ﺑﯧﺮﻟﯩﻨﺪﺍ ﻳﯩﭙﻪﻙ ﻳﻮﻟﻰ ﻣﻪﺩﻩﻧﯩﻴﯩﺘﻰ ﻛﯚﺭﮔﻪﺯﻣﯩﺴﻰ ﺋﯧﭽﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

14 - ﺋﯚﻛﺘﻪﺑﯩﺮ ﻛﯜﻧﯩﺪﯨﻦ ﺑﺎﺷﻼﭖ، ﮔﯧﺮﻣﺎﻧﯩﻴﻪ ﭘﺎﻳﺘﻪﺧﺘﻰ ﺑﯧﺮﻟﯩﻦ ﺷﻪﻫﺮﯨﺪﻩ "ﻳﯩﭙﻪﻙ ﻳﻮﻟﻰ ﻣﻪﺩﻩﻧﯩﻴﯩﺘﻰ ﻛﯚﺭﮔﻪﺯﻣﯩﺴﻰ" ﺑﺎﺷﻼﻧﺪﻯ. 2008 - ﻳﯩﻠﻰ 1 - ﺋﺎﻳﻨﯩﯔ 14 - ﻛﯜﻧﯩﮕﻪ ﻗﻪﺩﻩﺭ ﺑﯩﺮ ﺋﺎﻱ ﺩﺍﯞﺍﻡ ﻗﯩﻠﯩﺪﯨﻐﺎﻥ ﺑﯘ ﻛﯚﺭﮔﻪﺯﻣﯩﮕﻪ ﺋﯘﻳﻐﯘﺭ ﺩﯨﻴﺎﺭﯨﺪﯨﻦ ﺗﯧﭙﯩﻠﻐﺎﻥ 190 ﺋﻪﯞﺭﯨﺸﻜﻪ ﻗﺎﺗﻨﺎﺷﺘﯘﺭﯗﻟﻐﺎﻥ. ﺑﯘﻧﯩﯔ ﺋﯩﭽﯩﺪﻩ 180 ﺩﺍﻧﯩﺴﻰ ﺗﺎﺭﯨﻢ ﯞﺍﺩﯨﺴﯩﺪﯨﻦ ﻳﯧﯖﯩﺪﯨﻦ ﺗﯧﭙﯩﻠﻐﺎﻥ ﻣﻪﺩﻩﻧﯩﻴﻪﺕ ﻳﺎﻟﺪﺍﻣﯩﻠﯩﺮﻯ ﺑﻮﻟﯘﭖ، ﺑﯘ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﯩﯔ ﺗﺎﺭﯨﺨﻰ ﻛﯩﺸﯩﻠﻪﺭﻧﻰ ﻫﻪﻳﺮﺍﻧﻠﯩﻘﺘﺎ ﻗﺎﻟﺪﯗﺭﻏﺎﻥ.

