ﺧﯘ ﺟﯩﻨﺘﺎﯞ ﺋﻪﮔﻪﺭ ﻣﺎﯞﺯﯦﺪﯗﯕﻐﺎ ﺋﻪﺗﺮﺍﭘﻠﯩﻖ ﺑﺎﻫﺎ ﺑﯧﺮﯨﺸﻨﻰ ﺑﺎﺷﻠﯩﻤﯩﺴﺎ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﮔﯘﻣﺮﺍﻥ ﺑﻮﻟﯩﺪﯗ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﭼﻪﺗﺌﻪﻟﻠﻪﺭﺩﻩ ﺧﯩﺘﺎﻳﭽﻪ، ﺋﯩﻨﮕﻠﯩﺰﭼﻪ ﻧﻪﺷﺮ ﻗﯩﻠﯩﻨﯩﺪﯨﻐﺎﻥ 'ﻳﯧﯖﻰ ﺋﻪﺳﯩﺮ ﮊﯗﺭﻧﯩﻠﻰ' ﻧﯩﯔ 2008 ‏- ﻳﯩﻞ 1 ‏- ﺋﺎﻳﻨﯩﯔ 30 ‏- ﻛﯜﻧﯩﺪﯨﻜﻰ ﺳﺎﻧﯩﺪﺍ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺋﻮﺭﮔﯩﻨﻰ 'ﺧﻪﻟﻖ ﮔﯧﺰﯨﺘﻰ'ﻧﯩﯔ ﺳﺎﺑﯩﻖ ﺑﺎﺵ ﻣﯘﻫﻪﺭﺭﯨﺮﻯ، ﺧﯩﺘﺎﻱ ﻣﻪﻣﻠﯩﻜﻪﺗﻠﯩﻚ ﺧﻪﻟﻖ ﻗﯘﺭﯗﻟﺘﯧﻴﯩﻨﯩﯔ ﺩﺍﺋﯩﻤﯩﻲ ﺋﻪﺯﺍﺳﻰ ﺧﯘ ﺟﯩﯟﯦﻲ ﺋﻪﭘﻪﻧﺪﯨﻨﯩﯔ ﺧﯘ ﺟﯩﻨﺘﺎﯞﻏﺎ ﺑﻪﺭﮔﻪﻥ ﺋﯩﻜﻜﻰ ﺗﯜﺭﻟﯜﻙ ﺗﻪﻛﻠﯩﭙﻰ ﺋﯧﻼﻥ ﻗﯩﻠﯩﻨﺪﻯ. ﺋﯘﻧﯩﯖﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯘ ﺟﯩﯟﯦﻲ ﺋﻪﭘﻪﻧﺪﯨﻨﯩﯔ ﺑﯘ ﺗﻪﻛﻠﯩﭙﯩﻨﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﻳﺎﯞ ﺟﻪﻧﻔﯘ ﺋﻪﭘﻪﻧﺪﻯ ﻳﯧﺰﯨﭗ ﭼﯩﻘﯩﭗ ﺋﯧﻼﻥ ﻗﯩﻠﻐﺎﻥ.

ﺧﯘ ﺟﯩﯟﯦﻲ ﺋﻪﭘﻪﻧﺪﯨﻨﯩﯔ ﺗﻪﺭﺟﯩﻤﻬﺎﻟﯩﻐﺎ ﻗﺎﺭﯨﻐﺎﻧﺪﺍ، ﺧﯘ ﺟﯩﯟﯦﻲ ﺋﻪﭘﻪﻧﺪﻯ 1930 ‏- ﻳﯩﻠﻼﺭﺩﺍ، 'ﺷﯩﺨﯘﺍ ﺋﺎﮔﯧﻨﺘﻠﯩﻘﻰ'ﻧﯩﯔ ﺷﻪﻧﺸﻰ، ﮔﻪﻧﺴﯘ، ﻧﯩﯖﺸﺎ ﭼﯧﮕﺮﺍ ﺭﺍﻳﻮﻧﯩﺪﯨﻜﻰ ﺋﺎﻟﺪﯨﻨﻘﻰ ﺳﻪﭖ ﺷﯚﺑﯩﺴﯩﻨﯩﯔ ﺑﺎﺷﻠﯩﻘﻰ ﯞﻩ 'ﺋﺎﺯﺍﺩﻟﯩﻖ' ﮔﯧﺰﯨﺘﻰ ﻗﺎﺗﺎﺭﻟﯩﻖ ﮔﯧﺰﯨﺘﻠﻪﺭﻧﯩﯔ ﺑﺎﺵ ﻣﯘﻫﻪﺭﺭﯨﺮﻯ ﺑﻮﻟﻐﺎﻥ؛ 1952 ‏- ﻳﯩﻠﻰ 'ﺧﻪﻟﻖ ﮔﯧﺰﯨﺘﻰ'ﻧﯩﯔ ﻣﯘﺋﺎﯞﯨﻦ ﺑﺎﺵ ﻣﯘﻫﻪﺭﺭﯨﺮﻯ، 1970 ‏- ﻳﯩﻠﻼﺭﺩﺍ ﺑﺎﺵ ﻣﯘﻫﻪﺭﺭﯨﺮﻯ ﺑﻮﻟﻐﺎﻥ. ﺑﯘ ﭘﯧﺸﻘﻪﺩﻩﻡ ﻛﻮﻣﻤﯘﻧﯩﺴﺖ ﻳﯧﻘﯩﻨﺪﺍ، ﺧﯩﺘﺎﻳﻨﯩﯔ ﻫﺎﺯﯨﺮﻗﻰ ﺋﻪﯓ ﭼﻮﯓ ﻫﻮﻗﯘﻗﺪﺍﺭﻯ ﺧﯘ ﺟﯩﻨﺘﺎﯞﻏﺎ ﭼﯩﺮﯨﻜﻠﯩﻜﻜﻪ-ﺧﯩﻴﺎﻧﻪﺗﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺷﻨﻰ ﺗﻪﻝ-ﺗﯚﻛﯜﺱ ﺋﯧﻠﯩﭗ ﺑﯧﺮﯨﺶ ﯞﻩ ﻣﺎﯞﺯﯦﺪﯗﯕﻐﺎ ﺋﻪﺗﺮﺍﭘﻠﯩﻖ ﺑﺎﻫﺎ ﺑﯧﺮﯨﺸﺘﯩﻦ ﺋﯩﺒﺎﺭﻩﺕ ﺋﯩﻜﻜﻰ ﺗﯜﺭﻟﯜﻙ ﺗﻪﻛﻠﯩﭗ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ. ﺑﯘ ﺗﻪﻛﻠﯩﭙﻨﻰ ﺑﺎﻳﺎﻥ ﻗﯩﻠﯩﺶ ﺟﻪﺭﻳﺎﻧﯩﺪﺍ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺑﯩﺮ ﻗﺎﺗﺎﺭ ﻣﯘﻫﯩﻢ ﻣﻪﺧﭙﯩﻴﻪﺗﻠﯩﻜﻠﯩﺮﻯ ﺋﺎﺷﻜﺎﺭﯨﻠﯩﻨﯩﭗ ﻗﺎﻟﻐﺎﻥ.

ﺧﯩﻴﺎﻧﻪﺗﭽﯩﻠﯩﻚ ﺩﯦﻠﻮﻟﯩﺮﯨﻨﻰ ﺗﻪﻝ-ﺗﯚﻛﯜﺱ ﺑﯩﺮﺗﻪﺭﻩﭖ ﻗﯩﻠﯩﺶ -ﻗﯩﻠﻤﺎﺳﻠﯩﻖ ﻣﻪﺳﯩﻠﯩﺴﻰ

‏-‏ ﺧﯘ ﺟﯩﻨﺘﺎﯞ، ﯞﯦﻦ ﺟﻴﺎﺑﺎﯞ ﺧﯩﻴﺎﻧﻪﺗﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﻫﺎﻳﺎﺕ-ﻣﺎﻣﺎﺗﻠﯩﻘﯩﻐﺎ ﺗﺎﻗﯩﻠﯩﺪﯨﻐﺎﻥ ﻣﯘﻫﯩﻢ ﻣﻪﺳﯩﻠﻪ،ﺩﻩﯞﺍﺗﯩﺪﯗ، ﺑﯘﻧﺪﺍﻕ ﮔﻪﭘﻨﻰ ﺩﻩﭘﻼ ﻗﻮﻳﺴﺎ ﻫﯧﺴﺎﺏ ﺋﻪﻣﻪﺱ، ﺋﯘﻧﻰ ﺋﻪﻣﻪﻟﯩﻴﻪﺗﺘﻪ ﺋﯩﺠﺮﺍ ﻗﯩﻠﺴﺎ ﻫﯧﺴﺎﺏ، ‏-‏ ﺩﻩﻳﺪﯗ ﺧﯘﺟﯩﯟﯦﻲ ﺋﻪﭘﻪﻧﺪﻯ 'ﻳﯧﯖﻰ ﺋﻪﺳﯩﺮ ﮊﯗﺭﻧﯩﻠﻰ' ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ‏-‏ ﺧﯘ ﺟﯩﻨﺘﺎﯞ ﻗﯩﻠﻐﺎﻥ ﺳﯚﺯﯨﺪﻩ ﻳﻪﻧﻪ 'ﺧﯩﻴﺎﻧﻪﺗﭽﯩﻠﻪﺭﮔﻪ ﺳﯜﻛﯜﺕ ﻗﯩﻠﯩﭗ ﺗﯘﺭﻣﺎﻳﻤﯩﺰ'، ﺩﯦﺪﻯ، ﺋﻪﻣﺪﻯ ﺩﯦﮕﯩﻨﯩﻨﻰ ﺋﻪﻣﻪﻟﺪﻩ ﻛﯚﺭﺳﯩﺘﯩﺸﻰ ﻛﯧﺮﻩﻙ، ﺋﺎﻟﺪﻯ ﺑﯩﻠﻪﻥ ﭼﯧﻦ ﻟﻴﺎﯕﻴﯜ ﺩﯦﻠﻮﺳﻰ ﺑﯩﻠﻪﻥ ﻟﻪﻱ ﭼﺎﯕﺸﯩﯔ ﺩﯦﻠﻮﺳﯩﻨﻰ، ﻣﻪﻳﻠﻰ ﺋﯘﻧﯩﯔ ﺋﺎﺭﻗﺎ ﺗﯧﺮﯨﻜﻰ ﺧﯘﺍﯓ ﻳﺎﻛﻰ ﺟﻴﺎﯓ ﺑﻮﻟﯘﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺗﻪﻝ-ﺗﯚﻛﯜﺱ ﺑﯩﺮ ﺗﻪﺭﻩﭖ ﻗﯩﻠﯩﺸﻰ ﻛﯧﺮﻩﻙ. ﺧﯘ ﻳﺎﯞﺑﺎﯓ، ﺟﺎﯞﺯﯨﻴﺎﯕﻼﺭ ﺑﯘﻧﯩﯖﺪﯨﻦ 20 ﻧﻪﭼﭽﻪ ﻳﯩﻞ ﺑﯘﺭﯗﻥ ﺩﯦﯔ ﺷﺎﯞﭘﯩﯖﻨﯩﯔ ﺋﻮﻏﻠﻰ ﺩﯦﯔ ﺑﯘ ﻓﺎﯓ، ﺩﯦﯔ ﺟﯩﮋﻓﺎﯕﻼﺭﻧﯩﯔ ﻣﻪﺳﯩﻠﯩﺴﯩﻨﻰ ﺗﻪﻛﺸﯜﺭﯛﺷﻜﻪ ﺟﯜﺭﺋﻪﺕ ﻗﯩﻠﻐﺎﻥ ﺋﯩﺪﻯ. ﺧﯘ ﺟﯩﻨﺘﺎﯞ ﺋﯘﻻﺭﺩﯨﻦ ﺋﯚﮔﯩﻨﯩﺸﻰ ﻛﯧﺮﻩﻙ. ﻫﺎﺯﯨﺮ ﺧﯘ ﺟﯩﻨﺘﺎﯞﻧﯩﯔ ﻛﻪﻳﻨﯩﺪﻩ ﺗﯘﺭﯗﭖ ﻛﺎﺷﯩﻼ ﻗﯩﻠﯩﺪﯨﻐﺎﻥ ﺋﺎﺩﻩﻡ ﻳﻮﻕ، ﭘﻪﻗﻪﺕ ﺋﯘ ﺋﯚﺯﻯ ﺟﯜﺭﺋﻪﺕ ﻗﯩﻠﺴﯩﻼ ﻣﻪﺳﯩﻠﻪ ﻫﻪﻝ ﺑﻮﻟﯩﺪﯗ.ﻫﺎﺯﯨﺮﻗﻰ ﯞﺍﻗﯩﺖ ﺑﯩﺮ ﭼﻮﯓ ﭘﯘﺭﺳﻪﺕ، ﺋﻪﮔﻪﺭ ﺧﯘ ﺟﯩﻨﺘﺎﯞ ﺟﯜﺭﺋﻪﺕ ﻗﯩﻠﺴﯩﻼ ﭼﻮﯓ ﺋﯩﺶ ﻗﯩﻼﻻﻳﺪﯗ.

