ﻏﻪﺭﺏ ﻣﻪﺗﺒﯘﺋﺎﺗﻠﯩﺮﻯ ﺧﯩﺘﺎﻳﻨﻰ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻜﻰ ﺳﯩﺴﺘﯧﻤﯩﺴﯩﻨﻰ ﻳﺎﺧﺸﯩﻼﺷﻘﺎ ﻣﻪﺟﺒﯘﺭﻟﯩﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﯩﯟﺍﺗﻘﺎﻥ ﻳﯧﻤﻪﻛﻠﯩﻜﻠﻪﺭﺩﻩ، ﺯﻩﻫﻪﺭﻟﯩﻚ ﻣﺎﺩﺩﯨﻼﺭ ﺗﻪﺭﻛﯩﺒﻰ ﺑﺎﺭ ﺋﯩﻜﻪﻧﻠﯩﻜﻰ ﺋﯩﺴﭙﺎﺗﻼﻧﻐﺎﻧﺪﯨﻦ ﻛﯧﻴﯩﻦ، ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﺪﺍ ﻧﯘﺭﻏﯘﻧﻠﯩﻐﺎﻥ ﺗﻪﻧﻘﯩﺪﯨﻲ ﻣﺎﻗﺎﻟﯩﻠﻪﺭ ﺋﯧﻼﻥ ﻗﯩﻠﯩﻨﺪﻯ. ﺋﯩﺴﺘﯧﻤﺎﻟﭽﯩﻼﺭ ﺑﻮﻟﺴﺎ ﺋﯚﺯﻟﯩﺮﯨﻨﯩﯔ ﺑﯘ ﻫﻪﻗﺘﯩﻜﻰ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﯩﻨﻰ ﺋﯩﭙﺎﺩﯨﻠﯩﻤﻪﻛﺘﻪ.ﻟﯧﻜﯩﻦ ﺑﯧﻴﺠﯩﯔ ﻫﯚﻛﯜﻣﯩﺘﻰ ﺧﯩﺘﺎﻳﺪﯨﻜﻰ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻜﻰ ﺳﯩﺴﺘﯧﻤﯩﺴﯩﻨﻰ ﻳﺎﺧﺸﯩﻼﺷﺘﺎ، ﺗﺎ ﻫﺎﺯﯨﺮﻏﯩﭽﻪ ﻛﯩﺸﯩﻨﻰ ﻗﺎﻳﯩﻞ ﻗﯩﻼﻟﯩﻐﯘﺩﻩﻙ ﺋﯜﻧﯜﻣﻠﯜﻙ ﭼﺎﺭﻩ ﺗﻪﺩﺑﯩﺮﻟﻪﺭﻧﻰ ﻗﻮﻟﻼﻧﻤﯩﻐﺎﻥ.

ﺧﯩﺘﺎﻳﺪﯨﻦ ﺋﺎﻣﯧﺮﯨﻜﯩﻐﺎ ﺋﯩﻤﭙﻮﺭﺕ ﻗﯩﻠﯩﻨﯩﯟﺍﺗﻘﺎﻥ ﻫﺎﻳﯟﺍﻧﺎﺗﻼﺭ ﻳﯧﻤﻪﻛﻠﯩﻜﯩﺪﻩ ﺯﻩﻫﻪﺭﻟﯩﻚ ﻣﺎﺩﺩﯨﻼﺭ ﺗﻪﺭﻛﯩﺒﻰ ﺑﻮﻟﻐﺎﻧﻠﯩﻘﺘﯩﻦ ، ﻳﯧﻘﯩﻨﺪﺍ ﻣﻪﺯﻛﯘﺭ ﺟﺎﻳﺪﯨﻜﻰ ﻧﯘﺭﻏﯘﻧﻠﯩﻐﺎﻥ ﺋﯚﻱ ﻫﺎﻳﯟﺍﻧﻠﯩﺮﯨﻨﯩﯔ ﺋﯚﻟﯜﺷﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ. ﺋﺎﻣﯧﺮﯨﻜﺎ ﻣﻪﺗﺒﯘﺋﺎﺗﻠﯩﺮﯨﺪﺍ ﺑﯧﺮﯨﻠﯩﯟﺍﺗﻘﺎﻥ ﺑﯘ ﻫﻪﻗﺘﯩﻜﻰ ﺋﯘﭼﯘﺭﻻﺭ ﻣﻪﺯﻛﯘﺭ ﺟﺎﻳﺪﯨﻜﻰ ﺧﻪﻟﻘﻨﯩﯔ ﻗﺎﺗﺘﯩﻖ ﺩﯨﻘﻘﯩﺘﯩﻨﻰ ﻗﻮﺯﻏﺎﺵ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺧﯩﺘﺎﻳﻨﯩﯔ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻚ ﺳﯩﺴﺘﯧﻤﯩﺴﯩﻐﺎ ﺑﻮﻟﻐﺎﻥ ﻧﺎﺭﺍﺯﯨﻠﯩﻘﻰ ﺗﯧﺨﯩﻤﯘ ﻛﯜﭼﻪﻳﻤﻪﻛﺘﻪ.

