ﺧﯩﺘﺎﻳﺪﺍ ﻳﯧﯖﯩﺪﯨﻦ ﭼﯩﻘﻘﺎﻥ ﻳﯜﺯ ﻣﯩﻠﻠﻴﻮﻧﭽﻰ ﺋﯜﭺ ﭼﻮﯓ ﺑﺎﻱ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

'ﻛﯚﺯﯨﺘﯩﺶ ﮊﯗﺭﻧﯩﻠﻰ'ﻧﯩﯔ 2008 ‏- ﻳﯩﻞ 1 ‏- ﺋﺎﻳﻨﯩﯔ 8 ‏- ﻛﯜﻧﯩﺪﯨﻜﻰ ﺳﺎﻧﯩﺪﺍ ﺧﯩﺘﺎﻳﺪﺍ ﻳﯧﯖﯩﺪﯨﻦ ﺑﺎﺵ ﻛﯚﺗﯜﺭﯛﭖ ﭼﯩﻘﻘﺎﻥ ﺋﯜﭺ ﭼﻮﯓ ﺑﺎﻱ ﻫﻪﻗﻘﯩﺪﻩ ﻳﯧﺰﯨﻠﻐﺎﻥ ﺑﯩﺮ ﺋﻮﺑﺰﻭﺭ ﺋﯧﻼﻥ ﻗﯩﻠﯩﻨﺪﻯ. ﺋﯘﻧﯩﯖﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯧﻴﯩﺪﯨﻦ ﻛﯧﻴﯩﻦ ﻣﯩﻠﻴﻮﻧﭽﻰ ﺑﺎﻱ ﺋﻪﻣﻪﺱ، ﺑﻪﻟﻜﻰ ﻳﯜﺯ ﻣﯩﻠﻴﻮﻧﭽﻰ ﺑﺎﻳﻼﺭﺩﯨﻦ ﺋﯜﭼﻰ ﺑﺎﺵ ﻛﯚﺗﯜﺭﯛﭖ ﭼﯩﻘﺘﻰ. ﺑﯘ ﺑﺎﻳﻼﺭ ﺋﯚﺯ ﻳﯧﻨﯩﺪﯨﻦ ﺑﯩﺮ ﺗﯧﻴﯩﻦ ﺳﻪﺭﭖ ﻗﯩﻠﻤﯩﻐﺎﻥ، ﺑﻪﻟﻜﻰ ﻫﻮﻗﯘﻗﻘﺎ ﺗﺎﻳﯩﻨﯩﭗ ﺑﯧﻴﯩﻐﺎﻧﻼﺭ.

ﻳﯜﺯ ﻣﯩﻠﻴﻮﻧﭽﻰ ﭼﻮﯓ ﺑﺎﻳﻨﯩﯔ ﺑﯩﺮﯨﻨﭽﯩﺴﻰ ﺧﯘ ﺟﯩﻨﺘﺎﯞ

ﻣﻪﺯﻛﯘﺭ ﺋﻮﺑﺰﻭﺭﺩﺍ 'ﺏ ﺏ ﺱ'، 'ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﻰ' ﻧﯩﯔ ﺑﯘﻫﻪﻗﺘﯩﻜﻰ ﺗﻪﭘﺴﯩﻠﯩﻲ ﺧﻪﯞﻩﺭﻟﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯘﻟﺘﯘﺭ 12 ‏- ﺋﺎﻳﺪﺍ ﺧﯘ ﺟﯩﻨﺘﺎﯞﻧﯩﯔ ﺋﻮﻏﻠﻰ ﺧﯘ ﺧﻪﻳﻔﯧﯖﻨﯩﯔ ﺑﯩﺮ ﺷﯩﺮﻛﯩﺘﻰ31 ﺋﯚﻟﻜﻪ، ﺷﻪﻫﻪﺭ، ﺋﺎﭘﺘﻮﻧﻮﻡ ﺭﺍﻳﻮﻧﺪﯨﻜﻰ 147 ﺋﺎﻳﺮﻭﺩﺭﻭﻣﻨﯩﯔ ﻫﻪﻣﻤﯩﺴﻰ ﺑﯩﻠﻪﻥ ﺑﯩﺨﻪﺗﻪﺭﻟﯩﻚ ﺋﯜﺳﻜﯜﻧﯩﻠﯩﺮﻯ ﺩﻭﮔﯟﺍﺭﻯ ﺗﯜﺯﺩﻯ، ﺋﯘﻧﯩﯔ ﻗﯩﻤﻤﯩﺘﻰ ﺑﯩﺮ ﻧﻪﭼﭽﻪ ﻣﯩﻠﻴﺎﺭﺩ ﻳﯘﻩﻥ.

ﺑﯘﻧﯩﯖﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻳﺪﯨﻜﻰ ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭ 'ﺑﯩﺨﻪﺗﻪﺭﻟﯩﻜﻨﻰ ﻛﯜﭼﻪﻳﺘﯩﭗ، ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﺋﯜﭼﯜﻥ' ﺩﯦﮕﻪﻥ ﻧﺎﻡ ﺑﯩﻠﻪﻥ ﺧﯘ ﺟﯩﻨﺘﺎﯞﻧﯩﯔ ﺋﻮﻏﻠﯩﺪﯨﻦ ﺳﯘﻳﯘﻗﻠﯘﻕ ﺋﯧﻜﯩﺲ ﻧﯘﺭ ﺋﯜﺳﻜﯜﻧﯩﺴﻰ ﺳﯧﺘﯩﯟﯦﻠﯩﭗ، ﺋﯘﻧﻰ ﺋﺎﻳﺮﻭﺩﺭﻭﻣﻼﺭﻧﯩﯔ ﻫﻪﻣﻤﯩﺴﯩﮕﻪ ﺋﻮﺭﯗﻧﻼﺷﺘﯘﺭﯨﺪﯗ. ﻫﻪﺭ ﺑﯩﺮ ﺋﯜﺳﻜﯜﻧﯩﻨﯩﯔ ﺳﯧﺘﯩﻠﯩﺶ ﺑﺎﻫﺎﺳﻰ 200 ﻣﯩﯔ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ. ﺑﯘ ﺳﯧﺴﺘﯩﻤﯩﻨﻰ ﻗﻮﺭﺍﺷﺘﯘﺭﯗﺵ، ﺭﯨﻤﯘﻧﯩﺖ ﻗﯩﻠﯩﺶ ﻣﯘﻻﺯﯨﻤﯩﺘﯩﻨﯩﻤﯘ ﻣﯘﺷﯘ ﺷﯩﺮﻛﻪﺕ ﺑﯩﺠﯩﺮﯨﺪﯗ. ﺩﯦﻤﻪﻙ، ﺧﯘ ﺟﯩﻨﺘﺎﯞ ﺟﻪﻣﻪﺗﻰ ﻳﯧﻘﯩﻨﺪﯨﻼ ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭ ﺑﯩﻠﻪﻥ ﺳﻮﺩﺍ ﻗﯩﻠﯩﭗ ﺑﯩﺮ ﻗﯧﺘﯩﻤﺪﯨﻼ ﺑﯩﺮ ﻧﻪﭼﭽﻪ ﻣﯩﻠﻴﺎﺭﺩ ﻳﯘﻩﻥ ﭘﯘﻝ ﺗﺎﭘﺘﻰ.

ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻛﻮﻣﻤﯘﻧﯩﺴﺖ ﺧﯩﺘﺎﻳﻨﯩﯔ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺟﻪﻣﻪﺗﯩﻨﯩﯔ ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﺭ-ﺯﯦﻤﯩﻦ، ﺗﯘﺭﺍﻟﻐﯘ، ﭘﺎﻱ ﭼﯧﻜﻰ، ﺩﻭﺧﺘﯘﺭﺧﺎﻧﺎ، ﺋﯘﭼﯘﺭ ﺳﺎﻧﺎﺋﯩﺘﻰ، ﺩﯙﻟﻪﺕ ﺋﯩﮕﯩﻠﯩﻜﯩﺪﯨﻜﻰ ﺷﯩﺮﻛﻪﺗﻠﻪﺭﻧﻰ ﺋﯚﺯﮔﻪﺭﺗﯩﺶ ﻣﯘﻻﺯﯨﻤﯩﺘﻰ ﻗﺎﺗﺎﺭﻟﯩﻖ ﺗﺎﭘﺎﯞﯨﺘﻰ ﻛﯚﭖ ﻛﻪﺳﭙﻰ ﺗﯩﺠﺎﺭﻩﺗﻠﯩﺮﻯ ﭘﯜﺗﯜﻥ ﻣﻪﻣﻠﯩﻜﻪﺕ ﺩﺍﺋﯩﺮﯨﺴﯩﺪﻩ ﺩﺍﯞﺍﻣﻠﯩﺸﯩﯟﺍﺗﯩﺪﯗ.

