‏ﺋﯘﻳﻐﯘﺭ ﺩﯦﻬﻘﺎﻧﻠﯩﺮﻯ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯩﺸﭽﯩﻠﯩﻘﻘﺎ ﺋﯧﻠﯩﭗ ﻛﯧﺘﯩﻠﮕﻪﻥ ﺑﺎﻟﯩﻠﯩﺮﯨﻨﯩﯔ ﻫﺎﻟﯩﺪﯨﻦ ﺋﻪﻧﺪﯨﺸﻪ ﻗﯩﻠﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭ ﻗﺎﻳﺴﻰ ﯞﯨﻼﻳﻪﺕ ‏- ﺋﻮﺑﻼﺳﺖ ﻫﻪﻣﺪﻩ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻠﯩﺮﻯ ﺑﺎﺷﻘﯘﺭﯗﯞﺍﺗﻘﺎﻥ ﺗﻮﺭ ﺑﻪﺗﻠﻪﺭﺩﻩ ﺋﯧﻼﻥ ﻗﯩﻠﯩﻨﯩﯟﺍﺗﻘﺎﻥ ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻣﻜﻰ، ﻧﯚﯞﻩﺗﺘﻪ ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺯﺍﯞﯗﺗﻼﺭﻏﺎ ﺋﯘﺯﯨﺘﯩﺶ ﻳﯘﻗﯩﺮﻯ ﺩﻭﻟﻘﯘﻧﻰ ﻫﺎﺳﯩﻞ ﺑﻮﻟﻐﺎﻥ.

ﺩﯦﻬﻘﺎﻧﻼﺭﻧﻰ "ﻳﯚﻟﻪﺵ" ﺗﯩﻜﻰ ﻳﯧﯖﯩﭽﻪ ﺋﯘﺳﺴﯘﻝ

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻫﯚﻛﯜﻣﻪﺕ ﻫﯚﺟﺠﻪﺗﻠﯩﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﻳﺎﺵ ﺩﯦﻬﻘﺎﻥ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﻳﯚﺗﻜﻪﺵ ﺋﯩﺴﺘﺮﺍﺗﯧﮕﯩﻴﺴﯩﻨﻰ ﺋﻪﻣﻪﻟﯩﻴﻠﻪﺷﺘﯜﺭﯛﺵ ﺋﯜﭼﯜﻥ، ﻫﻪﺭ ﺑﯩﺮ ﻧﺎﻫﯩﻴﻪ ﻫﻪﻡ ﻳﯧﺰﯨﻠﯩﻖ ﭘﺎﺭﺗﻜﻮﻡ ﯞﻩ ﻫﯚﻛﯜﻣﻪﺗﻠﻪﺭﮔﻪ ﯞﻩﺯﯨﭙﻪ ﭼﯜﺷﯜﺭﮔﻪﻥ، ﺷﯘﻧﺪﺍﻗﻼ ﺟﺎﻳﻼﺭﺩﯨﻦ ﻣﻪﺧﺴﯘﺱ ﺑﯩﺮ ﻛﺎﺩﯨﺮﻧﻰ ﻳﺎﺵ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻳﻐﺎ ﻳﻮﻟﻼﺷﻘﺎ ﻣﻪﺳﺌﯘﻝ ﻗﯩﻠﻐﺎﻥ. ﺷﯘﻧﺪﺍﻗﻼ ﺑﯘ ﻛﺎﺩﯨﺮﻧﯩﯔ ﻗﺎﻧﭽﯩﻠﯩﻚ ﺋﯘﻳﻐﯘﺭ ﻳﺎﺷﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯩﺸﭽﯩﻠﯩﻘﻘﺎ ﺋﻪﯞﻩﺗﯩﺶ ﯞﻩﺯﯨﭙﯩﺴﯩﻨﻰ ﺗﺎﻣﺎﻣﻠﯩﻐﺎﻧﻠﯩﻘﯩﻨﻰ ﻳﯩﻞ ﺋﺎﺧﯩﺮﯨﺪﯨﻜﻰ ﺧﯩﺰﻣﻪﺕ ﻧﻪﺗﯩﺠﯩﺴﻰ ﺳﯜﭘﯩﺘﯩﺪﻩ ﺑﺎﻫﺎﻻﺷﻨﻰ ﺑﯧﻜﯩﺘﻜﻪﻥ. ﺑﯘﻧﯩﯔ ﺑﯩﻠﻪﻥ ﻣﻪﺯﻛﯘﺭ ﯞﻩﺯﯨﭙﯩﮕﻪ ﻗﻮﻳﯘﻟﻐﺎﻥ ﺋﯘﻳﻐﯘﺭ ﻳﯧﺰﺍ ﻛﺎﺩﯨﺮﻟﯩﺮﻯ ﺋﯚﻳﻤﯘ ‏- ﺋﯚﻱ ﻛﯩﺮﯨﭗ ﺩﯦﻬﻘﺎﻧﻼﺭﻧﻰ ﺑﺎﻟﯩﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻪﯞﻩﺗﯩﺸﻜﻪ ﻛﯚﻧﺪﯛﺭﯛﺵ ﺋﯜﭼﯜﻥ ﺗﻪﺷﯟﯨﻘﺎﺕ ﺋﯧﻠﯩﭗ ﺑﺎﺭﻏﺎﻥ، ﻫﻪﺗﺘﺎ ﺑﻪﺯﻯ ﻛﺎﺩﯨﺮﻻﺭ ﺗﻪﻫﺪﯨﺖ ﻗﯩﻠﯩﺶ، ﻣﻪﺟﺒﯘﺭﻻﺷﺘﯩﻨﻤﯘ ﺑﺎﺵ ﺗﺎﺭﺗﻤﯩﻐﺎﻥ.

ﻗﻪﺷﻘﻪﺭ ﻳﯧﺰﯨﻠﯩﺮﯨﺪﺍ ﺑﯘ ﺋﯩﺸﻘﺎ ﻣﻪﺳﺌﯘﻝ ﻛﺎﺩﯨﺮﻻﺭ " ﺑﯩﺮﯨﻨﻰ ﺳﯩﺮﺗﻘﺎ ﭼﯩﻘﯩﺮﯨﭗ، ﺑﯩﺮ ﻛﺎﭘﺎﻡ ﺋﺎﺷﻨﻰ ﺗﯧﺠﻪﭖ ﻛﯩﺮﯨﻢ ﻗﯩﻠﯩﭗ، ﺑﯩﺮ ﺋﺎﺋﯩﻠﯩﻨﻰ ﻳﯚﻟﻪﺵ" ﺩﯦﮕﻪﻥ ﭘﺮﯨﻨﺴﯩﭗ ﺑﻮﻳﯩﭽﻪ ﺋﯩﺶ ﺗﯘﺗﯘﯞﺍﺗﻘﺎﻥ ﺑﻮﻟﺴﺎ، ﺧﻮﺗﻪﻧﻨﯩﯔ ﺑﻪﺯﻯ ﺟﺎﻳﻠﯩﺮﯨﺪﺍ ﻫﻪﺗﺘﺎ" ﺋﯩﻜﻜﻰ ﺋﺎﺋﯩﻠﯩﺪﯨﻦ ﺋﯜﭺ ﺋﻪﻣﮕﻪﻙ ﻛﯜﭼﯩﻨﻰ ﺳﯩﺮﺗﻼﺭﻏﺎ ﻳﯚﺗﻜﻪﺵ" ﺩﯦﮕﻪﻧﺪﻩﻙ ﭘﺮﯨﻨﺴﯩﭙﻼﺭﻧﻰ ﺗﯜﺯﯛﯞﯦﻠﯩﭗ ﺗﯧﺨﯩﻤﯘ ﻛﯚﭖ ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯩﺸﭽﯩﻠﯩﻘﻘﺎ ﻣﺎﯕﺪﯗﺭﯗﺵ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﻤﺎﻗﺘﺎ ﺋﯩﻜﻪﻥ.

