ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﯞﻩﻗﻪﻧﻰ ﻗﺎﻧﯘﻧﺴﯩﺰ ﻳﯩﻐﯩﻠﯩﺶ ﯞﻩ ﺋﯘﺭﯗﺵ - ﭼﯧﻘﯩﺶ، ﺋﻮﺕ ﻗﻮﻳﯘﺵ ﺷﻪﻛﻠﯩﺪﯨﻜﻰ ﺑﯘﺯﻏﯘﻧﭽﯩﻠﯩﻖ ﻫﻪﺭﯨﻜﯩﺘﻰ ﺩﻩﭖ ﺑﯧﻜﯩﺘﻜﻪﻥ. ﺋﻪﻣﻤﺎ ﺧﯩﺘﺎﻱ ﺋﯩﭽﻰ - ﺳﯩﺮﺗﯩﺪﯨﻜﻰ ﺑﯩﺮ ﺗﯜﺭﻛﯜﻡ ﺧﯩﺘﺎﻱ ﺋﯚﻛﺘﯩﭽﯩﻠﯩﺮﻯ ﯞﻩﻗﻪﻧﻰ ﺋﯩﻨﺴﺎﻧﯩﻲ ﻫﻪﻕ - ﻫﻮﻗﯘﻗﻨﻰ ﻗﻮﻏﺪﺍﺵ ﻫﻪﺭﯨﻜﯩﺘﻰ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺑﯜﮔﯜﻥ ﻫﯚﻛﯜﻣﻪﺗﻨﻰ ﻧﺎﺯﺍﺭﻩﺕ ﻗﯩﻠﻐﯘﭼﻰ ﺧﯩﺘﺎﻱ ﭘﯘﻗﺮﺍﻟﯩﺮﻯ ﻧﺎﻣﯩﺪﯨﻜﻰ ﺑﯩﺮ ﺋﺎﻣﻤﯩﯟﯨﻲ ﺗﻪﺷﻜﯩﻼﺕ ﯞﻩﻗﻪ ﻫﻪﻗﻘﯩﺪﻩ ﺑﺎﻳﺎﻧﺎﺕ ﺋﯧﻼﻥ ﻗﯩﻠﺪﻯ. ﺑﺎﻳﺎﻧﺎﺗﺘﺎ ﯞﯦﯖﺌﻪﻥ ﯞﻩﻗﻪﺳﻰ، ﭘﯘﻗﺮﺍﻻﺭﻧﯩﯔ ﺯﻭﺭﺍﯞﺍﻥ ﺳﺎﻗﭽﯩﻼﺭﺩﯨﻦ ﻳﻮﻟﻠﯘﻕ ﻗﻮﻏﺪﯨﻨﯩﺶ ﯞﻩ ﭘﺎﺭﯨﺨﻮﺭ ﺋﻪﻣﻪﻟﺪﺍﺭﻻﺭﻏﺎ ﻗﺎﺭﺷﯩﻠﯩﻖ ﺋﯩﭙﺎﺩﯨﻠﻪﺵ ﻫﻪﺭﯨﻜﯩﺘﻰ ﺩﻩﭖ ﺑﯩﻠﺪﯛﺭﯛﻟﮕﻪﻥ.