ﻳﯜﺯ ﻣﯩﻠﻴﻮﻧﭽﻰ ﭼﻮﯓ ﺑﺎﻳﻨﯩﯔ ﺋﯩﻜﻜﯩﻨﭽﯩﺴﻰ ﯞﯦﻦ ﺟﻴﺎﺑﺎﯞ

ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻛﻮﻣﻤﯘﻧﯩﺴﺖ ﺧﯩﺘﺎﻳﻨﯩﯔ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞﻧﯩﯔ ﺋﻮﻏﻠﻰ ﯞﯦﻦ ﻳﯜﻧﺴﯘﯓ ﺑﯘﻟﺘﯘﺭ 'ﭘﯩﯖﺌﻪﻥ ﺳﯘﻏﯘﺭﺗﺎ ﺷﯩﺮﻛﯩﺘﻰ'ﻧﯩﯔ 3 ﻣﯩﻠﻴﺎﺭﺩ 200 ﻣﯩﻠﻴﻮﻥ ﻳﯘﻩﻧﻠﯩﻚ ﺋﯩﭙﺘﯩﺪﺍﺋﯩﻲ ﭘﺎﻱ ﭼﯧﻜﯩﻨﻰ 46 ﻣﯩﻠﻴﻮﻥ ﻳﯘﻩﻧﮕﻪ ﺳﯧﺘﯩﯟﺍﻟﻐﺎﻥ ﺋﯩﺪﻯ. ﮔﻪﺭﭼﻪ ﯞﯦﻦ ﺟﻴﺎﺑﺎﯞ ﺟﻪﻣﻪﺗﻰ ﺑﯘ ﺳﻮﺩﺍ ﺋﯜﭼﯜﻥ ﺋﯚﺯ ﻳﺎﻧﭽﯘﻗﯩﺪﯨﻦ ﺑﯩﺮ ﺗﯧﻴﯩﻦ ﭘﯘﻝ ﺳﻪﺭﭖ ﻗﯩﻠﻤﯩﻐﺎﻥ ﺑﻮﻟﺴﯩﻤﯘ، ﺟﯘﯕﮕﻮ ﺗﯩﺠﺎﺭﻩﺕ ﺑﺎﻧﻜﯩﺴﻰ ﻳﻪﻧﯩﻼ ﯞﯦﻦ ﺟﻴﺎﺑﺎﯞ ﺟﻪﻣﻪﺗﯩﻨﯩﯔ 46 ﻣﯩﻠﻴﻮﻥ ﻳﯘﻩﻥ ﻣﻪﺑﻠﯩﻐﻰ ﺑﺎﺭ ﺩﻩﭖ ﺋﺎﻳﺮﯨﻢ ﻫﯧﺴﺎﺏ ﺋﺎﭼﺘﻰ.

ﺷﯘﻧﯩﯖﺪﯨﻦ ﻛﯧﻴﯩﻦ، ﯞﯦﻦ ﺟﻴﺎﺑﺎﯞ 2007 ‏- ﻳﯩﻞ 6 ‏- ﺋﺎﻳﻨﯩﯔ 24 ‏- ﻛﯜﻧﻰ، 'ﭘﯩﯖﺌﻪﻥ ﺳﯘﻏﯘﺭﺗﺎ ﺷﯩﺮﻛﯩﺘﻰ'ﻧﯩﯔ 3 ﻣﯩﻠﻴﺎﺭﺩ 200 ﻣﯩﻠﻴﻮﻧﻠﯘﻕ ﭘﺎﻱ ﭼﯧﻜﯩﻨﻰ ﺧﻮﯕﻜﻮﯕﺪﺍ ﺑﺎﺯﺍﺭﻏﺎ ﺳﯧﻠﯩﺸﻘﺎ ﺗﻪﺳﺘﯩﻖ ﺳﺎﻟﺪﻯ. ﻳﯩﻞ ﺋﺎﺧﯩﺮﯨﺪﺍ، ﺑﯘ ﺷﯩﺮﻛﻪﺗﻨﯩﯔ ﭘﺎﻱ ﭼﯧﻜﻰ ﺋﯚﺳﯜﭖ 7 ﻣﯩﻠﻴﺎﺭﺩ 130 ﻣﯩﻠﻴﻮﻥ ﻳﯘﻩﻥ ﺑﻮﻟﺪﻯ. ﺑﯘﻧﯩﯔ ﺑﯩﻠﻪﻥ ﯞﯦﻦ ﺟﻴﺎﺑﺎﯞ ﺟﻪﻣﻪﺗﻰ ﻳﺎﻧﭽﯘﻗﯩﺪﯨﻦ ﺑﯩﺮ ﺗﯧﻴﯩﻦ ﺧﻪﺟﻠﯩﻤﻪﻳﻼ ﺧﯩﺘﺎﻳﺪﺍ ﻳﯧﯖﯩﺪﯨﻦ ﺑﯧﻴﯩﻐﺎﻥ ﺋﯩﻜﻜﯩﻨﭽﻰ ﭼﻮﯓ ﻳﯜﺯ ﻣﯩﻠﻴﻮﻧﭽﻰ ﺑﺎﻱ ﺑﻮﻟﯘﭖ ﺑﺎﺵ ﻛﯚﺗﯜﺭﯛﭖ ﭼﯩﻘﺘﻰ.