ﻳﯧﺰﯨﻼﺭﺩﯨﻦ ﺗﺎﻟﻼﻧﻐﺎﻥ ﺑﯘ ﺋﯘﻳﻐﯘﺭ ﻳﺎﺷﻠﯩﺮﻯ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻣﯧﯖﯩﺸﺘﯩﻦ ﺑﯘﺭﯗﻥ ﻣﻪﺧﺴﯘﺱ ﻗﯩﺴﻘﺎ ﻣﻪﺯﮔﯩﻠﻠﯩﻚ ﺧﯩﺘﺎﻱ ﺗﯩﻠﻰ، ﻗﺎﻧﯘﻥ -ﺋﯩﻨﺘﯩﺰﺍﻡ ﺗﻪﺭﺑﯩﻴﯩﻠﯩﺮﯨﺪﯨﻦ ﺋﯚﺗﻜﻪﻧﺪﯨﻦ ﺑﺎﺷﻘﺎ، ﻫﻪﺭﺑﯩﻲ ﻣﻪﺷﯩﻘﻘﻪ ﻗﺎﺗﻨﺎﺷﺘﯘﺭﯗﻟﻐﺎﻥ. ﻗﻪﺷﻘﻪﺭﻧﯩﯔ ﻳﻪﻛﻪﻥ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺧﻪﯞﻩﺭﻟﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻳﯧﺰﯨﺪﯨﻦ ﻳﻪﺗﺘﯩﻨﭽﻰ ﺗﯜﺭﻛﯜﻣﺪﻩ ﭼﯩﯖﺪﺍﯞﻏﺎ ﺋﻪﯞﻩﺗﯩﻠﻤﻪﻛﭽﻰ ﺑﻮﻟﻐﺎﻥ ﻳﯜﺯﺩﯨﻦ ﺋﺎﺭﺗﯘﻕ ﻗﯩﺰﻻﺭ ﻗﺎﺗﺘﯩﻖ ﻫﻪﺭﺑﯩﻲ ﻣﻪﺷﯩﻘﻘﻪ ﺳﯧﻠﯩﻨﻐﺎﻥ.

