ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭ ﻗﯘﺭﯗﻟﯘﺷﯩﺪﺍ ﻣﻪﺳﯩﻠﻪ ﻛﯚﭖ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﺋﺎﭘﻪﺕ ﺭﺍﻳﻮﻥ ﻫﻪﻣﺪﻩ ﻧﺎﻣﺮﺍﺕ ﻳﯧﺰﯨﻼﺭﺩﺍ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭ ﻗﯘﺭﯗﻟﯘﺷﻰ ﻛﯧﻠﻪﺭ ﻳﯩﻠﯩﻐﯩﭽﻪ ﺗﺎﻣﺎﻣﻼﻧﻤﺎﻗﭽﻰ. ﺋﻪﻣﻤﺎ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻠﯩﺮﯨﻤﯩﺰﻏﺎ ﻗﺎﺭﯨﻐﺎﻧﺪﺍ ﻫﯚﻛﯜﻣﻪﺕ ﻣﻪﺧﺴﯘﺱ ﻣﻪﺑﻠﻪﻍ ﺋﺎﺟﺮﺍﺗﻘﺎﻥ ﺑﯘ ﻗﯘﺭﯗﻟﯘﺵ ﺟﻪﺭﻳﺎﻧﯩﺪﺍ ﻧﯘﺭﻏﯘﻥ ﺳﺎﺧﺘﯩﻠﯩﻘﻼﺭ ﻣﻪﯞﺟﯘﺕ ﺑﻮﻟﯘﭖ، ﺩﯦﻬﻘﺎﻧﻼﺭﻧﻰ ﭼﯩﺪﺍﻣﻠﯩﻖ ﺋﯚﻳﻠﻪﺭﮔﻪ ﻛﯚﭼﯜﺭﯛﺵ ﺧﯩﺰﻣﯩﺘﯩﮕﻪ ﻣﻪﺳﺌﯘﻝ ﻳﻪﺭﻟﯩﻚ ﻛﺎﺩﯨﺮﻻﺭ ﺑﯘ ﺟﻪﺭﻳﺎﻧﺪﺍ ﻫﻮﻗﯘﻗﯩﺪﯨﻦ ﭘﺎﻳﺪﯨﻠﯩﻨﯩﭗ ﺧﯩﻴﺎﻧﻪﺗﭽﯩﻠﯩﻚ ﻗﯩﻠﻤﯩﺸﻠﯩﺮﯨﺪﯨﻦ ﺳﺎﻗﻠﯩﻨﺎﻟﻤﯩﻐﺎﻥ.

ﻟﯧﻜﯩﻦ ﺧﯩﺘﺎﻱ ﺩﺍﺋﯩﺮﻟﯩﺮﻯ ﻳﻪﻧﯩﻼ ﺑﯘ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭ ﻗﯘﺭﯗﻟﯘﺷﻰ ﺋﯩﺸﻠﯩﺮﯨﻨﯩﯔ ﻣﻪﺳﯩﻠﯩﻠﻪﺭﺩﯨﻦ ﺧﺎﻟﻰ ﻫﺎﻟﺪﺍ ﺋﯩﻨﺘﺎﻳﯩﻦ ﻳﺎﺧﺸﻰ ﺗﻪﻟﺘﯚﻛﯜﺱ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ ﺗﻪﺷﯟﯨﻖ ﻗﯩﻠﻤﺎﻗﺘﺎ.