4 ﻣﯩﯔ ﻳﯩﻠﻠﯩﻖ ﺗﺎﺭﯨﺨﻘﺎ ﺋﯩﮕﻪ ﻳﺎﻟﺪﺍﻣﯩﻼﺭ

ﭼﻪﺗﺌﻪﻝ ﺋﺎﻟﯩﻤﻠﯩﺮﯨﻨﯩﯔ ﺗﻪﻛﯩﺘﻠﯩﺸﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻳﯩﭙﻪﻙ ﻳﻮﻟﯩﻐﺎ ﺋﺎﺋﯩﺖ ﻣﻪﺩﻩﻧﯩﻴﻪﺕ ﻳﺎﻟﺪﺍﻣﯩﻠﯩﺮﯨﻨﻰ ﭼﻪﺗﺌﻪﻟﺪﻩ ﻛﯚﺭﮔﻪﺯﻣﯩﮕﻪ ﻗﻮﻳﯘﺷﻰ ﺗﯘﻧﺠﻰ ﻗﯧﺘﯩﻤﻠﯩﻖ ﺑﯩﺮ ﺋﯩﺶ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ. ﻫﺎﺯﯨﺮﻏﺎ ﻗﻪﺩﻩﺭ ﺧﯩﺘﺎﻳﻼﺭ ﺋﯩﭽﻜﯩﺮﻯ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻦ ﺗﯧﭙﯩﻠﻐﺎﻥ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﻰ ﭼﻪﺗﺌﻪﻟﻠﻪﺭﺩﻩ ﻛﯚﭖ ﻗﯧﺘﯩﻢ ﻛﯚﺭﮔﻪﺯﻣﻪ ﻗﯩﻠﻐﺎﻥ ﺑﻮﻟﺴﯩﻤﯘ، ﺧﯩﺘﺎﻱ ﻣﻪﺩﻩﻧﯩﻴﯩﺘﯩﮕﻪ ﺗﯜﭘﺘﯩﻦ ﺋﻮﺧﺸﯩﻤﺎﻳﺪﯨﻐﺎﻥ ﻣﻪﺩﻩﻧﯩﻴﻪﺕ ﻣﯩﺮﺍﺳﻠﯩﺮﯨﻨﻰ ﺗﯧﺨﻰ ﻛﯚﺭﮔﻪﺯﻣﻪ ﻗﯩﻠﯩﭗ ﺑﺎﻗﻤﯩﻐﺎﻥ ﺋﯩﻜﻪﻥ.

ﺑﯘ ﻛﯚﺭﮔﻪﺯﻣﻪ ﻳﻮﻟﻐﺎ ﻗﻮﻳﯘﻟﻐﺎﻥ ﺑﯩﺮ ﻗﺎﻧﭽﻪ ﻛﯜﻧﺪﯨﻦ ﺑﯧﺮﻯ، ﮔﯧﺮﻣﺎﻧﯩﻴﯩﺪﯨﻜﻰ ﻫﻪﺭ ﺳﺎﻫﻪ ﺋﺎﺭﺧﯧﺌﻮﻟﻮﮔﻼﺭﻧﯩﯔ، ﺗﺎﺭﯨﺨﭽﯩﻼﺭ ﯞﻩ ﻗﻪﺩﯨﻤﻘﻰ ﻣﻪﺩﻩﻧﯩﻴﻪﺗﻜﻪ ﻗﯩﺰﯨﻘﯩﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﻛﯜﭼﻠﯜﻙ ﺩﯨﻘﻘﯩﺘﯩﻨﻰ ﺟﻪﻟﯩﭗ ﻗﯩﻠﻐﺎﻥ. ﺑﯘ ﻛﯚﺭﮔﻪﺯﻣﯩﮕﻪ ﻗﻮﻳﯘﻟﻐﺎﻥ ﻗﻪﺩﯨﻤﻘﻰ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﮕﻪ ﺋﺎﺋﯩﺖ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﯩﯔ ﺗﺎﺭﯨﺨﻰ 4 ﻣﯩﯔ ﻳﯩﻠﺪﯨﻦ ﺋﺎﺭﺗﯘﻕ ﺑﻮﻟﯘﭖ، ﺑﯘ ﺋﯘﺯﯗﻥ ﺗﺎﺭﯨﺨﻰ ﺩﻩﯞﯨﺮﺩﻩ ﻳﺎﺭﺍﻟﻐﺎﻥ ﻣﻪﺩﻩﻧﯩﻴﻪﺗﻠﻪﺭﻧﯩﯔ ﮔﯜﺯﻩﻟﻠﯩﻜﻰ ﯞﻩ ﺋﯩﻠﻐﺎﺭﻟﯩﻘﻰ ﻛﯩﺸﯩﻠﻪﺭﻧﻰ ﺋﯩﻨﺴﺎﻧﯩﻴﻪﺗﻨﯩﯔ ﻣﻪﺩﻩﻧﯩﻴﻪﺕ ﺗﺎﺭﯨﺨﻰ ﻫﻪﻗﻘﯩﺪﻩ ﻗﺎﻳﺘﯩﺪﯨﻦ ﺋﻪﺳﺘﺎﻳﯩﺪﯨﻞ ﺋﻮﻳﻠﯩﻨﯩﺸﻘﺎ ﺩﻩﯞﻩﺕ ﻗﯩﻠﯩﺪﯨﻜﻪﻥ.

