ﺋﯘﻳﻐﯘﺭ ﺋﯧﻠﯩﺪﻩ ﺋﯚﻟﯜﺵ ﺳﻪﯞﻩﺑﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺋﯚﻱ ﻫﺎﻳﯟﺍﻧﻠﯩﺮﯨﻨﯩﯔ ﮔﯚﺷﻰ ﺑﺎﻳﻘﺎﻟﺪﻯ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

16 ‏- ﻣﺎﺭﺕ ﻛﯜﻧﻰ ﺧﻪﻟﻘﺌﺎﺭﺍ ﺋﯘﭼﯘﺭ ﺗﻮﺭﯨﻨﯩﯔ ﺋﯜﺭﯛﻣﭽﯩﺪﯨﻦ ﺑﻪﺭﮔﻪﻥ ﺧﻪﯞﯨﺮﯨﺪﻩ ﺋﯧﻴﺘﯩﻠﯩﺸﯩﭽﻪ، ﺋﯚﺗﻜﻪﻥ ﺳﻪﻳﺸﻪﻧﺒﻪ ﻛﯜﻧﻰ ﻛﯜﻳﺘﯜﻥ ﺷﻪﻫﻪﺭﻟﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺗﺎﺭﻣﺎﻗﻠﯩﺮﻯ ﺑﯩﻠﻪﻥ ﻳﻪﺭﻟﯩﻚ ﺳﯜﭘﻪﺕ ﺗﻪﻛﺸﯜﺭﯛﺷﻜﻪ ﻣﻪﺳﺌﯘﻝ ﺗﺎﺭﻣﺎﻗﻼﺭ ﺑﯩﺮﻟﯩﻜﺘﻪ ﻛﯘﻳﺘﯘﯓ ﺷﻪﻫﻪﺭﻟﯩﻚ ﺋﻪﺧﻠﻪﺗﻠﻪﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﻣﻪﺭﻛﯩﺰﯨﺪﻩ ﺑﯩﺮ ﺗﻮﻧﻨﯩﻐﺎ ﻳﯧﻘﯩﻦ ﻗﺎﻧﺪﺍﻕ ﻛﯧﺴﻪﻝ ﺳﻪﯞﻩﺑﯩﺪﯨﻦ ﺋﯚﻟﮕﻪﻧﻠﯩﻜﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺋﯚﻱ ﻫﺎﻳﯟﺍﻧﻠﯩﺮﯨﻨﯩﯔ ﮔﯚﺷﯩﻨﻰ ﻛﯚﻳﺪﯛﺭﯛﭖ ﺑﯩﺮ ﺗﻪﺭﻩﭖ ﻗﯩﻠﻐﺎﻥ ﺋﯩﻜﻪﻥ.

ﺋﯚﻟﯜﺵ ﺳﻪﯞﻩﺑﻰ ﺋﯧﻨﯩﻖ ﺑﻮﻟﻤﯩﻐﺎﻥ ﻫﺎﻳﯟﺍﻥ ﮔﯚﺷﻠﯩﺮﻯ ﺑﺎﺯﺍﺭﺩﺍ

ﻣﻪﺯﻛﯘﺭ ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺋﻪﺳﻠﯩﺪﻩ ﺑﯘ ﺑﯩﺮ ﺗﻮﻧﻨﯩﻐﺎ ﻳﯧﻘﯩﻦ ﻗﺎﻧﺪﺍﻕ ﻛﯧﺴﻪﻝ ﺳﻪﯞﻩﺑﯩﺪﯨﻦ ﺋﯚﻟﮕﻪﻧﻠﯩﻜﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺋﯚﻱ ﻫﺎﻳﯟﺍﻧﻠﯩﺮﯨﻨﯩﯔ ﮔﯚﺷﯩﻨﻰ ﻟﯩﻦ ﯞﻩ ﻟﻴﯘ ﻓﺎﻣﯩﻠﯩﻠﯩﻚ ﺋﯩﻜﻜﻰ ﻧﻪﭘﻪﺭ ﺧﯩﺘﺎﻱ ﭼﯚﭼﻪﻙ ﺭﺍﻳﻮﻧﯩﺪﯨﻦ ﺋﻪﻛﯩﻠﯩﭗ ﻛﯘﻳﺘﯘﯓ ﺑﺎﺯﯨﺮﯨﺪﺍ ﺳﺎﺗﻤﺎﻗﭽﻰ ﺑﻮﻟﻐﺎﻥ ﺋﯩﻜﻪﻥ. ﻟﯧﻜﯩﻦ ﺋﯘﻻﺭﻧﯩﯔ ﻫﻪﺭﯨﻜﯩﺘﻰ ﻛﯘﻳﺘﯘﯓ ﺷﻪﻫﻪﺭﻟﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﻰ ﺗﻪﻛﺸﯜﺭﯛﺵ ﮔﯘﺭﯗﭘﭙﯩﺴﯩﻨﯩﯔ ﮔﯘﻣﺎﻧﯩﻨﻰ ﻗﻮﺯﻏﯩﻐﺎﻧﻠﯩﻘﺘﯩﻦ ﺋﯘﻻﺭ ﺋﯚﺯ ﻣﻪﻗﺴﯩﺘﯩﮕﻪ ﻳﯧﺘﻪﻟﻤﯩﮕﻪﻥ. ﺧﻪﯞﻩﺭﺩﻩ ﻳﻪﻧﻪ ﺋﯚﻟﯜﺵ ﺳﻪﯞﻩﺑﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺑﯘ ﺋﯚﻱ ﻫﺎﻳﯟﺍﻧﻠﯩﺮﻯ ﺗﯚﺕ ﺋﺎﺕ، ﺑﯩﺮ ﻛﺎﻻ ﯞﻩ ﻳﯩﮕﯩﺮﻣﯩﺪﯨﻦ ﺋﺎﺭﺗﯘﻕ ﻗﻮﻳﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻧﻠﯩﻘﻰ ﻣﻪﻟﯘﻡ ﻗﯩﻠﯩﻨﻐﺎﻥ.

ﺑﯘﻧﺪﯨﻦ ﺑﯩﺮ ﻧﻪﭼﭽﻪ ﻳﯩﻞ ﺋﯩﻠﮕﯩﺮﻯ، ﺋﯘﻳﻐﯘﺭ ﺋﯧﻠﯩﻨﯩﯔ ﭼﯚﭼﻪﻙ ﯞﻩ ﺋﺎﻟﺘﺎﻱ ﺭﺍﻳﻮﻧﻠﯩﺮﯨﺪﯨﻜﻰ ﻣﺎﻝ -ﭼﺎﺭﯞﯨﻼﺭ ﺋﺎﺭﯨﺴﯩﺪﺍ، ﺑﯩﺮ ﺗﯜﺭﻟﯜﻙ ﺋﺎﻳﺎﻍ- ﺗﯘﻳﺎﻕ ﻳﺎﻟﻠﯘﻏﻰ ﻧﺎﻣﻠﯩﻖ ﻛﯧﺴﻪﻝ ﺗﺎﺭﻗﺎﻟﻐﺎﻥ. ﻟﯧﻜﯩﻦ ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﻛﯧﺴﻪﻟﻠﯩﻚ ﺗﺎﺭﻗﯩﻠﯩﺶ ﺋﻪﻫﯟﺍﻟﯩﻨﻰ ﺋﺎﺷﻜﺎﺭﯨﻠﯩﻤﺎﻱ ﻣﻪﺧﭙﯩﻲ ﺗﯘﺗﻘﺎﻧﻠﯩﻘﺘﯩﻦ، ﻣﻪﺯﻛﯘﺭ ﻛﯧﺴﻪﻟﻨﯩﯔ ﺗﺎﺭﻗﯩﻠﯩﺶ ﺩﺍﺋﯩﺮﯨﺴﻰ ﺑﺎﺭﻏﺎﻧﺴﯧﺮﻯ ﻛﯧﯖﯩﻴﯩﭗ، ﭼﺎﺭﯞﯨﭽﯩﻼﺭ ﯞﻩ ﺋﯩﺴﺘﯩﻤﺎﻟﭽﯩﻼﺭﻏﺎ ﺯﻭﺭ ﺯﯨﻴﺎﻥ ﺋﯧﻠﯩﭗ ﻛﻪﻟﮕﻪﻥ. ﺑﯘ ﻫﻪﻗﺘﻪ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﭼﯚﭼﻪﻙ ﺭﺍﻳﻮﻧﯩﺪﯨﻜﻰ ﺑﯩﺮ ﺧﯩﺰﻣﻪﺗﭽﻰ ﺧﺎﻧﯩﻢ ﺑﯘﻧﺪﯨﻦ ﺋﯩﻜﻜﻰ ﻳﯩﻞ ﺋﯩﻠﮕﯩﺮﻯ ﻣﻪﺯﻛﯘﺭ ﺟﺎﻳﺪﺍ 300 ﺩﯨﻦ ﺋﺎﺭﺗﯘﻕ ﻛﯧﺴﻪﻝ ﻛﺎﻟﯩﻨﯩﯔ ﻣﻪﺟﺒﯘﺭﯨﻲ ﺋﯚﻟﺘﯜﺭﯛﻟﯜﭖ ﻛﯚﻣﯜﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﻪﭖ، ﺋﯚﺯﯨﻨﯩﯔ ﺑﯘ ﻗﯧﺘﯩﻢ ﻳﯜﺯ ﺑﻪﺭﮔﻪﻥ ﯞﻩﻗﻪﺩﯨﻦ ﻗﺎﺗﺘﯩﻖ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ، ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﻟﯩﺮﯨﻨﯩﯔ ﺑﯘ ﺧﯩﻞ ﺋﻪﻫﯟﺍﻟﻐﺎ ﻳﯧﻘﯩﻨﺪﯨﻦ ﻛﯚﯕﯜﻝ ﺑﯚﻟﯜﺷﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺧﻪﻟﻖ ﺋﯩﭽﯩﺪﯨﻜﻰ ﺋﻪﻧﺪﯨﺸﻪ

ﻛﯘﻳﺘﯘﯕﮕﻪ ﺋﯚﻟﯜﺵ ﺳﻪﯞﻩﺑﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺑﯘ 1 ﺗﻮﻧﻨﺎ ﺋﻪﺗﺮﺍﭘﯩﺪﯨﻜﻰ ﺋﯚﻱ ﻫﺎﻳﯟﺍﻧﻠﯩﺮﻯ ﮔﯚﺷﯩﻨﯩﯔ ﻛﯚﻳﺪﯛﺭﯛﭖ ﺑﯩﺮ ﺗﻪﺭﻩﭖ ﻗﯩﻠﯩﻨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺑﯘ ﯞﻩﻗﻪﺩﯨﻦ ﺗﻮﺭ ﺋﺎﺭﻗﯩﻠﯩﻖ ﺧﻪﯞﻩﺭﺩﺍﺭ ﺑﻮﻟﻐﺎﻥ ﺋﯜﺭﯛﻣﭽﻰ ﺋﺎﻫﺎﻟﯩﻠﯩﺮﯨﻤﯘ ﺋﯩﻠﮕﯩﺮﻯ ﺗﺎﺭﻗﺎﻟﻐﺎﻥ ﻛﺎﻻ ﺗﯘﻳﺎﻕ ﻳﺎﻟﻠﯘﻏﻰ ﻛﯧﺴﯩﻠﯩﻨﯩﯔ ﻳﻪﻧﻪ ﺑﯩﺮ ﻗﯧﺘﯩﻢ ﺗﺎﺭﻗﯩﻠﯩﭗ ﻛﯧﺘﯩﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﭗ، ﻛﺎﻻ ﮔﯜﺷﻰ ﻫﻪﺗﺘﺎ ﻛﺎﻻ ﺳﯜﺗﯩﻤﯘ ﺋﯩﭽﻤﻪﻳﺪﯨﻐﺎﻥ ﺑﻮﻟﻐﺎﻥ. ﺑﯘ ﻫﻪﻗﺘﻪ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺋﺎﻳﺎﻝ "ﮔﻪﺭﭼﻪ ﺑﯘ ﻫﻪﻗﺘﻪ ﺭﺍﺩﯨﺌﻮ، ﺗﯧﻠﯩﯟﯨﺰﻭﺭﻻﺭﺩﺍ ﺗﯧﺨﻰ ﺋﻮﭼﯘﻕ ‏- ﺋﺎﺷﻜﺎﺭﺍ ﺧﻪﯞﻩﺭ ﺑﻪﺭﻣﯩﮕﻪﻥ ﺑﻮﻟﺴﯩﻤﯘ، ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﺑﯘ ﺧﻪﯞﻩﺭ ﺗﺎﺭﻗﯩﻠﯩﭗ ﺑﻮﻟﺪﻯ، ﻛﺎﻻ ﮔﯚﺷﯩﻨﻰ ﻫﯧﭽﻜﯩﻢ ﻳﯧﻤﻪﺱ ﺑﻮﻟﺪﻯ، ﻛﯩﺸﯩﻠﻪﺭ ﻫﻪﺗﺘﺎ ﻛﺎﻻ ﺳﯜﺗﯜﻧﯩﻤﯘ ﺋﯩﭽﻤﻪﺱ ﺑﻮﻟﯘﭖ ﻛﻪﺗﺘﻰ" ﺩﻩﭖ ﺑﯩﻠﺪﯛﺭﺩﻯ.

