ﺧﯩﺘﺎﻱ، ﺋﯘﻳﻐﯘﺭ ﺋﯧﻠﯩﻨﯩﯔ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﻠﯩﺮﯨﻨﻰ ﻗﺎﻧﺪﺍﻕ ﻗﻮﻏﺪﺍﻳﺪﯗ؟

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻳﯧﻘﯩﻨﺪﺍ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻗﯩﺰﯨﻞ ﻣﯩﯔ ﺋﯚﻱ، ﺗﯘﺭﭘﺎﻧﺪﯨﻜﻰ ﺋﯩﺪﯨﻘﯘﺕ ﯞﻩ ﻳﺎﺭﻏﻮﻝ ﻗﻪﺩﯨﻤﻰ ﺷﻪﻫﻪﺭ ﺧﺎﺭﺍﺑﯩﻠﯩﺮﻯ،ﻣﯩﺮﺍﻥ ﻫﻪﻣﺪﻩ ﻛﺮﻭﺭﺍﻥ ﻗﻪﺩﯨﻤﻰ ﺷﻪﻫﻪﺭﻟﯩﺮﻯ ﻗﺎﺗﺎﺭﻟﯩﻖ ﻳﻪﺗﺘﻪ ﺋﺎﺳﺎﺳﻠﯩﻖ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺋﻮﺭﯗﻧﻠﯩﺮﻯ ﻫﻪﻣﺪﻩ ﻳﻪﻧﻪ ﻳﯩﮕﯩﺮﻣﻪ ﺋﻮﺭﯗﻧﺪﯨﻜﻰ ﻗﻪﺩﯨﻤﯩﻲ ﻗﻪﺑﺮﻩ ﻫﻪﻣﺪﻩ ﺋﺎﺳﺎﺭﻩ ‏- ﺋﻪﺗﯩﻘﻪ ﺗﯧﭙﯩﻠﻐﺎﻥ ﺟﺎﻳﻼﺭﻧﻰ ﻗﻮﻏﺪﯨﻠﯩﺪﯨﻐﺎﻥ ﻣﯘﻫﯩﻢ ﺗﺎﺭﯨﺨﯩﻲ ﻳﺎﺩﯨﻜﺎﺭﻟﯩﻘﻼﺭ ﻗﺎﺗﺎﺭﯨﻐﺎ ﻛﯩﺮﮔﯜﺯﺩﻯ. ﺗﺎﺭﯨﺨﯩﻲ ﺋﺎﺳﺎﺭﻩ ‏- ﺋﻪﺗﯩﻘﯩﻠﻪﺭﻧﻰ ﻗﻮﻏﺪﺍﺵ ﻗﺎﻧﯘﻧﯩﻨﻰ ﭼﯩﻘﺎﺭﺩﻯ.

ﺑﯩﺮﺍﻕ ﻣﯘﺗﻪﺧﻪﺳﺴﯩﺴﻠﻪﺭ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﭘﻪﻗﻪﺗﻼ ﺳﺎﻧﺎﻗﻠﯩﻖ ﺟﺎﻳﻼﺭﻧﻰ ﻣﻪﺧﺴﯘﺱ ﻗﻮﻏﺪﺍﺵ ﻛﺎﺗﯩﮕﻮﺭﯨﻴﯩﺴﯩﮕﻪ ﻛﯩﺮﮔﯜﺯﯛﭖ، ﺗﺎﺭﯨﺨﯩﻲ ﺋﻮﺭﯗﻧﻼﺭﻧﻰ ﻣﯘﻫﯩﻢ ﯞﻩ ﻣﯘﻫﯩﻢ ﺋﻪﻣﻪﺱ ﺩﻩﭖ ﺋﺎﻳﺮﯨﺸﻨﯩﯔ ﺋﯚﺯﻯ ﺧﺎﺗﺎ ﺋﯩﻜﻪﻧﻠﯩﻜﯩﻨﻰ ﺷﯘﻧﺪﺍﻗﻼ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯩﺮ ﺗﻪﺭﻩﭘﺘﯩﻦ ﺋﺎﻟﻼ ﺑﯘﺭﯗﻥ ﺳﺎﻳﺎﻫﻪﺗﭽﯩﻠﯩﻜﻜﻪ ﺋﯧﭽﯩﺶ، ﻣﯘﯞﺍﭘﯩﻖ ﻗﻮﻏﺪﯨﻤﺎﺳﻠﯩﻖ ﺳﻪﯞﻩﺑﻠﯩﺮﯨﺪﯨﻦ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﻐﺎﻥ ﺑﯘ ﺋﻮﺭﯗﻧﻼﺭﻧﻰ ﻗﻮﻏﺪﺍﺵ ﺗﻪﺩﺑﯩﺮﻟﯩﺮﯨﻨﻰ ﺋﺎﻟﯩﻤﯩﺰ، ﺭﯦﻤﻮﻧﺖ ﻗﯩﻠﯩﻤﯩﺰ ﺩﻩﭖ ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ، ﺑﯘ ﺋﻮﺭﯗﻧﻼﺭﻧﻰ ﻫﻪ ﺩﻩﭖ ﺳﺎﻳﺎﻫﻪﺗﭽﯩﻠﻪﺭﮔﻪ ﻗﺎﻻﻳﻤﯩﻘﺎﻥ ﺋﯧﭽﯩﺶ ﻫﻪﺭﯨﻜﯩﺘﯩﻨﯩﯔ ﺯﯨﺪﺩﯨﻴﻪﺗﻠﯩﻚ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﺘﺎ.

