ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭ ﺧﯩﺘﺎﻳﺪﺍ ﺋﯚﻟﯜﻡ ﺟﺎﺯﺍﺳﯩﻨﻰ ﺑﯩﻜﺎﺭ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺩﯗﻧﻴﺎﺩﯨﻜﻰ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭ ﺋﯩﭽﯩﺪﻩ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﯓ ﻛﯚﭖ ﺋﯩﺠﺮﺍ ﻗﯩﻠﯩﯟﺍﺗﻘﺎﻥ ﺩﯙﻟﻪﺕ. ﮔﻪﺭﭼﻪ ﺧﯩﺘﺎﻱ ﺋﺎﻟﯩﻲ ﺳﻮﺕ ﻣﻪﻫﻜﯩﻤﯩﺴﻰ 2007 ‏- ﻳﯩﻠﻰ ﺋﯚﻟﯜﻡ ﺟﺎﺯﺍﺳﯩﻨﻰ ﺗﻪﺩﺑﯩﻘﻼﺵ ﻫﻮﻗﯘﻗﯩﻨﻰ ﻳﻪﺭﻟﯩﻚ ﺳﻮﺕ ﻣﻪﻫﻜﯩﻤﯩﻠﯩﺮﯨﺪﯨﻦ ﺋﯚﺗﻜﯜﺯﯛﯞﺍﻟﻐﺎﻥ ﺑﻮﻟﺴﯩﻤﯘ،ﻟﯧﻜﯩﻦ ﺑﯘ ﺧﯩﺘﺎﻳﻨﯩﯔ ﺩﯗﻧﻴﺎ ﺑﯘﻳﯩﭽﻪ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﯓ ﻛﯚﭖ ﺋﯩﺠﺮﺍ ﻗﯩﻠﯩﺪﯨﻐﺎﻥ ﺩﯙﻟﻪﺗﻠﯩﻚ ﺋﻮﺭﻧﯩﻨﻰ ﺋﯚﺯﮔﻪﺭﺗﻪﻟﻤﯩﺪﻯ. ﺋﯘﻧﯩﯔ ﺋﯜﺳﺘﯩﮕﻪ ﺋﯘﻳﻐﯘﺭ ﺋﯧﻠﯩﺪﻩ ﺳﯩﻴﺎﺳﯩﻲ ﻣﻪﻫﺒﯘﺳﻼﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺶ ﻫﻪﺭﯨﻜﯩﺘﻰ ﺋﯜﺯﻟﯜﻛﺴﯩﺰ ﺩﺍﯞﺍﻣﻼﺷﻤﺎﻗﺘﺎ. ﺑﯘ ﺋﻪﻫﯟﺍﻟﺪﺍ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﻛﯩﺸﯩﻠﯩﻚ ﻫﻮﻗﯘﻗﻰ ﺋﻮﺭﮔﺎﻧﻠﯩﺮﻯ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﻮﻟﯩﻤﭙﯩﻚ ﻳﯩﻠﯩﺪﺍ ﺋﯚﻟﯜﻡ ﺟﺎﺯﺍﺳﯩﻨﻰ ﺑﯩﻜﺎﺭ ﻗﯩﻠﯩﺸﻘﺎ ﭼﺎﻗﯩﺮﺩﻯ.