ﺑﯩﺰ ﻛﯘﻳﺘﯘﯕﺪﻩ ﻛﯚﻳﺪﯛﺭﯛﯞﻩﺗﻜﻪﻥ ﺑﯘ ﺋﯚﻱ ﻫﺎﻳﯟﺍﻧﻠﯩﺮﯨﻐﺎ ﻳﯘﻗﻘﺎﻥ ﻛﯧﺴﻪﻟﻨﯩﯔ ﺯﺍﺩﻯ ﻗﺎﻧﺪﺍﻕ ﻛﯧﺴﻪﻟﻠﯩﻚ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﺶ ﺋﯜﭼﯜﻥ ﻛﯜﻳﺘﯜﻥ ﺷﻪﻫﻪﺭﻟﯩﻚ ﭼﺎﺭﯞﯨﭽﯩﻠﯩﻖ ﺋﯩﺪﺍﺭﯨﺴﻰ ﯞﻩ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭼﺎﺭﯞﯨﭽﯩﻠﯩﻖ ﻧﺎﺯﺍﺭﯨﺘﻰ ﻗﺎﺗﺎﺭﻟﯩﻖ ﺋﻮﺭﯗﻧﻼﺭﻏﺎ ﺗﯧﻠﯧﻔﻮﻥ ﻗﯩﻠﺪﯗﻕ. ﻟﯧﻜﯩﻦ ﻣﻪﺯﻛﯘﺭ ﺋﯩﺪﺍﺭﻩ ﺧﺎﺩﯨﻤﻠﯩﺮﻯ ﺑﯘ ﻫﻪﻗﺘﻪ ﺑﯩﯟﺍﺳﺘﻪ ﺟﺎﯞﺍﺏ ﺑﯧﺮﯨﺸﺘﯩﻦ ﺋﯚﺯﯨﻨﻰ ﻗﺎﭼﯘﺭﯗﭖ "ﭘﻪﻗﻪﺕ ﺗﻮﺧﯘﻻﺭ ﺋﺎﺭﯨﺴﯩﺪﺍ ﺋﺎﻧﭽﻪ -ﻣﯘﻧﭽﻪ ﻛﯧﺴﻪﻝ ﺗﺎﺭﻗﺎﻟﻐﺎﻥ، ﻗﻮﻱ‏- ﻛﺎﻟﯩﻼﺭﺩﺍ ﺗﯧﺨﻰ ﻛﯧﺴﻪﻝ ﻛﯚﺭﯛﻟﻤﯩﺪﻯ" ﺩﻩﭖ ﺟﺎﯞﺍﺏ ﺑﻪﺭﺩﻯ.

