ﺋﺎﻣﯧﺮﯨﻜﺎ ﻛﯧﯖﻪﺵ ﭘﺎﻻﺗﺎﺳﻰ ﺧﯩﺘﺎﻱ ﻳﯧﻤﻪﻛﻠﯩﻜﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﯩﻨﻰ ﻣﯘﺯﺍﻛﯩﺮﻩ ﻗﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﺎﺧﯩﺮﻗﻰ ﻛﯜﻧﻠﻪﺭﺩﻩ ﺧﯩﺘﺎﻱ - ﺋﺎﻣﯧﺮﯨﻜﺎ ﺳﻮﺩﺍ ﻣﯘﻧﺎﺳﯩﯟﯨﺘﯩﺪﯨﻜﻰ ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﻰ، ﺧﯩﺘﺎﻱ ﭘﯘﻟﯩﻨﯩﯔ ﻗﯩﻤﻤﯩﺘﻰ ﯞﻩ ﺳﻮﺩﺍ ﻗﯩﺰﯨﻞ ﺭﻩﻗﯩﻤﻰ ﻗﺎﺗﺎﺭﻟﯩﻖ ﺋﻪﻧﺌﻪﻧﯩﯟﯨﻲ ﺋﯩﺨﺘﯩﻼﭘﻼﺭﻏﺎ ﻳﻪﻧﻪ ﺑﯩﺮ ﻳﯧﯖﻰ ﺋﯩﺨﺘﯩﻼﭖ ﻗﻮﺷﯘﻟﺪﻯ. ﺋﯘ ﺑﻮﻟﺴﯩﻤﯘ ﺋﺎﻣﯧﺮﯨﻜﯩﻐﺎ ﺋﯧﻜﺴﭙﻮﺭﺕ ﻗﯩﻠﯩﻨﯩﺪﯨﻐﺎﻥ ﺧﯩﺘﺎﻱ ﺗﺎﯞﺍﺭﻟﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﯩﺪﯗﺭ. ﺋﺎﻣﯧﺮﯨﻜﺎ ﺧﯩﺘﺎﻳﻨﯩﯔ ﺗﻮﻗﯘﻟﻤﺎ ﯞﻩ ﺗﯘﺭﻣﯘﺵ ﺑﯘﻳﯘﻣﻠﯩﺮﯨﻨﻰ ﺋﯧﻜﺴﭙﻮﺭﺕ ﻗﯩﻠﯩﺪﯨﻐﺎﻥ ﺋﻪﯓ ﭼﻮﯓ ﺑﺎﺯﯨﺮﻯ ﺑﻮﻟﯘﭘﻼ ﻗﺎﻟﻤﺎﻱ، ﻳﻪﻧﻪ ﻳﯧﻤﻪﻛﻠﯩﻚ ﺋﯧﻜﺴﭙﻮﺭﺕ ﻗﯩﻠﯩﺪﯨﻐﺎﻥ ﻣﯘﻫﯩﻢ ﺑﺎﺯﯨﺮﻯ. ﺷﯘﯕﺎ ﺋﯧﻜﺴﭙﻮﺭﺕ ﺗﺎﯞﺍﺭﻟﯩﺮﯨﻨﯩﯔ ﻻﻳﺎﻗﻪﺗﻠﯩﻚ ﻣﻪﺳﯩﻠﯩﺴﻰ ﯞﻩ ﻳﯧﻤﻪﻛﻠﯩﻜﻠﻪﺭﻧﯩﯔ ﺑﯩﺨﻪﺗﻪﺭﻟﯩﻜﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﻫﻪﻡ ﺑﯘﺵ ﻫﯚﻛﯜﻣﯩﺘﯩﻨﻰ ﻫﻪﺭﯨﻜﻪﺗﻜﻪ ﻛﻪﻟﺘﯜﺭﻣﻪﻛﺘﻪ. ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﻛﯧﯖﻪﺵ ﭘﺎﻻﺗﺎﺳﻰ ﭼﺎﺭﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺗﺎﯞﺍﺭﻟﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﻰ ﭼﺎﻗﯩﺮﯨﭗ، ﺑﯘﺵ ﻫﯚﻛﯜﻣﯩﺘﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺋﻪﻣﻪﻟﺪﺍﺭﻻﺭ ﯞﻩ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﭘﯩﻜﯩﺮﯨﻨﻰ ﺋﺎﻟﺪﻯ.

ﺗﺎﯞﺍﺭ ﻣﺎﺭﻛﯩﺴﯩﻐﺎ ﻣﻪﻫﺴﯘﻻﺗﻨﯩﯔ ﻗﻪﻳﻪﺭﺩﻩ ﺋﯩﺸﻠﻪﭘﭽﯩﻘﯩﺮﯨﻠﻐﺎﻧﻠﯩﻘﻰ ﻳﯧﺰﯨﻠﯩﺸﻰ ﻛﯧﺮﻩﻙ

ﺧﯩﺘﺎﻳﻨﯩﯔ ﺋﺎﻣﯧﺮﯨﻜﯩﻐﺎ ﺋﯧﻜﺴﭙﻮﺭﺕ ﻗﯩﻠﻐﺎﻥ ﺗﺎﯞﺍﺭﻻﺭ ﯞﻩ ﻳﯧﻤﻪﻛﻠﯩﻜﻠﻪﺭﺩﻩ ﺑﯩﺨﻪﺗﻪﺭﻟﯩﻚ ﯞﻩ ﺳﺎﻻﻣﻪﺗﻠﯩﻜﻜﻪ ﭘﺎﻳﺪﯨﺴﯩﺰ ﺋﯧﻠﯧﻤﯧﻨﺘﻼﺭﻧﯩﯔ ﻣﻪﯞﺟﯘﺕ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺋﻪﻧﺪﯨﺸﯩﻠﻪﺭ ﺋﺎﺧﯩﺮﻗﻰ ﻛﯜﻧﻠﻪﺭﺩﻩ ﺑﯘﺵ ﻫﯚﻛﯜﻣﯩﺘﻰ ﯞﻩ ﺋﺎﻣﯧﺮﯨﻜﺎ ﻛﯧﯖﻪﺵ ﻫﻪﻡ ﺋﺎﯞﺍﻡ ﭘﺎﻻﺗﺎﻟﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﺎﻳﺪﯨﻐﺎﻥ ﻣﻪﺳﯩﻠﻪ ﺑﻮﻟﯘﭘﻼ ﻗﺎﻟﻤﺎﻱ، ﺟﯩﺪﺩﯨﻲ ﺗﻪﺩﺑﯩﺮ ﻗﻮﻟﻠﯩﻨﯩﺶ ﺯﯙﺭﯛﺭﯨﻴﯩﺘﻰ ﻫﯧﺲ ﻗﯩﻠﯩﯟﺍﺗﻘﺎﻥ ﻣﻪﺳﯩﻠﯩﮕﻪ ﺋﺎﻳﻼﻧﺪﻯ. ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﻰ ﭼﺎﺭﺷﻪﻧﺒﻪ ﻛﯜﻧﻰ ﻳﯧﻤﻪﻛﻠﯩﻜﻠﻪﺭ ﻣﺎﺭﻛﯩﺴﯩﻐﺎ ﺩﺍﺋﯩﺮ ﺑﯩﺮ ﻗﺎﻧﯘﻥ ﻻﻳﯩﻬﯩﺴﯩﻨﻰ ﺋﺎﯞﺍﺯﻏﺎ ﻗﻮﻳﯘﭖ، ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﻳﯧﻤﻪﻛﻠﯩﻜﻠﻪﺭ ﯞﻩ ﻳﯧﻤﻪﻛﻠﯩﻚ ﺧﺎﻡ ﺋﻪﺷﻴﺎﻟﯩﺮﯨﻨﯩﯔ ﺗﺎﯞﺍﺭ ﻣﺎﺭﻛﯩﺴﯩﻐﺎ ﻣﻪﻫﺴﯘﻻﺗﻨﯩﯔ ﻗﻪﻳﻪﺭﺩﻩ ﺋﯩﺸﻠﻪﭘﭽﯩﻘﯩﺮﯨﻠﻐﺎﻧﻠﯩﻘﯩﻨﻰ ﻳﯧﺰﯨﺶ ﺗﻪﻟﻪﭖ ﻗﯩﻠﯩﻨﺪﻯ.

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ ﺭﻭﺯﺍ ﺩﯦﻼﯞﺭﻭ ﻣﻪﺯﻛﯘﺭ ﻗﺎﻧﯘﻥ ﻻﻳﯩﻬﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﯘﭼﻰ ﺯﺍﺗﻼﺭﻧﯩﯔ ﺑﯩﺮﻯ. ﺋﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺧﯩﺘﺎﻱ ﺋﯧﻜﺴﭙﻮﺭﺕ ﻗﯩﻠﻐﺎﻥ ﺗﺎﯞﺍﺭﻻﺭ ﻛﯩﺸﯩﻠﻪﺭ ﺳﺎﻻﻣﻪﺗﻠﯩﻜﯩﮕﻪ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﯟﺍﺗﻘﺎﻥ ﺋﻪﻫﯟﺍﻝ ﺋﺎﺳﺘﯩﺪﺍ، ﻳﯧﻤﻪﻛﻠﯩﻚ ﯞﻩ ﻳﯧﻤﻪﻛﻠﯩﻚ ﺧﺎﻡ ﺋﻪﺷﻴﺎﻟﯩﺮﯨﻨﯩﯔ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﺋﻮﺭﻧﯩﻨﻰ ﺑﯩﻠﯩﺶ ﺑﺎﺭﻏﺎﻧﺴﯧﺮﻯ ﻣﯘﻫﯩﻢ ﻣﻪﺳﯩﻠﻪ ﺑﻮﻟﯘﭖ ﻗﺎﻟﻤﺎﻗﺘﺎ. ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﻣﻪﺯﻛﯘﺭ ﻗﺎﻧﯘﻥ ﻻﻳﯩﻬﯩﺴﯩﺪﻩ ﺧﯩﺘﺎﻱ ﺋﺎﺷﻜﺎﺭﺍ ﺗﯩﻠﻐﺎ ﺋﯧﻠﯩﻨﻤﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﻗﺎﻧﯘﻥ ﻻﻳﯩﻬﯩﺴﻰ ﻳﯧﻤﻪﻛﻠﯩﻜﻠﻪﺭﻧﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﯩﺪﻩ ﺧﯩﺘﺎﻱ - ﺋﺎﻣﯧﺮﯨﻜﺎ ﺋﺎﺭﯨﺴﯩﺪﺍ ﻛﻪﺳﻜﯩﻦ ﺳﯜﺭﻛﯩﻠﯩﺶ ﻛﯧﻠﯩﭗ ﭼﯩﻘﻘﺎﻥ ﻣﻪﺯﮔﯩﻠﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﺪﻯ.

ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ Frank Wolf ﺋﺎﻟﺪﯨﻨﻘﻰ ﻛﯜﻧﻰ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺋﻮﻣﯘﻣﻰ ﻳﯩﻐﯩﻨﯩﺪﯨﻜﻰ ﻣﯘﻧﺎﺯﯨﺮﯨﺪﻩ ﺧﯩﺘﺎﻳﻨﻰ ﺋﺎﻣﯧﺮﯨﻜﯩﻐﺎ ﺳﯜﭘﻪﺗﺴﯩﺰ ﻣﻪﻫﺴﯘﻻﺗﻼﺭﻧﻰ ﺋﯧﻜﺴﭙﻮﺭﺕ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﻪﭖ، ﺑﻪﺯﻯ ﻣﻪﻫﺴﯘﻻﺗﻼﺭﻏﺎ ﺧﯩﻤﯩﻴﯩﻠﯩﻚ ﻣﺎﺩﺩﯨﻼﺭ ﺋﺎﺭﯨﻼﺷﺘﯘﺭﯗﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﺋﯘ، "ﺧﯩﺘﺎﻱ ﺋﺎﻣﯧﺮﯨﻜﯩﻐﺎ ﺋﯜﺯﻟﯜﻛﺴﯩﺰ ﺗﯜﺭﺩﻩ ﻻﻳﺎﻗﻪﺗﺴﯩﺰ ﯞﻩ ﻳﺎﻟﻐﺎﻥ ﻣﺎﺭﻛﺎ ﭼﺎﭘﻼﻧﻐﺎﻥ ﻳﯧﻤﻪﻛﻠﯩﻜﻠﻪﺭﻧﻰ، ﺑﻮﻟﯘﭘﻤﯘ ﺧﯩﻤﯩﻴﯩﻠﯩﻚ ﻣﺎﺩﺩﯨﻼﺭ ﺋﺎﺭﯨﻼﺷﻘﺎﻥ ﻣﯧﯟﯨﻠﻪﺭ، ﺑﺎﻛﺘﯩﺮﯨﻴﯩﻠﯩﻚ ﺑﯧﻠﯩﻘﻼﺭ، ﺧﯩﻤﯩﻴﯩﻠﯩﻚ ﻣﺎﺩﺩﯨﻼﺭ ﺑﯩﻠﻪﻥ ﺋﯚﺳﺘﯜﺭﯛﻟﮕﻪﻥ ﺋﯩﺸﻪﻙ ﻣﻪﺩﯨﻜﻰ ﯞﻩ ﺭﺍﻙ ﻛﯧﺴﯩﻠﻰ ﭘﻪﻳﺪﺍ ﻗﯩﻠﻐﯘﭼﻰ ﺧﯩﻤﯩﻴﯩﻠﯩﻚ ﻣﺎﺩﺩﯨﻼﺭﺩﺍ ﻗﯘﺭﯗﺗﻘﺎﻥ ﺋﺎﻟﻤﺎ ﻗﯧﻘﯩﻨﻰ ﺋﯧﻜﺴﭙﻮﺭﺕ ﻗﯩﻠﯩﯟﺍﺗﯩﺪﯗ " ﺩﻩﭖ ﻛﯚﺭﺳﻪﺗﺘﻰ.

ﺋﺎﻣﯧﺮﯨﻜﺎ ﻳﯧﻤﻪﻛﻠﯩﻜﻠﻪﺭ - ﺩﻭﺭﺍ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﻰ ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﻳﯧﻤﻪﻛﻠﯩﻜﻠﻪﺭﻧﻰ ﺗﻪﻛﺸﯜﺭﯛﺷﻜﻪ ﺟﯩﺪﺩﯨﻲ ﻗﺎﺭﯨﻤﯩﺪﻯ

