ﻫﺎﻟﺒﯘﻛﻰ، ﻓﯩﻠﯩﻤﺪﻩ ﺧﯩﺘﺎﻳﻨﯩﯔ ﻣﻪﺯﻛﯘﺭ ﯞﻩﻗﻪ ﻫﻪﻗﻘﯩﺪﯨﻜﻰ ﺑﺎﻳﺎﻧﻠﯩﺮﯨﻐﺎ ﺋﯩﺴﭙﺎﺕ ﺩﻩﭖ ﻛﯚﺭﺳﯩﺘﯩﻠﮕﻪﻥ ﻛﯚﺭﯛﻧﯜﺵ ﻫﻪﻡ ﯞﻩﻗﻪﻟﯩﻜﻠﻪﺭﻧﯩﯔ ﺳﺎﺧﺘﯩﻠﯩﻘﻰ ﺋﯩﺴﭙﺎﺗﻼﻧﻤﺎﻗﺘﺎ. ﺑﯩﺰ ﻓﯩﻠﯩﻤﺪﻩ ﯞﻩﻗﻪﻟﯩﻚ ﺑﯩﻠﻪﻥ ﻣﯘﻧﺎﺳﯟﻩﺗﻠﯩﻚ ﺩﻩﭖ ﻛﯚﺭﺳﯩﺘﯩﻠﮕﻪﻥ ﻛﯩﺸﯩﻠﻪﺭ ﺑﯩﻠﻪﻥ ﺋﺎﻻﻗﯩﻠﯩﺸﯩﭗ ﻣﻪﻟﯘﻣﺎﺕ ﺋﯧﻠﯩﺸﻘﺎ ﺗﯩﺮﯨﺸﺘﯘﻕ.

ﺧﯩﺘﺎﻱ ﻣﻪﺭﻛﯩﺰﻯ ﺧﻪﻟﻖ ﺗﯧﻠﯩﯟﯨﺰﯨﻴﻪ ﺋﯩﺴﺘﺎﻧﺴﯩﺴﻰ ﺗﻪﺭﯨﭙﯩﺪﯨﻦ ﺋﯩﺸﻠﻪﻧﮕﻪﻥ "ﺋﯜﺭﯛﻣﭽﻰ ﯞﻩﻗﻪﺳﯩﻨﯩﯔ ﺑﺎﺵ - ﺋﺎﺧﯩﺮﻯ" ﺗﯧﻤﯩﻠﯩﻖ ﻫﯜﺟﺠﻪﺗﻠﯩﻚ ﻓﯩﻠﯩﻢ ﻛﯚﺭﺳﯩﺘﯩﻠﮕﻪﻧﺪﯨﻦ ﻛﯧﻴﯩﻦ ﻛﯩﺸﯩﻠﻪﺭﺩﻩ ﻛﯜﭼﻠﯜﻙ ﻏﯘﻟﻐﯘﻻ ﯞﻩ ﻧﺎﺭﺍﺯﯨﻠﯩﻖ ﭘﻪﻳﺪﺍ ﻗﯩﻠﺪﻯ. ﻓﯩﻠﯩﻤﺪﻩ ﺋﯜﺭﯛﻣﭽﻰ ﯞﻩﻗﻪﺳﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﯞﻩ ﭼﻪﺗﺌﻪﻟﻠﻪﺭﺩﯨﻜﻰ ﺋﺎﺗﺎﻟﻤﯩﺶ 3 ﺧﯩﻞ ﻛﯜﭼﻠﻪﺭﻧﯩﯔ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﯩﻠﻪﺭ ﺑﯩﻠﻪﻥ ﺗﯩﻞ ﺑﯧﺮﯨﻜﺘﯜﺭﯛﺷﻰ ﺋﺎﺭﻗﯩﻠﯩﻖ ﺋﯧﻠﯩﭗ ﺑﯧﺮﯨﻠﻐﺎﻥ ﭘﯩﻼﻧﻠﯩﻖ  ﻫﻪﺭﯨﻜﻪﺕ ﺋﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﻓﯩﻠﯩﻤﺪﻩ ﺑﯘﻧﻰ ﺋﯩﺴﭙﺎﺗﻼﺵ ﺋﯜﭼﯜﻥ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﺳﯚﺯﻟﯩﺘﯩﻠﮕﻪﻥ. ﻓﯩﻠﯩﻤﺪﻩ ﮔﯜﻟﻤﯩﺮﻩ ﺋﯩﺴﯩﻤﻠﯩﻚ ﺑﯩﺮ ﺧﺎﻧﯩﻤﻨﯩﯔ ﺋﯜﺭﯛﻣﭽﻰ ﯞﻩﻗﻪﺳﯩﻨﯩﯔ ﭼﻪﺗﺌﻪﻝ ﺑﯩﻠﻪﻥ ﺋﺎﻻﻗﻪ ﺋﻮﺭﻧﯩﺘﯩﺶ ﯞﻩ ﺗﻪﺷﯟﯨﻘﺎﺕ ﺧﯩﺰﻣﯩﺘﯩﮕﻪ ﻣﻪﺳﺌﯘﻝ ﺑﻮﻟﻐﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ ﺑﻮﻟﯘﭖ، ﺧﯩﺘﺎﻱ ﻫﯚﻛﯜﻣﯩﺘﻰ ﮔﯜﻟﻤﯩﺮﻩﻧﯩﯔ ﻳﻮﻟﺪﯨﺸﻰ ﺑﻪﺧﺘﯩﻴﺎﺭﻧﯩﯔ ﻧﻮﺭﯞﯨﮕﯩﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﻣﯘﺋﺎﯞﯨﻦ ﺑﺎﺵ ﻛﺎﺗﯩﺒﻰ ﺋﯩﻜﻪﻧﻠﯩﻜﯩﻨﻰ ﯞﻩ ﮔﯜﻟﻤﯩﺮﻩﻧﯩﯔ ﻳﻮﻟﺪﯨﺸﻰ ﺋﺎﺭﻗﯩﻠﯩﻖ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺳﻪﻣﻪﺕ ﺋﻪﭘﻪﻧﺪﻯ ﺑﯩﻠﻪﻥ ﺋﺎﻻﻗﻪ ﻗﯩﻠﯩﭗ ﺋﯘﭼﯘﺭ ﻳﻪﺗﻜﯜﺯﮔﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﺑﯩﺰ ﺑﯘ ﻫﻪﻗﺘﻪ ﺋﺎﻟﺪﻯ ﺑﯩﻠﻪﻥ ﺩ ﺋﯘ ﻕ ﻣﯘﺋﺎﯞﯨﻦ ﺭﻩﺋﯩﺴﻰ ﺳﻪﻣﻪﺕ ﺋﻪﭘﻪﻧﺪﻯ ﺑﯩﻠﻪﻥ ﺗﯧﻠﯧﻔﻮﻥ ﺯﯨﻴﺎﺭﯨﺘﻰ ﺋﯧﻠﯩﭗ ﺑﺎﺭﺩﯗﻕ.

ﺷﯘﻧﺪﺍﻗﻼ ﺑﯩﺰ، "ﺋﯜﺭﯛﻣﭽﻰ ﯞﻩﻗﻪﺳﯩﻨﻰ ﺗﻪﺷﻜﯩﻠﻠﯩﮕﯜﭼﯩﻠﻪﺭﻧﯩﯔ ﺑﯩﺮﻯ، ﭼﻪﺗﺌﻪﻟﮕﻪ ﺋﯘﭼﯘﺭ ﻳﻪﺗﻜﯜﺯﮔﻪﻥ" ﺩﻩﭖ ﻗﻮﻟﻐﺎ ﺋﯧﻠﯩﻨﻐﺎﻥ ﮔﯜﻟﻤﯩﺮﻩﻧﯩﯔ ﻳﻮﻟﺪﯨﺸﻰ، ﺧﯩﺘﺎﻳﻨﯩﯔ ﻫﯜﺟﺠﻪﺗﻠﯩﻚ ﻓﯩﻠﯩﻤﯩﺪﻩ ﻧﻮﺭﯞﯨﮕﯩﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﻣﯘﺋﺎﯞﯨﻦ ﻛﺎﺗﯩﺒﻰ ﺩﻩﭖ ﺋﺎﺗﺎﻟﻐﺎﻥ ﺑﻪﺧﺘﯩﻴﺎﺭ ﺋﻪﭘﻪﻧﺪﯨﻨﻰ ﺯﯨﻴﺎﺭﻩﺕ ﻗﯩﻠﺪﯗﻕ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.