ﺋﯘﻟﯘﻏﭽﺎﺗﺘﺎ ﻳﻪﺭ ﺗﻪﯞﺭﯨﺪﻯ

• ﻣﯘﺧﺒﯩﺮﯨﻤﯩﺰ ﻣﯩﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻳﻪﺭ ﺗﻪﯞﺭﻩﺷﺘﯩﻦ ﻛﯧﻴﯩﻨﻜﻰ ﺩﯨﺨﻘﺎﻧﻼﺭﻧﯩﯔ ﺋﻪﻫﯟﺍﻟﻰ. 2003-ﻳﯩﻞ ﻓﯧﯟﺭﺍﻝ،AFP

ﺗﻪﯕﺮﯨﺘﺎﻍ ﺗﻮﺭ ﺑﯧﺘﯩﺪﻩ ﺑﯧﺮﯨﻠﮕﻪﻥ ﺧﻪﯞﻩﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، 16 ‏- ﺋﺎﭘﺮﯨﻞ ﻛﯜﻧﻰ ﺋﯜﺭﯛﻣﭽﻰ ﯞﺍﻗﺘﻰ ﺗﺎﯓ ﺳﻪﻫﻪﺭ 4 ﺗﯩﻦ 20 ﻣﯩﻨﻮﺕ ﺋﯚﺗﻜﻪﻧﺪﻩ، ﺋﯘﻳﻐﯘﺭ ﺋﯧﻠﯩﻨﯩﯔ ﺋﯘﻟﯘﻏﭽﺎﺕ ﻧﺎﻫﯩﻴﯩﺴﯩﺪﻩ 4.9 ﺑﺎﻝ ﻳﻪﺭ ﺗﻪﯞﺭﯨﮕﻪﻥ. ﮔﻪﺭﭼﻪ ﺑﯘ ﻗﯧﺘﯩﻤﻘﻰ ﻳﻪﺭ ﺗﻪﯞﺭﻩﺷﺘﻪ ﺋﺎﺩﻩﻡ ﺋﯚﻟﯜﺵ ﯞﻩﻗﻪﺳﻰ ﻳﯜﺯ ﺑﻪﺭﻣﯩﮕﻪﻥ ﺑﻮﻟﺴﯩﻤﯘ، ﻣﻪﺯﻛﯘﺭ ﻧﺎﻫﯩﻴﯩﻨﯩﯔ ﺋﻮﻗﺴﺎﻟﯘﺭ ﺩﯦﮕﻪﻥ ﻛﻪﻧﺘﯩﺪﯨﻜﻰ ﻫﯚﻛﯜﻣﻪﺕ ﺑﯩﻨﺎﺳﻰ ﯞﻩ ﺑﯩﺮ ﻗﯩﺴﯩﻢ ﺋﺎﺋﯩﻠﯩﻠﯩﻜﻠﻪﺭﻧﯩﯔ ﺋﯚﻳﻠﯩﺮﯨﮕﻪ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﺩﻩﺯ ﻛﻪﺗﻜﻪﻥ. ﺑﯩﺰ ﻣﻪﺯﻛﯘﺭ ﯞﻩﻗﻪﺩﯨﻦ ﺧﻪﯞﻩﺭﺩﺍﺭ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭﻏﺎ ﯞﻩ ﺷﯘﻧﺪﺍﻗﻼ ﻳﻪﺭ ﺗﻪﯞﺭﻩﺵ ﻣﻪﺭﻛﯩﺰﯨﮕﻪ ﺗﯧﻠﯧﻔﻮﻥ ﻗﯩﻠﯩﭗ، ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﺩﯗﻕ.