ﻳﻪﺭ ﺗﻪﯞﺭﻩﺵ ﺋﺎﭘﯩﺘﯩﻨﯩﯔ ﺯﯨﻴﺎﻧﻠﯩﺮﻯ

2003 - ﻳﯩﻠﻰ 24 - ﻓﯧﯟﺭﺍﻝ ﭘﻪﻳﺰﯨﯟﺍﺕ ﯞﻩ ﻣﺎﺭﺍﻟﺒﯧﺸﻰ ﻧﺎﻫﯩﻴﯩﻠﯩﺮﯨﻨﻰ ﺋﺎﺳﺎﺱ ﻗﯩﻠﯩﭗ ﻳﯜﺯ ﺑﻪﺭﮔﻪﻥ 6.8 ﺑﺎﻝ ﺩﻩﺭﯨﺠﯩﺪﯨﻜﻰ ﻳﻪﺭ ﺗﻪﯞﺭﻩﺵ، ﺋﯘﻳﻐﯘﺭ ﺋﯧﻠﻰ ﺗﺎﺭﯨﺨﯩﺪﺍ ﻳﯜﺯ ﺑﻪﺭﮔﻪﻥ ﺋﻪﯓ ﺋﯧﻐﯩﺮ ﻳﻪﺭ ﺗﻪﯞﺭﻩﺵ ﺋﺎﭘﯩﺘﻰ ﺑﻮﻟﯘﭖ، 50 ﻣﯩﯖﺪﯨﻦ ﺋﺎﺭﺗﯘﻕ ﺧﻪﻟﻖ ﺋﺎﭘﻪﺗﻜﻪ ﺋﯘﭼﺮﯨﺪﻯ.ﺧﯩﺘﺎﻱ ﻫﯚﻛﯜﻣﻪﺕ ﻣﻪﺗﺒﯘﺋﺎﺗﻠﯩﺮﻯ ﺋﻪﻳﻨﻰ ﭼﺎﻏﺪﺍ، ﻣﻪﺯﻛﯘﺭ ﻳﻪﺭ ﺗﻪﯞﺭﻩﺷﺘﻪ ﺋﯚﻟﮕﻪﻧﻠﻪﺭ ﺳﺎﻧﻰ 268، ﻳﺎﺭﯨﻼﻧﻐﺎﻧﻼﺭ 4000 ﺩﯨﻦ ﺋﺎﺷﺘﻰ، 8800 ﺋﯚﻱ ﺋﯚﺭﯛﻟﺪﻯ، ﻳﻪﻧﻪ 900ﺩﯨﻦ ﺋﺎﺭﺗﯘﻕ ﺳﯩﻨﯩﭙﻼﺭ ﺋﯚﺭﯛﻟﺪﻯ ﺩﻩﭖ ﺧﻪﯞﻩﺭ ﺋﯧﻼﻥ ﻗﯩﻠﺪﻯ، ﺋﻪﻣﻤﺎ ﭼﻪﺗﺌﻪﻝ ﻣﻪﺗﺒﯘﺋﺎﺗﻠﯩﺮﻯ ﻫﻪﻣﺪﻩ ﻳﻪﺭﻟﯩﻚ ﺋﺎﻣﻤﺎ، ﺋﺎﭘﻪﺗﻜﻪ ﺋﯘﭼﺮﺍﺵ ﺋﻪﻣﻪﻟﯩﻲ ﺋﻪﻫهﯞﺍﻟﯩﻨﯩﯔ ﺋﯘﻧﯩﯖﺪﯨﻨﻤﯘ ﺋﯧﻐﯩﺮ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﻣﻪﺯﻛﯘﺭ ﺋﺎﭘﻪﺗﺘﯩﻦ ﻛﯧﻴﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﺗﻪﺑﯩﺌﯩﻲ ﺋﺎﭘﻪﺗﻠﻪﺭﻧﯩﯔ ﺗﯧﺨﯩﻤﯘ ﻛﯚﭖ ﺯﯨﻴﺎﻧﻼﺭ ﻛﻪﻟﺘﯜﺭﯛﭖ ﭼﯩﻘﯩﺮﯨﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﻪﺭ ﺗﻪﯞﺭﻩﺵ ﺑﻪﻟﯟﯦﻐﯩﻐﺎ ﺟﺎﻳﻼﺷﻘﺎﻥ ﻗﻪﺷﻘﻪﺭ، ﺋﺎﺗﯘﺵ، ﺋﺎﻗﺴﯘ، ﺧﻮﺗﻪﻧﻨﯩﯔ ﺑﻪﺯﻯ ﺟﺎﻳﻠﯩﺮﯨﻨﻰ ﺋﺎﺳﺎﺱ ﻗﯩﻠﻐﺎﻥ، ﻧﺎﻣﺮﺍﺕ ﻫﻪﻡ ﺋﺎﭘﻪﺕ ﺭﺍﻳﻮﻧﻠﯩﺮﯨﺪﺍ 2004 - ﻳﯩﻠﻰ2 - ﺋﺎﻳﺪﯨﻦ ﺑﺎﺷﻼﭖ ﺑﻪﺵ ﻳﯩﻞ ﺋﯩﭽﯩﺪﻩ، ﻧﺎﻣﺮﺍﺕ ﺩﯤهﻫﻘﺎﻧﻼﺭﻧﻰ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭﮔﻪ ﻛﯚﭼﯜﺭﯛﺵ ﺋﯜﭼﯜﻥ، ﺟﻪﻣﺌﯩﻲ ﺑﯩﺮ ﻣﯩﻠﻴﺎﺭﺩ ﻳﯜﻩﻥ ﻣﻪﺑﻠﻪﻍ ﺳﯧﻠﯩﭗ ﺑﯘﻧﻰ ﺋﯜﭺ ﻳﯩﻠﻐﺎ ﺑﯚﻟﯜﭖ ﺋﻪﻣﻪﻟﯩﻴﻠﻪﺷﺘﯘﺭﯨﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ.ﻫﺎﺯﯨﺮ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭﻧﻰ ﺳﯧﻠﯩﺶ ﻗﯘﺭﯗﻟﯘﺷﯩﻨﯩﯔ ﺋﺎﺧﯩﺮﻗﻰ ﻣﻪﺯﮔﯩﻠﻰ ﻫﯧﺴﺎﺑﻠﯩﻨﯩﺪﯗ.

