ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞﻧﯩﯔ ﺷﯟﯦﺘﺴﯩﻴﻪ ﺯﯨﻴﺎﺭﯨﺘﯩﻨﯩﯔ ﺋﺎﻟﺪﻯ ‏- ﻛﻪﻳﻨﯩﺪﻩ

• ﻣﯘﺧﺒﯩﺮﯨﻤﯩﺰ ﻳﺎﻟﻘﯘﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞﻧﯩﯔ ﺷﯟﯦﺘﺴﯩﻴﻪ ﺯﯨﻴﺎﺭﯨﺘﯩﻨﯩﯔ ﺋﺎﻟﺪﻯ ‏- ﻛﻪﻳﻨﯩﺪﻩ ، ﺷﯟﯦﺘﺴﯩﻴﻪ ﺋﺎﺧﺒﺎﺭﺍﺗﻠﯩﺮﯨﺪﺍ ﺋﯘﻧﯩﯔ ﺯﯨﻴﺎﺭﯨﺘﯩﮕﻪ ﺑﻮﻟﻐﺎﻥ ﻫﻪﺭ ﺧﯩﻞ ﺋﯩﻨﻜﺎﺳﻼﺭ ﻛﻪﯓ ﺋﻮﺭﯗﻥ ﺋﺎﻟﺪﻯ.ﮔﻪﺭﭼﻪ ﺷﯟﯦﺘﺴﯩﻴﻪ ﺋﺎﺧﺒﺎﺭﺍﺗﻠﯩﺮﯨﺪﺍ ﺧﯘ ﺟﯩﻨﺘﺎﯞﻧﯩﯔ ﺷﯟﯦﺘﺴﯩﻴﻪ ﺯﯨﻴﺎﺭﯨﺘﯩﮕﻪ ﻗﺎﺭﯨﺘﺎ ﭘﺎﺳﺴﯩﭗ ﺋﯩﻨﻜﺎﺳﻼﺭ ﯞﻩ ﺗﻪﻧﻘﯩﺘﻠﻪﺭ ﺋﺎﺳﺎﺳﻰ ﺳﺎﻟﻤﺎﻗﻨﻰ ﺋﯩﮕﯩﻠﯩﮕﻪﻥ ﺑﻮﻟﺴﯩﻤﯘ ، ﺋﻪﻣﻤﺎ ﺧﯘ ﺟﯩﻦـﺗﺎﯞﻧﯩﯔ ﺷﯟﯦﺘﺴﯩﻴﻪ ﺯﯨﻴﺎﺭﯨﺘﯩﻨﻰ ﺗﻮﺳﯘﭖ ﻗﺎﻻﻟﻤﯩﺪﻯ.

ﺷﯟﯦﺘﺴﯩﻴﻪ ﺑﯩﻠﻪﻥ ﺑﻮﻟﻐﺎﻥ ﺳﻮﺩﺍ ﻣﯘﻧﺎﺳﯩﯟﯨﺘﯩﻨﻰ ﺗﯧﺨﯩﻤﯘ ﻗﻮﻳﯘﻗﻼﺷﺘﯘﺭﯗﺵ

ﺧﯘ ﺟﯩﻨﺘﺎﯞﻧﯩﯔ ﺑﯘ ﻗﯧﺘﯩﻤﻘﻰ ﺷﯟﯦﺘﺴﯩﻴﻪ ﺯﯨﻴﺎﺭﯨﺘﯩﻨﯩﯔ ﺋﺎﺳﺎﺳﻰ ﻣﻪﻗﺴﯩﺪﻯ ﺷﯟﯦﺘﺴﯩﻴﻪ ﺑﯩﻠﻪﻥ ﺑﻮﻟﻐﺎﻥ ﺳﻮﺩﺍ ﻣﯘﻧﺎﺳﯩﯟﯨﺘﯩﻨﻰ ﺗﯧﺨﯩﻤﯘ ﻗﻮﻳﯘﻗﻼﺷﺘﯘﺭﯗﺵ ﺑﻮﻟﯘﭖ، ﺷﯟﯦﺘﺴﯩﻴﻪ ﺩﯙﻟﻪﺗﻠﯩﻚ ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺑﻪﺭﮔﻪﻥ ﺧﻪﯞﯨﺮﯨﺪﻩ ﺷﯟﯦﺘﺴﯩﻴﻪ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺑﯘ ﺋﯘﭼﯘﺭﯨﺸﯩﺸﺘﺎ ﻳﺎﻥ ﺗﯧﻠﯧﻔﻮﻥ، ﻣﺎﺷﯩﻨﺎ ، ﯞﻩ ﻣﯘﻫﯩﺖ ﺋﺎﺳﺮﺍﺵ ﺗﯧﺨﻨﯩﻜﯩﺴﻰ ﺳﺎﻫﻪﻟﯩﺮﻯ ﺑﯘﻳﯩﭽﻪ ﻳﯘﻗﯩﺮﻯ ﺳﻮﻣﻤﯩﻠﯩﻖ ﺗﻮﺧﺘﺎﻡ ﺗﯜﺯﯛﻟﮕﻪﻧﻠﯩﻜﯩﻨﻰ ﭘﻪﻗﻪﺕ ﻳﺎﻕ ﺗﯧﻠﯧﻔﻮﻥ ﺳﻮﺩﯨﺴﯩﻨﻰ ﺋﺎﺳﺎﺱ ﻗﯩﻠﻐﺎﻥ ﺷﯟﯦﺘﺴﯩﻴﯩﻨﯩﯔ ﺩﺍﯕﻠﯩﻖ ﺷﯩﺮﻛﯩﺘﻰ ﺑﻮﻟﻐﺎﻥ ﺋﯧﺮﯨﻜﺴﻮﻥ ﺷﯩﺮﻛﯩﺘﻰ ﺑﯩﻠﻪﻧﻼ 7ﻣﯩﻠﻴﺎﺭﺩ ﻳﯜﺋﻪﻧﻠﯩﻚ ﺗﻮﺧﺘﺎﻡ ﺗﯜﺯﮔﻪﻧﻠﯩﻜﯩﻨﻰ ﯞﻩ ﺷﯟﯦﺘﺴﯩﻴﯩﻨﯩﯔ ﺑﺎﺵ ﯞﻩﺯﯨﺮﻯ ﻓﯩﺮﯨﺪﯨﺮﯨﻚ ﺭﯨﻴﯧﻨﻔﯩﻠﺪ ﺧﯘ ﺟﯩﻨﺘﺎﯞ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺋﯩﻜﻜﻰ ﺳﺎﺋﻪﺗﻠﯩﻚ ﺳﯚﻫﺒﯩﺘﯩﺪﻩ ﻫﺎﺯﯨﺮﻗﻰ ﺩﯗﻧﻴﺎ ﺩﯗﭺ ﻛﯧﻠﯩﯟﺍﺗﻘﺎﻥ ﻫﺎﯞﺍﻧﯩﯔ ﺋﯩﺴﺴﯩﭗ ﻛﯧﺘﯩﺸﯩﺪﯨﻦ ﺋﯩﺒﺎﺭﻩﺕ ﻣﯘﻫﯩﺖ ﻣﻪﺳﯩﻠﯩﺴﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﻘﯩﻨﻰ، ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﻯ ﺑﻮﻟﺴﺎ ﺑﺎﺵ ﯞﻩﺯﯨﺮﻧﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﯘﻳﯘﺷﻰ ﻳﯧﺘﻪﺭﻟﯩﻚ ﺑﻮﻟﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﺧﯘ ﺟﯩﻨﺘﺎﯞﻧﯩﯔ ﺷﯟﯦﺘﺴﯩﻴﻪ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﺷﯟﯦﺘﺴﯩﻴﯩﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﻯ ﺋﯘﻳﻐﯘﺭ، ﺗﯩﺒﻪﺕ ﻣﻮﯕﻐﯘﻝ ﺗﻪﺷﻜﯩﻼﺗﻠﯩﺮﻯ ﺧﯘ ﺟﯩﻨﺘﺎﯞﻏﺎ ﻗﺎﺭﺷﻰ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻠﯩﺮﯨﻨﻰ ﺋﯧﻠﯩﭗ ﺑﺎﺭﻏﺎﻥ ﯞﻩ ﺑﯘﻻﺭﻧﯩﯔ ﺋﺎﺭﯨﺴﯩﺪﺍ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻖ ﺋﻪﻫﯟﺍﻟﻠﯩﺮﻯ ﺷﯟﯦﺘﺴﯩﻴﻪ ﺗﯧﻠﯧﯟﯨﺰﯨﻴﯩﺴﯩﻨﯩﯔ 4 ‏- ﯞﻩ 2 ‏- ﻗﺎﻧﺎﻟﻠﯩﺮﯨﺪﺍ ،ﺷﯟﯦﺘﺴﯩﻴﯩﺪﯨﻜﻰ ﺋﻪﯓ ﭼﻮﯓ ﮔﯧﺰﯨﺖ ﺑﻮﻟﻐﺎﻥ ¨ﻛﯜﻧﺪﯨﻠﯩﻚ ﺧﻪﯞﻩﺭﻟﻪﺭ ¨ﮔﯧﺰﯨﺘﯩﺪﻩ ﺧﻪﯞﻩﺭ ﻗﯩﻠﯩﻨﯩﭗ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻖ ﺋﺎﯞﺍﺯﻟﯩﺮﯨﻨﻰ ﺷﯩﯟﯦﺖ ﺧﻪﻟﻘﯩﮕﻪ ﺑﯩﻠﺪﯛﺭﮔﻪﻥ ﺋﯩﺪﻯ.

"ﺋﯘﻳﻐﯘﺭﻻﺭ ﺧﯩﺘﺎﻳﻼﺭﻧﯩﯔ ﺯﯗﻟﻤﻰ ﺋﺎﺳﺘﯩﺪﺍ ﻳﺎﺷﯩﻤﺎﻗﺘﺎ"

ﻳﯧﻘﯩﻨﺪﺍ ﺷﯟﯦﺘﺴﯩﻴﯩﺪﯨﻜﻰ ﺋﻪﯓ ﭼﻮﯓ ﮔﯧﺰﯨﺖ ﺑﻮﻟﻐﺎﻥ ¨ﻛﯜﻧﺪﯨﻠﯩﻚ ﺧﻪﯞﻩﺭﻟﻪﺭ¨ﮔﯧﺰﯨﺘﯩﺪﻩ ، ﻫﺎﺯﯨﺮ ﺷﯩﯟﯦﺘﺴﯩﻴﻪﺩﻩ ﻳﺎﺷﺎﯞﺍﺗﻘﺎﻥ ﺑﯩﺮ ﺧﯩﺘﺎﻱ ﺋﺎﻳﺎﻟﻨﯩﯔ ﺋﯘﻳﻐﯘﺭﻻﺭﻧﯩﯔ ﺧﯘ ﺟﯩﻨﺘﺎﯞﻏﺎ ﻗﺎﺭﺍﺗﻘﺎﻥ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺗﻮﻧﯘﺷﺘﯘﺭﯗﻟﻐﺎﻥ ﯞﻩ ﺋﯘﻳﻐﯘﺭﻻﺭﻧﯩﯔ ﭘﯩﻜﯩﺮﻯ ﺑﺎﻳﺎﻥ ﻗﯩﻠﻐﺎﻥ ﻣﺎﻗﺎﻟﯩﺴﯩﺪﯨﻜﻰ "ﺋﯘﻳﻐﯘﺭﻻﺭ ﺧﯩﺘﺎﻳﻼﺭﻧﯩﯔ ﺑﺎﺷﻘﯘﺭﯗﺷﻨﻰ ، ﺋﯘﻻﺭﻏﺎ ﺑﯧﻘﯩﻨﯩﺸﯩﻨﻰ ﺧﺎﻟﯩﻤﺎﻳﺪﯗ ، ﺋﯘﻳﻐﯘﺭﻻﺭ ﺧﯩﺘﺎﻳﻼﺭﻧﯩﯔ ﺯﯗﻟﻤﻰ ﺋﺎﺳﺘﯩﺪﺍ ﻳﺎﺷﯩﻤﺎﻗﺘﺎ" ﺩﯦﮕﻪﻥ ﺳﯚﺯﮔﻪ ﺭﻩﺩﺩﯨﻴﻪ ﺑﯧﺮﯨﻠﮕﻪﻥ.

