ﺧﯩﺘﺎﻳﺪﺍ ﺋﯧﭽﯩﻠﯩﯟﺍﺗﻘﺎﻥ ﺋﯩﻜﻜﻰ ﻳﯩﻐﯩﻦ ﻫﻪﻗﻘﯩﺪﻩ ﺋﻮﺧﺸﯩﻤﯩﻐﺎﻥ ﺋﯩﻨﻜﺎﺳﻼﺭ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯜﮔﯜﻥ 3 ‏- ﺋﺎﻳﻨﯩﯔ 6‏ - ﻛﯜﻧﻰ، ﺧﯩﺘﺎﻳﺪﺍ ﺋﯧﭽﯩﻠﯩﯟﺍﺗﻘﺎﻥ ﺋﯩﻜﻜﻰ ﭼﻮﯓ ﻳﯩﻐﯩﻨﯩﺪﺍ، ﻫﻪﺭ ﻗﺎﻳﺴﻰ ﺋﯚﻟﻜﯩﻠﻪﺭ ﺑﯘﻳﯩﭽﻪ ﮔﯘﺭﯗﭘﭙﺎ ﻳﯩﻐﯩﻨﻠﯩﺮﻯ ﺋﯧﭽﯩﻠﯩﭗ، ﺋﯘﻧﯩﯖﺪﺍ ﺧﯩﺘﺎﻳﻨﯩﯔ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﺎﺑﺎﯞﻧﯩﯔ ﻳﯩﻐﯩﻨﻐﺎ ﺑﻪﺭﮔﻪﻥ ﺩﻭﻛﻼﺗﻰ ﻣﯘﺯﺍﻛﯩﺮﻩ ﻗﯩﻠﯩﻨﯩﺸﻘﺎ ﺑﺎﺷﻠﯩﺪﻯ. ﮔﻪﺭﭼﻪ ﺑﯘ ﺋﯩﻜﻜﻰ ﻳﯩﻐﯩﻨﻐﺎ ﻛﻪﻟﮕﻪﻥ ﯞﻩﻛﯩﻠﻠﻪﺭ ﻣﻪﺩﻫﯩﻴﻪ ﺋﻮﻗﯘﯞﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻳﯩﻐﯩﻨﻨﯩﯔ ﺳﯩﺮﺗﯩﺪﺍ ﺑﻮﻟﺴﺎ، ﺧﯩﺘﺎﻳﺪﯨﻜﻰ ﺳﺎﺑﯩﻖ ﺳﯩﻴﺎﺳﻪﺗﭽﯩﻠﻪﺭ، ﻣﯘﻻﻫﯩﺰﯨﭽﯩﻠﻪﺭ ﺑﯘ ﺩﻭﻛﻼﺕ ﻫﻪﻗﻘﯩﺪﻩ ﺧﻪﻟﻘﺌﺎﺭﺍﺩﯨﻜﻰ ﺋﯘﭼﯘﺭ ﯞﺍﺳﺘﯩﻠﯩﺮﯨﺪﺍ ﺋﻮﺧﺸﯩﻤﯩﻐﺎﻥ ﻣﯘﻻﻫﯩﺰﻩ ﺋﯧﻼﻥ ﻗﯩﻠﯩﯟﺍﺗﯩﺪﯗ.

