ﺑﯘﺵ ﺑﯩﻠﻪﻥ ﺧﯘﺟﯩﻨﺘﺎﯞﻧﯩﯔ ﻣﯘﺧﺒﯩﺮﻻﺭﻏﺎ ﺑﻪﺭﮔﻪﻥ ﺋﯩﺰﺍﻫﺎﺗﻰ ﻧﯧﻤﻪ ﺋﯜﭼﯜﻥ ﺋﻮﺧﺸﯩﻤﺎﻳﺪﯗ؟

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﭘﺮﻩﺯﯨﺪﯦﻨﺖ ﺑﯘﺵ ﯞﻩ ﺧﯘ ﺟﯩﻨﺘﺎﯞ ﺳﯚﻫﺒﻪﺗﺘﯩﻦ ﻛﯧﻴﯩﻦ ﺳﯜﺭﻩﺗﻜﻪ ﭼﯘﺷﻤﻪﻛﺘﻪ. 6 - ﺳﯧﻨﺘﻪﺑﯩﺮ، ﺳﯩﺪﻧﯧﻲ. AFP PHOTO

ﺋﺎﯞﺳﺘﺮﺍﻟﯩﻴﯩﻨﯩﯔ ﺳﯧﺪﻧﯩﻲ ﺷﻪﻫﯩﺮﯨﺪﻩ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺋﺎﺳﯩﻴﺎ-ﺗﯩﻨﭻ ﺋﻮﻛﻴﺎﻥ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺩﯙﻟﻪﺗﻠﯩﺮﻯ ﺑﺎﺷﻠﯩﻘﻠﯩﺮﯨﻨﯩﯔ ﺋﺎﻟﯩﻲ ﺩﻩﺭﯨﺠﯩﻠﯩﻚ ﺋﯘﭼﺮﯨﺸﯩﺸﯩﺪﺍ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﺑﯩﻠﻪﻥ ﺧﯩﺘﺎﻱ ﺭﻩﺋﯩﺴﻰ ﺧﯘﺟﯩﻨﺘﺎﯞ 9 ‏- ﺋﺎﻳﻨﯩﯔ 6 ‏- ﻛﯜﻧﻰ ﺋﯘﭼﺮﺍﺷﺘﻰ.

ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﻣﯘﺧﺒﯩﺮﻻﺭﻏﺎ، ﺑﯘ ﻗﯧﺘﯩﻤﻘﻰ ﺋﯘﭼﺮﯨﺸﯩﺸﺘﺎ ﺧﯘﺟﯩﻨﺘﺎﯞ ﺑﯩﻠﻪﻥ ﺧﯩﺘﺎﻱ ﭘﯘﻟﯩﻨﯩﯔ ﺋﻮﺑﻮﺭﻭﺗﺘﯩﻜﻰ ﻗﯩﻤﻤﯩﺘﻰ ﻣﻪﺳﯩﻠﯩﺴﻰ، ﺧﯩﺘﺎﻳﺪﺍ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺳﯩﻴﺎﺳﯩﻲ ﻛﯚﺯ ﻗﺎﺭﯨﺸﻰ ﺋﻮﺧﺸﯩﻤﯩﻐﺎﻥ ﻛﯩﺸﯩﻠﻪﺭﻧﻰ ﺑﺎﺳﺘﯘﺭﯗﺵ ﻣﻪﺳﯩﻠﯩﺴﻰ، ﺗﯧﺒﻪﺕ ﻣﻪﺳﯩﻠﯩﺴﻰ، ﺋﯩﺮﺍﻥ ﻣﻪﺳﯩﻠﯩﺴﻰ، ﺳﯘﺩﺍﻥ ﺩﺍﺭﻓﯘﺭ ﻣﻪﺳﯩﻠﯩﺴﻰ، ﻛﻮﺭﯨﻴﻪ ﻣﻪﺳﯩﻠﯩﺴﻰ ﻗﺎﺗﺎﺭﻟﯩﻖ ﺑﯩﺮ ﻗﺎﺗﺎﺭ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ ﺳﯚﺯﻟﻪﺷﻜﻪﻧﻠﯩﻜﯩﻨﻰ، ﺋﻪﻣﻤﺎ ﻫﻪﻣﻤﯩﺴﯩﺪﻩ ﺋﻮﺭﺗﺎﻕ ﭘﯩﻜﯩﺮﮔﻪ ﻛﯧﻠﻪﻟﻤﯩﮕﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﺪﻯ. ﺧﯩﺘﺎﻱ ﺭﻩﺋﯩﺴﻰ ﺧﯘﺟﯩﻨﺘﺎﯞ ﺑﻮﻟﺴﺎ ﻣﯘﺧﺒﯩﺮﻻﺭﻏﺎ 'ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﺗﻪﻳﯟﻩﻧﻨﯩﯔ ﻫﺎﺯﯨﺮﻗﻰ ﻫﺎﻟﯩﺘﯩﻨﻰ ﺋﯚﺯﮔﻪﺭﺗﯩﺸﯩﮕﻪ ﻗﺎﺭﺷﻰ ﺗﯘﺭﯨﺪﯗ' ﺩﻩﭖ ﺑﺎﻳﺎﻥ ﻗﯩﻠﺪﻯ.