ﻳﯜﺯ ﻣﯩﻠﻴﻮﻧﭽﻰ ﭼﻮﯓ ﺑﺎﻳﻨﯩﯔ ﺋﯜﭼﯩﻨﭽﯩﺴﻰ ﯞﯗ ﮔﯘﻩﻧﺠﯧﯔ

ﺑﯘ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻣﻪﺭﻛﯩﺰﻯ ﻛﻮﻣﯩﺘﯧﺖ ﺋﯩﻨﺘﯩﺰﺍﻡ ﺗﻪﻛﺸﯜﺭﯛﺵ ﻛﻮﻣﯩﺘﯧﺘﯩﻨﯩﯔ ﺳﯧﻜﺮﯨﺘﺎﺭﻯ ﯞﯗ ﮔﯘﻩﻧﺠﯧﯖﻨﯩﯔ ﺋﻮﻏﻠﻰ ﯞﯗ ﺯﯗﺧﯘﺍ 'ﺗﻴﻪﻧﻴﻰ ﻫﻪﺳﺴﯩﺪﺍﺭﭼﯩﻠﯩﻖ ﺷﯩﺮﻛﯩﺘﻰ'ﻧﯩﯔ ﺑﺎﺵ ﻣﯘﺩﯨﺮﻯ ﺋﯩﺪﻯ. ﺑﯘ ﺷﯩﺮﻛﻪﺕ ﻫﯧﭽﻜﯩﻢ ﺑﯩﻠﻪﻥ ﺳﻮﺩﯨﻼﺷﻤﺎﻳﻼ ﭼﯩﯖﺪﺍﯞ ﺷﻪﻫﯩﺮﯨﻨﯩﯔ ﺩﯦﯖﯩﺰ ﺑﻮﻳﻠﯩﺮﯨﺪﯨﻜﻰ ﻣﻪﻧﺰﯨﺮﯨﺴﻰ ﺋﻪﯓ ﮔﯜﺯﻩﻝ ﺟﺎﻳﻼﺭﺩﯨﻦ ﺋﺎﻳﺮﯨﻢ ﺑﺎﻫﺎﺳﯩﻨﻰ 100 ﻣﯩﯔ ﻳﯘﻩﻧﺪﯨﻦ ﺑﯩﻜﯩﺘﯩﭗ ﻗﻮﻳﯘﭖ ﭘﯘﻟﯩﻨﻰ ﺗﯚﻟﯩﻤﻪﻳﻼ 3000 ﻣﻮ ﻳﻪﺭﻧﻰ ﺋﯩﮕﯩﻠﯩﯟﺍﻟﻐﺎﻥ ﺋﯩﺪﻯ. 17 ‏- ﻗﯘﺭﯗﻟﺘﺎﻳﺪﯨﻦ ﻛﯧﻴﯩﻦ، ﯞﯗ ﮔﯘﻩﻧﺠﯧﯔ ﺋﯩﻨﺘﯩﺰﺍﻡ ﺗﻪﻛﺸﯜﺭﯛﺵ ﻛﻮﻣﯩﺘﯧﺘﯩﻨﯩﯔ ﺳﯧﻜﺮﯨﺘﺎﺭﻟﯩﻘﯩﺪﯨﻦ ﺋﯩﺴﺘﯩﭙﺎ ﺑﯧﺮﯨﺶ ﺋﺎﻟﺪﯨﺪﺍ ﺗﯘﺭﻏﺎﻧﺪﺍ، ﺋﻮﻏﻠﻰ ﯞﯗ ﺯﯗﺧﯘﺍ ﺑﯘ ﺯﯦﻤﯩﻨﻨﻰ ﺑﯩﺮﺍﻗﻼ ﺳﯧﺘﯩﯟﯨﺘﯩﭗ، ﺋﯘﻧﯩﯖﺪﯨﻦ ﺗﺎﭘﻘﺎﻥ ﻧﻪﻕ ﭘﯘﻟﻨﻰ ﺋﯚﺯﯨﻨﯩﯔ ﻗﺎﻧﯘﻧﻠﯘﻕ ﺧﯘﺳﯘﺳﯩﻲ ﻣﯜﻟﻜﯩﮕﻪ ﺋﺎﻳﻼﻧﺪﯗﺭﯗﯞﺍﻟﺪﻯ.