ﻗﺎﺗﯩﻞ ﮔﯘﻣﺎﻧﺪﺍﺭﻯ ﭘﻪﻗﻪﺕ 24 ﺳﺎﺋﻪﺕ ﺳﻮﺭﺍﻕ ﻗﯩﻠﯩﻨﯩﭗ ﻗﻮﻳﯘﯞﯦﺘﯩﻠﮕﻪﻥ

ﻣﻪﺯﻛﯘﺭ ﯞﻩﻗﻪ ﺑﯩﺮ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﯩﻨﯩﯔ ﺳﯩﺮﻟﯩﻖ ﺋﯚﻟﯜﻣﻰ ﺑﯩﻠﻪﻥ ﺑﺎﺷﻼﻧﻐﺎﻥ. ﻗﺎﺗﯩﻞ ﮔﯘﻣﺎﻧﺪﺍﺭﻯ ﭘﻪﻗﻪﺕ 24 ﺳﺎﺋﻪﺕ ﺳﻮﺭﺍﻕ ﻗﯩﻠﯩﻨﯩﭗ ﻗﻮﻳﯘﯞﯦﺘﯩﻠﮕﻪﻥ. ﺋﯚﻟﮕﯜﭼﯩﻨﯩﯔ ﺋﺎﺋﯩﻠﻪ ﺗﺎﯞﺍﺑﺎﺗﻰ ﺟﻪﺳﻪﺗﻨﻰ ﻳﻪﺭﻟﯩﻜﻜﻪ ﻗﻮﻳﯘﺷﻨﻰ ﺭﻩﺕ ﻗﯩﻠﯩﭗ، ﻗﺎﺗﯩﻠﻨﯩﯔ ﺗﯧﭙﯩﭗ ﭼﯩﻘﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ.

ﺋﯚﻟﮕﯜﭼﯩﻨﯩﯔ ﺗﺎﻏﯩﺴﻰ ﺑﯩﺮ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﺗﻘﯘﭼﯩﺴﻰ ﺑﻮﻟﯘﭖ، ﺋﯘ ﺋﻪﻫﯟﺍﻟﻨﻰ ﺋﯧﻨﯩﻘﻼﭖ ﺳﺎﻗﭽﻰ ﺋﯩﺪﺍﺭﯨﺴﯩﮕﻪ ﺑﺎﺭﻏﺎﻧﺪﺍ، ﺳﺎﻗﭽﯩﻼﺭﻧﯩﯔ ﺯﻭﺭﺍﯞﺍﻧﻠﯩﻘﯩﻐﺎ ﺩﯗﭺ ﻛﻪﻟﮕﻪﻥ ﯞﻩ ﺳﺎﻗﭽﯩﺪﯨﻦ ﻗﺎﻳﺘﯩﺶ ﺳﻪﭘﯩﺮﯨﺪﻩ ﺑﯩﺮ ﺗﯜﺭﻛﯜﻡ ﻗﺎﺭﺍ ﺟﻪﻣﺌﯩﻴﻪﺕ ﺋﻪﺯﺍﻟﯩﺮﯨﻨﯩﯔ ﻫﯘﺟﯘﻣﯩﻐﺎ ﺋﯘﭼﺮﯨﻐﺎﻥ ﯞﻩ ﺗﺎﻳﺎﻗﺘﯩﻦ ﺯﻩﺧﻤﯩﻠﯩﻨﯩﭗ ﺋﯚﻟﮕﻪﻥ. ﺑﯘﻧﯩﯔ ﺑﯩﻠﻪﻥ ﺑﯩﺮ ﺋﻮﻗﯘﺗﻘﯘﭼﻰ ﯞﻩ ﺳﺎﯞﺍﻗﺪﯨﺸﯩﺪﯨﻦ ﺋﺎﻳﺮﯨﻠﻐﺎﻥ Yuhua ﺋﻮﺗﺘﯘﺭﺍ ﻣﻪﻛﺘﯩﭙﯩﻨﯩﯔ ﺋﻮﻗﯘﻏﯘﭼﯩﻠﯩﺮﻯ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﭖ ﯞﯦﯖﺌﻪﻥ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﺑﺎﺭﻏﺎﻥ. ﻧﺎﻣﺎﻳﯩﺶ ﺷﻪﻛﻠﯩﺪﻩ ﺑﺎﺷﻼﻧﻐﺎﻥ ﻫﻪﺭﯨﻜﻪﺕ ﺗﻮﻗﯘﻧﯘﺵ ﺑﯩﻠﻪﻥ ﺋﺎﺧﯩﺮﻻﺷﻘﺎﻥ.