ﺏ ﺏ ﺱ ﻧﯩﯔ ﺧﻪﯞﯨﺮﯨﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ 'ﺗﻪﻳﯟﻩﻧﻨﯩﯔ ﺏ ﺩ ﺕ ﻏﺎ ﻛﯩﺮﯨﺸﻨﻰ ﺋﻮﻣﯘﻣﯩﻲ ﺧﻪﻟﻖ ﺋﺎﯞﺍﺯ ﻗﻮﻳﯘﭖ ﺑﻪﻟﮕﯩﻠﻪﻳﺪﯗ' ﺩﯦﮕﻪﻥ ﻣﻪﺳﯩﻠﻪ ﺗﻮﻏﺮﯨﺴﯩﺪﺍ ﺟﯩﺪﺩﯨﻲ ﻗﺎﺭﺷﯩﻠﯩﻖ ﺋﯩﺰﺍﻫﻼﻳﺪﯨﻐﺎﻥ ﺳﯚﺯ ﻗﯩﻠﻤﯩﻐﺎﻥ ﺋﯩﺪﻯ. ﺋﻪﻣﻤﺎ ﺑﯘﻧﯩﯖﺪﯨﻦ ﺑﯘﺭﯗﻥ ﺗﻪﻳﯟﻩﻥ ﭘﺮﯦﺰﯨﺪﯦﻨﺘﻰ ﭼﯧﻦ ﺷﯘﻳﺒﻴﻪﻥ 'ﺗﻪﻳﯟﻩﻧﻨﯩﯔ ﺏ ﺩ ﺕ ﻏﺎ ﻛﯩﺮﯨﺸﻨﻰ ﺋﻮﻣﯘﻣﯩﻲ ﺧﻪﻟﻖ ﺋﺎﯞﺍﺯ ﻗﻮﻳﯘﭖ ﺑﻪﻟﮕﯩﻠﻪﺵ ﻛﯧﺮﻩﻙ' ﺩﻩﭖ ﺟﺎﻛﺎﺭﻟﯩﻐﺎﻥ ﯞﺍﻗﯩﺘﺘﺎ، ﮔﻪﺭﭼﻪ ﺗﻪﻳﯟﻩﻧﺪﯨﻜﻰ ﺋﯚﻛﺘﯩﭽﻰ ﭘﺎﺭﺗﯩﻴﻪ ‏-‏ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﻰ ﺗﻪﻳﯟﻩﻧﻨﯩﯔ ﺏ ﺩ ﺕ ﻏﺎ ﺋﻪﺯﺍ ﺑﻮﻟﯘﺷﻘﺎ ﺋﯩﻠﺘﯩﻤﺎﺱ ﻗﯩﻠﯩﺸﻰ ﺟﯘﯕﺨﯘﺍ ﻣﯩﻨﮕﻮﻧﻰ ﺋﺎﻏﺪﯗﺭﯗﭖ ﺗﺎﺷﻼﭖ، ﻳﯧﯖﯩﺪﯨﻦ ﺑﯩﺮ ﺩﯙﻟﻪﺕ ﻗﯘﺭﻏﺎﻧﻐﺎ ﺋﻮﺧﺸﺎﺵ، ﺩﻩﭖ ﻗﺎﺭﺷﯩﻠﯩﻖ ﺑﯩﻠﺪﯛﺭﯛﭖ ﺗﯘﺭﺳﯩﻤﯘ، ﺋﻪﻣﻤﺎ ﭘﺮﯦﺰﯨﺪﯦﻨﺖ ﭼﯧﻦ ﺷﯘﻳﺒﻴﻪﻥ ﻳﻪﻧﯩﻼ 'ﺗﻪﻳﯟﻩﻥ ﺑﯩﺰﻧﯩﯔ ﺋﺎﻧﺎ ﯞﻩﺗﯩﻨﯩﻤﯩﺰ، ﺋﯘ ﻫﯧﭽﻘﺎﭼﺎﻥ ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺑﯩﺮ ﻗﯩﺴﻤﻰ ﻳﺎﻛﻰ ﺑﯩﺮ ﺋﯚﻟﻜﯩﺴﻰ ﺋﻪﻣﻪﺱ، ﺗﻪﻳﯟﻩﻥ ﺩﯦﻤﻪﻙ ﻣﯘﺳﺘﻪﻗﯩﻞ ﺩﯙﻟﻪﺕ ﺩﯦﮕﻪﻧﻠﯩﻜﺘﯘﺭ' ﺩﻩﭖ ﺳﯚﺯﻟﯩﮕﻪﻥ ﺋﯩﺪﻯ.