ﻳﯩﭙﻪﻙ ﻳﻮﻟﯩﻨﯩﯔ ﺗﯧﺨﯩﻤﯘ ﻳﯜﻛﺴﻪﻙ ﺳﯩﺮﻟﯩﻖ ﻗﯩﻤﻤﯩﺘﻰ"

ﮔﯧﺮﻣﺎﻧﯩﻴﯩﺪﻩ ﻧﻪﺷﯩﺮﺩﯨﻦ ﭼﯩﻘﯩﺪﯨﻐﺎﻥ "ﺩﯗﻧﻴﺎ ﮔﯧﺰﯨﺘﻰ"ﻧﯩﯔ 16 - ﺋﯚﻛﺘﻪﺑﯩﺮﺩﯨﻜﻰ ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﻪﺭﺗﻬﻮﻟﺪ ﺳﻪﺋﻪﯞﺍﻟﺪ ﺋﻪﭘﻪﻧﺪﯨﻨﯩﯔ "ﻳﯩﭙﻪﻙ ﻳﻮﻟﯩﻨﯩﯔ ﺗﯧﺨﯩﻤﯘ ﻳﯜﻛﺴﻪﻙ ﺳﯩﺮﻟﯩﻖ ﻗﯩﻤﻤﯩﺘﻰ" ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ، ﺑﯘ ﻛﯚﺭﮔﻪﺯﻣﯩﻨﯩﯔ ﺗﻪﻛﻠﯩﻤﺎﻛﺎﻥ ﯞﺍﺩﯨﺴﻰ ﻣﻪﺩﻩﻧﯩﻴﯩﺘﻰ ﻫﻪﻗﻘﯩﺪﻩ ﻳﯧﯖﯩﺪﯨﻦ ﺗﯧﺨﯩﻤﯘ ﻛﯜﭼﻠﯜﻙ ﺑﯩﺮ ﻗﯩﺰﯨﻘﯩﺶ ﻗﻮﺯﻏﺎﻳﺪﯨﻐﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ.

19 - ﺋﻪﺳﯩﺮﻧﯩﯔ ﺋﺎﺧﯩﺮﻟﯩﺮﻯ ﯞﻩ 20 - ﺋﻪﺳﯩﺮﻧﯩﯔ ﺑﺎﺷﻠﯩﺮﯨﺪﺍ ﺋﯘﻳﻐﯘﺭ ﺩﯨﻴﺎﺭﯨﺪﺍ ﺋﺎﺭﺧﯧﺌﻮﻟﻮﮔﯩﻴﯩﻠﯩﻚ ﻗﯩﺪﯨﺮﯨﺶ ﺋﯧﻠﯩﭗ ﺑﺎﺭﻏﺎﻥ ﺳﯟﻩﻥ ﻫﻪﺩﯨﻦ ﯞﻩ ﺋﺎﺋﯘﺭﻩﻝ ﺳﺘﻪﺋﯩﻨﻼﺭﻧﯩﯔ ﺋﻪﻳﻨﻰ ﺯﺍﻣﺎﻧﻼﺭﺩﺍ ﺗﻪﻛﻠﯩﻤﺎﻛﺎﻥ ﯞﺍﺩﯨﺴﯩﺪﯨﻦ ﻗﯧﺰﯨﭗ ﺋﯧﻠﯩﭗ ﻛﻪﺗﻜﻪﻥ ﻗﻪﺩﯨﻤﻘﻰ ﻣﻪﺭﻛﯩﺰﻯ ﺋﺎﺳﯩﻴﺎ ﺧﻪﻟﻘﻠﯩﺮﻯ ﻣﻪﺩﻩﻧﯩﻴﯩﺘﯩﮕﻪ ﺋﺎﺋﯩﺖ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﮔﻪ ﺳﯧﻠﯩﺸﺘﯘﺭﻏﺎﻧﺪﺍ، ﺑﯘ ﻗﯧﺘﯩﻢ ﻟﻮﭘﻨﻮﺭﺩﯨﻦ ﻳﯧﯖﯩﺪﯨﻦ ﺗﯧﭙﯩﻠﻐﺎﻥ ﻣﻪﺩﻩﻧﯩﻴﻪﺕ ﻳﺎﻟﺪﺍﻣﯩﻠﯩﺮﻯ، ﺩﻩﯞﺭﯨﻨﯩﯔ ﺋﯘﺯﯗﻧﻠﯘﻗﻰ ﯞﻩ ﺳﯜﭘﯩﺘﯩﻨﯩﯔ ﻳﺎﺧﺸﯩﻠﯩﻘﻰ ﺑﯩﻠﻪﻥ ﺋﺎﻻﻫﯩﺪﻩ ﭘﻪﺭﻗﻠﯩﻨﯩﭗ ﺗﯘﺭﯨﺪﯨﻜﻪﻥ.

ﺑﯘ ﻛﯚﺭﮔﻪﺯﻣﯩﮕﻪ ﺗﺎﺭﯨﻢ ﯞﺍﺩﯨﺴﯩﺪﺍ ﻳﺎﺷﯩﻐﺎﻥ ﻛﯩﺸﯩﻠﻪﺭﻧﯩﯔ ﻗﻪﺩﯨﻤﻘﻰ ﺋﺎﺋﯩﻠﻪ ﺳﺎﻳﻤﺎﻧﻠﯩﺮﯨﺪﯨﻦ ﺳﯩﺮﺕ، ﻟﻮﭘﻨﻮﺭﺩﯨﻦ ﺗﯧﭙﯩﻠﻐﺎﻥ ﭘﯜﺗﯜﻥ ﺳﺎﻗﻼﻧﻐﺎﻥ ﺟﻪﺳﻪﺕ، ﺋﺎﻟﺘﯘﻥ ﻧﯩﻘﺎﭖ، ﺋﺎﻟﺘﯘﻥ ﺑﯩﻠﻪﻳﺰﯛﻙ، ﺭﻩﯕﻠﯩﻚ ﻛﯩﻴﯩﻢ - ﻛﯧﭽﻪﻙ ﯞﻩ ﺗﺎﺷﻼﺭﻏﺎ ﻳﯧﺰﯨﻠﻐﺎﻥ ﻗﻪﺩﯨﻤﯩﻲ ﺧﻪﺗﻠﻪﺭ ﻗﺎﺗﻨﺎﺷﺘﯘﺭﯗﻟﻐﺎﻥ. ﺩﯗﻧﻴﺎ ﻣﻪﺩﻩﻧﯩﻴﻪﺕ ﺗﺎﺭﯨﺨﯩﻨﯩﯔ ﺋﯘﺯﺍﻕ ﺋﯚﺗﻤﯜﺷﻠﯩﺮﯨﮕﻪ ﺋﺎﺋﯩﺖ ﺑﯘﻧﺪﺍﻕ ﺑﯩﺮ ﺋﻪﯞﺭﯨﺸﻜﻪ ﺑﯜﮔﯜﻧﻜﻰ ﺯﺍﻣﺎﻧﺪﺍ ﻛﻪﻣﺪﯨﻦ ﻛﻪﻡ ﺗﯧﭙﯩﻠﯩﺪﯨﻜﻪﻥ.

ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻣﻪﻟﯘﻣﺎﺕ ﻳﻮﻕ

„ﻳﯩﭙﻪﻙ ﻳﻮﻟﻰ ﻣﻪﺩﻩﻧﯩﻴﯩﺘﻰ ﻛﯚﺭﮔﻪﺯﻣﯩﺴﻰ" ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭ ﺑﯜﮔﯜﻥ ﮔﯧﺮﻣﺎﻧﯩﻴﯩﻨﯩﯔ ﻫﻪﺭ ﻗﺎﻳﺴﻰ ﮔﯧﺰﯨﺖ - ﮊﯗﺭﻧﺎﻟﻠﯩﺮﯨﺪﺍ ﻛﻪﯓ ﺗﻪﺷﯟﯨﻖ ﻗﯩﻠﯩﻨﯩﯟﺍﺗﯩﺪﯗ. ﺑﯘ ﻛﯚﺭﮔﻪﺯﻣﯩﮕﻪ ﻗﻮﻳﯘﻟﻐﺎﻥ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﯩﯔ ﺳﯜﺭﯨﺘﻰ ﯞﻩ ﺋﯘﺯﯗﻥ ﺗﺎﺭﯨﺨﻰ ﻫﻪﻗﻘﯩﺪﻩ ﺑﺎﻳﺎﻧﻼﺭ ﺑﯧﺮﯨﻠﯩﯟﺍﺗﯩﺪﯗ. ﺋﻪﺟﻪﭘﻠﯩﻨﻪﺭﻟﯩﻜﻰ، ﻫﯩﭻ ﺑﯩﺮ ﺗﻪﺷﯟﯨﻘﺎﺗﺘﺎ ﺗﯧﺨﻰ ﺑﯘ ﺯﯨﻤﯩﻨﻨﯩﯔ ﺋﯩﮕﯩﺴﻰ ﯞﻩ ﺑﯘ ﻣﻪﺩﻩﻧﯩﻴﻪﺗﻠﻪﺭﻧﯩﯔ ﺋﯩﺨﺘﯩﺮﺍﭼﯩﻠﯩﺮﯨﻨﯩﯔ ﺋﯘﻳﻐﯘﺭﻻﺭ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﺋﯩﺰﺍﻫﺎﺕ ﺑﯧﺮﯨﻠﻤﯩﺪﻯ.