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺧﻪﻟﯩﻘﻘﻪ ﺑﻪﺭﮔﻪﻥ ﯞﻩﺩﯨﻠﯩﺮﻯ

ﺩﺍﺋﯩﺮﯨﻠﻪﺭ ﺑﯘ ﻗﯘﺭﯗﻟﯘﺷﻨﻰ 2008 - ﻳﯩﻠﯩﻨﯩﯔ ﺋﺎﺧﯩﺮﯨﻐﯩﭽﻪ ﭘﯜﺗﯜﻧﻠﻪﻱ ﺗﺎﻣﺎﻣﻼﭖ ﺋﯘﻳﻐﯘﺭ ﺋﯧﻠﻰ ﺑﯘﻳﯩﭽﻪ ﺟﻪﻣﺌﯩﻲ ﺋﯩﻜﻜﻰ ﻣﯩﻠﻴﻮﻥ 10 ﻣﯩﯔ ﻧﺎﻣﺮﺍﺕ ﺩﯦﻬﻘﺎﻧﻨﻰ ﭘﯩﺸﺸﯩﻖ ﺧﯩﺸﻼﺭﺩﺍ ﺳﯧﻠﯩﻨﻐﺎﻥ ﭼﯩﺪﺍﻣﻠﯩﻖ ﻳﯧﯖﻰ ﺋﯚﻳﻠﻪﺭﮔﻪ ﻛﯚﭼﯜﺭﯛﭖ ﻛﯩﺮﻣﻪﻛﭽﻰ.