ﺧﯘ ﺟﯩﻨﺘﺎﯞ ﭘﺮﯦﺰﯨﺪﯦﻨﺖ ﺑﯘﺷﻘﯩﻤﯘ 'ﯞﻩﻛﯩﻞ'ﻟﯩﻚ ﻗﯩﻼﻣﺪﯨﻜﻪﻥ؟

ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﻣﻪﺷﻬﯘﺭ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﻗﺎﭼﺎﻧﻼ ﺳﯚﺯ ﻗﯩﻠﺴﺎ 'ﺋﺎﻣﯧﺮﯨﻜﺎ ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻞ ﺑﻮﻟﯘﺷﯩﻨﻰ ﻗﯘﯞﯞﻩﺗﻠﯩﻤﻪﻳﺪﯗ' ﺩﯦﮕﻪﻥ ﺳﯚﺯﻧﻰ 'ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻞ ﺑﻮﻟﯘﺷﯩﻐﺎ ﻗﺎﺭﺷﻰ ﺗﯘﺭﯨﺪﯗ' ﺩﻩﭖ ﺋﯚﺯﮔﻪﺭﺗﯩﭗ ﺳﯚﺯﻟﻪﻳﺪﯗ.

ﺑﯘﺵ ﺑﯩﻠﻪﻥ ﺧﯘﺟﯩﻨﺘﺎﯞ ﺑﯘ ﻗﯧﺘﯩﻢ ﺋﯩﻜﻜﻰ ﺳﺎﺋﻪﺕ ﺳﯚﻫﺒﻪﺗﻠﻪﺷﻜﻪﻥ. ﻛﯚﭖ ﻣﻪﺳﯩﻠﻪ ﺋﯜﺳﺘﯩﺪﻩ ﺳﯚﺯﻟﻪﺷﻜﻪﻥ. ﺑﯘﺵ ﺗﻪﻳﯟﻩﻥ ﻣﻪﺳﯩﻠﺴﯩﻨﻰ ﺗﯩﻠﻐﺎ ﺋﺎﻟﻤﯩﻐﺎﻥ، ﺋﯘﻧﯩﯔ ﺋﯜﭼﯜﻥ ﺗﻪﻳﯟﻩﻥ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺋﻮﻳﻼﺷﻨﯩﯔ ﻫﺎﺯﯨﺮ ﻫﺎﺟﯩﺘﻰ ﺑﻮﻟﻤﯩﺴﺎ ﻛﯧﺮﻩﻙ. ﺋﻪﻣﻤﺎ ﺧﯘﺟﯩﻨﺘﺎﯞ ﺋﯚﺯﻯ ﭘﺮﯦﺰﯨﺪﯦﻨﺖ ﺑﯘﺷﻘﺎ 'ﯞﻩﻛﯩﻞ'ﻟﯩﻚ ﻗﯩﻠﯩﭗ ﻣﯘﺷﯘ ﻣﻪﺳﯩﻠﯩﻨﯩﻼ ﺳﯚﺯﻟﻪﯞﺍﺗﯩﺪﯗ. ﺑﯘﻧﯩﯖﺪﯨﻦ ﻗﺎﺭﯨﻐﺎﻧﺪﺍ، ﺑﯘﺵ ﺑﯩﻠﻪﻥ ﻗﯩﻠﻐﺎﻥ ﺳﯚﻫﺒﻪﺕ ﺋﯘﻧﯩﯔ ﻛﯜﺗﻜﻪﻥ ﻳﯧﺮﯨﺪﯨﻦ ﭼﯩﻘﻤﯩﻐﺎﻥ. ﺋﯘﻻﺭ ﻣﻪﺳﯩﻠﯩﻠﻪﺭﺩﻩ ﺋﻮﺭﺗﺎﻕ ﭘﯩﻜﯩﺮﮔﻪ ﻛﯧﻠﻪﻟﻤﯩﮕﻪﻧﺪﻩﻙ ﻗﯩﻠﯩﺪﯗ. ﺋﯘﻻﺭ ﭼﯩﻘﯩﭗ ﻣﯘﺧﺒﯩﺮﻻﺭﻏﺎ ﺳﯚﺯ ﻗﯩﻠﻐﺎﻧﺪﺍ ﭼﯩﺮﺍﻳﻠﯩﺮﯨﺪﺍ ﺗﻪﺑﻪﺳﺴﯘﻡ ﻛﯚﺭﯛﻧﻤﻪﻳﺪﯗ. ﺋﻪﮔﻪﺭ ﺋﻮﺭﺗﺎﻕ ﭘﯩﻜﯩﺮﮔﻪ ﻛﻪﻟﮕﻪﻥ ﻣﻪﺳﯩﻠﻪ ﺑﻮﻟﺴﺎ، ﺋﯘﻧﻰ ﮔﻪﯞﺩﯨﻠﻪﻧﺪﯛﺭﯛﺷﻜﻪ ﺋﺎﻟﺪﯨﺮﺍﻳﺘﺘﻰ.