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺧﻪﯞﻩﺭﻟﻪﺭ ﺗﻮﺭ ﺑﯧﺘﯩﺪﻩ ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻳﺪﯨﻜﻰ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻜﻰ ﺳﯩﺴﺘﯧﻤﯩﺴﯩﻨﻰ ﻳﺎﺧﺸﯩﻼﺵ ﻣﻪﺳﯩﻠﯩﺴﯩﺪﻩ، ﺗﺎ ﻫﺎﺯﯨﺮﻏﯩﭽﻪ ﻛﯩﺸﯩﻨﻰ ﻗﺎﻳﯩﻞ ﻗﯩﻼﻟﯩﻐﯘﺩﻩﻙ ﺋﯜﻧﯜﻣﻠﯜﻙ ﭼﺎﺭﻩ ﺗﻪﺩﺑﯩﺮﻟﻪﺭﻧﻰ ﻗﻮﻟﻼﻧﻤﺎﻳﯟﺍﺗﻘﺎﻧﻠﯩﻘﻰ ﻫﻪﻣﺪﻩ ﺋﯩﺴﺘﯧﻤﺎﻟﭽﯩﻼﺭﻧﯩﯔ ﺑﯘ ﻫﻪﻗﺘﯩﻜﻰ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﻠﯩﺮﻯ ﺋﻮﺗﺘﯘﺭﯨﻐﺎ ﻗﻮﻳﯘﻟﻤﺎﻗﺘﺎ.

ﻫﺎﺯﯨﺮﻧﯩﯔ ﺋﯚﺯﯨﺪﻩ ﺷﯩﻤﺎﻟﯩﻲ ﺋﺎﻣﯧﺮﯨﻜﺎ ﺭﺍﻳﻮﻧﻠﯩﺮﯨﺪﯨﻜﻰ ﻧﻪﭼﭽﻪ ﻳﯜﺯﻟﯩﮕﻪﻥ ﺋﯚﻱ ﻫﺎﻳﯟﺍﻧﻠﯩﺮﻯ ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﻫﺎﻳﯟﺍﻧﺎﺗﻼﺭ ﻳﯧﻤﻪﻛﻠﯩﻜﯩﺪﯨﻦ ﺯﻩﻫﻪﺭﻟﯩﻨﯩﭗ ﺋﯚﻟﮕﻪﻥ. ﺋﺎﻣﯧﺮﯨﻜﺎ ﯞﻩ ﻳﺎﯞﺭﯗﭘﺎ ﺑﯩﺮﻟﯩﻜﻰ ﺧﯩﺘﺎﻳﻨﯩﯔ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻜﻰ ﺳﯩﺴﺘﯧﻤﯩﺴﯩﺪﯨﻦ ﺋﯩﻨﺘﺎﻳﯩﻦ ﻧﺎﺭﺍﺯﻯ ﺑﻮﻟﯘﭖ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﻰ ﻣﻪﺯﻛﯘﺭ ﺳﯩﺴﺘﯧﻤﯩﻨﻰ ﻳﺎﺧﺸﯩﻼﺷﻘﺎ ﭼﺎﻗﯩﺮﻣﺎﻗﺘﺎ.