ﺋﯩﻨﺴﺎﻧﯩﻴﻪﺕ ﻣﻪﺩﯨﻨﯩﻴﯩﺘﯩﻨﯩﯔ ﺋﺎﭼﻘﯘﭼﻰ ﻗﻪﺩﯨﻤﻰ ﻣﺎﻛﺎﻥ

ﺋﯘﻳﻐﯘﺭ ﺋﯧﻠﻰ ﺋﯩﻨﺴﺎﻧﯩﻴﻪﺕ ﻣﻪﺩﻩﻧﯩﻴﯩﺘﯩﮕﻪ ﺗﻪﯞﻩ ﺋﻪﯓ ﻗﻪﺩﯨﻤﯩﻲ ﻳﺎﺩﯨﻜﺎﺭﻟﯩﻘﻼﺭﻏﺎ ﺋﯩﮕﻪ، ﺷﯘﻧﺪﺍﻗﻼ ﺋﯩﻠﻤﯩﻲ ﺋﺎﺭﺧﯧﺌﻮﻟﻮﮔﯩﻴﯩﻠﯩﻚ ﺗﻪﺗﻘﯩﻘﺎﺕ ﻗﯩﻤﻤﯩﺘﯩﮕﻪ ﺋﯩﮕﻪ ﺋﺎﺳﺎﺭﻩ‏- ﺋﻪﺗﯩﻘﻪ، ﻗﻪﺩﯨﻤﯩﻲ ﺷﻪﻫﻪﺭ ﺧﺎﺭﺍﺑﯩﻠﯩﺮﻯ ﻫﻪﻡ ﻗﻪﺩﯨﻤﯩﻲ ﻗﻪﺑﺮﯨﺴﺘﺎﻧﻠﯩﻖ ﺋﻮﺭﯗﻧﻠﯩﺮﻯ ﺋﯩﻨﺘﺎﻳﯩﻦ ﻛﯚﭖ ﺑﻮﻟﻐﺎﻥ ﻣﺎﻛﺎﻥ. ﺷﯘﯕﯩﻤﯘ ﺋﺎﺭﺧﯧﺌﻮﻟﻮﮔﻼﺭ ﻫﻪﻣﺪﻩ ﺗﺎﺭﯨﺨﺸﯘﻧﺎﺳﻼﺭ " ﺋﯩﻨﺴﺎﻧﯩﻴﻪﺕ ﻣﻪﺩﻩﻧﯩﻴﯩﺘﯩﻨﯩﯔ ﺋﺎﭼﻘﯘﭼﻰ ﺗﺎﺭﯨﻤﺪﺍ"،" ﺗﻪﻛﻠﯩﻤﺎﻛﺎﻧﻐﺎ ﺋﯩﻨﺴﺎﻧﯩﻴﻪﺗﻨﯩﯔ ﺋﻪﯓ ﻗﻪﺩﯨﻤﯩﻲ ﺋﯩﺰﻟﯩﺮﻯ ﻛﯚﻣﯜﻟﮕﻪﻥ" ﺩﯦﻴﯩﺸﯩﺪﯗ'.