" ﺧﯩﺘﺎﻱ ﻫﯚﻛﯜﻣﯩﺘﻰ ﻫﻪﺭ ﻳﯩﻠﻰ 5000 ﺩﯨﻦ 12000 ﻏﺎ ﻗﻪﺩﻩﺭ ﻣﻪﻫﺒﯘﺳﻘﺎ ﺋﯚﻟﯜﻡ ﺟﺎﺯﺍﺳﻰ ﺋﯩﺠﺮﺍ ﻗﯩﻠﯩﺸﻰ ﻣﯘﻣﻜﯩﻦ "

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﯘﭼﯩﻼﺭﻧﯩﯔ ﺳﺎﻧﯩﻨﻰ ﺩﯙﻟﻪﺕ ﻣﻪﺧﭙﯩﻴﻪﺗﻠﯩﻜﻰ ﻗﺎﺗﺎﺭﯨﺪﺍ ﻛﯚﺭﯨﺪﯨﻐﺎﻧﻠﯩﻘﻰ ﺗﯜﭘﻪﻳﻠﻰ، ﻫﻪﺭ ﻳﯩﻠﻰ ﺧﯩﺘﺎﻳﺪﺍ ﻗﺎﻧﭽﯩﻠﯩﻚ ﺋﺎﺩﻩﻣﮕﻪ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﺪﯨﻐﺎﻧﻠﯩﻘﯩﻨﻰ ﻳﺎﻛﻰ ﺋﯚﻟﯜﻡ ﺟﺎﺯﺍﺳﻰ ﺋﯩﺠﺮﺍ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﻣﻪﺧﭙﯩﻲ ﺗﯘﺗﯘﭖ ﻛﻪﻟﻤﻪﻛﺘﻪ. ﻟﯧﻜﯩﻦ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭﻧﯩﯔ ﭘﻪﺭﻩﺯ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﻪﺭ ﻳﯩﻠﻰ 5000 ﺩﯨﻦ 12000 ﻏﺎ ﻗﻪﺩﻩﺭ ﻫﻪﺭ ﺗﯜﺭﺩﯨﻜﻰ ﻣﻪﻫﺒﯘﺳﻼﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺋﯩﺠﺮﺍ ﻗﯩﻠﯩﺶ ﻣﯘﻣﻜﯩﻨﭽﯩﻠﯩﻜﻰ ﻣﻪﯞﺟﯜﺕ ﺑﻮﻟﯘﭖ، ﺑﯘ ﺳﺎﻥ ﺷﯘ ﺑﯩﺮ ﻳﯩﻞ ﺋﯩﭽﯩﺪﻩ ﺩﯗﻧﻴﺎﺩﯨﻜﻰ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﺩﻩ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﮕﻪﻥ ﺋﺎﺩﻩﻣﻠﻪﺭﻧﯩﯔ ﺋﻮﻣﯘﻣﻰ ﺳﺎﻧﯩﺪﯨﻨﻤﯘ ﻛﯚﭖ.

ﺷﯘﯕﺎ ﺋﯚﻟﯜﻡ ﺟﺎﺯﺍﺳﯩﻨﻰ ﺑﯩﻜﺎﺭ ﻗﯩﻠﯩﺶ ﻳﺎﻛﻰ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺸﻨﻰ ﺋﺎﺯﺍﻳﺘﯩﺶ ﻫﻪﺭﯨﻜﯩﺘﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﻣﻪﺯﮔﯩﻠﯩﺪﻩ ﺩﯗﭺ ﻛﯧﻠﯩﯟﺍﺗﻘﺎﻥ ﺋﻪﯓ ﺟﯩﺪﺩﯨﻲ ﭼﺎﻗﯩﺮﯨﻘﻼﺭﻧﯩﯔ ﺑﯩﺮﻯ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﻣﻪﺭﻛﯩﺰﻯ ﻓﺮﺍﻧﺴﯩﻴﯩﺪﯨﻜﻰ ﺋﯚﻟﯜﻡ ﺟﺎﺯﺍﺳﯩﻐﺎ ﻗﺎﺭﺷﻰ ﺗﯘﺭﯗﺵ ﺩﯗﻧﻴﺎ ﺋﯩﺘﺘﯩﭙﺎﻗﻰ ﭼﺎﺭﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﻐﺎ ﻳﺎﺯﻏﺎﻥ ﺋﯚﻟﯜﻡ ﺟﺎﺯﺍﺳﯩﻨﻰ ﺑﯩﻜﺎﺭ ﻗﯩﻠﯩﺶ ﻫﻪﻗﻘﯩﺪﯨﻜﻰ ﺑﯩﺮ ﺧﯧﺘﯩﺪﻩ، ﺋﺎﻟﺪﯨﻤﯩﺰﺩﯨﻜﻰ ﻛﯜﻧﻠﻪﺭﺩﻩ ﺋﯧﭽﯩﻠﯩﺪﯨﻐﺎﻥ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﻰ ﻣﻪﻣﻠﯩﻜﻪﺗﻠﯩﻚ ﻳﯩﻐﯩﻨﯩﻨﯩﯔ ﺋﯚﻟﯜﻡ ﺟﺎﺯﺍﺳﻰ ﯞﻩ ﺋﯚﻟﯜﻡ ﺟﺎﺯﺍﺳﯩﻨﻰ ﻛﯧﭽﯩﻜﺘﯜﺭﯛﭖ ﺋﯩﺠﺮﺍ ﻗﯩﻠﯩﺸﻨﻰ ﺑﯩﻜﺎﺭ ﻗﯩﻠﯩﺶ ﺗﻮﻏﺮﯨﺴﯩﺪﺍ " ﻛﻮﻧﻜﺮﯦﺖ ﺗﻪﺩﺑﯩﺮ ﺋﯧﻠﯩﺸﻰ"ﻧﻰ ﺗﻪﻟﻪﭖ ﻗﯩﻠﺪﻯ.