ﻳﯘ ﻣﯩﻨﻠﯩﯔ ﺩﻩﭖ ﺋﺎﺗﺎﻟﻐﺎﻥ ﺑﯘ ﺧﯩﺘﺎﻱ ﺋﺎﻳﺎﻝ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺑﺎﺷﻼﻳﺪﯗ: ﻣﯧﻨﯩﯔ ﻛﯜﻧﺪﯨﻠﯩﻚ ﺧﻪﯞﻩﺭﻟﻪﺭ ﮔﯧﺰﯨﺘﯩﺪﻩ ﺋﯩﻼﻥ ﻗﯩﻠﯩﻨﻐﺎﻥ 'ﺧﯘ ﺟﯩﻨﺘﺎﯞﻧﯩﯔ ﺷﯟﯦﺘﺴﯩﻴﻪ ﺯﯨﻴﺎﺭﯨﺘﻰ ﺋﯘﻳﻐﯘﺭﻻﺭﻧﯩﯔ ﻗﺎﺭﺷﻰ ﺗﯘﺭﯗﺷﯩﻐﺎ ﺩﯗﭺ ﻛﻪﻟﺪﻯ' ﺩﯦﮕﻪﻥ ﻣﺎﻗﺎﻟﯩﮕﻪ ﺑﺎﻫﺎ ﺑﻪﺭﮔﯜﻡ ﺑﺎﺭ. ﺋﯘ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺩﺍﯞﺍﻣﻼﺷﺘﯘﺭﯨﺪﯗ. ﻣﻪﻥ ﺧﯩﺘﺎﻳﺪﺍ ﺗﯘﻏﯘﻟﯘﭖ ،ﺷﯩﻨﺠﺎﯕﺪﺍ ﭼﻮﯓ ﺑﻮﻟﺪﯗﻡ . ﻫﺎﺯﯨﺮ ﺷﯩﯟﯦﺘﺴﯩﻴﯩﺪﻩ ﻳﺎﺷﺎﯞﺍﺗﯩﻤﻪﻥ، ﻣﻪﻥ ﻫﻪﺭ ﻳﯩﻠﻰ ﺩﯦﮕﯜﺩﻩﻙ ﺷﯩﻨﺠﺎﯕﻐﺎ ﺑﯧﺮﯨﭗ ﺗﯘﺭﯨﻤﻪﻥ. ﻣﻪﻥ ﻫﻪﺭ ﻗﯧﺘﯩﻢ ﺋﯘ ﻳﻪﺭﮔﻪ ﺑﺎﺭﻏﯩﻨﯩﻤﺪﺍ ﺋﯘ ﻳﻪﺭﺩﯨﻜﻰ ﺋﻪﻫﯟﺍﻟﻨﯩﯔ ﻳﯩﻠﺪﯨﻦ ‏- ﻳﯩﻠﻐﺎ ﻳﺎﺧﺸﯩﻠﯩﻨﯩﯟﺍﺗﻘﺎﻧﻠﯩﻘﯩﻨﻰ، ﻛﯩﺸﯩﻠﻪﺭﻧﯩﯔ ﻳﺎﺧﺸﻰ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﻫﯧﺲ ﻗﯩﻠﯩﻤﻪﻥ . ﺋﯘ ﻳﻪﺭﺩﻩ ﻫﻪﺭ ﺧﯩﻞ ﺧﻪﻟﻘﻠﻪﺭ ﺑﯩﻠﻪﻥ ﺋﺎﺯﺍﺩﻩ ﭘﺎﺭﺍﯕﻼﺷﻘﯩﻠﻰ ، ﺋﯘﻻﺭﻧﯩﯔ ﻣﻪﺩﻩﻧﯩﻴﯩﺘﻰ ، ﺗﯩﻠﻰ ، ﺋﯚﺭﭖ -ﺋﺎﺩﻩﺗﻠﯩﺮﻯ ﺑﯩﻠﻪﻥ ﺋﯘﭼﺮﺍﺷﻘﯩﻠﻰ ﺑﻮﻟﯩﺪﯗ. ﺑﯘ ﻳﻪﺭﺩﻩ ﻧﺎﻣﺮﺍﺗﻠﯩﻖ، ﺑﻪﺯﻯ ﻧﺎﺗﻮﻏﺮﺍ ﻗﺎﺋﯩﺪﯨﻠﻪﺭ، ﻣﯘﻫﯩﺖ ﻣﻪﺳﯩﻠﯩﺴﻰ ﺑﺎﺭ ﺩﯦﻴﯩﻠﺴﯩﻤﯘ ، ﺋﻪﻣﻤﺎ ﺑﯘ ﭘﯜﺗﯜﻥ ﺧﯩﺘﺎﻳﺪﯨﻜﻰ ﺋﻮﺧﺸﺎﺵ ﺋﻪﻫﯟﺍﻝ ، ﭘﻪﻗﻪﺕ ﺋﯘﻳﻐﯘﺭﻻﺭﻧﯩﯖﻼ ﺑﯧﺸﯩﻐﺎ ﻛﻪﻟﮕﻪﻥ ﻛﯜﻥ ﺋﻪﻣﻪﺱ.

ﺋﯘﻳﻐﯘﺭ ﻗﯩﺰﻯ ﻣﻪﻟﯩﻜﻪ ﺑﯘ ﺧﯩﺘﺎﻱ ﺋﺎﻳﺎﻟﻨﯩﯔ ﻣﺎﻗﺎﻟﯩﺴﯩﮕﻪ ﻗﯩﻠﻐﺎﻥ ﺟﺎﯞﺍﺑﻰ

ﺋﯘﻳﻐﯘﺭ ﻗﯩﺰﻯ ﻣﻪﻟﯩﻜﻪ ﺑﯘ ﺧﯩﺘﺎﻱ ﺋﺎﻳﺎﻟﻨﯩﯔ ﻣﺎﻗﺎﻟﯩﺴﯩﮕﻪ ﻗﺎﺭﺷﻰ ﺋﯚﺯ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﯩﭙﺎﺩﯨﻠﻪﭖ ﻣﺎﻗﺎﻟﻪ ﻳﯧﺰﯨﭗ ﺋﯘﻳﻐﯘﺭﻻﺭﻧﯩﯔ ﺋﻮﻣﯘﻣﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﻣﯘﻧﺪﺍﻕ ﭼﯜﺷﻪﻧﭽﻪ ﺑﯧﺮﯨﺪﯗ " ﺋﯘﻳﻐﯘﺭﻻﺭ ﺋﯚﺯ ﺩﯙﻟﯩﺘﯩﻨﯩﯔ ﻧﺎﻣﯩﻨﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺩﻩﭖ ﺋﺎﺗﺎﺷﻘﺎ ﺋﺎﺩﻩﺗﻠﻪﻧﮕﻪﻥ . ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘ ﻳﻪﺭﻧﻰ ﺑﯧﺴﯩﯟﯦﻠﯩﺸﺘﯩﻦ ﺋﯩﻠﮕﯩﺮﻯ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺑﯩﺮ ﻣﯘﺳﺘﻪﻗﯩﻞ ﺩﯙﻟﻪﺕ ﺋﯩﺪﻯ. ﻣﻪﻥ ﺩﻩﻝ ﺷﻪﺭﻗﻰ ﺗﯜﺭﻛﯩﺴﺘﺎﻧﺪﺍ ﺗﯘﻏﯘﻟﻐﺎﻥ ﺑﯩﺮ ﺋﯘﻳﻐﯘﺭ ، ﻟﯧﻜﯩﻦ ﻣﻪﻥ ﺷﯩﯟﯦﺘﺴﯩﻴﻪﺩﻩ ﭼﻮﯓ ﺑﻮﻟﺪﯗﻡ. ﻣﻪﻥ ﻣﺎﻗﺎﻟﻪ ﺋﺎﭘﺘﻮﺭﻯ ﻳﯘ ﻣﯩﻨﻠﯩﯖﻐﺎ ﺷﯘﻧﺪﺍﻕ ﺩﯦﮕﯜﻡ ﻛﯧﻠﯩﺪﯗ.

ﺋﻪﮔﻪﺭ ﻣﯘﺷﯘ 50 ﻧﻪﭼﭽﻪ ﻳﯩﻠﺪﯨﻦ ﺑﯩﺮﻯ 9 ﻣﯩﻠﻴﻮﻧﺪﯨﻦ ﻛﯚﭖ ﺑﻮﻟﻐﺎﻥ ﺧﯩﺘﺎﻳﻼﺭ ﺷﯟﯦﺘﺴﯩﻴﯩﮕﻪ ﻛﯧﻠﯩﭗ ﺋﻮﺭﯗﻧﻼﺷﻘﺎﻥ ﺑﻮﻟﺴﺎ ، ﺑﯩﺰ ﺋﯚﺯ ﻳﯧﺮﯨﻤﯩﺰﺩﻩ ﺋﺎﺯ ﺳﺎﻧﻠﯩﻘﻘﺎ ﺋﺎﻳﻠﯩﻨﯩﭗ ﻗﺎﻟﺴﺎﻕ ، ﺧﯩﺘﺎﻳﻼﺭ ﺑﯩﺰﻧﯩﯔ ﺋﯚﺯﯨﻤﯩﺰﻧﯩﯔ ﺗﯩﻠﯩﻨﻰ ﺳﯚﺯﻟﯩﮕﯩﻠﻰ ﻗﻮﻳﻤﯩﺴﺎ ، ﻫﻪﻣﻤﯩﻨﻰ ﺋﯚﺯﻟﯩﺮﻯ ﻛﻮﻧﺘﺮﻭﻝ ﻗﯩﻠﻐﺎﻥ ﺑﻮﻟﺴﺎ ﭘﯜﺗﯜﻥ ﻣﻪﻛﺘﻪﭘﻠﻪﺭﺩﻩ ﺷﯩﯟﯦﺖ ﺗﯩﻠﯩﻨﻰ ﺗﺎﻗﯩﯟﯦﺘﯩﭗ ،ﭘﻪﻗﻪﺕ ﺧﯩﺘﺎﻱ ﺗﯩﻠﻰ ﺋﯚﮔﯩﻨﯩﺸﻜﻪ ﻣﻪﺟﺒﯘﺭ ﻗﯩﻠﺴﺎ ، ﺳﯩﻠﻪﺭ ﻧﯧﻤﻪ ﺩﻩﭖ ﺋﻮﻳﻠﯩﻐﺎﻥ ﺑﻮﻻﺗﺘﯩﯖﻼﺭ ؟ ﺋﻪﻣﻤﺎ، ﺑﯘ ﺋﯩﺶ ﺷﯩﯟﯦﺘﺴﯩﻴﻪﺩﻩ ﺋﻪﻣﻪﺱ ﺷﻪﺭﻗﻰ ﺗﯜﺭﻛﯩﺴﺘﺎﻧﺪﺍ ﻳﯘﺯ ﺑﯧﺮﯨﯟﺍﺗﯩﺪﯗ. 11 ‏- ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯩﻴﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﻟﯩﺮﯨﻨﯩﯔ ﻫﻪﻕ ‏-ﻫﻮﻗﯘﻗﻠﯩﺮﻯ ﺋﯜﭼﯜﻥ ﻛﯜﺭﻩﺵ ﻗﯩﻠﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺑﯚﻟﮕﯜﻧﭽﻰ ، ﺩﯨﻨﯩﻲ ﺋﻪﺳﻪﺑﯩﻲ ، ﺗﯧﺮﺭﻭﺭﭼﻰ ﺩﯦﮕﻪﻧﺪﻩﻙ ﻧﺎﻣﻼﺭ ﺑﯩﻠﻪﻥ ﻗﺎﺗﺘﯩﻖ ﺟﺎﺯﺍﻻﯞﺍﺗﯩﺪﯗ.

ﻫﻮﻗﯘﻕ ﯞﻩ ﭘﯘﻝ ، ﺋﻪﺧﻼﻕ ﯞﻩ ﻏﯘﺭﯗﺭﺩﯨﻦ ﺋﯜﺳﺘﯜﻥ ﺗﯘﺭﯗﯞﺍﺗﻘﺎﻥ ﺑﯜﮔﯜﻧﻜﻰ ﻛﯜﻧﺪﻩ ، ﺧﯩﺘﺎﻱ ﻫﯚﻛﯜﻣﯩﺘﻰ ﺏ ﺩ ﺕ ﻧﯩﯔ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﯩﺪﻩ ﺋﻮﻟﺘﯘﺭﯗﯞﯦﻠﯩﭗ ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﯩﻨﯩﯔ ﺩﯗﻧﻴﺎﻏﺎ ﺋﺎﺷﻜﺎﺭﯨﻠﯩﻨﯩﺸﯩﻨﻰ ﻳﯘﺷﯘﺭﯗﭖ ﻗﯧﻠﯩﯟﺍﺗﯩﺪﯗ ﯞﻩ ﺋﯘﭼﯘﺭ ﻳﻮﻟﻠﯩﺮﯨﻨﻰ ﻫﻪﺭ ﺋﺎﻣﺎﻟﻼﺭ ﺑﯩﻠﻪﻥ ﺗﻮﺳﯘﭖ ﻗﯧﻠﯩﯟﺍﺗﯩﺪﯗ. ﺋﻪﺳﻠﯩﺪﻩ ﺋﯘﻳﻐﯘﺭﻻﺭﻧﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻜﯩﮕﻪ ﻗﺎﺭﯨﺘﯩﻠﻐﺎﻥ ﺑﯘ ﺟﯩﻨﺎﻳﻪﺕ ﭘﺎﭼﺎﻗﻠﯩﻨﯩﭗ ﺋﯘﻳﻐﯘﺭﻻﺭﻧﯩﯔ ﻳﺎﺷﯩﺸﻰ ﺋﯜﭼﯜﻥ ﻫﺎﻳﺎﺕ ﻧﯘﺭﻯ ﺑﯧﺮﯨﻠﯩﺸﻰ ﻛﯧﺮﻩﻙ ﺋﯩﺪﻯ، ﺩﻩﻳﺪﯗ ﺋﯘﻳﻐﯘﺭ ﻗﯩﺰﻯ ﻣﻪﻟﯩﻜﻪ ﻣﺎﻗﺎﻟﯩﺴﯩﻨﯩﯔ ﺋﺎﺧﯩﺮﯨﺪﺍ.(ﻳﺎﻟﻘﯘﻥ)