ﺑﯜﮔﯜﻥ ﻫﻪﺭﺑﯩﻲ ﻓﻮﺭﻣﺎ ﻛﯩﻴﯩﭗ ﺧﻪﻟﻖ ﺳﺎﺭﯨﻴﻰ ﺗﻪﺭﻩﭘﻜﻪ ﻣﺎﯕﻐﺎﻥ ﻳﻪﺗﺘﻪ ﻛﯩﺸﻰ ﺗﯘﺗﯘﭖ ﻛﯧﺘﯩﻠﮕﻪﻥ

ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﻣﯘﺧﺒﯩﺮﻯ ﻓﺎﯕﻴﯘﺋﻪﻧﻨﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯜﮔﯜﻥ ﺋﻪﺗﯩﮕﻪﻧﺪﻩ، ﺧﯩﺘﺎﻱ ﺋﺎﺭﻣﯩﻴﯩﺴﯩﺪﯨﻦ ﻛﻪﺳﭗ ﺋﺎﻟﻤﺎﺷﻘﺎﻥ 7 ﻛﯩﺸﻰ 3 ‏- ﺋﺎﻳﻨﯩﯔ 5 ‏- ﻛﯜﻧﻰ ﺋﻪﺗﯩﮕﻪﻧﺪﻩ، ﻛﻮﻧﺎ ﻫﻪﺭﺑﯩﻲ ﻓﻮﺭﻣﺎ ﻛﯩﻴﯩﭗ ﺋﯩﻜﻜﻰ ﭼﻮﯓ ﻳﯩﻐﯩﻦ ﺋﯧﭽﯩﻠﯩﯟﺍﺗﻘﺎﻥ ﺧﻪﻟﻖ ﺳﺎﺭﯨﻴﻰ ﺗﻪﺭﻩﭘﻜﻪ ﻣﺎﯕﻐﺎﻧﺪﺍ، ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺗﯘﺗﯘﭖ ﻣﺎﺟﺎﻟﯘ ﺩﻩﭖ ﺋﺎﺗﯩﻠﯩﺪﯨﻐﺎﻥ ﺋﻪﺭﺯﯨﻴﻪﺗﭽﯩﻠﻪﺭ ﻣﻪﻫﻪﻟﻠﯩﺴﯩﮕﻪ ﺋﯧﻠﯩﭗ ﻛﯧﺘﯩﻠﮕﻪﻥ. ﺋﯘﻻﺭ ﺋﯚﺯﯨﻨﯩﯔ ﺗﯘﺭﻣﯘﺷﻰ ﺑﻪﻟﮕﯩﻠﯩﻤﻪ ﺑﯘﻳﯩﭽﻪ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﻨﻤﯩﻐﺎﻧﻠﯩﻘﻰ ﺋﯜﭼﯜﻥ ﺋﯩﻜﻜﻰ ﻳﯩﻐﯩﻨﻐﺎ ﺋﻪﺭﺯ ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﻜﻪﻥ. ﺋﯘﻻﺭﺩﯨﻦ ﺷﻪﻥ ﭼﯜﻥ ﺋﯩﺴﯩﻤﻠﯩﻚ ﺑﯩﺮ ﻛﯩﺸﻰ ﻣﯘﺧﺒﯩﺮﯨﻤﯩﺰﻏﺎ ﻳﺎﻧﻔﻮﻥ ﺋﺎﺭﻗﯩﻠﯩﻖ ﻳﺎﺯﻣﺎ ﺧﻪﯞﻩﺭ ﺋﻪﯞﻩﺗﻜﻪﻥ.

ﺋﯘﻧﯩﯖﺪﺍ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯘ ﻳﯩﻠﻘﻰ ﺋﯩﻜﻜﻰ ﭼﻮﯓ ﻳﯩﻐﯩﻦ ﺑﯘﺭﯗﻧﻘﯩﺪﯨﻦ ﭼﻮﯓ ﻫﻪﻡ ﻫﻪﻳﯟﻩﺗﻠﯩﻚ ﺋﯧﭽﯩﻠﻐﺎﻥ، ﺗﻴﻪﻧﺌﻪﻧﻤﯧﻦ ﻣﻪﻳﺪﺍﻧﯩﻨﯩﯔ ﺋﻪﺗﺮﺍﭘﯩﺪﺍ ﺳﺎﻗﭽﯩﻼﺭ، ﻗﻮﺭﺍﻟﻠﯩﻖ ﺳﺎﻗﭽﯩﻼﺭ، ﭘﯘﻗﺮﺍﭼﻪ ﻛﯩﻴﯩﻨﮕﻪﻥ ﺳﺎﻗﭽﯩﻼﺭ ﻧﺎﻫﺎﻳﯩﺘﻰ ﻛﯚﭖ. ﺑﯘ ﻳﯩﻞ ﺑﯧﻴﺠﯩﯖﻐﺎ ﺋﻪﺭﺯ ﻗﯩﻠﻐﯩﻠﻰ ﻛﻪﻟﮕﻪﻥ ﺋﺎﺩﻩﻣﻤﯘ ﺑﯘﺭﯗﻧﻘﻰ ﻳﯩﻠﻼﺭﺩﯨﻜﯩﺪﯨﻦ ﻛﯚﭖ. ﺳﺎﻗﭽﯩﻼﺭ ﺋﯘﻻﺭﻧﻰ ﺋﻮﭼﯘﻕ -ﺋﺎﺷﻜﺎﺭﺍ ﻫﺎﻟﺪﺍ ﺗﯘﺗﯘﭖ ﻛﯧﺘﯩﯟﺍﺗﯩﺪﯗ. ﻣﺎﺟﺎﻟﯘ ﺩﯦﮕﻪﻥ ﺟﺎﻳﺪﺍ ﺑﯜﮔﯜﻥ 100 ﺩﯨﻦ ﺋﺎﺭﺗﯘﻕ ﺋﻪﺭﺯﯨﻴﻪﺗﭽﻰ ﺑﺎﺭ، ﻫﻪﺭ ﻗﺎﻳﺴﻰ ﺋﯚﻟﻜﯩﻠﻪﺭﻧﯩﯔ ﺳﺎﻗﭽﯩﻠﯩﺮﻯ ﺋﯘﻻﺭﻧﻰ ﺗﯘﺗﯘﭖ ﻗﺎﻳﺘﯘﺭﯗﭖ ﻛﯧﺘﯩﯟﺍﺗﯩﺪﯗ. ﺋﻪﻣﻤﺎ ﻫﻪﺭﺑﯩﻴﭽﻪ ﻛﯩﻴﯩﻢ ﻛﯩﻴﮕﻪﻥ ﺑﯘ ﻛﯩﺸﯩﻠﻪﺭﮔﻪ ﻫﯧﭽﻜﯩﻢ ﺋﯩﮕﻪ ﭼﯩﻘﻤﯩﻐﺎﻥ.

ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ، ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺶ ' ﺩﯦﮕﻪﻥ ﺋﺎﺗﺎﻟﻐﯘ ﻫﺎﺯﯨﺮ ﺑﯩﺮ ﻗﻪﺩﯨﻤﻘﻰ ﺭﯨﯟﺍﻳﻪﺗﻜﻪ ﺋﺎﻳﻼﻧﺪﻯ

ﺑﯜﮔﯜﻥ 'ﻳﯧﯖﻰ ﺋﻪﺳﺮ ﺟﯘﺭﻧﯩﻠﻰ'ﺩﺍ ﺳﺎﺑﯩﻖ ﭘﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺳﯧﻜﺮﯨﺘﺎﺭﻯ ﺟﺎﯞ ﺯﯨﻴﺎﯕﻨﯩﯔ ﻛﺎﺗﯩﺒﻰ ﺑﺎﯞ ﺗﯘﯓ ﺋﻪﭘﻪﻧﺪﯨﻨﯩﯔ ﺑﯘ ﻳﯩﻠﻘﻰ ﺋﯩﻜﻜﻰ ﭼﻮﯓ ﻳﯩﻐﯩﻦ ﻫﻪﻗﻘﯩﺪﻩ ﺋﯧﻼﻥ ﻗﯩﻠﻐﺎﻥ ﺋﻮﺑﺰﻭﺭﻯ ﺋﯧﻼﻥ ﻗﯩﻠﯩﻨﺪﻯ. ﺋﯘﻧﯩﯖﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯘ ﻳﺎﯞﺑﺎﯕﻨﯩﯔ ﺋﻪﻣﻪﻟﯩﻴﻪﺕ ﻫﻪﻗﯩﻘﻪﺗﻨﻰ ﺋﯚﻟﭽﻪﻳﺪﯨﻐﺎﻥ ﺑﯩﺮﺩﯨﻦ ‏- ﺑﯩﺮ ﺋﯚﻟﭽﻪﻡ' ﺩﯦﮕﻪﻥ ﻧﻪﺯﯨﺮﯨﻴﯩﺴﺪﯨﻦ ﭘﺎﻳﺪﯨﻠﯩﻨﯩﭗ ﺩﯦﯔ ﺷﺎﯞﭘﯩﯔ ﻧﺎﻡ ﻗﺎﺯﺍﻧﺪﻯ. ﺋﻪﻣﺪﻯ ﺩﯦﯔ ﺷﺎﯞﭘﯩﯔ ﺋﻪﻳﻨﻰ ﯞﺍﻗﯩﺘﺘﺎ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ' ﺩﯦﮕﻪﻥ ﺋﺎﺗﺎﻟﻐﯘ ﻫﺎﺯﯨﺮ ﺟﯘﯕﮕﻮﺩﺍ ﺑﯩﺮ ﭼﻮﯓ ﻗﻪﺩﯨﻤﻘﻰ ﺭﯨﯟﺍﻳﻪﺗﻜﻪ ﺋﺎﻳﻼﻧﺪﻯ.

ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ، ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺶ' ﺩﯦﮕﻪﻥ ﺋﺎﺗﺎﻟﻐﯘ ﻫﺎﺯﯨﺮ ﺋﯩﺸﯩﻜﻨﻰ ﺗﺎﻗﺎﺵ، ﺋﯩﺴﻼﻫﺎﺕ ﺋﯧﻠﯩﭗ ﺑﺎﺭﻣﺎﺳﻠﯩﻖ، ﺑﻪﻟﻜﻰ ﻛﻮﻧﺘﺮﻭﻟﻠﯘﻗﻨﻰ ﻛﯜﭼﻪﻳﺘﯩﺶ، ﺑﯘﺭﯗﻧﻘﯩﺪﯨﻦ ﻫﯧﺴﺎﺏ ﺋﯧﻠﯩﺸﻨﻰ ﺩﺍﯞﺍﻣﻼﺷﺘﯘﺭﯗﺵ ﺋﯜﭼﯜﻥ ﻗﻮﻟﻠﯩﻨﯩﺪﯨﻐﺎﻥ ﺋﺎﺗﺎﻟﻐﯘﻏﺎ ﺋﺎﻳﻼﻧﺪﻯ.

ﺧﯘ ﺟﯩﻨﺘﺎﯞﻧﯩﯔ 'ﺩﯦﻤﻮﻛﺮﺍﺗﯩﻴﻪ' ﺩﯦﮕﯩﻨﻰ ﻗﻪﻏﻪﺯﮔﻪ ﺳﯩﺰﯨﻠﻐﺎﻥ ﻧﺎﻧﻨﯩﯔ ﺭﻩﺳﯩﻤﻰ

‏ﺧﯩﺘﺎﻳﺪﯨﻜﻰ ﻣﯘﺳﺘﻪﻗﯩﻞ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﻟﻴﯘ ﺷﺎﯞﺑﻮ ﺋﻪﭘﻪﻧﺪﻯ ﺋﯚﺯﯨﻨﯩﯔ ﺑﯧﻴﺠﯩﯖﺪﯨﻜﻰ ﺗﯘﺭﺍﻟﻐﯘﺳﯩﺪﺍ ﻳﯧﺰﯨﭗ ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﺋﺎﻣﯧﺮﯨﻜﯩﻐﺎ ﻳﻮﻟﻼﭖ ' ﻛﯚﺯﯨﺘﯩﺶ ﺟﯘﺭﻧﯩﻠﻰ ' ﺩﺍ ﺋﯧﻼﻥ ﻗﯩﻠﻐﺎﻥ 'ﺧﯘ ﺟﯩﻨﺘﺎﯞ ﻫﺎﻛﯩﻤﯩﻴﯩﺘﻰ ﻳﻮﻟﻐﺎ ﻗﻮﻳﯘﯞﺍﺗﻘﯩﻨﻰ ﺯﺍﺩﻯ ﻗﺎﻧﺪﺍﻕ ﺩﯦﻤﻮﻛﺮﺍﺗﯩﻴﻪ؟' ﺩﯦﮕﻪﻥ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﻪﻣﻪﻟﯩﻴﻪﺗﺘﻪ ﺧﯘ ﺟﯩﻨﺘﺎﯞ، ﯞﯦﻦ ﻫﺎﻛﯩﻤﯩﻴﯩﺘﯩﻨﯩﯔ 'ﺩﯦﻤﻮﻛﺮﺍﺗﯩﻴﻪ'، 'ﺳﯩﻴﺎﺳﯩﻲ ﺋﯩﺴﻼﻫﺎﺕ' ﺩﯦﮕﻪﻥ ﮔﯧﭙﻰ ﺑﯩﻠﻪﻥ ﺋﻪﻣﻪﻟﯩﻴﻪﺗﺘﻪ ﻗﯩﻠﻐﯩﻨﻰ ﺋﻮﺧﺸﺎﺵ ﺋﻪﻣﻪﺱ.