ﺑﯩﺮ ﻗﺎﻧﭽﻪ ﻛﯜﻧﺪﯨﻦ ﺑﯘﻳﺎﻥ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﻫﯚﻛﯜﻣﻪﺗﻨﯩﯔ ﺗﻮﺭ ﺑﯧﺘﯩﺪﻩ ﻗﻪﺷﻘﻪﺭﺩﻩ ﺳﯧﻠﯩﻨﯩﯟﺍﺗﻘﺎﻥ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭ ﻗﯘﺭﯗﻟﯘﺷﯩﻨﯩﯔ % 99 ﻧﯩﯔ ﺋﯚﻟﭽﻪﻣﮕﻪ ﻻﻳﯩﻖ ﺋﯩﻜﻪﻧﻠﯩﻜﻰ،ﻫﻪﺭ ﺑﯩﺮ ﺋﺎﺋﯩﻠﯩﻨﯩﯔ ﭘﯩﺸﺸﯩﻖ ﻛﯧﺴﻪﻛﺘﯩﻦ ﺳﯧﻠﯩﻨﻐﺎﻥ ﭼﯩﺪﺍﻣﻠﯩﻖ ﺋﯚﻳﻠﻪﺭﮔﻪ ﻛﯚﭼﯜﭖ ﻛﯩﺮﯨﺸﻰ ﺋﯜﭼﯜﻥ ﻛﯩﺸﻰ ﺑﯧﺸﯩﻐﺎ ﺗﻮﻏﺮﺍ ﻛﯧﻠﯩﺪﯨﻐﺎﻥ ﻳﺎﺭﺩﻩﻡ ﺳﻮﻣﻤﯩﺴﯩﻨﯩﯔ 18ﻣﯩﯔ 700ﻳﯜﻩﻥ ﺋﻪﺗﺮﺍﭘﯩﺪﺍ ﺋﯩﻜﻪﻧﻠﯩﻜﯩﻨﻰ، ﺩﯙﻟﻪﺕ ﻫﻪﻣﺪﻩ ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﻟﯩﺮﻯ ﺋﺎﺟﺮﺍﺗﻘﺎﻥ ﺑﯘ ﻣﻪﺑﻠﻪﻏﻨﯩﯔ ﺟﺎﻳﯩﺪﺍ ﺋﯩﺸﻠﯩﺘﯩﻠﯩﭗ ﻗﯘﺭﯗﻟﯘﺵ ﺟﻪﺭﻳﺎﻧﯩﺪﺍ ﻫﯧﭽﻘﺎﻧﺪﺍﻕ ﻣﻪﺳﯩﻠﻪ ﻛﯚﺭﯛﻟﻤﯩﮕﻪﻧﻠﯩﻜﻰ، ﻗﯘﺭﯗﻟﯘﺷﻨﯩﯔ ﭘﯩﻼﻧﻠﯩﻐﺎﻥ ﯞﺍﻗﯩﺘﺘﯩﻦ ﺑﯘﺭﯗﻥ ﭘﯜﺗﻜﯜﺯﯛﺷﻜﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﻣﻪﺧﺴﯘﺱ ﺧﻪﯞﻩﺭﻟﻪﺭ ﺑﯧﺮﯨﻠﺪﻯ.

ﻗﯘﺭﯗﻟﯘﺷﻨﯩﯔ ﭼﯩﺪﺍﻣﻠﯩﻐﻰ ﺗﻮﻏﺮﯨﺴﯩﺪﯨﻜﻰ ﺗﯧﻠﯧﻔﻮﻥ ﺯﯨﻴﺎﺭﯨﺘﯩﻤﯩﺰ

ﺑﯩﺰ ﻗﻪﺷﻘﻪﺭ ﻳﯧﺰﯨﻠﯩﺮﯨﺪﺍ ﺳﯧﻠﯩﻨﯩﯟﺍﺗﻘﺎﻥ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭ ﻗﯘﺭﯗﻟﯘﺷﯩﻨﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﯧﺨﯩﻤﯘ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻣﻪﻟﯘﻡ ﻳﯧﺰﯨﻨﯩﯔ ﻛﻪﻧﺖ ﻛﺎﺩﯨﺮﯨﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﺑﻮﻟﺴﺎﻗﻤﯘ ﺋﯘ ﻛﯩﺸﻰ ﺳﻮﺋﺎﻟﻠﯩﺮﯨﻤﯩﺰﻏﺎ ﭼﺎﻻ - ﭘﯘﭼﯘﻕ ﺟﺎﯞﺍﺏ ﻗﺎﻳﺘﯘﺭﺩﻯ.