ﺋﺎﻣﯧﺮﯨﻜﺎ ﻳﯧﻤﻪﻛﻠﯩﻜﻠﻪﺭ ﯞﻩ ﺩﻭﺭﺍ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﻰ 7 - ﺋﺎﻳﻨﯩﯔ 10 - ﻛﯜﻧﻰ ﺧﯩﺘﺎﻳﻼﺭ ﺋﯧﻜﺴﭙﻮﺭﺕ ﻗﯩﻠﻐﺎﻥ 5 ﺗﯜﺭﻟﯜﻙ ﺩﯦﯖﯩﺰ ﻣﻪﻫﺴﯘﻻﺗﯩﺪﺍ ﺯﻩﻫﻪﺭﻟﯩﻚ ﺋﯧﻠﯧﻤﯧﻨﺘﻼﺭ ﺑﺎﻳﻘﺎﻟﻐﺎﻧﻠﯩﻘﯩﻨﻰ ﺟﺎﻛﺎﺭﻻﭖ، ﺑﯘ ﻣﻪﻫﺴﯘﻻﺗﻼﺭﻧﯩﯔ ﺗﯘﺗﯘﭖ ﻗﯧﻠﯩﻨﻐﺎﻧﻠﯩﻘﯩﻨﻰ ﯞﻩ ﻛﯚﻟﺪﻩ ﺑﺎﻗﻘﺎﻥ ﺳﯘ ﻣﻪﻫﺴﯘﻻﺗﻠﯩﺮﯨﻨﻰ ﺋﯩﻤﭙﻮﺭﺕ ﻗﯩﻠﯩﺶ ﭼﻪﻛﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﺎﻣﯧﺮﯨﻜﯩﻐﺎ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﺳﯜﭘﯩﺘﯩﺪﻩ ﻣﻪﺳﯩﻠﻪ ﺑﺎﺭ ﻣﻪﻫﺴﯘﻻﺗﻼﺭﻧﯩﯔ ﺗﯜﺭﻯ ﺧﯧﻠﻰ ﻛﯚﭖ ﺑﻮﻟﯘﭖ، ﺑﯘ ﺋﺎﭘﺘﻮﻣﻮﺑﯩﻞ ﺑﺎﻟﯘﻧﻰ، ﻛﯜﻧﺪﯨﻠﯩﻚ ﺑﯘﻳﯘﻣﻼﺭ، ﺋﻮﻳﯘﻧﭽﯘﻗﻼﺭ، ﭼﯩﺶ ﭘﺎﺳﺘﯩﺴﻰ ﯞﻩ ﻫﺎﻳﯟﺍﻧﺎﺗﻼﺭ ﻳﯧﻤﻪﻛﻠﯩﻜﻰ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﺑﯘﻧﯩﯔ ﺋﯩﭽﯩﺪﻩ ﺧﯩﺘﺎﻱ ﺋﯧﻜﺴﭙﻮﺭﺕ ﻗﯩﻠﻐﺎﻥ ﻫﺎﻳﯟﺍﻧﻼﺭ ﻳﯧﻤﻪﻛﻠﯩﻜﻰ ﺋﺎﻣﯧﺮﯨﻜﯩﺪﺍ ﺋﯚﻱ ﻫﺎﻳﯟﺍﻧﻠﯩﺮﯨﻨﯩﯔ ﺋﯚﻟﯜﺷﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ. ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﺋﯧﻨﯧﺮﮔﯩﻴﻪ ﯞﻩ ﺳﻮﺩﺍ ﻛﻮﻣﯩﺘﯧﺘﻰ ﺋﺎﻟﺪﯨﻨﻘﻰ ﻛﯜﻧﻰ ﭼﺎﻗﯩﺮﻏﺎﻥ ﺑﯘ ﻫﻪﻗﺘﯩﻜﻰ ﻳﻪﻧﻪ ﺑﯩﺮ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ، ﺋﺎﻣﯧﺮﯨﻜﺎ ﻳﯧﻤﻪﻛﻠﯩﻜﻠﻪﺭ ﺗﻪﻣﯩﻨﺎﺗﯩﻨﯩﯔ ﺑﯩﺨﻪﺗﻪﺭﻟﯩﻜﻰ ﯞﻩ ﻳﯧﻤﻪﻛﻠﯩﻜﻠﻪﺭ - ﺩﻭﺭﺍ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﯩﻨﯩﯔ ﺋﯩﻤﭙﻮﺭﺕ ﻳﯧﻤﻪﻛﻠﯩﻜﻠﻪﺭﻧﻰ ﺗﻪﻛﺸﯜﺭﯛﺵ ﺋﻪﻫﯟﺍﻟﯩﻨﻰ ﺳﯜﺭﯛﺷﺘﯜﺭﮔﻪﻥ. ﻳﯩﻐﯩﻨﺪﺍ ﺋﺎﻣﯧﺮﯨﻜﺎ ﻳﯧﻤﻪﻛﻠﯩﻜﻠﻪﺭ - ﺩﻭﺭﺍ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﻰ ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﻳﯧﻤﻪﻛﻠﯩﻜﻠﻪﺭﻧﻰ ﺗﻪﻛﺸﯜﺭﯛﺷﻜﻪ ﺟﯩﺪﺩﯨﻲ ﻗﺎﺭﯨﻤﯩﺪﻯ، ﺩﻩﭖ ﺗﻪﻧﻘﯩﺪﻟﻪﻧﺪﻯ.