ﮔﻪﺭﭼﻪ ﻟﻮﭘﻨﯘﺭﺩﯨﻦ ﺗﯧﭙﯩﻠﻐﺎﻥ ﺟﻪﺳﻪﺗﻠﻪﺭﻧﯩﯔ ﺧﯩﺘﺎﻳﻨﯩﯔ ﺟﻪﺳﯩﺘﻰ ﺋﻪﻣﻪﺳﻠﯩﻜﻰ، ﺑﯘﺭﻧﻰ، ﺳﺎﻗﺎﻝ - ﺑﯘﺭﯗﺗﻰ ﯞﻩ ﺑﻪﺩﻩﻥ ﻫﺎﻟﯩﺘﯩﺪﯨﻦ ﺧﯩﺘﺎﻳﻐﺎ ﺋﻪﺳﻼ ﺋﻮﺧﺸﯩﻤﺎﻳﺪﯨﻐﺎﻧﻠﯩﻘﻰ ﻣﯘﺋﻪﻳﻴﻪﻧﻠﻪﺷﺘﯜﺭﯛﻟﮕﻪﻥ ﻫﻪﻣﺪﻩ ﺋﯘﻧﯩﯔ ﻗﻪﺩﯨﻤﻘﻰ ﺭﯨﻢ ﻳﺎﻛﻰ ﻫﯘﻧﻼﺭﻧﯩﯔ ﺟﻪﺳﻪﺗﻠﯩﺮﻯ ﺑﻮﻟﯘﺷﻰ ﻣﯜﻣﻜﯩﻨﻠﯩﻜﻰ ﭘﻪﺭﻩﺯ ﻗﯩﻠﯩﻨﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﯘﻧﯩﯔ ﺋﯘﻳﻐﯘﺭﻻﺭ ﺑﻮﻟﯘﺷﻰ ﻣﯜﻣﻜﯩﻨﻠﯩﻜﻰ ﻫﻪﻗﻘﯩﺪﯨﻜﻰ ﻗﺎﺭﺍﺷﻼﺭ ﺋﻮﺗﺘﯘﺭﯨﻐﺎ ﻗﻮﻳﯘﻟﻤﯩﻐﺎﻥ. ﺑﯘ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﯩﯔ ﺗﻪﻛﻠﯩﻤﺎﻛﺎﻥ ﯞﻩ ﺗﺎﺭﯨﻢ ﯞﺍﺩﯨﺴﯩﺪﯨﻦ ﺗﯧﭙﯩﻠﻐﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﯩﯟﺍﺗﻘﺎﻥ ﺗﻪﺷﯟﯨﻘﺎﺗﻼﺭﺩﺍ، ﺑﯘ ﺗﯘﭘﺮﺍﻗﺘﺎ ﺋﻪﺯﻩﻟﺪﯨﻦ ﺋﯘﻳﻐﯘﺭﻻﺭﻧﯩﯔ ﻳﺎﺷﺎﭖ ﻛﻪﻟﮕﻪﻧﻠﯩﻜﻰ ﯞﻩ ﻳﺎﺷﺎﯞﺍﺗﻘﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﻤﯩﻐﺎﻥ. ﺑﻪﺭﺗﻬﻮﻟﺪ ﺳﻪﺋﻪﯞﺍﻟﺪ ﺋﻪﭘﻪﻧﺪﻯ "ﻳﯩﭙﻪﻙ ﻳﻮﻟﯩﻨﯩﯔ ﺗﯧﺨﯩﻤﯘ ﻳﯜﻛﺴﻪﻙ ﺳﯩﺮﻟﯩﻖ ﻗﯩﻤﻤﯩﺘﻰ" ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ، ﺑﯘ ﻣﻪﺩﻩﻧﯩﻴﻪﺗﻠﻪﺭﻧﯩﯔ ﺧﯩﺘﺎﻱ ﺳﯘﻻﻟﯩﻠﯩﺮﯨﺪﺍ ﻳﺎﺭﺍﻟﻐﺎﻥ ﻣﻪﺩﻩﻧﯩﻴﻪﺗﻠﻪﺭﺩﯨﻦ ﺗﯜﭘﺘﯩﻦ ﭘﻪﺭﻗﻠﯩﻨﯩﺪﯨﻐﺎﻧﻠﯩﻘﯩﻨﻰ، ﺑﯘ ﻣﻪﺩﻩﻧﯩﻴﻪﺗﻠﻪﺭﻧﯩﯔ ﺗﺎﺭﯨﻢ ﯞﺍﺩﯨﺴﯩﺪﺍ ﻳﺎﺷﯩﻐﺎﻥ ﻳﻪﺭﻟﯩﻚ ﺧﻪﻟﻘﻠﻪﺭﻧﯩﯔ ﺋﯚﺯﮔﯩﭽﻪ ﺋﺎﻻﻫﯩﺪﯨﻠﯩﻜﻜﻪ ﺋﯩﮕﻪ ﻣﻪﺩﻩﻧﯩﻴﻪﺗﻠﯩﺮﻯ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻱ ﻣﻪﺩﻩﻧﯩﻴﯩﺘﯩﻨﯩﯔ ﺗﻪﺳﯩﺮﯨﺪﯨﻦ ﺗﺎﻣﺎﻣﻪﻥ ﺧﺎﻟﻰ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ "ﺋﯘﻳﻐﯘﺭﻻﺭﻧﯩﯔ ﻣﻪﺩﻩﻧﯩﻴﯩﺘﻰ،" ﺩﯦﮕﻪﻥ ﺋﯩﺒﺎﺭﯨﻨﻰ ﻫﯩﭻ ﺋﯩﺸﻠﻪﺗﻤﯩﮕﻪﻥ.