" ﺋﯘﻳﻐﯘﺭ ﺳﯩﻴﺎﺳﯩﻲ ﻣﻪﻫﺒﯘﺳﻠﯩﺮﯨﻐﺎ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺶ ﺋﻮﻟﯩﻤﭙﯩﻚ ﺭﻭﻫﯩﻐﺎ ﭘﯜﺗﯜﻧﻠﻪﻱ ﺧﯩﻼﭖ "

ﺋﯚﻟﯜﻡ ﺟﺎﺯﺍﺳﯩﻐﺎ ﻗﺎﺭﺷﻰ ﺗﯘﺭﯗﺵ ﺩﯗﻧﻴﺎ ﺋﯩﺘﺘﯩﭙﺎﻗﯩﻨﯩﯔ ﻣﻪﺯﻛﯘﺭ ﺧﯧﺘﯩﮕﻪ ﺋﺎﻣﯧﺮﯨﻜﺎ، ﻳﺎﯞﺭﻭﭘﺎ ﯞﻩ ﺋﺎﺳﯩﻴﺎ ﺋﻪﻟﻠﯩﺮﯨﺪﯨﻜﻰ ﻧﯘﺭﻏﯘﻥ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭ ﺋﯩﻤﺰﺍ ﻗﻮﻳﻐﺎﻥ ﺑﻮﻟﯘﭖ، ﺑﯘ ﺗﻪﺷﻜﯩﻼﺗﻼﺭ ﺋﺎﻣﯧﺮﯨﻜﺎ ﺟﯩﻨﺎﻳﻰ ﺋﯩﺸﻼﺭ ﺋﺎﻗﻠﯩﻐﯘﭼﻰ ﺋﺎﺩﯞﻭﻛﺎﺗﻼﺭ ﺟﻪﻣﺌﯩﻴﯩﺘﻰ، ﺧﻪﻟﻘﺌﺎﺭﺍ ﺋﯩﺴﻼﻫﺎﺕ ﻣﯘﻧﺒﯩﺮﻯ ﺗﻪﺷﻜﯩﻼﺗﻰ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ.