ﺗﻮﻗﯘﻧﯘﺷﺘﺎ 20 ﺩﯨﻦ ﺋﺎﺭﺗﯘﻕ ﺳﺎﻗﭽﻰ ﺋﺎﭘﺘﻮﻣﻮﺑﯩﻠﻰ، ﺳﺎﻗﭽﻰ ﺋﯩﺪﺍﺭﻩ ﺑﯩﻨﺎﺳﯩﻨﯩﯔ ﺋﯩﻜﻜﻰ ﻗﻪﯞﯨﺘﻰ، ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺑﯩﻨﺎﺳﯩﻨﯩﯔ ﺑﯩﺮﯨﻨﭽﻰ ﻗﻪﯞﯨﺘﻰ ﺋﯘﺭﯗﭖ - ﭼﯧﻘﯩﻠﻐﺎﻥ ﯞﻩ ﺋﻮﺕ ﻗﻮﻳﯘﻟﻐﺎﻥ.

ﻫﻪﺭﯨﻜﻪﺗﻜﻪ ﻗﺎﻧﺘﺎﺷﻘﯘﭼﯩﻼﺭ ﺳﺎﻧﻰ 10 ﻣﯩﯖﺪﯨﻦ ﺋﺎﺭﺗﯘﻕ

ﮔﯜﻳﺠﯘ ﻛﯜﻧﺪﯨﻠﯩﻚ ﮔﯧﺰﯨﺘﯩﻨﯩﯔ ﺧﻪﯞﯨﺮﯨﺪﻩ ﯞﻩﻗﻪﮔﻪ ﻗﺎﺗﻨﺎﺷﻘﯘﭼﯩﻼﺭ ﻫﻪﻗﯩﻘﯩﻲ ﺋﻪﻫﯟﺍﻟﻨﻰ ﺑﯩﻠﻤﻪﺳﺘﯩﻦ ﻗﯘﺗﺮﺍﺗﻘﯘﻻﺭﻏﺎ ﺋﻪﮔﯩﺸﯩﭗ ﻗﺎﻟﻐﺎﻥ ﺋﺎﺯ ﺳﺎﻧﺪﯨﻜﻰ ﺑﯩﺮ ﺗﯜﺭﻛﯜﻡ ﺋﺎﻣﻤﺎ ﺩﻩﭖ ﻛﯚﺭﺳﯩﺘﯩﻠﮕﻪﻥ. ﺧﻮﯕﻜﻮﯕﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺩﯦﻤﻮﻛﺮﺍﺗﯩﻴﻪ ﺟﻪﻣﺌﯩﻴﯩﺘﯩﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ، ﻫﻪﺭﯨﻜﻪﺗﻨﯩﯔ ﻗﻮﺯﻏﯩﻐﯘﭼﻰ ﯞﻩ ﻳﯧﺘﻪﻛﭽﯩﻠﯩﺮﻯ ﺳﺎﻧﻰ 500 ﺋﻪﺗﺮﺍﭘﯩﺪﺍ ﺑﻮﻟﻐﺎﻥ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ؛ ﻫﻪﺭﯨﻜﻪﺗﻨﻰ ﻗﻮﻟﻠﯩﻐﯘﭼﯩﻼﺭ ﻧﺎﻫﯩﻴﻪ ﺑﺎﺯﯨﺮﯨﺪﯨﻜﻰ ﺧﻪﻟﻖ ﺑﻮﻟﯘﭖ، ﻫﻪﺭﯨﻜﻪﺗﻜﻪ ﻗﺎﻧﺘﺎﺷﻘﯘﭼﯩﻼﺭ ﺳﺎﻧﻰ 10 ﻣﯩﯖﺪﯨﻦ ﺋﺎﺭﺗﯘﻕ.