ﺋﻪﻣﻪﻟﯩﻴﻪﺗﻨﻰ ﺋﯧﻴﺘﯩﺸﻘﺎ ﺗﻪﺳﺘﯩﻖ ﻛﯧﺮﻩﻙ

ﺑﯩﺰ ﺑﯘ ﻗﯧﺘﯩﻢ ﻛﯘﻳﺘﯘﯕﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭ ﺑﯩﺮﻟﯩﻜﺘﻪ ﻛﯚﻳﺪﯛﺭﯨﯟﻩﺗﻜﻪﻥ ﺑﯘ ﺋﯚﻱ ﻫﺎﻳﯟﺍﻧﻠﯩﺮﯨﻐﺎ ﻳﯘﻗﻘﺎﻥ ﻛﯧﺴﻪﻟﻨﯩﯔ ﺯﺍﺩﻯ ﻗﺎﻧﺪﺍﻕ ﻛﯧﺴﻪﻝ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﺶ ﺋﯜﭼﯜﻥ، ﻛﯘﻳﺘﯘﯓ ﺷﻪﻫﻪﺭﻟﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﻰ، ﻛﯜﻳﺘﯜﯓ ﻫﺎﻳﯟﺍﻧﺎﺗﻼﺭ ﻛﯩﺴﯩﻠﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﯞﻩ ﺗﻪﻛﺸﯜﺭﯛﺵ ﺋﯩﺪﺍﺭﯨﺴﻰ ﯞﻩ ﻣﻪﺯﻛﯘﺭ ﺩﯦﻠﻮﻧﻰ ﺋﯧﻨﯩﻘﻼﯞﺍﺗﻘﺎﻥ ﻛﯘﻳﺘﯘﯓ ﺷﻪﻫﻪﺭﻟﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﯩﻨﯩﯔ ﭼﺎﺭﻟﯩﻐﯘﭼﻰ ﺋﻪﺗﺮﯨﺘﻰ ﻗﺎﺗﺎﺭﻟﯩﻖ ﺋﻮﺭﯗﻧﻼﺭﻏﯩﻤﯘ ﺗﯧﻠﯧﻔﻮﻥ ﻗﯩﻠﺪﯗﻕ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﻣﻪﺯﻛﯘﺭ ﺩﯦﻠﻮﻏﺎ ﻣﻪﺳﺌﯘﻝ ﺑﻮﻟﻐﺎﻥ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﯩﻨﯩﯔ ﭼﺎﺭﻟﯩﻐﯘﭼﻰ ﺑﯚﻟﯜﻣﯩﻨﯩﯔ ﻣﻪﺳﺌﯘﻟﻰ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﺋﯩﻜﻪﻧﻠﯩﻜﯩﻨﻰ ﺋﺎﯕﻼﭘﻼ ﺋﯚﺯﯨﻨﯩﯔ ﻳﯘﻗﯩﺮﯨﻨﯩﯔ ﺗﻪﺳﺘﯩﻘﯩﺴﯩﺰ ﺑﯘ ﻫﻪﻗﺘﯩﻜﻰ ﻣﻪﺧﭙﯩﻴﻪﺗﻠﯩﻜﻨﻰ ﺋﺎﺷﻜﺎﺭﯨﻠﯩﺴﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻳﯘﻗﯩﺮﯨﺪﺍ ﺩﻩﭖ ﺋﯚﺗﻜﻪﻥ ﺋﯚﻟﯜﺵ ﺳﻪﯞﻩﺑﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺋﯚﻱ ﻫﺎﻳﯟﺍﻧﻠﯩﺮﯨﻐﺎ ﻳﯘﻗﻘﺎﻥ ﺯﺍﺩﻯ ﻗﺎﻧﺪﺍﻕ ﻛﯩﺴﻪﻝ؟ ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻗﻮﻱ ﯞﻩ ﻛﺎﻟﯩﻼﺭ ﺋﺎﺭﯨﺴﯩﺪﺍ ﺋﯩﻠﮕﯩﺮﯨﻜﯩﺪﻩﻙ ﻛﺎﻻ ﺗﯘﻳﺎﻕ ﻳﺎﻟﻠﯘﻏﻰ ﺗﺎﺭﻗﯩﻠﯩﯟﺍﺗﻘﺎﻧﻤﯩﺪﯗ؟ ﺑﯩﺰ ﺑﯘ ﻫﻪﻗﺘﯩﻜﻰ ﺋﯘﭼﯘﺭﻻﺭﻏﺎ ﺋﯩﮕﻪ ﺑﻮﻟﯘﺵ ﺋﯜﭼﯜﻥ، 16 ‏- ﻣﺎﺭﺕ ﻛﯜﻧﻰ ﺧﻪﻟﻘﺌﺎﺭﺍ ﺋﯘﭼﯘﺭ ﺗﻮ ﺑﯧﺘﯩﺪﻩ ﻛﯘﻳﺘﯘﯕﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪ ﻫﻪﻗﻘﯩﺪﻩ ﺧﻪﯞﻩﺭ ﺋﯧﻼﻥ ﻗﯩﻠﻐﺎﻥ ﻛﯘﻳﺘﯘﯓ ﺷﻪﻫﯩﺮﯨﻨﯩﯔ ﻣﯘﺧﺒﯩﺮﻯ ﺟﺎﯞ ﻟﯩﺠﯜﺋﻪﻥ ﺧﺎﻧﯩﻤﻨﯩﯔ ﺗﯧﻠﯧﻔﻮﻥ ﻧﻮﻣﯘﺭﯨﻨﻰ ﺗﯧﭙﯩﭗ ﺩﺍﯞﺍﻣﻠﯩﻖ ﺳﯜﺭﯛﺷﺘﯜﺭﯛﺷﻨﻰ ﻣﻪﻗﺴﻪﺕ ﻗﯩﻠﺪﯗﻕ. ﻟﯧﻜﯩﻦ ﺟﺎﯞ ﻟﯩﺠﯜﺋﻪﻥ ﺋﯩﺴﯩﻤﻠﯩﻚ ﺑﯘ ﻣﯘﺧﺒﯩﺮ " ﻣﻪﻥ ﺑﻮﻟﺴﺎﻡ ﺋﺎﺩﺩﯨﻲ ﺑﯩﺮ ﻣﯘﺧﺒﯩﺮ. ﻣﻪﻥ ﺭﻩﻫﺒﻪﺭﻟﯩﻜﻨﯩﯔ ﺭﯗﺧﺴﯩﺘﯩﺴﯩﺰ، ﺑﯘ ﻫﻪﻗﺘﻪ ﺳﯩﺰﮔﻪ ﺩﺍﯞﺍﻣﻠﯩﻖ ﺋﯘﭼﯘﺭ ﺑﯧﺮﻩﻟﻤﻪﻳﻤﻪﻥ" ﺩﻩﭖ ﺟﺎﯞﺍﺏ ﺑﻪﺭﺩﻯ.

ﺩﯦﻤﻪﻙ، ﻛﯘﻳﺘﯘﯕﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭ ﮔﻪﺭﭼﻪ ﺑﯩﺮ ﺗﻮﻧﻨﺎ ﺋﻪﺗﺮﺍﭘﯩﺪﯨﻜﻰ ﮔﯘﻣﺎﻧﻠﯩﻖ ﮔﯚﺷﻨﻰ ﻛﯚﻳﺪﯛﺭﯛﭖ ﺑﯩﺮ ﺗﻪﺭﻩﭖ ﻗﯩﻠﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﺋﯚﻱ ﻫﺎﻳﯟﺍﻧﻠﯩﺮﯨﻐﺎ ﻗﺎﻧﺪﺍﻕ ﻛﯧﺴﻪﻟﻠﯩﻚ ﻳﯘﻗﻘﺎﻧﻠﯩﻘﯩﻨﻰ ﻳﻪﻧﯩﻼ ﻣﻪﺧﭙﯩﻲ ﺗﯘﺗﻘﺎﻧﻠﯩﻘﺘﯩﻦ، ﻛﯩﺸﯩﻠﻪﺭ ﺋﺎﺭﯨﺴﯩﺪﯨﻜﻰ ﺋﻪﻧﺴﯩﺰﻟﯩﻚ ﺗﯧﺨﯩﻤﯘ ﻛﯜﭼﯩﻴﯩﺸﻜﻪ ﺑﺎﺷﻠﯩﻐﺎﻥ. (ﻣﯧﻬﺮﯨﺒﺎﻥ)