ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻳﯧﯖﻰ ﻳﯧﺰﺍ ﻣﺎﺋﺎﺭﯨﭗ ﺳﯩﻴﺎﺳﯩﺘﻰ ﻗﺎﻧﺪﺍﻕ ﺋﯩﺠﺮﺍ ﻗﯩﻠﯩﻨﯩﯟﺍﺗﯩﺪﯗ؟

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯧﻘﯩﻨﺪﺍ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻳﯧﺰﺍ ﻣﺎﺋﺎﺭﯨﭙﻰ ﺳﯩﻴﺎﺳﯩﺘﯩﺪﻩ، ﺑﯘﻧﺪﯨﻦ ﻛﯧﻴﯩﻦ ﻳﯧﺰﺍ ﻣﻪﻛﺘﻪﭘﻠﯩﺮﯨﺪﻩ ﺋﻮﻗﯘﻏﯘﭼﯩﻼﺭﻧﯩﯔ ﺋﻮﻗﯘﺵ ﭘﯘﻟﻰ ﯞﻩ ﺩﻩﺭﺳﻠﯩﻚ ﻛﯩﺘﺎﺏ ﭘﯘﻟﯩﻨﻰ ﺑﯩﻜﺎﺭ ﻗﯩﻠﯩﺶ ﻛﯧﺮﻩﻙ ﺩﻩﭖ ﻛﯚﺭﺳﯩﺘﯩﻠﮕﻪﻥ. ﺑﯩﺰ ﻣﻪﺯﻛﯘﺭ ﺳﯩﻴﺎﺳﻪﺗﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﯧﺰﯨﻼﺭﺩﺍ ﻗﺎﻧﺪﺍﻕ ﺋﯩﺠﺮﺍ ﻗﯩﻠﯩﻨﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺑﯩﺮ ﻗﯩﺴﯩﻢ ﺯﯨﻴﺎﻟﯩﻴﻼﺭﻧﻰ ﯞﻩ ﺷﯘﻧﺪﺍﻗﻼ ﻳﯧﺰﺍ ﻣﻪﻛﺘﻪﭘﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﺪﯗﻕ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﻛﯚﭖ ﺳﺎﻧﺪﯨﻜﻰ ﺯﯨﻴﺎﻟﯩﻴﻼﺭ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯧﺰﺍ ﻣﺎﺋﺎﺭﯨﭙﻰ ﻫﻪﻗﻘﯩﺪﻩ ﺑﯧﻜﯩﺘﻜﻪﻥ ﺳﯩﻴﺎﺳﯩﺘﯩﻨﯩﯔ ﺩﯦﮕﻪﻧﺪﻩﻙ ﺗﻮﻟﯘﻕ ﺋﯩﺠﺮﺍ ﻗﯩﻠﯩﻨﯩﺸﯩﻐﺎ ﮔﯘﻣﺎﻥ ﺑﯩﻠﻪﻥ ﻗﺎﺭﯨﻤﺎﻗﺘﺎ.

ﺳﯧﻠﯩﻨﻐﺎﻥ ﻣﻪﺑﻠﻪﻍ ﻳﻪﻧﯩﻼ ﻳﯧﺘﻪﺭﻟﯩﻚ ﺋﻪﻣﻪﺱ

ﻳﯧﻘﯩﻨﺪﺍ ﻳﯧﺰﺍ ﺭﺍﻳﻮﻧﯩﺪﯨﻜﻰ ﻣﺎﺋﺎﺭﯨﭗ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻣﻪﺧﺴﯘﺱ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ ﻫﻪﻣﺪﻩ ﺩﻭﻛﻼﺕ ﺋﯧﻼﻥ ﻗﯩﻠﻐﺎﻥ ﺧﯘ ﺑﯧﻲ ﺋﯚﻟﻜﯩﺴﯩﺪﯨﻜﻰ ﺧﯩﺘﺎﻱ ﺯﯨﻴﺎﻟﯩﻴﺴﻰ ﻟﻴﯘ ﻓﯧﻴﻴﯚ ﺗﻪﻛﺸﯜﺭﯛﺵ ﺟﻪﺭﻳﺎﻧﯩﺪﺍ ﺑﺎﻳﻘﺎﻟﻐﺎﻥ ﻣﻪﺳﯩﻠﯩﻠﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ " ﻫﺎﺯﯨﺮﻗﻰ ﺋﻪﯓ ﻣﯘﻫﯩﻢ ﻣﻪﺳﯩﻠﻪ ﻳﻪﻧﯩﻼ ﻣﻪﺑﻠﻪﻍ ﻣﻪﺳﯩﻠﯩﺴﻰ. ﻣﻪﺭﻛﯩﺰﻯ ﻫﯚﻛﯜﻣﻪﺕ ﯞﻩ ﺋﯚﻟﻜﻪ ﺩﻩﺭﯨﺠﯩﻠﯩﻚ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻨﯩﯔ ﻳﯧﺰﺍ ﻣﺎﺋﺎﺭﯨﭙﯩﻐﺎ ﺳﺎﻟﻐﺎﻥ ﻣﻪﺑﻠﯩﻐﻰ ﻳﻪﻧﯩﻼ ﻧﺎﻫﺎﻳﯩﺘﻰ ﺋﺎﺯ ﺩﯨﻴﻪﺭﻟﯩﻚ" ﺩﻩﭖ ﺑﯩﻠﺪﯛﺭﺩﻯ.