 ﺑﯜﮔﯜﻥ ﻳﻪﻧﻪ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﻧﻪﻕ ﻣﻪﻳﺪﺍﻧﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﯞﻩﻗﻪ 28 ‏ - ﺋﯩﻴﯘﻥ ﭼﯜﺷﺘﯩﻦ ﻛﯧﻴﯩﻦ ﺑﺎﺷﻠﯩﻨﯩﭗ، 29 ‏ - ﺋﯩﻴﯘﻥ ﺋﻪﺗﯩﮕﻪﻥ ﺳﺎﺋﻪﺕ 5 ﻛﯩﭽﻪ ﺩﺍﯞﺍﻡ ﻗﯩﻠﻐﺎﻥ. ﯞﻩﻗﻪﺩﯨﻦ ﻛﯧﻴﯩﻦ ﺳﺎﻗﭽﯩﻼﺭ 300 ﻛﯩﺸﯩﻨﻰ ﻗﻮﻟﻐﺎ ﺋﺎﻟﻐﺎﻥ. ﻧﯚﯞﻩﺗﺘﻪ ﻧﺎﻫﯩﻴﻪ ﺑﺎﺯﯨﺮﯨﻨﻰ ﺳﺎﻗﭽﯩﻼﺭ ﻗﺎﻣﺎﻝ ﻗﯩﻠﯩﻘﻠﯩﻖ. ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﻰ ﻗﯘﺗﺮﺍﺗﻘﯘﻟﯘﻕ ﺑﯩﻠﻪﻥ ﺋﻪﻳﯩﺒﻠﯩﺸﻰ ﭼﻪﺗﺌﻪﻟﺪﯨﻜﻰ ﺑﯩﺮ ﻗﯩﺴﯩﻢ ﺧﯩﺘﺎﻱ ﺯﯨﻴﺎﻟﯩﻠﯩﺮﯨﻨﯩﯔ ﺗﻪﻧﻘﯩﺪﯨﮕﻪ ﺋﯘﭼﺮﯨﺪﻯ.

ﺑﯜﮔﯜﻥ ﺑﻮﺷﯜﻥ ﺗﻮﺭﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ، ﺋﯘﺭﯗﺵ ‏ - ﭼﯧﻘﯩﺶ ﯞﻩﻗﻪﺳﯩﻨﻰ ﻳﻮﻟﻠﯘﻕ ﯞﻩﻗﻪ ﺩﻩﭖ ﻛﯚﺭﺳﯩﺘﯩﻠﯩﺪﯗ. ﺋﺎﭘﺘﻮﺭﻧﯩﯔ ﻗﺎﺭﯨﺸﯩﭽﻪ، ﺳﺎﻗﭽﯩﻼﺭ ﺯﻭﺭﺍﯞﺍﻧﻠﯩﻖ ﻗﯩﻠﻐﺎﻥ. ﺋﺎﺧﺒﺎﺭﺍﺕ ﺩﯙﻟﻪﺗﻨﯩﯔ ﻗﻮﻟﯩﺪﺍ ﺑﻮﻟﻐﺎﭼﻘﺎ، ﺧﻪﻟﻖ ﻧﺎﺭﺍﺯﯨﻠﯩﻘﯩﻨﻰ ﺋﯩﭙﺎﺩﯨﻠﯩﻴﻪﻟﻤﯩﮕﻪﻥ. ﺑﯘ ﺋﯘﺭﯗﺵ - ﭼﯧﻘﯩﺶ - ﺋﻮﺕ ﻗﻮﻳﯘﺷﻨﯩﯔ ﺋﺎﺳﺎﺳﻠﯩﻖ ﺳﻪﯞﻩﺑﻰ ﺑﻮﻟﻐﺎﻥ.