ﻳﻪﺭ ﺗﻪﯞﺭﻩﺵ ﻣﻪﺭﻛﯩﺰﻯ ﺑﻮﻟﯘﭖ ﻫﯩﺴﺎﺑﻼﻧﻐﺎﻥ ﺋﻮﻗﺴﺎﻟﯘﺭ ﻛﻪﻧﺘﯩﻨﯩﯔ ﻫﯚﻛﯜﻣﻪﺕ ﺑﯩﻨﺎﺳﻰ ﯞﻩ ﺷﯘﻧﺪﺍﻗﻼ ﻣﻪﺯﻛﯘﺭ ﺟﺎﻳﺪﯨﻜﻰ ﺋﺎﺋﯩﻠﯩﻠﯩﻜﻠﻪﺭ ﺋﻮﻟﺘﯘﺭﯗﺷﻠﯘﻕ ﺋﯚﻳﻠﻪﺭﻧﯩﯔ ﺗﻮﻗﻘﯘﺯﯨﻐﺎ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﺩﻩﺯ ﻛﻪﺗﻜﻪﻥ، ﻫﻪﻣﺪﻩ ﺩﻩﺯ ﻛﻪﺗﻜﻪﻥ ﺋﺎﺋﯩﻠﯩﻠﯩﻜﻠﻪﺭ ﺋﻮﻟﺘﯘﺭﯗﺷﻠﯘﻕ ﺋﯚﻳﻠﻪﺭﻧﯩﯔ 5 ﺋﻰ ﺧﻪﺗﻪﺭﻟﯩﻚ ﺋﯚﻳﻠﻪﺭ ﻗﺎﺗﺎﺭﯨﻐﺎ ﻛﯩﺮﮔﻪﻥ.

ﺑﯩﺰ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻳﻪﺭ ﺗﻪﯞﺭﻩﺵ ﺋﯩﺪﺍﺭﯨﺴﻰ، ﺋﯘﻟﯘﻏﭽﺎﺕ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺋﻮﺭﻧﻰ ﯞﻩ ﺷﯘﻧﺪﺍﻗﻼ ﻳﻪﺭ ﺗﻪﯞﺭﻩﺵ ﻣﻪﺭﻛﯩﺰﻯ ﺩﻩﭖ ﻛﯚﺭﺳﯩﺘﯩﻠﮕﻪﻥ ﺋﯘﻗﺴﺎﻟﯘﺭ ﻛﻪﻧﺘﯩﮕﻪ ﺗﯧﻠﯧﻔﻮﻥ ﻗﯩﻠﯩﭗ، ﺗﻪﭘﺴﯩﻠﯩﻲ ﺋﻪﻫﯟﺍﻟﻼﺭﻧﻰ ﺋﯩﮕﯩﻠﯩﻤﻪﻛﭽﻰ ﺑﻮﻟﺪﯗﻕ. ﻟﯧﻜﯩﻦ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻳﻪﺭ ﺗﻪﯞﺭﻩﺵ ﺋﯩﺪﺍﺭﯨﺴﯩﺪﯨﻜﯩﻠﻪﺭ ﺋﯚﺯﻟﯩﺮﯨﻨﯩﯔ ﺑﯘ ﻫﻪﻗﺘﻪ ﭼﻪﺗﺌﻪﻝ ﺭﺍﺩﯨﺌﻮ ﺋﯩﺴﺘﺎﻧﺴﯩﻠﯩﺮﯨﻐﺎ ﻫﯧﭽﻘﺎﻧﺪﺍﻕ ﻣﻪﻟﯘﻣﺎﺕ ﺑﯧﺮﻩﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻳﻪﺭﻟﯩﻚ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﺪﯨﻜﯩﻠﻪﺭ ﺑﻮﻟﺴﺎ " ﻛﻪﭼﯜﺭﯨﺴﯩﻠﻪﺭ، ﺑﯘ ﻫﻪﻗﺘﯩﻜﻰ ﺋﻪﻫﯟﺍﻟﻨﻰ ﻳﯘﻗﯩﺮﯨﺪﯨﻦ ﺋﺎﺩﻩﻡ ﻛﯧﻠﯩﭗ ﺋﯧﮕﯩﻠﻪﭖ ﺑﻮﻟﻐﺎﻥ. ﻣﯘﻧﺎﺳﯩﯟﻩﺗﻠﯩﻚ ﻣﺎﺗﯧﺮﯨﻴﺎﻟﻨﯩﯔ ﻫﻪﻣﻤﯩﺴﯩﻨﻰ ﺋﯘﻻﺭ ﺋﯧﻠﯩﭗ ﻛﻪﺗﺘﻰ. ﺑﯩﺰ ﺑﯘ ﻫﻪﻗﺘﻪ ﺳﯩﻠﻪﺭﻧﯩﯔ ﺯﯨﻴﺎﺭﯨﺘﯩﯖﻼﺭﻧﻰ ﻗﻮﺑﯘﻝ ﻗﯩﻼﻟﻤﺎﻳﻤﯩﺰ" ﺩﻩﭖ ﺯﯨﻴﺎﺭﯨﺘﯩﻤﯩﺰﻧﻰ ﺭﻩﺕ ﻗﯩﻠﺪﻯ. ﻟﯧﻜﯩﻦ ﺋﻮﻗﺴﺎﻟﯘﺭ ﻛﻪﻧﺘﯩﻨﯩﯔ ﺩﻩﺯ ﻛﻪﺗﻜﻪﻥ ﻫﯚﻛﯜﻣﻪﺕ ﺑﯩﻨﺎﺳﯩﺪﺍ ﺩﯨﺠﻮﺭﻧﯩﻠﯩﻖ ﻗﯩﻠﯩﯟﺍﺗﻘﺎﻥ ﺑﯩﺮ ﺧﯩﺰﻣﻪﺗﭽﻰ ﺑﯘ ﻗﯧﺘﯩﻤﻘﻰ ﻳﻪﺭ ﺗﻪﯞﺭﻩﺷﺘﻪ ﻫﯚﻛﯜﻣﻪﺕ ﺑﯩﻨﺎﺳﯩﺪﯨﻦ ﺑﺎﺷﻘﺎ ﻳﻪﻧﻪ ﺋﺎﺋﯩﻠﯩﻠﯩﻜﻠﻪﺭ ﺋﯚﻳﻠﯩﺮﯨﻨﯩﯔ ﺗﺎﻣﻠﯩﺮﯨﻐﯩﻤﯘ ﺋﺎﺳﺎﺳﯩﻲ ﺟﻪﻫﻪﺗﺘﯩﻦ ﭼﺎﻙ ﻛﻪﺗﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﺪﻯ.

ﺑﯩﺰ ﺑﯘ ﻗﯧﺘﯩﻤﻘﻰ ﻳﻪﺭ ﺗﻪﯞﺭﻩﺵ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻥ ﺋﻮﻗﺴﺎﻟﯘﺭ ﻛﻪﻧﺘﯩﺪﯨﻜﻰ ﺑﯩﺮ ﻗﯩﺴﻢ ﺋﺎﺋﯩﻠﯩﻠﯩﻜﻠﻪﺭ ﺑﯩﻠﻪﻧﻤﯘ ﺳﯚﻫﺒﻪﺗﺘﻪ ﺑﻮﻟﺪﯗﻕ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﻣﻪﺯﻛﯘﺭ ﻛﻪﻧﺘﺘﯩﻜﻰ ﺑﯩﺮ ﻗﯩﺮﻏﯩﺰ ﺩﯦﻬﻘﺎﻥ ﺑﯘ ﻗﯧﺘﯩﻤﻘﻰ ﻳﻪﺭ ﺗﻪﯞﺭﻩﺵ ﯞﻩﻗﻪﺳﯩﺪﯨﻦ ﺑﯘﺭﯗﻥ ﻛﻪﻧﺖ ﺭﻩﻫﺒﻪﺭﻟﯩﺮﯨﻨﯩﯔ ﻫﻪﺭﺑﯩﺮ ﺋﯚﻳﮕﻪ ﻛﯩﺮﯨﭗ، ﺋﺎﻫﺎﻟﯩﻠﻪﺭﻧﻰ ﻫﯚﻛﯜﻣﻪﺕ ﺳﯧﻠﯩﭗ ﺑﻪﺭﮔﻪﻥ ﺑﯩﺮ ﺋﯧﻐﯩﺰﻟﯩﻖ ﻳﻪﺭ ﺗﻪﯞﺭﻩﺷﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯚﻳﯩﮕﻪ ﻛﯩﺮﯨﭗ ﺗﯘﺭﯗﺷﻘﺎ ﺑﯘﻳﺮﯗﻕ ﻗﯩﻠﻐﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﺪﻯ.