ﻳﯧﻘﯩﻨﺪﺍ ﺑﯧﻴﺠﯩﯖﺪﺍ ﻧﻪﺷﯩﺮ ﻗﯩﻠﯩﻨﯩﺪﯨﻐﺎﻥ ﮔﯘﺋﺎﯕﻤﯩﯔ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ 11 ‏- ﻗﯧﺘﯩﻤﻠﯩﻖ ﺑﯘ 5 ﻳﯩﻠﻠﯩﻖ ﭘﯩﻼﻧﯩﺪﺍ ﻧﺎﻣﺮﺍﺕ ﻳﯧﺰﺍ ﺭﺍﻳﻮﻧﻠﯩﺮﯨﺪﯨﻜﻰ 36 ﻣﯩﻠﻴﻮﻥ ﺋﻮﻗﯘﻏﯘﭼﯩﻨﯩﯔ ﺋﻮﻗﯘﺵ ﯞﻩ ﻛﯩﺘﺎﺏ ﭘﯘﻟﯩﻨﻰ ﻛﯚﺗﯜﺭﯛﯞﯦﺘﯩﺶ ﻛﯧﺮﻩﻙ ﺩﻩﭖ ﻛﯚﺭﺳﻪﺗﻜﯩﻨﻰ ﺑﯩﻠﻪﻥ، ﺋﯘﻻﺭﻧﯩﯔ ﻣﺎﺋﺎﺭﯨﭗ ﺧﯩﺮﺍﺟﯩﺘﻰ ﯞﻩ ﺋﻮﻗﯘﺗﯘﺵ ﺗﯜﺯﯛﻣﻰ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺸﺘﺎ ﻗﻮﻟﻠﯩﻨﯩﯟﺍﺗﻘﺎﻥ ﭼﺎﺭﻩ ‏- ﺗﻪﺩﺑﯩﺮﻟﯩﺮﻯ ﻳﻪﻧﯩﻼ ﺋﯜﻧﯜﻣﻠﯜﻙ ﺑﻮﻟﻤﯩﻐﺎﻥ.

ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺧﯩﺘﺎﻳﺪﯨﻜﻰ ﻳﯧﺰﺍ ﻣﺎﺋﺎﺭﯨﭙﻰ ﻫﻪﻗﻘﯩﺪﻩ ﻣﻪﺧﺴﯘﺱ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ ﻟﻴﯘ ﻓﯧﻴﻴﯚ ﺧﯩﺘﺎﻳﺪﯨﻜﻰ ﻳﯧﺰﺍ ﻣﺎﺋﺎﺭﯨﭙﯩﻨﯩﯔ ﻳﻪﻧﯩﻼ ﺋﯩﻨﺘﺎﻳﯩﻦ ﺋﺎﺭﻗﯩﺪﺍ ﻗﯧﻠﯩﯟﺍﺗﻘﺎﻧﻠﯩﻘﯩﻨﻰ ﺑﻮﻟﯘﭘﻤﯘ ﻳﯧﺰﺍ ﻣﻪﻛﺘﻪﭘﻠﯩﺮﯨﺪﻩ ﺋﯩﺸﻠﻪﯞﺍﺗﻘﺎﻥ ﺋﻮﻗﯘﺗﻘﯘﭼﯩﻼﺭﻧﯩﯔ ﺳﺎﭘﺎﺳﯩﻨﯩﯔ ﺗﻮﻟﯩﻤﯘ ﺗﯚﯞﻩﻥ ﺋﯩﻜﻪﻧﻠﯩﻜﯩﻨﻰ ﻣﻪﻟﯘﻡ ﻗﯩﻠﺪﻯ.