ﻣﺎﯞﺯﯦﺪﯗﯕﻐﺎ ﺋﻪﺗﺮﺍﭘﻠﯩﻖ ﺑﺎﻫﺎ ﺑﯧﺮﯨﺶ -ﺑﻪﺭﻣﻪﺳﻠﯩﻚ ﻣﻪﺳﯩﻠﯩﺴﻰ

ﺧﯘ ﺟﯩﯟﯦﻲ ﺋﻪﭘﻪﻧﺪﯨﻨﯩﯔ ﺧﯘ ﺟﯩﻨﺘﺎﯞﻏﺎ ﺑﻪﺭﮔﻪﻥ ﺋﯩﻜﻜﯩﻨﭽﻰ ﺗﯜﺭﻟﯜﻙ ﺗﻪﻛﻠﯩﭙﻰ ﻣﺎﯞﺯﯦﺪﯗﯕﻐﺎ ﺋﻪﺗﺮﺍﭘﻠﯩﻖ ﺑﺎﻫﺎ ﺑﯧﺮﯨﺶ ﻣﻪﺳﯩﻠﯩﺴﻰ. 'ﻳﯧﯖﻰ ﺋﻪﺳﯩﺮ ﮊﯗﺭﻧﯩﻠﻰ' ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯘ ﺟﯩﻨﺘﺎﯞ ﻫﺎﺯﯨﺮ ﻣﺎﯞﺯﯦﺪﯗﯕﻐﺎ ﺋﻪﺗﺮﺍﭘﻠﯩﻖ ﺑﺎﻫﺎ ﺑﯧﺮﯨﺶ ﺋﯩﺸﯩﻐﺎ ﻗﻮﻝ ﺳﯧﻠﯩﺸﻰ ﻛﯧﺮﻩﻙ، ‏-‏ ﺩﻩﻳﺪﯗ ﺧﯘﺟﯩﯟﯦﻲ ﺋﻪﭘﻪﻧﺪﻯ، ‏-‏ ﺩﯦﯔ ﺷﺎﯞﭘﯩﯔ 1993 ‏- ﻳﯩﻠﯩﺪﯨﻼ، ﺋﻪﮔﻪﺭ ﺑﯩﺰ ﻫﺎﺯﯨﺮ 'ﺟﯘﯕﮕﻮﭼﻪ ﺳﻮﺗﺴﯩﻴﺎﻟﯩﺰﻡ ﻗﯘﺭﯗﺵ' ﺟﻪﺭﻳﺎﻧﯩﺪﺍ، ﻣﺎﯞﺯﯦﺪﯗﯕﻐﺎ ﺋﻪﺗﺮﺍﭘﻠﯩﻖ، ﺋﯩﻠﻤﯩﻲ ﺑﺎﻫﺎ ﺑﯧﺮﻩﻟﻤﯩﺴﻪﻙ، ﺗﯜﮔﯩﻤﻪﺱ ﺋﻪﻳﯩﺒﻠﻪﺷﻜﻪ ﯞﻩ ﻗﺎﺗﺘﯩﻖ ﺗﻮﺳﻘﯘﻧﻠﯘﻗﻘﺎ ﺋﯘﭼﺮﺍﻳﻤﯩﺰ، ﺩﯦﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘ ﺩﯦﮕﻪﻥ ﮔﯧﭙﯩﺪﻩ ﺗﯘﺭﻣﯩﺪﻯ.

