ﺧﯩﺘﺎﻳﻨﯩﯔ ﺑﯩﺨﻪﺗﻪﺭ ﺋﯚﻱ ﻗﯘﺭﯗﻟﯘﺷﻰ ﺋﯘﻳﻐﯘﺭﻻﺭﻏﺎ ﻗﺎﻧﺪﺍﻕ ﻣﻪﻧﭙﻪﺋﻪﺕ ﺋﯩﻠﯩﭗ ﻛﻪﻟﺪﻯ؟

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯩﺮ ﻛﯩﺸﻰ 2003-ﻳﯩﻠﻰ 24-ﻓﯧﯟﺭﺍﻝ ﻛﯜﻧﻰ ﻣﺎﺭﺍﻟﺒﯧﺸﯩﻨﯩﯔ ﭼﻮﯕﻘﯘﺭﭼﺎﻕ ﻧﺎﻫﯩﻴﯩﺴﯩﺪﻩ ﻳﻪﺭ ﺗﻪﯞﺭﻩﭖ ﺑﯘﺯﯗﻟﻐﺎﻥ ﺋﯚﻱ ﺋﺎﻟﺪﯨﺪﺍ. AFP

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﺷﻪﻫﻪﺭ - ﺑﺎﺯﺍﺭﻻﺭﻧﯩﯔ ﻳﻪﺭ ﺗﻪﯞﺭﻩﺷﻜﻪ ﻗﺎﺭﺷﻰ ﺑﯩﺨﻪﺗﻪﺭ ﺋﯚﻱ ﻗﯘﺭﯗﻟﯘﺷﯩﻨﻰ ﺑﯘﻧﯩﯖﺪﯨﻦ 3 ﻳﯩﻞ ﺑﯘﺭﯗﻥ ﻓﯧﯟﺭﺍﻝ ﺋﯧﻴﯩﺪﺍ ﻗﻪﺷﻘﻪﺭ ﯞﯨﻼﻳﯩﺘﯩﻨﯩﯔ ﻣﺎﺭﺍﻟﺒﯧﺸﻰ ﻧﺎﻫﯩﻴﯩﺴﯩﺪﯨﻜﻰ ﭼﻮﯕﻘﯘﺭﭼﺎﻕ ﻳﯧﺰﯨﺴﯩﺪﺍ ﻳﯜﺯ ﺑﻪﺭﮔﻪﻥ ﯞﻩ ﺋﺎﺯ ﺩﯦﮕﻪﻧﺪﻩ 180 ﻛﯩﺸﯩﻨﯩﯔ ﺋﯚﻟﯜﺷﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﻳﻪﺭ ﺗﻪﯞﺭﻩﺵ ﺋﺎﭘﯩﺘﯩﺪﯨﻦ ﻛﯧﻴﯩﻨﻼ ﻳﻮﻟﻐﺎ ﻗﻮﻳﺪﻯ.

ﺑﯩﺨﻪﺗﻪﺭ ﺋﯚﻳﻠﻪﺭ ﺋﯜﭼﯜﻥ ﺳﯧﻠﯩﻨﻐﺎﻥ ﻣﻪﺑﻠﻪﻍ ﺩﯦﻬﻘﺎﻧﻼﺭﻧﯩﯔ ﻳﯜﻛﯩﻨﻰ ﺋﯧﻐﯩﺮﻻﺷﺘﯘﺭﻣﺎﻗﺘﺎ

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻫﯚﻛﯜﻣﯩﺘﻰ ﺋﺎﻟﺪﯨﻨﻘﻰ ﻛﯜﻧﻰ ﺋﯜﺭﯛﻣﭽﯩﺪﻩ ﺷﻪﻫﻪﺭ - ﺑﺎﺯﺍﺭﻻﺭﻧﯩﯔ ﺑﯩﺨﻪﺗﻪﺭ ﺋﯚﻱ ﻗﯘﺭﯗﻟﯘﺷﯩﻨﻰ ﺧﯘﻻﺳﯩﻠﻪﺵ ﻳﯩﻐﯩﻨﻰ ﭼﺎﻗﯩﺮﯨﭗ، ﻳﯧﻘﯩﻨﻘﻰ 3 ﻳﯩﻠﺪﯨﻦ ﺑﯘﻳﺎﻥ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺑﯩﺮ ﻣﯩﻠﻴﻮﻥ 79 ﻣﯩﯔ ﺋﺎﺋﯩﻠﯩﻠﯩﻚ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺑﯩﺨﻪﺗﻪﺭ ﺋﯚﻱ ﺳﯧﻠﯩﻨﻐﺎﻧﻠﯩﻘﯩﻨﻰ ﯞﻩ 5 ﻣﯩﻠﻴﻮﻥ ﻛﯩﺸﯩﻨﯩﯔ ﻳﯧﯖﻰ ﺋﯚﻳﻠﻪﺭﮔﻪ ﻛﯚﭼﯜﭖ ﻛﯩﺮﮔﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﺪﻯ. ﻳﯩﻐﯩﻨﺪﺍ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﺭﻩﺋﯩﺴﻰ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ "ﻛﻪﯓ ﺩﯦﻬﻘﺎﻥ - ﭼﺎﺭﯞﯨﭽﻰ ﯞﻩ ﺟﻪﻣﺌﯩﻴﻪﺗﺘﯩﻜﻰ ﻛﯜﭼﻠﻪﺭﻧﻰ ﺳﻪﭘﻪﺭﯞﻩﺭ ﻗﯩﻠﯩﺶ، ﺳﯧﻠﯩﻨﻤﯩﻨﻰ ﺋﺎﺷﯘﺭﯗﺵ، ﺋﺎﺩﻩﻡ ﻛﯜﭼﻰ، ﻣﺎﻟﯩﻴﻪ ﻛﯜﭼﻰ، ﻣﺎﺩﺩﯨﻲ ﻛﯜﭼﻠﻪﺭﻧﻰ ﺗﻮﭘﻼﭖ، ﺑﯩﺨﻪﺗﻪﺭ ﺋﯚﻱ ﻗﯘﺭﯗﻟﯘﺷﯩﻨﻰ ﺗﯧﺰﻟﯩﺘﯩﺶ" ﻧﻰ ﺗﻪﻟﻪﭖ ﻗﯩﻠﻐﺎﻥ. ﺋﯘ، ﺑﯩﺨﻪﺗﻪﺭ ﺋﯚﻱ ﻗﯘﺭﯗﻟﯘﺷﯩﻨﻰ "ﺳﻮﺗﺴﯩﻴﺎﻟﯩﺴﺘﯩﻚ ﻳﯧﯖﻰ ﻳﯧﺰﺍ ﻗﯘﺭﯗﺵ، ﺳﻮﺗﺴﯩﻴﺎﻟﯩﺴﺘﯩﻚ ﺋﯩﻨﺎﻕ ﺷﯩﻨﺠﺎﯓ ﻗﯘﺭﯗﺷﻨﻰ ﺋﺎﻟﻐﺎ ﺳﯩﻠﺠﯩﺘﯩﺸﺘﯩﻜﻰ ﺑﯩﺮ ﻣﯘﻫﯩﻢ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﯞﻩﺯﯨﭙﻪ" ﺩﻩﻳﺪﯗ.

ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﺎﭘﺘﻮﻧﻮﻡ ﺭﺍﻳﻮﻧﺪﯨﻜﻰ ﻫﻪﺭ ﻗﺎﻳﺴﻰ ﺗﻪﺭﻩﭘﻠﻪﺭ ﻫﺎﺯﯨﺮﻏﺎ ﻗﻪﺩﻩﺭ ﺑﯘ ﻗﯘﺭﯗﻟﯘﺵ ﺋﯜﭼﯜﻥ 21 ﻣﯩﻠﻴﺎﺭﺩ ﻳﯜﺋﻪﻥ ﻣﻪﺑﻠﻪﻍ ﺳﺎﻟﺪﻯ. ﻟﯧﻜﯩﻦ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ، ﺑﯘ ﻗﯘﺭﯗﻟﯘﺵ ﺟﻪﺭﻳﺎﻧﯩﺪﺍ ، ﺩﯦﻬﻘﺎﻥ - ﭼﺎﺭﯞﯨﭽﯩﻼﺭﻏﺎ ﻗﺎﻧﭽﯩﻠﯩﻚ ﺋﯩﻘﺘﯩﺴﺎﺩﻯ ﻳﯜﻙ ﺋﺎﺭﺗﯩﻠﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻤﯩﺪﻯ. ﺑﯩﺨﻪﺗﻪﺭ ﺋﯚﻱ ﻗﯘﺭﯗﻟﯘﺷﯩﻨﻰ ﺗﻪﻧﻘﯩﺪﻟﯩﮕﯜﭼﯩﻠﻪﺭ ﺑﻮﻟﺴﺎ ﺋﺎﭘﺘﻮﻧﻮﻡ ﺭﺍﻳﻮﻥ ﻫﯚﻛﯜﻣﯩﺘﻰ ﺑﯩﺨﻪﺗﻪﺭﻟﯩﻚ ﻧﺎﻣﻰ ﺋﺎﺳﺘﯩﺪﺍ ﺋﯧﻠﯩﭗ ﺑﺎﺭﻏﺎﻥ ﺑﯘ ﻗﯘﺭﯗﻟﯘﺵ ﺋﻪﺳﻠﯩﺪﯨﻨﻼ ﺋﯩﻘﺘﯩﺴﺎﺩﻯ ﺋﻪﻫﯟﺍﻟﻰ ﻧﺎﭼﺎﺭ ﺋﯘﻳﻐﯘﺭ ﺩﯦﻬﻘﺎﻥ - ﭼﺎﺭﯞﯨﭽﯩﻼﺭﻧﯩﯔ ﻳﯜﻛﯩﻨﻰ ﺋﯧﻐﯩﺮﻻﺷﺘﯜﺭﯛﯞﻩﺗﺘﻰ، ﺩﻩﭖ ﺋﻪﻳﯩﺒﻠﯩﻤﻪﻛﺘﻪ.