ﻫﺎﺯﯨﺮﻗﻰ ﻫﺎﻟﻪﺗﻨﻰ ﻛﻮﻣﻤﯘﻧﯩﺴﺖ ﺧﯩﺘﺎﻱ ﺋﯚﺯﻯ ﺋﯚﺯﮔﻪﺭﺗﯩﯟﺍﺗﯩﺪﯗ

ﻫﺎﺯﯨﺮ ﺗﻪﻳﯟﻩﻧﺪﻩ ﺗﯘﺭﯗﯞﺍﺗﻘﺎﻥ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﺋﻮﺑﺰﻭﺭﭼﯩﺴﻰ ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﻣﯘﻻﻫﯩﺰﻩ ﻗﯩﻠﯩﺸﯩﭽﻪ، ﺋﻪﮔﻪﺭ ﻫﺎﺯﯨﺮﻗﻰ ﻫﺎﻟﻪﺗﻨﻰ ﺋﯚﺯﮔﻪﺭﺗﺘﻰ، ﺩﯦﻴﯩﺸﻜﻪ ﺗﻮﻏﺮﺍ ﻛﻪﻟﺴﻪ، ﻫﺎﺯﯨﺮﻗﻰ ﻫﺎﻟﻪﺗﻨﻰ ﻛﻮﻣﻤﯘﻧﯩﺴﺖ ﺧﯩﺘﺎﻱ ﺋﯚﺯﻯ ﺋﯚﺯﮔﻪﺭﺗﯩﯟﺍﺗﯩﺪﯗ. ﺧﯩﺘﺎﻳﻨﯩﯔ ﺑﯩﺮﻟﯩﻜﺴﻪﭖ ﻣﯩﻨﯩﺴﺘﯩﺮﻟﯩﻘﻰ ﺩﯦﮕﻪﻥ ﺑﯩﺮ ﺋﻮﺭﮔﯩﻨﻰ ﺑﺎﺭ. ﺷﯘ ﺋﻮﺭﮔﺎﻥ ﺗﻪﻳﯟﻩﻧﺪﻩ ﺋﯜﺯﻟﯜﻛﺴﯩﺰ ﻫﺎﻟﺪﺍ ﺑﯩﺮﻟﯩﻜﺴﻪﭖ ﺧﯩﺰﻣﯩﺘﯩﻨﻰ ﻳﻮﻟﻐﺎ ﻗﻮﻳﯘﯞﺍﺗﯩﺪﯗ. 'ﺑﯩﺮﻟﯩﻜﺴﻪﭖ' ﻧﯩﯔ ﻣﻪﻗﺴﯩﺘﻰ ﺑﯩﺮﻟﻪﺷﺘﯜﺭﯛﺵ، ﺗﻪﻳﯟﻩﻧﻨﻰ ﺟﯘﯕﮕﻮﻏﺎ ﺑﯩﺮﻟﻪﺷﺘﯜﺭﯛﯞﯦﺘﯩﺶ.