ﺋﻪﻣﺪﻯ ﺧﯘ ﺟﯩﻨﺘﺎﯞ ﺟﯩﻢ ﺗﯘﺭﯗﯞﺍﻟﺴﺎ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﮔﯘﻣﺮﺍﻥ ﺑﻮﻟﯩﺪﯗ

ﺧﯘ ﺟﯩﯟﯦﻲ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﺑﯘﻧﯩﯖﺪﯨﻦ 20 ﻧﻪﭼﭽﻪ ﻳﯩﻞ ﺑﯘﺭﯗﻥ 'ﺩﯙﻟﯩﺘﯩﻤﯩﺰ ﻗﯘﺭﯗﻟﻐﺎﻧﺪﯨﻦ ﺑﯘﻳﺎﻧﻘﻰ ﺗﺎﺭﯨﺨﯩﻲ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﻗﺎﺭﺍﺭ' ﺩﻩﭖ ﺋﺎﺗﺎﻟﻐﺎﻥ ﺑﯩﺮ ﻫﯚﺟﺠﻪﺕ ﭼﯩﻘﯩﺮﯨﻠﻐﺎﻥ ﺋﯩﺪﻯ، ﮔﻪﺭﭼﻪ ﺑﯘ ﻫﯚﺟﺠﻪﺗﻜﻪ ﭘﯧﺸﻘﻪﺩﻩﻡ ﺯﺍﺗﻼﺭﻧﯩﯔ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﭘﯩﻜﯩﺮﻟﯩﺮﻯ ﺗﻪﭘﺴﯩﻠﯩﻲ ﻛﯩﺮﮔﯜﺯﯛﻟﻤﯩﮕﻪﻥ ﺑﻮﻟﺴﯩﻤﯘ. ﻛﯧﻴﯩﻦ، ﺟﻴﺎﯓ ﺯﯦﻤﯩﻦ، ﺧﯘ ﺟﯩﻨﺘﺎﯞﻻﺭﻣﯘ 'ﻣﺎﯞﺯﯦﺪﯗﯕﻐﺎ ﺋﻪﺗﺮﺍﭘﻠﯩﻖ ﺑﺎﻫﺎ ﺑﯧﺮﯨﺶ' ﺩﯦﮕﻪﻥ ﺳﯚﺯﻧﻰ ﻗﯩﻠﺪﻯ. ﺋﻪﻣﻤﺎ ﻫﯧﭽﻘﺎﻳﺴﯩﺴﻰ ﮔﯧﭙﯩﻨﻰ ﺋﯩﺠﺮﺍ ﻗﯩﻠﻤﯩﺪﻯ. ﺩﯙﻟﻪﺕ ﻣﯘﺩﺍﭘﯩﺌﻪﺳﻰ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺷﯩﻦ ﺯﯨﻠﯩﯖﻨﯩﯔ 'ﻣﺎﯞﺯﯦﺪﯗﯕﻨﯩﯔ ﺗﯚﻫﭙﯩﻠﯩﺮﻯ ﯞﻩ ﺟﯩﻨﺎﻳﻪﺗﻠﯩﺮﻯ' ﺩﯦﮕﻪﻥ ﻛﯩﺘﺎﺑﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ‏-‏ ﺩﻩﻳﺪﯗ ﺧﯘ ﺟﯩﯟﯦﻲ ﺋﻪﭘﻪﻧﺪﻯ، ‏-‏ 1993 ‏- ﻳﯩﻠﻰ 1 ‏- ﺋﺎﻳﻨﯩﯔ 15 ‏- ﻛﯜﻧﻰ ﺷﺎﯕﺨﻪﻳﺪﯨﻜﻰ ﺧﻪﻳﺸﻰ ﻣﯧﻬﻤﺎﻧﺨﺎﻧﯩﺴﯩﺪﺍ ﺳﯩﻴﺎﺳﯩﻲ ﺑﻴﯘﺭﻭ ﺩﺍﺋﯩﻤﯩﻲ ﺋﻪﺯﺍﻟﯩﺮﻯ ﻳﯩﻐﯩﻨﻰ ﺋﯧﭽﯩﻠﻐﺎﻧﺪﺍ، ﺩﯦﯔ ﺷﺎﯞﭘﯩﯔ 'ﺑﯩﺰ ﺋﯚﺯﯨﻤﯩﺰ ﻣﯘﺷﯘ ﺗﺎﺭﯨﺨﯩﻲ ﺟﻪﺭﻳﺎﻧﻼﺭﺩﯨﻦ ﻣﯧﯖﯩﭗ ﻣﯘﺷﯘ ﻛﯜﻧﮕﻪ ﻛﻪﻟﺪﯗﻕ، ﻗﯩﻠﯩﭗ ﺑﻮﻟﻐﺎﻥ ﺋﯩﺸﻨﻰ ﺋﯚﺯﮔﻪﺭﺗﯩﯟﺍﻟﻐﯩﻠﻰ ﺑﻮﻟﻤﺎﻳﺪﯗ، ﺋﯘﻧﻰ ﺋﯚﺯ ﺋﻪﻳﻨﻰ ﺑﯘﻳﯩﭽﻪ ﺩﯦﻴﯩﺶ ﻛﯧﺮﻩﻙ، ﺋﻪﻣﻤﺎ ﻣﺎﯞﺯﯦﺪﯗﯕﻐﺎ ﺋﻪﺗﺮﺍﭘﻠﯩﻖ ﺑﺎﻫﺎ ﺑﯧﺮﯨﺶ ﻣﻪﺳﯩﻠﯩﺴﻰ ﻫﺎﺯﯨﺮ ﯞﻩﺯﯨﻴﻪﺗﻨﯩﯔ ﭼﻪﻛﻠﯩﻤﯩﺴﯩﮕﻪ ﺋﯘﭼﺮﺍﯞﺍﺗﯩﺪﯗ، ﺑﯘ ﺋﯩﺸﻨﻰ ﻛﻪﻟﮕﯜﺳﻰ ﺋﻪﯞﻻﺩﻻﺭ ﻗﯩﻠﺴﯘﻥ' ﺩﯦﮕﻪﻥ، ﺟﻴﺎﯓ ﺯﯦﻤﯩﻦ ﺑﻮﻟﺴﺎ 'ﺑﯘ ﻣﻪﺳﯩﻠﻪ ﻫﺎﺯﯨﺮﭼﻪ ﻛﻪﻟﮕﯜﺳﯩﺪﻩ ﺑﯩﺮ ﺗﻪﺭﻩﭖ ﻗﯩﻠﯩﻨﯩﺪﯨﻐﺎﻥ ﻣﻪﺳﯩﻠﻪ ﻗﺎﺗﺎﺭﯨﺪﺍ ﺗﯘﺭﯗﭖ ﺗﯘﺭﺳﯘﻥ' ﺩﯦﮕﻪﻥ. ﻣﺎﻧﺎ ﻫﺎﺯﯨﺮ ﺧﯘ ﺟﯩﻨﺘﺎﯞﻏﺎ ﺑﯘ ﺋﯩﺸﻨﻰ ﺑﯧﺠﯩﺮﯨﺪﯨﻐﺎﻥ ﭘﯘﺭﺳﻪﺕ ﻛﻪﻟﺪﻯ.ﺋﻪﻣﺪﻯ ﺧﯘ ﺟﯩﻨﺘﺎﯞ ﺑﯘ ﺋﯩﺸﻘﺎ ﻗﻮﻝ ﺳﺎﻟﻤﯩﺴﺎ ﻛﻮﻣﻤﯘﻧﺴﺖ ﭘﺎﺭﺗﯩﻴﻪ ﮔﯘﻣﺮﺍﻥ ﺑﻮﻟﯩﺪﯗ.

ﻣﻪﺧﭙﯩﻲ ﺋﺎﺭﺧﯩﭙﻼﺭ ﺋﻪﻳﻨﻪﻥ ﻧﻪﺷﺮ ﻗﯩﻠﯩﻨﯩﺸﻰ ﻛﯧﺮﻩﻙ

‏-‏ ﺋﺎﺩﯨﻞ ﺳﯚﺯﻟﯩﮕﻪﻧﺪﻩ، ‏-‏ ﺩﻩﻳﺪﯗ ﺧﯘ ﺟﯩﯟﯦﻲ ﺋﻪﭘﻪﻧﺪﻯ، ‏ 'ﻳﯧﯖﻰ ﺋﻪﺳﯩﺮ ﮊﯗﺭﻧﯩﻠﻰ' ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، -‏ ﺋﻪﻣﺪﻯ ﺧﯘ ﻳﺎﯞﺑﺎﯓ، ﺟﺎﯞ ﺯﯨﻴﺎﯓ، ﮔﯘ ﻣﯘ ﻗﺎﺗﺎﺭﻟﯩﻖ ﭘﯧﺸﻘﻪﺩﻩﻡ ﺯﺍﺗﻼﺭﻧﯩﯔ ﻧﺎﻣﻰ ﺧﯘﺩﺩﻯ ﻣﺎﯕﺎ ﺋﻮﺧﺸﺎﺵ ﺋﻪﺳﻠﯩﮕﻪ ﻛﻪﻟﺘﯜﺭﯛﻟﯜﺷﻰ ﻛﯧﺮﻩﻙ. ﺧﯘ ﺟﯩﯟﯦﻴﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯘﺍ ﮔﻮﻓﯧﯔ ﺋﯩﺶ ﺑﯧﺠﯩﺮﯨﺸﻜﻪ ﺋﺎﻣﺎﻟﺴﯩﺰ ﻗﺎﻟﻐﺎﻧﺪﺍ، ﺋﯩﻜﻜﯩﻠﻪﻧﻤﻪﺳﺘﯩﻨﻼ ﻫﻮﻗﯘﻗﯩﺪﯨﻦ ﺋﯩﺴﺘﯩﭙﺎ ﺑﻪﺭﮔﻪﻥ. ﻫﺎﺯﯨﺮﻗﻰ ﺧﯘ ﺟﯩﻨﺘﺎﯞﻣﯘ ﺋﯩﺶ ﺑﯧﺠﯩﺮﻩﻟﻤﯩﺴﻪ، ﺧﯘﺍ ﮔﻮﻓﯧﯖﺪﻩﻙ ﻛﻪﯓ ﻗﻮﺳﺎﻕ ﺑﻮﻟﯘﺷﻰ ﻛﯧﺮﻩﻙ، ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﮔﻪ ﻳﻮﻝ ﻗﻮﻳﯘﺷﻰ ﻛﯧﺮﻩﻙ، ﺩﯦﯔ ﺷﺎﯞﭘﯩﯖﺪﻩﻙ ﻫﺎﻛﯩﻤﻤﯘﺗﻠﻪﻕ ﺑﻮﻟﯘﯞﺍﻟﻤﺎﺳﻠﯩﻘﻰ ﻛﯧﺮﻩﻙ.