ﺋﻮﺕ ﻗﻮﻳﯘﺷﻘﺎ ﻣﻪﺟﺒﯘﺭﻟﯩﻐﺎﻧﻼﺭ ﺟﺎﯞﺍﺑﻜﺎﺭ ﺑﻮﻟﯘﺷﻰ ﻛﯧﺮﻩﻙ

ﯞﯦﯖﺌﻪﻥ ﯞﻩﻗﻪﺳﯩﻨﯩﯔ ﺗﻮﻏﺮﯨﻠﯩﻘﻰ ﯞﻩ ﻫﻪﻗﻘﺎﻧﯩﻴﻠﯩﻘﻰ ﻧﺎﻣﻠﯩﻖ ﻣﻪﺯﻛﯘﺭ ﻣﺎﻗﺎﻟﯩﺪﻩ ﻣﯘﻧﺪﺍﻕ ﺩﯦﻴﯩﻠﯩﺪﯗ: "ﺋﯘﺭﯗﺵ - ﭼﯧﻘﯩﺶ ﯞﻩ ﺋﻮﺕ ﻗﻮﻳﯘﺵ ﻣﻪﺩﻩﻧﯩﻲ ﻫﻪﺭﯨﻜﻪﺕ ﺋﻪﻣﻪﺱ. ﺋﻪﻣﻤﺎ ﺑﯘ ﻳﻪﺭﺩﯨﻜﻰ ﺟﺎﯞﺍﺑﻜﺎﺭ ﺋﻮﺕ ﻗﻮﻳﻐﺎﻧﻼﺭ ﺋﻪﻣﻪﺱ، ﺋﻮﺕ ﻗﻮﻳﯘﺷﻘﺎ ﻣﻪﺟﺒﯘﺭﻟﯩﻐﺎﻧﻼﺭ ﺑﻮﻟﯘﺷﻰ ﻛﯧﺮﻩﻙ. ﺧﻪﻟﻖ ﻫﻪﻗﺴﯩﺰﻟﯩﻜﻜﻪ ﺋﯘﭼﺮﯨﺴﺎ، ﺋﺎﺭﻗﯩﺴﯩﺪﯨﻦ ﻫﻪﻗﺴﯩﺰﻟﯩﻖ ﺋﯜﺳﺘﯩﺪﯨﻦ ﺷﯩﻜﺎﻳﻪﺕ ﻗﯩﻠﯩﺪﯨﻐﺎﻥ ﺟﺎﻱ ﺗﺎﭘﺎﻟﻤﯩﺴﺎ ﯞﻩ ﻫﻪﺗﺘﺎ ﺑﯘ ﻫﻪﻗﺴﯩﺰﻟﯩﻜﻨﻰ ﺑﺎﻳﺎﻥ ﻗﯩﻠﯩﺪﯨﻐﺎﻥ ﺑﯩﺮ ﺋﺎﺧﺒﺎﺭﺍﺕ ﺋﻮﺭﻧﻰ ﺗﺎﭘﺎﻟﻤﯩﺴﺎ، ﺯﻭﺭﺍﯞﺍﻧﻼﺭ ﭘﻪﻳﺪﺍ ﻗﯩﻠﻐﺎﻥ ﺋﯚﭺ ﯞﻩ ﻧﻪﭘﺮﻩﺕ ﺗﻪﺑﯩﺌﯩﻲ ﻫﺎﻟﺪﺍ، ﺋﯘﺭﯗﺵ - ﭼﯧﻘﯩﺶ ﯞﻩ ﺋﻮﺕ ﻗﻮﻳﯘﺵ ﺑﯩﻠﻪﻥ ﺋﯩﭙﺎﺩﯨﻠﯩﻨﯩﺪﯗ. ﺑﯘﻧﯩﯔ ﺋﻪﻗﯩﻠﻐﻪ ﺳﯩﻐﻤﺎﻳﺪﯨﻐﺎﻥ ﻳﯧﺮﻯ ﻳﻮﻕ."