ﻛﻮﻣﻤﯘﻧﯩﺴﺖ ﺧﯩﺘﺎﻱ ﻣﯩﯔ ﺩﺍﻧﻪ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﺑﯩﻠﻪﻥ ﺗﻪﻳﯟﻩﻧﻨﻰ ﻗﺎﺭﯨﻐﺎ ﺋﯧﻠﯩﭗ ﺗﯘﺭﯗﭖ، ﻗﯩﻠﯩﯟﺍﺗﻘﺎﻥ 'ﺑﯩﺮﻟﯩﻜﺴﻪﭖ' ﺧﯩﺰﻣﯩﺘﯩﻨﻰ ﺋﺎﻣﯧﺮﯨﻜﺎ ﺑﯩﻠﻤﻪﻣﺪﯨﻜﻪﻥ؟ ﻣﯩﯔ ﺩﺍﻧﻪ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻨﻰ ﺑﯩﺮﺍﻗﻼ ﺋﯧﺘﯩﭗ ﺗﻪﻳﯟﻩﻧﻨﻰ ﻳﻮﻕ ﻗﯩﻠﯩﺸﻤﯘ ﺗﻪﻳﯟﻩﻧﻨﯩﯔ ﻫﺎﺯﯨﺮﻗﻰ ﻫﺎﻟﯩﺘﯩﻨﻰ ﺋﯚﺯﮔﻪﺭﺗﯩﺶ، ﺑﯩﺮﻟﯩﻜﺴﻪﭖ ﺗﯜﺯﯛﺷﻤﯘ ﺗﻪﻳﯟﻩﻧﻨﯩﯔ ﻫﺎﺯﯨﺮﻗﻰ ﻫﺎﻟﯩﺘﯩﻨﻰ ﺋﯚﺯﮔﻪﺭﺗﯩﺶ. ﺑﯘ 'ﺑﯩﺮﻟﯩﻜﺴﻪﭖ' ﺋﺎﺭﻗﯩﻠﯩﻖ ﻫﺎﺯﯨﺮ ﺗﻪﻳﯟﻩﻧﺪﻩ ﺳﺎﻥ ﺋﯚﺯﮔﯩﺮﯨﺸﻰ ﺑﻮﻟﯘﯞﺍﺗﯩﺪﯗ. ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﺑﯩﺮﻟﯩﻜﺴﻪﭖ ﻣﯩﻨﯩﺴﺘﯩﺮﻟﯩﻘﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﻛﯧﺮﻩﻙ.

ﺗﻪﻳﯟﻩﻧﻨﻰ ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺋﯩﺪﺍﺭﻩ ﻗﯩﻠﯩﭗ ﺑﺎﻗﻘﺎﻥ ﺋﻪﻣﻪﺱ

ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﻣﯘﻻﻫﯩﺰﻩ ﻗﯩﻠﯩﺸﯩﭽﻪ، ﺧﯩﺘﺎﻱ ﺗﻪﻳﯟﻩﻧﻨﻰ ﻣﯘﺳﺘﻪﻗﯩﻠﭽﻰ ﺩﻩﭖ ﺗﯩﻠﻼﻳﺪﯗ، ﺋﻪﻣﻪﻟﯩﻴﻪﺗﺘﻪ ﺗﻪﻳﯟﻩﻥ ﺋﯚﺯﻯ ﺑﯩﺮ ﻣﯘﺳﺘﻪﻗﯩﻞ ﺩﯙﻟﻪﺕ، ﺗﻪﻳﯟﻩﻧﻨﯩﯔ ﺋﯚﺯﯨﻨﯩﯔ ﻳﯧﺮﻯ، ﻧﻮﭘﯘﺳﻰ، ﺳﯩﻴﺎﺳﯩﻲ ﺗﯜﺯﯛﻣﻰ ﺑﺎﺭ. ﺋﯘﻧﻰ ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺋﯩﺪﺍﺭﻩ ﻗﯩﻠﯩﭗ ﺑﺎﻗﻘﺎﻥ ﺋﻪﻣﻪﺱ. ﻣﻪﺳﯩﻠﻪ ﭘﻪﻗﻪﺕ ﺧﻪﻟﻘﺌﺎﺭﺍﺩﺍ ﻗﺎﻧﺪﺍﻕ ﺩﯙﻟﻪﺕ ﻧﺎﻣﯩﻨﻰ ﻗﻮﻟﻠﯩﻨﯩﺶ ﻣﻪﺳﯩﻠﯩﺴﻰ. 'ﺟﯘﯕﺨﯘﺍ ﻣﯩﻨﮕﻮ' ﺩﻩﻣﺪﯗ ﻳﺎﻛﻰ 'ﺗﻪﻳﯟﻩﻥ' ﺩﻩﻣﺪﯗ، ﻗﺎﻳﺴﻰ ﺩﯙﻟﻪﺕ ﻧﺎﻣﯩﻨﻰ ﻗﻮﻟﻠﯩﻨﯩﺸﻨﻰ ﺗﻪﻳﯟﻩﻥ ﺧﻪﻟﻘﻰ ﺋﯚﺯﻯ ﺋﺎﯞﺍﺯ ﻗﻮﻳﯘﭖ ﺑﻪﻟﮕﯩﻠﻪﭖ ﺋﯧﻼﻥ ﻗﯩﻠﺴﯩﻼ ﺑﻮﻟﺪﻯ.