ﮔﯧﺮﻣﺎﻧﯩﻴﯩﺪﻩ ﻳﺎﺷﺎﯞﺍﺗﻘﺎﻥ ﺑﻪﺯﻯ ﺋﯘﻳﻐﯘﺭﻻﺭ، ﺑﯘ ﺧﯩﻞ ﭼﯜﺷﻪﻧﺪﯛﺭﯛﺷﻠﻪﺭﮔﻪ ﻗﺎﺭﺍﭖ، ﺑﯘ ﻛﯚﺭﮔﻪﺯﻣﯩﻨﻰ ﺋﯘﻳﯘﺷﺘﯘﺭﻏﺎﻥ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﺋﯘﭼﯘﺭﻻﺭﻧﻰ ﻗﺎﻣﺎﻝ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﯞﻩ ﺑﯘ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﻰ ﺑﯘﺭﻣﯩﻼﭖ ﭼﯜﺷﻪﻧﺪﯛﺭﯨﯟﺍﺗﻘﺎﻧﻠﯩﻘﯩﻨﻰ ﭘﻪﺭﻩﺯ ﻗﯩﻠﯩﺸﻤﺎﻗﺘﺎ. ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯘﻳﻐﯘﺭﻻﺭﻧﻰ ﺟﯘﯕﺨﯘﺍ ﺋﺎﺋﯩﻠﯩﺴﯩﻨﯩﯔ ﺑﯩﺮ ﺋﻪﺯﺍﺳﻰ ﺳﯜﭘﯩﺘﯩﺪﻩ ﺗﻪﺷﯟﯨﻖ ﻗﯩﻠﯩﭗ ﻛﻪﻟﮕﻪﻧﻠﯩﻜﯩﻨﻰ، ﺋﯘﻳﻐﯘﺭﻻﺭﻧﯩﯔ ﺧﺎﺱ ﺋﯚﺭﭖ - ﺋﺎﺩﻩﺗﻜﻪ، ﻣﻪﺩﻩﻧﯩﻴﻪﺗﻜﻪ ﯞﻩ ﺋﺎﻟﺪﻯ ﺑﯩﻠﻪﻥ ﺗﺎﻣﺎﻣﻪﻥ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺗﯩﻞ ﺳﯩﺴﺘﯧﻤﯩﺴﯩﻐﺎ، ﺩﯨﻨﯩﻲ ﺋﯧﺘﯩﻘﺎﺩﻗﺎ ﺋﯩﮕﻪ ﺑﺎﺷﻘﺎ ﻗﺎﻥ ﺳﯩﺴﺘﯧﻤﯩﺴﯩﺪﯨﻜﻰ ﺑﯩﺮ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﻨﻰ ﻳﻮﺷﯘﺭﯗﭖ ﻛﻪﻟﮕﻪﻧﻠﯩﻜﯩﻨﻰ ﺗﯩﻠﻐﺎ ﺋﯧﻠﯩﺸﻤﺎﻗﺘﺎ.

ﻗﺎﻧﺪﺍﻗﻼ ﺑﻮﻟﻤﯩﺴﯘﻥ، ﺑﯧﺮﻟﯩﻨﺪﺍ ﺋﯚﺗﻜﯜﺯﯛﻟﮕﻪﻥ ﺑﯘ ﻗﯧﺘﯩﻤﻘﻰ "ﻳﯩﭙﻪﻙ ﻳﻮﻟﻰ ﻣﻪﺩﻩﻧﯩﻴﯩﺘﻰ ﻛﯚﺭﮔﻪﺯﻣﯩﺴﻰ" ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﻗﻪﺩﯨﻤﻘﻰ ﺋﯘﻳﻐﯘﺭﻻﺭ ﻣﻪﺩﻩﻧﯩﻴﯩﺘﻰ ﺑﯩﻠﻪﻥ ﺧﯩﺘﺎﻱ ﻣﻪﺩﻩﻧﯩﻴﯩﺘﻰ ﺋﻮﺗﺘﯘﺭﯨﺴﯩﺪﯨﻜﻰ ﭘﻪﺭﻗﻠﻪﺭﻧﻰ ﺋﺎﻳﺮﯨﯟﯦﻠﯩﺸﯩﻐﺎ ﭘﯘﺭﺳﻪﺕ ﻳﺎﺭﯨﺘﯩﭗ ﺑﻪﺭﮔﻪﻥ. ﻳﻪﻧﻪ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﺗﻪﻛﻠﯩﻤﺎﻛﺎﻧﻐﺎ ﻛﯚﻣﯜﻟﮕﻪﻥ ﻣﻪﺩﻩﻧﯩﻴﻪﺕ ﻳﺎﻟﺪﺍﻣﯩﻠﯩﺮﻯ ﺋﯜﺳﺘﯩﺪﻩ ﺗﯧﺨﯩﻤﯘ ﺋﯩﭽﻜﯩﺮﯨﻠﻪﭖ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﺸﯩﻐﺎ ﺗﯜﺭﺗﻜﻪ ﺑﻮﻟﻐﺎﻥ. (ﺋﻪﻛﺮﻩﻡ)