ﺧﯩﺘﺎﻳﻨﯩﯔ ﻳﯧﻤﻪﻙ ‏-ﺋﯩﭽﻤﻪﻛﻠﻪﺭﻧﻰ ﻧﺎﺯﺍﺭﻩﺕ ﻗﯩﻠﯩﺶ ﺳﯩﺴﺘﯧﻤﯩﺴﻰ ﺑﻪﻛﻤﯘ ﺋﺎﺭﻗﯩﺪﺍ ﻗﺎﻟﻐﺎﻥ

ﻳﯧﻘﯩﻨﺪﺍ ﺩﻭﻣﯩﻨﯩﻜﺎ ﺟﯘﻣﻬﯘﺭﻳﯩﺘﯩﮕﻪ ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﻧﻪﭼﭽﻪ ﻣﯩﯖﻠﯩﻐﺎﻥ ﭼﯩﺶ ﭘﺎﺳﺘﯩﺴﯩﺪﺍ ﺋﯩﻨﺴﺎﻥ ﻫﺎﻳﺎﺗﯩﻐﺎ ﺧﻪﯞﭖ ﺋﯧﻠﯩﭗ ﻛﯧﻠﯩﺪﯨﻐﺎﻥ ﺧﯩﻤﯩﻴﯩﯟﯨﻲ ﻣﺎﺩﺩﺍ ﺑﺎﺭﻟﯩﻘﻰ ﺑﺎﻳﻘﺎﻟﻐﺎﻥ. ﺳﻪﻳﺸﻪﻧﺒﻪ ﻛﯜﻧﻰ ﺩﻭﻣﯩﻨﯩﻜﺎ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺩﯗﻛﺎﻧﻼﺭﺩﯨﻜﻰ ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﺑﺎﺭﻟﯩﻖ ﭼﯩﺶ ﭘﺎﺳﺘﯩﻠﯩﺮﯨﻨﯩﯔ ﻫﻪﻣﻤﯩﺴﯩﻨﻰ ﻳﻮﻕ ﻗﯩﻠﯩﺶ ﺑﯘﻳﺮﯗﻗﯩﻨﻰ ﭼﯜﺷﯜﺭﮔﻪﻥ ﻫﻪﻣﺪﻩ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭﻧﻰ ﺑﯘ ﻫﻪﻗﺘﻪ ﻣﻪﺧﺴﯘﺱ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻘﺎ ﭼﺎﻗﯩﺮﻏﺎﻥ.

ﺑﯧﻴﺠﯩﯔ ﻳﯧﺰﺍ ﺋﯩﮕﯩﻠﯩﻚ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺧﯘ ﺷﯩﻴﺎﯞﺳﯘﯓ ﺋﻪﭘﻪﻧﺪﻯ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺑﯧﺴﯩﻤﻰ ﺗﯜﭘﻪﻳﻠﻰ، ﺧﯩﺘﺎﻳﻨﯩﯔ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻚ ﺑﺎﺷﻘﯘﺭﯗﺵ ﺋﻮﺭﮔﺎﻧﻠﯩﺮﻯ ﻳﯧﻤﻪﻛﻠﯩﻚ ﺋﯩﺸﻠﻪﭘﭽﯩﻘﯩﺮﯨﺸﻘﺎ ﺑﻮﻟﻐﺎﻥ ﻧﺎﺯﺍﺭﻩﺕ ﻗﯩﻠﯩﺶ ﻛﯜﭼﯩﻨﻰ ﺋﯩﻠﮕﯩﺮﯨﻜﯩﮕﻪ ﻗﺎﺭﯨﻐﺎﻧﺪﺍ ﺑﯩﺮ ﻗﻪﺩﻩﺭ ﻛﯜﭼﻪﻳﺘﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻟﯧﻜﯩﻦ ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻳﺪﯨﻜﻰ ﻳﯧﻤﻪﻛﻠﯩﻚ ﺋﯩﺸﻠﻪﭘﭽﯩﻘﯩﺮﯨﺸﯩﻨﻰ ﻧﺎﺯﺍﺭﻩﺕ ﻗﯩﻠﯩﺶ ﺳﯩﺴﺘﯧﻤﯩﺴﻰ ﻳﻪﻧﯩﻼ ﺋﺎﺭﻗﯩﺪﺍ ﻗﺎﻟﻐﺎﻧﻠﯩﻘﺘﯩﻦ ، ﺋﯜﻧﯜﻣﻨﯩﯔ ﻳﺎﺧﺸﻰ ﺑﻮﻟﯘﺷﻰ ﻣﯘﻣﻜﯩﻦ ﺑﻮﻟﻤﯩﻐﺎﻥ.