ﻟﻴﯘ ﺷﺎﯞﺑﻮ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﮔﻪﺭﭼﻪ ﺧﯘ ﺟﯩﻨﺘﺎﯞ 'ﺳﯩﻴﺎﺳﯩﻲ ﺋﯩﺴﻼﻫﺎﺗﻨﻰ ﻛﯩﺸﯩﻠﯩﻚ ﻫﻮﻗﯘﻗﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﺘﯩﻦ ﺑﺎﺷﻼﺵ ﻛﯧﺮﻩﻙ' ﺩﻩﯞﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ1998 ‏- ﻳﯩﻠﻰ ﺏ ﺩ ﺕ ﻧﯩﯔ ﻫﻮﻗﯘﻕ ﺋﻪﻫﺪﯨﻨﺎﻣﯩﺴﯩﻐﺎ ﺋﯩﻤﺰﺍ ﻗﻮﻳﻐﺎﻧﺪﯨﻦ ﻛﯧﻴﯩﻨﻤﯘ، ﻛﯩﺸﯩﻠﯩﻚ ﻫﻮﻗﯘﻗﻘﺎ ﺋﻮﭼﯘﻗﺘﯩﻦ -ﺋﻮﭼﯘﻕ ﺧﯩﻼﭘﻠﯩﻖ ﻗﯩﻠﯩﺪﯨﻐﺎﻥ، ﺧﯩﺘﺎﻳﺪﺍ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﺗﯜﺯﯛﻣﻰ'ﻧﻰ ﺗﯧﺨﯩﭽﻪ ﺑﯩﻜﺎﺭ ﻗﯩﻠﻤﯩﺪﻯ.

ﻟﻴﯘ ﺷﺎﯞﺑﻮ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺳﯩﻴﺎﺳﯩﻲ ﻛﯧﯖﻪﺵ، ﺧﻪﻟﻖ ﻗﯘﺭﯗﻟﺘﯧﻴﻰ ﺩﯦﮕﻪﻥ ﺗﻪﺷﻜﯩﻼﺗﻼﺭﺩﯨﻤﯘ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﻪﺯﺍﺳﻰ ﯞﻩﻛﯩﻞ ﻧﯩﺴﺒﯩﺘﯩﻨﯩﯔ %70ﺗﯩﻦ ﻛﯚﭘﺮﻩﻛﯩﻨﻰ ﺋﯩﮕﯩﻠﯩﯟﺍﻟﺪﻯ. ﻧﻮﭘﯘﺱ ﻗﯘﺭﯗﻟﻤﯩﺴﻰ ﺑﯘﻳﯩﭽﻪ ﺋﯧﻴﺘﻘﺎﻧﺪﺍ، ﺧﻪﻟﻖ ﯞﻩﻛﯩﻠﻠﯩﺮﯨﻨﯩﯔ %80 ﺗﯩﻦ ﺋﺎﺭﺗﯘﻗﯩﻨﻰ ﺋﯩﺸﭽﻰ، ﺩﯦﻬﻘﺎﻧﻼﺭ ﺋﯩﮕﯩﻠﯩﺸﻰ ﻛﯧﺮﻩﻙ ﺋﯩﺪﻯ، ﺋﻪﻣﻤﺎ ﻫﺎﺯﯨﺮ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﯘ ﻧﯩﺴﺒﻪﺗﻨﻰ %19 ﮔﻪ ﭼﯜﺷﯜﺭﯛﭖ ﻗﻮﻳﺪﻯ.

ﻟﻴﯘ ﺷﺎﯞﺑﻮ ﺋﻪﭘﻪﻧﺪﯨﻨﯩﯔ ﻣﯘﻻﻫﯩﺰﻩ ﻗﯩﻠﯩﺸﯩﭽﻪ، ﺧﯘ ﺟﯩﻨﺘﺎﯞ، ﯞﯦﻦ ﺟﻴﺎﺑﺎﯞ ﻫﯚﻛﯜﻣﯩﺘﻰ ﺩﻩﯞﺍﺗﻘﺎﻥ 'ﺩﯦﻤﻮﻛﺮﺍﺗﯩﻴﻪ' ﺋﻪﻣﻪﻟﯩﻴﻪﺗﺘﻪ ﻫﻪﺭﮔﯩﺰ ﺋﯩﺠﺮﺍ ﻗﯩﻠﯩﻨﻤﺎﻳﺪﯨﻐﺎﻥ ﻧﻪﺭﺳﻪ، ﺑﯘ 'ﺩﯦﻤﻮﻛﺮﺍﺗﯩﻴﻪ' ﭘﻪﻗﻪﺕ ﺧﯘ ﺟﯩﻨﺘﺎﯞ ﺋﯚﺯﻯ 'ﻗﻪﻏﻪﺯﮔﻪ ﺳﯩﺰﯨﭗ ﻗﻮﻳﻐﺎﻥ، ﺋﻪﻣﻤﺎ ﻳﯧﮕﯩﻠﻰ ﺑﻮﻟﻤﺎﻳﺪﯨﻐﺎﻥ ﻧﺎﻧﻨﯩﯔ ﺭﻩﺳﯩﻤﻰ' ﺩﯨﻨﻼ ﺋﯩﺒﺎﺭﻩﺕ.