ﺋﯚﻟﯜﻡ ﺟﺎﺯﺍﺳﯩﻐﺎ ﻗﺎﺭﺷﻰ ﺗﯘﺭﯗﺵ ﺩﯗﻧﻴﺎ ﺋﯩﺘﺘﯩﭙﺎﻗﻰ ﺧﯧﺘﯩﺪﻩ ﻣﯘﻧﺪﺍﻕ ﺩﻩﻳﺪﯗ، " ﺋﻮﻟﯩﻤﭙﯩﻚ ﺭﻭﻫﻰ ﭘﻪﻗﻪﺕ ﺧﯩﺘﺎﻳﻨﯩﯔ ﺋﯚﻟﯜﻡ ﺟﺎﺯﺍﺳﯩﺪﺍ ﺩﯗﻧﻴﺎ ﭼﯧﻤﭙﯩﻴﻮﻧﻰ ﺑﻮﻟﯘﺵ ﺧﺎﺗﯩﺮﯨﺴﯩﮕﻪ ﺧﺎﺗﯩﻤﻪ ﺑﯧﺮﯨﻠﮕﻪﻧﺪﯨﻼ ﺋﯚﺯ ﺋﻮﺭﻧﯩﻨﻰ ﺗﺎﭘﻘﺎﻥ ﺑﻮﻟﯩﺪﯗ". ﻟﯧﻜﯩﻦ ﺭﻭﻳﯧﺘﯩﺮﺱ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ ﺋﻪﺳﻜﻪﺭﺗﯩﺸﯩﭽﻪ، ﺋﯚﻟﯜﻡ ﺟﺎﺯﺍﺳﯩﻐﺎ ﻗﺎﺭﺷﻰ ﺗﯘﺭﯗﺵ ﺩﯗﻧﻴﺎ ﺋﯩﺘﺘﯩﭙﺎﻗﯩﻨﯩﯔ ﻣﻪﺯﻛﯘﺭ ﭼﺎﻗﯩﺮﯨﻘﻰ ﺗﯩﺒﻪﺕ، ﺩﺍﺭﻓﯘﺭ ﯞﻩﻗﻪﺳﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺳﯩﻠﯩﻠﯩﺮﯨﺪﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺑﯧﺴﯩﻤﯩﻐﺎ ﺩﯗﭺ ﻛﯧﻠﯩﯟﺍﺗﻘﺎﻥ ﺧﯩﺘﺎﻳﻐﺎ ﻧﯩﺴﺒﻪﺗﻪﻥ ﻳﯧﯖﻰ ﻧﻪﺭﺳﻪ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ.

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺳﯩﻴﺎﺳﯩﻴﻼﺷﺘﯘﺭﯗﺷﻘﺎ ﻗﺎﺭﺷﻰ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺋﯜﺯﻟﯜﻛﺴﯩﺰ ﺗﻪﻛﯩﺘﻠﻪﭖ، ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺶ ﻣﻪﺳﯩﻠﯩﺴﯩﺪﻩ ﻧﺎﻫﺎﻳﯩﺘﻰ ﺋﯧﻬﺘﯩﻴﺎﺕ ﺑﯩﻠﻪﻥ ﻫﻪﺭﯨﻜﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺴﯩﻤﯘ، ﻟﯧﻜﯩﻦ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺩﺍﺋﯩﺮﯨﻠﯩﺮﯨﻨﯩﯔ 2007 ‏- ﻳﯩﻠﻰ 10 ‏- ﺋﺎﻳﺪﺍ ﻗﻪﺷﻘﻪﺭ ﺷﻪﻫﯩﺮﯨﺪﻩ ﭘﺎﻣﯩﺮ ﯞﻩﻗﻪﺳﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ 5 ﻧﻪﭘﻪﺭ ﺋﯘﻳﻐﯘﺭﻧﻰ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﻐﺎﻧﻠﯩﻘﻰ، ﻳﻪﻧﻪ ﺑﯩﺮ ﺋﯘﻳﻐﯘﺭﻏﺎ ﻛﯧﭽﯩﻜﺘﯜﺭﯛﭖ ﺋﯚﻟﯜﻡ ﺟﺎﺯﺍﺳﻰ ﺑﻪﺭﮔﻪﻧﻠﯩﻜﻰ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﯞﻩ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻗﻰ ﺋﻮﺭﮔﺎﻧﻠﯩﺮﯨﻨﯩﯔ ﺷﯩﺪﺩﻩﺗﻠﯩﻚ ﺗﻪﻧﻘﯩﺪﯨﮕﻪ ﺋﯘﭼﺮﯨﻐﺎﻥ ﺋﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺑﻮﻟﺴﺎ ﺑﯘ 6 ﻧﻪﭘﻪﺭ ﺋﯘﻳﻐﯘﺭﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﯩﻨﯩﯔ ﺋﻪﺯﺍﻟﯩﺮﻯ، ﺩﻩﭖ ﺋﯧﻼﻥ ﻗﯩﻠﻐﺎﻥ ﻫﻪﻡ ﺋﯘﻻﺭﻧﯩﯔ ﭘﺎﻣﯩﺮ ﺋﯩﮕﯩﻠﯩﻜﯩﺪﻩ ﻫﻪﺭﺑﯩﻲ ﻻﮔﯩﺮ ﻗﯘﺭﻏﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﺋﯚﻟﯜﻡ ﺟﺎﺯﺍﺳﯩﻐﺎ ﻗﺎﺭﺷﻰ ﺗﯘﺭﯗﺵ ﺩﯗﻧﻴﺎ ﺋﯩﺘﺘﯩﭙﺎﻗﯩﻨﯩﯔ ﭼﺎﻗﯩﺮﯨﻘﻰ ﭼﻪﺗﺌﻪﻟﺪﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻼﺭ ﺧﻪﻟﻘﺌﺎﺭﺍ ﺋﻮﺭﮔﺎﻧﻼﺭﻧﻰ ﯞﻩ ﻏﻪﺭﺏ ﺩﯙﻟﻪﺗﻠﯩﺮﯨﻨﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺳﯩﻴﺎﺳﯩﻲ ﻣﻪﻫﺒﯘﺳﻠﯩﺮﯨﻐﺎ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﯟﺍﺗﻘﺎﻧﻠﯩﻘﯩﻐﺎ ﺩﯨﻘﻘﻪﺕ ﻗﯩﻠﯩﺶ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﯗﯞﺍﺗﻘﺎﻥ ﯞﻩ ﺑﯘﻧﯩﯔ ﺋﻮﻟﯩﻤﭙﯩﻚ ﺭﻭﻫﯩﻐﺎ ﭘﯜﺗﯜﻧﻠﻪﻱ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﻪﯞﺍﺗﻘﺎﻥ ﻣﻪﺯﮔﯩﻠﺪﻩ ﺋﯧﻼﻥ ﻗﯩﻠﯩﻨﺪﻯ.

" ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﯘﭼﯩﻼﺭﻧﯩﯔ ﻫﻪﻗﯩﻘﯩﻲ ﺳﺎﻧﯩﻨﻰ ﺋﯧﻼﻥ ﻗﯩﻠﯩﺸﻰ ﻛﯧﺮﻩﻙ "

ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺧﻪﯞﻩﺭﻟﯩﺮﯨﺪﻩ ﺋﻪﺳﻜﻪﺭﺗﯩﺸﯩﭽﻪ، ﺧﯩﺘﺎﻱ ﺋﺎﻟﯩﻲ ﺳﻮﺕ ﻣﻪﻫﻜﯩﻤﯩﺴﻰ 2007 ‏- ﻳﯩﻠﻰ 1 ‏- ﺋﺎﻳﻨﯩﯔ 1 ‏- ﻛﯜﻧﻰ ﺋﯚﻟﯜﻡ ﺟﺎﺯﺍﺳﯩﻨﻰ ﺗﻪﺩﺑﯩﻘﻼﺵ ﻫﻮﻗﯘﻗﯩﻨﻰ ﺋﯚﻟﻜﻪ ﺩﻩﺭﯨﺠﯩﻠﯩﻚ ﻳﯘﻗﯩﺮﻯ ﺳﻮﺗﻼﺭﻧﯩﯔ ﺋﯩﻠﻜﯩﺪﯨﻦ ﺋﯚﺗﻜﯜﺯﯛﯞﺍﻟﻐﺎﻧﺪﯨﻦ ﻛﯧﻴﯩﻦ، ﺷﯘ ﻳﯩﻠﻰ ﺧﯩﺘﺎﻳﺪﺍ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﯘﭼﯩﻼﺭﻧﯩﯔ ﺳﺎﻧﯩﺪﺍ ﺋﺎﺯﯨﻴﯩﺶ ﻛﯚﺭﯛﻟﮕﻪﻥ. ﻟﯧﻜﯩﻦ ﺋﯚﻟﯜﻡ ﺟﺎﺯﺍﺳﯩﻐﺎ ﻗﺎﺭﺷﻰ ﺗﯘﺭﯗﺵ ﺩﯗﻧﻴﺎ ﺋﯩﺘﺘﯩﭙﺎﻗﻰ ﺑﻮﻟﺴﺎ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺑﯘ ﻫﻪﻗﺘﯩﻜﻰ ﺧﻪﯞﻩﺭﻟﯩﺮﯨﮕﻪ ﮔﯘﻣﺎﻥ ﺑﯩﻠﻪﻥ ﻗﺎﺭﯨﻤﺎﻗﺘﺎ.