ﺟﯘﻣﻬﯘﺭﯨﻴﻪﺗﭽﻰ ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ Marsha Blackburn،" ﺑﯩﺰ ﺋﯚﺯﯨﻤﯩﺰﻧﯩﯔ ﺋﺎﺟﯩﺰﻟﯩﻘﯩﻤﯩﺰﻧﻰ ﺑﯩﻠﯩﻤﯩﺰ. ﺋﯘ ﺑﻮﻟﺴﯩﻤﯘ ﺑﯩﺰﻧﯩﯔ ﭼﻪﺗﺌﻪﻟﺪﻩ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﻣﻪﻫﺴﯘﻻﺗﻼﺭﻧﯩﯔ ﺑﯩﺰﮔﻪ ﺳﺎﻟﯩﺪﯨﻐﺎﻥ ﺯﯨﻴﯩﻨﯩﺪﯨﻦ ﺳﺎﻗﻠﯩﻨﯩﺸﻘﺎ ﺋﺎﺟﯩﺰﻟﯩﻖ ﻗﯩﻠﯩﯟﺍﺗﻘﺎﻧﻠﯩﻘﯩﻤﯩﺰﺩﯗﺭ" ﺩﻩﻳﺪﯗ.

ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺋﺎﯞﺍﻡ ﭘﺎﻻﺗﺎﺳﻰ ﺳﯩﺮﺗﯩﺪﺍ ﺋﺎﻣﯧﺮﯨﻜﺎ ﻛﯧﯖﻪﺵ ﭘﺎﻻﺗﺎﺳﯩﻨﯩﯔ ﺳﻮﺩﺍ، ﺋﯩﻠﯩﻢ - ﭘﻪﻥ ﯞﻩ ﺗﺮﺍﻧﺴﭙﻮﺭﺕ ﻛﻮﻣﯩﺘﯧﺘﻰ ﭼﺎﺭﺷﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺳﻪﻫﯩﻴﻪ ﯞﻩ ﺋﺎﻣﻤﯩﯟﯨﻲ ﺳﺎﻻﻣﻪﺗﻠﯩﻚ ﺋﻮﺭﮔﺎﻧﻠﯩﺮﯨﺪﯨﻜﻰ ﺋﻪﻣﻪﻟﺪﺍﺭﻻﺭﻧﻰ، ﺋﯩﺴﺘﯩﻤﺎﻟﭽﯩﻼﺭ ﻫﻮﻗﯘﻗﯩﻨﻰ ﻗﻮﻏﺪﯨﻐﯘﭼﻰ ﺋﻮﺭﮔﺎﻧﻼﺭ ﻫﻪﻡ ﺗﻪﺗﻘﯩﻘﺎﺕ ﺋﻮﺭﯗﻧﻠﯩﺮﯨﻨﯩﯔ ﺧﺎﺩﯨﻤﻠﯩﺮﯨﻨﻰ ﺩﯙﻟﻪﺕ ﻣﻪﺟﻠﯩﺴﯩﺪﻩ ﺋﯩﺴﭙﺎﺕ ﺑﯧﺮﯨﺸﻜﻪ ﭼﺎﻗﯩﺮﯨﭗ، ﺋﯩﻤﭙﻮﺭﺕ ﻣﻪﻫﺴﯘﻻﺗﻠﯩﺮﻯ ﺑﻮﻟﯘﭘﻤﯘ ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﻳﯧﻤﻪﻛﻠﯩﻚ ﯞﻩ ﻛﯜﻧﺪﯨﻠﯩﻚ ﺗﯘﺭﻣﯘﺵ ﺑﯘﻳﯘﻣﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﻰ، ﺋﺎﻣﯧﺮﯨﻜﺎ ﭘﯘﻗﺮﺍﻟﯩﺮﯨﻨﯩﯔ ﺳﺎﻻﻣﻪﺗﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻣﻪﺳﯩﻠﯩﺴﯩﻨﻰ ﻣﯘﺯﺍﻛﯩﺮﻩ ﻗﯩﻠﺪﻯ.

ﻳﯩﻐﯩﻨﺪﺍ ﻛﯧﯖﻪﺵ ﭘﺎﻻﺗﺎ ﺋﻪﺯﺍﺳﻰ Sherrod Brown ﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯘ، ﻳﯧﻤﻪﻙ - ﺋﯩﭽﻤﻪﻙ ﺗﻪﻣﯩﻨﺎﺗﯩﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺋﯜﭼﯜﻥ "ﺋﯩﻤﭙﻮﺭﺕ ﻳﯧﻤﻪﻛﻠﯩﻜﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻗﺎﻧﯘﻥ ﻻﻳﯩﻬﯩﺴﻰ" ﺗﻪﻳﻴﺎﺭﻟﯩﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﻗﺎﻧﯘﻥ ﺋﺎﻣﯧﺮﯨﻜﺎ ﻳﯧﻤﻪﻛﻠﯩﻜﻠﻪﺭ - ﺩﻭﺭﺍ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﯩﻨﯩﯔ ﻫﻮﻗﯘﻗﻰ ﯞﻩ ﺋﯩﻘﺘﯩﺪﺍﺭﯨﻨﻰ ﻛﯜﭼﻪﻳﺘﯩﺸﻜﻪ ﻗﺎﺭﯨﺘﯩﻠﻐﺎﻥ.