ﺧﯘ ﺟﯩﯟﯦﻴﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﺎﺳﺎﺳﯩﻲ ﻗﺎﻧﯘﻥ ﺑﯘﻳﯩﭽﻪ ﺋﯧﻴﺘﻘﺎﻧﺪﺍ، ﺩﯙﻟﻪﺕ ﺭﻩﺋﯩﺴﻰ ﺑﻮﻟﻐﺎﻥ ﻛﯩﺸﻰ ﻣﻪﺭﻛﯩﺰﻯ ﻫﻪﺭﺑﯩﻲ ﻛﻮﻣﯩﺘﯧﺖ ﺭﻩﺋﯩﺴﻠﯩﻜﯩﻨﻰ ﻗﻮﺷﯘﻣﭽﻪ ﺋﯚﺗﯩﺸﻰ، ﭘﺎﺭﺗﯩﻴﻪ ﻧﯩﺰﺍﻣﻨﺎﻣﯩﺴﯩﻐﺎ ﺋﺎﺳﺎﺳﻼﻧﻐﺎﻧﺪﯨﻤﯘ، ﭘﺎﺭﺗﯩﻴﯩﻨﯩﯔ ﺋﻪﯓ ﻳﯘﻗﯩﺮﻯ ﺭﻩﻫﺒﯩﺮﻯ ﻣﻪﺭﻛﯩﺰﻯ ﻫﻪﺭﺑﯩﻲ ﻛﻮﻣﯩﺘﯧﺘﻨﯩﯔ ﺭﻩﺋﯩﺴﻠﯩﻜﯩﻨﻰ ﻗﻮﺷﯘﻣﭽﻪ ﺋﯚﺗﯩﺸﻰ ﻛﯧﺮﻩﻙ. ﺋﻪﻣﻤﺎ ﺩﯙﻟﻪﺕ ﺭﻩﺋﯩﺴﻰ ﻳﺎﯓ ﺷﺎﯕﻜﯘﻥ ﻫﻪﺭﺑﯩﻲ ﻛﻮﻣﯩﺘﯧﺘﻨﯩﯔ 3 ‏- ﺭﻩﺋﯩﺴﻰ ﻗﯩﻠﯩﭗ ﻗﻮﻳﯘﻟﻐﺎﻥ، ﭘﺎﺭﺗﯩﻴﯩﻨﯩﯔ ﺋﻪﯓ ﭼﻮﯓ ﺭﻩﻫﺒﯩﺮﻯ ﺑﻮﻟﻐﺎﻥ ﺧﯘ ﻳﺎﯞﺑﺎﯓ، ﺟﺎﯞ ﺯﯨﻴﺎﯕﻼﺭﻣﯘ ﻫﻪﺑﯩﻲ ﻛﻮﻣﯩﺘﯧﺘﯩﻨﯩﯔ 2 -، 3 ‏- ﺭﻩﺋﯩﺴﻰ ﻗﯩﻠﯩﭗ ﻗﻮﻳﯘﻟﻐﺎﻥ، ﺋﻪﻣﻤﺎ ﺩﯙﻟﻪﺗﺘﻪ ﻳﺎﻛﻰ ﭘﺎﺭﺗﯩﻴﯩﺪﻩ ﻫﯧﭽﻘﺎﻧﺪﺍﻕ ﻫﻮﻗﯘﻗﻰ ﻳﻮﻕ ﺩﯦﯔ ﺷﺎﯞﭘﯩﯔ ﻫﻪﺭﺑﯩﻲ ﻛﻮﻣﯩﺘﯧﺘﻨﯩﯔ ﺭﻩﺋﯩﺴﻠﯩﻜﯩﻨﻰ ﭼﺎﯕﮕﺎﻟﻠﯩﯟﺍﻟﻐﺎﻥ، ﺋﯘﻧﯩﯔ ﻧﻪﺩﻩ، ﻗﺎﻧﺪﺍﻕ ﻳﯩﻐﯩﻦ ﺋﯧﭽﯩﺸﯩﺪﯨﻦ ﺑﺎﺷﻘﺎ ﻣﯘﺋﺎﯞﯨﻦ ﺭﻩﺋﯩﺴﻠﻪﺭﻧﯩﯔ ﺧﻪﯞﯨﺮﻯ ﻳﻮﻕ. 1989 ‏- ﻳﯩﻠﻰ ﺑﯧﻴﺠﯩﯖﻨﯩﯔ ﺗﻴﻪﻧﺌﻪﻧﻤﯧﻦ ﻣﻪﻳﺪﺍﻧﯩﺪﺍ ﻳﯜﺯ ﺑﻪﺭﮔﻪﻥ ﺩﯦﻤﻮﻛﺮﺍﺗﯩﻚ ﻫﻪﺭﯨﻜﻪﺗﻨﯩﻤﯘ ﺩﯦﯔ ﺷﺎﯞﭘﯩﯔ ﺋﯚﺯﻯ 'ﺋﻪﻛﺴﯩﻠﺌﯩﻨﻘﯩﻼﺑﯩﻲ ﺗﻮﭘﯩﻼﯓ' ﺩﻩﭖ ﺑﯧﻜﯩﺘﺘﻰ، ﺩﯦﻤﻮﻛﺮﺍﺗﯩﻚ ﻫﻪﺭﯨﻜﻪﺗﻜﻪ ﻗﺎﺗﻨﺎﺷﻘﺎﻥ ﺋﻮﻗﯘﻏﯘﭼﯩﻼﺭﻧﯩﻤﯘ ﺩﯦﯔ ﺷﺎﯞﭘﯩﯔ ﺋﯚﺯﻯ ﻫﻪﺭﺑﯩﻲ ﻗﯩﺴﯩﻤﻼﺭﻏﺎ ﺑﯘﻳﺮﯗﻕ ﭼﯜﺷﯜﺭﯛﭖ ﻗﺎﻧﻠﯩﻖ ﺑﺎﺳﺘﯘﺭﺩﻯ. ﺧﯘ ﺟﯩﻨﺘﺎﯞ ﻫﺎﺯﯨﺮ ﺩﯦﯔ ﺷﺎﯞﭘﯩﯖﺪﯨﻦ ﺋﯚﮔﻪﻧﻤﻪﺳﻠﯩﻜﻰ ﻛﯧﺮﻩﻙ. ﺑﻪﻟﻜﻰ ﻫﺎﺯﯨﺮ ﻣﺎﯞﺯﯦﺪﯗﯕﻐﺎ ﺋﻪﺗﺮﺍﭘﻠﯩﻖ ﺑﺎﻫﺎ ﺑﯧﺮﯨﺸﻨﻰ ﺑﺎﺷﻼﺵ ﺋﯜﭼﯜﻥ، ﺋﺎﻟﺪﻯ ﺑﯩﻠﻪﻥ ﺳﻮﯞﯦﺖ ﺋﯩﺘﺘﯩﭙﺎﻗﻰ، ﺋﺎﻣﯧﺮﯨﻜﺎ، ﻳﺎﭘﻮﻧﯩﻴﻪ، ﺗﻪﻳﯟﻩﻧﻠﻪﺭﺩﻩ ﺋﺎﺷﻜﺎﺭﯨﻼﻧﻐﺎﻥ ﻣﻪﺧﭙﯩﻲ ﺋﺎﺭﺧﯩﭙﻼﺭ ﺟﯘﯕﮕﻮﺩﺍ ﺋﻪﻳﻨﻪﻥ ﻧﻪﺷﺮ ﻗﯩﻠﯩﻨﯩﺸﻰ ﻛﯧﺮﻩﻙ. (ﯞﻩﻟﻰ)