ﺋﯘﻧﯩﯔ ﺋﯜﺳﺘﯩﮕﻪ، ﺧﯩﺘﺎﻳﺪﯨﻜﻰ ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭﻧﯩﯔ ﻣﻪﺯﻛﯘﺭ ﻣﻪﺳﯩﻠﯩﮕﻪ ﺑﻮﻟﻐﺎﻥ ﺋﯩﻨﻜﺎﺳﻰ ﺑﻪﻛﻤﯘ ﺋﺎﺳﺘﺎ ﺑﻮﻟﯘﭖ، ﻧﺎﺯﺍﺭﻩﺕ ﻗﯩﻠﯩﺶ ﻣﯘﻫﯩﺘﻰ ﻳﻮﻕ ﺩﯨﻴﻪﺭﻟﯩﻚ ﻫﺎﻟﻪﺗﺘﻪ ﻗﺎﻟﻐﺎﻥ. ﺑﯘﻧﺪﺍﻕ ﺋﻪﻫﯟﺍﻝ ﺋﺎﺳﺘﯩﺪﺍ، ﻫﻪﺭﻗﺎﻳﺴﻰ ﻧﺎﻫﯩﻴﻪ ﯞﻩ ﻳﯧﺰﯨﻼﺭﺩﯨﻜﻰ ﭼﻮﯓ -ﻛﯩﭽﯩﻚ ﻳﯧﻤﻪﻙ -ﺋﯩﭽﻤﻪﻙ ﺯﺍﯞﯗﺗﻠﯩﺮﯨﺪﺍ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﻳﯧﻤﻪﻛﻠﯩﻜﻠﻪﺭﮔﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻫﻪﺭﮔﯩﺰﻣﯘ ﻣﯘﻣﻜﯩﻦ ﺋﻪﻣﻪﺱ ﺋﯩﻜﻪﻥ.

ﺗﺎﺷﻘﻰ ﺩﯗﻧﻴﺎ ﺧﯩﺘﺎﻳﻨﯩﯔ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﺪﻩ ﻗﻮﻟﻼﻧﻤﺎﻗﭽﻰ ﺑﻮﻟﯘﯞﺍﺗﻘﺎﻥ ﭼﺎﺭﻩ -ﺗﻪﺩﺑﯩﺮﻟﯩﺮﯨﮕﻪ ﮔﯘﻣﺎﻥ ﺑﯩﻠﻪﻥ ﻗﺎﺭﯨﻤﺎﻗﺘﺎ

ﺩﻩﺳﻠﻪﭘﺘﻪ ،ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﺯﻩﻫﻪﺭﻟﯩﻚ ﻳﯧﻤﻪﻛﻠﯩﻜﻠﻪﺭ ﺗﯜﭘﻪﻳﻠﻰ ﻛﯧﻠﯩﭗ ﭼﯩﻘﻘﺎﻥ ﻫﺎﺩﯨﺴﯩﻠﻪﺭ ﻳﯧﯖﻰ ﺋﺎﺷﻜﺎﺭﯨﻼﻧﻐﺎﻥ ﻣﻪﺯﮔﯩﻠﯩﺪﻩ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﺎﺷﻘﻰ ﺩﯗﻧﻴﺎﻏﺎ " ﺑﯘ ﭘﻪﻗﻪﺕ ﺑﯩﺮ ﻗﯩﺴﯩﻢ ﻗﺎﻧﯘﻧﺴﯩﺰ ﻗﯘﺭﯗﻟﻐﺎﻥ ﺯﺍﯞﯗﺗﻼﺭ ﺗﻪﺭﯨﭙﯩﺪﯨﻦ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﻳﯧﻤﻪﻛﻠﯩﻜﻠﻪﺭ ﺑﻮﻟﯘﭖ، ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭ ﺑﯘ ﻫﻪﻗﺘﻪ ﺑﯩﺮ ﻳﯜﺭﯛﺵ ﭼﺎﺭﻩ - ﺗﻪﺩﺑﯩﺮﻟﻪﺭﻧﻰ ﻗﻮﻟﻼﻧﻤﺎﻗﺘﺎ" ﺩﻩﭖ ﺑﯩﻠﺪﯛﺭﮔﻪﻥ.

ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺑﯘ ﻫﻪﻗﺘﯩﻜﻰ ﻧﺎﺭﺍﺯﯨﻠﯩﻘﯩﻨﯩﯔ ﻛﯜﭼﯩﻴﯩﺸﻰ ﯞﻩ ﺷﯘﻧﺪﺍﻗﻼ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﻨﯔ ﻗﺎﺗﺘﯩﻖ ﺗﻪﻧﻘﯩﺪﻯ ﺗﯜﭘﻪﻳﻠﯩﺪﯨﻦ، ﺳﻪﻳﺸﻪﻧﺒﻪ ﻛﯜﻧﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﺨﻪﺗﻪﺭ ﻳﯧﻤﻪﻛﻠﯩﻚ ﻣﻪﺳﯩﻠﯩﺴﯩﺪﻩ، ﻧﺎﺯﺍﺭﻩﺕ ﻗﯩﻠﯩﺶ ﺋﯚﻟﭽﯩﻤﯩﻨﻰ ﺋﯚﺭﻟﯩﺘﯩﺶ، ﺗﯜﺯﯛﻣﮕﻪ ﺧﯩﻼﭘﻠﯩﻖ ﻗﯩﻠﻐﯘﭼﯩﻼﺭﻏﺎ ﺟﻪﺭﯨﻤﺎﻧﻪ ﻗﻮﻳﯘﺵ ﻗﺎﺗﺎﺭﻟﯩﻖ ﻗﺎﺗﺘﯩﻖ ﯞﺍﺳﺘﯩﻼﺭﻧﻰ ﻗﻮﻟﻼﻧﻤﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﻟﯧﻜﯩﻦ ﻣﯘﺗﻪﺧﻪﺳﺴﯩﺴﻠﻪﺭ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﺧﯩﻞ ﭼﺎﺭﻩ -ﺗﻪﺩﺑﯩﺮﻟﻪﺭﻧﻰ ﻗﻮﻟﻠﯩﻨﯩﺶ ﺋﺎﺭﻗﯩﻠﯩﻖ، ﺧﯩﺘﺎﻳﺪﯨﻜﻰ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻼﻟﯩﺸﯩﻐﺎ ﮔﯘﻣﺎﻥ ﺑﯩﻠﻪﻥ ﻗﺎﺭﯨﻤﺎﻗﺘﺎ.

ﭼﯜﻧﻜﻰ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻫﻪﻗﺘﯩﻜﻰ ﺋﯘﭼﯘﺭﻻﺭﻧﻰ ﺗﺎ ﻫﺎﺯﯨﺮﻏﯩﭽﻪ ﺋﯩﺰﭼﯩﻞ ﻫﺎﻟﺪﺍ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﭗ ﻛﻪﻟﮕﻪﻥ. ﻣﻪﺳﯩﻠﻪﻥ، ﻳﯧﻘﯩﻨﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﺮ ﻳﺎﻗﺘﯩﻦ ﺋﺎﻣﯧﺮﯨﻜﺎ ﻳﯧﻤﻪﻛﻠﯩﻜﻠﻪﺭ ﺗﻪﻛﺸﯜﺭﯛﺵ ﺋﯚﻣﯩﻜﯩﻨﯩﯔ ﺧﯩﺘﺎﻳﻐﺎ ﺑﯧﺮﯨﭗ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﯩﻐﺎ ﻣﺎﻗﯘﻝ ﺑﻮﻟﻐﺎﻥ ﺑﻮﻟﯘﭖ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺧﯩﺘﺎﻳﻐﺎ ﺑﺎﺭﻏﺎﻥ ﺗﻪﻛﺸﯜﺭﯛﺵ ﺋﯚﻣﯩﮕﯩﺪﯨﻜﯩﻠﻪﺭﻧﯩﯔ ﻣﻪﺯﻛﯘﺭ ﺟﺎﻳﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺷﯩﺮﻛﻪﺕ ﺧﺎﺩﯨﻤﻠﯩﺮﻯ ﺑﯩﻠﻪﻥ ﺑﯩﯟﺍﺳﺘﻪ ﺳﯜﺯﻟﯩﺸﯩﺶ ﻳﺎﻛﻰ ﻛﯚﺭﯛﺷﯜﺷﯩﮕﻪ ﺭﯗﺧﺴﻪﺕ ﻗﯩﻠﻤﯩﻐﺎﻥ.