ﺋﯘﻳﻐﯘﺭ ﺑﯩﺮﯨﻨﭽﻰ ﺋﻪﯞﻻﺩ ﺋﺎﺭﺧﯧﺌﻮﻟﻮﮔﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﻗﯩﻤﻤﻪﺗﻠﯩﻚ ﻣﻪﺩﻩﻧﯩﻲ ﺑﺎﻳﻠﯩﻘﻼﺭﻧﯩﯔ ﻗﺎﻧﯘﻧﯩﻲ ﻣﯩﺮﺍﺳﺨﻮﺭﻟﯩﺮﻯ ﺑﻮﻟﻐﺎﻥ ﺋﯘﻳﻐﯘﺭﻻﺭﺩﺍ ﺋﺎﺳﺎﺭﻩ‏- ﺋﻪﺗﯩﻘﯩﻠﻪﺭﻧﻰ، ﺗﺎﺭﯨﺨﯩﻲ ﻳﺎﺩﯨﻜﺎﺭﻟﯩﻘﻼﺭﻧﻰ ﻗﻮﻏﺪﺍﺵ ﻫﻪﻡ ﺗﻪﺗﻘﯩﻖ ﻗﯩﻠﯩﺶ ﺗﺎﺭﯨﺨﯩﻲ، ﺳﯩﻴﺎﺳﯩﻲ ﭼﻪﻛﻠﯩﻤﯩﻠﻪﺭ ﺳﻪﯞﻩﺑﻠﯩﻚ ﺑﯩﺮ ﻗﻪﺩﻩﺭ ﻛﯧﭽﯩﻜﯩﭗ ﺷﻪﻛﯩﻠﻠﻪﻧﮕﻪﻥ ﺩﻩﭖ ﺋﯧﻴﺘﯩﺸﻘﺎ ﺑﻮﻟﯩﺪﯗ.

ﺋﯘﻳﻐﯘﺭ ﺋﯧﻠﯩﺪﻩ ﺗﺎ ﺋﺎﻟﺪﯨﻨﻘﻰ ﺋﻪﺳﯩﺮﻧﯩﯔ ﺋﻮﺗﺘﯘﺭﯨﻠﯩﺮﯨﻐﯩﭽﻪ ﺋﺎﺭﺧﯧﺌﻮﻟﻮﮔﯩﻴﻪ ﺑﯩﺮ ﺑﻮﺷﻠﯘﻕ ﺑﻮﻟﯘﭖ ﻛﻪﻟﮕﻪﻥ ﺷﯘﻧﺪﺍﻗﻼ ﺋﯘﻳﻐﯘﺭ ﺋﯧﻠﯩﺪﻩ ﺗﯘﻧﺠﻰ ﺋﺎﺳﺎﺭﻩ ‏-ﺋﻪﺗﯩﻘﯩﻠﻪﺭ ﻣﯘﺯﯦﻴﻰ -1953 ‏- ﻳﯩﻠﻰ ﺑﺎﺭﻟﯩﻘﻘﺎ ﻛﻪﻟﺪﻯ، ﺷﯘﻧﯩﯖﺪﯨﻦ ﺑﺎﺷﻼﭖ ﺋﯘﻳﻐﯘﺭ ﺋﯧﻠﯩﺪﻩ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺋﻮﺭﯗﻧﻠﯩﺮﯨﻨﻰ ﺗﯩﺰﯨﻤﻼﺵ، ﺗﻪﻛﺸﯜﺭﯛﺵ ﻫﻪﻡ ﻣﯘﯞﺍﭘﯩﻖ ﺗﻪﺗﻘﯩﻖ ﻗﯩﻠﯩﺶ ﺭﻩﺳﻤﯩﻲ ﺑﺎﺷﻼﻧﻐﺎﻥ.

ﺋﻪﻧﻪ ﺷﯘﻧﺪﯨﻦ ﺋﯧﺘﯩﺒﺎﺭﻩﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﻼﺭﻧﻰ ﻗﻮﻏﺪﺍﺵ ﺋﯩﺸﻠﯩﺮﻯ ﺑﺎﺭﺍ‏- ﺑﺎﺭﺍ ﺷﻪﻛﯩﻠﻠﻪﻧﮕﻪﻥ. ﺋﻪﻣﻤﺎ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺋﺎﻟﯩﻤﻠﯩﺮﻯ، ﺋﺎﺭﺧﯧﺌﻮﻟﻮﮔﻠﯩﺮﻯ 19- ﺋﻪﺳﯩﺮﻟﻪﺭﺩﯨﻼ ﺋﯘﻳﻐﯘﺭ ﺋﯧﻠﯩﺪﻩ ﺋﺎﺭﺧﯧﺌﻮﻟﻮﮔﯩﻴﯩﻠﯩﻚ ﺗﻪﻛﺸﯜﺭﯛﺵ ﯞﻩ ﺗﺎﺭﯨﺨﯩﻲ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﺸﻘﺎ ﺑﺎﺷﻠﯩﻐﺎﻥ.

ﻗﻮﻏﺪﺍﺵ ﺗﻪﺩﺑﯩﺮﻯ ﻳﻪﻧﯩﻼ ﻣﯘﯞﺍﭘﯩﻖ ﺋﻪﻣﻪﺱ

ﺋﯘﻳﻐﯘﺭ ﺋﯧﻠﻰ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﻼﺭﻧﻰ ﺗﻪﺗﻘﯩﻖ ﻗﯩﻠﯩﺶ ﺋﻮﺭﻧﯩﺪﯨﻦ ﺋﯩﮕﯩﻠﯩﻨﯩﺸﯩﭽﻪ، ﻫﺎﺯﯨﺮﻏﯩﭽﻪ ﺋﯘﻳﻐﯘﺭ ﺋﯧﻠﯩﺪﻩ ﺑﺎﻳﻘﺎﻟﻐﺎﻥ ﺋﺎﺳﺎﺭﻩ ‏- ﺋﻪﺗﯩﻘﻪ ﺋﻮﺭﻧﻰ 4000 ﺩﯨﻦ ﺋﺎﺷﯩﺪﯨﻜﻪﻥ ﺑﯘﻧﯩﯔ ﺋﯩﭽﯩﺪﻩ 58 ﺋﻮﺭﯗﻥ ﺩﯙﻟﻪﺕ ﺑﯘﻳﯩﭽﻪ ﺋﺎﻻﻫﯩﺪﻩ ﻗﻮﻏﺪﯨﻠﯩﺪﯨﻐﺎﻥ ﺋﻮﺭﯗﻥ، ﻳﻪﻧﻪ 263 ﺳﻰ ﺋﺎﭘﺘﻮﻧﻮﻡ ﺭﺍﻳﻮﻥ ﺑﯘﻳﯩﭽﻪ ﻗﻮﻏﺪﯨﻠﯩﺪﯨﻐﺎﻥ ﺋﻮﺭﯗﻥ ﻫﻪﻣﺪﻩ ﻳﻪﻧﻪ 2000 ﺋﻮﺭﯗﻥ ﻧﺎﻫﯩﻴﻪ ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯨﻐﺎﻥ ﺟﺎﻳﻼﺭ ﻛﺎﺗﯩﮕﻮﺭﯨﻴﯩﺴﯩﮕﻪ ﻛﯩﺮﮔﯜﺯﯛﻟﮕﻪﻥ ﺋﯩﻜﻪﻥ.

ﮔﻪﺭﭼﻪ ﺑﻪﺯﻯ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺋﻮﺭﯗﻧﻠﯩﺮﯨﻐﺎ ﻣﻪﺧﺴﯘﺱ ﻗﻮﻏﺪﺍﺵ ﺋﯩﺸﺨﺎﻧﯩﻠﯩﺮﻯ ﻗﯘﺭﯗﻟﯘﭖ ﻗﻮﻏﺪﺍﺵ ﺧﺎﺩﯨﻤﻠﯩﺮﻯ ﻗﻮﻳﯘﻟﻐﺎﻥ ﺑﻮﻟﺴﯩﻤﯘ، ﺋﯘﻻﺭ ﺯﺍﻣﺎﻧﯩﯟﻯ ﻗﺎﺗﻨﺎﺵ ﻗﻮﺭﺍﻟﻠﯩﺮﻯ، ﻳﯘﻗﯩﺮﻯ ﺋﻮﻏﺮﯨﻠﯩﻖ ﺗﯧﺨﻨﯩﻜﯩﺴﻰ ﯞﻩ ﺋﻪﺳﯟﺍﺑﻠﯩﺮﯨﻐﺎ ﺋﯩﮕﻪ ﺋﺎﺳﺎﺭﻩ ‏- ﺋﻪﺗﯩﻘﻪ ﺑﯘﻻﯕﭽﯩﻠﯩﺮﯨﻐﺎ ﺯﻩﺭﺑﻪ ﺑﯧﺮﯨﺸﺘﻪ ﺋﺎﺟﯩﺰﻟﯩﻖ ﻗﯩﻠﯩﺪﯨﻜﻪﻥ.