"ﺋﯚﺯ ﻣﻪﻳﻠﻰ" ﺑﯩﻠﻪﻥ ﺧﯩﺘﺎﻳﺪﺍ ﺋﯩﺸﻠﻪﺷﻜﻪ ﺋﻪﯞﻩﺗﯩﻠﮕﻪﻥ ﻗﯩﺰﻻﺭﻧﯩﯔ ﺯﺍﺭﻯ

ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﯧﭽﯩﻠﻐﺎﻥ ﺯﺍﯞﯗﺕ ‏- ﻛﺎﺭﺧﺎﻧﯩﻼﺭﺩﺍ ﺋﯩﺸﻠﻪﺷﻜﻪ ﺗﻮﺧﺘﺎﻣﻼﺷﻘﺎﻥ ﺳﺎﺩﺩﺍ ﺩﯦﻬﻘﺎﻥ ﻳﺎﺷﻠﯩﺮﻯ، ﻫﯚﻛﯜﻣﻪﺗﻨﯩﯔ ﺋﯘﻻﺭﻏﺎ ﺗﯚﯞﻩﻥ ﺑﻮﻟﻐﺎﻧﺪﺍ 600 ﻳﯜﺋﻪﻥ ﻳﯘﻗﯩﺮﻯ ﺑﻮﻟﻐﺎﻧﺪﺍ 1400 ﻳﯜﺋﻪﻧﮕﯩﭽﻪ ﻣﺎﺋﺎﺵ ﺑﯧﺮﯨﻠﯩﺪﯨﻐﺎﻧﻠﯩﻘﻰ، ﺋﻪﯞﺯﻩﻝ ﺗﯘﺭﻣﯘﺵ ﻫﻪﻣﺪﻩ ﺧﯩﺰﻣﻪﺕ ﺷﺎﺭﺍﺋﯩﺘﻠﯩﺮﯨﻐﺎ، ﻳﺎﺧﺸﻰ ﻣﯘﺋﺎﻣﯩﻠﻪ ﻫﻪﻣﺪﻩ ﺋﯩﻤﺘﯩﻴﺎﺯﻻﺭﻏﺎ ﺋﯧﺮﯨﺸﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺗﻪﺷﯟﯨﻘﺎﺗﻠﯩﺮﻯ ﺑﯩﻠﻪﻥ، ﻛﯚﯕﻠﯩﮕﻪ ﺋﺎﺯﺭﺍﻕ ﻛﯩﺮﯨﻢ ﻗﯩﻠﯩﭗ ﺋﺎﺋﯩﻠﯩﻨﯩﯔ ﻳﯜﻛﯩﻨﻰ ﻳﯧﻨﯩﻜﻠﯩﺘﯩﻐﺎﻥ، ﺋﯩﺸﻘﺎ ﺋﻮﺭﯗﻧﻠﯩﺸﯩﺪﯨﻐﺎﻥ، ﺗﻪﺭﻩﻗﻘﯩﻲ ﻗﯩﻠﻐﺎﻥ ﺷﻪﻫﻪﺭﻟﻪﺭﻧﻰ ﻛﯚﺭﯨﺪﯨﻐﺎﻥ ﺑﻮﻟﺪﯗﻡ ﺩﯦﮕﻪﻧﺪﻩﻙ ﺋﺎﺭﺯﯗ ﺋﺎﺭﻣﺎﻧﻼﺭﻧﻰ ﭘﯜﻛﯜﭖ، ﻳﯘﺭﺗﯩﺪﯨﻦ، ﺋﺎﺗﺎ ‏- ﺋﺎﻧﯩﺴﯩﺪﯨﻦ ﺋﺎﻳﺮﯨﻠﯩﭗ ﻫﻪﺭ ﺟﻪﻫﻪﺗﺘﯩﻦ ﭘﻪﺭﻗﻠﯩﻖ ﺑﻮﻟﻐﺎﻥ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺑﺎﺭﻏﺎﻧﺪﺍ ﭘﻪﻗﻪﺕ ﻗﺎﺗﺘﯩﻖ ﻣﻪﺟﺒﯘﺭﯨﻲ ﺋﻪﻣﮕﻪﻙ، ﻫﻪﺭﺑﯩﻴﭽﻪ ﻗﺎﺗﺘﯩﻖ ﺗﯜﺯﯛﻡ ﻫﻪﺗﺘﺎ ﺧﺎﺭﻻﺷﻘﺎ ﺋﯘﭼﺮﯨﻤﺎﻗﺘﺎ ﺋﯩﻜﻪﻥ.