ﻳﯧﻘﯩﻨﺪﺍ، ﺧﯩﺘﺎﻱ ﻛﯜﻧﺪﯨﻠﯩﻚ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ، ﺧﯩﺘﺎﻳﻨﯩﯔ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻚ ﺑﺎﺷﻘﯘﺭﯗﺵ ﺋﻮﺭﮔﺎﻧﻠﯩﺮﯨﻨﯩﯔ ﻣﻪﺳﺌﯘﻟﯩﻴﻪﺗﺴﯩﺰﻟﯩﻚ ﻗﯩﻠﻤﯩﺸﻠﯩﺮﻯ ﻗﺎﺗﺘﯩﻖ ﺗﻪﻧﻘﯩﺪﻟﻪﻧﮕﻪﻥ ﻫﻪﻣﺪﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﻰ ﺑﯘ ﺧﯩﻞ ﺋﻪﻫﯟﺍﻟﻐﺎ ﻳﯧﻘﯩﻨﺪﯨﻦ ﻛﯚﯕﯜﻝ ﺑﯚﻟﯜﺷﻜﻪ ﭼﺎﻗﯩﺮﻏﺎﻥ.

ﻣﯘﺗﻪﺧﻪﺳﺴﯩﺴﻠﻪﺭ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﻣﻪﺗﺒﯘﺋﺎﺗﻨﻰ ﺋﯧﭽﯩﯟﯦﺘﯩﺸﻜﻪ ﭼﺎﻗﯩﺮﻣﺎﻗﺘﺎ

ﺧﻮﯕﻜﯘﯓ ﭘﻪﻥ ‏- ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺧﯩﺘﺎﻱ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺕ ﻣﻪﺭﻛﯩﺰﯨﻨﯩﯔ ﻣﯘﺩﯨﺮﻯ ﺩﯦﻴﯟﯨﺪ ﺋﻪﭘﻪﻧﺪﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﭼﻪﺗﺌﻪﻟﻠﻪﺭﮔﻪ ﺋﯧﻜﯩﺴﭙﻮﺭﺕ ﻗﯩﻠﯩﻨﻐﺎﻥ ﺳﺎﺧﺘﺎ ﯞﻩ ﺯﻩﻫﻪﺭﻟﯩﻚ ﻳﯧﻤﻪﻛﻠﯩﻜﻠﻪﺭ ﻫﻪﻗﻘﯩﺪﯨﻜﻰ ﺋﯘﭼﯘﺭﻻﺭﻧﻰ ﺗﻮﺳﯘﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، " ﺑﯧﻴﺠﯩﯔ ﻫﯚﻛﯜﻣﯩﺘﻰ ﺧﻪﯞﻩﺭ ﺗﻪﻛﺸﯜﺭﯛﺵ ﺗﯜﺯﯛﻣﯩﻨﻰ ﻳﻮﻕ ﻗﯩﻠﯩﭗ، ﺋﯘﭼﯘﺭ ﻳﻮﻟﻠﯩﺮﯨﻨﻰ ﭘﯜﺗﯜﻧﻠﻪﻱ ﺋﯧﭽﯩﯟﯦﺘﯩﺸﻰ ﻛﯧﺮﻩﻙ، ﺋﺎﻣﻤﯩﺪﯨﻦ ﻫﻪﻗﯩﻘﻪﺗﻨﻰ ﻳﻮﺷﯘﺭﻣﺎﻱ، ﻫﻪﻣﻤﯩﻨﻰ ﺋﻪﻫﯟﺍﻟﻨﯩﯔ ﻫﻪﻣﻤﯩﺴﯩﻨﻰ ﺋﺎﺷﻜﺎﺭﯨﻠﯩﺸﻰ ﻛﯧﺮﻩﻙ. ﺷﯘﻧﺪﺍﻕ ﻗﯩﻠﻐﺎﻧﺪﯨﻼ ﺳﺎﺧﺘﺎ ﯞﻩ ﺯﻩﻫﻪﺭﻟﯩﻚ ﻳﯧﻤﻪﻛﻠﯩﻜﻠﻪﺭﻧﯩﯔ ﺋﯧﻜﯩﺴﭙﻮﺭﺕ ﻗﯩﻠﯩﻨﯩﺸﯩﻨﻰ ﺗﻮﺳﯘﭖ ﻗﺎﻟﻐﯩﻠﻰ ﺑﻮﻟﯩﺪﯗ" ﺩﻩﭖ ﺑﯩﻠﺪﯛﺭﺩﻯ.

