﯧﭽﻨﯩﻤﯩﻨﻰ ﻫﯧﺲ ﻗﯩﻼﻟﻤﯩﻐﺎﻥ.

ﭼﯩﯖﺪﺍﯞﺩﯨﻜﻰ ﻣﻪﻟﯘﻡ ﻳﯩﭗ ﺋﯩﮕﯩﺮﯨﺶ ﺯﺍﯞﯗﺗﯩﻐﺎ ﺑﺎﺭﻏﺎﻥ ﺑﯩﺮ ﺋﯘﻳﻐﯘﺭ ﻗﯩﺰﻧﯩﯔ ﺗﯧﻠﯧﻔﻮﻧﺪﺍ ﺩﺍﺩﯨﺴﯩﻐﺎ ﺋﯧﻴﺘﯩﺸﯩﭽﻪ، ﺋﯧﻐﯩﺮ ﺟﯩﺴﻤﺎﻧﯩﻲ ﺋﻪﻣﮕﻪﻙ ﻫﻪﻣﺪﻩ ﺧﻮﺭﻟﯘﻗﻼﺭﺩﯨﻦ ﻧﺎﺭﺍﺯﻯ ﺑﻮﻟﯘﭖ ﻗﺎﻳﺘﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ ﻗﯩﺰﻻﺭ ﻫﻪﺗﺘﺎ ﺗﻪﻥ ﺟﺎﺯﺍﺳﯩﻐﺎ ﺋﯘﭼﺮﯨﻐﺎﻥ. (ﮔﯜﻟﭽﯧﮭﺮﻩ)