ﺋﯘﻳﻐﯘﺭ ﺋﯧﻠﯩﺪﻩ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﻧﯩﯔ ﻛﯚﭘﯩﻴﯩﭗ ﻛﯧﺘﯩﺸﯩﺪﯨﻜﻰ ﺳﻪﯞﻩﺏ ﻧﻪﺩﻩ؟

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯘﻳﻐﯘﺭ ﺋﯧﻠﯩﺪﻩ ﭼﯩﻘﯩﺪﯨﻐﺎﻥ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﻯ ﺳﻪﻫﯩﻴﻪ ﻧﺎﺯﺍﺭﯨﺘﯩﻨﯩﯔ ﺩﻭﻛﻼﺗﯩﻨﻰ ﺋﺎﺳﺎﺱ ﻗﯩﻠﯩﭗ ﺑﻪﺭﮔﻪﻥ ﺧﻪﯞﻩﺭﮔﻪ ﻗﺎﺭﯨﻐﺎﻧﺪﺍ، ﺋﯘﻳﻐﯘﺭ ﺋﯧﻠﯩﺪﻩ 10 ﺧﯩﻞ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻨﯩﯔ ﻳﯘﻗﯘﻡ ﺋﻪﻫﯟﺍﻟﯩﺪﺍ ﺋﯚﺭﻟﻪﺵ ﯞﻩﺯﯨﻴﯩﺘﻰ ﻛﯚﺭﯛﻧﮕﻪﻥ.

10 ﺧﯩﻞ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻨﯩﯔ ﻳﯘﻗﯘﻣﻠﯩﻨﯩﺶ ﺋﻪﻫﯟﺍﻟﯩﺪﺍ 6 ﻫﻪﺳﺴﻪ ﺋﯚﺭﻟﻪﺵ ﻛﯚﺭﯛﻟﮕﻪﻥ

ﺳﻪﻫﯩﻴﻪ ﻧﺎﺯﺍﺭﯨﺘﯩﻨﯩﯔ ﺩﻭﻛﻼﺗﯩﺪﺍ ﺋﺎﺷﻜﺎﺭﯨﻠﯩﺸﯩﭽﻪ، ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﯩﭽﯩﺪﻩ، ﭘﯘﺕ-ﻗﻮﻝ ﯞﻩ ﺋﯧﻐﯩﺰ-ﺑﯘﺭﯗﻧﻼﺭﻏﺎ ﺋﻪﺳﯟﻩ ﭼﯩﻘﯩﺶ ﺋﻪﻫﯟﺍﻟﻰ ﺋﯩﻠﮕﯩﺮﯨﻜﯩﮕﻪ ﻗﺎﺭﯨﻐﺎﻧﺪﺍ 6 ﻫﻪﺳﺴﻪ ﻳﯘﻗﯩﺮﻯ ﺑﻮﻟﻐﺎﻥ. ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ، ﻗﯩﺰﯨﻞ، ﻛﯚﻛﻴﯚﺗﻪﻝ ﻗﺎﺗﺎﺭﻟﯩﻖ ﻛﯧﺴﻪﻟﻠﯩﻜﻠﻪﺭﻧﯩﯔ ﻳﯘﻗﯘﻡ ﺋﻪﻫﯟﺍﻟﯩﺪﯨﻤﯘ ﻛﯚﺭﯛﻧﻪﺭﻟﯩﻚ ﺋﯚﺳﯜﺵ ﺑﻮﻟﻐﺎﻥ.

ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﯧﺒﺒﯩﻲ ﻣﯘﺗﻪﺧﻪﺳﺴﯩﺴﻠﯩﺮﻧﯩﯔ ﻛﯚﺭﺳﯩﺘﯩﺸﯩﭽﻪ، ﺑﯘ ﺧﯩﻞ ﻛﯧﺴﻪﻟﻠﯩﻜﻠﻪﺭﻧﯩﯔ ﻛﯚﭘﯩﻴﯩﭗ ﻛﯧﺘﯩﺸﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺑﻠﻪﺭﻧﻰ ، ﯞﺍﻛﺴﯩﻨﺎ ﺋﻪﻣﻠﻪﺵ ﺋﯩﺸﻠﯩﺮﯨﻨﯩﯔ ﺋﯜﻧﯜﻣﻠﯜﻙ ﺑﻮﻟﻤﺎﺳﻠﯩﻘﻰ، ﺩﻭﺭﺍ-ﺩﻩﺭﻣﻪﻛﻠﻪﺭﻧﻰ ﻗﺎﻻﻳﻤﯩﻘﺎﻥ ﺋﯩﺸﻠﯩﺘﯩﺶ ﯞﻩ ﺗﯘﺭﻣﯘﺵ ﺋﺎﺩﯨﺘﻰ ﻗﺎﺗﺎﺭﻟﯩﻘﻼﺭ ﺩﯨﻦ ﺋﯩﺰﺩﻩﺵ ﻣﯘﻣﻜﯩﻦ ﺋﯩﻜﻪﻥ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺳﻪﻫﯩﻴﻪ ﻧﺎﺯﺍﺭﯨﺘﯩﻨﯩﯔ ﺩﻭﻛﻼﺗﯩﻐﺎ ﺋﺎﺳﺎﺳﻪﻥ ﺗﻪﻳﻴﺎﺭﻻﻧﻐﺎﻥ ﻣﻪﺯﻛﯘﺭ ﺧﻪﯞﻩﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﯘﻳﻐﯘﺭ ﺋﯧﻠﯩﺪﻩ ﻗﻮﻝ-ﭘﯘﺗﻼﺭﻏﺎ ﺋﻪﺳﯟﻩ ﭼﯩﻘﯩﭗ ﻗﯧﻠﯩﺶ، ﻗﺎﺗﺎﺭﻟﯩﻖ 10 ﺧﯩﻞ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻨﯩﯔ ﻳﯘﻗﯘﻡ ﺋﻪﻫﯟﺍﻟﯩﺪﺍ 6 ﻫﻪﺳﺴﻪ ﺋﯚﺭﻟﻪﺵ ﻛﯚﺭﯛﻟﮕﻪﻥ ﺑﻮﻟﯘﭖ، ﺋﯘﻧﯩﯖﺪﯨﻦ ﺑﺎﺷﻘﺎ ﻗﯩﺰﯨﻞ، ﻛﯚﻛﻴﯚﺗﻪﻝ، ﻗﺎﺗﺎﺭﻟﯩﻖ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﻧﯩﯔ ﻳﯘﻗﯘﻡ ﺋﻪﻫﯟﺍﻟﯩﺪﯨﻤﯘ ﻣﯘﺋﻪﻳﻴﻪﻥ ﺋﯚﺭﻟﻪﺵ ﻛﯚﺭﯛﻟﮕﻪﻥ.

ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯧﯖﯩﺪﯨﻦ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺳﺎﻧﻰ 6 ﻣﯩﯔ ﺑﻮﻟﯘﭖ ﻛﯜﻧﯩﮕﻪ 17 ﺩﯨﻦ ﻛﯚﭘﻪﻳﮕﻪﻥ

ﻳﯘﻗﯩﺮﯨﻘﻰ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﺩﯨﻦ ﺑﺎﺷﻘﺎ، ﺋﯘﻳﻐﯘﺭ ﺋﯧﻠﯩﺪﻩ ﻫﺎﺯﯨﺮ ﻣﻪﯞﺟﯘﺕ ﯞﻩ ﺋﯩﻨﺴﺎﻧﻼﺭﻧﯩﯔ ﻫﺎﻳﺎﺗﯩﻐﺎ ﺑﯩﯟﺍﺳﺘﻪ ﺗﻪﺳﯩﺮ ﻛﯚﺭﺳﯩﺘﯩﭗ ﺗﯘﺭﻏﺎﻥ ﻳﯘﻗﯘﻣﻠﯘﻕ ﻛﯧﺴﻪﻟﻠﻪﺭﺩﯨﻦ، ﺋﻪﻳﺪﯨﺰ ﻛﯧﺴﯩﻠﻰ، ﺋﺎ ﺗﯩﭙﻠﯩﻖ ﯞﻩ ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ، ﺋﯚﭘﻜﻪ ﺗﯘﺑﯧﺮﻛﯘﻟﻴﻮﺯ( ﺳﯩﻞ ﻛﯧﺴﯩﻠﻰ) ﻗﺎﺗﺎﺭﻟﯩﻘﻼﺭ ﺑﺎﺭ.

ﺑﻮﺷﯜﻥ ﺗﻮﺭﯨﻨﯩﯔ 2006-ﻳﯩﻠﻰ 12 ‏- ﺋﺎﻳﺪﯨﻜﻰ ﻣﻪﻟﯘﻣﺎﺗﯩﺪﺍ، ﺋﯘﻳﻐﯘﺭ ﺋﯧﻠﯩﺪﻩ 2005- ﻳﯩﻠﻰ 9 - ﺋﺎﻳﺪﯨﻦ 2006- ﻳﯩﻠﻰ 9 ‏- ﺋﺎﻳﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯧﯖﯩﺪﯨﻦ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺳﺎﻧﻰ 6 ﻣﯩﯔ ﺑﻮﻟﯘﭖ ﻛﯜﻧﯩﮕﻪ 17 ﺩﯨﻦ ﺗﻮﻏﺮﺍ ﻛﻪﻟﮕﻪﻥ.

ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺩﻭﻛﺘﯘﺭ ﻣﯘﻫﻪﻣﻤﻪﺕ ﺋﯩﻤﯩﻦ ﺩﻭﺧﺘﯘﺭ، ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻚ ﻫﻪﻗﻘﯩﺪﻩ ﻣﯘﺋﻪﻳﻴﻪﻥ ﭼﯜﺷﻪﻧﭽﻪ ﺑﯧﺮﯨﭗ ﺋﯚﺗﺘﻰ ﯞﻩ ﻛﯧﺴﻪﻟﻠﯩﻜﯩﻨﯩﯔ ﻳﯘﻗﯘﺵ ﻳﻮﻟﻠﯩﺮﻯ ﺋﯜﺳﺘﯩﺪﻩ ﺗﻮﺧﺘﺎﻟﺪﻯ. ﺋﯘ ﻳﻪﻧﻪ، ﻛﯧﺴﻪﻟﻠﯩﻜﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺟﻪﻫﻪﺗﺘﻪ ﺗﻮﺧﺘﯩﻠﯩﭗ، ﮔﻪﺭﭼﻪ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﺩﯨﻦ ﻣﯘﺗﻠﻪﻕ ﻣﯘﺩﺍﭘﯩﺌﻪ ﻛﯚﺭﯛﺵ ﻣﯘﻣﻜﯩﻨﭽﯩﻠﯩﻜﻰ ﺑﻮﻟﻤﯩﻐﺎﻥ ﺗﻪﻗﺪﯨﺮﺩﯨﻤﯘ، ﻳﯘﻗﯘﻣﻠﯘﻕ ﻛﯧﺴﻪﻟﻠﻪﺭﻧﯩﯔ ﻳﯘﻗﯘﻡ ﺋﻪﻫﯟﺍﻟﯩﻨﻰ ﺗﯚﯞﻩﻧﻠﻪﺗﻜﯩﻠﻰ ﺑﻮﻟﯩﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺩﻭﻛﺘﯘﺭ ﻣﯘﻫﻪﻣﻤﻪﺕ ﺋﯩﻤﯩﻦ ﺩﻭﺧﺘﯘﺭ، ﻫﺎﺯﯨﺮ ﺧﯩﺘﺎﻳﺪﯨﻜﻰ ﺋﺎﻟﺪﯨﻨﻰ ﺋﯧﻠﯩﺶ ﻣﯘﻣﻜﯩﻨﭽﯩﻠﯩﻜﻰ ﺑﻮﻟﻐﺎﻥ ﺑﯩﺮ ﻗﯩﺴﯩﻢ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﺎﻣﺮﺍﭖ ﻛﯧﺘﯩﺸﯩﺪﻩ ﺧﯩﺘﺎﻳﺪﺍ ﯞﺍﻛﺴﯩﻨﺎ ﺋﻪﻣﻠﻪﺵ ﺋﯩﺸﻠﯩﺮﯨﻨﯩﯔ ﺳﯩﺴﺘﯧﻤﯩﻠﯩﻖ ﺑﻮﻟﻤﺎﺳﻠﯩﻘﻰ، ﺋﻮﻟﭽﻪﻣﻠﯩﻚ، ﺳﯜﭘﻪﺗﻠﯩﻚ ﯞﺍﻛﺴﯩﻨﯩﻨﯩﯔ ﺋﯩﺸﻠﯩﺘﯩﻠﻤﻪﺳﻠﯩﻜﻰ ﯞﻩ ﻳﺎﻛﻰ ﺋﯩﺸﻠﯩﺘﯩﻠﮕﻪﻥ ﺗﻪﻗﺪﯨﺮﺩﯨﻤﯘ، ﯞﺍﻗﺘﻰ ﺋﯚﺗﯜﭖ ﻛﻪﺗﻜﻪﻥ، ﺳﯜﭘﯩﺘﻰ ﺋﯚﺯﮔﻪﺭﮔﻪﻥ ﯞﺍﻛﺴﯩﻨﯩﻠﯩﺮﯨﻨﯩﯔ ﺋﯩﺸﻠﯩﺘﯩﻠﯩﺸﯩﻨﯩﯖﻤﯘ ﻣﯘﺋﻪﻳﻴﻪﻥ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ. (ﺟﯜﻣﻪ)