ﺑﺎﻟﯩﻼﺭ ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻗﺎﻧﯘﻥ ﻻﻳﯩﻬﯩﺴﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﺪﻯ

ﻳﯩﻐﯩﻨﺪﺍ ﻛﯧﯖﻪﺵ ﭘﺎﻻﺗﺎ ﺋﻪﺯﺍﺳﻰ Bill Nelson، ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﺑﺎﻟﯩﻼﺭ ﺋﻮﻳﯘﻧﭽﯘﻗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺋﯘ ﻣﯘﻧﺪﺍﻕ ﺩﻩﻳﺪﯗ، " ﺷﯘﻧﯩﺴﻰ ﻧﺎﻫﺎﻳﯩﺘﻰ ﺋﯧﻨﯩﻘﻜﻰ، ﺧﯩﺘﺎﻱ ﺋﻮﻳﯘﻧﭽﯘﻕ ﻛﺎﺭﺧﺎﻧﯩﻠﯩﺮﯨﻨﯩﯔ ﺋﯚﺯﻟﯩﺮﻯ ﭼﺎﭘﻠﯩﯟﺍﻟﻐﺎﻥ ﻣﺎﺭﻛﯩﻼﺭ ﺑﺎﻟﯩﻼﺭﻧﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻼﻟﻤﺎﻳﺪﯗ. ﻣﻪﻥ ﺑﯜﮔﯜﻥ 'ﺑﺎﻟﯩﻼﺭ ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻗﺎﻧﯘﻥ ﻻﻳﯩﻬﯩﺴﻰ'ﻧﻰ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﭽﻰ.

ﺑﯘ ﻗﺎﻧﯘﻥ ﺑﯘﻳﯩﭽﻪ ﺑﺎﻟﯩﻼﺭ ﺋﻮﻳﯘﻧﭽﯘﻗﯩﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﺧﯩﺘﺎﻱ ﻫﯚﻛﯜﻣﯩﺘﻰ ﻗﺎﺭﺍﺭ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ. ﺋﻮﻳﯘﻧﭽﯘﻗﻼﺭﻧﯩﯔ ﺑﯩﺨﻪﺗﻪﺭ ﻳﺎﻛﻰ ﺋﻪﻣﻪﺳﻠﯩﻜﻰ ﺗﻪﺭﻩﭘﺴﯩﺰ ﺧﯘﺳﯘﺳﯩﻲ ﺑﯩﺮ ﺋﻮﺭﮔﺎﻥ ﺗﻪﺭﯨﭙﯩﺪﯨﻦ ﺑﯧﻜﯩﺘﯩﻠﯩﺸﻰ ﻻﺯﯨﻢ "ﺩﻩﭖ ﻛﯚﺭﺳﻪﺗﺘﻰ. ﺋﺎﻣﯧﺮﯨﻜﺎ ﻛﯧﯖﻪﺵ ﯞﻩ ﺋﺎﯞﺍﻡ ﭘﺎﻻﺗﺎﻟﯩﺮﯨﺪﺍ ﻳﯧﻘﯩﻨﻘﻰ 2 - 3 ﻛﯜﻧﺪﯨﻦ ﺑﯧﺮﻯ ﺧﯩﺘﺎﻱ ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﻰ ﻛﻪﯓ - ﻛﯚﻟﻪﻣﺪﻩ ﻣﯘﻧﺎﺯﯨﺮﻩ ﻗﯩﻠﯩﻨﻤﺎﻗﺘﺎ.

ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺋﺎﻟﺪﯨﻨﻘﻰ ﻛﯜﻧﻜﻰ ﻣﯘﻧﺎﺯﯨﺮﯨﺴﯩﺪﻩ ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ Frank Wolf، ﺧﯩﺘﺎﻳﻨﻰ ﺯﻩﻫﻪﺭﻟﯩﻚ ﻣﺎﺩﺩﺍ ﺋﺎﺭﯨﻼﺷﻘﺎﻥ ﭼﯩﺶ ﭘﺎﺳﺘﯩﻠﯩﺮﯨﻨﻰ ﺋﻮﺗﺘﯘﺭﺍ ﺋﺎﻣﯧﺮﯨﻜﺎ ﯞﻩ ﺋﺎﺳﯩﻴﺎ - ﺗﯩﻨﭻ ﺋﻮﻛﻴﺎﻥ ﺭﺍﻳﻮﻧﯩﺪﯨﻜﻰ ﺩﯙﻟﻪﺗﻠﻪﺭﮔﻪ ﺋﯧﻜﺴﭙﻮﺭﺕ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﻪﭖ، "ﺋﻪﯓ ﻗﻮﺭﻗﯘﻧﭽﻠﯘﻗﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯚﺯ ﭘﯘﻗﺮﺍﻟﯩﺮﯨﻐﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﭙﻼ ﻗﺎﻟﻤﺎﻱ، ﭘﺎﻧﺎﻣﺎ، ﺩﻭﻣﯩﻨﯩﻜﺎ ﺟﯘﻣﻬﯘﺭﯨﻴﯩﺘﻰ ﯞﻩ ﺋﺎﯞﺳﺘﯩﺮﺍﻟﯩﻴﯩﻠﯩﻚ ﺑﺎﻟﯩﻼﺭﻧﻰ ﺯﻩﻫﻪﺭﻟﯩﻚ ﻣﺎﺩﺩﺍ ﺋﺎﺭﯨﻼﺷﻘﺎﻥ ﭼﯩﺶ ﭘﺎﺳﺘﯩﺴﯩﺪﺍ ﺯﻩﻫﻪﺭﻟﯩﮕﻪﻧﻠﯩﻜﻰ" ﺩﻩﭖ ﻛﯚﺭﺳﻪﺗﺘﻰ.