ﺑﻪﺯﻯ ﭘﯘﻟﻼﺭ ﻛﯚﺗﯜﺭﯛﯞﯦﺘﯩﻠﮕﻪﻥ، ﺑﻪﺯﯨﻠﯩﺮﻯ ﻗﻮﺷﯘﻟﻐﺎﻥ

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯘﻳﻐﯘﺭ ﺋﯧﻠﯩﻨﯩﯔ ﻗﻪﺷﻘﻪﺭ ﺭﺍﻳﻮﻧﯩﺪﯨﻜﻰ ﺑﯩﺮ ﺩﯦﻬﻘﺎﻧﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯧﺰﺍ ﺭﺍﻳﻮﻧﻠﯩﺮﯨﺪﯨﻜﻰ ﺋﻮﻗﯘﻏﯘﭼﯩﻼﺭﺩﯨﻦ ﺋﻮﻗﯘﺵ ﯞﻩ ﻛﯩﺘﺎﺏ ﭘﯘﻟﻰ ﺋﺎﻟﻤﺎﺳﻠﯩﻖ ﻗﺎﺭﺍﺭﻯ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻧﺪﯨﻦ ﺑﯘﻳﺎﻥ، ﻣﻪﺯﻛﯘﺭ ﻳﯧﺰﯨﺪﯨﻜﻰ ﺩﯦﻬﻘﺎﻥ ﺑﺎﻟﯩﻠﯩﺮﻯ ﻫﻪﻗﯩﻘﻪﺗﻪﻥ ﻫﻪﻗﺴﯩﺰ ﺋﻮﻗﯘﻳﺪﯨﻐﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﻳﯜﻛﻰ ﺋﯩﻠﮕﯩﺮﯨﻜﯩﺪﯨﻦ ﻛﯚﭖ ﻳﯧﻨﯩﻜﻠﯩﮕﻪﻥ.

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﻗﻪﺷﻘﻪﺭ ﻳﻮﭘﯘﺭﻏﺎ ﻳﯧﺰﯨﺴﯩﺪﯨﻜﻰ ﺑﯩﺮ ﺋﻮﻗﯘﺗﻘﯘﭼﻰ ﻣﻪﺯﻛﯘﺭ ﻳﯧﺰﯨﺪﯨﻜﻰ ﺋﻮﻗﯘﻏﯘﭼﯩﻼﺭﻧﯩﯔ ﺋﻮﻗﯘﺵ ﭘﯘﻟﻰ ﯞﻩ ﻛﯩﺘﺎﺏ ﭘﯘﻟﻰ ﻛﯚﺗﯜﺭﯛﻟﯩﯟﯦﺘﯩﻠﮕﯩﻨﻰ ﺑﯩﻠﻪﻥ، ﻣﻪﻛﺘﻪﭖ ﺋﻮﺭﯗﻧﻠﯩﺮﻯ ﺋﻮﻗﯘﻏﯘﭼﯩﻼﺭﺩﯨﻦ ﺑﺎﺷﻘﺎ ﺧﯩﻞ ﺷﻪﻛﯩﻠﺪﻩ ﻳﻪﻧﻰ "ﻳﺎﻧﺪﺍﺵ ﭘﯘﻟﻰ"، "ﺗﺎﭘﺸﯘﺭﯗﻕ ﭘﯘﻟﻰ" ﺩﻩﭖ ﺋﺎﺗﺎﻟﻐﺎﻥ ﻗﻮﺷﯘﻣﭽﻪ ﺋﻮﻗﯘﺗﯘﺵ ﻣﺎﺗﯧﺮﯨﻴﺎﻝ ﭘﯘﻟﻰ ﻳﯩﻐﯩﺪﯨﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ.

ﻛﺎﻧﺎﺩﺍﺩﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﻣﯘﻫﻪﻣﻤﻪﺕ ﺗﻮﺧﺘﻰ ﺋﻪﭘﻪﻧﺪﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯧﺰﺍ ﻣﺎﺋﺎﺭﯨﭙﻰ ﻫﻪﻗﻘﯩﺪﻩ ﺑﯧﻜﯩﺘﻜﻪﻥ ﺑﯘ ﻳﯧﯖﻰ ﺳﯩﻴﺎﺳﯩﺘﯩﻨﯩﯔ ﺗﻮﻟﯘﻕ ﺋﯩﺠﺮﺍ ﻗﯩﻠﯩﻨﯩﺸﯩﻐﺎ ﮔﯘﻣﺎﻥ ﺑﯩﻠﻪﻥ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. (ﻣﯧﮭﺮﯨﺒﺎﻥ)