ﯞﺍﯓ ﻟﯧﭽﯘﻩﻥ، ﻧﯘﺭ ﺑﻪﻛﺮﯨﻠﻪﺭ ﻫﺎﺯﯨﺮ ﺋﯘﻳﻐﯘﺭﻻﺭ ﺩﯗﭺ ﻛﯧﻠﯩﯟﺍﺗﻘﺎﻥ ﺋﻪﻣﻪﻟﯩﻲ ﻣﻪﺳﯩﻠﯩﻠﻪﺭﻧﻰ ﺗﯩﻠﻐﺎ ﺋﯧﻠﯩﺸﺘﯩﻦ ﺋﯚﺯﯨﻨﻰ ﻗﺎﭼﯘﺭﯗﯞﺍﺗﯩﺪﯗ

ﺧﯩﺘﺎﻳﻨﯩﯔ 'ﺗﻪﯕﺮﯨﺘﺎﻍ ﺗﻮﺭ ﺑﯧﺘﻰ'ﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺑﯜﮔﯜﻥ ﺋﯩﻜﻜﻰ ﭼﻮﯓ ﻳﯩﻐﯩﻨﯩﻨﯩﯔ ﺷﯩﻨﺠﺎﯓ ﮔﯘﺭﯗﭘﭙﯩﺴﻰ ﻳﯩﻐﯩﻨﯩﺪﺍ، ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯘﻩﻥ ﺑﯩﻠﻪﻥ ﺋﺎﭘﺘﻮﻧﻮﻡ ﺭﺍﻳﻮﻥ ﺭﻩﺋﯩﺴﻰ ﻧﯘﺭ ﺑﻪﻛﺮﯨﻠﻪﺭ ﻣﻪﻣﻠﯩﻜﻪﺗﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ 'ﻫﯚﻛﯜﻣﻪﺕ ﺩﻭﻛﻼﺗﻰ' ﻫﻪﻗﻘﯩﺪﻩ ﺳﯚﺯ ﻗﯩﻠﻐﺎﻥ. ﯞﺍﯓ ﻟﯧﭽﯘﻩﻥ ﺋﻪﭘﻪﻧﺪﻯ ﺑﯘ ﺩﻭﻛﻼﺗﻨﻰ 'ﺭﺍﺳﺘﭽﯩﻞ ﺩﻭﻛﻼﺕ' ﺩﯦﺴﻪ، ﻧﯘﺭ ﺑﻪﻛﺮﻯ ﺋﻪﭘﻪﻧﺪﻯ ﺑﯘ ﺩﻭﻛﻼﺗﻨﻰ 'ﻣﺎﺋﺎﺭﯨﭗ، ﺧﻪﻟﻖ ﺗﯘﺭﻣﯘﺷﻰ، ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ ﺟﻪﻫﻪﺗﻠﻪﺭﺩﯨﻦ ﺧﻪﻟﻘﻨﯩﯔ ﻛﯩﺮﯨﻤﻰ ﺋﺎﺷﻘﺎﻧﻠﯩﻘﯩﺪﯨﻦ ﺋﯩﺒﺎﺭﻩﺕ ﺭﯨﺌﺎﻟﻠﯩﻘﻨﻰ ﻧﺎﻣﺎﻳﻪﻥ ﻗﯩﻠﺪﻯ' ﺩﻩﭖ ﻣﻪﺩﻫﯩﻴﯩﻠﯩﮕﻪﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﻛﯚﺯ ﻗﺎﺭﯨﺸﻰ ﺑﯘﻧﯩﯖﻐﺎ ﺋﻮﺧﺸﯩﻤﺎﻳﺪﯗ، ﺋﯘﻧﯩﯔ ﻗﺎﺭﯨﺸﯩﭽﻪ، ﯞﺍﯓ ﻟﯧﭽﯘﻩﻥ ﺑﯩﻠﻪﻥ ﻧﯘﺭ ﺑﻪﻛﺮﻯ ﺋﯘﻳﻐﯘﺭﻻﺭ ﺩﯗﭺ ﻛﯧﻠﯩﯟﺍﺗﻘﺎﻥ ﺋﻪﻣﻪﻟﯩﻲ ﻣﻪﺳﯩﻠﯩﻠﻪﺭﻧﻰ ﺗﯩﻠﻐﺎ ﺋﯧﻠﯩﺸﺘﯩﻦ ﺋﯚﺯﯨﻨﻰ ﻗﺎﭼﯘﺭﻏﺎﻥ. (ﯞﻩﻟﻰ)