'ﺏ ﺏ ﺱ'، 'ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﻰ' ﻣﯘﺧﺒﯩﺮﻟﯩﺮﻯ ﺑﺎﻳﺎﻥ ﻗﯩﻠﻐﺎﻥ ﺗﻪﭘﺴﯩﻼﺗﻼﺭﻏﺎ ﻗﺎﺭﯨﻐﺎﻧﺪﺍ، ﯞﯗ ﺯﯗﺧﯘﺍ 2007 ‏- ﻳﯩﻠﻰ 12 ‏- ﺋﺎﻳﻨﯩﯔ 1 ‏- ﻛﯜﻧﻰ، 'ﺟﯘﯕﮕﻮ ﺋﺎﺷﯩﻠﯩﻖ ﺷﯩﺮﻛﯩﺘﻰ'ﻧﯩﯔ ﺑﺎﺵ ﻣﯘﺩﯨﺮﻯ ﻧﺎﻣﻰ ﺑﯩﻠﻪﻥ ﭼﯩﯖﺪﺍﯞ ﺷﻪﻫﯩﺮﯨﮕﻪ ﻗﺎﻳﺘﯩﺪﯨﻦ ﻗﻮﻝ ﺳﯧﻠﯩﭗ، 'ﺗﻴﻪﻧﻴﻰ ﻫﻪﺳﺴﯩﺪﺍﺭﻟﯩﻖ ﺷﯩﺮﻛﯩﺘﻰ'ﻧﯩﯔ ﺩﯦﯖﯩﺰ ﺑﻮﻳﻠﯩﺮﯨﺪﯨﻜﻰ ﻫﻪﺭ ﺧﯩﻞ ﻛﻪﺳﭗ ﭘﺎﻱ ﭼﯧﻜﯩﻨﻰ ﺑﯩﺮﺍﻗﻼ 2 ﻣﯩﻠﻴﺎﺭﺩ 170 ﻣﯩﻠﻴﻮﻥ ﻳﯘﻩﻧﮕﻪ ﺳﯧﺘﯩﯟﺍﻟﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﭼﯩﯖﺪﺍﯞﻧﯩﯔ ﺩﯦﯖﯩﺰ ﺑﻮﻳﻠﯩﺮﯨﺪﺍ ﻫﻪﺭ ﺧﯩﻞ ﺋﺎﺭﺍﻣﮕﺎﻫﻼﺭ ﻗﯘﺭﯗﻟﯘﺷﻰ ﺑﺎﺷﻼﻧﺪﻯ. ﻫﺎﺯﯨﺮ ﺑﯘ ﺷﯩﺮﻛﻪﺗﻨﯩﯔ ﭘﺎﻱ ﭼﯧﻜﯩﻨﯩﯔ ﻗﯩﻤﻤﯩﺘﻰ 29 ﻫﻪﺳﺴﻪ ﺋﯚﺭﻟﯩﺪﻯ.