ﮔﻪﺭﭼﻪ ﻫﺎﺯﯨﺮ ﺏ ﺩ ﺕ ﺗﻪﻳﯟﻩﻧﻨﯩﯔ ﺩﯙﻟﻪﺗﻠﯩﻚ ﺋﻮﺭﻧﯩﻨﻰ ﺗﯧﺨﻰ ﺋﻪﻧﮕﻪ ﺋﺎﻟﻤﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻞ ﺋﻮﺭﻧﯩﻨﻰ ﺋﯩﻨﻜﺎﺭ ﻗﯩﻼﻟﻤﺎﻳﺪﯗ. ﻛﻮﻣﻤﯘﻧﯩﺴﺖ ﺧﯩﺘﺎﻳﻨﯩﯖﻤﯘ، ﺋﯚﺯﻯ ﺋﻪﺯﻩﻟﺪﯨﻦ ﺋﯩﺪﺍﺭﻩ ﻗﯩﻠﯩﭗ ﺑﺎﻗﻤﯩﻐﺎﻥ ﺑﯩﺮ ﻣﯘﺳﺘﻪﻗﯩﻞ ﺋﻪﻟﻨﻰ ﺋﯚﺯﯨﻨﯩﯔ ﺑﯩﺮﻗﯩﺴﻤﻰ ﺩﯦﻴﯩﺸﻰ ﺑﯩﺮ ﺳﻪﭘﺴﻪﺗﻪ.

ﺗﻪﻳﯟﻩﻧﺪﻩ %60 ﺗﯩﻦ ﺋﺎﺭﺗﯘﻕ ﺋﺎﺩﻩﻡ ﺋﯚﺯﯨﻨﻰ 'ﺟﯘﯕﮕﻮﻟﯘﻕ' ﺋﻪﻣﻪﺱ، ﺗﻪﻳﯟﻩﻧﻠﯩﻚ ﺩﻩﭖ ﺋﺎﺗﺎﻳﺪﯗ

ﺗﻪﻳﯟﻩﻧﻨﯩﯔ ﺋﻪﻫﯟﺍﻟﯩﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﯛﭖ، ﺗﻪﻳﯟﻩﻧﺪﻩ ﺧﻪﻟﻘﯩﻨﯩﯔ ﺋﺎﯞﺍﺯﯨﻨﻰ ﺋﯚﺯ ﻗﯘﻟﯩﻘﻰ ﺑﯩﻠﻪﻥ ﺋﺎﯕﻼﭖ ﺗﯘﺭﯗﯞﺍﺗﻘﺎﻥ ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﮔﻮﻣﯩﻨﺪﺍﯓ ﺗﻪﺭﻩﭘﻜﻪ ﻣﺎﻳﯩﻞ ﺑﻮﻟﻐﺎﻥ ﺗﻪﻳﯟﻩﻥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺭﺍﻱ ﺳﯩﻨﺎﺵ ﻧﻪﺗﯩﺠﯩﺴﺪﯨﻤﯘ %60 ‏-70 ﺋﺎﺩﻩﻡ ﺋﯚﺯﯨﻨﻰ 'ﺟﯘﯕﮕﻮﻟﯘﻕ' ﺋﻪﻣﻪﺱ ﺗﻪﻳﯟﻩﻧﻠﯩﻚ ﺩﻩﭖ ﻗﺎﺭﺍﻳﺪﯗ. ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ 'ﻣﻪﻥ ﺗﻪﻳﯟﻩﻧﻠﯩﻚ' ﺩﯦﮕﻪﻧﻠﯩﻜﻰ ﺋﺎﺩﻩﻣﻨﯩﯔ ﻫﻪﻣﻤﯩﺴﯩﻨﻰ ﻣﯘﺳﺘﻪﻗﯩﻠﭽﻰ ﺩﻩﻳﺪﯗ . ﻫﺎﺯﯨﺮ ﻣﯩﻨﺠﯩﻨﺪﺍﯓ ﭘﺎﺭﺗﯩﻴﯩﺴﻰ 'ﺗﻪﻳﯟﻩﻥ' ﺩﯦﮕﻪﻥ ﻧﺎﻡ ﺑﯩﻠﻪﻥ ﺏ ﺩ ﺕ ﻏﺎ ﻛﯩﺮﯨﻤﯩﺰ ﺩﯦﺴﻪ، ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﻰ 'ﺟﯘﯕﺨﯘﺍ ﻣﯩﻨﮕﻮ' ﺩﯦﮕﻪﻥ ﻧﺎﻡ ﺑﯩﻠﻪﻥ ﺏ ﺩ ﺕ ﻏﺎ ﻛﯩﺮﯨﻤﯩﺰ ﺩﻩﻳﺪﯗ.