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺖ ﺋﯩﺸﺨﺎﻧﯩﺴﻰ ﺋﯩﻤﭙﻮﺭﺕ ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ ﻗﯘﺭﻣﺎﻗﭽﻰ

ﺋﺎﻣﯧﺮﯨﻜﯩﻨﯩﯔ - 4 ﺋﯩﻴﯘﻟﺪﯨﻜﻰ ﺩﯙﻟﻪﺕ ﺑﺎﻳﺮﯨﻤﯩﻨﻰ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﯩﺘﯩﺪﻩ ﺋﯧﺘﯩﻠﻐﺎﻥ ﺳﺎﻟﯩﻴﻮﺗﻼﺭﻧﯩﯔ ﺧﯩﺘﺎﻳﺪﺍ ﺋﯩﺸﻠﻪﭘﭽﯩﻘﯩﺮﯨﻠﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ Frank Wolf، "ﻣﯧﻨﯩﯔ ﻳﯘﺭﺗﯘﻡ ﯞﯨﺮﺟﯩﻨﯩﻴﯩﻨﯩﯔ ﯞﯨﻴﻪﻧﺎ ﻗﺎﺗﺎﺭﻟﯩﻖ ﺷﻪﻫﻪﺭﻟﯩﺮﯨﺪﯨﻜﻰ 4 - ﺋﯩﻴﯘﻟﻨﻰ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﻪﺗﻠﯩﺮﯨﺪﻩ، ﺧﯩﺘﺎﻳﺪﺍ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﺳﯜﭘﻪﺗﺴﯩﺰ ﺳﺎﻟﯩﻴﻮﺗﻼﺭ ﺳﻪﯞﻩﺑﯩﺪﯨﻦ ﺋﺎﺭﯨﺴﯩﺪﺍ ﺑﺎﻟﯩﻼﺭ ﺑﻮﻟﯘﭖ 11 ﺋﺎﺩﻩﻡ ﻳﺎﺭﯨﻼﻧﺪﻯ" ﺩﻩﻳﺪﯗ.

ﺋﺎﻣﯧﺮﯨﻜﺎ ﻛﯧﯖﻪﺵ ﯞﻩ ﺋﺎﯞﺍﻡ ﭘﺎﻻﺗﺎﻟﯩﺮﯨﻨﯩﯔ ﺑﯧﺴﯩﻤﻰ ﺋﺎﺧﯩﺮﻯ ﺑﯘﺵ ﻫﯚﻛﯜﻣﯩﺘﯩﻨﻰ ﺋﯧﻜﺴﭙﻮﺭﺕ ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﯩﺪﻩ ﺗﻪﺩﺑﯩﺮ ﺋﯧﻠﯩﺸﻘﺎ ﻣﻪﺟﺒﯘﺭ ﻗﯩﻠﺪﻯ. ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺖ ﺋﯩﺸﺨﺎﻧﯩﺴﻰ ﺋﺎﻗﺴﺎﺭﺍﻱ، ﭼﺎﺭﺷﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﯩﻐﺎ ﺋﯩﻤﭙﻮﺭﺕ ﻗﯩﻠﯩﻨﯩﺪﯨﻐﺎﻥ ﻣﻪﻫﺴﯘﻻﺗﻼﺭﻧﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ ﻗﯘﺭﻣﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺟﺎﻛﺎﺭﻻﭖ، ﺑﯘ ﮔﯘﺭﯗﭘﭙﯩﻐﺎ ﺋﺎﻣﯧﺮﯨﻜﺎ ﺳﻪﻫﯩﻴﻪ ﻣﯩﻨﯩﺴﺘﯩﺮﻯ ﻟﯧﯟﯨﺘﻨﯩﯔ ﻧﺎﺯﺍﺭﻩﺗﭽﯩﻠﯩﻚ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ.