ﮔﻪﺭﭼﻪ ﺑﯘ ﻛﻪﻧﺖ ﻛﺎﺩﯨﺮﻯ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭ ﻗﯘﺭﯗﻟﯘﺷﯩﻨﯩﯔ ﻳﺎﺧﺸﻰ ﺋﯜﻧﯜﻣﻠﯜﻙ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﻘﺎﻥ ﺑﻮﻟﺴﯩﻤﯘ ﺋﻪﻣﻤﺎ ﺩﻩﻝ ﺷﯘ ﻳﯧﺰﯨﺪﯨﻜﻰ ﺑﯩﺮ ﺩﯦﻬﻘﺎﻥ ﺑﻮﻟﺴﺎ ﺑﯘ ﻗﯘﺭﯗﻟﯘﺷﻨﯩﯔ ﻫﯚﻛﯜﻣﻪﺕ ﺗﻪﺷﯟﯨﻘﺎﺗﯩﺪﺍ ﺋﯧﻴﺘﯩﻠﻐﺎﻧﺪﻩﻙ ﺋﻪﻣﻪﺳﻠﯩﻜﯩﻨﻰ ﻳﻪﻧﯩﻼ ﻛﯚﭖ ﺳﺎﻧﺪﯨﻜﻰ ﺩﯦﻬﻘﺎﻧﻨﯩﯔ ﺋﯚﻳﻨﻰ ﭘﯜﺗﺘﯜﺭﯛﺷﻜﻪ ﻗﯘﺭﺑﻰ ﻳﻪﺗﻤﻪﻳﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﯩﻠﮕﯩﺮﯨﻤﯘ ﺑﯘ ﻫﻪﻗﺘﻪ ﻗﻪﺷﻘﻪﺭﺩﯨﻜﻰ ﺑﻪﺯﻯ ﺩﯦﻬﻘﺎﻧﻼﺭ ﺭﺍﺩﯨﺌﻮﻣﯩﺰﻏﺎ ﺋﯩﻨﻜﺎﺱ ﻗﯩﻠﯩﭗ، ﻫﻪﺗﺘﺎ ﺑﻪﺯﻯ ﻳﯧﺰﯨﻼﺭﺩﺍ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭ ﻗﯘﺭﯗﻟﯘﺷﯩﻐﺎ ﻣﻪﺳﺌﯘﻝ ﻳﻪﺭﻟﯩﻚ ﻛﺎﺩﯨﺮ ﻫﻪﻡ ﺋﻮﺭﯗﻧﻼﺭﻧﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻮﺭﯗﻧﻼﺭﻧﯩﯔ ﺗﻪﻛﺸﯜﺭﯛﺷﯩﺪﯨﻦ ﺋﯚﺗﯜﺵ ﺋﯜﭼﯜﻧﻼ ﻳﺎﺳﺎﻟﻤﯩﻠﯩﻖ ﻗﯩﻠﯩﭗ ﺩﯦﻬﻘﺎﻧﻼﺭﻧﯩﯔ ﺋﯚﻳﻠﯩﺮﯨﻨﯩﯔ ﻛﻮﭼﺎ ﺗﻪﺭﻩﭘﻜﻪ ﻗﺎﺭﺍﻳﺪﯨﻐﺎﻥ ﺗﺎﻣﻠﯩﺮﯨﻨﯩﻼ ﭘﯩﺸﺸﯩﻖ ﻛﯧﺴﻪﻛﺘﻪ ﻗﯘﺭﯗﭖ ﻗﻮﻳﻐﺎﻧﻠﯩﻘﯩﻨﻰ ﺑﯘ ﺟﻪﺭﻳﺎﻧﺪﺍ ﺷﻪﻛﯩﻠﯟﺍﺯﻟﯩﻖ، ﺧﯩﻴﺎﻧﻪﺗﭽﯩﻠﯩﻚ ﻗﯩﻠﻤﯩﺸﻠﯩﺮﯨﻨﯩﯔ ﺋﯧﻐﯩﺮﻟﯩﻘﯩﻨﻰ ﻣﻪﻟﯘﻡ ﻗﯩﻠﻐﺎﻥ ﺋﯩﺪﻯ. (ﮔﯜﻟﭽﯧﻬﺮﻩ)