' Xitaydin sürgün qilin'ghan Uyghurlar ' namliq kitab yaponiyide 2008 - yilliq alahide mukapatqa érishken

Yéqinqi yillardin béri dunyaning her qaysi jaylirida Uyghurlar heqqide arqa arqidin kitablar neshir qilinmaqta. Yaponiyide Uyghurlar heqqide tetqiqat élip bériwatqan yaponiye merkiziy uniwérsitéti oqutquchisi mizutani na'oko xanim yazghan "xitaydin sürgün qilin'ghan Uyghurlar" namliq kitab 2007 - yili 10 - ayning 20 - küni yaponiyining tokyo shehride neshir qilin'ghan idi.
Muxbirimiz erkin tarim
2008.10.15
Naoko-Rabiye-Kitap--305.jpg Yaponiye merkiziy uniwérsitéti oqutquchisi mizutani naoko xanim yazghan rabiye xanim we uyghurlar toghrisidiki kitapning muqawisi.
Courtesy of Mizutani Naoko / Author of the Book

Bu kitab 2008 - yili yaponiyide neshir qilin'ghan milyonlarche kitab arisidin tallinip alahide mukapatqa muwapiq körülgen.

Bu yaponiyidiki kündilik xewer géziti bilen asiya tetqiqatliri tesis qilghan mukapat bolup, bu yil bir eser altun, qalghan 3 eser bolsa alahide mukapatqa érishken.

Mukapatqa érishken eserlerning hemmisi xitay dölitining mesililiri heqqide yézilghan bolup, altun médalgha érishken eser teywan mesilisi heqqide, alahide mukapatqa érishken eserlerdin biri mizutani na'oko xanim yazghan "xitaydin sürgün qilin'ghan Uyghurlar" namliq kitab, yene biri bolsa xitayning hazirqi iqtisadiy ehwali namliq kitab, üchünchi eser bolsa xitaylarning hazirqi weziyiti heqqidiki kitab iken.

Bu mukapatqa érishken eserlerning tizimliki 10 - ayning 4 - küni élan qilin'ghan bolup, mukapat 11 - ayning 13 - küni resmi murasim bilen tarqitilidiken.

Biz bu mukapat heqqide tepsili melumat élish üchün kitabning aptori mizutani na'oko xanim we yaponiyidiki Uyghur ziyalisi murat ependi bilen téléfon ziyariti élip barduq.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.