'ﺏ ﺏ ﺱ' ﯞﻩ 'ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﻰ' ﻣﯘﺧﺒﯩﺮﻟﯩﺮﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ ﻳﻪﻧﻪ، 'ﺗﻴﻪﻧﻴﻰ ﻫﻪﺳﺴﯩﺪﺍﺭﻟﯩﻖ ﺷﯩﺮﻛﯩﯩﺘﻰ' ﭼﯩﯖﺪﺍﯞ ﺷﻪﻫﯩﺮﯨﻨﯩﯔ ﺩﯦﯖﯩﺰ ﺑﻮﻳﻠﯩﺮﯨﺪﺍ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻣﻪﻧﺰﯨﺮﻩ، ﺋﺎﺭﺍﻣﮕﺎﻫ ﻗﯘﺭﯗﻟﯘﺷﻠﯩﺮﯨﺪﯨﻦ ﻫﺎﺯﯨﺮﻏﺎ ﻗﻪﺩﻩﺭ ﭘﯜﺗﻜﻪﻧﻠﯩﺮﻯ ﺑﯩﺮ ﻣﯩﻠﻴﻮﻥ 452 ﻣﯩﯔ 880 ﻛﯟﺍﺩﯨﺮﺍﺕ ﻣﯧﺘﯩﺮ. ﺑﯘ ﻗﯘﺭﯗﻟﯘﺷﻼﺭ 2100 ﻣﻮ ﻳﻪﺭ ﺩﺍﺋﯩﺮﯨﺴﯩﺪﻩ. ﺗﯧﺨﻰ ﭘﯜﺗﻤﯩﮕﻪﻥ ﻫﻪﻡ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺗﯧﺨﯩﻤﯘ ﻫﻪﺷﻪﻣﻪﺗﻠﯩﻚ ﻗﯘﺭﯗﻟﯘﺷﻼﺭ 688 ﻣﯩﯔ 500 ﻛﯟﺍﺩﺭﺍﺕ ﻣﯧﺘﯩﺮ، ﺑﯘ 3100 ﻣﻮ ﻳﻪﺭ ﺩﺍﺋﯩﺮﯨﺴﯩﺪﺍ. ﺩﯦﻤﻪﻙ، ﺑﯘ ﻗﯘﺭﯗﻟﯘﺷﻼﺭﻧﯩﯔ ﻫﻪﻣﻤﺴﻰ ﭘﯜﺗﻜﻪﻧﺪﯨﻦ ﻛﯧﻴﯩﻦ، ﭼﯩﯖﺪﺍﯞ ﺷﻪﻫﯩﺮﯨﻨﯩﯔ ﺷﻪﺭﻗﯩﻲ ﺩﯦﯖﯩﺰ ﻗﯩﺮﻏﺎﻗﻠﯩﺮﯨﺪﯨﻜﻰ ﺋﺎﺭﺍﻣﮕﺎﻫ، ﺷﯩﭙﺎﺧﺎﻧﻪ، ﻛﯚﯕﯜﻝ ﺋﯧﭽﯩﺶ، ﺳﻮﺩﺍ -ﺗﯩﺠﺎﺭﻩﺕ ﻫﻪﻣﻤﯩﺴﻰ ﺑﯩﺮ ﮔﻪﯞﺩﻩ ﺑﻮﻟﯘﭖ ﻳﯜﺭﯛﺷﻠﻪﺷﻜﻪﻥ ﻫﺎﯞﺍﻟﯩﻖ ﺩﯦﯖﯩﺰ ﺳﺎﻫﯩﻠﻠﯩﺮﻯ، ﮔﯜﺯﻩﻝ ﻣﻪﻧﺰﯨﺮﯨﻠﯩﻚ ﺗﺎﻍ ﭼﯘﻗﯩﻠﯩﺮﻯ، ﺋﺎﻟﯩﻲ ﺳﻪﻳﻠﯩﮕﺎﻫﻼﺭ، ﺭﺍﻫﻪﺗﻠﯩﻚ ﺋﺎﺭﺍﻣﮕﺎﻫﻼﺭ ﭘﯜﺗﯜﻧﻠﻪﻱ ﻛﻮﻣﻤﯘﻧﯩﺴﺖ ﺧﯩﺘﺎﻳﻨﯩﯔ ﺳﺎﺑﯩﻖ ﻣﻪﺭﻛﯩﺰﻯ ﺋﯩﻨﺘﯩﺰﺍﻡ ﺗﻪﻛﺸﯜﺭﯛﺵ ﻛﻮﻣﯩﺘﯧﺘﯩﻨﯩﯔ ﺳﯧﻜﺮﯨﺘﺎﺭﻯ ﯞﯗ ﮔﯘﻩﻧﺠﯧﯔ ﺟﻪﻣﻪﺗﯩﻨﯩﯔ ﻗﺎﻧﯘﻧﻠﯘﻕ ﺧﯘﺳﯘﺳﯩﻲ ﻣﯜﻟﻜﻰ ﯞﻩ ﺗﯩﺠﺎﺭﯨﺘﯩﮕﻪ ﺋﺎﻳﻠﯩﻨﯩﭗ ﺑﻮﻟﯩﺪﯗ. (ﯞﻩﻟﻰ)