ﺋﺎﻗﺴﺎﺭﺍﻳﻨﯩﯔ ﺑﺎﻳﺎﻧﺎﺗﭽﯩﺴﻰ ﺗﻮﻧﻲ ﺳﻨﻮﯞ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ، "ﻫﯚﻛﯜﻣﻪﺕ ﺋﺎﻣﯧﺮﯨﻜﺎ ﺧﻪﻟﻘﻰ ﻳﻪﻳﺪﯨﻐﺎﻥ ﯞﻩ ﺋﯩﺸﻠﯩﺘﯩﺪﯨﻐﺎﻥ ﺋﯩﻤﭙﻮﺭﺕ ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﺩﯨﻘﻘﻪﺕ ﻗﯩﻠﻤﺎﻗﺘﺎ ﺷﯘﻧﺪﺍﻗﻼ ﺑﯩﺰ، ﺑﯘ ﺟﻪﻫﻪﺗﺘﯩﻜﻰ ﺳﺎﻗﻠﯩﻨﯩﯟﺍﺗﻘﺎﻥ ﻛﻮﻧﻜﺮﯦﺖ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﻤﺎﻗﭽﯩﻤﯩﺰ " ﺩﻩﭖ ﻛﯚﺭﺳﻪﺗﺘﻰ. ﻟﯧﻜﯩﻦ ﺗﻮﻧﻲ ﺳﻨﻮﯞ، ﺑﯘ ﺗﻪﺩﺑﯩﺮﻧﯩﯔ ﺧﯩﺘﺎﻳﻐﺎ ﻗﺎﺭﯨﺘﯩﻠﻐﺎﻧﻠﯩﻘﯩﻨﻰ ﺭﻩﺕ ﻗﯩﻠﯩﭗ، "ﺑﯘ ﺧﯩﺰﻣﯩﺘﯩﻤﯩﺰﻧﯩﯔ ﻧﻮﺭﻣﺎﻝ ﺑﯩﺮ ﻗﯩﺴﯩﻤﻰ. ﺑﯩﺰ ﺩﯗﻧﻴﺎﺩﯨﻜﻰ 150 ﺩﯙﻟﻪﺗﺘﯩﻦ ﻳﯧﻤﻪﻛﻠﯩﻚ ﻣﻪﻫﺴﯘﻻﺗﻠﯩﺮﯨﻨﻰ ﺳﯧﺘﯩﯟﺍﻟﯩﻤﯩﺰ. ﺑﯘﻻﺭﻧﻰ ﻛﯜﺯﯨﺘﯩﺶ ﺑﯩﺰ ﺋﯜﭼﯜﻥ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ، " ﺩﻩﻳﺪﯗ.

ﺧﯩﺘﺎﻱ ﺋﺎﻣﯧﺮﯨﻜﯩﻨﯩﯔ ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﺳﻮﺩﺍ ﺷﯧﺮﯨﻜﻰ ﺑﻮﻟﯘﭖ، ﺋﯩﻤﭙﻮﺭﺕ ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﯩﺪﯨﻜﻰ ﺋﯩﺨﺘﯩﻼﭘﻼﺭ ﺋﯩﻜﻜﻰ ﺩﯙﻟﻪﺗﻨﯩﯔ ﺳﻮﺩﺍ ﻫﻪﺟﯩﻤﻰ 350 ﻣﯩﻠﻴﺎﺭﺩ ﺩﻭﻟﻼﺭﺩﯨﻦ ﺋﺎﺷﯩﺪﯨﻐﺎﻥ ﺳﻮﺩﺍ ﻣﯘﻧﺎﺳﯩﯟﯨﺘﯩﮕﻪ ﺗﻪﻫﺪﯨﺖ ﺳﺎﻟﻤﺎﻗﺘﺎ. ﺧﯩﺘﺎﻱ ﺩﯙﻟﻪﺗﻠﯩﻚ ﺋﯚﻟﭽﻪﻡ ﯞﻩ ﺳﯜﭘﻪﺕ ﺗﻪﻛﺸﯜﺭﯛﺵ ﺋﯩﺪﺍﺭﯨﺴﯩﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺑﯩﺮ ﺋﻪﻣﻪﻟﺪﺍﺭﻯ، ﻳﯧﻘﯩﻨﺪﺍ ﺋﺎﻣﯧﺮﯨﻜﺎ ﻣﻪﺗﺒﯘﺋﺎﺗﻠﯩﺮﯨﻨﻰ ﺧﯩﺘﺎﻳﻨﯩﯔ ﺋﯧﻜﺴﭙﻮﺭﺕ ﻣﻪﻫﺴﯘﻻﺗﻠﯩﺮﯨﺪﺍ ﻛﯚﺭﯛﻟﮕﻪﻥ ﺋﺎﻳﺮﯨﻢ ﻣﻪﺳﯩﻠﯩﻠﻪﺭﻧﻰ ﭘﺮﯨﻨﺴﯩﭙﻘﺎ ﻛﯚﺗﯜﺭﯛﭖ ﺧﻪﯞﻩﺭ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﯩﮕﻪﻥ. (ﺋﻪﺭﻛﯩﻦ)