ﻣﻪﺯﻛﯘﺭ ﻫﻪﺭﯨﻜﻪﺕ ﺧﻪﻟﻘﻨﯩﯔ ﺋﻪﺭﻛﯩﻨﻠﯩﻚ ﻛﯜﺭﯨﺸﯩﺪﯗﺭ

ﺋﺎﻣﯧﺮﯨﻜﺎ ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻣﻪﺯﻛﯘﺭ ﯞﻩﻗﻪ ﺋﺎﺯ ﺳﺎﻧﺪﯨﻜﻰ ﻛﯩﺸﯩﻠﻪﺭﻧﯩﯔ ﻗﺎﻳﻤﯘﻗﯘﭖ ﻗﯧﻠﯩﺶ ﻣﻪﺳﯩﻠﯩﺴﻰ ﺋﻪﻣﻪﺱ؛ ﺑﻪﻟﻜﻰ ﺧﯩﺘﺎﻱ ﺟﻪﻣﺌﯩﻴﯩﺘﯩﺪﯨﻜﻰ ﻫﯚﻛﯜﻣﻪﺗﻜﻪ ﻗﺎﺭﺷﻰ ﻧﺎﺭﺍﺯﯨﻠﯩﻘﻨﯩﯔ ﭘﺎﺭﺗﻼﭖ ﭼﯩﻘﯩﺸﻰ. ﺋﯚﻟﯜﻡ ﯞﻩﻗﻪﺳﻰ ﯞﻩﻗﻪﻧﯩﯔ ﻛﯚﺭﯛﻧﯜﺷﺘﯩﻜﻰ ﺳﻪﯞﻩﺑﻰ، ﺋﺎﺳﺎﺳﻠﯩﻖ ﺳﻪﯞﻩﺏ ﺑﻮﻟﺴﺎ ﺟﻪﻣﺌﯩﻴﻪﺗﺘﯩﻜﻰ ﺋﺎﺩﺍﻟﻪﺗﺴﯩﺰﻟﯩﻚ.

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﺧﻪﻟﻘﻰ ﺋﺎﻟﺪﻯ ﺑﯩﻠﻪﻥ ﺋﯩﻘﺘﯩﺴﺎﺩﯨﻲ ﺗﻪﯕﺴﯩﺰﻟﯩﻜﺘﯩﻦ ﻧﺎﺭﺍﺯﻯ، ﺋﺎﻧﺪﯨﻦ ﭘﺎﺭﯨﺨﻮﺭ ﺋﻪﻣﻪﻟﺪﺍﺭﻻﺭﺩﯨﻦ ﺷﯩﻜﺎﻳﻪﺗﭽﻰ. ﺧﯩﺘﺎﻱ ﻳﺎﺯﻏﯘﭼﯩﻠﯩﺮﯨﺪﯨﻦ ﮔﯘﻩﻥ ﺟﯘﺟﯧﻨﯩﯔ ﺑﯩﻠﺪﯛﺭﯛﺷﯩﭽﻪ، ﻣﻪﺯﻛﯘﺭ ﻫﻪﺭﯨﻜﻪﺕ ﺧﻪﻟﻘﻨﯩﯔ ﺋﻪﺭﻛﯩﻨﻠﯩﻚ ﻛﯜﺭﯨﺸﯩﺪﯗﺭ.

14 ‏ - ﻣﺎﺭﺕ ﻟﺨﺎﺳﺎ، 23 ‏ - ﻣﺎﺭﺕ ﺧﻮﺗﻪﻥ ﯞﻩ 28 ‏ - ﺋﯩﻴﯘﻥ ﯞﯦﯖﺌﻪﻥ ﯞﻩﻗﻪﻟﯩﺮﯨﻨﯩﯔ ﺧﺎﺭﺍﻛﺘﯧﺮ ﺟﻪﻫﻪﺗﺘﯩﻜﻰ ﺋﻮﺭﺗﺎﻕ ﻧﯘﻗﺘﯩﺴﻰ ﺋﺎﺩﺍﻟﻪﺗﺴﯩﺰﻟﯩﻜﻜﻪ ﻗﺎﺭﺷﻰ ﺗﯘﺭﯗﺷﺘﯘﺭ. ﺷﻪﻛﯩﻞ ﺟﻪﻫﻪﺗﺘﯩﻜﻰ ﺋﻮﺭﺗﺎﻕ ﻧﯘﻗﺘﯩﺴﻰ ﺑﻮﻟﺴﺎ ﻧﺎﻣﺎﻳﯩﺶ ﺑﯩﻠﻪﻥ ﺑﺎﺷﻠﯩﻨﯩﭗ ﺗﻮﻗﯘﻧﯘﺵ ﺑﯩﻠﻪﻥ ﺋﺎﺧﯩﺮﻟﯩﺸﯩﺸﯩﺪﯗﺭ.