ﺩﯦﻤﻪﻙ ﺗﻪﻳﯟﻩﻧﺪﻩ ﺳﺎﻳﻼﻡ ﺑﻮﻟﺴﺎ %90 ﺩﯨﻦ ﺋﺎﺭﺗﯘﻕ ﺳﺎﻳﻼﻡ ﺑﯧﻠﯩﺘﯩﮕﻪ ﺋﯩﮕﻪ ﺑﻮﻟﯩﺪﯨﻐﺎﻥ، ﺑﯩﺮ -ﺑﯩﺮﯨﮕﻪ ﻗﺎﺭﯨﻤﯘ ‏- ﻗﺎﺭﺷﻰ ﻫﻪﺭﯨﻜﻪﺕ ﻗﯩﻠﯩﺪﯨﻐﺎﻥ ﻣﯘﺷﯘ ﺋﯩﻜﻜﻰ ﺗﻪﺭﻩﭘﻤﯘ، ﺗﻪﻳﯟﻩﻥ ﺋﺎﺭﯨﻠﯩﻨﻰ ﻣﯘﺳﺘﻪﻗﯩﻞ ﺩﯙﻟﻪﺕ ﺩﻩﭖ ﻗﺎﺭﺍﻳﺪﯗ. ﺋﻪﻣﻤﺎ ﺑﯘ ﻣﯘﺳﺘﻪﻗﯩﻞ ﺩﯙﻟﻪﺕ ﺗﯧﺨﻰ ﻧﻮﺭﻣﺎﻝ ﺩﯙﻟﻪﺕ ﺋﻪﻣﻪﺱ، ﭼﯜﻧﻜﻰ ﺑﯘ ﺩﯙﻟﻪﺕ ﺗﯧﺨﯩﭽﻪ ﺏ ﺩ ﺕ ﻏﺎ ﺋﻪﺯﺍ ﺋﻪﻣﻪﺱ، ﺩﯗﻧﻴﺎﺩﺍ ﻳﻪﻧﻪ ﻧﯘﺭﻏﯘﻥ ﺩﯙﻟﻪﺕ ﺋﯘﻧﻰ ﺋﯧﺘﯩﺮﺍﭖ ﻗﯩﻠﻤﺎﻳﺪﯗ. ﻛﻮﻣﻤﯘﻧﯩﺴﺖ ﺧﯩﺘﺎﻱ ﺗﯧﺨﯩﭽﻪ ﺋﯘﻧﻰ ﺋﯚﺯﯨﻨﯩﯔ ﺑﯩﺮﻗﯩﺴﻤﻰ ﺩﻩﭖ ﺩﯗﻧﻴﺎﻏﺎ ﺋﯧﻼﻥ ﻗﯩﻠﯩﯟﺍﺗﯩﺪﯗ.

ﺗﻪﻳﯟﻩﻥ ﮔﻪﺭﭼﻪ ﺋﯚﺯﻯ ﻣﯘﺳﺘﻪﻗﯩﻞ ﺩﯙﻟﻪﺕ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯖﻐﺎ ﻫﺎﺯﯨﺮ ﭘﻪﻗﻪﺕ ﺑﯩﺮ ﻧﻮﺭﻣﺎﻝ ﺩﯙﻟﻪﺕ ﻧﺎﻣﻰ ﻛﯧﺮﻩﻙ. ﺗﻪﻳﯟﻩﻥ ﻫﺎﺯﯨﺮ ﺷﯘ ﻧﻮﺭﻣﺎﻝ ﻧﺎﻣﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺗﯩﺮﯨﺸﯩﯟﺍﺗﯩﺪﯗ. (ﯞﻩﻟﻰ)