ﻗﻪﺷﻘﻪﺭﻧﯩﯔ ﻳﻪﻛﻪﻥ ﻧﺎﻫﯩﻴﯩﺴﯩﻨﯩﯔ ﺑﻪﺷﻜﻪﻧﺖ ﻳﯧﺰﯨﺴﯩﺪﯨﻦ ﺑﯩﺮ ﺩﯦﻬﻘﺎﻥ، ﭼﯩﯖﺪﺍﯞﺩﯨﻜﻰ ﻣﻪﻟﯘﻡ ﻛﯩﻴﯩﻢ ‏- ﻛﯧﭽﻪﻙ ﺯﺍﯞﯗﺗﯩﻐﺎ ﺋﯧﻠﯩﭗ ﻛﯧﺘﯩﻠﮕﻪﻥ ﻗﯩﺰﯨﻨﯩﯔ ﺗﯧﻠﯧﻔﻮﻧﺪﺍ ﻳﯩﻐﻼﭖ ﺗﯘﺭﯗﭖ ﺋﯚﺯﯨﻨﻰ ﻗﺎﻳﺘﯘﺭﯗﭖ ﻛﯧﻠﯩﺶ ﻫﻪﻗﻘﯩﺪﻩ ﺋﯚﺗﯜﻧﯜﭖ ﻗﯩﻠﻐﺎﻥ ﺳﯚﺯﻟﯩﺮﯨﻨﻰ ﺋﺎﯕﻼﭖ، ﻣﻪﻳﻠﻰ ﻗﺎﻧﭽﯩﻠﯩﻚ ﺯﯨﻴﺎﻥ ﺗﺎﺭﺗﯩﺸﺘﯩﻦ ﻗﻪﺗﺌﯩﻲ ﻧﻪﺯﻩﺭ ﻗﯩﺰﯨﻨﻰ ﻗﺎﻳﺘﯘﺭﯗﭖ ﻛﯧﻠﯩﺸﻨﻰ ﺋﻮﻳﻼﯞﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺑﯘ ﺩﯦﻬﻘﺎﻧﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﺎﻟﯩﻠﯩﺮﯨﻨﯩﯔ ﻫﺎﻟﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﻧﯘﺭﻏﯘﻥ ﺋﺎﺗﺎ ‏- ﺋﺎﻧﯩﻼﺭ ﺋﯚﺯﯨﮕﻪ ﺋﻮﺧﺸﺎﺵ ﺑﺎﻟﯩﻠﯩﺮﯨﻨﻰ ﻗﺎﻳﺘﯘﺭﯗﭖ ﻛﯧﻠﯩﺸﻨﻰ ﺋﻮﻳﻼﯞﺍﺗﻘﺎﻥ ﺑﻮﻟﺴﯩﻤﯘ، ﺳﯩﻴﺎﺳﯩﻲ ﻫﻪﻣﺪﻩ ﺋﯩﻘﺘﯩﺴﺎﺩﯨﻲ ﺑﯧﺴﯩﻤﻼﺭ ﺗﯜﭘﻪﻳﻠﻰ ﺋﺎﻣﺎﻟﺴﯩﺰ ﻗﺎﻟﻤﺎﻗﺘﺎ ﺋﯩﻜﻪﻥ.

ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻨﯩﯔ ﺟﺎﯞﺍﺑﻰ

ﺑﯩﺰ ﺩﯦﻬﻘﺎﻧﻼﺭﻧﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯧﻠﯩﭗ ﻛﯧﺘﯩﻠﮕﻪﻥ ﺑﺎﻟﯩﻠﯩﺮﯨﻨﻰ ﻗﺎﻳﺘﯘﺭﯗﭖ ﻛﯧﻠﯩﺶ ﻫﻪﻗﻘﯩﺪﯨﻜﻰ ﺋﻪﺭﺯﻟﯩﺮﯨﮕﻪ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭﻧﯩﯔ ﻗﺎﻧﺪﺍﻕ ﻣﯘﺋﺎﻣﯩﻠﯩﺪﻩ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ﻗﻪﺷﻘﻪﺭﻧﯩﯔ ﻳﻪﻛﻪﻥ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﻫﻪﻣﺪﻩ ﺑﻪﺯﻯ ﻳﯧﺰﯨﻠﯩﻖ ﻫﯚﻛﯜﻣﻪﺗﻨﯩﯔ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﻳﯚﺗﻜﻪﺵ ﺋﯩﺸﺨﺎﻧﯩﻠﯩﺮﯨﻐﺎ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ ﺋﻪﻣﻤﺎ، ﺋﯩﻨﻜﺎﺭ ﻗﯩﻠﯩﺶ ﻳﺎﻛﻰ ﻗﻪﺳﺘﻪﻥ ﺑﯩﻠﻤﻪﺳﻜﻪ ﺳﯧﻠﯩﯟﯦﻠﯩﺸﺘﻪﻙ ﻣﯘﺋﺎﻣﯩﻠﯩﻠﯩﺮﯨﮕﻪ ﺋﯘﭼﺮﯨﺪﯗﻕ. ﺑﯩﺰ ﻳﻪﻛﻪﻧﻨﯩﯔ ﺑﻪﺷﻜﻪﻧﺖ ﻳﯧﺰﯨﺴﯩﺪﯨﻦ ﻳﺎﺷﻼﺭﻧﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻪﯞﻩﺗﯩﺸﻜﻪ ﻣﻪﺳﺌﯘﻝ ﻛﺎﺩﯨﺮﯨﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻪﯞﻩﺗﯩﻠﮕﻪﻥ ﻳﺎﺷﻼﺭﻧﯩﯔ ﺋﻪﻫﯟﺍﻟﯩﻨﻰ ﺳﻮﺭﯨﻐﺎﻥ ﺑﻮﻟﺴﺎﻗﻤﯘ، ﺋﻪﻣﻤﺎ ﺑﯘ ﺋﺎﻳﺎﻝ ﻛﺎﺩﯨﺮ، ﺑﺎﺷﻘﯩﭽﻪ ﺟﺎﯞﺍﺏ ﺑﻪﺭﺩﻯ.

