9 - ﺋﺎﻳﻨﯩﯔ 14 - ﻛﯜﻧﻰ ﭼﯜﺷﺘﯩﻦ ﻛﯧﻴﯩﻦ ﺋﯚﺗﻜﯜﺯﯛﻟﮕﻪﻥ ﺑﯘ ﻧﺎﻣﺎﻳﯩﺸﻘﺎ ﻳﺎﭘﻮﻧﯩﻴﯩﻨﯩﯔ ﭘﺎﻳﺘﻪﺧﺘﻰ ﺗﻮﻛﻴﻮ ﺷﻪﻫﺮﯨﺪﯨﻦ ﻛﻪﻟﮕﻪﻥ ﺋﯘﻳﻐﯘﺭﻻﺭ ﺋﻮﺳﺎﻛﺎﻟﯩﻖ ﻳﺎﭘﻮﻥ، ﺗﯩﺒﻪﺕ ﯞﻩ ﻣﻮﯕﻐﯘﻟﻼﺭﺩﯨﻦ ﺑﻮﻟﯘﭖ 100 ﮔﻪ ﻳﯧﻘﯩﻦ ﻛﯩﺸﻰ ﻗﺎﺗﻨﺎﺷﻘﺎﻥ. ﻗﻮﻟﻠﯩﺮﯨﺪﺍ ﺋﯘﻳﻐﯘﺭ، ﺗﯩﺒﻪﺕ، ﻣﻮﯕﻐﯘﻝ ﯞﻩ ﻳﺎﭘﻮﻥ ﺑﺎﻳﺮﺍﻗﻠﯩﺮﯨﻨﻰ ﻛﯚﺗﯜﺭﯛﺷﻜﻪﻥ ﺑﯘ ﻧﺎﻣﺎﻳﯩﺸﭽﯩﻼﺭ، "ﺧﯩﺘﺎﻳﻼﺭ ﺋﯘﻳﻐﯘﺭﻻﺭﻏﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺸﻨﻰ ﺗﻮﺧﺘﺎﺗﺴﯘﻥ، ﺋﯘﻳﻐﯘﺭ، ﺗﯩﺒﻪﺕ ﯞﻩ ﻣﻮﯕﻐﯘﻟﻼﺭﻏﺎ ﺋﻪﺭﻛﯩﻨﻠﯩﻚ، ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﻗﯘﻝ ﻗﯩﻠﯩﺸﻨﻰ ﺗﻮﺧﺘﯩﺘﯩﯖﻼﺭ، ﺗﻮﺧﺘﻰ ﻣﻮﺯﺍﺭﺕ ﻗﺎﻳﺘﯘﺭﯗﭖ ﺑﯧﺮﯨﻠﺴﯘﻥ، ﺋﻮﻳﻐﺎﻥ ﺋﯘﻳﻐﯘﺭ" ﺩﯦﮕﻪﻧﮕﻪ ﺋﻮﺧﺸﺎﺵ ﺷﻮﺋﺎﺭﻻﺭﻧﻰ ﺗﻮﯞﻻﺷﻘﺎﻥ.

ﺑﯘ ﻧﺎﻣﺎﻳﯩﺸﻨﻰ ﻳﺎﭘﻮﻧﯩﻴﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﭘﯜﺗﯜﻥ ﺩﯗﻧﻴﺎﻏﺎ ﺋﻪﺭﻛﯩﻨﻠﯩﻚ ﺗﻪﺷﻜﯩﻼﺗﻰ ﺑﯩﻠﻪﻥ ﺋﻮﺳﺎﻛﺎ ﭘﯘﻗﺮﺍﻻﺭ ﺋﯘﻳﯘﺷﻤﯩﺴﻰ ﺋﯘﻳﯘﺷﺘﯘﺭﻏﺎﻥ ﺑﻮﻟﯘﭖ ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻘﺎ ﻳﺎﭘﻮﻧﯩﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺑﺎﺷﻠﯩﻘﻰ ﺋﯩﻠﻬﺎﻡ ﻣﻪﺧﻤﯘﺕ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮ ﮔﯘﺭﯗﭖ ﺋﯘﻳﻐﯘﺭ ﺗﻮﻛﻴﻮﺩﯨﻦ ﺋﻮﺳﺎﻛﺎﻏﺎ ﻛﯧﻠﯩﭗ ﺑﯘ ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ. ﺑﯘ ﻧﺎﻣﺎﻳﯩﺸﻨﻰ ﺋﻮﺳﺎﻛﺎﺩﯨﻜﻰ ﻛﯚﭖ ﺳﺎﻧﺪﯨﻜﻰ ﭼﻪﺗﺌﻪﻝ ﯞﻩ ﻳﺎﭘﻮﻥ ﮊﻭﺭﻧﺎﻟﯩﺴﺘﻠﯩﺮﻯ ﺧﻪﯞﻩﺭ ﻗﯩﻠﯩﭗ ﺗﺎﺭﻗﺎﺗﻘﺎﻥ.

ﺑﯩﺰ ﺑﯘ ﻧﺎﻣﺎﻳﯩﺶ ﻫﻪﻗﻘﯩﺪﻩ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻧﻪﻕ ﻣﻪﻳﺪﺍﻧﻐﺎ ﺗﯧﻠﯧﻔﻮﻥ ﻗﯩﻠﯩﭗ، ﻧﺎﻣﺎﻳﯩﺸﻘﺎ ﻗﺎﺗﻨﯩﺸﯩﯟﺍﺗﻘﺎﻥ ﻛﯩﺸﯩﻠﻪﺭ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﻧﺎﻣﺎﻳﯩﺸﭽﯩﻼﺭ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﺪﯨﻦ ﻛﯧﻴﯩﻨﻤﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺷﻰ ﺑﯧﺴﯩﻢ ﺳﯩﻴﺎﺳﯩﺘﯩﻨﻰ ﺩﺍﯞﺍﻡ ﻗﯩﻠﺪﯗﺭﯗﯞﺍﺗﻘﺎﻧﻠﯩﻘﯩﻨﻰ، ﺷﯘﯕﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺑﯘ ﺯﯗﻟﯘﻣﻨﻰ ﺗﻮﺧﺘﯩﺘﯩﺸﻘﺎ ﭼﺎﻗﯩﺮﯨﺶ، ﺋﺎﺳﯩﻴﺎﻧﯩﯔ ﺗﯩﻨﭽﻠﯩﻘﻰ ﺋﯜﭼﯜﻥ ﺧﯩﺘﺎﻳﻐﺎ ﻗﺎﺭﺷﻰ ﻛﯜﺭﻩﺷﺘﻪ ﻫﻪﻣﻜﺎﺭﻟﯩﻘﻨﻰ ﻛﯜﭼﻪﻳﺘﯩﺶ ﺋﯜﭼﯜﻥ ﺑﯘ ﻧﺎﻣﺎﻳﯩﺸﻨﻰ ﺋﯘﻳﯘﺷﺘﯘﺭﻏﺎﻧﻠﯩﻘﯩﻨﻰ ﺋﯧﻴﺘﺘﻰ.