ﺧﯩﺘﺎﻳﺪﯨﻜﻰ ﺳﺎﻗﭽﯩﻼﺭﻏﺎ ﻗﺎﺭﺷﻰ ﺯﻭﺭﺍﯞﺍﻧﻠﯩﻖ ﯞﻩﻗﻪﻟﻪﺭﻧﯩﯔ ﻛﯚﭘﯩﻴﯩﺸﯩﮕﻪ ﻧﯧﻤﻪ ﺳﻪﯞﻩﺑﭽﻰ؟
2005-10-28
"ﺑﯧﻴﺠﯩﯔ ﻛﻪﭼﻠﯩﻚ ﮔﯧﺰﯨﺘﻰ" ﺳﺎﻗﭽﯩﻼﺭﻏﺎ ﻗﺎﺭﺷﻰ ﺯﻭﺭﺍﯞﺍﻧﻠﯩﻖ ﺩﯨﻠﻮﻻﺭﻧﯩﯔ ﻛﯚﭘﯩﻴﯩﺸﯩﮕﻪ ﻧﯧﻤﻪ ﺳﻪﯞﻩﺑﭽﻰ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﻳﯜﺯﮔﯜﺯﮔﻪﻥ ﻣﯘﻻﻫﯩﺰﯨﺴﯩﺪﻩ، ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﯞﯗ ﺧﯧﭙﯩﯔ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ "ﺟﻪﻣﺌﯩﻴﻪﺗﺘﻪ ﺷﻪﺧﺴﻠﻪﺭﻧﯩﯔ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺋﯧﯖﯩﻨﯩﯔ ﺋﯚﺳﯜﺷﻰ ﻫﻪﺩﺩﯨﺪﯨﻦ ﺗﯧﺰ ﺑﻮﻟﯘﭖ، ﺋﯩﺪﺍﺭﻩ ﻗﯩﻠﯩﺸﻘﺎ ﺑﻮﻳﺴﯘﻧﻤﺎﺳﻠﯩﻘﻨﯩﯔ ﺋﯧﻐﯩﺮﻟﯩﺸﯩﺸﻰ" ﺳﺎﻗﭽﯩﻼﺭﻏﺎ ﻗﺎﺭﺷﻰ ﺯﻭﺭﺍﯞﺍﻧﻠﯩﻖ ﯞﻩﻗﻪﻟﻪﺭﻧﯩﯔ ﻛﯚﭘﯩﻴﯩﺸﯩﺪﯨﻜﻰ ﺋﺎﻟﺪﯨﻨﻘﻰ ﺳﻪﯞﻩﺏ ﻗﯩﻠﯩﭗ ﻛﯚﺭﺳﯩﺘﯩﻠﮕﻪﻥ.
ﺳﻪﯞﻩﺑﻨﻰ ﻛﯩﺸﯩﻠﻪﺭﻧﯩﯔ ﻫﻮﻗﯘﻕ ﺋﯧﯖﯩﻨﯩﯔ ﻛﯜﭼﯩﻴﯩﺸﯩﮕﻪ ﺋﺎﺭﺗﯩﺶ ﺗﻮﻏﺮﺍ ﺋﻪﻣﻪﺱ
ﮔﯜﻳﺠﯘﯞﺩﺍ ﺗﯘﺭﯗﺷﻠﯘﻕ ﭘﺎﺋﺎﻟﯩﻴﻪﺗﭽﻰ ﯞﻩ ﺋﯩﺨﺘﯩﻴﺎﺭﯨﻲ ﻳﺎﺯﻏﯘﭼﻰ ﺯﯨﯔ ﻧﯩﯖﻨﯩﯔ ﺑﯩﻠﺪﯛﺭﯛﺷﯩﭽﻪ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ، ﻫﻪﻗﯩﻘﻪﺗﻪﻥ ﺧﯩﺘﺎﻱ ﺟﻪﻣﺌﯩﻴﯩﺘﯩﺪﻩ ﻛﯩﺸﯩﻠﻪﺭﻧﯩﯔ ﺋﯚﺯ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺋﯧﯖﻰ ﺗﯧﺰ ﺋﺎﺷﻘﺎﻥ. ﺑﯩﺮﺍﻕ ﺑﯘ ﺑﯩﺮ ﻳﺎﺧﺸﻰ ﺋﯩﺶ ﺑﻮﻟﯘﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺳﺎﻗﭽﯩﻼﺭﻏﺎ ﻫﯘﺟﯘﻡ ﻗﯩﻠﯩﺶ ﯞﻩﻗﻪﻟﯩﺮﯨﻨﯩﯔ ﻛﯚﭘﯩﻴﯩﺶ ﺳﻪﯞﻩﺑﯩﻨﻰ ﭘﯘﻗﺮﺍﻻﺭﻧﯩﯔ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺋﯧﯖﯩﻨﯩﯔ ﻛﯜﭼﯩﻴﯩﺸﯩﮕﻪ ﺋﺎﺭﺗﯩﺶ ﻣﯘﯞﺍﭘﯩﻖ ﺋﻪﻣﻪﺱ ﺋﯩﻜﻪﻥ. ﺋﯘ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﻩﻳﺪﯗ:
"ﺧﯩﺘﺎﻱ ﺟﻪﻣﺌﯩﻴﯩﺘﯩﺪﻩ ﭘﯘﻗﺮﺍﻻﺭ، ﺩﯙﻟﻪﺕ ﯞﻩ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﻫﻪﺭ ﺯﺍﻣﺎﻥ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﺍﺵ ﺋﯩﻬﺘﯩﻤﺎﻟﻠﯩﻘﻰ ﻳﯘﻗﯩﺮﻯ ﺑﯩﺮ ﺋﺎﺟﯩﺰ ﺋﻮﺭﯗﻧﺪﺍ. ﺑﯘﻧﺪﺍﻕ ﺷﺎﺭﺍﺋﯩﺘﺘﺎ، ﭘﯘﻗﺮﺍﻻﺭﻧﯩﯔ ﻫﻮﻗﯘﻕ ﻗﻮﻏﺪﺍﺵ ﺋﯧﯖﯩﻨﯩﯔ ﻛﯜﭼﯩﻴﯩﺸﻰ ﺑﯩﺮ ﻳﺎﺧﺸﻰ ﺋﯩﺶ ﻫﯧﺴﺎﺑﻠﯩﻨﯩﺪﯗ. ﺋﻪﻣﻤﺎ ﻫﺎﺯﯨﺮ ﺧﯩﺘﺎﻳﺪﯨﻜﻰ ﺑﯩﺮ ﻗﯩﺴﯩﻢ ﺋﯩﻠﻤﯩﻲ ﺧﺎﺩﯨﻤﻼﺭ ﺟﻪﻣﺌﯩﻴﻪﺕ ﺗﻮﻗﯘﻧﯘﺷﯩﻨﯩﯔ ﺋﯚﺗﻜﯜﺭﻟﯩﺸﯩﺸﻰ ﯞﻩ ﺷﯘﻧﺪﺍﻗﻼ ﺑﯘﻧﯩﯖﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺳﺎﻗﭽﯩﻼﺭﻏﺎ ﻫﯘﺟﯘﻡ ﻗﯩﻠﯩﺶ ﺩﯨﻠﻮﻟﯩﺮﯨﻨﯩﯔ ﻛﯚﭘﯩﻴﯩﺸﯩﻨﻰ ﺧﺎﺗﺎ ﻫﺎﻟﺪﺍ ﻛﯩﺸﯩﻠﻪﺭﻧﯩﯔ ﻫﻮﻗﯘﻕ ﺋﯧﯖﯩﻨﯩﯔ ﻛﯜﭼﯩﻴﯩﺸﯩﮕﻪ ﺋﺎﺭﺗﯩﭗ ﻗﻮﻳﯘﯞﺍﺗﯩﺪﯗ".
ﺳﻪﯞﻩﭖ ﺳﺎﻗﭽﯩﻼﺭﻧﯩﯔ ﻗﺎﻧﯘﻧﻨﻰ ﺋﯩﺠﺮﺍ ﻗﯩﻠﯩﺸﯩﻨﯩﯔ ﺗﻮﻏﺮﺍ ﺑﻮﻟﻤﺎﺳﻠﯩﻘﯩﺪﺍ
ﺯﯨﯔ ﻧﯩﯖﻨﯩﯔ ﻳﻪﻧﻪ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻳﺪﺍ ﺳﺎﻗﭽﯩﻼﺭﻧﯩﯔ ﻗﺎﻧﯘﻥ ﺋﯩﺠﺮﺍ ﻗﯩﻠﯩﺶ ﻫﻮﻗﯘﻗﻰ ﺟﻪﻫﻪﺗﺘﯩﻜﻰ ﻗﺎﻧﯘﻥ ﻣﯘﻛﻪﻣﻤﻪﻝ ﺋﻪﻣﻪﺱ ﺑﻮﻟﯘﭖ، ﺳﺎﻗﭽﯩﻼﺭ ﻗﺎﻧﺪﺍﻕ ﺷﺎﺭﺍﺋﯩﺘﺘﺎ ﻣﻪﺟﺒﯘﺭﯨﻲ ﯞﺍﺳﺘﯩﻼﺭﻧﻰ ﻗﻮﻟﻠﯩﻨﺎﻻﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯧﻨﯩﻖ ﺑﯩﺮ ﺑﻪﻟﮕﯩﻠﯩﻤﻪ ﻳﻮﻕ ﺋﯩﻜﻪﻥ. ﺋﻪﻣﻤﺎ ﺋﯘ ﺑﯘ ﺳﻪﯞﻩﺑﻤﯘ ﺧﯩﺘﺎﻳﺪﯨﻜﻰ ﺳﺎﻗﭽﯩﻼﺭﻏﺎ ﻫﯘﺟﯘﻡ ﻗﯩﻠﯩﺶ ﯞﻩﻗﻪﻟﯩﺮﯨﻨﯩﯔ ﻛﯚﭘﯩﻴﯩﺸﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺏ ﺋﻪﻣﻪﺳﻠﯩﻜﯩﻨﻰ، ﺋﻪﯓ ﺋﺎﺳﺎﺳﻠﯩﻖ ﺳﻪﯞﻩﺑﻨﯩﯔ ﺑﯩﺮ ﻗﯩﺴﯩﻢ ﺳﺎﻗﭽﯩﻼﺭﻧﯩﯔ ﻗﺎﻧﯘﻥ ﺋﯩﺠﺮﺍ ﻗﯩﻠﯩﺶ ﺟﻪﺭﻳﺎﻧﯩﻨﯩﯔ ﺗﻮﻏﺮﺍ ﺑﻮﻟﻤﺎﺳﻠﯩﻘﻰ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ:
"ﺧﯩﺘﺎﻳﺪﺍ ﻫﻪﻗﯩﻘﻪﺗﻪﻥ ﺳﺎﻗﭽﯩﻼﺭﻧﯩﯔ ﺳﺎﭘﺎﺳﻰ ﺗﯚﯞﻩﻥ ﺑﻮﻟﻐﺎﻧﻠﯩﻘﺘﯩﻦ، ﻗﺎﻧﯘﻧﻨﻰ ﺋﯩﺠﺮﺍ ﻗﯩﻠﯩﺶ ﺟﻪﺭﻳﺎﻧﯩﺪﺍ، ﺋﺎﺩﺩﻯ، ﻗﻮﭘﺎﻝ ﯞﻩ ﻳﺎﯞﯗﺯﻻﺭﭼﻪ ﯞﺍﺳﺘﯩﻠﻪﺭﻧﻰ ﻗﻮﻟﻠﯩﻨﯩﺪﯗ. ﺑﯘﻧﺪﺍﻕ ﻳﺎﯞﯗﺯ ﯞﻩ ﺯﻭﺭﺍﯞﺍﻥ ﻗﺎﻧﯘﻧﻨﻰ ﺋﯩﺠﺮﺍ ﻗﯩﻠﯩﺶ ﯞﺍﺳﺘﯩﻠﯩﺮﻯ ﻛﯚﭖ ﻫﺎﻟﻼﺭﺩﺍ ﺯﯨﺪﺩﯨﻴﻪﺗﻨﯩﯔ ﺗﯧﺨﯩﻤﯘ ﺋﯚﺗﻜﯜﺭﻟﯩﺸﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﺋﺎﺳﺎﺳﻠﯩﻖ ﺳﻪﯞﻩﺏ".
ﺯﯨﯔ ﻧﯩﯔ ﻳﻪﻧﻪ، ﺳﺎﻗﭽﻰ ﯞﻩ ﺧﻪﻟﻖ ﺋﻮﺗﺘﯘﺭﯨﺴﯩﺪﺍ ﺯﯨﺪﺩﯨﻴﻪﺗﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﯟﺍﺗﻘﺎﻥ ﺧﯩﺘﺎﻳﻨﯩﯔ ﺗﯜﺯﯛﻟﻤﯩﺴﯩﺪﯨﻜﻰ ﭼﻮﯕﻘﯘﺭ ﻗﺎﺗﻼﻣﺪﯨﻜﻰ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﻤﯩﻐﯩﭽﻪ، ﺳﺎﻗﭽﯩﻼﺭﻧﯩﯔ ﺟﺎﺑﺪﯗﻗﻠﯩﺮﯨﻨﻰ ﻳﺎﺧﺸﯩﻠﯩﻐﺎﻥ ﺑﯩﻠﻪﻧﻤﯘ، ﺳﺎﻗﭽﯩﻼﺭﻧﯩﯔ ﺯﻭﺭﺍﯞﺍﻧﻠﯩﻖ ﻫﻮﺟﯘﻣﻐﺎ ﺋﯘﭼﺮﺍﺵ ﺋﻪﻫﯟﺍﻟﯩﻨﻰ ﻳﺎﺧﺸﯩﻠﯩﻐﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
ﺋﯘﻳﻐﯘﺭ ﺋﯧﻠﯩﺪﻩ ﺧﻪﻟﻘﻨﯩﯔ ﻳﯜﺭﯨﻜﻰ ﻣﯘﺟﯘﻟﻐﺎﻥ
ﺋﯩﻠﮕﯩﺮﻯ ﺋﯘﻳﻐﯘﺭ ﺋﯧﻠﯩﺪﻩ ﺋﯘﺯﯗﻥ ﻳﯩﻞ ﺳﺎﻗﭽﻰ ﺑﻮﻟﯘﭖ ﺋﯩﺸﻠﯩﮕﻪﻥ ﮔﻮﻟﻼﻧﺪﯨﻴﯩﺪﯨﻜﻰ ﺑﻪﺧﺘﯩﻴﺎﺭ ﺋﻪﭘﻪﻧﺪﻯ، ﺑﯘ ﻫﻪﻗﺘﻪ ﺗﻮﺧﺘﯩﻠﯩﭗ، ﮔﻪﺭﭼﻪ ﺋﯘﻳﻐﯘﺭ ﺋﯧﻠﯩﺪﻩ 1995- ﻳﯩﻠﺪﯨﻦ ﻛﯧﻴﯩﻦ ﺧﯩﺘﺎﻳﻨﯩﯔ ﺩﺍﻗﭽﻰ ﺩﺍﺋﯩﺮﯨﻠﯩﺮﯨﮕﻪ ﻗﺎﺭﺷﻰ ﻫﻪﺭﯨﻜﻪﺗﻠﻪﺭ ﻳﯜﺯ ﺑﻪﺭﮔﻪﻥ ﺑﻮﻟﺴﯩﻤﯘ، ﺋﯘﻻﺭﻧﯩﯔ ﺧﯩﺘﺎﻳﻨﯩﯔ ﻗﺎﻧﻠﯩﻖ ﺑﺎﺳﺘﯘﺭﯗﺷﯩﻐﺎ ﺋﯘﭼﺮﯨﻐﺎﻧﻠﯩﻘﻰ، ﺑﯘﻧﯩﯔ ﺑﯩﻠﻪﻥ ﺧﻪﻟﻘﻨﯩﯔ ﻳﯜﺭﯛﻛﯩﻨﯩﯔ ﻣﯘﺟﯘﻟﯘﭖ ﻛﻪﺗﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.
ﺋﯘﻧﯩﯔ ﺋﯧﻴﺘﯩﺸﯩﭽﻪ، ﺳﺎﻗﭽﯩﻼﺭﻏﺎ ﻗﺎﺭﯨﺘﯩﻠﻐﺎﻥ ﻫﯘﺟﯘﻣﻼﺭﻧﯩﯔ ﻛﯚﭘﯩﻴﯩﺸﯩﺪﯨﻜﻰ ﺋﻪﯓ ﻣﯘﻫﯩﻢ ﺳﻪﯞﻩﺏ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻣﯘﺳﺘﻪﺑﯩﺖ ﻫﯚﻛﯜﻣﺮﺍﻧﻠﯩﻘﻰ ﺧﻪﻟﻘﻨﻰ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺸﻜﻪ ﻣﻪﺟﺒﯘﺭﻟﯩﻐﺎﻥ. ﺋﯘ ﻣﯘﻧﺪﺍﻕ ﺩﻩﻳﺪﯗ:
"ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺭﯦﺠﯩﻤﻰ، ﺧﻪﻟﻘﻘﻪ ﺑﻮﻟﻐﺎﻥ ﺋﯧﻐﯩﺮ ﺑﯧﺴﯩﻤﻰ ﺋﯩﺸﯩﭗ ﻛﻪﺗﻜﻪﻧﻠﯩﻜﺘﯩﻦ، ﺧﻪﻟﻖ ﺋﯘﻧﯩﯖﻐﺎ ﭼﯩﺪﯨﻤﯩﻐﺎﻧﻠﯩﻘﺘﯩﻦ، ﻳﻪﻧﻰ ﭘﯩﭽﺎﻕ ﺳﯚﯕﻪﻛﻜﻪ ﻳﻪﺗﻜﻪﻧﻠﯩﻜﺘﯩﻦ، ﺟﻪﻣﺌﯩﻴﻪﺗﺘﻪ ﺧﯩﺘﺎﻱ ﺳﺎﻗﭽﯩﻠﯩﺮﯨﻐﺎ ﻗﺎﺭﺷﻰ ﻫﻪﺭﯨﻜﻪﺗﻠﻪﺭ ﻳﯜﺯ ﺑﯧﺮﯨﯟﺍﺗﯩﺪﯗ ﺩﻩﭖ ﻗﺎﺭﺍﻳﻤﻪﻥ".
ﺧﻪﺗﻪﺭﻟﯩﻚ ﺳﯩﮕﻨﺎﻝ
ﺋﺎﻣﯧﺮﯨﻜﯩﺪﯨﻜﻰ ﺧﯩﺘﺎﻱ ﺗﯩﻠﯩﺪﺍ ﭼﯩﻘﯩﺪﯨﻐﺎﻥ "ﻛﯩﺸﯩﻠﯩﻚ ﻫﻮﻗﯘﻕ" ﮊﻭﺭﻧﯩﻠﯩﻨﯩﯔ ﺗﻪﻫﺮﯨﺮﻯ ﻳﻰ ﭘﯩﯔ ﺋﻪﭘﻪﻧﺪﻯ، ﺋﻪﮔﻪﺭ ﺳﺎﻗﭽﯩﻼﺭﻏﺎ ﻫﯘﺟﯘﻡ ﻗﯩﻠﯩﺶ ﯞﻩﻗﻪﻟﯩﺮﻯ ﻣﯘﺷﯘﻧﺪﺍﻕ ﻛﯚﭘﯩﻴﯩﯟﻩﺭﺳﻪ، ﺑﯘﻧﯩﯔ ﺑﯩﺮ ﺧﻪﺗﻪﺭﻟﯩﻚ ﺳﯩﮕﻨﺎﻝ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ:
"ﺋﻪﮔﻪﺭ ﺳﺎﻗﭽﯩﻼﺭﻏﺎ ﻫﯘﺟﯘﻡ ﻗﯩﻠﯩﺶ ﺋﻪﻫﯟﺍﻟﻰ ﺋﻮﻣﯘﻣﻴﯜﺯﻟﯜﻙ ﻳﯜﺯ ﺑﯧﺮﯨﺪﯨﻐﺎﻥ ﺋﻪﻫﯟﺍﻟﻐﺎ ﺋﺎﻳﻠﯩﻨﯩﭗ ﻗﺎﻟﺴﺎ، ﺋﯘ ﻫﺎﻟﺪﺍ ﺑﯘ ﺧﯩﺘﺎﻳﻨﯩﯔ ﻗﺎﻧﯘﻥ ﺗﻪﺭﺗﯩﭙﯩﻨﯩﯔ ﮔﯜﻣﺮﺍﻥ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ. ﺩﯙﻟﻪﺗﻨﯩﯔ ﻗﺎﻧﯘﻧﻨﻰ ﺋﯩﺠﺮﺍ ﻗﯩﻠﯩﺶ ﺋﯩﻘﺘﯩﺪﺍﺭﻯ ﺑﻮﻟﻤﯩﺴﺎ، ﺋﯘ ﻫﺎﻟﺪﺍ ﺟﻪﻣﺌﯩﻴﻪﺗﺘﻪ ﺋﺎﺩﯨﻠﻠﯩﻖ ﺑﻮﻟﻤﺎﻳﺪﯗ. ﺧﻪﻟﻘﻨﯩﯔ ﺋﻪﺭﺯﯨﻨﻰ ﺋﯧﻴﺘﯩﺪﯨﻐﺎﻥ ﻳﯧﺮﻯ ﺑﻮﻟﻤﯩﻐﺎﻧﺪﯨﻦ ﻛﯧﻴﯩﻦ، ﺋﯘﻻﺭ ﺋﺎﺧﯩﺮﻯ ﺯﻭﺭﺍﯞﺍﻧﻠﯩﻘﻨﻰ ﺗﺎﻟﻼﻳﺪﯗ. ﺧﯩﺘﺎﻳﺪﺍ ﭼﯩﺮﯨﻜﻠﯩﻚ ﺷﯘﻧﭽﯩﻠﯩﻚ ﺋﯧﻐﯩﺮ، ﭘﯘﻗﺮﺍﻻﺭﻧﯩﯔ ﻳﯧﺮﯨﻨﻰ ﻗﺎﻻﻳﻤﯩﻘﺎﻥ ﺗﺎﺭﺗﯩﯟﯦﻠﯩﺶ، ﻣﻪﺟﺒﯘﺭﯨﻲ ﻛﯚﭼﯜﺭﯛﺵ ﺋﻪﻫﯟﺍﻟﻠﯩﺮﻯ ﻛﯚﭖ، ﻫﻪﻗﺴﯩﺰ ﺋﯩﺸﻼﺭ ﻛﯚﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﭘﯘﻗﺮﺍﻻﺭﻧﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﺎﻳﺪﯗ ﺋﻪﻟﯟﻩﺗﺘﻪ".
ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻳﻪﻧﻪ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﯩﺪﯨﻜﻰ ﺑﯩﺮ ﻣﻪﺳﺌﯘﻝ ﺧﺎﺩﯨﻢ، ﺧﯩﺘﺎﻳﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ "ﻳﺎﻣﺎﻥ ﻏﻪﺭﻩﺯ ﺑﯩﻠﻪﻥ ﺧﻪﻟﻖ ﺳﺎﻗﭽﯩﻠﯩﺮﯨﻐﺎ ﺗﯚﻫﻤﻪﺕ ﭼﺎﭘﻼﻳﺪﯨﻐﺎﻥ، ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺪﯨﻐﺎﻥ ﺋﻪﺭﺯﻟﻪﺭ ﺑﺎﺭﻏﺎﻧﺴﯩﺮﻯ ﻛﯚﭘﻪﻳﻤﻪﻛﺘﻪ" ﺩﻩﭖ ﻛﯚﺭﺳﻪﺗﻜﻪﻥ. ﺋﻪﻣﻤﺎ ﺯﯨﯔ ﻧﯩﯔ ﺋﻪﭘﻪﻧﺪﻯ، ﻛﯚﭖ ﻫﺎﻟﻼﺭﺩﺍ، ﺳﺎﻗﭽﯩﻼﺭ ﺋﯜﺳﺘﯩﺪﯨﻦ ﺋﻪﺭﺯ ﺳﯘﻧﯘﻟﯘﺷﺘﺎ ﺑﯩﺮﻩﺭ ﺳﻪﯞﻩﺏ ﺑﺎﺭ ﺑﻮﻟﯘﭖ، ﺑﯘﻧﺪﺍﻕ ﺋﻪﺭﺯﻟﻪﺭﻧﯩﯔ ﻛﯚﭖ ﻗﯩﺴﻤﯩﻨﻰ ﺗﯚﻫﻤﻪﺕ ﭼﺎﭘﻼﺵ ﺩﯨﻴﯩﻠﺴﻪ، ﺋﺎﺩﯨﻠﻠﯩﻖ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. (ﺋﺎﺭﺯﯗ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