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯘ ﺩﯦﻬﻘﺎﻧﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﻫﯚﻛﯜﻣﻪﺕ ﻳﯧﻘﯩﻨﻘﻰ 3 ﻳﯩﻠﺪﯨﻦ ﺑﯘﻳﺎﻥ ﻣﻪﺯﻛﯘﺭ ﻳﯧﺰﯨﺪﯨﻜﻰ ﺋﺎﺋﯩﻠﯩﻠﯩﻜﻠﻪﺭﮔﻪ، ﻣﻪﻳﻠﻰ ﺋﯘﻻﺭﻧﯩﯔ ﺟﺎﻥ ﺳﺎﻧﻰ ﻗﺎﻧﭽﻪ ﺑﻮﻟﯘﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﭘﻪﻗﻪﺕ ﺑﯩﺮ ﺋﯧﻐﯩﺰﺩﯨﻨﻼ ﻳﻪﺭ ﺗﻪﯞﺭﻩﺷﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯚﻳﻰ ﺳﯧﻠﯩﭗ ﺑﯧﺮﯨﺸﻜﻪ ﺑﺎﺷﻠﯩﻐﺎﻥ. ﺷﯘﯕﺎ ﺟﺎﻥ ﺳﺎﻧﻰ ﻛﯚﭘﻠﻪﺭ ﺑﯩﺮ ﺋﯧﻐﯩﺰ ﺋﯚﻳﮕﻪ ﭘﺎﺗﻤﯩﻐﺎﻧﻠﯩﻘﺘﯩﻦ، ﻳﻪﺭ ﺗﻪﯞﺭﻩﺵ ﺧﻪﯞﯨﺮﻯ ﻛﻪﻟﮕﻪﻧﺪﻩ ﯞﺍﻗﯩﺘﻠﯩﻖ ﺷﯘ ﺑﯩﺮ ﺋﯧﻐﯩﺰ ﺋﯚﻳﮕﻪ ﭼﯩﻘﯩﭗ ﺗﯘﺭﻏﯩﻨﻰ ﺑﯩﻠﻪﻥ، ﻳﻪﺭ ﺗﻪﯞﺭﻩﺵ ﺧﻪﺗﯩﺮﻯ ﺋﯚﺗﻜﻪﻧﺪﯨﻦ ﻛﯧﻴﯩﻨﻼ ﻳﻪﻧﻪ ﺋﯚﺯﻟﯩﺮﯨﻨﯩﯔ ﻛﻮﻧﺎ ﺋﯚﻳﯩﮕﻪ ﭼﯩﻘﯩﯟﺍﻟﯩﺪﯨﻜﻪﻥ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯘ ﺩﯦﻬﻘﺎﻥ ﺋﯚﺯﯨﻨﯩﯔ ﺋﯚﻳﯩﺪﯨﻤﯘ ﺟﻪﻣﻰ 7 ﺟﺎﻥ ﺑﺎﺭ ﺋﯩﻜﻪﻧﻠﯩﻜﯩﻨﻰ، ﻗﻮﺷﯘﻣﭽﻪ ﻳﻪﻧﻪ ﺑﯩﺮ ﺋﯧﻐﯩﺰ ﺋﯚﻱ ﺳﯧﻠﯩﺸﻘﺎ ﭘﯘﻟﻰ ﻳﻮﻕ ﺋﯩﻜﻪﻧﻠﯩﻜﯩﻨﻰ ﺳﯚﺯﻟﻪﭖ ﺑﻪﺭﺩﻯ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯘ ﺩﯦﻬﻘﺎﻥ ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﻳﻪﻧﻪ، ﻫﺎﺯﯨﺮ ﻣﻪﺯﻛﯘﺭ ﻛﻪﻧﺘﺘﻪ، ﻛﺎﺩﯨﺮﻻﺭﻧﯩﯔ ﻫﻪﻣﻤﯩﺴﻰ ﻛﻪﯕﺘﺎﺷﺎ ، ﻳﻪﺭ ﺗﻪﯞﺭﻩﺷﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯨﻐﺎﻥ ﺳﯩﻤﻮﻧﺖ ﺋﯚﻳﻠﻪﺭﺩﻩ ﺋﻮﻟﺘﯘﺭﯗﯞﺍﺗﻘﺎﻧﻠﯩﻘﯩﻨﻰ، ﻟﯧﻜﯩﻦ ﺩﯦﻬﻘﺎﻧﻼﺭﻧﯩﯔ ﻳﻪﻧﻪ 3 ﺗﻪﻥ ﺑﯩﺮﯨﻨﯩﯔ ﻣﯘ ﺷﯘ ﺑﯩﺮ ﺋﯧﻐﯩﺰﻟﯩﻖ ﺋﯚﻳﮕﯩﻤﯘ ﺋﯧﺮﯨﺸﻪﻟﻤﻪﻳﯟﺍﺗﻘﺎﻧﻠﯩﻘﯩﻨﻰ ﻣﻪﻟﯘﻡ ﺗﻪﻛﯩﺘﻠﯩﺪﻯ. (ﻣﯧﻬﺮﯨﺒﺎﻥ)