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻗﯘﺭﯗﻟﯘﺵ ﺋﯘﻳﻐﯘﺭ ﺩﯦﻬﻘﺎﻥ - ﭼﺎﺭﯞﯨﭽﯩﻠﯩﺮﯨﻨﯩﯔ ﺋﯩﻘﺘﯩﺴﺎﺩﻯ ﺋﻪﻫﯟﺍﻟﯩﻨﻰ ﻳﺎﺧﺸﯩﻼﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ، ﺩﻩﭖ ﭼﯜﺷﻪﻧﺪﯛﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﻣﻪﺭﻛﯩﺰﻯ ﯞﺍﺷﯩﻨﮕﺘﻮﻧﺪﯨﻜﻰ ﺧﻪﻟﻘﺌﺎﺭﺍ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻗﻰ ﯞﻩ ﺩﯦﻤﻮﻛﺮﺍﺗﯩﻴﻪ ﻓﻮﻧﺪﻯ ﺟﻪﻣﺌﯩﻴﯩﺘﯩﻨﯩﯔ ﭘﺮﻭﮔﺮﺍﻣﻤﺎ ﻳﺎﺭﺩﻩﻣﭽﯩﺴﻰ ﭘﺎﺗﯩﮕﯜﻝ ﺧﺎﻧﯩﻢ، ﺧﯩﺘﺎﻱ ﻫﯚﻛﯜﻣﯩﺘﻰ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﺑﯘ ﺳﯩﻴﺎﺳﻪﺗﻨﯩﯔ ﺑﻪﺩﯨﻠﯩﻨﻰ ﻛﻪﯓ ﺋﯘﻳﻐﯘﺭ ﺩﯦﻬﻘﺎﻥ - ﭼﺎﺭﯞﯨﭽﯩﻼﺭ ﺋﯚﺗﻪﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺭﺍﻳﻮﻧﺪﺍ ﻳﻪﺭ ﺗﻪﯞﺭﻩﺷﻜﻪ ﻗﺎﺭﺷﻰ ﺑﯩﺨﻪﺗﻪﺭ ﺋﯚﻱ ﻗﯘﺭﯗﻟﯘﺷﯩﻨﻰ ﭘﯜﺗﯜﻥ ﺗﯧﺰﻟﯩﻜﻰ ﺑﯩﻠﻪﻥ ﻳﻮﻟﻐﺎ ﻗﻮﻳﻤﺎﻗﺘﺎ. ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﯘﻧﻰ ﻣﯘﺷﯘ ﺑﯩﺮ ﻳﯩﻞ ﺋﯩﭽﯩﺪﻩ 479 ﻣﯩﯔ ﺋﺎﺋﯩﻠﯩﻠﯩﻚ ﻳﻪﺭ ﺗﻪﯞﺭﻩﺷﻜﻪ ﻗﺎﺭﺷﻰ ﺑﯩﺨﻪﺗﻪﺭ ﺋﯚﻱ ﺳﺎﻟﻐﺎﻥ. ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ، ﺋﺎﻟﺪﯨﻨﻘﻰ ﻛﯜﻧﻜﻰ ﻳﯩﻐﯩﻨﺪﺍ ﺑﯘ ﻗﯘﺭﯗﻟﯘﺷﻨﯩﯔ ﺳﯜﺭﺋﯩﺘﯩﻨﻰ ﺗﯧﺰﻟﯩﺘﯩﺶ ﺗﻮﻏﺮﯨﺴﯩﺪﺍ ﺗﻪﺭﻩﭘﻠﻪﺭﻧﻰ ﺳﻪﭘﻪﺭﯞﻩﺭﻟﯩﻜﻜﻪ ﭼﺎﻗﯩﺮﺩﻯ. ﺋﯘ، ﺑﯩﺨﻪﺗﻪﺭ ﺋﯚﻱ ﻗﯘﺭﯗﻟﯘﺷﯩﻨﻰ ﻳﻮﻟﻐﺎ ﻗﻮﻳﯘﺵ ﺩﺍﯞﺍﻣﯩﺪﺍ ﺳﻮﺗﺴﯩﻴﺎﻟﯩﺴﺘﯩﻚ ﻳﯧﯖﻰ ﻳﯧﺰﺍ ﻗﯘﺭﯗﻟﯘﺷﯩﻨﻰ ﺑﺎﻫﺎﻧﻪ ﻗﯩﻠﯩﭗ، ﺑﯘﻧﻰ "ﺋﻮﺑﺮﺍﺯ ﻗﯘﺭﯗﻟﯘﺷﻰ " ﻳﺎﻛﻰ "ﻧﻪﺗﯩﺠﻪ ﻗﯘﺭﯗﻟﯘﺷﻰ" ﻏﺎ ﺋﺎﻳﻼﻧﺪﯗﺭﯞﺍﻟﻤﺎﺳﻠﯩﻘﻨﻰ ﺗﻪﻛﯩﺘﻠﯩﮕﻪﻥ. ﻟﯧﻜﯩﻦ ﺑﯘ ﻗﯘﺭﯗﻟﯘﺷﻨﻰ ﺗﻪﻧﻘﯩﺪ ﻗﯩﻠﻐﯘﭼﯩﻼﺭ ﻣﻪﺯﻛﯘﺭ ﺑﯘ ﻗﯘﺭﯗﻟﯘﺷﻨﯩﯔ ﺋﯚﺯﻯ "ﺋﻮﺑﺮﺍﺯ ﻗﻮﻏﻠﯩﺸﯩﺶ" ﯞﻩ"ﻛﯚﺭﻩﯕﻠﯩﻚ" ، ﺩﻩﭖ ﺋﻪﻳﯩﺒﻠﯩﻤﻪﻛﺘﻪ.

ﺋﯘﻳﻐﯘﺭﻻﺭ ﻳﻪﺭ ﺗﻪﯞﺭﻩﺷﻜﻪ ﻗﺎﺭﯨﺸﻰ ﺑﯩﺨﻪﺗﻪﺭ "ﻛﺎﺗﻪﻙ" ﻛﯚﭼﯜﺭﯛﻟﺪﻯ

ﻧﯚﯞﻩﺗﺘﻪ ﻣﺎﺭﺍﻟﺒﯧﺸﯩﻨﯩﯔ ﭼﻮﯕﻘﯘﺭﭼﺎﻕ ﻳﯧﺰﯨﺴﯩﺪﯨﻜﻰ ﺩﯦﻬﻘﺎﻥ - ﭼﺎﺭﯞﯨﭽﯩﻼﺭﻧﯩﯔ ﻛﯚﭘﭽﯩﻠﯩﻜﻰ ﺋﺎﺗﺎﻟﻤﯩﺶ "ﺗﻪﺭ ﺗﻪﯞﺭﻩﺷﻜﻪ ﻗﺎﺭﺷﻰ ﺑﯩﺨﻪﺗﻪﺭ ﺋﯚﻳﻠﻪﺭ" ﮔﻪ ﻛﯚﭼﯜﭖ ﺑﻮﻟﺪﻯ. ﺷﯘ ﻧﺎﻫﯩﻴﯩﺪﯨﻜﻰ ﯞﻩﺯﯨﻴﻪﺗﺘﯩﻦ ﺧﻪﯞﻩﺭﺩﺍﺭ ﺑﯩﺮ ﺯﺍﺗﻨﯩﯔ ﺭﺍﺩﯨﺌﻮﻣﯩﺰﻏﺎ ﺋﻪﺳﻜﻪﺭﺗﯩﺸﯩﭽﻪ، ﻣﺎﺭﺍﻟﺒﯧﺸﯩﺪﯨﻜﻰ ﻳﻪﺭ ﺗﻪﯞﺭﻩﺷﺘﯩﻦ ﻛﯧﻴﯩﻦ ﭼﻮﯕﻘﯘﺭﭼﺎﻗﺘﯩﻜﻰ ﺩﯦﻬﻘﺎﻥ - ﭼﺎﺭﯞﯨﭽﯩﻼﺭﻧﯩﯔ ﻛﻮﻧﺎ ﺋﯚﻳﻠﯩﺮﯨﻨﻰ ﭼﯧﻘﯩﭗ، ﺑﯩﺨﻪﺗﻪﺭ ﺋﯚﻱ ﺳﯧﻠﯩﺸﯩﻐﺎ 4 ﻣﯩﯔ ﻳﯜﺋﻪﻧﺪﯨﻦ 10 ﻣﯩﯔ ﻳﯜﺋﻪﻧﮕﯩﭽﻪ ﻳﺎﺭﺩﻩﻡ ﭘﯘﻟﻰ ﺑﯧﺮﯨﻠﮕﻪﻥ ﯞﻩ ﻫﻪﺭ ﺑﯩﺮ ﺋﺎﺋﯩﻠﯩﮕﻪ 50 ﻛﯟﺍﺩﺭﺍﺕ ﻣﯧﺘﯩﺮﻟﯩﻖ ﺋﯚﻱ ﺳﯧﻠﯩﺶ ﺋﯚﻟﭽﯩﻤﻰ ﺑﯧﻜﯩﺘﯩﭗ ﺑﯧﺮﯨﻠﮕﻪﻥ.

ﺧﻪﻟﻘﺌﺎﺭﺍ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻗﻰ ﯞﻩ ﺩﯦﻤﻮﻛﺮﺍﺗﯩﻴﻪ ﻓﻮﻧﺪﻯ ﺟﻪﻣﺌﯩﻴﯩﺘﯩﺪﯨﻜﻰ ﭘﺎﺗﯩﮕﯜﻝ ﺧﺎﻧﯩﻢ، "ﺑﯘ ﻳﻪﺭﺩﯨﻜﻰ ﻣﻪﺳﯩﻠﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺩﯦﻬﻘﺎﻧﻼﺭﻏﺎ ﻗﺎﻧﭽﯩﻠﯩﻚ ﭘﯘﻝ ﻳﺎﺭﺩﻩﻡ ﻗﯩﻠﻐﺎﻧﻠﯩﻘﻰ ﺋﻪﻣﻪﺱ، ﺑﻪﻟﻜﻰ ﺩﯦﻬﻘﺎﻥ -ﭼﺎﺭﯞﯨﭽﯩﻼﺭﻧﯩﯔ ﺑﯩﺨﻪﺗﻪﺭ ﺋﯚﻱ ﺳﯧﻠﯩﺶ ﺟﻪﺭﻳﺎﻧﯩﺪﺍ ﻗﺎﻧﭽﯩﻠﯩﻚ ﺋﯩﻘﺘﯩﺴﺎﺩﻯ ﭼﯩﻘﯩﻤﻨﻰ ﺋﯜﺳﺘﯩﮕﻪ ﺋﺎﺭﺗﯩﯟﺍﻟﻐﺎﻧﻠﯩﻘﯩﺪﯗﺭ "ﺩﻩﻳﺪﯗ. ﺋﯘ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺩﯦﻬﻘﺎﻧﻼﺭﻏﺎ ﺑﯧﻜﯩﺘﯩﭗ ﺑﻪﺭﮔﻪﻥ 50 ﻛﯟﺍﺩﺭﺍﺕ ﻣﯧﺘﯩﺮﻟﯩﻖ ﺑﯩﺨﻪﺗﻪﺭ ﺋﯚﻱ ﻛﯚﻟﯩﻤﻰ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﯩﯔ ﺗﯘﺭﻣﯘﺷﯩﻐﺎ ﭘﯜﺗﯜﻧﻠﻪﻱ ﺗﺎﺭ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﯞﻩ ﺑﯘ ﻗﯘﺭﯗﻟﯘﺵ ﺑﺎﺝ - ﺳﯧﻠﯩﻘﻼﺭ، ﺋﺎﻟﯟﺍﯓ - ﻳﺎﺳﺎﻗﻼﺭ ﺋﺎﺳﺘﯩﺪﺍ ﺋﯧﺰﯨﻠﯩﯟﺍﺗﻘﺎﻥ ﺋﯘﻳﻐﯘﺭ ﺩﯦﻬﻘﺎﻥ - ﭼﺎﺭﯞﯨﭽﯩﻠﯩﺮﯨﻨﯩﯔ ﺋﯩﻘﺘﯩﺴﺎﺩﻯ ﻳﯜﻛﯩﻨﻰ ﺗﯧﺨﯩﻤﯘ ﺋﯧﻐﯩﺮﻻﺷﺘﯘﺭﯗﯞﻩﺗﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺧﯩﺘﺎﻳﻨﯩﯔ ﻣﻪﺯﻛﯘﺭ ﻗﯘﺭﯗﻟﯘﺵ ﭘﯩﻼﻧﯩﺪﺍ ﺋﯘﻳﻐﯘﺭ ﻳﯧﺰﺍ - ﺑﺎﺯﺍﺭﻟﯩﺮﯨﺪﯨﻜﻰ ﺑﯩﺨﻪﺗﻪﺭ ﺋﯚﻳﻠﻪﺭ ﭼﻮﻗﯘﻡ ﺑﯩﺮ ﺗﯘﺗﺎﺵ ﯞﻩ ﺋﻮﺧﺸﺎﺵ ﺷﻪﻛﯩﻠﺪﻩ ﺳﯧﻠﯩﻨﯩﺶ ﻛﯧﺮﻩﻙ. ﺑﯘ ﻗﯘﺭﯗﻟﯘﺷﻨﻰ ﺗﻪﻧﻘﯩﺪ ﻗﯩﻠﻐﯘﭼﯩﻼﺭ، ﺋﻪﻧﺌﻪﻧﯩﯟﯨﻲ ﺋﯘﻳﻐﯘﺭ ﻳﯧﺰﺍ ﻣﻪﺩﻩﻧﯩﻴﯩﺘﯩﻨﯩﯔ ﺋﯚﺯﮔﯩﭽﯩﻠﯩﻜﻰ، ﺭﻩﯕﮕﺎﺭﻩﯓ ﯞﻩ ﻛﯚﭖ ﺧﯩﻠﻠﯩﻘﻰ ﯞﻩﻳﺮﺍﻥ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﻣﺎﻗﺘﺎ. ﭘﺎﺗﯩﮕﯜﻝ ﺧﺎﻧﯩﻢ، ﺋﯘﻳﻐﯘﺭ ﺋﻪﻧﺌﻪﻧﯩﯟﯨﻲ ﻳﯧﺰﺍ ﻣﻪﺩﻩﻧﯩﻴﯩﺘﯩﻨﯩﯔ ﺧﺎﺳﻠﯩﻘﻰ ﻳﻮﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﯜﭼﯩﻠﻪﺭﻧﯩﯔ ﺑﯩﺮﯨﺪﯗﺭ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻫﯚﻛﯜﻣﯩﺘﻰ ﺋﺎﻟﺪﯨﻨﻘﻰ ﻛﯜﻧﻰ ﺋﯚﺗﻜﯜﺯﮔﻪﻥ ﻳﻪﺭ ﺗﻪﯞﺭﻩﺷﻜﻪ ﻗﺎﺭﺷﻰ ﺑﯩﺨﻪﺗﻪﺭ ﺋﯚﻱ ﻗﯘﺭﯗﻟﯘﺷﯩﻨﻰ ﺧﯘﻻﺳﯩﻼﺵ ﻳﯩﻐﯩﻨﯩﺪﺍ، ﻣﻪﺯﻛﯘﺭ ﭘﯩﻼﻧﻨﻰ ﺋﻮﺭﯗﻧﻠﯩﻐﺎﻥ ﻳﺎﻛﻰ ﻧﻮﺭﻣﯩﺪﯨﻦ ﺋﺎﺷﯘﺭﯗﭖ ﺋﻮﺭﯗﻧﻠﯩﻐﺎﻥ 13 ﯞﯨﻼﻳﻪﺕ، 73 ﻧﺎﻫﯩﻴﻪ (ﺷﻪﻫﻪﺭ) ﯞﻩ 111 ﺧﯩﺰﻣﻪﺗﭽﯩﻨﻰ ﺗﻪﻗﺪﯨﺮﻟﯩﺪﻯ. (ﺋﻪﺭﻛﯩﻦ)