ﻳﻪﻛﻪﻥ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺋﯩﺸﺨﺎﻧﯩﺴﯩﺪﯨﻦ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺳﯩﺮﺗﻼﺭﻏﺎ ﻳﯚﺗﻜﻪﺵ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﻛﺎﺩﯨﺮﻧﻰ ﺳﻮﺭﯨﺪﯗﻕ. ﮔﻪﺭﭼﻪ ﺑﯩﺰ ﺑﯘ ﻛﺎﺩﯨﺮﻧﯩﯔ ﺋﯧﻴﺘﻘﯩﻨﻰ ﺑﯘﻳﯩﭽﻪ ﻳﻪﻛﻪﻥ ﻧﺎﻫﯩﻴﯩﻠﯩﻚ ﭘﺎﺭﺗﻜﻮﻣﻨﯩﯔ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺳﯩﺮﺗﻼﺭﻏﺎ ﻳﯚﺗﻜﻪﺵ ﺋﯩﺸﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﺑﯘ ﺋﯩﺸﺨﺎﻧﯩﺪﯨﻜﯩﻠﻪﺭ ﺑﻮﻟﺴﺎ ﺑﯩﺰﻧﯩﯔ ﺋﺎﻣﯧﺮﯨﻜﯩﺪﯨﻦ ﺗﯧﻠﯧﻔﻮﻥ ﻗﯩﻠﯩﯟﺍﺗﻘﯩﻨﯩﻤﯩﺰﻧﻰ ﺑﯩﻠﯩﭗ، ﺋﯚﺯ ﻛﺎﺩﯨﺮﯨﻨﯩﻤﯘ ﺗﻮﻧﯩﻤﺎﺳﻘﺎ ﺳﯧﻠﯩﯟﺍﻟﺪﻯ.

ﺋﯘﻳﻐﯘﺭ ﻳﯧﺰﯨﻠﯩﺮﯨﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯧﻠﯩﭗ ﻛﯧﺘﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺋﻪﻫﯟﺍﻟﻠﯩﺮﯨﻐﺎ ﻗﯩﺰﯨﻘﺴﯩﯖﯩﺰ، ﻛﯧﻴﯩﻨﻜﻰ ﻗﯧﺘﯩﻤﻠﯩﻖ ﺋﺎﯕﻠﯩﺘﯩﺸﯩﻤﯩﺰﺩﺍ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﺋﯩﺸﻠﯩﺘﯩﯟﺍﺗﻘﺎﻥ ﺯﺍﯞﯗﺕ ﻫﻪﻣﺪﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻮﺭﮔﺎﻧﻼﺭﺩﯨﻦ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻠﯩﺮﯨﻤﯩﺰﻏﺎ ﺩﺍﯞﺍﻣﻠﯩﻖ ﺩﯨﻘﻘﻪﺕ ﺑﯧﺮﯨﺸﻨﻰ ﺋﯘﻧﯘﺗﻤﯩﻐﺎﻳﺴﯩﺰ. (ﮔﯜﻟﭽﯧﻬﺮﻩ)