ﻧﻴﯘﻳﻮﺭﻙ ﯞﺍﻗﯩﺖ ﮔﯧﺰﯨﺘﯩﺪﻩ ﺑﯧﺮﯨﻠﮕﻪﻥ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﮔﻪﺭﭼﻪ ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﺯﻩﻫﻪﺭﻟﯩﻚ ﻳﯧﻤﻪﻛﻠﯩﻜﻠﻪﺭ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭ ﺋﺎﻣﯧﺮﯨﻜﯩﺪﺍ ﺯﻭﺭ ﻏﯘﻟﻐﯘﻻ ﻗﻮﺯﻏﯩﻐﺎﻥ ﺑﻮﻟﺴﯩﻤﯘ، ﺧﯩﺘﺎﻳﺪﺍ، ﻛﯚﭖ ﺳﺎﻧﺪﯨﻜﻰ ﻛﯩﺸﯩﻠﻪﺭ ﺗﺎ ﻫﺎﺯﯨﺮﻏﯩﭽﻪ ﺑﯘﻧﯩﯖﺪﯨﻦ ﺗﻮﻟﯘﻕ ﺧﻪﯞﻩﺭﺩﺍﺭ ﺑﻮﻟﻤﯩﻐﺎﻥ. ﭼﯜﻧﻜﻰ ﺧﯩﺘﺎﻱ ﺗﻪﺷﯟﯨﻘﺎﺕ ﻣﯩﻨﯩﺴﺘﯩﺮﻟﯩﻘﻰ ﺑﯩﺮ ﻣﻪﺯﮔﯩﻞ ﺑﯘ ﻫﻪﻗﺘﻪ ﺧﻪﻟﻘﻘﻪ ﻫﯧﭽﻘﺎﻧﺪﺍﻕ ﻣﻪﻟﯘﻣﺎﺕ ﺑﻪﺭﻣﻪﺳﻠﯩﻚ ﻫﻪﻗﻘﯩﺪﻩ ﺑﯘﻳﺮﯗﻕ ﻗﯩﻠﻐﺎﻥ.

ﺑﯘ ﻫﻪﭘﺘﻪ ﺋﺎﻣﯧﺮﯨﻜﯩﺪﺍ ﺋﯚﺗﻜﯜﺯﯛﻟﮕﻪﻥ ﺧﯩﺘﺎﻱ ‏- ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﻯ ﺋﯩﺴﺘﺮﺍﺗﯧﮕﯩﻴﻪ ﺩﯦﺌﺎﻟﻮﮔﯩﺪﺍ، ﺋﺎﻣﯧﺮﯨﻜﺎ ﻳﯧﺰﺍ ﺋﯩﮕﯩﻠﯩﻚ ﻣﯩﻨﯩﺴﺘﯧﺮﻟﯩﻘﯩﻨﯩﯔ ﺑﺎﺷﻠﯩﻘﻰ ﺟﻮﻧﯥ ﺋﻪﭘﻪﻧﺪﻯ ﺧﯩﺘﺎﻳﺪﯨﻜﻰ ﻳﯧﻤﻪﻛﻠﯩﻜﻠﻪﺭ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﺋﺎﻣﯧﺮﯨﻜﺎ ﺋﯩﺴﺘﯩﻤﺎﻟﭽﯩﻠﯩﺮﯨﻨﯩﯔ ﻣﻪﺯﻛﯘﺭ ﻣﻪﺳﯩﻠﯩﺪﻩ ﺋﯩﻨﺘﺎﻳﯩﻦ ﺯﻭﺭ ﺋﻪﻧﺪﯨﺸﯩﺪﻩ ﻗﯧﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.(ﻣﯧﻬﺮﯨﺒﺎﻥ)