ﺋﯩﻠﮕﯩﺮﻯ ﻣﯩﺮﺍﻥ ﻗﻪﺩﯨﻤﯩﻲ ﻣﻪﻗﺒﻪﺭﯨﻠﯩﺮﯨﻨﻰ ﻗﻮﻏﺪﺍﺵ ﺋﻮﺭﻧﯩﺪﯨﻦ ﺋﯩﮕﻪ ﺑﻮﻟﯘﺷﯩﻤﯩﺰﭼﻪ، ﺋﺎﺳﺎﺭﻩ ‏- ﺋﻪﺗﯩﻘﻪ ﺋﻮﺭﯗﻧﻠﯩﺮﯨﻨﻰ ﻗﻮﻏﺪﺍﺵ ﺧﺎﺩﯨﻤﻠﯩﺮﯨﻨﯩﯔ ﺳﺎﻧﻰ ﭼﻪﻛﻠﯩﻚ ﺑﻮﻟﯘﭘﻼ ﻗﺎﻟﻤﺎﻱ، ﺷﺎﺭﺍﺋﯩﺘﻰ، ﻗﺎﺗﻨﺎﺵ ﻗﻮﺭﺍﻟﻠﯩﺮﯨﻤﯘ ﺋﯩﻨﺘﺎﻳﯩﻦ ﻗﺎﻻﻕ ﺑﻮﻟﯘﭖ ﻗﻪﺑﺮﻩ ﺋﻮﻏﺮﯨﻠﯩﺮﻯ ﺑﯩﻠﻪﻥ ﻛﯜﭺ ﺋﯧﻠﯩﺸﺎﻟﻤﯩﻐﺎﭼﻘﺎ،ﻗﻪﺑﺮﻩ ﺋﻮﻏﺮﯨﻼﺵ ﻫﻪﻡ ﺋﯧﻐﯩﺮ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﺘﯩﺶ ﺋﻪﻫﯟﺍﻟﻠﯩﺮﻯ ﺑﺎﺭﻏﺎﻧﭽﻪ ﺋﯧﻐﯩﺮﻻﺷﻤﺎﻗﺘﺎ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﻰ ﺩﺍﺋﯩﺮﯨﻠﯩﺮﻯ ﺋﺎﺳﺎﺭﻩ ‏- ﺋﻪﺗﯩﻘﻪ، ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺋﻮﺭﯗﻧﻠﯩﺮﯨﻨﻰ ﻗﻮﻏﺪﺍﺵ ﻫﻪﻗﻘﯩﺪﻩ ﻣﻪﺧﺴﯘﺱ ﻗﺎﻧﯘﻥ ﺑﻪﻟﮕﯩﻠﻪﭖ،ﺑﯘ ﻳﯩﻞ 1- ﻣﺎﻳﺪﯨﻦ ﺋﯧﺘﯩﺒﺎﺭﻩﻥ ﺭﻩﺳﻤﯩﻲ ﻳﻮﻟﻐﺎ ﻗﻮﻳﯘﺷﻘﺎ ﺑﺎﺷﻠﯩﺪﻯ.ﻗﺎﻧﯘﻧﺪﺍ ﺗﯧﺨﻰ ﺋﯧﭽﯩﻠﻤﯩﻐﺎﻥ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺋﻮﺭﯗﻧﻠﯩﺮﯨﻐﺎ ﻛﯩﺮﮔﻪﻧﻠﻪﺭﮔﻪ ﺋﯧﻐﯩﺮ ﺑﻮﻟﻐﺎﻧﺪﺍ 100 ﻳﯘﻩﻥ ﺟﻪﺭﯨﻤﺎﻧﻪ ﻗﻮﻳﯘﺵ، ﺭﯗﺧﺴﻪﺗﺴﯩﺰ ﺋﯧﻜﺴﻜﯘﺭﺳﯩﻴﻪ، ﺳﺎﻳﺎﻫﻪﺕ ﻗﯩﻠﻐﯘﭼﯩﻼﺭﻧﻰ ﺗﻪﺷﻜﯩﻠﻠﯩﮕﻪﻧﻠﻪﺭﮔﻪ 20 ﻣﯩﯔ ﻳﯘﻩﻧﺪﯨﻦ 40 ﻣﯩﯔ ﻳﯘﻩﻧﮕﯩﭽﻪ ﺟﻪﺭﯨﻤﺎﻧﻪ ﻗﻮﻳﯘﺵ ﺩﯦﮕﻪﻧﺪﻩﻙ ﺑﻪﻟﮕﯩﻠﯩﻤﯩﻠﻪﺭﻧﻰ ﭼﯩﻘﯩﺮﯨﭗ، ﻳﻪﻧﻪ ﺑﯘ ﻗﺎﻧﯘﻥ ﺑﯘﻳﯩﭽﻪ ﺧﯩﺘﺎﻳﻨﯩﯔ ﻣﻪﻣﻠﯩﻜﻪﺗﻠﯩﻚ ﻫﻪﻣﺪﻩ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﯞﻩ ﻧﺎﻫﯩﻴﻪ ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯨﻐﺎﻥ ﺟﺎﻳﻼﺭ ﻛﺎﺗﯩﮕﻮﺭﯨﻴﯩﺴﯩﮕﻪ ﻛﯩﺮﮔﯜﺯﯛﻟﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻗﻮﻏﺪﺍﺵ ﻛﺎﺗﯩﮕﻮﺭﯨﻴﯩﺴﯩﮕﻪ ﻛﯩﺮﮔﯜﺯﯛﻟﻤﯩﮕﻪﻥ ﻳﻪﻧﻪ ﻧﯘﺭﻏﯘﻥ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺋﻮﺭﯗﻧﻠﯩﺮﯨﻨﯩﯔ ﻣﯘﯞﺍﭘﯩﻖ ﻗﻮﻏﺪﺍﻟﻤﺎﻳﯟﺍﺗﻘﺎﻧﻠﯩﻘﻰ ﺷﯘﻧﺪﺍﻗﻼ ﻣﯘﻫﯩﻢ ﺋﺎﺭﺧﯧﺌﻮﻟﻮﮔﯩﻴﯩﻠﯩﻚ ﺗﻪﺗﻘﯩﻘﺎﺕ ﺋﻮﺭﯗﻧﻠﯩﺮﻯ ﺑﻮﻟﻐﺎﻥ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺋﯩﺰﻧﺎﻟﯩﺮﯨﻨﯩﯔ ﺳﺎﻳﺎﻫﻪﺗﭽﯩﻠﯩﻜﻜﻪ ﻗﺎﻻﻳﻤﯩﻘﺎﻥ ﺋﯧﭽﯩﻠﯩﭗ ﺩﺍﯞﺍﻣﻠﯩﻖ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﺸﯩﻐﺎ ﺋﯩﺸﯩﻚ ﺋﯧﭽﯩﭗ ﺑﯧﺮﯨﻠﮕﻪﻧﻠﯩﻜﻰ ﻣﯘﺗﻪﺧﻪﺳﺴﯩﺴﻠﻪﺭﻧﻰ ﺗﻪﺷﯟﯨﺸﻠﻪﻧﺪﯛﺭﻣﻪﻛﺘﻪ ﺋﯩﻜﻪﻥ.

ﺑﯘ ﻫﻪﻗﺘﻪ ﺗﻪﺗﻘﯩﻘﺎﺗﭽﻰ ﻗﺎﻫﺎﺭ ﺑﺎﺭﺍﺕ ﺋﻪﭘﻪﻧﺪﯨﻤﯘ ﭘﯩﻜﯩﺮﻟﯩﺮﯨﻨﻰ ﺋﯩﺰﻫﺎﺭﻟﯩﺪﻯ. (ﮔﯜﻟﭽﯧﻬﺮﻩ)