ﻣﻪﺯﻛﯘﺭ ﺋﻮﺭﮔﺎﻥ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﻐﺎ ﻳﺎﺯﻏﺎﻥ ﺧﯧﺘﯩﺪﻩ، ﺑﯘ ﺋﯩﺴﻼﻫﺎﺗﻨﯩﯔ ﺋﻪﻫﻤﯩﻴﻪﺗﻠﯩﻚ ﺑﻮﻟﻐﺎﻥ ﻳﺎﻛﻰ ﺑﻮﻟﻤﯩﻐﺎﻧﻠﯩﻘﯩﻐﺎ ﭘﻪﻗﻪﺕ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﯘﭼﯩﻼﺭﻧﯩﯔ ﻫﻪﻗﯩﻘﯩﻲ ﺳﺎﻧﯩﻨﻰ ﺋﯧﻼﻥ ﻗﯩﻠﻐﺎﻧﺪﯨﻼ ﺑﯩﺮ ﻧﯧﻤﻪ ﺩﯦﮕﯩﻠﻰ ﺑﻮﻟﯩﺪﯗ، ﺩﻩﭖ ﺗﻪﻛﯩﺘﻠﻪﻳﺪﯗ. ﺋﯚﻟﯜﻡ ﺟﺎﺯﺍﺳﯩﻐﺎ ﻗﺎﺭﺷﻰ ﺗﯘﺭﯗﺵ ﺩﯗﻧﻴﺎ ﺋﯩﺘﺘﯩﭙﺎﻗﻰ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ ﺋﯚﻟﯜﻡ ﺟﺎﺯﺍﺳﯩﻨﻰ ﻛﻪﯓ - ﻛﯚﻟﻪﻣﺪﻩ ﺋﯩﺠﺮﺍ ﻗﯩﻠﯩﺶ ﺋﻮﻟﯩﻤﭙﯩﻜﻨﯩﯔ "ﺋﯩﻨﺴﺎﻥ ﺷﺎﻥ - ﺷﻪﺭﯨﭙﻰ"ﻧﻰ ﻗﻮﻏﺪﺍﺵ ﭘﺮﯨﻨﺴﯩﭙﯩﻐﺎ ﺗﻮﻏﺮﺍ ﻛﻪﻟﻤﻪﻳﺪﯨﻐﺎﻧﻠﯩﻘﯩﻨﻰ، ﺷﯘ ﻣﯘﻧﺎﺳﯩﯟﻩﺕ ﺧﯩﺘﺎﻳﺪﺍ ﺋﯚﻟﯜﻡ ﺟﺎﺯﺍﺳﯩﻨﻰ ﺑﯩﻜﺎﺭ ﻗﯩﻠﯩﺶ ﺧﻪﻟﻘﺌﺎﺭﺍ ﻫﻪﺭﯨﻜﯩﺘﻰ ﻗﻮﺯﻏﺎﭖ، ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﻐﺎ ﺧﻪﺕ ﻳﺎﺯﻏﺎﻧﻠﯩﻘﯩﻨﻰ ﯞﻩ ﻳﯩﻐﯩﻦ ﭼﺎﻗﯩﺮﯨﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ. (ﺋﻪﺭﻛﯩﻦ)